القائمة الرئيسية

الصفحات

رواية قلبي ليس بيدي الفصل التاسع والسابعون 79 بقلم حسناء مصطفي

  رواية قلبي ليس بيدي الفصل التاسع والسابعون 79 بقلم حسناء مصطفي

 رواية قلبي ليس بيدي الفصل التاسع والسابعون 79 بقلم حسناء مصطفي

 رواية قلبي ليس بيدي الفصل التاسع والسابعون 79 بقلم حسناء مصطفي

جاك: اي دا!!
شوفت الفيديو اتصدمت.. احيييييه... دانا هتنفخ..
جاكي: اي دا
🙂
..
جاك: انا اللي بسأل.. اي دا!
جاكي: احم.. هفهمك..
جاك: تمام..
جاكي: استنى بس والله هفهمك..
بصيت لقيته قفل ومردش..
رنيت عليه مردش... فضلت ارن لحد مارد..
جاكي: اسمعني والله هفهمك..
جاك:......
جاكي: هعع.. طب بص.. انا اسفه..
جاك:......
جاكي: والله العظيم احنا كنا بنتمشى بس.. وبعدين كان في عيل بيلعب كوره فقو.... الو الو..
قفل ف وشي... رنيت تاني بس لقيته قفل الفون...
اوووف.. ياربي.. اكيد هيفضل مخاصمني كدا كتير... منك لله ياوجه الكلب ياندى... منك لله ياشيخه...
نزلت لقيتها قاعده مع محمد...
جاكي: ايوا اقعدي كدا وسيبيني انا ف المصيبه دي لوحدي..
ندى: في اي..
طلعت الفون ووريتها الفيديو..
ندى: نعم!!!... ازاي دا!
جاكي: معرفش... يالهووووووي... هيموتني منك لله..
ندى: وانا اشعرفني..
محمد: في اي..
ندى: ها.. لا مفيش..
جاكي: لا في.. اشمعنى انا اتنفخ لوحدي.. خليه ينفخك معايا..
ندى: جاكي لا.. طب استأذن انا بقاا..
محمد: اقفي مكانك..
ندى: ابويا كان بيرن يانهااار ابي...
محمد: اقفي مكانك ياندى..
خد مني الفون وشاف الفيديو..
محمد: وحياة امك انتي وهي!!
جاكي: هفهمك..
ندى: ايوا هي هتفهمك..
محمد: اي دا.. اي داااا... اي دا يااكبر بلوتين دخلوا حياتي..
جاكي: مانا هقولك.. احنا كنا بنتمشى عادي والله... راحت المزغوده دي لقت ولد بيلعب كوره راحت جابتها منه وخلتني لعبت معاها..
ندى: محصلش..
جاكي: والله حصل.. وبعدين ياقلبي انت.. انت عارف انا محترمه ومليش ف الكلام دا..
ندى: يابنت الندله..
محمد: كان في خرزانه هنا..
جاكي: يختااااي..
طلعنا نجري ف الجنينه وهو جاب الخرزانه وجه ورانا..
جاكي: يبرووو غلط كدا والله..
محمد: انتي جاك هيعمل منك محشي بس اصبري..
جاكي: طب مش كفايه عليا جاك!!.. هتبقى انت وهو!
محمد: طب تعالوا مش هعملكوا حاجه..
ندى: روحي ياجاكي..
جاكي: وانا مالي ياختي..
محمد: هتيجوا ولا اجي انا!!
جاكي: طب.. طب ارمي البتاعه دي..
محمد: رميتها اهو.. تعالوا بقاا..
قربنا منه بالراحه..
جاكي: ولاااا احنا شرشوحتين قد الدنيا.. ميغركش يعني..
ندى: ايون حصل..
قربلنا بغضب..
جاكي: طب بص.. بص هقولك حاجه..
محمد: بتلعبوا كوره ف الشارع والناس بتتفرج عليكوا... انتوا صغيرين!!... ليلتكوا سودا والله..
جاكي: اي دا بص العصفوره... اجري ابت..
طلعنا نجري ع اوضتي وقفلنا الباب...
محمد: وحياة امك انتي وهي ماهمشي.. خليني قاعدلكوا هنا...
جاكي: يامحمد خلاص بقاا.. مش كفايه جاك..
محمد: طب طلعيلي ندى اعلمها الادب وانتي نصيبك هتاخديه لما جاك ييجي..
ندى بشرشحه: تعلم مين الادب ياباااااا.... وحد قالك اني قليلة ادب!!!... داناااا اجيبك نصين يامحمد... ميغركش عضلاتك دي..
محمد: طب لو ابوكي راجل اطلعي..
ندى: لا انا بهزر عادي.. انت قفوش ليه..
محمد: ماشي... ماشي ياشوية مجانين.. وانتي ياندى متكلمنيش تاني.. ومفيش جواز... دانا بلبس نفسي مصيبه.. جاتكوا القرف..
ندى: قرف يقرفك...
مشي واحنا قعدنا...
جاكي: عاجبك كدا!!!
ندى: وانا اشعرف امي ان حد هيصورنا... انا لعبت عادي بعفويه كدا..
جاكي: محمد سهل... محمد طبعه حلو وهتقدري تخليه ميزعلش.. انما جاك هيموتني والله... ياختاااااي... هروح اقعد جنبك ياماااا...
ندى: طب كلميه كدا..
جاكي: قفل تليفونه ياوش الفقر..
ندى: طب استني اكلمه انا..
جاكي: اي يارب الغباء دا!!!... يعني وش فقر وكمان غبيه... يابت قافل تليفونه.. يعني مش هتعرفي تكلميه انتي كمان ياهبله...
ندى: تصدقي صح.. طب هنعمل اي..
جاكي: استني بقاا لما ييجي يطلقني وابقي خديني معاكي وانتي مروحه..
ندى: ع فكره جاك عسول خالص وبيحبك قوي وهيصالحك ع طول..
جاكي: اسكتي..اسكتي ياندى... دانا لما بعمل حاجه غلط واجي اقف قدامه قلبي بيبقى هيخرج من مكانه.. اسكتي... نظرته لوحدها مرعبه... يالهوي ع بنتك اللي هتطلق بدري يامااا...
ندى: يابت اسكتي بقاا.. بتندبي ع اي.. مش هتوصل للدرجادي.. اوعي كدا خليني انام...
جاكي: اي دا يارب.. جبله!!... انتي جبله يابت!!... ايوا مانتي مش متجوزه... اما انا اللي هروح ف داهيه.. اتخمدي وسيبيني انا ف مصيبتي دي..
دخلت البلكونه وفضلت ارن عليه بس فونه مقفول..
ـــــــــــــــــــــــــــــــــــــــــــــــــــــــــــــــ
ـ انتي اتجننتي ياشهد!!.. انتي عايزاني اشارك معاكي ف دا!!
شهد: والله براحتك ياماما.. يااما هتخسريني للابد..
ـ يابنتي مش هتعرفي توصلي لحاجه وهتعملي مشاكل ع الفاضي.. وابوكي مش هيوافق..
سلمى: لا مش هتعمل مشاكل.. وافقي انتي بس.. انتي اللي هتعرفي تنفذي كل حاجه..
ـ ماشي.. امري لله..
شهد: اشطا.. روحي بقاا اعملي اللي قولتلك عليه...
ـــــــــــــــــــــــــــــــــــــــــــــــــــــــــــــــ
جاك: تمام.. كدا اتفقنا ع كل حاجه..
ـ تمام مسيو جاك.. بس هو حضرتك ناوي تطول هنا!
جاك: لا هما يومين وهرجع.. الشغل خلص بسرعه..
ـ تمام وانا جهزت الورق اللي حضرتك طلبته مني..
جاك: امم.. متشكر جدا..
ـ عن اذنك يافندم...
سابه ومشي وهو خلص شغل ورجع الاوتيل..
مايا: مالك..
جاك: مفيش..
مايا: شكلك متضايق..
جاك: مصدع شويه... هطلع انام..
ـــــــــــــــــــــــــــــــــــــــــــــــــــــــــــــــ
فضلت ارن وبردو مردش... دخلت لقيت ندى نايمه ع السرير وحاطه رجل ع رجل وبتلعب ف الفون..
جاكي: اقولك حاجه!.. الصحاب ف اجازه..
ندى: مش عارفه انتي واجعه دماغك ليه.. هيصالحك والله.. تعالي ننام ياشيخه وفكك..
جاكي: تفتكري!
ندى: ايون.. يلا..
دخلت غيرت وصليت وبعدين نمت وانا بفكر جاك بيه هيعمل فيا اي..
ــــــــــــــــــــــــــــــــــــــــــــــــــــ
صحيت مخضوضه ع صوت خناق تحت... نزلت بسرعه انا وندى لقيت راجل وشاب اول مره اشوفهم بيتخانقوا وصوتهم عالي..
جاكي: في اي..
شهد: مش هتجوزه.. مش بالعافيه هو..
ـ هتتجوزيه ورجلك فوق رقبتك.. امال هتدوري كدا!
شهد: بس انا مش عايزه اتجوز مصطفى يابابا.. مبحبوش...
فيروز: في اي.. طلاما هي مش موافقه.. الجواز مش بالعافيه يعني..
ـ خلاص دلوقتي ياخالد.. عيب كدا احنا ف بيوت ناس..
ـ ماشي.. بس عرفي بنتك دي انها هتتجوزه غصب عنها.. يلا يامصطفى...
الاتنين مشوا وكلنا واقفين مش فاهمين حاجه..
شهد: مش هتجوزه ياماما.. مليش دعوه..
ـ والله مابقيت عارفه المفروض اعمل اي..
فيروز: اشمعنى دا يعني اللي مصمم عليه كدا!
ـ ماهو دا ابن عمها.. وابوها واعد ابوه من زمان انها هتاخده..
جاكي: اي الهبل دا.. مش لازم يعني..
ـ دماغه وحشه ومبيسمعش لحد...
فيروز: روقي بس.. مش هيحصل حاجه ان شاء الله...
سيبتهم وطلعت فوق... رنيت ع جاك وبردو مردش...
ندى: مش بيرد بردو!
جاكي: لا..
ندى: شكلها قلبت جد ولا اي..
جاكي: لسه واخده بالك!
ندى: انا اسفه.. مكنتش اعرف ان كل دا هيحصل..
جاكي: هو لو يرد بس...
قضيت اليوم مع ندى وهما قاعدين تحت...
عدى اليومين دول وجاك لسه مبيردش ومفيش اي جديد...
مايا: كدا كل حاجه خلصت..
جاك: تمام.. بلغي الباقيين عشان يجهزوا..
مايا: يجهزوا ليه..
جاك: عشان نرجع..
مايا: احنا هنرجع ع طول كدا!
جاك: هنقعد نعمل اي.. مش الشغل خلص!
مايا: ماشي تمام..
جاكي: انا قلقانه عليه قوي.. حتى لو زعلان مني.. مينفعش ميكلمنيش كل دا..
ندى: معلش.. تلاقيه واخد ع خاطره بس..
جاكي: طب حتى يطمني هو كويس ولا لا..
ندى: بقولك اي.. ماتفكك من الحوار دا وتيجي معايا..
جاكي: اجي معاكي فين!
ندى: بفكر اعمل بيرسينج..
جاكي: مين ياختي!.. اي البتاع دا!!
ندى: مش عارفه يعني اي بيرسينج ياجي!!.. الطم!
جاكي: فهميني انا هعرف منين..
ندى: هلبس حلق ف مناخيري..
جاكي: عندها..
ندى: والله العظيم بيبقاا عظمههه... يلا بس..
جاكي: هو انا كان نفسي اجرب البتاع دا من زمان.. بس لا ياست اخاف..
ندى: تخافي من اي.. والله دا سهل جدا.. وهيبقى شكله حلو عليكي..
جاكي: لازم استأذن جاك الاول..
ندى: طب ماهو مبيردش..
جاكي: ع فكره انتي مش بتجيبيلي غير المصايب.. اسكتي بقاا..
ندى: هتندمي.. براحتك انا هروح..
جاكي: يابنتي بس بقاا.. خلينا عاقلين لحد مايرجع..
ندى: اي اللي وحش فيه مش فاهمه!
جاكي: ولما جاك يرجع ويقولي اي دا هقوله اي!
ندى: قوليله حبيت اعمل حاجه جديده.. انتي حره يابنتي..
جاكي: هيييح.. هتوديني ف داهيه انا عارفه..
ندى: هتيجي ولا امشي انا!
جاكي: استني هاجي معاكي يازفته..
قومت غيرت وروحت معاها...
ـــــــــــــــــــــــــــــــــــــــــــــــــــــــــــــــ
محمد: هي جي فين يافيزو!
فيروز: جي خرجت مع ندى..
محمد: تاني!!.. طب لما يرجعوا بقاا..
سلمى: بقولك اي يامحمد..
محمد: نعم..
سلمى: كنت عايزه اتكلم معاك ف حوار كدا.. تعالى نخرج الجنينه..
محمد: يلا...
ـــــــــــــــــــــــــــــــــــــــــــــــــــــــــــــ
ندى: شايفه الجمال..
جاكي: والمصحف جاك هينفخني..
ندى: طب والله عظمهه عليكي.. هيعجبه ع فكره..
جاكي: يلا طيب عشان اتأخرنا قوي..
ندى: طب نلف شويه..
جاكي: نلف اي يخربيتك.. انتي ناويه ع خراب بيتي شكلك.. سيبيني امشي ياست..
ندى: طب تعالي نتمشى لحد البيت..
جاكي: انتي عارفه المسافه قد اي!
ندى: عادي.. اهو نرغي ف اي حاجه...
جاكي: يلا طيب.. انجزي..
ـــــــــــــــــــــــــــــــــــــــــــــــــــــــــــــــ
فيروز: جاك!... حمدلله ع السلامه يابني..
جاك: الله يسلمك.. امال فين الباقيين..
فيروز: محمد اهو وجي خرجت مع ندى..
جاك: خرجت!
فيروز: ايوا.. في اي..
جاك: لا مفيش.. انا طالع اوضتي..
خد شنطته وطلع..
كان اليوم عدى اصلا واحنا لسه بره..
جاكي: مدي شويه اخرنا قوي..
ندى: ماحنا قايلين لفيروز ياجي..
جاكي: ياست انا مبحبش اعمل حاجه جاك مش عايزها..
ندى: وهو هيعرف منين!
جاكي: عرف منين اننا لعبنا كوره ف الشارع..
ندى: خلاص وصلنا اهو..
فونها رن
ندى: بصي انا هروح بقاا وابقاا ارجعلك تاني عشان بابا..
جاكي: لا خليكي..
ندى: بابا رن كتير.. هبقاا ارجعلك..
جاكي: ماشي..
دخلت بس مكنش في حد... طلعت اوضتي ولسه بفتح الباب لقيت جاك واقف وباصص من البلكونه..
جاكي بفرحه: جاك!!
لف وبصلي بملامح كلها جد..
جريت عليه وحضنته..
جاكي: وحشتني قوي.. كل دا ومتكلمنيش!
كان بيبصلي ببرود..
جاك: كنتي فين!
جاكي: احم.. طب طمني عليك الاول.. وبعدين انت رجعت بدري ليه..
جاك: كنتي فين..
جاكي: كنت بره..
جاك: واي اللي ف وشك دا!
جاكي: وحش!!.. يعني.. حبيت اغير..
بصلي بزعل وسابني ودخل..
جاكي: استنى طيب.. انا ممكن اشيله لو مش عاجبك..
جاك: انا تعبان وعايز انام..
جاكي: طب.. انت لسه زعلان مني!
جاك: تعبان.. وعايز انام.. اوعي..
غير هدومه وقفل النور ونام..
مرضتش اضغط عليه دلوقتي وسيبته ونزلت تحت..
فيروز: ايدك معايا ياجي عشان اعمل الاكل لجاك.. اكيد جعان.. اي دا.. اي اللي ف وشك دا..
جاكي: هو وحش يعني!!
فيروز: جاك مبيحبش الحاجات دي ياجي..
جاكي: احلفي..
فيروز: والله.. نور كانت عايزه تعمل كدا ورفض..
جاكي: اووف بقاا.. هو انا كل مااعمل حاجه تطلع غلط!
فيروز: تعالي اعملي معايا الاكل وبعدين نشوف الحاجات دي..
جاكي: حاضر..
فيروز: ماله.. شكله متضايق..
جاكي: لا هو تعبان شويه من السفر..
فيروز: لا شويه وهيرتاح خالص...
قعدنا نعمل الاكل وعدى حوالي ساعه ولقيته نزل..
جه وقف قدامنا ف المطبخ..
جاكي: تحب اعملك حاجه!
جاك: اعمليلي قهوه... ياشهد..
لسه هرد عليه لقيته قال اسم شهد.. استغربت...
جاكي: انا هعملك..
جاك: سمعتي ياشهد!
شهد: حاضر.. هعملها حالا..
بصلي شويه وطلع بره..
فيروز: اطلعي شوفي مزعله جوزك ف اي..
طلعت وراه لقيته قاعد ف الجنينه.. روحت قعدت قدامه..
جاكي: احم..
جاك:....
جاكي: احم احم..
جاك: عايزه اي..
جاكي: اني اسف..
جاك: ع اي!
جاكي: عشان انت زعلان مني..
جاك: يعني انتي بتعتذري عشان تراضيني بس... ولا عشان شايفه انك غلطانه!!
جاكي: امم.. الاتنين..
جاك: اعتذارك مش مقبول.. تقدري تقومي عشان مصدع وعايز اقعد لوحدي..
جاكي: طب اعمل اي عشان تسامحني!
جاك: متعمليش..
جاكي: مانا مش هسيبك زعلان مني كدا..
جاك: فارق معاكي!!..
جاكي: اكيد ياحبيبي انت...
جاك: متقوليش زفت.. لو فارق معاكي كنتي احترمتيني وصونتيني وانا غايب... مش ابقى مطحون ف الشغل وبشتغل ٢٤ ساعه ومش بنام عشان ارجعلك ع طول، وف الاخر يوصلي فيديو وانتي بتلعبي كوره ف الشارع وقدام الناس والشباب بتتفرج عليكي.. دا غير اني قولتلك مفيش خروج من البيت.. ومع ذلك خرجتي.. وكمان عرفتي اني اتضايقت، روحتي خرجتي تاني.. لدرجة اني ارجع ملاقيكيش... الاقيكي جايالي بالليل من بره وعامله زفت ف وشك... هو دا احترامك ليا!!
جاكي:......
جاك: طبعا مش هتردي.. عشان انتي عارفه انك غلطانه.. او مش لاقيه مبرر تسكتيني بيه.. اسمعي ياجي.. انا سبق وقولتلك ان خلقي ضيق وطبعي وحش.. نظامك انتي وندى دا مش هياكل معايا... لو هتفضلي كدا فمتلوميش غير نفسك..
انا عارف ان ندى هي صاحبة فكرة انكوا تخرجوا وتلعبوا كوره وتعملوا الزفت اللي ف وشك دا.. عشان كدا بقولك.. يا انا.. يا ندى..
جاكي: انت بتخيرني بينك وبين اختي!!
جاك: مش اختك.. لو كانت اختك فعلا مكانتش شجعتك انك تعملي حاجه من ورا جوزك... دا غير انك حره... تقدري تختاريها..
سابني ودخل وانا لفيت لقيت ندى واقفه...
جاكي: ندى.. ندى استني..
ركبت العربيه ومشت مرضتش تسمعني حتى...
دخلت ورا جاك..
فيروز: اطلعي هاتي جاك عشان ياكل..
جاكي: حاضر..
طلعت لقيته قاعد ف الضلمه ومتعصب...
روحت قعدت قدامه ف الارض..
جاكي: لو قولتلك انا اسفه ومش هتتكرر تاني.. هتسامحني!
جاك:.....
جاكي: والله العظيم حقك عليا.. انت عارف اني بعمل حاجات طايشه وخلاص.. بس مش قصدي ازعلك ابدا..
جاك: قولتلك متخرجيش ولا لا!
جاكي: ايوا..
جاك: وخرجتي.. دا معناه اي!
جاكي: معناه اني غلطت وبقولك اسفه... مش هروح ف حته من غير مااقولك تاني..
جاك: وندى!!... اختارتي مين!
جاكي: هختارك انت اكيد... عشان تعرف ان مفيش حد ف حياتي اغلى منك... بس ف نفس الوقت مقدرش اقطع علاقتي بندى..
جاك: يعني اختارتيها بردو!!
جاكي: ياجاك احنا غلطنا وانا معترفه بكدا... واوعدك اني مش هسمع كلامها ف حاجه تاني.. بس دي ملهاش غيري.. متعرفش حد غيري..
جاك: امم.. وبعدين..
جاكي: حقك عليا بقاا.. وبعدين انت قعدت كتير متردش عليا وخوفتني عليك...
جاك: عارفه انا لو كنت هنا وانتي عملتي كدا، كنت هعمل حاجه متعجبكيش... الحمد لله اني مكنتش هنا..
جاكي: طب خلاص بقاا..اوعدك ان دي اخر حاجه غلط هعملها.. قلبك ابيض بقاا..
جاك: وبالنسبه للي ف وشك دا!..
جاكي: ماله..
جاكي: تعالي عشان اشيله..
جاكي: تشيل اي.. اوعى كدا..
جاك: مبهزرش تعالي هنا..
جاكي: مش بيتشال كدا دا.. انت عايز تبوظ وشي!!
جاك: مقولتيش ليه انك هتعملي البتاع دا..
جاكي: ماهو انت كنت قافل تليفونك ومعرفتش اقولك..
جاك: فتروحي تعمليه من ورايا.. وحياة امك لاوركي.
جاكي: ياختاااااي.. استنى طب.. هقولك حاجه.. لا الحزام لا.. جاك متهزرش..
جاك: عارفه انتي عايزه اي.. عايزه تتربطي كدا وافضل اضرب فيكي..
جاكي: ليه هو انا جموسه!!.
جاك: انتي شلل.. عارفه الشلل!
جاكي: طب بص.. نتفاهم..
جاك: مفيش تفاهم.. هتنزلي ولا اطلعلك!
جاكي: هعع.. طب بص انا هشيله والله..
جاك: لا.. انا اللي هشيله..
جاكي: احيه مش بيتشال كدا..
جاك: لا بيتشال عادي..
جاكي: انت عملته قبل كدا!!
بصلي شويه كدا وانا واقفه ع السرير..
جاك: طب انزلي وانا هقولك عملته ولا لا..
جاكي: طب ارمي الحزام.. يبروو بيوجع والله..
جاك: وهو انتي كنتي جربتيه قبل كدا!.
جاكي: لا ماهو باين انه بيوجع..
جاك: طب تعالي..
جاكي: لا..
جاك: هطلعلك..
جاكي: لا بردو..
جاك: انتي اصلا مبينفعش معاكي الذوق..
جاكي: ياختتييي..
طلع ورايا ع السرير وانا طلعت اجري لتحت وهو نزل ورايا..
جاكي: احييه.. الحقيني يافيزوو..
فيروز: يالهوي اي اللي ماسكه دا..
جاك: تعالي هنا بقولك..
جاكي: لا هتضربني..
فيروز: بس طب اهدى.. ارمي البتاع دا..
جاكي: شايفه الجبروت... اهو كل يوم كدا..
جاك: انا!!
جاكي: طب خلاص بقاا.. والله لو جه عليا اعملك مصيبه هنا..
جاك: اوعي كدا يافيروز عشان ميجيش عليكي..
فيروز: طب خلاص عندي انا المرادي..
جاك: هو اي اللي عندك.. انتي مش شايفه اللي ف وشها!!
فيروز: معلش.. على نفسها..
جاكي: مش فاهمه انت متضايق من اي.. هو انا عملته ف وشك انت!!
جاك: مبحبش الحاجات دي.. جاتك ف بطنك..
جاكي: اهو انت..
جاك: انا قولت البت دي عايزه تتربي..
جاكي: احييه.. اعااا.. يابن التيت كان هييجي عليا..
جاك: مانا عايزه ييجي عليكي.. هو انا بلعب معاكي!!
فيروز: ياعيال بس بقاا.. وانا اللي بقول هيعقلوا لما يتجوزوا... اتاريكوا بتتهبلوا اكتر..
جاك: وانا مالي.. ماتشوفي مجايبك دي..
جاكي: هو انت كنت تطول تتجوزني اصلا يابتاع النسوان انت..
جاك: شايفه.. شايفه اللسان.. هو لسانك طوله كام ياجي..
جاكي: اشمعنى..
جاك: عشان اقصه..
جاكي: بقولك اي.. ميغركش حجمك دا..
فيروز: يابت اسكتي هيزعلك والله..
جاكي: طب قوليله يرمي الحزام بقاا.. عايزه اكل..
فيروز: خلاص بقاا ياجاك.. ارمي الحزام لحد ماناكل بس وبعدين ابقاا كمل عليها..
جاكي: اي النداله دي..
فيروز: يابت لمي لسانك بقاا..
لسه بنتعارك ولقينا شهد طالعه تعيط من جوا..
جاك: في اي..
ـ الحقني يابني..
جاك: ماتقولي في اي..
ـ ابوها جاي دلوقتي ومعاه مصطفى ابن عمها وجايب الماذون معاه..
جاك: مش فاهم..
سلمى: باباها عايز يجوزها غصب عنها ومحدش قادر يقفله..
جاك: يعني انتوا مش موافقين ع مصطفى دا!!
شهد: ايوا.. انا مش عايزاه.. والله اموت نفسي..
ـ الحقني يابني ابوس ايدك.. اعمل اي حاجه.. دي حاولت تنتحر قبل كدا عشان الموضوع دا.
جاك: خلاص اهدي انا موجود.. مش هيقدر يغصبك ع حاجه..
ـ لا ماهو معاه الماذون.. مش هتقدر تقفله.. ابسط حاجه هيقولك هاخد بنتي وامشي.. مش هتقدر تقوله حاجه..
جاك: متقلقيش.. مش هيقدر يعمل حاجه طول مانا موجود..
فيروز: هتعمل اي يعني.. احنا مش عايزين مشاكل.. ودي بنته..
ـ انا عندي حل مؤقت يابني.. وعايزاك تساعدني فيه.. انت الوحيد اللي هتقدر تعمل كدا...
جاك: اي هو..
ـ ا ا.. يعني تتجوزها انت..
يتبع..
لقراءة الفصل الثمنون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات