رواية ملاكي الخائن الفصل الثالث 3 بقلم بسملة بدوي

زهره بصدمه....... ننعم ولادك 

جاسر بضحك.......... هههههه هما ولاد اخويا بس بعتبرهم ولادي وعشان كده هما بيقولولي يابابا 

زهره ابتسمت لهم وقالت بحب....... قمامير اوي يا جاسر 

واشتالت البنت وقالت بحب......  اسمك اي ياقمري

البنت بطفوله........ انا قمرك يا طنط بجد 

زهره بضحك على براءتها......ههه ايوه اسمك اي 

_اسمي ورده 

_اسمك زي اسمي عارفه انا اسمي اي 

اي 

اسمي زهره 

 ورد بطفوله...... بجد الله اسمنا زي بعض اي رايك نكون اصحاب بقلمي بسمله بدوي

زهره بحب....... انا اطول القمر دي تكون صحبتي، حاتي حضن كبير اوي يالا  .... وحضنوا بعض جامد 

زهره بحب وهي بتبص على الولد الى واقف ساكت وملامحه هاديه...... وانت اسمك اي يبطل 

مفيش رد 

زهره قربت منه ولسا عايزه تشتاله بِعد عنها وبرده متكلمش

زهره باستغراب وبتوجه كلامها لجاسر........ ماله ياجاسر 

جاسر بحزن...... ما مبيكتلمش يا زهره 

زهره شهقت وقالت بحزن.......  يا حبيبي اسمه اي 

زين 

زين حبيبي انت خايف مني 

هز راسه بلا فرحت وقالت بحب........ ممكن اخد حضن ضغنطوط با زينو 

ابتسم وجري حضنها 

جاسر برق وقال بصدمه......  اي دا انا بحلم صح زين حضنك ده معجزه في حد ذاتها

زهره بضحك....... الله اكبر في عينك وبتاخد زين وورد في حضنها بقلمي بسمله بدوي

وجاسر واقف فرحان بيهم 

قاطعهم صوته القوي.........  زييييين وااارد تعااالوا هنا انتي مين يا ست انتي اكيد حرا'ميه 

جاسر لف ليه ولسا هيتكلم قاطعه بغضب........ جاسر مين دي وازاي تحضن ولادي كده و

جاسر:  فهد فهد اهدى مافيش حاجه اهدي

فهد اخد زين وورد من زهره ب'عنف 

زهره بغضب..... في اي ياااعم انت ما براااحه وبعدين انا حد قالك اني باكل عيال صغيره مااالك وبعدين براااحه عليهم 

 رد ببرود.... وانتي بقا الي هتعرفيني اتعامل مع عيااالي ازاي يا بتاعه انتي 

زهره بغضب.........  اي بتاعه دي اسمي زهره

بصلها ببرود ومسك ايد زين واشتال ورد وقال ببرود......  جاسر ابقى استنضف شويه الاشخاص الي بتعرفهم ومشا هو ورجالته ا'لمسلحين وعربيات كتيره وراه باين انه شخص غني اوي 

زهره واقفه مكانها مصدومه.......  اي دا بجد مش مصدقه الي حصل من شويه 

جاسر: احم انا اسف على الي اخويا عمله من شويه بس اعذريه والله العظيم  هوا مكنش كده 

زهره بانتباه.......  اي الي حصل 

جاسر بحزن....... احم هااا لا ولا حاجه تعالي يالا عشان اوصلك 

زهره بحزن في نفسها..... يا ريتني كنت سمعت كلامك يا جده وماتجوزتهوش معلش هتقل عليك يا جاسر بس ممكن توديني *******

جاسر بابتسامة..... ولا تعب ولا حاجه حاضر 

وصلوا فيلا كبيره اوي وفخمه 

جاسر وقف وهي ودعته ومشا 

دخلت الخادمه اول ما شافتها فرحت وقالت بصوت عااالي...... زهره هاااانم رجعت ياااحج وحضنتها وجريت على فوق ونزلت براجل كبير في السن باين على ملامحه الطيبه واول ما شافها دمع وهي جريت على حضنه...... انا آسفه يا جدو يارتني سمعت كلامك 

صالح بحب مسح دموعها وقال..... خلاص هيييش انامسامحك انا عرفت كل الي حصل خلاص 

قاطعهم نزول راجل وست وبنت شابه.

الست بخبث...... اي ده زهره رجعت تاني 

 الجد: غاااده خلاص اقفلي على الموضوع ومش عايز اسمع ان في حد فتح الموضوع ده تاني فاااهمين 

زهره سلمت عليهم وبعدين طلعت اوضتها وافتكرت الي حصل وقعدت تعيط على ذكرياتها القديمه وبعدين دخلت اخدت شاور ونامت بقلمي بسمله بدوي

 عدى سنه كامله على الي حصل وكان احلى سنه مع جدها الي باقيلها من عيلتها كلها اهلها وامها ما'توا من وهي صغيره قضت مع جدها احلى سنه فرح وسعاده لحد ما جه اليوم الي غير حياتها180درجه صحيت على ا'بشع خبر سمعته مو'ت جدها وسندها الوحيد عملوا عزا و النهارده اخر يوم في العزا وهي كانت قاعده في اوضه جدها بتفتكر زكراياتها معاه وتعيط وبعدين حست بحركه غريبه راحت قفلت الباب الجرار الازاز شافت انعكاس شخص فيه ومعاه س'كينه كأنه بيحاول يموتها مقدرتش تصرخ صوتها كأنه راح لفت والشخص ده اول ماشافها السكينه وقعت من ايده وقلع الماسك والشخص ده طلع فهد

زهره بدموع....... انت عايز مني اي انا عملتلك اي جاي  تقت'لني ليه حرام عليك 

فهد ببرود بيحاول يداري صدمته....... هو انتي وبعدين انا مالي وبعدين مش قادر اصدق اني آخد من  وراكي 25مليون جنيه 

زهره بصدمه........ ااايه مين الي بعتك ت'قتلني 

هاشم الاسيوطي 

عميييي كنت عارفه انه مش هيسكت على الوصيه جدي لي يا جدي تعمل فيا كده عمرهم ما هيسيبوني في حالي لي كتبت كل حااجه باسمي ليييييه وانهار'ت في العييط 

فهد بخبث  ....... انا ممكن احميكي  منهم بس بشرط 

اي هو

تتجوزيني 

زهره بصدمه....... اي انت مجنو'ن انا مستحيل اتجوزك 

_يبقي انتي الي جنيتي على نفسك ورش حاجه في وشها وفقدت الوعي

صحيت لقيت نفسها في اوضه فخمه اوي وكل حاجه سوده ومافيش غير الستاير بيضه ثواني وافتكرت الي حصلها وقعدت تصرخ وتعيط قاطعها دخوله هو وطفلين ثانيه دول ورد وزين واول ما شافوها جريوا عليها وحضنوها 

زهره بخوف........ سيبني امشي والنبي حرام عليك لي بتعمل كده 

مردش عليها وقال ببرود........ جبتهالكم ماما الي عايزينها اهو مبسوطين 

 ورد: ايوه يا بابي اوي  وزين بيضحك وزهره مصدومه وفجأه 

يتبع..