القائمة الرئيسية

الصفحات

رواية هنا التقينا الفصل الرابع والعشرون 24 بقلم ندى محسن

 رواية هنا التقينا الفصل الرابع والعشرون 24 بقلم ندى محسن

رواية هنا التقينا الفصل الرابع والعشرون 24 بقلم ندى محسن

رواية هنا التقينا الفصل الرابع والعشرون 24 بقلم ندى محسن

الدكتور:قلبه وقف بس قدرنا نرجعه ينبض بسرعة ويمكن دا هيأثر عليه هو نزف كتير ونقلناله دم مستنيين نشوف ممكن ايه يحصل
ايمان وقعت على الكرسي وغمضت عينها بتعب وقلق
غيث:ايه يا دكتورة هي كويسة؟
الدكتورة:نقلنالها دم وهي نايمة دلوقتي هي حامل بس ممكن مع اي مجهود بسيط تجهض هي بذلت مجهود عنيف اخر فترة وهي لسة في البداية غير الأنهيار العصبي اللي عندها فلازم تخلي بالها من نفسها وتخلي بالكوا منها دي محاولة انتحار
غيث هز راسه بإيجاب وهو ساكت
عز سحبه:هو في ايه بيحصل هنا بالظبط انت كنت متفق معاهم ولا ايه
سراج باصصله بضيق
غيث:نادر فعلآ كان عايز يقتلني بس....بس جاهدت انه يسمع كلامي ويقتنع بس بفترة يديها لنفسه يعرف الحقيقة يمثل زي مكان بيمثل... بس يدور بجد ويكتشف هو كل حاجة معرفش انا مكنتش اتخيل اصلآ انه هيسمعني بالفعل خدني من الباب الخلفي للقصر بعد مخرجت من المستشفى ولحسن الحظ مكنش في حراس وقعدت في نفس الأوضة اللي كان بيقعد فيها
حط ايده على صدره بألم:بس.....مش عارف ايه اللي حصل...
مالك:انت شكلك تعبان
غيث بص لروز وهز راسه بنفي:لا...انا احسن بس المسكن....
حط ايده في جيبه مش موجود
اياد:انادي الدكتورة؟
غيث ابتسم غصب عنه وهز راسه بنفي
سراج:اقعد طيب هجيبلك الدكتورة...
راح جاب الدكتورة اديتلوا حقنة مسكنه وقعدت تلومه على حالته هو متصاب اصابة زي دي المفروض مكنش يتحرك خالص!
الدكتورة:اقعد وهاجي حالآ اغيرلك على الجرح
غيث قعد على الكنبه وعز شاورلهم يطلعوا
سراج:انت ازاي معرفتنيش حاجة زي دي؟؟وازاي اصلآ معرفتش مراتك دي كانت بتموت
غيث:مكنش فيه اي وسيلة مكنش معايا التليفون..
سكت ومقالش حاجة عن الولاعة اللي كان مديها لروز
سراج خرج بضيق
الدكتورة خبطت ودخلت مع الممرضة بالأدوات الطبية:اتفضل علشان نغيرلك على الجرح
غيث هز راسه بإيجاب وقلع قميصه وهي قعدت قدامه وابتدت تغيرله الضماد وتطهرله الجرح وهو مغمض.. عقله مع روز حس انه جه مع نادر على حسابها هي كان لازم يعرفها انه عايش بس كل حاجة جت بسرعة!.....
الدكتورة خلصت:انت لازم ترتاح
غيث هز راسه بإيجاب
الممرضة:مش عايز اي حاجة؟
غيث هز راسه بنفي:لا شكراً
خرجوا وهو قاعد باصص لروز اللي الشاش والقطن مغطي دراعها وايدها وكتفها بصلها بحزن:انا مش عارف ايه اللي حصل انتي خوفتي علشان كدا انتحرتي ولا ايه انا مش فاهم ازاي تعملي كدا!؟مش عارف ازاي
شوية وابتدت تفوق
غيث ابتسم:روز
روز بصتله حاولت تقعد بس اتألمت مقدرتش تقعد
غيث:اهدي ارتاحي
روز بصتله بدموع مقدرتش تسيطر عليها:غيث..انت بخير..انت محصلكش حاجة انت كويس
غيث ابتسم باس جبينها:انا كويس ومحصلش حاجة انا كنت في قصر الكيلاني دا كان اتفاق بيني وبين نادر انه هيكشف الحقيقة بنفسه بس مش فاهم ايه اللي حصل
روز بصاله بعدم تصديق:كانت لعبة منك؟؟
غيث طبطب على شعرها بحنان:ارتاحي بس ولما تفوقي نتكلم
روز بصاله بعدم تصديق وهي مش مستوعبة
غيث ابتسم:انتي وحشتيني اوووي يا روز
روز زأت ايده بغضب:اطلع برا
غيث استغرب:روز...
روز بدموع دورت وشها الناحية التانية:اخرج برا...
غيث مستغرب باس خدها وهي زأته بألم وانهارت في العياط:اطلع براا انا مش عيزاك ولا عايزة اشوفك انت انسان اناني وعديم الدم
غيث مصدوم منها ومن كلامها:روز طيب اهدي طيب انا مش فاهم ايه اللي حصلك فجأة
روز صرخت فيه بدموع:اطلع براااااااا اطلع
غيث بعد وطلع وهو متضايق
سراج:هي ايه اخبارها
غيث بحدة بصله وبتلقائية اتكلم:انت مالك بيها انت!
سراج:وانا مالي يا عم الله!
اياد:عايز بابا...
غيث بصله:انا مش عارف كلهم راحوا فين ولا فاهم حاجة....
روز بتعيط ومنهارة في العياط ومحاوطة بطنها بحنان:هو ازاي يعمل فيا كدا الأناني دا مهموش ابنه ولا اهتملي ولا كنت فارقه معاه......مفكرش غير في نفسه وازاي يرجع علاقته بأخوه....طيب كان في ميت طريقة مش ترعبني بالطريقة دي انا كان ممكن مش بس اخسر نفسي كنت هخسر ابني....انت اناني يا غيث انت واحد اناني.....انت حرام عليك العذاب اللي عيشتني فيه دا حرام عليك يا اخي.....
عيطت:انا ليه مش فارقة معاه ليييييييه
افتكرت اللي شافته وازاي كان رأفت هيموتها وافتكرت المذكرة اللي خبتها في هدومها اول مدخلت البرج وقبل مرأفت يجي حست ان مذكرة سوزان القديمة دي وراها سر كبير.....
خرجت المذكرات من الجيب الداخلي لهدومها بدأت تقرأها
(اخيرآ لقيت وظيفة كويسة بعد تعب وعناء استغربت انه وافق يشغلني من غير شهادة مطلوبة بعد معرف اني وحيدة شكله شفق عليا بس الحقيقة هو انسان مميز وجميل وجذاب جدآ بس مخيف بحس بخوف ساعات من نظراته ومن طريقته....
-النهاردا اسعد يوم في حياتي رأفت طلب يتجوزني انا كنت حاسة انه بيحبني كنت حاسة انه معجب بيا كلامه وطريقته غيرته غيرته غيرته وكمان مرة غيرته ملهاش حدود بجد بيغير من كل الناس اللي اعرفهم بيغير من كل اللي حواليا بطريقة غريبة بس بحبه بكل حاجة فيه وطبعا طبعا طبعا موافقة اتجوزه
-قد ايه هو جميل ولطيف قد ايه هو حنين معايا وكأني بنته بس هو عايش لوحده زيي يمكن دي حاجه ساعات بتخوفني القصر كبير وضخم زيادة بحسه مش مكاني....
-انا حامل دا كان اسعد يوم في حياتي بس اتحول....لما قولت لرأفت لما قولتله اني حامل هو اتعصب هو مكنش عايزني اخلف بس ليه كدا مع اني واثقة انه بيحبني بس ليه بيتصرف بالشكل دا
-هو جه صالحني انا فهمت قصده هو خايف عليا مامته ماتت وهي بتولده واتحرم من حنانها هو مش عايز يخسرني بس انا طمنته وبعدين حبيبي الغيور دا كان خايف احب ابنه اكتر منه بس ازاي وابنه دا حتة منه اصلآ حبيبي اللي اتمنى ربنا يفضل محافظلي عليه حقيقي انا بعيش معاه اسعد ايام حياتي كلها رأفت انسان رؤوف وجميل بس...مازلت بقول مخيف في حاجة مش فهماها او يمكن علشان اتعود يعيش لوحده واخته اخر حد كان ليه ماتت من قريب قد ايه انا متضايقة علشانه...)
الباب خبط وروز خبت المذكرات وغيث دخل
روز بصتله وافتكرت اللي رأفت عمله وازاي جرحها ودا خلاها ارتجفت
غيث قعد جنبها:خلاص ممكن تهدي بقى وتفهميني في ايه مالك وايه اللي بيحصلك وازاي يا روز جرحتي نفسك بالشكل دا
روز بصتله:انا مش عايزة اشوفك..اطلع برا
غيث بصلها بحزن:روز....انا مش عارف انتي ليه بتتصرفي بالشكل دا
روز انهارت في العياط:انت اناني وعديم الدم انت ازاي اتجرأت وعملت فيا كدا سيبتني بتعذب سيبتني وانت عارف اني مش هتحمل مش هقدر اعيش انا حامل في البداية لسة حامل في ايام وانت حتى مفكرتش...مفكرتش فيا ولا في اللي في بطني دا انت ازاي بالأنانية دي
غيث حس فعلآ انه غلطان قرب مسك ايدها السليمة وباسها:انا عارف اني غلطان بس صدقيني كل حاجة جت بسرعة
روز بدموع:جات بسرعة عندك بس عندي انا الدقيقة كانت بتمر عليا سنين انت ازاي مفكرتش فيا ازاي كنت بتحمي واحد زي رأفت كنت عايز تنقذه وفاكر اني انتحرت!؟!!؟ هو اللي حاول يقتلني زي مقتل مراته اللي انتوا فاكرينها انتحرت جرح ايدي وهو لابس الجونتي بعد مدهولي وبصماتي طبعت عليه علشان...علشان الموضوع يبان انتحار علشان ميبقاش عليه حاجة انا كنت بموت كنت بتصفى والراجل المجنون دا جنبي...انت متخيل انا عشت ايه اللحظات دي كانت ابشع مما تتخيل خوف والم وقهر معرفتش اعمل ايه جرحته وكان...ايوا غصب عني طيب كنت هعمل ايه وانا...بموت بسببه ومش اول واحدة جدتك عانت في كل لحظة مع البني ادم دا دا مجنون
انهارت في العياط:دا مجنووون قتلها علشان بيحبها؟؟حب ايه دا
غيث بيحاول يهديها:روز اهدي
روز بعدت ايده عنها بخوف وقلق واضح:ابعد عني انت متفرقش عنه حاجة انت كمان مبتفكرش غير في نفسك انت زيه انت نسخة من رأفت الكيلاني هو قالي انه كمان هيريحني انت متختلفش عنه
غيث متفاجأ بس حاول يبقى هادي هي مرعوبة ودا باين في كلامها وفي نظراتها
روز بتفتكر نظرات رأفت وابتسامته المجنونة هو فعلآ مات بس زرع جزء منه جوا كل واحد من عيله الكيلاني.....
غيث:انا بحبك وعمري مهعمل حاجة تأذيكي او تجرحك
روز بدموع:انت كذاب انت بتخدعني انت بالفعل جرحتني وكسرتني لما خليتني افتكر انك مت ومفكرتش في حاجة كل اللي فكرت فيه اخوك....انت خليتني اتجنن انت خليتني ضربته بالسكينة واشوفه بيموت قدامي ومتهزش
غيث اتصدم:انتي...بتقولي ايه
روز بدموع:انا قتلته انا قتلته بإيدي
غيث بصلها بعدم تصديق:انتي بتقولي ايه انتي؟؟؟
روز بتعيط:انا تعبت انا تعبت خلاص مش قادرة
غيث مسك ايدها بإندفاع:فين هما راحوا فين؟؟؟
روز اتألمت:ايدي حاسب اوعى
غيث بغضب:انطقيييييي فين همااااااا
روز بدموع وهي بتبعد عنه بألم :في المستشفى هنا....معرفش فين بالظبط سيبني بقى
غيث سابها وخرج بغضب:سراج معلش هات تليفونك
سراج مدله التليفون اتصل بكامل
كامل بص للتليفون بإستغراب ورد:كامل بيتكلم...مين
غيث:بابا انا غيث بابا انتو فين ونادر عامل ايه هو كويس؟
كامل اتصدم:غيث؟
الكل بصله
كامل:انت ازاي...يعني..
غيث:بابا مش وقته انتو فين
كامل:في مستشفى ******** في الدور الرابع
غيث هز راسه بإيجاب مد لسراج التليفون وطلع جري حط ايده على صدره بألم وقف وطلع في الأسانسير الدورين الباقيين واياد معاه
عز دخل لروز شافها بتعيط:روز
روز بصتله بدموع:عمي....
سراج:انتي كويسة؟
قرب قعد جنبها:انتي لازم تهدي
روز بدموع:هو عايش.....
عز:انا عارف انه صعب عليكي انه يبقى كويس وميفكرش يطمنك بس....
روز بصتله هو فهمها وفهم اللي حصل عيطت اكتر:انا مش فارقة معاه انا فعلآ مش فارقة معاه
سراج:انتي حامل لازم تهدي وتبقي قوية علشان ابنك روز انتوا خلصتوا من رأفت باللي حصل دا اللي جاي سهل
روز بتعيط هزت راسها بنفي:اللي جاي بيني انا وغيث مش هيبقى سهل ابدآ وانا خايفة...
بصت لعز:عمي...ممكن اطلب...طلب...
عز بصلها:اتفضلي...
روز بإحراج:ممكن اجي....اقعد معاك ومع...مرات حضرتك
عز استغرب بس ابتسم بحنان:معنديش مانع طبعآ
روز بدموع:بس ليا طلب
عز هز راسه بإيجاب:ءأمري
روز بتمسح دموعها:مش عايزاه ياخدني...ارجوك
عز هز راسه بنفي:روز انتي المفروض تفرحي انه بخير و..
روز قاطعته بدموع: فرحتي انه بخير متتوصفش بس.... انا خايفة وهو دلوقتي متضايق و...
عز: انتي خايفة منه؟؟؟؟معقول يا روز دا بيحبك جدا وبيغير عليكي جدا
روز افتكرت اللي قرأته وقفت بتعب وهتمشي سراج مسكها:روز
روز بعدت ايده بغضب:ملكش دعوة بيا انت ابعد عني
عز بعده:بس....روز اهدي
روز بدموع:انا عندي اهلي انا مش عايزة حاجة من حد اصلآ
عز:روز
روز مشيت بهدوء عايزة تطلع من المستشفى وعز حاول يمنعها بس هي صممت هزت راسها بنفي:مش عيزاه يجي مش عايزة انا هقعد مع بابا هو مش هيعارض بابا خلاص ساب مراته ساب الست اللي كانت سبب بعده عني خلاص انا...همشي
عز:هوصلك طيب مش انا زي بابا بردو
روز هزت راسها بنفي:مش عايزة حد معايا مش عايزة حد
مشيت وقفت تاكسي وقالتله على العنوان وعز اتنهد بقلة حيلة

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

ايمان بتعيط:غيث انت بخير
غيث هز راسه بإيجاب وتوهان:نادر فين حصله ايه
كامل حاطت ايده على كتف غيث وكأنه بيستمد القوة منه
غيث بصله:بابا نادر؟
نادر: جوا في العناية المركزة ادعيله يا غيث ادعيله ربنا ينجيه
غيث سند ضهره على الحيطة
جواهر بدموع غل:كله منه كله منه
شاكر:ربنا ينتقم منه
عمار ضحك وهو بيهز راسه يمين وشمال بإستهزاء اثار انتباه الكل بصلهم وفجأة ضحك وامه سوزي بصتله بإستغراب:بتضحك على ايه يا عمار انت اتجننت!؟
عمار:ال يعني انتو الأشراف الصالحين والنبي اقعدوا على جنب
شاكر:عماااار لم لسانك انت ايه حصل في هقلك
عمار:ايه حصل؟هو علشان بقول الحقيقة ابقى اتجننت بقولكوا ايه انا مش لاعب روحوا بقى اشبعوا بيه وعيشوا خدامين تحت رجليه علشان الفلوس وسيبوه يتفرعن بص لمرڤت اللي كانت واقفة تايهه حط ايده على وشها:مش هيتجوزك يا قطة انتي كنتي لعبة رخيصة لنادر
الكل بصلها
غيث غمض بضيق
ايمان وهي واخده اياد في حضنها والدموع على خدها:انت..بتقول ايه...
عمار:بقول ايه بقول اللي فهمتوه كان ندور مواعدها بالجواز بس ايه اللي حصل... خلا بيها والله اعلم ايه حصل بينهم غير القبلات الحارة والأحضان
رامي بصدمة سحب شعرها:الكلام...دا..صح؟
مرڤت غمضت بألم والدموع اتجمعت في عينها:كان محتاجني جنبه وانا حبيته...انا بجد حبيته بس علاقتنا متعدتش ال...
رامي ضربها بالألم بعنف وجواهر كانت مصدومه
عمار بص لسلوى وابتسم:الصغنن العسل بتاعنا العاقل لولا انك عاقلة وشوية عندك اخلاق كان زمانك محصلة اختك القمر دي وبقيتي مدام نادر انتي كمان
ايده هتلمس وشها وليد كان ماسك ايده وزأه بغضب:عمااااااار كفاااية بقى
مرڤت صرخت فيه:انت كذاب انا ونادر علاقتنا متخطتش حدودها انت كذااااب
عمار:مش انا القذر اللي فيكوا لا يا حبيبي كلكوا قذرة بس انا الواضح اللي فيكوا اشبعوا بقى بسي رأفت
غيث:مات.....
التفتوا لغيث بعد منطق بالكلمة الوحيدة اللي خليتهم كلهم في حالة اندهاش
غيث:القصر انهار...وهو مات ومحدش عارف السبب...فجأة كل حاجة انهارت ..
جواهر اتنهدت بعمق غمضت عينها وسندت على الحيطة
رامي ساب مرڤت ووقع على الكرسي
شاكر قعد في الأرض وكامل كان ساكت تمامآ
عمار:الله لا يرحمه..
قال جملته ومشي بغضب:ماااات؟؟الموت دا رحمة بالنسبة ليك كان نفسي اشوفك متعذب ومكسور...
غيث:حاول يقتل روز...
بصوله وهو حكى اللي روز قالتهوله
كامل:روز كانت فاكرة زينا ان نادر قتلك صدقني ملهاش ذنب هي عانت بسببنا كلنا وليها حق تعمل اللي هي عايزاه وتقول اللي هي عيزاه هي ملهاش غيرك...
غيث:انا هتطمن عليها علشان...علشان هي تعبانة بجد...
مشي بحزن في اتجاه اوضة روز

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

روز خبطت على عامر فتح وابتسم:روز
بصتله وكانت هتقع خلاص من طولها بعد مجاهدت توصل
عامر حضانها بخضة:ايه يا روز مالك
روز:د...خلني...تعبانة.....مت..سيبنيش....محتجاك....صدقني
عامل شالها وداها اوضته ونيمها على السرير غطاها وقعد جنبها بصلها:ايه اللي حصل ايه دا؟؟انتي ايدك مالها انتي مجروحة وليه متبهدلة كدا
روز بدموع:خليك جنبي متخليش حد ياخدني انا عارفة انه هيعرف مكاني بس انا تعبانة بابا انا حامل
عامر ابتسم بحب:انتي حامل بجد
روز هزت راسها بإيجاب وبدموع:الدكتورة قالت انه يكمل دا احتمال ضعيف لأن حالتي ضعيفة جدآ انا خايفة ومش عارفة اعمل ايه
عامر:غيث فين وازاي سابك كدا؟
روز:غيث هو السبب مهما يحصل متسمحش اني ابعد عنك انا خايفة انا مرعوبة
بتفتكر لما ضربت نادر بالسكينة ولما جرحت رأفت بعنف في ايده
ارتجفت وعامر حضانها وبيطبطب عليها بحنان:انا جنبك لا هبعد ولا هسيبك انا مليش غيرك اصلآ
روز دموعها نزلت بحزن وغمضت بتعب...

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غيث بغضب:يعني هتكون راحت فين واحدة في حالتها دي هتكون راحت فين
الممرضة:معرفش يا غيث باشا هي مشيت ومقالتش هتروح فين .....
غيث غمض بضيق راح عن عيلته خد تليفون كامل اتصل بعاصي:الو يا عاصي شوفلي روز فين كنا عند مستشفى********* ومش لقيها في غضون دقايق تكون عارفلي هي راحت فين
عاصي بجدية:امرك كل حاجة في دقايق هتكون عندك......
قفل معاه وعاصي خد رجالته واتجه للمستشفى يشوفوا الكاميرات واستعلموا عن رقم التاكسي...
جواهر بتعيط وساكته
رامي باصص لمرڤت بغضب وخيبة امل نفسه لو يقتلها لو يكسر رقبتها في ايده وهي تايهه وساكته
ايمان بصالها وباصة لأياد
اياد بصلها وابتسم:هتفضلي معايا ولا هتخلي عمو يمشيكي تاني...
ايمان باست خده وحضنته جامد تاني بإشتياق وكأنها عايزة تدخله جواها كانت مقعداه على رجليها بتطبطب وبتبوس فيه ولاحظت نظرات مرڤت ليها كانت نظرات مش ضعف او انكسار كانت نظراتها غل وغيرة
عاصي كلم غيث:هي موجودة في ******** حضرتك تعرف حد هناك؟
غيث هز راسه بإيجاب:شكرا يا عاصي سلام
قفل وركب عربيته وبسرعة مشي على بيت عامر
عامر:مش هتحكيلي بردو ايه اللي حصل
روز:صدقني مش قادرة....انا تعبانة....وكمان جعانة انا مكلتش حاجة من الصبح
عامر بإستنكار:ازاي يا روز يعني انتي مش حامل المفروض يا حبيبتي تهتمي بنفسك
روز بدموع هزت راسها بإيجاب
عامر:هعملك فراخ مسلوقة وشوية شوربة خضار هتاكلي صوابعك وراهم
روز ابتسمت وهزت راسها بإيجاب
عامر سابها وخرج وهي خرجت المذكرات وابتدت تقرأ
(في حاجة غريبة الغيرة بتاعته دي يمكن اي حد بيغير على مراته بس هو في حاجة مختلفة مش غيرة حب مش عارفة دا صح ولا لا بس هو متملك هو ممكن يأذي بسبب غيرته هو ضرب واحد كان هيموته وقتل رأفت قتل واحد لمجرد انه اتغزل فيا مكتفاش بضربه وبهدلته انا ابتديت اخاف لما بيدخل البيت مبقتش احس بأمان نظراته ليا اتغيرت بقت غضب فاهم اني انا اللي بديلهم فرصة يتكلموا معايا في حاجة مبقتش طبيعية لو لومته على تعذيب حد او ضرب او قتل بيفتكر اني بدافع عن الشخص دا ودا قادر يجننه...بقى يضربني انا حامل في تاني ولد لينا وهو مبيراعيش دا بقى يأذيني وبيعاقبني انه بيبعدني عن كامل ولو عارضت يقولي اني بحب كامل اكتر منه ويعاقبني بضربه انا مرعوبة لو كلمت واشتكيت لحد من عيلتي مش بعيد يخلص عليهم كلهم انا واثقة انه ممكن يعمل اي حاجة هو اتجنن
-لو حصلي اي حاجة الفترة دي فأنا بتهم رأفت لأنه مبقاش طبيعي كليآ ضربه ليا مبقاش عقاب دا بقى حاجة بيستلذ بيها وبيفرض سيطرته عليا بيها ومين اللي قال ان الضرب دا بيدي الكرامة والرجولة للراجل دا بينزل في نظر الكل مش مراته وبس....
-ولدت ولد زي القمر هو مهتمش بص فضل معايا في المستشفى مش عايز حد يخشلي حتى الدكتورة بتبقى بالعافية حضنه اللي كان بيحتويني بقى يخنقني وبقى يرعبني رغم اني عارفة مهما يحصل مش هتوصل بيه يقتلني هو بيحبني بس هو متملك انا بكرهه انا بقيت اكرهه
-كالعادة بكتب علشان مفيش اللي احكيلوا مبقتش طيقاه مبقتش عايزة اعيش معاه حاولت انعزل بعيد عنه روحت البرج وكأنها كانت فرصة ليه لو متقبلتهوش بقى يتهجم عليا ويخليني اكره نفسي واكره اليوم اللي اتولدت فيه عمري مهقدر اسامحك يا رأفت مبقتش اتكلم معاه بس مفرقش مش بقول اتملكني المهم اني ابقى في حضنه وخلاص والهي دا بني ادم مجنون اتمنى اخرج من القصر دا بسلام اتمنى اخرج انا وعيالي بخير يا رب انت عالم)
الباب خبط وهي خبت المذكرات وجسمها بيرتجف الدموع في عينها بتمسحها وبتفتكر تصرفات غيث وازاي كان بيعذب اللي بيكلمها ومستعد يقتلهم وازاي كان بيضرب اياد علشان بعذب نادر هو ميفرقش عن رأفت
الباب خبط تاني وهي ردت:ادخل
عامر دخل حط الأكل قدامها:ايه يا حبيبتي انتي غفلتي؟
روز:لا...سرحت معلش يا بابا
عامر حط الأكل قدامها على السرير:كلي يا حبيبتي يلا
روز بدأت تاكل وبصتله:مش هتاكل
عامر ابتسم بحنان وبقى يأكلها:لا مش جعان
روز بصتله وبتاكل من ايده وبصتله بدموع
عامر هز راسه بنفي ومسح دموعها:روز لا
روز ابتسمت:شكرا انك قبلت تدخلني
عامر حس انه كان قذر وحضانها:حقك عليا انا اسف مش هتتكرر
روز ابتسمت:انا فعلآ محتجاك مش هقدر اكمل لوحدي انا محتجاك في كل خطوة في حياتي
عامر:وانا كمان محتاجك انا مليش غيرك يا روز...
الباب خبط وعمار راح يفتح
غيث بصله والغضب ماليه بس ظهر بروده بإحتراف:فين روز
عامر:جوا بس ايه اللي حصلها هي تعبانة وكمان مجروحة انت عملتلها ايه
غيث:عايز اكلمها....
عامر:في الأوضة دي
غيث هز راسه بإيجاب دخلها وهي حست بوجوده قدامها رفعت عينها واتنفضت من مكانها والشوربة وقعت على رجليها اتألمت وهو متهزش رغم انه قلق جدا عليها
روز بصاله وهو مربع ايده قدام صدره وبتتألم:انت هنا ليه؟جيت ليه؟
غيث قرب بهدوء هيقعد بعدت بقلق:بااابااااا
عامر دخل:ايه يا حبيبتي
روز:ت..تعالى
غيث ابتسم بسخرية
عامر وقف جنبها:مالك يا روز
روز مسكت ايد عامر بخوف
عامر اتخض:ايه دا يا روز الشوربة اتدلقت على رجلك؟تعالي قومي معايا
روز قامت وكانت فرصة مناسبة تبعد عن غيث كانت خايفة ومش عارفة هتعمل ايه
عامر دخلها الحمام وهيوطي يغسل رجليها مسكته:بابا لا طبعآ
عامر ابتسم بحنان:انتي حامل مش هسيبك توطي اهدي
رش على رجليها ميه وجاب فوطة نشفها وخرج جاب مرهم هيحطهولها غيث مسك ايده وابتسم بإصطناع:معلش يا عمي ممكن اتكلم معاها
عامر هز راسه بإيجاب:انا نازل اجيب حاجة نشربها غيث متضايقهاش وبعدين ايه سبب جرحها دا؟؟؟انت مديت ايدك عليها؟؟؟؟؟
غيث هز راسه بنفي:لا....بعدين.....
عامر بضيق منهم:براحتكوا نزل وروز نظرها متعلق بيه عايزة تمنعه يمشي بس مقدرتش خبت وشها بإيدها بخوف
غيث قعد قدامها فتح الكريم وحطه على رجليها وهي بتبعد اتكلم بنبرة امر:اثبتي
روز بصاله برعب واضح
غيث بصلها بإستغراب وبيوزع الكريم على رجليها وهي مخبية وشها وبترتجف قرب قعد جنبها وهمس:مالك في ايه
روز اتخضت وبصتله
غيث حط ايده على كتفها علشان يثبتها:عايزة افهم مالك في ايه خايفة مني انا؟؟؟؟ليه بالطريقة دي عملت ايه اتعصبت عليكي انا غلطان لو كنتي استنيتي شوية كنت جيت اعتذرتلك انتي يا روز مستنية مني ايه وانتي حاولتي قتل الأنسان الوحيد اللي كنت بحميه
روز بتبعد ايده عن كتفها بخوف وهي بتفتكر مذكرات سوزي وهي بتوصف رأفت اللي شايفة غيث نسخة منه
غيث اتعصب وصرخ فيها:روووووز في ايه هو انا جيت جنبك ضايقتك عملتلك ايه؟؟؟
روز عيطت وضربته بتبعده عنها:ابعد عني
غيث شافها بتضربه بإيدها المجروحة لحد مالشاش اتملى دم من ايدها مسك دراعها:اهدي يا مجنونة جرحت اتفتح (اتعصب)رووووز خلاص اهدي في ايه مش هأذيكي مالك يا روز اهدي
روز بصتله بدموع وهو حضانها
غيث:عارف ان كل اللي حصل صعب عليكي اهدي بس يا روز اهدي
روز منهارة في العياط:انت مبتحبنيش يا غيث خلاص ابعد عني بقى ابعد عني
غيث مش قادر يفهم ايه اللي حصلها باس جبينها وبيحاول يهديها:بس اهدي خلاص
روز بصتله
غيث بحنان وخوف عليها:ايه اللي حصلك ليه بتعامليني بالشكل دا انا غلطت لما خبيت عليكي اسف حقك عليا مش هتتكرر حقك عليا
روز بصتله
غيث ابتسم بحب:فين علبة الأسعافات؟
روز:ليه...
غيث:علشان ايدك هشوفها ولو محتاجة خياطة نروح تاني
روز هزت راسها بنفي وبتحاول تهدى:الحركة غلط عليا...
غيث:طيب يا حبيبتي فين العلبه؟؟
روز:في الحمام في رف فوق
غيث هز راسه بإيجاب:فين الحمام
روز شاورت على الحمام
غيث راح جاب الشاش والقطن وبصلها:هاتي ايدك
روز بصتله بتردد
غيث:هاتي ايدك يا روز...
روز مدتله ايدها وهو قطع الشاش من على ايدها اتنهد:الحمد لله متفاتحش
الباب اتفتح ودخل عامر
روز ابتسمت:بابا
عامر بص لأيدها بإستغراب:ايه دا؟؟انتي ايه اللي حصلك وايه اللي جرحك بالشكل دا روز انتي؟؟؟
روز هزت راسها بنفي:لا...اكيد انا مش هعمل كدا دا جدع دا جد غيث اللي جرحني وهو مات....خلاص....هو مات
عامر بص لغيث واتعصب:ايه اللي حصل انتو عملتوا فيها ايه
غيث ساكت
عامر زأه بعيد عنها:ايه اللي حصل بالظبط وليه جدك عمل كدا
غيث بص لعامر بغضب:علشان مجنون وخلاص مات
عامر بص لروز:روز هو عاملك ايه هو ضايقك؟
روز بصت لغيث وبصت لعامر:انا مش عيزاه ياخدني مش عارفة ممكن يعمل ايه فيا بابا متخليهوش ياخودني
غيث اتصدم من كلامها بس محبش يخوفها اكتر من خدا ساب الشاش مع عامر:خلي بالك منها
بصلها بحزن وخرج وهي غمضت بدموع:انا مش عارفة المفروض اعمل ايه وخايفة.....

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

الكل في المستشفى
كامل:كفاية بقى روحوا ولما يفوق تعالوا
شاكر بصله بتهكم وشاور لوليد ومشيوا
جواهر وقفت بخنقة:يلا....
مشيوا ومرڤت واقفة مكانها جواهر بصتلها بقرف:يلااااا
مرڤت هزت راسها بنفي:لا.....هو وعدني مش هيسيبني...وقال انه هيتجوزني قال اني لازم...لازم اتطمنله علشان هو بيحبني.انا وثقت فيه والله وث...
جواهر قاطعتها بضربها بالألم:مش عايز اسمع صوتك يا قذرة انتي
مرڤت صرخت فيهم:محصلش اللي في دماغكوا هو حاول معايا بس مش بالشكل اللي في دماغكوا انا كويسة بس انا حبيته انا مسلمتلوش نفسي زي منتو فاكرين بس انا....
جواهر سحبتها:يلا معايا
سحابتها بغضب وبصت لكامل بإستحقار ومشيت
ايمان بتعيط بقهر
كامل قرب قعد قدامها
ايمان منهارة في العياط:مطنش كدا كان انسان نقي مكنش كدا يا عمي مكنش كدا والله
اياد باصصلها بدموع:ماما....انا عايز بابا
ايمان حضناه وبتعيط
كامل بيطبطب عليها بحنان:وحشتيني
ايمان ابتسمت واترمت في حضنه:بابا انت وحشتني واهلي وحشوني بابا وماما واخواتي ازاي عايشين
كامل:حالهم صعب بعد موتك واتجننوا وابوكي ضربني يوم العزا بتاعك علشان محضرش الدفن بس انتي الحمد لله بخير يا كويسة
ايمان بتعيط
اياد باس خدها:انا بحبك وكنتي وحشاني كنت بقول لماما روز اني عايزك وهي كمان سابتني يا ماما
ايمان باس جبينه وحضنته:ماما معاك ومش هتسيبك خلاص ماما مش هتخليك تبعد عن حضنها
غيث واقف بيتابع بصمت
كامل بصله وابتسم بفخر
غيث ابتسم بإصطناع ودخل لنادر شافه تحت الأجهزة في العناية بصله غمض عينه مقدرش يستحمل يشوفه كدا لأول مرة في حياته خرج وسند على الباب
كامل مسك ايده بتشجيع:هيبقى كويس بس....غيث هو بجد خلاص رأفت انتهى؟؟

للكاتبة/ندى محسن ♕Noody♕
متابعة لصفحتي هنا 
👈

روز بتقرأ مذكرات سوزي
(حاسة اني بتخنق الأكسچين فجأة خلص من المكان اللي بيديني الأمل عيالي طول مهو في الشركة بتاعته انا ببقى كويسة بشوفهم واتطمن عليهم ءأكلهم واشربهم بيبقوا خايفين انا نفسي ببقى خايفة ويمكن ببقى خايفة عليهم اكتر اتمنى ميتحرموش من بعض وتفضل دايمآ المحبة بينهم ويفضلوا مترابطين
-كامل تعب اوي مكنتش عارفة اعمل ايه كنت جنبه وهو جه اتعصب رأفت خلاص اتجنن افتكر اني بعانده وخلاص قرر يحبسني في القصر لحد متأدب لحد مبقى قبلاه لحد مقبل العيشة معاه لحد مدوس على نفسي بس لأمتى)
عامر:روز
روز بصتله
عامر:ايه يا حبيبتي بتقرأي ايه مخليكي متأثرة وبتعيطي بالشكل دا
روز بتمسح دموعها:متقلقش يا بابا
عامر:انا جيبتلك عصير خدي اشربيه
روز ابتسمت:كفاية يا بابا متتعبش نفسك
عامر:سيبيني يمكن ارجع اقبل نفسي
روز:انا بحبك
عامر ابتسم وقرب حضانها:ربنا ميحرمنيش منك... روز انتي خلاص كدا مش عايزة غيث؟؟؟؟.....
يتبع...
لقراءة الفصل الخامس والعشرون : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات