القائمة الرئيسية

الصفحات

رواية ضحية انتقام الفصل الحادي والعشرون 21 بقلم اية مصطفي

 رواية ضحية انتقام الفصل الحادي والعشرون 21 بقلم اية مصطفي
رواية ضحية انتقام الفصل الحادي والعشرون 21 بقلم اية مصطفي

رواية ضحية انتقام الفصل الحادي والعشرون 21 بقلم اية مصطفي

ملاك : يعني انت كنت عارف كل حاجه طيب كنت ناوي تنتقم منو ازاي .
يامن : كنت ناوي بعد ما يقول الحقيقة اني اخليه يعترف بيا وبعدها اقتله .
ملاك : انت غبي صح .
زياد : انت عارف يا يامن انا إستحالة أسمحك او حتي اثق فيك تاني .
يزيد : ولا انا .
مازن : بص هو انا مضايق إنك مقولتليش .
ملاك : يعم اتنيل دا اللي يقولك علي حاجه يبقي فضح نفسه .
يامن : وانت يا ملاك .
ملاك : بص يا يامن احنا كلنا بنغلط بس المهم اننا نتعلم من غلطنا ونصلحه وانا مش مضايقة منك بالعكس انا مسمحاك بس في كام سؤال كدا من الفضول .
يامن : اسألي .
ملاك : هو ايه اللي كان ورا الباب .
يامن : النيش وكان حاطط وراه تربيزه علشان متعرفوش تزقوه .
ملاك : يا ماشاء الله دا ابليس مش هيفكر كدا ...... طيب هو انت لما قولت لمازن انو يعيد الخطه دا كنت بتعطلنا .
يامن : اه .
ملاك : طيب هو ايه الصوت اللي اشتغل ومنفجرش .
يامن :  قال هيشغل صوت فييك علشان يخوفكوا .
ملاك : تمام يلا اطلعوا ناموا بكره نبقي نتكلم في الباقي .
زياد : باقي ايه .
ملاك : باقي الخطه .
يزيد : خطة ايه لا كدا كفاية .
ملاك : يعني ايه .
مازن : يعني مش هنجازف تاني يا ملاك .
ملاك : بس سليم مش هيسكت .
زياد : سليم هيسكت لو بعدنا انما طول ما احنا مصرين مش هيسكت .
ملاك : بس انا مش هضيع كل حاجه انتوا عارفين احنا تعبنا اد ايه .
زياد : وهنتعب اكتر لو كملنا كفاية .
ملاك : مش هينفع انا مخسرتش كل دا علشان في الأخر اقول كفاية عايزين تكملوا معايا انتوا حرين مش عايزين بردوا حرين  .
ااش : ملاك انا معاكي .
يامن : وانا اصلا معاكي .
يزيد : بصي هو انا مش مستغني عن عمري بس ما دام احنا من الأول سوا يبقي نفضل سوا انا معاكي .
مازن : تمام معاكوا .
زياد : بتبصولي كدا ليه ما هو مش هيطلع انا الوحيد اللي بره الليلة معاكوا .
ملاك بإبتسامه : طيب كدا ناموا وبكرا نتفق علي الجديد اه خلوا بودي جارد يحرسوا الفيلا لأن اليومين دول خطر .
وفعلا طلعوا ناموا وجابوا حراسة تحرس الفيلا  وتاني يوم صحيوا لقوا مروي مجهزة الفطار .
ملاك : صباح الخير علي الحلوين .
بدر : صباح الخير يا حببتي .
زياد : صباح الخير يا بابا .
ملاك : بابا مين .
يزيد : احب اقولك إن حصلت بلاوي وانتي في الغيبوبة .
بدر : انا يا ملاك ما انا ابقي زي باباه .
ملاك : اااه زي باباه بدوره ملكش دعوه بيه دا غلس .
زياد : دا انتي اغلس خلق الله وبعدين هو فين العكاز .
ملاك : عكاز ايه دا الدكتور كان بيأفور انا رجلي اهي زي الفل .
زياد : يارب صبرني .
يامن نزل الكل بصله بصت قرف .
ملاك : بصوا بقي احنا قولنا هنفضل مع بعض المشاكل ديه مش وقتها .
زياد : ما انا ساكت علشان هي مش وقتها فعلا .
وقعد فطروا وبعد كدا  ملاك قعدت ولمتهم حواليها علشان يتفقوا علي الخطه .
ملاك : بصوا بقي انا بقول نجبها من الأخر .
يزيد : نقتله .
ملاك : يخربيت دماغك نقتل مين شايفنا مجرمين هنا لا .
زياد : هنعمل ايه .
ملاك : احنا نروح عند بيته ونكتفه ونخلص بقا ونعرف .
مازن : خطتي يعني .
ملاك : دا اللي شدك في الموضوع اه خطتك .
يامن : تفتكري هتنفع .
ملاك : مش عارفة بس بجد زهقت .
ااش : كلنا زهقنا فعلا احنا اتخنقنا .
ملاك : تمام هنفذها امتي .
زياد : خليها بكره .
ملاك : اشطات 
ااش : انا هنزل اتمشي شوية .
وااش فعلا خرجت تتمشي بس مره واحده بعد ما بعدت عن الفيلا عربية سودا نزل منها راجل خدرها وحطها في العربية .
( طبعا عارفين مين 🙂) 
في المخزن .....
ااش كانت مربوطه ومغمي عليها سليم مسك تليفونه وصورها وبعد كدا مسك جردل مايه رماه في وشها .
ااش بفزع : اااااااااااااااع ايه الغباوه ديه .
سليم : انا كنت خلاص قولت كفاية بس فعلا ملاك مردتشي تهدي دا كمان تحذير واخر تحذير بعد كدا اللي جاي هيبقي دماار .
ااش : انت عايز ايه .
سليم : هتوصلي كلامي دا لملاك وتحذريها يا تبعد يا هتموت اعتبر ان سكوتك دا إجابة انا كدا اطمنت .
ااش : مطتمنشي .
سليم بإنتباه : ايه .
ااش : ملاك مش هتسيبك غير لما تقتلك .
سليم : يبقي انتي لسه متعرفيش مين سليم .
ااش : انت اللي متعرفشي مين ملاك اللي لما بتحط حد في دماغها بجد بتحول حياته لهلاك .
سليم اتعصب فضربها بالقلم جامد اغمي عليها .
( معلشي اصلها مش بتستحمل زي ملاك ) 
بليل في فيلا بدر .......
ملاك : يامن انا عايزة اسألك سؤال .
يامن : اسألي .
ملاك : هو انت علشان كدا اول ما قلتلك موضوع قدرية صدقت .
يامن : ايوه صدقت لأنها متستهلشي حاجه .
ملاك : بس هي ليه كملت معاه رغم كل دا .
يامن : مش عارف دا لو ساحرلها مش هتعمل كدا ..
ملاك : بكره نعرف .
يزيد : ملاك شفتي ااش .
ملاك : لا هي مش في اوضتها .
مازن : هي رجعت اصلا .
زياد : يعني ايه هي من الصبح في الشارع .
ملاك : لحظه هرن عليها .
ملاك طلعت الفون ورنت محدش رد رنت تاني محدش رد .
ملاك بقلق : مبتردش .
وفجأه اتبعت علي تليفون ملاك ماسدج .
 ( عرفتوا هو ايه اكييد )
 ‏ملاك بعصية : يا حيوان .
 ‏زياد : في ايه .
 ‏ملاك لفت الفون كان فيه صورة لأاش وهي مربوطه في كرسي ومغمي عليها .
 ‏يامن : دا سليم .
 ‏يزيد : يعني ايه ااش اتخطفت .
 ‏مازن : ايوه الحيوان دا خطفها .
 ‏يامن : لحظه لحظه .
 ‏وخد الموبايل وكبر الصورة لقاه نفس المخزن .
 ‏يامن : دا نفس المخزن .
 ‏ملاك : طيب انت فاكر المكان .
 ‏زياد : هو كان باعت اللوكيشن .
 ‏زياد طلع التلفون بتاعه وجاب اللوكيشن .
 ‏زياد : هو دا المكان .
 ‏يامن : طيب يلا نروح .
 ‏ملاك : تمام يلا .
 ‏زياد : يلا فين ولو طلع فخ .
 ‏ملاك : خلاص منروحشي كلنا هروح انا ويامن وانتوا تفضلوا هنا .
 ‏زياد : ملاك انتي بتقولي ايه يامن  تاني علشان يعمل فيكي ايه المره ديه يقتلك بجد .
 ‏ملاك : زياد .
 ‏يامن : معاك حق خليكي يا ملاك انا هروح لوحدي .
 ‏ملاك : لا انا هروح معاك .
 ‏زياد : يبقي نروح كلنا .
 ‏ملاك : بص انا عندي فكرة.
 ‏زياد : ايه .
 ‏ملاك : انت تيجي معانا وتستخبي في شنطه العربية تمام ونتواصل مع بعض عن طريق السماعات .
 ‏زياد : ليه واخدين قطه .
 ‏ملاك : علشان لو حصلنا حاجه تعرف تتصرف .
 ‏يامن : تمام انا موافق .
 ‏زياد : تمام  .
 ‏ملاك راحت جابت السماعات ولبسوها .
 ‏ملاك : بص اول لما سماعتك تنور دا معناه اني بحاول اتواصل معاك تمام .
 ‏زياد : تمام .
 ‏ملاك : لو حصل حاجه هخبط علي السماعه مرتين .
 ‏يامن : احنا هنركن العربية بعيد عن المخزن بشوية علشان ميشكش في حاجه .
 ‏زياد : ماشي يلا بينا .
 ‏يزيد : خلوا بالكوا من نفسكوا .
 ‏ملاك : متخافشي إنشاء الله خير .
 ‏مازن : خلي بالك من نفسك .
 ‏يامن : متخافش يا مازن .
 ‏مازن بص ليامن بتردد بعد كدا حضنوا بعض هما مهما حصل هما اخوات يزيد حضن ملاك لأن محدش ضامن ايه اللي ممكن يحصل ملاك قالت .
 ‏ملاك بقلق : هو انا مش مطمنا .
 ‏يامن : خلاص خليكي .
 ‏ملاك : مقصدشي كدا تفتكر هنلاقي ااش فعلا .
 ‏زياد : إنشاء الله يلا .
 ‏وخرجوا وركبوا العربية وراحوا المخزن وبعد نص ساعة وصلوا وركنوا العربية بعيد عن المخزن بشوية وزياد استخبا في العربية وملاك خبت السماعه بشعرها  اول لما دخلوا لقوا باب المخزن مفتوح .
 ‏ملاك : انا مش مطمنا .
 ‏يامن : اهدي .
 ‏دخلوا ملقوش حد .
 ‏ملاك : دا فخ .
 ‏باب المخزن اتقفل .
 ‏يامن مسك ايد ملاك وقال : سامحيني علي هعمله .
 ‏ملاك : انت بتقول كدا .........
 ‏كان اغمي عليها نتيجه الحقنة اللي يامن اديهالها شالها كان في مكان في سجاد كتير خباها تحته ووقف سليم كان دخل وقال .
 ‏سليم : انا حذرتكوا بس مفيش فايدة .
 ‏يامن : ااش فين .
 ‏يامن : في مكانها .
 ‏في فيلا بدر ....
 ‏حد من البودي جارد اللي علي الفيلا دخل قال ليزيد .
 ‏: يزيد بيه في بنت في الجنينه برا مغمي عليها .
 ‏يزيد بص لمازن وطلعوا يجروا لقوها ااش .
 ‏يزيد : ااش .
 ‏مازن : ازاي  دا حصل يعني ايه دا كان فخ .
 ‏يزيد : رن عليهم بسرعة .
 ‏يزيد شال ااش ودخلها الفيلا ومازن راح يرن عليهم 
يتبع....
لقراءة الفصل الثاني والعشرون : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات