القائمة الرئيسية

الصفحات

رواية قلبي ليس بيدي الفصل الثمنون 80 بقلم حسناء مصطفي

  رواية قلبي ليس بيدي الفصل الثمنون 80 بقلم حسناء مصطفي

 رواية قلبي ليس بيدي الفصل الثمنون 80 بقلم حسناء مصطفي

 رواية قلبي ليس بيدي الفصل الثمنون 80 بقلم حسناء مصطفي

بقلم حسناء رمضان
ـــــــــــــــــــــــــــــــــــــــــــــــــــــــــــــــ
جاك: نعم!!.. انتي بتقولي اي!!
ـ يابني دا مؤقتا بس.. يعني مش جواز حقيقي.. ع الاقل لما ابوها ييجي انت تعرف تقفله بصفتك جوزها..
جاكي: اييي يامااا... هي زريبه.. انا ساكتالكوا من الصبح... مين دا اللي يتجوزها..
جاك: جاكي.. في اي.. اهدي..
ـ يابنتي دا مش جواز حقيقي.. دا شويه بس لحد ماابوها ينسى الموضوع دا.. وبعدين يطلقها..
جاكي: ع جثتي.. جاك.. لو دا حصل مش هقعدلك ف البيت..
جاك: استني ياجي.. اكيد في حل تاني غير دا..
ـ مفيش حلول.. هو دلوقتي جاي ف الطريق.. وهي ممكن تعمل حاجه ف نفسها.. ارجوك يابني.. دي بنتي.. ساعدني والنبي.. مش عايزه اخسرها.. دا جواز لعب عيال كدا.. يعني مش حقيقي... هي هتبقى ع ذمتك بالاسم بس.. وشويه بس وبعدين طلقها وكل حاجه هترجع زي ماهي..
فيروز: واشمعنى جاك.. ليه مش محمد مثلا..
محمد: محمد اي انتي كمان..
ـ لان جاك متجوز.. يعني مش هيتضر ف حاجه.. اما محمد لسه خاطب.. واكيد اهل خطيبته لو عرفوا هيلغوا الجوازه.. وانا مش عايزه اضره... يابني دي هي ورقه اللي هتبقى بينكوا.. بالله عليك.. بنتي هتروح مني..
فيروز: قولت اي ياجاك..
جاك: مش عارف..
جاكي: مش عارف اي!!.. هو انت بتفكر!!.. والمصحف اهد البيت ع دماغكوا كلكوا.. انتوا مجانين تقريبا..
جاك: اهدي ياجي.. دا هيبقاا جواز ع ورق بس.. عشان لما ييجي اعرف اقفله.. وبعدها ع طول هطلقها.. اصلا مش هيحصل اي حاجه..
جاكي: عايز تتجوز عليا ياجاك!!
فيروز: هيبقى جواز مش حقيقي ياجي.. هنخلصها بس من ابوها دا وف الاخر هتطلق..
جاكي: وانا مالي ماتتحرق... انا ذنبي اي جوزي يتجوز عليا..
جاك: تعالي معايا..
خدني وطلعنا الاوضه..
جاك: اسمعيني.. انتي عارفه اني عمري ماهبص لواحده غيرك.. ومستحيل حد ياخد مكانك.. كلها شويه بس وكل حاجه هترجع زي ماهي.. وانا مش هعاملها گ مراتي ياجي.. احنا هنعمل كدا عشان نخلي ابوها يشوف عقد الجواز وخلاص ع كدا.. وهتفضل هنا زي ماهي..
جاكي: انت مش فاهم حاجه.. اقطع دراعي ان مكانتش دي لعبه عشان تتجوزك ياجاك..
جاك: لعبة اي ياجي بس.. دي انتحرت قبل كدا وممكن تعمل كدا تاني..
جاكي: خايف عليها!
جاك: لا.. هي متفرقش معايا.. انا بس هساعدها.. انتي مشوفتيش امها كانت بتترجاني ازاي تحت!.. وبعدين اقسملك ماهيحصل حاجه... مش هقربلها ولا هتكلم معاها حتى..
جاكي: ازاي بقاا.. دي هتبقى مراتك.. ولازم تديها حقها..
جاك: الكلام دا لو متجوزين جواز طبيعي.. اما دا جواز اتفاق مش اكتر.. والكل موافق ومقتنع اني اكيد مش هقربلها.. وبعدين مستحيل اقرب لحد غيرك..
كنت متردده ومش عارفه لو وافقت اي اللي ممكن يحصل..
جاكي: موافقه.. بس بشرط..
جاك: اي هو..
جاكي: متتكلمش معاها ولا تلمسها ولا تقعد معاها اصلا... انا اللي مراتك مش هي.. ولو حاولت تعمل اي حاجه هولع فيكوا انتوا الاتنين..
جاك: ماشي.. يلا ننزل قبل ماييجوا..
نزلنا تحت وهما لسه واقفين..
ـ ها يابني..
جاك: ماشي.. هات المأذون يامحمد..
سلمى: المأذون ف الطريق...
جاكي: وانتي رنيتي عليه ازاي... عرفتي منين اني هوافق!
جاك: مش مهم دلوقتي ياجي..
جاكي: اسمعي يابت انتي.. انا وافقت انك تتجوزي جوزي بس هيبقى كلام ع ورق.. مفيش حاجه هتحصل.. ف الاول وف الاخر هفضل انا اللي مراته مش انتي.. يعني متستنيش منه حاجه.. تمام!
ـ وهي مش عايزه حاجه يابنتي.. احنا نخلص بس من موضوع ابوها دا..
جاكي: تمام.. هنشوف..
قعدنا شويه وبعدين المأذون وصل..
مقدرتش اقعد واشوف القرف دا.. طلعت اوضتي وقعدت زعلانه...
كتبوا الكتاب والمأذون مشي.. جاك سابهم وطلع ورايا لقاني قاعده ف البلكونه وزعلانه..
قعد جنبي ع الارض..
جاك: الجميل زعلان ليه!..
بصتله وبعدين رجعت بصيت قدامي تاني..
جاك: هو انا مقولتلكيش انك وحشتيني!
جاكي:....
جاك: كنت متخيل انك هتفرحي برجوعي اكتر من كدا..
جاكي: متتكلمش معايا..
جاك: امم.. طب ع فكره انا جعان قوي.. ماتنزلي تجيبي الاكل هنا وناكل مع بعض ف الهوا دا..
جاكي: مش عايزه اكل..
جاك: هتسيبيني اكل لوحدي يعني!
جاكي: روح كل مع شهد..
جاك: يادي شهد.. يابنتي وحياتك عندي هي ماتفرق معايا اطلاقا..
جاكي: بكره تيجي تقولي دي مراتي ولازم اديها حقوقها..
جاك: حقوق اي ياجي.. ملهاش عندي حقوق.. انا مش معتبرها مراتي اصلا.. دي لعبه وكلها شوية وقت وهتخلص.. وبعدين مفيش حد ينفع ياخد مكانك.. انتي اللي ف القلب ياقمر.. قومي بقاا عشان جعان والله..
جاكي: ماشي..
نزلت عشان اجيب الاكل لقيت ابوها ومصطفى جم..
ـ يلا ياشهد المأذون اهو..
فيروز: لا مفيش جواز..
ـ ملكيش دعوه انتي.. دي بنتي وانا حر فيها..
شهد: لا مش حر.. انت مبقتش مسؤول عني دلوقتي.. انا دلوقتي متجوزه..
ـ انتي بتقولي اي يابت انتي!
ـ ايوا زي ماسمعت كدا... بنتك اتجوزت جاك..
ـ جاك!!... جاك متجوز..
ـ جاك بيحبها واتجوزها ع مراته ومراته موافقه..
ـ من ورايا!!.. من ورايا ياقليلة الربايه!!..
لسه هيمد ايده عليها راح جاك وقف قدامها..
جاك: كمل.. وقفت ليه.. وريني هتمد ايدك ع مراتي ازاي..
ـ مراتك اي.. اي الجنان دا.. يعني اي تتجوزها من ورايا!
جاك: اتجوزتني برضاها.. والقسيمه موجوده لو مش متأكد يعني.. واتفضل بقاا خد الاخ دا واتكل ع الله..
ـ بتلوي دراعي يعني ياشهد انتي وامك!!
ـ حرام عليك بقاا.. هي مش عايزه تتجوزه.. مش بالعافيه.. وبعدين هي مش هتلاقي احسن من جاك..
ـماشي.. براحتكوا ع الاخر..
جاك: اسمع.. دي مراتي دلوقتي.. يعني مش هسمحلك تتعرضلها.. تمام!
ـ يلا يامصطفى.. انا هوريها ازاي تتجوز من ورايا..
مشوا وهي عملت نفسها بتعيط وراحت حضنت جاك..
راح جاك بصلي..
خدت الاكل وطلعت قعدت مكاني وفضلت اعيط..
ـ شكرا يابني.. ربنا يخليك والله.. مش عارفه من غيرك كنا هنخلص من الموضوع دا ازاي..
جاك: لا شهد اختي وطبيعي اني اقف معاها.. عن اذنكوا..
فيروز: رايح فين..
جاك: خارج شويه وراجع...
جاك خرج وشهد دخلت هي وسلمى جوه..
شهد: مش مصدقه.. قلبي هيطلع من مكانه..
سلمى: يابنت اللعيبه.. خطتك نجحت زي ماتوقعتي بالظبط.. بس ازاي ابوكي وافق..
شهد: ابويا الفلوس بتجيبه وتوديه.. اي قرشين حلوين كدا هيوافق ويعمل النمره دي..
سلمى: عقبالي بقاا..
شهد: قريب.. اتشطري انتي بس...
ـــــــــــــــــــــــــــــــــــــــــــــــــــــــــــــــ
فيروز: بس خلي ف علمك الحوار دا هيخلص من غير مايلمسها..
ـ ولو لمسها.. مراته عادي..
فيروز: انتي بتقولي اي..
ـ اي اللي بقول اي.. دي مراته... لو هو حابب يطلق يلطقها... اما لو حبها وحب انها تفضل معاه فمفيش مشكله..
فيروز: لا مش هيحبها.. جاك بيحب جي ومستحيل يحب حد غيرها..
ـ بكره نعرف الدنيا مخبيالهم اي..
ـــــــــــــــــــــــــــــــــــــــــــــــــــــــــــــــ
كنت قاعده مكاني بعيط..
ـ بحبك..
رفعت وشي لقيته جاك.. كان واقف ومعاه حاجات كتير..
رجعت حطيت راسي بين رجليا وقعدت اعيط..
جاك: ع فكره انا جايبلك حاجات كتير..
جاكي:....
جاك: مش عايزه تكلميني يعني!.. ماحنا متفقين ع كل حاجه ياجي..
جاكي: دي حضنتك قدام الكل واحنا لسه معملناش حاجه..
جاك: انا اتفاجئت زيك ياجي..
جاكي: واسف لي.. دي مراتك..
جاك: تؤتؤ.. مفيش غيرك اللي مراتي ياقمر انتي..
جاكي: متتكلمش معايا..
جاك: بصي طب جبتلك اي.. اندومي وفراوله وورد..
ارفعي وشك كدا..
رفع وشي وحطلي ورده ف الطرحه..
جاك: عسل ياخواتي.. اي الجمال دا.. طب عليا الطلاق من شهد دي، انا ماشوفت اجمل منك.. الورده احلوت بيكي والله...
حاولت مبتسمش عشان مبوظش الدنيا..
جاك: ع فكره البتاع اللي ف وشك دا حلو.. زود جمالك ياقمر انت.. يعني انتي كنتي قمر بقيتي قمرين... ولا خدودك دي..
بصيت بعيد عشان اداري الضحك..
جاك: طب والله ضحكتي..
جاكي: ولما هو حلو كنت بتجري ورايا ليه..
جاك: عشان كنت متضايق منك..
جاكي: طب روح كل.. الاكل اهو..
جاك: وانتي!
جاكي: مش عايزه..
جاك: طب مش واكل..
جاكي: يعم انا مش عايزه.. بطل رخامه..
جاك: طب طلاق تلاته من شهد مانا واكل من غيرك... انتي اللي بتفتحي نفسي اصلا.. واصلا اصلا الاكل ملوش طعم من غيرك..
جاكي: اووف.. هات..
جاك: متنفخيش عشان موقعش صف سنانك.. جاتك القرف وانتي قمر كدا..
جاكي: طب احنا مش هنرجع بيتنا!
جاك: هنرجع طبعا.. بكرا هنمشي..
جاكي: اوكي..
قعدت افكر ف ندى.. ماهي اكيد زعلانه دلوقتي..
جاك: مالك..
جاكي: ندى سمعتك وانت بتتكلم ف الجنينه..
جاك: ااه.. وبعدين..
جاكي: معرفش.. اكيد زعلانه يعني..
جاك: مينفعش تفضلي معاها ع طول.. خليكوا صحاب ايوا.. بس بلاش تفضلوا طول الوقت مع بعض..
جاكي: لا طبعا.. ندى اختي ياجاك.. ملهاش غيري.. حتى معندهاش صحاب..
جاك: طول مانتوا مع بعض بتعملوا مصايب..
جاكي: لا مش هنعمل.. المشكله دلوقتي انها قافله فونها..
جاك: طب خلاص انا ابقى اكلمها واعتذرلها..
جاكي: احلف..
جاك: والله.. بس لو حصل اي مشكله تاني صدقيني وقتها رد فعلي هيبقى مش كويس..
جاكي: مش هيحصل حاجه خلاص..
خلصنا اكل ونزلت عملت شاي وقعدنا مع بعض ف البلكونه..
جاكي: بقولك صحيح..
جاك: اي..
جاكي: مين بعتلك الفيديو..
جاك: ملكيش دعوه..
جاكي: لا بجد مين..
جاك: مش هقولك والله.. ماهو انا مش نايم ع وداني ياجي.. انا عارف كويس انتي بتعملي اي..
جاكي: انت بتراقبني بقاا..
جاك: فكك والنبي.. انا عايز انام..
جاكي: يلا انا كمان نعسانه..
ـــــــــــــــــــــــــــــــــــــــــــــــــــــــــــــــ
صحيت تاني يوم اتوضيت وصليت ونزلت... لقيت مارك وصوفيا ف البسين..
جاكي: احييه.. اي اللي لابساه دا!!!
صوفيا: ازيك جي..
جاكي: حلوه ياقمر انتي..
جاك: انتي هنا وانا بدور عليكي..
روحت حطيت ايدي ع عينيه..
جاك: في اي..
جاكي: اطلع نتكلم بره.. البت عريانه ياخويا..
جاك: طب وانا مالي شيلي ايدك..
جاكي: ايوا مانا عارفه انت عايز اي.. امشي قدامي..
طلعنا بره..
جاكي: اي اللي هي لابساه دا!!
جاك: واحده جايه من امريكا.. عايزاها تلبس اي..
جاكي: يبقى متدخلش ولا تشوفها كدا..
جاك: حاضر.. انا كنت جايلك انتي اصلا...
جاكي: لي..
جاك: يلا عشان نمشي..
جاكي: هطلع اجيب حاجتي واجي..
جبت حاجتي ولسه هنمشي راحت مامت شهد وقفتنا..
ـ انتوا رايحين فين..
جاك: ماشيين..
ـ وشهد!!
جاكي: مالها شهد!!
ـ دي مراته يابنتي.. لازم تبقى معاه..
جاكي: اي اللي مراته.. ماحنا قولنا انها لعبه وهتخلص..
ـ لحد ماتخلص بقاا لازم شهد تبقى معاه عشان ابوها ميشكش ف حاجه..
فيروز: معاها حق.. ابوها لو جه ولقاها هنا هيشك..
جاكي: انتوا عايزينا ناخدها معانا!!... ف بيتي!!
جاك: جي.. معاهم حق.. هي هتبقى ف اوضتها عادي..
جاكي: لا بقاا.. كدا كتير..
جاك: ياجي لحد مانخلص اللعبه دي بس وخلاص ع كدا..وهي هتفضل ف اوضتها ع طول.. يلا بقاا عشان عندي شغل..
مفيش ف ايدي حاجه اعملها غير اني اسكت..
جابت هدومها وجت معانا وطلعنا ع الڤيلا..
جاك: ادخلي ووريها اوضتها وانا هروح الشغل..
جاكي: هترجع امتى!
جاك: مش عارف.. بس مش هأخر يعني..
جاكي: هعملك الاكل اللي بتحبه النهارده.. متأخرش..
جاك: اكيد..
مشي واحنا دخلنا..
شهد: هقعد ف الاوضه دي..
جاكي: لا ياختي دي اوضتي انا وجاك..
شهد: امم.. طيب..
راحت اوضتها وانا نزلت عملت الاكل..
كنت ف المطبخ وبسمع اغاني وفجأه لقيت شهد نازله بلبس عريان..
جاكي: اي القرف دا..
شهد: اي..
جاكي: اي اللي لابساه دا!!
شهد: وانتي مالك..
جاكي: مالي اي ياعديمة الربايه انتي.. افرضي جاك جه دلوقتي..
شهد: ماييجي دا جوزي..
مسكت السكين وقربت منها..
جاكي: بت.. انا خلقي ضيق... بلاش تلعبي معايا.. جاك مش جوزك.. جوزي اناا.. وشغل السهوكه دا مش هيدخل عليا.. انا فاهمه كويس انتي بتعملي اي..
شهد: ابعدي بس كدا.. والله انا مع جوزي.. يعني البس اللي انا عايزاه عادي..
جاكي: دي لعبه ياماما.. متصدقيش نفسك..
شهد: ولحد مااللعبه دي تخلص هعمل اللي انا عايزاه... محدش ليه حاجه عندي...
سابتني وراحت قعدت عند التليفزيون...
اتنهدت وكملت الاكل...
جاك قعد طول النهار ف الشغل وانا بحضرله الاكل...
رجع لقاني ف المطبخ..
جاك: بتعمل اي ياقمر..
جاكي: رجعت امتى..
جاك: لسه اهو..
جاكي: كويس.. انا خلصت اكل اهوو.
جاك: امال شهد فين..
جاكي: مرزوعه بره.. وبعدين دي لابسه عريان.. ممكن افهم اي دا!!
جاك: عريان!!.. معرفش.. انا مالي..
جاكي: النظام دا مش هينفع معايا.. تطلع دلوقتي تقولها تحترم نفسها..
جاك: حاضر.. يلا طيب عشان انا جعان قوي..
حطيت الاكل وقعدنا احنا التلاته ع السفره..
جاك كلمها وهو باصص قدامه...
جاك: شهد...ياريت مرجعش الاقيكي لابسه لبس زي كدا تاني..
شهد: امم.. حاضر.. هو بس الجو كان حر..
جاك: في تكييف ف اوضتك..
شهد: حاضر..
جاكي: بقولك يابيبي..
جاك: ياعيونه..
جاكي: هتخرجني النهارده!!
جاك: صعب ياروحي.. هرجع الشغل تاني..
جاكي بدلع: طب وعشان خاطري!!
جاك: هضعف كدا..
جاكي: وحياتي عندك ياجو بلاش شغل بالليل واخرج معايا شويه..
جاك: حاضر.. هخرجك..
جاكي: مواااه..
قعدنا ناكل وانا الفرحه مش سايعاني عشان جاك فاهم انا بعمل اي ومتعاون معايا..
شهد كانت قاعده تبصلي بغل.. وانا قاعده اأكل جاك واتدلع قدامها..
خلصنا اكل وطلعنا الاوضه..
جاك: مانتي بتعرفي تتدلعي اهو..
جاكي: اوومااال..
جاك: ع فكره مش مضطره تغيظيها.. شهد متفرقش معايا..
جاكي: مش بغيظها.. بثبتلها بس انك ليا انا..
جاك: طب هو انتي محلوه النهارده كدا ليه..
جاكي: عشان انت موجود..
جاك: طب تعالي هقولك حاجه سر...
ـــــــــــــــــــــــــــــــــــــــــــــــــــــــــــــــــــــــــــــــــ
شهد: معرفش ياسلمى.. عماله تتدلع وتتمايص قدامي..
سلمى:...
شهد: كدا كدا هيخرجوا بالليل.. هعرف اعمل اللي انا عايزاه...
سلمى:.....
شهد: حلو... المهم اعملي اللي قولتلك عليه...
ـــــــــــــــــــــــــــــــــــــــــــــــــــــــــــــــ
مارك: فين جاك!
هند: جاك مشي..
مارك: مشي فين!
هند: راح بيته..
مارك: ااه فهمت.. طب احنا كنا عايزين نخرج شويه..
هند: هو انتوا تعرفوا حاجه هنا!!
صوفيا: تعالي معانا هند..
هند: طب استنوا اقول لماما..
ـــــــــــــــــــــــــــــــــــــــــــــــــــــــــــــــ
محمد: مالك ياندى..
ندى: مليش..
محمد: لا شكلك متضايقه.. حصل حاجه!!
ندى: هو انا مسببالكوا مشاكل!!
محمد: لي بتقولي كدا..
ندى: رد عليا.. هل وجودي مسبب مشاكل!!
محمد: لا.. خالص...
ندى: محمد انا مش عايزه اكمل..
محمد: نعم!!.. يعني اي مش عايزه تكملي!!
ندى: يعني كفايه كدا..
ـــــــــــــــــــــــــــــــــــــــــــــــــــــــــــــــ
الليل حل..
جاكي: جو..
جاك: امم..
جاكي: يلا خرجني..
جاك: لا خلينا نايمين بطلي رخامه.
جاكي: مليش دعوه انت قولتلي هتخرجني بالليل.. يلا بقاا..
جاك: هييح.. يلا يام خدود انتي..
جاكي: بطل تشد خدودي بقاا..
جاك: لا.. مش هبطل.. انا حر..
جاكي: مانت مش فيك خدود عشان اوريك بتعمل فيا اي..
جاك: هتقومي تلبسي ولا اغير رأيي وانام تاني!!
جاكي: لا قايمه اهو..
لبسنا ونزلنا وكانت شهد ف اوضتها..
جاك: تحبي تروحي فين..
جاكي: نتمشى طبعا...
جاك: اوكي...
قعدنا نتمشى وهو ماسك ايدي...
جاك: عايزه تاكلي حاجه!!
جاكي: بقولك اي.. ماتيجي ندخل سينيما..
جاك: مبحبش الجو دا..
جاكي: وعشان خاطري!..
جاك: ماشي.. يلا..
ـــــــــــــــــــــــــــــــــــــــــــــــــــــــــــــــ
شهد طلعت ملقتناش ف البيت... راحت دخلت المطبخ وحطت حاجه ف الاكل...
وبعدين طلعت اوضتنا...
ـــــــــــــــــــــــــــــــــــــــــــــــــــــــــــــــ
عدى الوقت واحنا بنتفرج ع الفيلم وبناكل فشار..
جاك بهمس: بحبك..
ابتسمت وكملت فرجه..
الفيلم خلص وطلعنا..
جاك: تحبي تروحي فين تاني..
جاكي: تعالى نتمشى شويه كدا..
اتمشينا شويه وفجأه لقيت بنوته صغيره قاعده تعيط..
روحت قعدت معاها..
جاكي: مالك ياروحي بتعيطي ليه..
رفعت وشها وبصتلي وراحت حضنتني وفضلت تعيط..
جاكي: ليه كدا ياروحي.. مين مزعلك كدا..
ـ عايزه اموت..
جاكي: لا متقوليش كدا.. قوليلي انتي اسمك اي..
ـ جوري...
جاكي: اسمك قمر ياجوري.. مين مزعلك بقاا... عايزه تموتي ليه..
جوري بعياط: عشان شكلي وحش..
جاكي: مين قال ان شكلك وحش..
جوري: الكل بيتتريق عليا عشان انا سمرا..
جاكي: ياروحي.. بالعكس دانتي قمر خالص.. كفايه عينيكي الزرقا دي.. ولا غمازاتك.. ولا خدودك.. ولا شعراتك القمر دول.. دانتي احلى واحده ع الكوكب..
جوري: لا.. كله بيقعد يقولي ان شكلي وحش..
جاك: فين ماما طيب!!
جوري: مفيش ماما..
جاك: طب بابا!!
جوري: مفيش بابا..
جاكي: امال انتي قاعده مع مين..
جوري: مش قاعده ف حته.. انا بنام ف الشارع..
جاكي: ياروحي.. طب خلاص بطلي عياط.. هعيط انا كمان والله.. وبعدين اي اللي ايدك دا!!
جوري: دي الست اللي انا شغاله عندها.. لسعتني كدا عشان اتأخرت ومجبتلهاش فلوس كتير..
جاك: ست مين!
جوري: الست فوزيه..
جاكي: وبتشتغلي معاها اي بقاا!!
جوري: بغسل عربيات او اي حاجه..
جاكي: وبتخليها تلسعك ليه.. ليه مهربتيش منها!!
جوري: معنديش مكان اروحه.. وبعدين هي بتضربني كل ماباجي اهرب... انا عايزه اروح عند بابا وماما..
جاك: وهما فين طيب!
جوري: عند ربنا..
جاكي: ربنا يرحمهم.. خلاص بطلي عياط.. اي رأيك عمو جاك يجيبلنا ايس كريم!
جوري: ااه انا بحب الايس كريم..
جاكي: تعالي نروح نجيب مع بعض..
جوري: لا.. الست لو شافتني هتضربني..
جاك: متخافيش ياقمر.. انا معاكي.. محدش هيقدر ييجي جنبك..
جاكي: يلا..
كانت عيله صغيره ولبسها مبهدل.. مسكت ايدها ومشينا..
جبنا ايس كريم وقعدنا ع البحر..
جاكي: بتحبي الشيكولاته!!
جوري: ااه جدا..
جاكي: روح ياجو هاتلها..
جاك: ماشي.. متتحركوش من هنا..
راح يجيب واحنا قعدنا ندردش..
جاكي: عندك كام سنه بقاا!
عدت ع ايدها..
جوري: عندي دول..
جاكي: ٧ سنين!
جوري: ايوا..
جاكي: طب انتي معندكيش حد خالص!!
جوري: لا.. عمو رماني ف الشارع بعد ما ماما ماتت..
جاك: احلى شيكولاته لجوري هانم..
جوري: شكرا..
جاكي: وانا!!
جاك: انتي مش بتحبي الشيكولاتة..
جاكي: بردو.. حتى لو مش بحبها.. تجيبلي معاها..
جاك: امسكي.. عارف انك هتغيري..
جوري: هو دا جوزك!
جاكي: ااه..
راحت همستلي ف ودني..
جوري: جوزك حلو قوي..
جاكي: والنبي انتي اللي عسل ياعسل انت..
جاك: قالتلك اي..
جاكي: ملكش دعوه.. سر..
جاك: قوليلي قولتيلها اي ياجوري..
جوري: لا سر..
جاك: طب لو قولتيلي هجيبلك عروسه..
جوري: قولتلها جوزك حلو قوي..
جاكي: ياندله...
جوري: معلش.. دي فيها عروسه..
جاك: والله لاجيبلك احلى عروسه..
جاكي: واناا..
جاك: لا..
جاكي: اشمعنى هي..
جاك: هي غيره وخلاص!!.. دي عيله..
جاكي: مش عايزه منك حاجه..
جوري: عمو عمو..
جاك: نعم..
جوري بهمس: مراتك قموصه ليه..
جاكي: انا قموصه!!
جاك: عشان بتغير.. بتغير من اي حد.. كبير وصغير..
جوري: انت احلى منها.. طلقها واتجوزني انا..
قعدت يضحك ويبوسها..
جاكي؛ احييه... هو انا هلاقيها من بره ولا من جوا!!.. بت ابعدي عنه.. اوعي كدا..
جاك: بطلي رخامه.. خليها..
جاكي: بطل بوس فيها احسنلك..
جاك: ملكيش دعوه..
جاكي: ع فكره يعني انتوا رخمين.. انا ماشيه..
سيبتهم ومشيت خطوتين كدا..
جوري: تعالي خلاص مش هيبوسني تاني.. خدي بطلي غيره..
جاك: خلاص تعالي..
جاكي: متتكلموش معايا..
جاك: احنا رايحين نجيب العروسه.. هتيجي معانا ولا نمشي احنا!
جاكي: هاجي طبعا..
روحنا مكان الالعاب..
جاك: اختاري اللي انتي عايزاه..
جاكي: وانا وانا..
جاك: يابت بطلي بقاا.. خليني اجيبلها هي الاول..
جوري: الله دي حلوه قوي..
جاك: ماشي هاتيها.. وانتي هتجيبي اي..
جاكي: مش عايزه حاجه..
جوري: مش قولتلك قماصه!!
جاكي: بت.. بقولك اي.. ميغركيش هدوئي دا..
جاك: بس.. هتشرشحي للبت!!... استني انا هجيبلك حاجه حلوه..
جاكي: انا عايزه زي بتاعتها..
جاك: يالهوي ع الغيره.. امسكي ياختي..
اشترينا ومشينا...
كانت ماشيه قدامنا بتلعب بالعروسه..
جاكي: هنعمل اي فيها!
جاك: مش عارف..
جاكي: ماناخدها معانا..
جاك: معانا فين!
جاكي: البيت..
جاك: انتي عارفه انتي بتقولي اي.. ناخدها ازاي!
جاكي: مش هقدر اسيبها ف الشارع كدا..
جاك: انتي هبله فعلا..
جاكي: ياجاك والنبي هاتها معانا..
جاك: حبيبي.. دا مش لعب عيال.. دي مسؤوليه..
جاكي: انت مش شايف البت قمر ازاي.. والنبي ياجو ناخدها..
جاك: اعع.. بطلي هري.. انتي مش راضيه تخلفي عشان شايفه اننا مش حمل مسؤولية دلوقتي... جايه دلوقتي عايزه تاخدي عيله من الشارع تربيها!!
جوري: عمو عمو..
جاك: نعم..
جوري: الولد دا بيعاكسني..
جاكي: فين دا..
جوري: اهو اللي هناك دا..
جاكي: مالك بيها يلاااا.. وحياة امك ل...
جاك: اخرسي الله يخربيتك.. معلش ياحبيبي روح العب.. انتي مجنونه!!
جاكي: ماهو بيعاكسها.. اقف اتفرج يعني!
جاك: دا عيل.. عيل ياجي.. هتشرشحي للواد!
جاكي: ايون..
جاك: طب يلا عشان نمشي بقاا..
جوري: هو انتوا عندكوا بيت!!
جاك: ايوا ياقمر..
جوري: يابختكوا..
جاكي: امال انتي بتنامي فين!
جوري: بنام ف حته كدا مع باقي العيال..
جاكي: جاك.. مليش دعوه..
جاك: دي مسؤوليه ياجي.. صدقيني مينفعش..
جاكي: والنبي.. عشان خاطري.. مش هقدر اسيبها ف الشارع كدا.. اي المشكله لما ناخدها معانا وتعيش وسطينا..
جاك: انتي مجنونه..
جاكي: طب فكر فيها.. دي عيله صغيره.. افرض حد عمل فيها حاجه... احنا ناخدها وتعيش معانا واهي هتسلينا.. ولو احنا مكناش موجودين او روحنا ف حته، فيروز موجوده.. وهتاخد بالها منها.. والنبي والنبي..
جاك: ياجي بطلي جنان..
جاكي: وافق بقاا..
جاك: ماشي.. لما اشوف ناويه ع اي..
جاكي: اي رأيك بقاا.. هتيجي معانا البيت..
جوري: اي دا لا.. مش عايزه..
جاكي: لي..
جوري: الست لو عرفت هتضربني وتلسعني.. انا همشي بقاا.
جاكي: لا استني.. متخافيش.. انتي هتيجي معانا وهي مش هتعرف مكانك اصلا.. وحتى لو عرفت.. شايفه الواد ابو عضلات دا.. الواد دا بيضرب اي حد..
جوري: يعني مش هتضربني!
جاكي: لا ياروحي مش هتقدر تجيلك اصلا.. ها.. تيجي معانا!
جوري: ماشي..
جاكي: يلا ياجو..
جاك: جنانك دا هيودينا ف داهيه والله..
جاكي: يلا بس..
خدناها ورجعنا البيت..
جوري: الله.. البيت الكبير دا بتاعكوا!
جاكي: ايوا.. اي رأيك بقاا!
جوري: حلو قوي.. هو في بسين هنا!
جاكي: هنا في كل حاجه... وهتلعبي لحد ماتزهقي ياست..
جوري: هو انا هفضل معاكوا هنا!!
جاكي: مش عايزه تقعدي معانا؟!
جوري: لا عايزه.. انا حبيتكوا قوي..
جاكي: واحنا بنموت فيكي ياحلوه انتي... يلا بقاا.. تحبي تاكلي اي..
جوري: اممم.. نفسي اكل بيتزا..
جاك: بس كدا!!.. احلى بيتزا تكون عندك دلوقتي..
جاكي: طب جو.. معلش بقاا.. روح هات وبالمره هات لبس حلو معاك..
جوري: هيجيبلي لبس كمان!!..
جاك: عايزه اجيبلك اي..
جوري: عايزه فستان ..
جاك: هجيبلك حاجات قمر دلوقتي.. استني بس..
جوري: تعالى قرب عشان اقولك حاجه..
قعد قدامها ع الارض راحت همست ف ودنه..
جوري: انا بحبك قوي..
وراحت باسته من خده..
جاكي: ع فكره انا بغير ياست جوري..
جوري: هو دلوقتي بقاا خطيبي.. صح ياجو..
جاك: اكيد..
شهد نزلت ع الصوت..
شهد: مين دي..
جاكي: اختي..
شهد: بس اللي اعرفه انك معندكيش اخوات..
جاكي: تعرفي تخليكي ف حالك!!.. يلا ياجو روح هات بقاا..
جاك: ماشي.. باي جوجو..
جوري: باي جو..
جاكي: اي رايك اوريكي اوضتك!
جوري بفرحه: هو انا هيبقى ليا اوضه كمان!!
جاكي: ايون.. وهخليكي تزينيها زي مانتي عايزه كمان.. يلا..
خدتها وطلعنا الاوضه..
جاكي: بصي هي زي بتاع الناس الكبار شويه.. بس هبقى اظبطها انا وانتي بعدين.. ماشي!
جوري: لا انا لازم امشي..
جاكي: لي ياروحي..
جوري: عيب اقعد معاكوا.. وكمان انتي مكسوفه تقولي لطنط اللي تحت دي اني من الشارع..
جاكي: لا ياحياتي مش مكسوفه.. دانا بقولها كدا عشان تعرف قد اي انتي غاليه عندي.. وبعدين انتي مش حبتينا!!.. اقعدي معانا وهنجيبلك لعب وحاجات حلوه.. اي رأيك..
جوري: يعني انتوا مش متضايقين مني!
جاكي: لا ياروحي ابدا.. المهم.. يلا دلوقتي ندخل ناخد شاور حلو كدا لحد ماجاك يجيب الاكل واللبس..
جوري: يلا..
دخلنا الحمام...
جوري: الله.. دا زي اللي بييجي ف التليفزيون..
جاكي: عجبك!
جوري: حلو قوي..
جاكي: طب يلا انزلي ف البانيو..
فضلنا نلعب ف المايه لحد ماجاك رجع..
طلعنا انا وهي من الحمام وهي ملفوفه..
جاك: انتوا بتعملوا اي جوا..
جوري بلماضه: هنكون بنعمل اي يعني.. بناخد شاور..
جاك: الله اكبر.. طب خدي ياختي اللبس اهو..
جاكي: الله شكله حلو.. مجبتليش ليه..
جاك: اجيبلك اي.. دا بتاع اطفال..
جاكي: ايوا اقعد فرق بينا كدا لحد مااسيبلك البيت وامشي..
جوري: ممكن تطلع بره بقاا عشان البس..
جاكي: ايون.. بره لو سمحت..
جاك: لا خليني قاعد..
جوري: تؤتؤ.. عيب ياجو.. احنا بنات..
جاك: اي البت دي..
جاكي: معلش اطلع لحد ماتغير..
جاك: اديني طالع.. لما اشوف اخرتها معاكوا..
جاكي: اي رأيك ف اللبس بقاا..
جوري: تحفهه قوي..
جاكي: طب يلا نلبس..
ـــــــــــــــــــــــــــــــــــــــــــــــــــــــــــــــ
شهد: هي مين دي ياجاك..
جاك: بتسألي ليه..
شهد: عادي يعني..
جاك: قريبة جي..
شهد: يعني مش اختها!!
جاك: شهد.. بطلي اسأله لو سمحتي..
شهد: ماشي.. انا طالعه اوضتي..
خلصت انا وهي ونزلنا..
جاكي: جاك.. شوف القمر دا..
جاك: الله الله.. اي الجمال دا.. تعالي هاتي بوسه..
جاكي: لا.. متروحيش..
جوري: لا هروح..
سابتني وطلعت تجري عليه..
جاكي: بقاا كدا.. طب متتكلموش معايا بقاا..
جوري: انتي غيرانه ليه.. دا جو خطيبي..
جاك: ايوا.. جو خطيبها..
جاكي: نينيني.. جاتكوا القرف..
جاك: هتيجي تاكلي معانا ولا ناكل احنا!
جاكي: مش عايزه حاجه..
جاك: براحتك.. يلا ياجوجو..
جوري: الله.. طعمها حلو قوي..
جاكي: بس بس.. خلولي حته طاااه..
جوري: قولنالك تعالي وانتي قولتي لا..
جاكي: وسعي كدا يابت.. بلا قولتي لا..
جاك: خليها قاعده جنبي..
جاكي: جاك احترم نفسك..
جاك: غيرانه من عيله صغيره..
جاكي: متتكلمش معايا..
جوري: هو انتي اسمك اي..
جاكي: اسمي جاكي..
جوري: جاكي!.. اي الاسم الغريب دا..
جاكي: يعني جاك مش غريب!!
جوري: لا غريب بردو.. المهم انتوا لايقين ع بعض.. بس جو احلى شويه..
جاكي: بت.. متخلنيش اقوملك..
جاك: بس ملكيش دعوه بيها دي شرشوحه...
جاكي: طب مش واكله.. وسايبهالكوا..
سيبتهم وطلعت الجنينه..
جوري: هي مالها قموصه كدا ليه!
جاك: لا هي مجنونه شويه.. تعالي نطلع نصالحها..
جوري: يلا..
طلعوا ورايا..
جوري: جيجي..
جاكي: اي جيجي دي.. قوليلي جي..
جوري: ياست كله واحد.. المهم احنا جايين نصالحك..
جاكي: لا..
جاك: خلاص.. انتي زعلانه ليه اصلا..
جاكي: وحياة امك لما نطلع فوق..
جاك: طب تعالوا نلعب..
جاكي: ايون يلا..
جاك: مش بقولك مجنونه.. استني اروح اجيب الكوره..
دخل جابها وجه..
جاك: يلا ياجوجو اقفي جون..
جوري: ماشي..
جاكي: بقولك اي بلاش غشوميه.. وبالراحه عشان متعورهاش..
جاك: قولي لنفسك ياختي..
ـــــــــــــــــــــــــــــــــــــــــــــــــــــــــــــــ
فيروز: كنت فين يامحمد لحد دلوقتي..
محمد: كنت مع ندى..
فيروز: هي مجتش ليه النهارده.. مشوفتهاش..
محمد: مش عارف مالها.. قالتلي مش عايزه تكمل..
فيروز: لي كدا.. انت زعلتها!
محمد: لا خالص.. هي شكلها ف حاجه مضايقاها.. بس هي مش عايزه تقولي..
فيروز: خلاص انا هتكلم معاها..
محمد: فين مارك..
فيروز: خرجوا كلهم وزمانهم راجعين..
ـــــــــــــــــــــــــــــــــــــــــــــــــــــــــــــــ
فضلنا نلعب واحنا بنهزر ونضحك.. وشهد بتتفرج علينا من البلكونه..
جاكي: جوووووون... انا جامد والله..
جاك: ع فكره انتي غشاشه..
جوري: ايون.. لا مش هيتحسب..
جاكي: بقولك اي انت وهي.. هيتحسب يعني هيتحسب.. متخلونيش اقلب عليكوا..
جاك: احنا اسفين هيتحسب..
جوري بهمس: هي بتتحول كدا ليه..
جاك: مجنونه بقولك..
جاكي: يلا نكمل...
لسه بنلعب وسمعنا صوت حاجه خبطت جامد جوه..
يتبع..
لقراءة الفصل الحادي والثمنون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات