رواية أحببت بصيرته الفصل الخامس والعشرون 25 بقلم مريم نصار

___________

ف القسم .

علاء . ف مكتب الظابط عمرو . والكلبش ف ايديه . وراسه ملفوفه بشاش . ووشه متبهدل كدمات . وعينيه ورامه وزرقه . وجواه غل كبير . وغير ف الحقيقه ..

ظابط عمرو : قام وخبط بايديه ع المكتب بنرفزه . انت هتستهبل يالاااا ؟. بقالك اكتر من ساعتين بتخرف بكلام مالوش اي لازمه ... انت مفكر الكلام الخايب الل انت قولته قدام المقدم أحمد وقدامى دخل دماغنا . انت عبيط يالااا ولا ايييه ؟ ده كلام ميدخلش ع عيل صغير..

علاء : واقف تعبان . وقال والله ياباشا الل عندى قولته . يعنى انا هاكدب عليك ياباشا ده رقبتى تحت ايدك ياباشا . هكدب ازاى بس ؟

ظابط عمرو : هز راسه ومط شفايفه بتفكير . اممم واتحرك خطوتين ووقف قدام علاء . وولع سِجار . قال . يعنى انت عايز تفهمني .

انك امبارح وانت لسه داخل الحاره . فتون وسحر ضحكو عليك بالكلام وقالولك اطلع الشقه .. وبعد ماطلعت بحُسن نيه حاولو يلبسوك مصيبة إنك بتتعدى عليهم .

. ولما انت جيت تخرج من البيت فتون وسحر شدوك من هدومك وقلعوك التيشرت . علشان يقولو للناس إن علاء اتهجم علينا .

.وسحر كسرت موبايلك كدفاع عن نفسهم . وانت خُفت وطلعت المطوه بتهوش بيها جت ف سحر بالغلط .

.ولما فتون هتصوت انت اتوترت وخُفت وخدتها معاك عشان تخوفها وتشهد بعد كده بالل حصل وانك برئ هههههههههههه .

. وكمان فتون ماشيها مش تمام . وكل يوم والتانى ترجع البيت بعربيه اخر موديل مع واحد شكل . وكمان سليم بدر الدين رجل الأعمال المعروف راح ع الشقه وفتون قالتله انك كنت عايز تغتصبها . وهو مستناش يفهم منك وضربك ع طول وفتون كانت بتضرب معاه صح كدا ولا انا نسيت حاجه ؟ .

علاء : صح ياباشا . هو ده الل حصل بالظبط .

ظابط عمرو : ماشي ياعلاء . اهو المقدم أحمد خرج وهنشوف ايه الل حصل بالظبط؟ ولو كلامك كله فشنك هتشوف معانا هنا الل عمرك ماشوفته فاهم يارووح امك !!!؟...

----------------------بقلمى مريم نصار

ف المستشفى. .

سحر : نايمه بتتألم .

حسن : ايه ياسحر عامله ايه دلوقتى ؟

سحر : فتحت عينيها بتعب وبصت ل حسن بدموع . وقالت بصوت تعبان . حسن ا.انا . ا.نا ........

حسن : قرب منها ايه ياسحر انتى ايه؟ عايزه حاجه حاسه بحاجه انده للدكتور ؟

سحر : دموعها نازله . وهزت راسها بتعب . لأ لأ ا.انا عايزه اقول ... عايزه اقولك ع حاجه مهمه اوى .

حسن : بعدم فهم . حاجة ايه وانتى تعبانه كدا؟ انتى مش قادره تتكلمى . ارتاحى دلوقتي ولما تفوقى قولى الل انتى عايزاه ..

سحر : بتنهج بسيط .. لأ لأ اسمعنى الله يخليك .ف حاجه حصلت ولازم تعرفها . بخصوص .. بخصوص فتون ...

حسن : هز راسه بزعل . انا عارف انتى عايزه تقولى ايه ؟ انتى عايزه تقولى انى ظلمت فتون مش كدا ؟

سحر : قلبها دق بخوف . لكن هزت راسها ايوه . ايوه انت ظلمتها وانا........

حسن : قاطعها . انا عارف . ودلوقتي اتأكدت اكتر انى ظلمتها .

.بس انتى متعرفيش الل حصل وقتها . ولا انا قولتلك ع السبب الحقيقي .. بس بعد الل حصل وشوفته بعنيا اتاكدت إن فتون مش كدا ابدا وبريئه. واكيد حد وقع بينا . وهو علاء الكلب الل عملها مفيش غيرو يعمل كدا .

.بس انا دلوقتي مش ب ايدى حاجه اعملها . خلاص الل حصل حصل وكل شئ قسمه ونصيب . بس الل انا مش هسكت عليه إن علاء الكلب اذاكى . انا مش هسيبه ف حاله ابدا...

سحر : ضميرها بيصرخ وجع . وهزت راسها وبتعيط بصمت . وقررت انها هتقول للكل لانها بعد الل شافته وإن الموت مش بعيد عن اى حد . وشافت الموت بعينيها . مبقتش قادره تسكت وتخبى اكتر من كدا .. وقالت حسن اسمعنى انا لازم اقولك..........

الباب خبط . ودخل زينهم ومراته واهل الحاره جايين يطمنو علي سحر..

حسن : ربت ع ايديها . مش وقت كلام انتى تعبانه . اجليها لبعدين ..

زينهم : سلم ع محمد . وراح عند سحر حمدالله ع سلامتك ياسحر يابنتى..

سحر : بإحباط كبير الله يسلمك ياعم زينهم..

زينهم : انا مش عارف يابنتى من غيرك فتون كان ايه الل حصلها؟

. انتى عرضتى نفسك للخطر والموت وانقذتيها . وبص ل حسن . وقال بتريقه. انتى عملتى الل رجاله بشنبات ماقدروش يعملوه ..

حسن : حس انه يقصده بالكلام ده . وبص بعيد ومتكلمش ..

سحر : مبقتش قادره تتحمل وعيطت انا ... ا.انا ..

زينهم : اهدى يابنتى والحمدلله انها جت ع قد كدا . واختك فتون الحمدلله ربنا طمنا عليها...

سحر : غمضت عينيها وسكتت ... والكل بيطمن عليها ..

زينهم : خرج من الاوضه . مع الشيخ محمد .

محمد : ايه يازينهم ياخويا . انت متعرفش فتون ف أنهى مستشفى؟

. احنا لازم نروح نشوفها ونطمن عليها .. ماينفعش نسيبها لوحدها كدا .تقول ايه دلوقتي محدش سأل ولا جه دى مهما كان ملهاش حد غيرنا من بعد ربنا.

زينهم : ونعم بالله .. انا عارف كل كلامك ده ياشيخ محمد . بس انا معرفش هي موجوده في أنهى مستشفى . وكمان مش معايه رقم الأستاذ خالد ولا الاستاذ سليم عشان اتصل واعرف . ولما طلعت الصبح اطمن ع الحاجه فاطمه مالقتهاش ف البيت . ولما نزلت سألت ف الحاره. ام سيد قالتلى وهى بتفرش الخضار من النجمه. شافت حنين ووالدتها والحاجه فاطمه ركبو عربيه . وسألتها قالت إنها رايحه ل فتون .. وقولتها ماتعرفيش راحت ليها فين يام سيد . قالت لا والله ياعم زينهم . المهم انها بخير .. وانا جبت الجماعه وجيت ع هنا .

.بس انا كنت عايز اقولك إن الجيران بتسأل مين سليم وخالد الل ظهرو ف حياة فتون فجاءه كدا ؟ بس انا رديت عليهم وخرست لسانهم . وقولت أنهم قرايبها من بعيد من ناحية ابوها الله يرحمه. وناوى إن شاء الله اعرف فتون لازم يكون عندها علم ولا ايه؟

محمد : هز راسه وبص ل قدام بتفكير وخوف .وقال جيب العواقب سليمه يارب .

----------------------بقلمى مريم نصار

فيلا بدر الدين ..

سليم : خير يا عزيزه ..

عزيزه : بتوتر .. ف واحد بيقول انه اسمه المقدم أحمد الوكيل . وعايز ياخد اقوال الانسه فتون ..

فتون : بخوف كبير ولخبطه . اييه اقوالى؟ اقوال ايه ؟

سليم : حس بخوفها .. اهدى يا فتون دى شئ طبيعي جدا . مجرد إجراء. وبعدين لازم يعرف منك ايه الل حصل بالظبط .؟

فتون : بتنهج بسيط . وسرحت بتفكير . وقالت سحر !! مش لازم حد يعرف سرها . كدا عمى محمد هيتفضح.ف الحاره . لأ لأ . انا . انا .مش هسمح بكدا ابدا ..

سليم : بيتكلم معاها وهي سرحانه .. فتووون . فتوووون .

فتون : هاا . احم معاك يا سليم .

سليم : أتأكد انها خايفه من حاجه . وقال عزيزه؟

عزيزه : افندم ياسليم بيه؟

سليم : شوفى ل فتون حاجه تلبسها تنفع تنزل بيها وتقابل المقدم !

فتون : بصت ل سليم بخوف وشهقت بصوت مهموس ..

سليم : اتاكد من إحساسه..

عزيزه : تحت امرك ياسليم بيه . وخرجت ..

سليم : فتون ف حاجه مخوفاكى ؟

فتون : بصت ل سليم بحيره وبتفرك ف أيدها بتوتر . ومش عارفه تقول ايه . ؟

.لكن قالت .. انا؟ حاجه مخوفانى انا ؟. لأ ابدا . انا يمكن بس عشان اول مره اتعرض لموقف زى ده . لكن .. لكن مش خايفه ولا حاجه ..

سليم : هز راسه انتى متأكده ؟

فتون : بلعت ريقها بتوتر . وحست بدوخه بسيطه . وسكتت .

سليم : تفهم سكوتها . وقام .طيب انا هنزل دلوقتي للمقدم . وانتى البسي وحصلينى .

فتون : هزت راسها . وقالت بتوتر .ماشي ..

سليم : خارج من باب الاوضه . ووقف ولف ليها وقال فتون !

فتون : رفعت راسها ها . ايوه يا سليم؟

سليم : عايز اقولك . اوعى تخافى طول ما انا موجود جمبك .. وسابها وخرج من قبل ما ترد عليه ..

فتون : قلبها دق جامد . وبتترجف ومشاعر متلخبطه . وبتتنفس بصعوبه . وقامت بتعب . ولفت حواليها بتعجب . وقالت أنا جيت هنا ازاى ؟ ومين الل جابنى معقول سليم؟ بس ازاى؟

عزيزه : دخلت . وابتسمت وقالت. ايوه سليم بيه الل جابك بنفسه . واقولك انا ازاى ..

فتون : قعدت ع طرف السرير . ياريت يا عزيزه عايزه اعرف ..

عزيزه : من عيوني ياهانم ..

فتون : ابتسمت . هانم؟ هانم ايه يا عزيزه خلى البُساط احمدى انا وانتى ع باب الله . المهم قولى ..

عزيزه : حاضر اتفضلى البسي الاسدال ده. وانا هقولك كل حاجه. اصل بينى وبينك لما شوفت سليم بيه شايلك بين ايديه وطالع بيكى ع اوضته انا تنحت ومكنتش فاهمه حاجه .. بس لما سألت طاهر حكالى ع كل حاجه. ااااه تقولى بطل فيلم اكشن ..

فتون : وشها اتحول لجمرة نار . وهمست بكسوف سليم شالنى بين ايديه ؟

عزيزه : بتحكليها ع كل حاجه طاهر قالها عليها . لحد ما اغمى عليها وشالها ع المستشفى . عزيزه كملت .وراجع بعد الفجر وشايلك وبينادى عليا بصوت عالى . قومت بسرعه وجريت ع فوق وحصلته وشوفته شايلك . وساعدته . وهو الل غطاكى بايديه .

.بصراحه ومن غير كدب كان خايف عليكى اوى . انا شغاله هنا اكتر من خمس سنين عمرى ما شوفت سليم بيه خايف وقلقان كدا . سليم بيه رغم أنه بيتنرفز بسرعه وعصبى جدااا بس الشهاده لله حنين جدا .

فتون : بتلبس الاسدال . وسرحانه ف كلام عزيزه . وابتسمت بحب لانه قدر يحميها وشالها. واتنهدت . لكن بعدها فاقت من أفكارها . واستغفرت ربنا . وبعدها حست بخوف مبهم . من أحداث امبارح وحست بتشويش ف الرؤيه .

عزيزه : شافتها . وقربت منها وسندتها . مالك يا استاذه فتون .

فتون : مسكت راسها بايدها . لا ابدا مفيش حاجه.

عزيزه : مفيش اى بس . ده وشك اصفر خالص . بصى تعالى انزلى معايه . وهعملك كوباية عصير فريش . وبعدين تاخدى علاجك ..

فتون : لا شكرا يا عزيزه . انا هنزل اشوف المقدم عايزنى ف ايه وربنا يستر.

عزيزه : إن شاء الله . بس هو موجود ف المكتب مع سليم بيه . وهيطولو شكلهم . تعالى بس انتى مش قادره تقفى ع رجلك .. وسندتها ونزلو .

عزيزه : اقعدى هنا دقيقه واحده . اجيب العصير . ومشيت بسرعه .

فتون : غمضت عينيها . شافت علاء وفتحت بسرعه وخافت . وبصت حواليها . وبتتنفس بصعوبه وخايفه ..

عزيزه : جت من وراها اتفضلى ياحبيبتي...

فتون : اتخضت وشهقت بصوت عالى ..وبعدها غمضت عينيها بتعب . بسم الله .

عزيزه : بسم الله . متخافيش يااستاذه دى انا .. وحطت العصير والميا. اتفضلى اشربى العصير . انا هطلع اجيب علاجك . وطلعت.

فتون : بتحاول تهدى . وتقنع نفسها ان علاء كابوس مزعج وخلص .. وبتشرب العصير وجسمها كله بيترعش .

عزيزه : نزلت . وجابت ليها العلاج . ودخلت المكتب تبلغ سليم إن فتون ف الليفنج . وراحت ع المطبخ...

فتون : اخدت العلاج .

سليم : ف المكتب . مع المقدم وحكاله الل حصل . وشكرو ع مساعدته ليه . وقامو خرجوا من المكتب .عشان ياخد أقوال فتون

فتون : قامت بتوتر .

المقدم : شاف فتون . وهز راسه حمدلله ع سلامتك يا آنسه فتون ؟

فتون : بتوتر. ا..الله يسلمك ..

سليم : فتون . احب اعرفك المقدم أحمد الوكيل . وده الل بفضله بعد ربنا . الل سهل عليا كل حاجه ف انى اوصل ليكى بسرعه..

فتون : ابتسمت . اهلا بحضرتك . انا متشكره جدا . وربنا يجازيك خير ..

المقدم : انا معملتش حاجه وده واجبى . سليم بس بيحب يبالغ كتير .. المهم انتى احسن دلوقتي.؟

سليم : اضايق جدااا . وواقف مخنوق من طريقة احمد . هي عاديه. لكن هو شافها غير كدا ...

فتون : هزت راسها . الحمدلله احسن بكتير . وده بفصل ربنا ثم سليم ...

سليم : أخد نفس عميق واتنهد .

الكل قعد وفريده وفاطمه نزلو وقعدو . والمقدم قال اقوال علاء . والكل كان مزهول خصوصا فتون وفاطمه ..

فتون : بنرفزه .محصلش ده كدااب . كل كلمه قالها علاء كدب ياسيادة المقدم صدقنى علاء هو الل خبط ع الباب واتفاجئت بيه.

فاطمه : اه والله يابيه . صدق بنتى ..وعلاء كل حاجه قالها كدب ف كدب منه لله ..

المقدم : بص ل فاطمه . حضرتك كنتى موجوده وقت الل حصل بالظبط ياحاجه؟

فاطمه : ايوه من اول ما الل ربنا ينتقم منه ده خبط ع الباب . بس اغمى عليا اول ما لقيته.. ومكملتش ..

المقدم : هز راسه . بتفكير . طيب يا حاجه ممكن تيجى معايه مكتب سليم. وتقوليلى ع كل حاجه حصلت بالظبط ؟ وبعدها اسمع من الانسه فتون ..

فاطمه : ومالو يبنى .. لا مؤخذه اصل انا متعوده اقول لل ف سنك كدا يبنى متأخذنيش ياسعادة البيه ..

المقدم : ابتسم وهز راسه . مفيش مشكله قولى الل يريحك . اتفضلى معايه ..

واخدها ودخل المكتب . ياخد أقوالها . وبعدين أقوال فتون . ويشوف فرق الأحداث ..

فتون : حاطه وشها بين ايديها بتوتر . ومتغاظه من علاء وكلامه عليها وبتحسبن عليه ..

سليم : مش ااقل خنقه منها . وقلبه بيغلى .

فريده : قاعده جمب فتون . بتهدى فيها ..

شريف : داخل الفيلا . مساء الخير ..

كلهم مساء الخير .

فريده : ايه يا شريف ياحبيبى . راجع بدرى .

شريف : قعد بتعب . ابدا . انا لسه مروحتش الشركه . كنت ف المستشفى عند خالى . ورجعت اخد ملف مهم..

فريده : هزت راسها ربنا يشفيه ويعافيه يارب.

شريف : يارب . اذيك يا انسه فتون . وحمدلله ع السلامه .

فتون : اتنهدت بوجع . الله يسلمك يا استاذ شريف ..

شريف : بص ل سليم . وقام بسرعه قعد جمبه . سليم . مال وشك ؟

سليم : بعتاب . مفيش حاجه . شكرا ع سؤالك.

شريف : اتنهد . انا عارف انك زعلان منى . بس والله امبارح اخدت شاور . وريحت ع السرير . وقولت هتصل عليك اطمن . محستش بنفسي من تعب امبارح والحفله وطول اليوم واقف ع رجلى . ولما نزلت الصبح . وبشرب القهوه سألت عليك عزيزه . وقالتلى إنك نايم ف المكتب . وجبت الانسه فتون . قولت طيب كويس الحمدلله .. متزعلش غصب عني

سليم : هز راسه . مفيش حاجه . حصل خير .

فتون : قاعده عينيها ع جرح سليم . وكمان قلقانه . وجواها حجات كتير ملخبطاها..

شريف : نده ع عزيزه . تجيب علبة الإسعافات . وشريف عقم جرح سليم .

فريده : شافت خوف شريف ع سليم . دعت ربها انهم يفضلو يخافو ع بعض ديما ..

المقدم : خرج مع فاطمه . وقعدو ف الليفنج مع الكل . وشريف سلم ع المقدم أحمد .

المقدم : ها يافتون . تحبى تتكلمى هنا ولا ع انفراد ..

فتون : محتاره وتعبانه . ومش عارفه تفكر .

شريف : قام . بعد اذنكم انا رايح الشركه. ودخل المكتب واخد الملف وخرج ..

فتون : ف الليفنج وبدءت تتكلم . ووضحت طبيعة شغلها مع سليم .

وايه سبب إن العربيه راحت ليها الحاره .

. وحكت عن علاء حجات من قبل الحادثه وانه مش سايبها ف حالها ..

.وقالت كل الل حصل امبارح من بعد رجوعها من الحفله.

.عدا كلامها مع سحر بخصوص الفون .

.وكملت بدموع ورعشه . وقالت .كان هيضربنى انا بالمطوه . وقولت خلاص الموت اهون عليا ميت مره من إن حد يلمسنى . وفجاءه سحر وقفت قدامى واطعنت هي . ونزلت ع الأرض. وانا مصدومه ومش عارفه اعمل ايه حسيت ساعتها انى متكتفه .

.وبعدها حسيت بخبطه ع راسي ومحستش بنفسي غير وانا ف بيت غريب وبعدها .......... وقالت ع كل حاجه مع تحفظات تخص سحر . لحد ما سليم جه ينقذها وشافت المطوه . وضربها لعلاء بالازازه ع راسه ......

. وبس حضرتك ده كل الل حصل بالظبط . إنما الكلام الل قال عليه علاء كله كذب ف كذب . دا واحد مفترى . مابيخفش ربنا . وكمان ممكن تسأل عليه أهل الحاره كلها . مفيش حد سلم منه .. علاء ده شيطان . شيطان وحطت وشها بين أيديها وعيطت . وفاطمه قاعده جنبها وضمتها بحب . وبتعيط علشانها .

فريده : بتسمع فتون ومزهوله حرفياً من الل حصل قبل كده . والل حصل امبارح . وقلبها دق جامد بخوف ع سليم . لما علاء كان هيضربه بالمطوه . وأنه ممكن كان بتأذي . وحمدت ربنا إن فتون شافته وانقذته .

سليم : بيسمع . وبيتخيل قرب علاء منها . وأنه يقطع ليها الفستان والحجاب ووقعها ع الأرض وكلامه ليها . وملامح وشه اتغيرت . واتخنق جدا . وغيران بطريقه ملحوظه .. وقام وقف . واتحرك ووقف بعيد شويه . وصك ع اسنانه بغيظ . وقبض ع أيديه بغضب . ومبقاش قادر يسمع اكتر من كده . ولا قادر يسمع صوت عياطها وهي بتتكلم..

المقدم : سمع من فاطمه . وفتون . ونفس الكلام متطابق . وهز راسه ..

. وقام وقف تمام انسه فتون انا مش عايزك تقلقى وحقك هيرجعلك . وهيبقى ف طب شرعي وشوية اجراآت كدا . لازم تتم علشان نقدم كل حاجه بالأدله والاثبات للمحكمه . وبكده مبقاش فاضل غير اقوال الانسه سحر .

فتون : شهقت بخوف . وقامت بسرعه لأ لأ سحر لا . ا. انا . ا.انا قولت كل حاجه . ارجوك بلاش سحر .!

الكل انتبه ومش فاهم حاجه.

المقدم : بِشك .انتى مش عايزانى اخد اقوال سحر ليه؟

فتون : حست انها مكشوفه قدامهم وخافت اكتر . وكملت بتلعثم . لأ . ا.انا . احم. هوا. اصل . ابدا . بس كنت ......

سليم : فتح عينيه بعدم فهم . واتأكد إن فتون مخبيه حاجه مهمه .. وقطع كلامها . وقال اكيد فتون خايفه ع صحة سحر ياسيادة المقدم . مش كدا يافتون .؟

فتون : بلعت ريقها بتوتر وهزت راسها ا.ايوه. ايوه انا مش عايزه اتعبها كفايه الل حصل ليها بسببى ..

المقدم : شاف توتر فتون . وقال انسه فتون . ياريت لو في حاجه تخص القضيه ياريت تقوليها لانى مش مقتنع تماما . وسحر انا هاخد أقوالها لأن دي إجراءات أمنيه وغير مسموح التهاون فيها ابداااا ..

فتون : بتترجف بسيط جدا وخافت . ومش عارفه تتكلم .

سليم : قرب منها . سيادة المقدم ممكن اتكلم مع فتون لوحدنا شويه ؟

المقدم : مط شفايفه . وهز راسه تمام مفيش اى مشكله . بس عايزك تعرفى يا انسه فتون . لو خبيتى معلومه صغيره . ممكن تضرك ف القضيه . وتضعف موقفك . يستحسن تفكرى ..

فتون : بتعيط بشهقات ومحتاره . وخايفه ع عمها محمد م الفضيحه ..

سليم : سمع عياطها اضايق . ومسك أيدها بنرفزه قدام الكل واخدها ع المكتب . وقفل الباب .

فريده : بتدعى ربنا انه يجيب العواقب سليمه . وطلبت من عزيزه تعمل قهوه للمقدم . وتجهز الفطار عشان فاطمه ...

فتون : واقفه ف نص الاوضه وبتتنفس بخوف . ومش عارفه تعمل ايه؟

سليم : متغاظ. لكن حاول يهدى . ومسح وشه بايديه . ووقف قدامها. ممكن اعرف مالك وخايفه من ايه ؟

فتون : هزت راسها بعياط . لأ انا مش خايفه من حاجه. بس ارجوك ابعد سحر عن المشكله دي هي ملهاش ذنب . دى واحده أنقذت حياتى . ليه تدخل ف سين وجيم ارجوك ياسليم لو تقدر تتكلم مع المقدم. ويبعد سحر عن القضيه دى .

سليم : شكه اتحول ليقين . وقرب منها اكتر . وقال بتحذير . فتون انا قولتلك طول ما انا موجود جمبك ومعاكى متخافيش من اى حاجه .

لكن انتى مش عايزه سحر ليه تدخل ف القضيه؟. بما انها طرف مساعد يعنى مفيش اى خطر عليها . ممكن افهم ؟

فتون : بحيره وخوف وبتفرك ف أيدها بتوتر . ولفت ضهرها ليه .

. لو سمحت انا مش هقدر اتكلم الموضوع حساس وممكن يأذي سحر . وكمان انا ممكن أتأذي . بس انا مش مهم .

.ولفت ليه. المهم عمى محمد . الراجل ده ميستاهلش ابدا أنه يتعرض لأى اذي . وا......

سليم : قاطعها . انتى بتثقى فيا ؟

فتون : شافت ملامحه وأنه زعلان . وقالت سليم افهمنى الموضوع ملوش علاقه بالثقه . ده موضوع حساس جدا . وعيله كامله هتتدمر . . افهمنى ارجوك وعيطت بوجع ...

سليم : غمض عينيه بنفاذ صبر وهيتجنن ويعرف ايه الل ممكن يأذيها . لانه يفرق معاه جدا سلامتها . وحاول يهدى . وقال بطلى عياط وشاور ليها بايدو تعالى يافتون. اقعدى هنا .

فتون : قعدت بتعب .

سليم : قعد قصادها . اسمعينى كويس يافتون . دلوقتي انتى بطريقتك دخلتى الشك جوه المقدم أحمد .

. واستحاله هيسكت غير لما يعرف ايه سبب رفضك لأقوال سحر وتصميمك

وهيفكر ف احتمالات كتيره . واولهم إن كلام علاء ممكن يكون الصح وانتى الل بتزورى ف الأقوال والحقايق ..

فتون : بدهشه. بس ده محصلش ..

سليم : انا عارف أنه محصلش بس انتى بطريقتك وصلتيه للفكره دى . فهمانى . ف ارجوكى لو بثقى فيا خلينى اقف جمبك ونعدى الازمه دى سوا . وقوليلى ع سبب رفضك لسحر وخوفك ده ليه ارجوكى .

فتون : شافت صدق ف كلام سليم . وغصب عنها اطمنت .وقالت أنا هقولك ع كل حاجه . وانا عارفه انك ممكن تتغير من ناحيتى وترفض تساعدنى بعدها .

. بس ياريت تفهمنى كويس وانى ماليش اى ذنب ف الل حصل قبل كده . وف نفس الوقت بتمنى انك تقف جمبي وتبعد المقدم انه ياخد اقوال سحر. ارجوك ياسليم ارجوك ..

سليم : هز راسه .انا عمرى ما هتغير . بس انا سامعك للآخر وهقولك تانى طول ما انا معاكى اوعى تخافى فاهمه ...؟

فتون : هزت راسها بدموع . حاضر . وغمضت عينيها . وبدءت تحكى بعياط .. كل حاجه عن حياتها باختصار من اول وفاة باباها . وخطوبتها لحسن . وأنه سابها ف يوم .بتاريخ....وقالت ع سحر والفون والشات بين سحر وعلاء والصور المزيفه . وندم سحر وأنها عايزه تصلح غلطها وتابت.

وقالت كل حاجه ل سليم .. وكملت بشهقات ارجوك ياسليم . لو ف ايدك تعمل اى حاجه .

سليم : بيسمعها بكل تركيز . وفتح عينيه بصدمه كبيره . وبعدها اتفاجئ من طريقة تفكير علاء وسحر .

. وكمان اتصدم جدآ لما حسن بعت الدبله ل فتون . وقال جواه ده نفس اليوم الل رهف بعتت فيه خاتم الخطوبه .

وبعدها انتبه وقبض ع أيديه بغضب كبير لما قالت إنهم صوروها . وسمع منها كل حاجه .

فتون : قلقت من شكل سليم . وقالت سليم هتعرف تبعد سحر عن القضيه ...

سليم : قام وقف بغضب . ده انا هوديهم ف ستين داهيه .

----------------------بقلمى مريم نصار

ف شركة سليم وخالد .

خالد ف المكتب . وكل شويه يتاوب وعايز ينام .

( طبعا وانتو كمان بتتاوبو مش كدا )

مي : خبطت ودخلت . مساء الخير يا مستر خالد .

خالد : بكسل مساء الخير يختى .

مي : بدهشه افندم ؟

خالد : ايه اتصدمتى كدا ليه انا جيت جمبك . اجري اعمليلى قهوه ساده عايز اصحصح ..

مي : بغيظ . انا . اعمل قهوه ؟

خالد : رفع نص عين . وساده اشطا ؟

مي : صكت ع أسنانها بغيظ مكبت . وعدلت النضاره . مستر خالد انا جايه هنا اشتغل سكرتيرة للشركه . مش البوفيه. وكمان معايا لغات . مينفعش الل حضرتك بتطلبه منى ده ..

خالد : نفخ بنفاذ صبر . ومسح وشه بايديه . ايه يما طلبت منك طلب قبيح ولا حاجه؟ . غورى يامي من قدامى . وابعتيلى عبد العزيز يعملى قهوه . هااا كدا حلو يختى .

مي : قبضت على ايديها . اوكي يامستر خالد اوكييي .. وخرجت بغيظ وخبطت ف الباب وهى خارجه . واتكسفت . سورى النضاره وقعت .

خالد : ههههههههه احسن الل بيجى عليا مابيكسبش .

مي : غصب عنها ضحكت . وخرجت ..

خالد : بيتاوب . منك لله يا سليم . زمانك نايم ومستريح . وانا يطلع عين امى . وفتح الملف بزهق . وبيتاوب وقال ايه ده . انا مش شايف . الكلام كله مغلوش كدا ليه ؟. وبيمسح عينيه . وفونه رن وكانت حنين . ورد وهو كسلان . الو ياموزتى .

حنين : ضحكت . صباح الخير ياخالد .

خالد : صباح الفل يقلب خالد صحيتى امتى؟..

حنين : من شويه كدا . وقالت بتفكير اممم شكلك كنت لسه نايم .

خالد : بتريقه . هو الل يعرفكو يعرف ينام ؟. انا نايم الساعه ٨ الصبح وصاحي من قبل الضهر . وانا ف الشركه . وسليم نايم ومش ع باله .

حنين : كتمت الضحكه . اووو معلش ياخالد ياقمر . انت عارف امبارح كان يوم وحش اوي . المهم .انا لابسه وجاهزه كنت عايزه انزل دلوقتي واروح اطمن ع فتو... ومكملتش

مي : دخلت . اتفضل يامستر خالد حضرتك صعبت عليا جدا. وانا عملتلك القهوه ب ايدى . ويارب تعجبك . اتفضل .

خالد : غمض عينيه وحط كف ايدو ع وشه . وقال جواه الله يخربيتك يامي .

حنين : فتحت عينيها ع الاخر بصدمه . وبتهمس صعبت علياااا؟ عملتلك القهوه بايدى . وقالت بصوت عالى مين دي ياخاااالد ؟

خالد : اتوتر . وبدء يصحصح . احم متشكر يا آنسه مي . بس انا طلبت منك تقولى ل عبد العزيز انه يعملي القهوه بتاعتى . هااا عبدالعزيييز .

مي : بتعدل النضاره بعدم فهم . حضرتك طلبت منى انى أعملهالك الاول وساده كمان لما قولتلى اشطا تفتكر؟.

خالد : صك ع اسنانه بغيظ مكبت غبيه غبييه.

حنين : شهقت بصوت عالى . اااه ياواااطى ياخااااين . وصكت ع أسنانها . ده انا الل هعمل قهوه ساده ع روحك انت وهي ان شاء الله.

. اتشاهد ع روحك يابن الشرقاوى . وقفلت الخط .. واخدت شنطتها ونزلت وهي متنرفزه والغيره هتموتها وقالت عمرو ماهيتغير ..

خالد : حط الفون . وبيتشاهد بصوت مهموس اكتر من مره .

مي : بتعجب . مستر خالد حضرتك بتكلم نفسك ؟

خالد : غمض عينيه . وقال اهربى يامي . اهربي .

مي : اهرب ؟ اهرب ليه ؟ حضرتك انا مش فاهمه حاجه خالص ؟

خالد : هز راسه وبيشرب القهوه . روحي ع مكتبك يامي وكلها ربع ساعه وانا وانتى وأمة لا إله إلا الله هنفهم كل حاجه .

مي : قالت جواها مستر خالد ده غريب جدا . وخرجت وهي مش فاهمه حاجه ..

خالد : لما اولع سِجاره واكمل القهوه قبل الاعصار .

وبيتصل عليها ومبتردش عليه .

. ورفع ايدو منك لله يا سليم انت وعلاء . وبيعد ع صوابعه . وفتون وطاهر وعلى سواق التوكتك . وزينهم ومحمود ومحروس والدكتوره . منكو لله . منك لله يامي . وربنا يستر صوت حنين مبيقولش انها ناويه ع خير ابدا . احم . وبيشرب القهوه . وفتح الملف .

----------------------بقلمى مريم نصار

بعد شويه ..

خالد : بيراجع ع الملف . وفجاءه باب المكتب اتفتح زى الاعصار . واتخض ..

حنين : كانت داخله الشركه وعنينها كلها شرار وغل . وطلعت تجرى ع السلم بسرعه . ودخلت المكتب بدون استئذان . خاااالد .

خالد : اتخض . وقام يجرى عليها بتمثيل حنين . حبيبتى مالك . صوتك عالى ليه ف حاجه تعباكى تعالى نروح المستشفى ..

حنين : صكت ع أسنانها بغيظ هيييي فييييين ؟ هي فين عشان اقتلك انت وهي . بتخونى ياااخالد . بتخوووونى . هي فييين؟

خالد : بلع ريقه بتوتر . وقال جواه يابنت المجنونه طيب دى غيره ولا جنون ولا ايه؟ . استرها معايا يارب . احم . وقال حبيبتى تعالى بس اقعدى واهدى . وانا هخلى الانسه مي . قصدى الانسه عبد العزيز . يووووه قصدى عبد العزيز يعملك واحد لمون يهدى اعصابك ..

حنين : رمت الشطنه . ورفعت صوبعها ف وشه هييي فيييين؟ وكملت بتريقه اتفضل يا مستر خالد انت صعبت عليا وعملتلك القهوه بايدى ويارب تعجبك . ده انا هعمل منك ومنها كباب حله . ده انا هاخد أعضاءك انت وهى تزكار للخيانه منك ليا . ااااه بتخونى ياااخالد ..

مي : جريت ودخلت بسرعه . مستر خالد خير ف ايه ؟

خالد : من جواه . يقلبى عليكى يا مي بريئه وهتوحشنى نضارتك . الله يحرقك اهررررربى .

حنين : لفت وشافتها وقالت بغيره انتى مي ؟

مي : ابتسمت بعفويه اهلا بحضرتك يافندم . ايوه انا مي سكرتيرة مستر خالد .

حنين : بتشمر كم الفستان بغيظ .

خالد : وقف قدام حنين . اهدى ياعم جعفر وافهم مش تموتى الناس ظُلم . انا لسه خاطب وعايز اخش دنيا . وبص ل مي هي البعيده مبتفهمش ..

مي : بتعدل النضاره . وهزت راسها لأ انا مش فاهمه حاجه . وبصت ل حنين فرصه سعيده جدا بحضرتك . وكان نفسي اتعرف ع حضرتك لكن واضح انك لسه خارجه من الجيم . استأذن انا ..

حنين : فتحت عينيها على الاخر وشهقت . جيييييم . اااه انا هوريكى بقى العضلات .. وانت وسع من وشي . انا قبل ما اقتلكو لازم أبرد ناااارى .

خالد : بسرعه مسك حنين . أجرى يامي اهربى . اهربى دى معاها حزام ناسف . أجرى.

مي : شهقت برعب .حزام ناسف وجريت من قدامهم .

حنين : عايزه تخرج وراها .ده انا هنفجر ف وشكو انتو الاتنين ..

خالد : ماسكها . اهدى ياوحش بقى فرهدتينى ماينفعش كدا ..

حنين : بعدت عنه . ومتغاظه . انت . انت ياخالد وبتقولها اشطا .

خالد : من جواه فرحان جدا بغيرتها عليه . وقرب منها ومسك كف أيدها وباسه . حنين المجنونه . ف حد يبقى معاه السما ويبص للأرض ..

حنين : شدت أيدها بنرفزه . ولفت ضهرها ليه . وغيرانه جدا ومتغاظه . ومتكلمتش .

خالد : لف ليها . طيب والله العظيم انا مظلوم

حنين : يسلام مظلوووم . اومال لو مكنتش مسكتك بالادله يا استاذ ؟

خالد : رفع حاجبه ادله؟ انتى هبله ياحنون . ادله ايه انتى مكلمانى ف الفون ياماما .

حنين : بغيظ . اه كلمتك ف الفون وسمعت صوت الخيانه بودنى ..

خالد : ادله وصوت الخيانه . وزعق بهزار انا اعترض سيدى القاضى .

حنين : بصدمه انت بتهزر ياخالد ..

خالد : اعمل ايه بس ياحنون قلبى . ما انتى الل بتهزرى . والله الحوار غير كدا خالص . بصي انتى غيرى عليا من اى حد لكن مي السكرتيره دى متغيريش منها نهائى ..

حنين : بصت ليه انا اغير . لا طبعا دى مش غيره انا مش بغير .

خالد : غمض عينيه بوجع . وقال اممم يبقى شك ؟

حنين : بصت بعيد وسكتت لانها ملهاش معنى غير كدا .

خالد : ابتسم بوجع كبير . وقال حقك وانا مش هقدر الومك . وانا الل عملت ف نفسي كدا .

لأن انا الل صارحتك بالماضي بتاعى من البدايه . وقولتلك ياحنين انا كنت ايه . ودلوقتي عايز اكون ايه ؟

واتنهد بتعب .. عموما مي دى انا بعتبرها زى اختى لانها بريئه وعفويه اوى وشغاله مع سليم من زمان جدا . وكمان مكتوب كتابها . واتنهد وممكن تسأليها لو حضرتك مش مصدقانى . وانا فعلا طلبت منها تعملى قهوه لانى منمتش كويس ولما اعترضت طلبت منها تبعتلى عامل البوفيه . وكمان ياحنين انا لو بخونك مكنتش هرد عليكى لما اتصلتى عليا تمام .

حنين : ضغطت ع شفايفها باحراج. وردت بس انا مشكتش فيك ياخالد ..

خالد : اتنهد بتعب .ومعلقش . انتى كنتى عايزه تطمنى ع فتون مش كدا ؟ وانا كمان عايز اطمن ع سليم . تعالى هوصلك . واتحرك وخد المفاتيح والفون وفتح باب المكتب . وبصلها بنظرة شكر وتقدير . وابتسم بتمثيل اتفضلى .

حنين : لسه هتتكلم . خالد أناا.......

خالد : قاطعها . اتفضلى ..

حنين : خرجت وهي مكسوفه .

خالد : ماشي قدامها وقرب من مكتب مي .

مي : شافته جاى . وقامت وهزت راسها تحت امرك يامستر خالد ..

حنين : واقفه وحست بخنقه وعينيها لمعت بدموع لانها فعلا ف لحظه كانت غيرانه عليه لكن قلبت جواها بشك ..

خالد : ابتسم بتمثيل . الغي كل المواعيد انهردا . وكمان اتصلى ع مصطفى هوارى . وبلغيه بالمناقصه .. وانتى لو خلصتى شغلك تقدرى تروحي ..

مي : ابتسمت بعفويه . اوكي مستر خالد . تحت امرك . وبصت ل حنين وهزت راسها بابتسامه ..

حنين : ابتسمت بتمثيل . وسابتهم ونزلت ..

خالد : غمض عينيه بتعب . واخد نفس عميق . ونزل وراها . وفتح باب العربيه . اتفضلى .

حنين : ركبت .

خالد : لف وركب . وبيشغل العربيه .

حنين : بصتله . خالد انا مشكتش فيك ..

خالد : بصلها وابتسم بتمثيل. ولا يهمك . واتحرك بالعربيه وساكت طول الطريق ..

----------------------بقلمى مريم نصار

فتون : سليم هتعرف تبعد سحر عن القضيه ...

سليم : قام وقف بغضب . ده انا هوديهم ف ستين داهيه .

فتون : قامت بزهول . لأ لأ انت مش هتعمل كدا ارجوك ياسليم .

سليم : بغضب انتى عايزه بعد الل انتى قولتيه ده . اسكت ؟ علاء ده لازم يتعدم هو والل اسمها سحر . اما حسن ده حسابه معايه انا . انا لا يمكن اسكت وسحر دى بالذات لازم تتفضح ..

فتون : غمضت عينيها بتعب كبير وقعدت مكانها . وقالت ب انكسار .. انت مفكر لما تعمل كدا؟ انا مش هتأذي . لأ طبعا أنا أول واحده هتتأذي وقبل سحر كمان .

سليم : بنفس الغضب . انتى معملتيش حاجه غلط وايه الل هيأذيكى المفروض انك الضحيه . الل علاء وسحر اتأمرو عليها . وحسن صدق بكل غباء . والفكره جواه موجوده انك ..... وقبض ع أيديه ومكملش..

فتون : بوجع .انت يعنى مفكر لما حسن يعرف هتفرق كتير عندى . انا حسن مايهمنيش . وبعدين اهل الحاره لما يعرفو ساعتها ممكن يتحمسو شويه وتصعب عليهم فتون .

لكن لو قعدو مع نفسهم وكل واحده سلمت نفسها لشيطانها . هتقول مايمكن فعلا فتون عملت كدا . والكلمه الصغيره انهرده . بكره تكبر . ويبقى موضوع الحاره كلها . والناس تصدق وتشك فيا . وسيرتى تبقى ع كل لسان ف الحاره وسمعتى تتبهدل . وكل ده عشان ايه؟ حسن؟ الل مايلزمنيش خطوه واحده لقدام .

. ولا عشان خاطر العند . لأ لأ ياسليم . مش كل حاجه لازم تتعرف . ف حجات من الأفضل اننا نفضل الكتمان فيها . اميتو الباطل بالسكوت عنه . وده مش كلامى . ده كلام سيدنا عمر بن الخطاب رضي الله عنه . ف حجات صغيره ممكن تعمل بلبله ع الفاضى وتوصل الظالم لمكانه أعلى . لكن لما نسكت ده مش ضعف لأ ده حفاظاً عليا وع سمعتى .

سليم : بيصك ع اسنانه . يعنى انتى عايزه الموضوع يعدى كدا عادى . وسحر تفلت بعملتها وكأنها معملتش حاجه . ولا كانت عايزه تدمر حياتك . ده أفعال شياطين وانا مش هسكت . لانى فعلا مش هينفع اسكت واسيب حقك ..

فتون : قامت وقفت قدامه . وقالت كلنا بنغلط . كلنا بنرتكب ذنوب . احنا مش ملايكه ياسليم . احنا بنخطئ يوميا ف حق ربنا وبنقصر ف عبادته . لكن لما نستغفر ونقول سامحنى يارب . ربنا بيسامح وبيغفر وذنوب ملهاش اول من آخر .

. مين احنا عشان منسامحش ونكون بالقساوه دي .انا معاك إن سحر غلطت وكمان علاء . وحسن .

علاء معترفش بغلطه وهياخد جزاءه .

وحسن نص مغيب وسلبى مابيحبش يوصل للحقيقه وكبر دماغه ومشي ورا راحته . وهو ما يفرقش معايا .

.بس سحر اعترفت بغلطها وندمت واتغيرت بجد . ليه نحكم عليها بالاعدام . ليه نطفى النور الل بدء ينور قلبها . كل واحد لازم ياخد فرصه تانيه ويغير من نفسه مدام التغيير ده ف مصلحته ومصلحة الل حواليه . وبعدين سحر أنقذت حياتى مرتين . مره لما طلعت وبعدت عنى علاء . والمره التانيه لما وقفت قدامى وواجهت الموت . يعنى دى مش كفايه لسحر انى اسامحها عليها . لولا ربنا بعت سحر ف الوقت المناسب انا مكنتش اعرف مصيري كان هيبقى ايه ونهايتى ياترى كانت هتبقى عامله ازاى .

. ف حجات صغيره لو سكتنا عنها هتوصل الكل لبر الامان ..

سليم : بيسمعها وغمض عينيه بغيظ كبير . وعايز يقتل سحر وعلاء بايديه . وفتح عينيه وقال . خلصتى ؟ انا مش هسكت ..

فتون : بصت بصدمه . وقالت . استحاله اخليك تعمل كدا . انا شرحتلك كل حاجه علشان تساعدنى وتقف جمبى . بس أنت رفضت ...

سليم : زعق هو انتى مش حاسه بحجم الل هما عملوه معاكى انا هدمرهم كلهم .

فتون : بنرفزه ممكن اعرف بصفتك ايه انك تدمر عيله كامله بسببى .؟ هتعمل كل ده ليه ؟ وعشان ايه ياسليم؟

سليم : بينهج بغيظ ولسانه اتلجم. ..........ومردش ع سؤالها ..

فتون : اتوجعت اكتر من سكوته . وكانت تتمنى انه يقولها كلمه تطمنها . كانت متوقعه انه ممكن يعترف ف اللحظه دى حتى لو مش وقتها بس ع الاقل كلمه واحده تتسند عليها . وغمضت عينيها بوجع كبير . وقالت انا قولتلك كل الل عندى . والل انت عايز تعمله اعمله . عايز تفضحنى ف الحاره كلها اتفضل اعمل كدا . بس متنساش انى وثقت فيك .. وسابته وخرجت ..

سليم : قبض ع ايديه بغيظ كبير. ولعن نفسه ولعن كل حاجه . وعايز يكسر كل حاجه موجوده ...

----------------------بقلمى مريم نصار

خالد وحنين . وصلو الفيلا . وكل واحد ساكت ومثلو انهم ع طبيعتهم . وسلمو ع الموجودين . وخالد سلم ع المقدم وقاعد معاه بيتكلمو عن الحادثه ..

فتون : خرجت ف الليفنج وواضح عليها الخنقه وماسكه راسها من الخلف .

حنين : قامت بسرعه وسلمت عليها وحضنو بعض بحب كبير . وكل واحد جواه شعور متلخبط .. وطلعو من حضن بعض ..

حنين : ابتسمت حمدالله ع سلامتك ياحبيبتى عامله ايه دلوقتى .؟

فتون : ابتسمت بتمثيل . الله يسلمك . انا الحمدلله بخير . انتى عامله ايه وطنط نجلاء .

حنين : الحمدلله كلنا بخير المهم انتى . انتى متعرفيش امبارح الوقت كان بيعدى علينا كلنا ازاى يافتون. الحمدلله يارب انك بخير ..

خالد : وقف . فتون عامله ايه دلوقتى .؟

فتون : ابتسمت الحمدلله ياخالد . شكرا لسؤالك .

سليم : خارج من المكتب ..

فتون : بصت ليه . وقالت شكرا بجد ليكم كلكم . ع وقفتكم جمبى . ومساعدتكم ليا مع انتم مش مجبرين ع ده. وربنا يقدرنى وارد جميلكم . ولو أنه صعب جدا . لكن مفيش حاجه بعيده عن ربنا ..

سليم : غمض عينيه . وفهم قصدها . وقال جواه . صدقينى انا حاولت اقولك انى بحبك بس مقدرتش . مش عارف ليه الاعتراف قدامك صعب جدا يافتون ..

المقدم : ها يا انسه فتون . ياترى دلوقتي ممكن اعرف ايه سبب انك مش عايزانى اخد اقوال سحر؟ واتمنى تكونى فكرتى كويس وتقولى كل حاجه علشان ميزان القضيه مايختلش ...

فتون : بلعت ريقها بصعوبه ..

خالد : شاف غضب سليم . وخوف فتون . ودهشة حنين . واستنتج إن ف سر أو مشكله كبيره ف الموضوع ..

فتون : بصت بجمود . وقالت أنا قولت لحضرتك انى مش عايزه ادخل سحر ف القضيه . وطبعا ليا اسبابى .

المقدم : هز راسه وممكن اعرف ايه أسبابك ؟

فتون : لسه هتتكلم ...

سليم : بجمود . انا اقولك ليه فتون مش عايزه سحر تبقى طرف ف القضيه .

فتون : قبضت ع ايد حنين بقوه . وغمضت عينيها . ولعنت نفسها وضعفها انها قالتله ع كل حاجه ف لحظة احتياج وضعف..

المقدم : اتفضل ياباشمهندس سامعك .

سليم : قال بحده .. فتون مش عايزه تدخل سحر من واجب الحب والجيره . بمعنى إن والد سحر هو الل مربي فتون . وكمل بغيظ وسحر ف مقام اختها الصغيره . وكمان سحر أنقذت حياة فتون وضحت بحياتها .. وفتون خايفه ع سحر من شر علاء بعد ما يخرج من السجن او مثلا يهرب انه يرجع ينتقم . واول حد هيفكر ينتقم منه هو سحر علشان بسببها علاء اتكشف . ف من حبها ف سحر وخوفها عليها عايزه تبعدها عن القضيه ..

فتون : اتنهدت بأريحيه . وفتحت عينيها وسكتت ..

المقدم : هز راسه . انسه فتون واضح إن اعصابك تعبانه من أثر الحادثه . وانا بنفسي بطمنك . وبقولك متقلقيش من حاجه زي كده . لاننا مش هنسمح بحاجه زي دي تحصل ابداا .

فتون : ابتسمت بتعب . وهزت راسها إن شاء الله انا متشكره جدا لحضرتك ..

المقدم : العفو . وبص ل سليم استاذن انا ياباشمهندس عشان الحق سحر . بعد اذنكم . وخرج ...

فتون : قلبها بيدق بخوف . لانه رايح لسحر. وقالت ل خالد . ممكن توصلنى المستشفى ل سحر ياخالد ؟

خالد : بس انتى تعبانه ولازم تستريحي .

فتون : انا كويسه. بس لو انت مشغول هاخد تاكسي مش مشكله ..

حنين : فهمت فتون بتفكر في ايه وخافت عليها .

سليم : واقف ومخنوق منها جدا .

خالد : لا مش مشغول ولا حاجه . وشوفى انتى عايزه تروحي فين وانا معاكي .

فتون : راحت ل فاطمه . ماما يالا عشان انا هروح المستشفى وانتى ترجعى البيت مع خالد بعد ما يوصلنى .

فاطمه : ماشي ياقلب أمك.

فريده : ايه الل انتى بتقوليه ده يافتون . ده مش هيحصل ابدا . انتي لسه مافطرتيش. وكمان هتتغدو معانا .

فتون : بحرج . بصت ل فريده. وقالت مدام فريده انا بجد اسفه ع كل حاجه حصلت . وكفايه عملت ليكم دوشه وقلقتكو . واسفه إن الشرطه دخلت بيتك بسببى . ..

فريده : قربت من فتون . تتاسفى لما تبقى غريبه ماشي .؟ وده بيتك ياحبيبتى ..

وبعدين ولا قلقتينا ولا حاجه . والله وجودك في البيت انتى وفاطمه عمل حس ف البيت . والل حصل ده انى مالكيش يد فيه . ده قدر ومكتوب وكل واحد بياخد نصيبه . والحمدلله يابنتى أنه نجاكى من المحنه دى . واعقلى كدا واقعدى عشان نغدى مع بعض .

فتون : ابتسمت بحرج . انا متشكره جدا لحضرتك . بس صدقينى انا لازم اوصل المستشفى اطمن ع سحر .

.وغير كدا اهل الحاره زمانهم قلقانين وهيسالو عليا . وانا عايزه اطمنهم . وماما لازم تستريح انتى عارفه انها تعبانه . ولازم تاخد علاجها وتنام شويه . وانا بوعدك اول ما اتحسن هاجى انا وماما ونقضي وقت مع بعض.

.بس ارجوكي اسمحيلنا اننا نمشي دلوقتي . لانى ما ينفعش اتاخر اكتر من كده ع أهل الحاره وهيسالو كتير روحتى فين. وكنتى فين كل ده . انتى فاهمانى مش كدا ؟

فريده : هزت راسها . فاهماكي يابنتى ماشي انا هسمحلك تمشي دلوقتي . بس زى ما وعدتينى هتشرفونى نتغدي كلنا مع بعض .. وربنا يكملك بعقلك . ويرفع عنك الغمه . وييسرلك كل صعب ياحبيبتى .

فتون : ابتسمت بحب حاضر . اللهم امين يارب . بعد اذنكم . وبصت ل فاطمه يالا ياماما ..

سليم : متغاظ لدرجة الانفجار . وقال من غير تفكير . خاااالد ..

خالد : ايوه ياسليم ..

سليم : وصل طنط فاطمه البيت . وانا هاخد فتون ع المستشفى ..

خالد : خلاص ماشي

فتون : شافت ملامحه. ومعلقتش لان جواها خوف مسيطر عليها وعايزه تلحق سحر بأى طريقه ...

فريده : فتون ياحبيبتى . مريم نصار انا عندى فساتين جديده ولسه زى ما هي ماتلبستش . تعالى البسي فستان قبل ما تخرجي ..

فتون : لأ متشكره انا هروح بالاسدال . هو خروج هيأدى الغرض . بعد اذنكم . وخارجه وجمبها حنين سانده فاطمه وكل شويه تبص ل خالد . وهو باصص بعيد. وواضح ع حنين انها مخنوقه اوي .

فريده : راحت ل سليم بسرعه . سليم مالك انت ع طول عصبى كدا .؟ تعالى هعملك حاجه خفيفه تاكلها قبل ما تخرج .

سليم : بغيظ مش عايز اطفح . وسابها وخرج بنرفزه.

فريده : هزت راسها بنفاذ صبر . يارب يهديك ياسليم يبنى ..

خالد : ركب العربيه . وحنين صممت إن فاطمه تركب قدام احتراماً ليها . لكن فاطمه رفضت بشده . وركبت ف الكرسي الخلفي . وحنين ركبت جمب خالد. واتحرك ع الحي وساكت خالص ..

فتون ركبت العربيه . وسليم ركب جنبها ف صمت تام ومضايق منها المفروض أنه سمع كلامها ومقالش للمقدم حاجه . المفروض تشكرنى ع الاقل طيب هي زعلانه ليه دلوقتي؟ . وطاهر اتحرك ع المستشفى .

----------------------بقلمى مريم نصار

بعد شويه . ف المستشفى.

طاهر سأل ع اسم سحر محمد وعرف هي فين .

سليم : نزل وكل تفكيرو أنه يرجع حقها ويرفع راسها .

وف نفس الوقت مخنوق من سكوتها . وماشي ف المستشفى وطاهر بيساعده.

فتون : ماشيه جنبه وحاسه بدوخه بسيطه . وقلبها مشغول وبتتمنى إن الموضوع ميكبرش اكتر من كده ..

الشيخ محمد : قاعد مع زينهم ورجالة الحاره . وشاف فتون من بعيد . وقام بسرعه . وقال فتون ؟ زينهم ياخويا هي الل هناك جايه علينا دي فتون ؟

زينهم : قام بيدقق النظر .وشاف سليم وكمان فتون وقال ايوه هي فتون . ياما انت كريم يارب . تعالى ياحج محمد نستقبلها .. وراحو يقابلوها .

فتون : شافت محمد وعيونها لمعت بدموع ..

محمد : من فرحته الكبيره غصب عنه . ضحك بدموع واخد فتون ف حضنه لاول مره .

فتون : غمضت عينيها وعيطت بوجع ع الل بيحصل معاها . وكانت بتتمنى انها تكون ف حضن ابوها .

محمد : طلعها من حضنه . وضحك بسعاده . الف حمد وشكر ليك يارب . بنتى فتون قدام عينى وبخير . حمدالله على سلامتك يابنتى.

سليم : سمع اسلوب الشيخ محمد ووقاره . وفهم ليه فتون مش عايزه تأذي سحر ..

فتون : بدموع الله يسلمك ياعم محمد .

زينهم : سلم عليها . الف حمد لله على السلامه ياحبيت عمك . والله الدنيا كلها نورت من تانى .

فتون : ابتسمت تسلم ياعم زينهم .

سليم : سلم عليهم.

محمد : قوليلى يافتون انتى كنتى فين . روحتى مستشفى ولا روحتى فين يابنتى احنا مكناش عارفين نوصلك وكنا قلقانين عليكى ....

فتون : اتوترت . وخافت تقول انها كانت عند سليم ف الفيلا . ويفهموها غلط .

سليم : اطمن ياحج محمد . فتون كانت ف مستشفى صديق ليا . ولسه خارجه حالا . وطلبت انها تيجى ع هنا ..

فتون : قلبها دق من تفهم سليم ليها من غير ما تتكلم ..

محمد : مسك سليم من كتافه بامتنان . اسمع ياسليم يبنى . وتسمح انى اقولك يبنى . انت جميلك ده ف رقبتى ليوم الدين . انت عملت معانا معروف يسوى الدنيا بحالها . انت متعرفش قلبى كان مقسوم نصين ازاى . ومش عارف اعمل ايه . سحر بنتى . وفتون بنتى . وربنا يعلم فتون دى غاليه عندى قد ايه ؟وانقذتها من شر ابن جابر . الله المنتقم إن شاء الله..

وانك تنقذها وتجيبها بنفسك لحد هنا . دى فعلا من شيم الرجال . وربك جعلك الملاك الحارس ل بنتنا فتون ..

فتون : باصه للأرض بتسمع محمد ودموعها نازله .

سليم : بيسمع محمد .وبدء يهدى . وقلبه دق لفتون . وعجبه جدا لفظ الملاك الحارس ليها . وابتسم . وقال . انا متشكر جدا ياحج محمد . وانك تعتبرنى زى ابنك ده شرف ليا . وانا معملتش حاجه لل آنسه فتون . هي بنت حلال وربنا جعلنا سبب مش اكتر . المهم انها دلوقتي ف آمان وبخير ..

محمد وزينهم . الحمد لله . وكل الموجودين سلمو ع فتون واطمنو عليها . والكل رحب جدا ب سليم ومبسوطين بيه ومبهورين انه كفيف وانقذ فتون ..

حسن : قرب من فتون بحرج . احم استاذه فتون؟

فتون : لفت . ايوه يا استاذ حسن ؟

سليم : انتبه وقرب خطوه من فتون بغيظ .

حسن : احم انا عايز اقولك حمدالله ع السلامه . وانتى عامله ايه دلوقتى .؟

فتون : عينيها ع سليم . ولسه هترد ع حسن ...

سليم : اتكلم وهو صاكك ع أسنانه .. الاستاذه كويسه جدا . ياريت تهتم بخطيبتك . ومالكش دعوه ب فتون يكون احسن اوى ليك ماشي ؟

حسن : اتحرج لما شاف فتون ساكته . وهز راسه وقال احم ماشي انا اسف عن اذنكم ..

سليم : مردش وبيتنفس غيظ . ومش طايق المكان ولا اى حد ..

فتون : بتوتر بصت ع سليم. وراحت لمحمد وقالت . عم محمد سحر عامله ايه دلوقتى؟ وشافت سليم جسمه اتشد اكتر ..

محمد : الحمد لله يابنتى كنا فين وبقينا فين . كلها ساعه وهنرجع ع البيت . بس منتظرين الظابط لانه جاى ياخد اقوال سحر..

فتون : هزت راسها الحمد لله .احم طيب ممكن اشوفها ..

محمد : اله وده سؤال بردو يابنتى . ادخليلها هي لوحدها ام عصام نزلت تجيب طلبات. وانا والرجاله هننزل نصلى العصر ف مسجد المستشفى . وطالعين . اقعدى معاها برحتك .

فتون : اتنهدت باريحيه . انهم هيبقو لوحدهم ويتكلمو براحتهم قبل ما المقدم يوصل . ودخلت ل سحر ..

محمد : بص ل سليم . هتيجى معانا يابنى العصر وجب ..

سليم : اتنهد . وهز راسه اكيد . اتفضل ياحج . ونده ع طاهر . وساعده .. وقال طاهر ..

طاهر : اؤمرنى ياسليم باشا .

سليم : انت كاميرا تليفونك صورتها حلوه وواضحه؟

طاهر : اتوتر وقال بصراحه ياسليم باشا . انا معايا ايفون. بتاع رهف هانم . فاكرو؟ لما قولتلى خدو ارميه بصراحه انا خدته لنفسي ..

سليم : ابتسم بمكر . احسن حاجه عملتها انه معاك . اسمعنى بقى وركز كويس وتنفذ الل هاقولك عليه بالحرف الواحد ...

----------------------بقلمى مريم نصار

فتون : دخلت وقفلت الباب وراها . وشافت سحر نايمه بتتألم .. وندهت سحر ؟

سحر : فتحت عينيها بتعب . وبصت بدهشه فتووون . وحاولت تتعدل فتون . الحمدلله يارب انك كويسه.

فتون : راحت عندها بسرعه. خليكى زي ما انتى . انتى لسه تعبانه . قوليلى عامله ايه دلوقتى؟

سحر : عينيها متعلقه ب فتون . واتملت دموع . وقالت بوجع كبير. انتى جايه بنفسك تطمنى عليا ؟ بعد كل الل حصل منى ؟

فتون : اخدت نفس عميق واتنهدت . طبعا اطمن عليكي لانه يهمنى انك تخفى وتقومي بالسلامه ..

سحر : دموعها نازله بندم . فتون انا مش قادره اسامح نفسي ..

الباب خبط والممرضه دخلت . وغيرت المحلول . وقاست الضغط ل سحر . وخرجت .

سحر : بدموع .فتون انا تعبانه ومخنوقه عذاب الضمير الل انا فيه هيموتنى بجد . انا كنت هعترف ل حسن . انا خلاص هقول ل بابا وهقول للكل . انا بجد ندمانه وعايزه ربنا يسامحنى . سامحينى ابوس ايدك يافتون . وعيطت كتير بذل وانكسار ..

فتون : سحر مش وقته الكلام ده ... اسمعينى كويس قوى قبل المقدم مايوصل . انتى مش لازم تتكلمى ولا تقولى اى حاجه عن الماضي . خلاص ده ماضي وانسيه.

.علاء اتقبض عليه . ومفيش ادله ولا صور ولا رسايل تثبت ده .

.انتى كل الل هتقوليه بس الل حصل امبارح .. كل حاجه ما عدا كلامنا ع الفون وانك مسحتى كل حاجه . تمام . وبعدين انتى ياسحر لازم تسامحي نفسك . لازم تدى نفسك فرصه جديده وتصلحي كل حاجه عملتيها ..

سحر : بتسمع فتون ومزهوله . ومش مصدقه إن فتون خايفه عليها كل ده . ومسكت جنبها وبتعيط بشهقات .. اصلح ايه بس يافتون؟ انا وعلاء دمرناكي . انا وعلاء اتفقنا عليكى . وعلاء صورك وفبرك الصور وانا بايديا دول بعتهم ل حسن من ايميل تانى . انا كنت ديما أحقد عليكى . عملت كل حاجه وحشه عشان اخد حسن منك . عملت كتير اوى اوى يافتون .

فتون : اهدى ياسحر وبطلى عياط . وقامت تجبلها كوباية ميا من ع الكمود وبتلف وشها للباب . والكوبايه وقعت من أيدها اتكسرت. وشهقت بصوت عالى . لما شافت --------