رواية أحببت بصيرته الفصل الرابع والعشرون 24 بقلم مريم نصار

__________________

ف الحاره .

جابر : طالع بينهج ع السلم بسرعه وبيخبط ع باب شقته بسرعه كبيره جدا ..

مراته فتحت . ودخل بسرعه وقفل الباب وواقف وراه وبياخد نفسه بصعوبه وبينهج ..

مراته : استغربت . مالك يابو علاء . طالع بتنهج كدا ليه ؟

جابر : بلع ريقه بصعوبه. مصيبه . مصييييبه وحطت ع راسي .

مراته : خبطت ع قلبها بايدها . مصيبه ايه كفاالله الشر . استر يارب ..

جابر : بينهج .. هاتى . هاتى كوباية ميا اشرب ريقى ناشف ..

مراته : حاضر يا خويا وراحت ع المطبخ وجابت الميا ..

جابر : بيشرب برجفه . والميا بتقع منه ع هدومه ..

مراته : بقلق . اله ماتقول ياراجل فيه ايه ؟ انت شكلك زى الل هربان م الحكومه ..

جابر : ابنك علاء . اخرة صبرى . هيودينا ف داهيه . والحاره مقلوبه عليه ..

مراته : شهقت بصوت عالى . يالهووووى علاء ابنى . حصل ايه؟ هو مش عند عمه ؟

جابر : ابنك سرق عمه وهرب . ومن ساعتها بدور عليه . والل كنت خايف منه حصل . ابنك خطف فتوون بنت مهران . والمصيبه الأكبر انه ضرب بنت الشيخ محمد بالمطوه ف بطنها. ابنك ودانا ف داهيه . رجالة الحاره قالبه الدنيا ..

مراته : بصدمه كبيره وعيطت . ينهار اسو.... ابنى راااح . ابنى راااح منى .كله منك انت . كله من دلعك فيه . ياما قولتلك لم ابنك م الشوراع . تقولى سيبيه يعيش حياته . اااه يامرارك يام علاء . ابنى خطف وقتل . يادى المصيبه يااادى المصيييبه . وعيطت اكتر ابنك كدا هيتسجن اعمل حاجه . اتصل عليه . قوله يعقل ويرجع فتون لامها . يامرارك يام علاااااء .

جابر : اكتمى ياوليه ول ولو عليكى ساعه وانفضت . جاتك الهم . انا هيجيلى جلطه من عمايله السودا . وتقولى انت السبب ..

وانتبه وقال .. ايه دا؟ ايه الصوت ده انتى سامعه حاجه بره الشقه ؟

وفجاءه ف خبط جامد جدا هيكسر باب الشقه.

جابر واقف خايف . ومراته بتلطم ع وشها وخافت ووقفت ورا جابر ..

شباب الحاره . بتخبط وزعقو افتتتتح ياجابر . افتح بدل مانكسر الباب ع دماغك . افتتتتح .

جابر : برجفه وخوف راح فتح الباب . واترعب من الهجوم . وقال بتلعثم . خي...خير يارجاله..

زينهم : بغضب وصوت عالى . وهيجى منين الخير يا جابر . ابنك خطف فتوون وخدها ع فيييين ؟

جابر : بيمثل الدهشه .هااا . علاء ابنى خطف فتوون ؟ انت بتقول ايه يازينهم ياخويا ؟ وامتى ده حصل ؟

زينهم : بغضب انا مش اخوك . ويحرم علينا اجتماعك . وانت عارف الل حصل . وا إلا مكنتش هتجرى ع بيتك وتستخبى زى الحريم . وقسما عظما . لو متكلمت وقولت الصايع ابنك فييين؟ لا نقلبها دم . وده كلام الشيخ محمد قبل كده . انت فاااااهم . ابنك فيييين ياجابر ..؟

جابر : أتأكد انها النهايه .. وقال بتمثيل . ياناس ارحمونى . انا اتبريت منه .

مراته : بتعيط بصوت عالى يالهووووى اتبريت من ابنك يااجاااابر .

جابر : اتغاظ منها وشتمها جواه . وبص ل زينهم . اسمع يازينهم ياخويا . انا من دلوقتي ماليش إبن اسمه علاء. وبعدين يجماعه ايه الل عرفكو انه علاء الل خد فتون ف التوكتك . مش يمكن واحد تانى ولا حرامى ؟

زينهم : ضحك بسخريه . اله ما انت عارف اهو إن فتون اتخطفت ف توكتك . اومال عامل فيها انك مش دريان بحاجه .. وكمل بغضب . انا لو مش عامل حساب الجيره كنت دخلت واتعديت ع حرمة بيتك . وكسرته ع دماغك ياجابر . وزعق هاتووو يا رجاله .. ولما نشوف اخرتها معاه ..

حسين : زعق بعد اذنك ياعم زينهم . جابر مالوش قوعاد ف الحاره كلها تانى . ياما قسما بالله . انا ورجالة الحاره هنكسرله ام المحل بتاعه . ونولع ف بيته و عربيته .

زينهم : بغضب متقلقش ياحسين يبنى كل ده هيحصل . وجابر هيترمي بره الحي كله . بس نطمن ع بنتنا فتون الاول . هاتوه ع القسم ..

الشباب . كتفوه ونازلين بيه . وجابر بيستغيث ومرعوب حرفيا من الل هيحصل ..

مراته . بتصوت . والجيران اتلمو . لكن لما عرفو ماهتموش بيها .. والكل جري ع فاطمه يطمنو عليها وع فتون .

----------------------بقلمى مريم نصار

فتون : قربت ببطء شديد . وكتمه نفسها عشان ميصحاش . ومدت أيدها ومسكت المفتاح . وشهقت برعب .

علاء : حس بيها . ومسك أيدها . وفتح عينيه. ع فين ياحب ؟

فتون : بتفك أيدها . سبنى ياعلاء . سبنى وإلا هقتلك واشرب من دمك ..

علاء : ماسك أيدها بقوه . وبعدين بقى . انتى مش هتهمدى ف ليلتك دى . ده انهردا دخلتك ياعروسه ..

فتون : صكت ع أسنانها بغيظ . وبتشد أيدها بقوه . ووطت عضته ف ايدو جامد .

علاء : ساب أيدها بسرعه . اااه يابت الل اااه.

فتون : بغيظ . دُخلت مين يالا . دى هتبقى خرجتك إن شاء الله . اوعى تكون مفكر انك كدا راجل وهتفلت منها . لأ . ده انت وديت نفسك ف ستين داهيه . وعيونها لمعت بدموع . ضربت سحر بالمطوه ويعالم حد لحقها ولا لأ ؟ وكملت بعياط ووجع . وامى ياترى عامله ايه دلوقتى .؟ وبصتله بكره واضح انت نهايتك قربت يابن جابر .

علاء : هههههههههه . اهدا ياحب انتى زعلانه ع سحر .. ههههههههه اااه لو تعرفى سحر دى عملت فيكى ايه . ولا بقى .........

فتون : قاطعته . وزعقت بصوت عالى . اناااا عرفت كل حاجه وشوفت قذارتك بعينى . ومييين السبب ف الل سحر عملته هاااا؟ سحر عمرها ما كانت هتوصل للخبث ده من غير شيطان خبيث ذيك .. انت لو كنت راجل من البدايه ونصحتها مكنتش وصلت للمرحله دى ؟ كل الل حصل وكل الل هي وصلت ليه بسببك انت ياعلاء . لأنك شيطان . لا تعرف يعنى ايه صح ولا غلط . ولا تعرف يعنى ايه حلال وحرام ..انت اييييه يا اخى جبرووووت . مفيش عندك احساس وقلب . الل بيمشي ف عروقك ده اييييه؟ مفيش عندك خوف من ربنا ؟ مش عارف اخرت طريقك ده اييييه؟ انت مابتسمعش ولا بتشوف بعينك ايه الل بيحصل لامثالك . وايه النهايه الل مستنياكم يا اما القتل يا الحبس ؟ انت مفكر انى مقطوعه من شجره . مفكر انى موارييش رجاله . لااااااااااااااء فووووق يابن جابر . فوووق . رجالة الحاره كلها دلوقتى قالبه الدنيا عليك . وهيوصلولك . ولو كنت ف بطن أمك .. اعقل كدا وفكر . وانفد بجلدك وانقذ نفسك . بدال ماتتحبس ف جريمتين كفايه عليك جريمه واحده . وهات المفتاح ده خلينى امشي من هنا ؟ وزعقت .. هااااات المفتاااااح عايزه اطمن ع امي وسحر ..

علاء : بيسمعها . وعينيه ع شعرها وكتفها بشهوه . وانتبه أنه عمل جريمه . وقال جواه يعنى انا كدا كدا هتسجن . ودى فرصتك ياعلاء . عيش الليله الل انت مستنيها من سنين . فتون قدامك اهي مستنى ايه تانى . ومحدش هيعرف مكانك هنا . يلاااا مستنى اييييه فتون اهي .

فتون : خلصت كلامها وبتنهج بنرفزه . وراسها بتألمها . وحطت أيدها ع راسها من الخلف . وبصت ع علاء . شافت نظراته ليها . ومن جواها خافت اكتر . ونزلت أيدها ببطء . وبصت ع الكنبه وكان مفروش عليه مفرش . وبسرعه شدت المفرش . وغطت بيه ضهرها و كتفها وشعرها . وجواها خوف غير طبيعي .

علاء : ابتسم بخبث . بتغطى ايه ياحب بس ههههههههه كل الل عليكى دلوقتي هيتشال . وبيقرب منها وقال. ومدام كدا كدا سجن يبقى بالمره بقى .

فتون : بترجع بضهرها وبتتنفس بصوت عالى . ابعد عنى ياعلاء . اوعا تقرب منى اوعااا . لااااااااااااااء .

علاء : قرب منها وشدها من كتفها وقربها منه وحضنها واتحكم فيها ..

فتون : بتصرخ بصوت عالى جدا ابععععععد .

علاء : بيقرب علشان يبوسها .

فتون : بتحاول تفك نفسها . وبتبعد وشها بعيد . وبتصوت . وبتصرخ لااااااااااااااء . حراااااام عليييييك . ابععععععد عنييييي . اااااه يااااارااااب . لاااا ياااارب لااااااااااااااء ..

علاء : بدء يضايق من حركتها . ومش عارف يقرب منها .. ومسكها من شعرها . وشدها ووقعت ع الأرض ..

فتون : بتحاول تدافع عن نفسها بكل قوتها حتى وهي واقعه ع الأرض.

علاء : بيشدها ع اوضتة النوم .

فتون : بتصرخ . واترعبت . ومسكت ف عمود ف الصاله وكلبشت فيه . وبتعيط وبتنهج . وف حاله وحشه جدا . وحاولت تفتكر اى ايه قرانيه أو دعاء . لكن الموقف الل هي فيه مرعب حقيقي . والل نطقت بيه . اشهد ان لا اله الا الله واشهد أن محمد رسول الله . اللهم أجعل من بين أيديهم سدا ومن خلفهم سدااا .

علاء : شافها مكلبشه ف العمود . سابها وابتسم بخبث . ونزل ع الأرض . وبيقرب منها غصب عنها بكل قوته .

فتون : بتصرخ . وقالت يااااارااااب . لااااااااااااااء يااااارب معجزززززززه من عندك يااااارب . احمينى يااااارب . ماللييييش غيرررررك . يااااااااااااالله ..

سليم : دخل بقوه .. فتووووووون .

----------------------بقلمى مريم نصار

طبعا سليم .اخد رقم المقدم أحمد الوكيل من مُهاب واتواصل معاه ع الفون. لانه ف مكان بعيد جدا عن الحي . وهيوصل متأخر . فا هيتابع مع سليم ع الفون وهيساعدو لحد ما يوصل . وع اتصال ..

وبعد ماخرج من الحاره . اتصل ع المقدم أحمد وبلغو باخر الاخبار . ونمرة التوكتك.

المقدم : طيب تمام اوي ياباشمهندس سليم . ١٠ دقايق بالظبط . وهبلغك مين صاحب التوكتك وعنوانه.

سليم : بخوف كبير . سيادة المقدم . انا عايز اعرف مكانها فين ارجوك . الكلب علاء ده مُدمن وبلطجى وممكن ياذيها .

المقدم : انا مقدر خوفك ده . وربنا يستر وهنلحقها إن شاء الله . وقفلو .

بعد شويه المقدم اتصل. وسليم رد بسرعه وعرف عنوان صاحب التوكتك .. وقفلو . وبعدها ع طول

خالد : اتصل ع سليم .. مره واتنين .

سليم : فكر ورد عليه وجواه بركان من الغضب . ايوه ياخالد .

خالد : انت فين ياسليم . انا ف الحاره. قولى مكانك فين انت ما ينفعش تكون لوحدك..

سليم : بنرفزه . اسمع ياخالد انا عايزك دلوقتي تطلع ع العنوان ده (----) حالا ياخالد .

خالد : بعدم فهم . تمام ماشي بس افهم عنوان مين ده . وفتون هناك . قولى ف جديد ..

سليم : غمض عينيه وقلبه موجوع. وقال بصوت مبحوح لأ . لسه موصلتش ليها .

خالد : حس بوجعه واتنهد وقال . سليم إن شاء الله هتوصلها . وانت الل هتنقذ فتون بنفسك. وهي اكيد واثقه انك هتوصل ليها . اجمد يصحبى ..

سليم : فتح عينيه . وقال بجمود . اسمع ياخالد انا دلوقتي ماشي ف الطريق الل مشي منه الكلب علاء .. وده عنوان سواق التوكتك .

واسمه على عاطف . هو الل كان مع الكلب ده وهو الل هيقولنا ع المكان الل نزله فيه .

خالد دى مهمتك . تعرف منه العنوان وتبلغنى . حاول توصل لل اسمه على ده ب اسرع وقت ياخالد . انا لازم الحق فتون . مش لازم يحصلها حاجه . بسررررعه ياخالد ..

خالد : شغل العربيه . وساق بسرعه جنونيه. وبيسمع سليم . وقاله . متقلقش يصحبى . انا هعرف اتعامل . وصدقنى هتلحقها ..

سليم : قفل بإحباط كبير . وغمض عينيه . وافتكر شدة إقناعها ليه ف اى حوار ومناقشه . وافتكر انها بتديه الأمل والتفاؤل واليقين . ورفع راسه لفوق . وقال بصوت موجوع اوى. هي ديما واثقه فيك يارب . وديما بتقول إن بكره احلى واجمل . وديما بتقول انها بتحسن الظن بيك ديما . ومتوكله عليك . يارب فتون غيرتنى . غيرت فيا حجات كتير . نورت طريقى . احفظهالى . احفظهالى يارب . وغمض عينيه واتنهد بوجع كبير . وبعدها افتكر علاء . وصك ع اسنانه بغيظ وأقسم أنه ينتقم منه ومن اى حد يقرب من ملكيته الخاصه.

بعد نص ساعه واكتر .

خالد : اتصل ع سليم .

سليم : رد بسرعه . ايوه ياخالد عرفت هو فين؟

خالد : ايوه ياسليم . وعلي قال ع كل حاجه وهو معايه ف العربيه ورايحين ع مكان علاء .

سليم : قلبه بيدق بسرعه . واتعدل بلهفه . قولى فين المكان .؟

خالد : المكان ف الحى بعد الحاره بمسافة نص ساعه . العنوان (-----) . واسمع ياسليم . استنى متروحش لوحدك . لازم اكون معاك . استنانى يسليم . الووو . الوووو .سليييم ونفخ بديق حقيقي .

.قفل الخط .انا عارف أنه مش هيصبر . غبى ياسليم . وداس بنزين . وعلى جمبه بيتشاهد من سرعة السواقه ..

----------------------بقلمى مريم نصار

سليم : قفل بسرعه . طاهر . اطلع ع العنوان ده ..

طاهر : بتهايلى احنا ف نفس المنطقه هنا ياسليم باشا .

سليم : قلبه بيدق ب أمل .انت متأكد ياطاهر ؟.

طاهر : طبعا ياباشا . اسم البنزينه قدامى اهي. وكمان اسم الشارع . تقريبا احنا قريبين جدا . والبيت ثوانى هاخد الكشاف هنزل اشوف لون البيت ال حضرتك قولت عليه. .

سليم : بسرعه ساب الفون و نزل معاه .

طاهر : ماسك دراع سليم . وشغل كشاف يدوي كبير موجود معاه . وقال هو قال بيت ارضي ونص التانى مبنى مش كدا .؟

سليم : مغمض عينيه ومركز بحاسة السمع جدا . وقال ايوه وعليه يافطه اعلان كبيره ..

طاهر : بيدور . وقال بتهائلى هو الل هناك ده ع اليمين ..

سليم : وقف مكانه مره واحده.. وقال لأ . ع الشمال . وقلبه دق بخوف . ايوه صوت فتون . هو صوتها .

طاهر : انا مش سامع حاجه . انا.....

سليم : هشش انا سامع . تعالى واقفل الكشاف عشان الكلب ده مايشوفش الضوء ..

طاهر : بعد اقتناع . لكن هز راسه .وقال بخوف .. احنا مش معانا سلاح ياسليم باشا . انا بس معايا صاعق . ينفع ..

سليم : بجمود وغيظ . انا مش عايز اسمع صوتك ومش عايز حاجه . خايف وصلنى لحد الباب . وارجع انت . واسكت .. وغمض عينيه تانى وركز اكتر .. وفتح عينيه بصدمه ورعب . امشي شمال . لقدام . ف بيت ؟

طاهر : ايوه . دور واحد بس .

سليم : بغضب .. خدنى عند الباب . بسررررعه

طاهر : تمام اتفضل حضرتك . واتفاجئ ايه ده فعلا ف حد بيصرخ ..

سليم : قال طاهر أنا قدامى فاضى للباب ؟

طاهر : شغل الكشاف . وقال ايوه ياباشا . الباب قدامك ب حوالى ٣ متر ..

سليم : قبض ع ايديه ..ارجع انت ياطاهر .

طاهر : بس حضر.......

سليم : قولت ارجع انت .. وسمع صوت فتون اكتر . وسابه واتحرك . وقرب من الباب ورفع ايدو لقدام لحد ما وصل للباب . وقلبه بيدق بسرعه كبيره وخاف من صوت صريخها . واترعب لا يكون أتأخر كتير .. وحاول يكسر الباب ...

فتون : بتصرخ . وقالت يااااارااااب . لااااااااااااااء يااااارب معجزززززززه من عندك يااااارب . احمينى يااااارب . ماللييييش غيرررررك . يااااااااااااالله ..

سليم : بعد محاولات . كسر الباب ودخل . ونده برعب .. فتووووووون .

فتون : بتصرخ . وبتنهج وسمعت صوت سليم . سكتت مره واحده . وبصت ع مصدر الصوت . وضحكت بدموع اخيرا امانها وصل. سي...سليم . وبتزق علاء بكل قوتها وصرخت .. سلييييييييم

علاء : اتخض . من دخول سليم وكسره باب شقه بالطريقه دي . وبص ل سليم بخوف ..

سليم : بيركز ع مصدر الصوت .ويلف راسه يمين وشمال. وقال فتون . اتكلمى انتى فين اتكلمى ..

علاء : شاف طريقة سليم . واتأكد انه . مابيشوفش .. وقام وقف وحط ايدو ف وسطه . وضحك بسخريه

فتون : قامت بتعب وجسمها كله بيترعش . وجريت ع سليم . كأنها بتجرى أميال ..

سليم : حس بيها وقرب خطوه . وفتح ايديه ودخلها كلها ف حضنه . وقلبه بيدق بخوف . وقال بقلق .. عملك حاجه ؟ الكلب ده لمسك . ؟ اتكلمى .

علاء : واقف بيضحك بصمت . انه اعمى وهيحميها ازاى منه ههههههههه

فتون : كلبشت فيه وماسكه ف هدومه برعشه وبتعيط بهستيريا .سليم . سليم . الحمد لله انك هنا .

سليم : حس بخوفها . وضمها لقلبه اكتر . اهدى . انا جمبك متخافيش .ورفع ايدو وبيمسد ع حجابها . واتصدم شعرك !!؟ وبدء يتنفس بغيظ .. وطلعها من حضنه ونزل ب ايدو ع وشها الل كله ميا . ونزل ع كتفها يطمن ع هدومها ولمس كتفها. وفتح عينيه بصدمه كبيره .

فتون : مغمضه عينيها وبتعيط بزل وانكسار. ورفعت راسها وفتحت عينيها . لكن خافت من ملامح سليم . خافت عليه من علاء . وقالت بلهفه سليم .. سليم يلا نمشي من هنا بسرعه .

سليم : بيتنفس شر . وقلع جاكيت البدله . وحطه ع أكتافها . وشد فتون ورا ضهرو ..

.وقال بصوت يخوف .. انا مش هتحرك من هنا خطوه واحده . غير لما أدفن الكلب ده هنا . وزعق . انااا هعلمممك وهعرفككك يعنى ايييه تبص لحاجة غييييرك . انا هعرفك يعنى ايييييه تبص ل حاجه تخص سليم بدر الديييين ..

وحيات امي ياعلاء لأ اخليك تعض ايديك من الندم . واخليك تصرخ زى الحريم . انا من زماااان واناااا عايز أصفى حسابى معاااااك . من يوم بس ما اتجرات واتكلمت عليهاااا.. بس معلش كله حاجه ف وقتها حلو. وبعملتك دي انت جنيت ع نفسك ..

علاء : هههههههههههه هههههههههههه . اي ده يافتون جايباه منين ده ؟. انتى بتتحامى ف واحد اعمى هههههههه .

وانت بقى عرفت تيجى هنا لوحدك وانت اعمى كدا ولا حد جابك ههههه . وهي فتون تخصك انت ولا تخص خالد الشرقاوي . تؤتؤ .ايه يافتون ؟ . انتى مظبطه مع مين بالظبط هههههههههه .

سليم : بيسمعه وقبض ع أيديه بغضب كبير جداااااا . وقرب من ودن فتون وهمس ليها. وفتون ردت عليه .

سليم : غمض عينيه . وركز جدااا ع مصدر الصوت . ومره واحده اتحرك بسرعه كبيره وهجم .

ومسك علاء من تيشريته . لكن علاء كان قالع التيشريت . وده جنن سليم اكتر . وخلاه حرفيا لو بيشوف حقيقي .... لا شايف بجد ولا سامع حد . ومسك علاء من الفانله الاكس وكلبش فيها عشان مايتحركش وقال . انا هعرفك مين فينا الاعمى . وانا هعرفك انك تتجرأ وتلمس فتون ازاى . وبوكسات ف وشه . وبيضرب بغل كبير جدا .

علاء : مكنش متوقع إن سليم هايهجم ويمسكه وهو اعمى . ولسه هيضرب . لكن شتان ..

فتون : سليم همس ف ودنها وقال ف حاجه موجوده ف طريقى قدام علاء ع الأرض ؟ وقالت لأ مفيش غير مفرش ع الأرض .. ولما شافت سليم بياخد حقها . نزلت ع الأرض مكانها وعيطت بصوت واطى ومكسور وهيستريا .

سليم : بيضرب بغل وغيظ . وبيلعن فيه . وبوكسات بين عينيه ومناخيرو .

علاء : قوته بتقل . ووشه متبهدل ونزف ..

سليم : كل تركيزه ع وش علاء . وصدره .

علاء : مش عارف يصد اى ضربه . وافتكر المطوه . وبيحاول يطلعها من جيبه .

فتون : خافت ع سليم لا علاء يموت ف ايدو . ورفعت عينيها بالصدفه وشافت علاء بيطلع المطوه . فتحت عينيها بصدمه كبيره وافتكرت سحر واترعبت . وقامت بسرعه . ومسكت ازازة خمره فاضيه ع الأرض .

علاء : فتح المطوه . وهيضربها ف بطن سليم .

فتون : صرخت . لااااااااااااااء حاااسب ياسليييييم وخبطت علاء ع راسه من الخلف بالازازه ..

سليم : الازاز طار ف وشه . واتجرح بسيط .

علاء : وقع ع الأرض فاقد الوعي تماما .

سليم : أتأكد إن علاء كان هيعمل حاجه كبيره . وهمس بقلق فتون . انتى كويسه .

فتون : شافت الدم . افتكرت انها قتلته . وتمتمت بكلام مش مفهوم . وقوتها قلت . وعينيها بتغيب ..

سليم : حس بيها وقرب منها ومسكها من كتافها. فتون .انتى كويسه حصلك حاجه .

فتون : واقفه قدام سليم وغمضت عينيها وهتقع ع الأرض .

سليم : حس بيها ولحقها . فتوووون . ونزل بيها ع الأرض برعب حقيقي. فتووون ردى عليا ..وشال راسها وايدو جه عليها دم بسيط من راسها واتأكد انه دم. وقلبه دق جامد وخاف أنه يخسرها

----------------------بقلمى مريم نصار

خالد : داخل بسرعه مع طاهر . والمقدم والقوه .

خالد : شاف سليم بيفوق فتون الل لبسها متقطع. وعلاء وشه كل دم اتصدم بزهول . وخاف جدا ع فتون إن يكون علاء اذاها .. وجرى ع سليم . وقال بخوف سليم . سليم فتون كويسه ..وانت كويس ؟

سليم : بيفوقها . فتون ردى عليا . فتون مغمى عليها ياخالد . فتون مجروحه .

القوه : دخلت وشالت علاء وخرجت ..وباقى القوه بيفتشو الشقه ..

المقدم : قرب من سليم . وشافه بينهج بطريقة حد مرعوب جدا وخايف .

.وقال اطمن ياباشمهندس . احنا هنطلب الإسعاف وكل حاجه هتبقى تمام .. وبعدها تشرحلى كل الل حصل بالظبط؟

سليم : هز راسه بدون وعي . لأ لأ انا مش هستنى . لاااء . وقام وشال فتون بين ايديه .

خالد : قام ومسك كتف سليم . تعالى معايه ع العربيه . هنطلع ع المستشفى ..

سليم : ماشي بحظر . وكل تركيزه وقلبه مع فتون وبس .

خالد : وصل العربيه وفتح الباب الخلفي . تعالى ياسليم نزلها هنا واركب جمبها .

سليم : نزلها بحظر شديد . وركب جمبها . وحط راسها ع صدره . وضمها لقلبه بحب كبير . واتنهد بوجع .

خالد : زعل ع حالتهم . وركب وساق بسرعه ع المستشفى ..

----------------------بقلمى مريم نصار

ف الحاره .

الدكتور : شكرى عرف . ومحمود راح قاله إن الحاجه فاطمه تعبانه . وراح معاه وقاس ليها الضغط وكان عالى جدا . وبسرعه عطالها حقنه تنزل الضغط . وعمل تحليل سكر . وكان وعالى جدا . وعطاها إبرة انسولين . وطلب بسرعه كركديه ساقع وشربته بالعافيه . وقعد معاها حوالى ساعه . يتابع ضربات قلبها والضغط . واتحسنت شويه. واطمن عليها ونزل ..

وبعدها ..

فاطمه : قاعده مكانها بتصرخ . وحضنه شنطة فتون وجزمتها . وصوتها راح من العياط .

ستات الحاره زعلانين جدا ومنهم كتير بيعيط ع عياط فاطمه ووجع قلبها بالطريقه دي . وام سيد قاعده ع السلم بتعيط عشان فتون .

نجلاء : بتعيط وحزينه ع فتون وكمان فاطمه وحنين .. وقالت ف الفون ل عبدالله جوزها ع الل حصل . وجه بالعربيه بسرعه يوقف معاهم .

حنين : بتعيط بشهقات ووجع كبير . وخايفه إن علاء يدمر فتون . وخوفها الاكبر انه يقتلها . وكل شويه تتابع مع خالد اخر الاخبار .

حنين : قامت بتعب . وجابت كوباية عصير ليمون . ل فاطمه . وقعدت جنبها. وقالت بعياط .خدى ياطنط فاطمه اشربى دى . وارحمي نفسك شويه ..

فاطمه : بصوت عالى لكن . مبحوح جدا بتصرخ لاااء لاااء انا عايزه بنتى . عااايزه فتون يارب . يارب رجعلى نور عيني . رجعلى بنتى يارب . اااه ياروحي عليكى يافتون . بيحصل معاكى ايييه دلوقتي ياقلب أمك . يارررب وحياة حبيبك النبى . تحفظهالى . يارب متوجع قلبى عليهااااا . اااه ياحبيبتى يابنتى .

.

الكل بيسمعها .وعيط بوجع وبيدعو من قلبهم . وكمان بيدعو لبناتهم وميجربوش الاحساس ده لانه مميت ..

حنين : بتعيط . إن شاء الله هترجع وهتكون بخير . ومسحت دموعها وابتسمت برعشه . خالد قال سليم هيرجعها . وقال مدام سليم قال كدا يبقى هترجع . وكمان قال من اخر مره كلمته انه رايح ل صاحب التوكتك وعرفو عنوانه من سليم ..

فاطمه : قالت يارب يااارب . بس سليم هيرجعها ازاااى ياحنين يابنتى . سليم مش بيشوف وعلاء قلبه ميت . وممكن ياذيهم هما الاتنين . سليم مش هيقدر يعمل حاجه . ااااه يانور عيني يابنتى ..

زينهم : طالع عند فاطمه بحزن شديد. وحمحم . احم يارب ياساتر ..سلامو عليكو .

كلهم. وعليكو السلام ورحمة الله .

زينهم : دخل وزعل جدا ع حالة فاطمه الل بتقاوم . وقال وحدي الله ياحاجه أم فتون .

فاطمه : رفعت راسها ب أمل . لا اله الا الله ياحج زينهم . طمنى وحياة حبيبك النبى . طمنى عرفتو حاجه ..

زينهم : اتنهد بتعب . شباب الحاره مش ساكتين ياحجه بيدورو ف كل بيت وزاويه وحاره .واحنا خدنا جابر ع القسم واتحفظو عليه لحد ما الحكومه توصل ل علاء . وبيقولو هنستنى لحد مايعدى ع الخطف ٢٤ ساعه وا.....

فاطمه : قاطعته ٢٤ ساااعه . يكون علاء خلص ع بنتى وتواها . ااااه يارب رحمتك بينا يااارب .

زينهم : عيونه لمعت بدموع . وبيكابر . استهدى بالله ياحاجه . الاستاذ سليم والاستاذ خالد بيدورو وإن شاء الله هنوصل ونلحقها . ادعيلها ياحاجه ..

فاطمه : هزت راسها بيأس . وقالت فوضت امري لله . وغمضت عينيها . سحر عامله ايه ياحج زينهم؟ ..

زينهم : عملت عمليه وبينقولولها دم . ولسه مافاقتش . اللهم أجرنا في مصيبتنا واخلف علينا خيرا يااارب .. والشيخ محمد. كل شويه يتصل عليا يطمن وقلبه موجوع عليهم . وبيدعى ربنا انه نلاقيها ..

فاطمه : دموعها نازله بصمت . فوضت امري لله ..

زينهم : شاف حنين بتعيط بهستريا . وقرب منها ومسد ع حجابها . وقال بوجع وحدى الله ياحنين يابنتى . إن شاء الله هترجع ربك حكيم وعدل ورحيم .

حنين : حطت وشها بين ايديها وعيطت بصوت عالى .يارب ياعم زينهم يااارب .

زينهم : ربت على كتفها . اهدى يابنتى وفوقى كدا عشان خاطر الحاجه . وكنت عايز منك رقم الأستاذ خالد . عشان اتصل واطمن .

حنين : مسحت دموعها . وهزت راسها حاضر ياعم زينهم . ثوانى . وبتفتح شنطتها وبتمسك الفون . ورن ف أيدها . وقالت ده خالد .

فاطمه : قلبها ملهوف . وبتمتم بالذكر . ومغمضه عينيها ..

حنين : ردت بسرعه . الو ها ياخالد وصلتو ل ايه ؟

خالد : من جواه زعلان ع صوت عياطها . لكن ابتسم وقال وصلنا ل فتون ياحنين . خلاص اطمنى وطمنى طنط فاطمه . فتون معانا ..

حنين : شهقت بصوت عالى جدا بسعاده . وضحكت بدموع . انت بتتكلم بجد ياخالد لقيتو فتوووون .

فاطمه : فتحت عينيها بسرعه . وعيطت بفرحه . لكن لازم تطمن بنفسها ..

حنين : بصت ل فاطمه والكل وقلبها بيدق . و بتضحك بفرحه . لقو فتووون . فتون معاهم .

خالد : ابتسم بحب وفرح ل فرحتها . ايوه يا حبيبتي . وهي كويسه اطمنى ..

فاطمه : بلهفه وصوت مهموس هاتى ياحنين . هاتى . وخدت الفون برعشه . وجت تتكلم عيطت وقالت اسمع صوتها يرضي عليك ربنا .

خالد : عيونه دمعت وقلبه وجعه من نبرة صوتها . وبص ف المرايا وشاف سليم . مكلبش فيها ومغطيها . وحاطت راسه ع راسها ومغمض عينيه ..

وقال بتمثيل . وابتسم. طبعا يابطه هتسمعى صوتها . حتى هي كانت عايزه تكلمك . بس انتى عارفه بقى جدعنة بنتك .

فاطمه : بقلق . حلفتك بالله تطمنى فتون بخير ؟ وحصلها ايه؟ بنتى فين ياخالد .

خالد : ضحك بتمثيل . انا حاسس بيكى يابطتى . انا هطمنك وهقولك المختصر . سليم أنقذ فتون وضرب علاء إبن الكلاب . لكن وسط الضرب . سليم اتجرح ف وشه . وفتون حلفت عليه لازم يروح المستشفى يعقم الجرح . وراحت مع سليم ع المستشفى . وانا طالع وراهم اهو . واول ما اوصل هكلمك ..

فاطمه : هزت راسها بعدم اقتناع . وقالت مش قادره اصدق . فتون بنتى فيها ايه . علاء أذاها ..؟ ابوس ايدك قول الحقيقه متخبيش عليا ..

خالد : مش عارف يتصرف ازاى . هي ست كبيره وتعبانه . وفكر وقال . وانا يعنى هكون بضحك ومبسوط كدا . واختى فيها حاجه . اطمنى ياست الكل . وانا بس اوصل المستشفى . واقولها خدى يستى كلمى امك ههههه . المهم يابطه نحمد ربنا انها جت سليمه . وبنتك بخير . وعلاء خلااص بح اتاخد ع القسم . وكل حاجه رجعت لطبيعتها . انا عايز منك بس تهدى شويه . وتطمنى خلاص غمه وراحت ..

فاطمه : حطت ايدها ع قلبها . واتنهدت براحه كبيره . وغمضت عينيها . الحمد لله . الف حمد وشكر ليك يارب ..

حنين : اخدت الفون . وخالد قالها ع حالة فتون بالظبط . لكن نبه عليها انها تخبى عشان الكلام مايكترش ف الحاره وكمان فاطمه تعبانه . وقفلو . وضحكت بتمثيل . وقالت الحمدلله ياجماعه . فتون كويسه وبخير .

زينهم : اول ما سمع فرح جدا وحمد ربنا . ياما انت كريم يااااارب .افرحي ياحاجه فاطمه .. انا هنزل افرح أهل الحاره . ونزل بسرعه .

.والستات حمدت ربنا وفرحت . واطمنو ع فاطمه . وكل واحد روح بيته ينام . عشان الوقت أتأخر . وكمان والد حنين روح . ونجلاء وحنين رفضوا وهيقعدو مع فاطمه ..

فاطمه : بتعيط وبتحمد ربنا . ومش قادره تقوم تقف ع رجليها من التعب . عايزه تسجد لله شكر . لكن سجدت وهي قاعده وعيطت ودعت كتير ..

حنين : قلبها مشغول ع فتون . لكن فرحت جدا إن سليم ضرب علاء وهو الل أنقذها . وقامت تعمل اكل خفيف ل فاطمه .

----------------------بقلمى مريم نصار

ف المستشفى .

خالد : وصل ونزل بسرعه . وفتح باب العربيه . وسليم نزل بحظر . والممرضين شالو فتون .

وده كان مضايق سليم لكن لمصلحتها ونلحقها.

. لكن سليم جمبها وبيحاول يغطيها كويس . وقلبه خايف عليها . وماشي جمب التورول ف المستشفى وخالد بيساعده .

وسليم : طلب اهتمام كبير بالحاله . والدكتوره دخلت بسرعه لما شافت حالة فتون .

سليم : رايح جاي ف الطرقه . ومتوتر .

خالد : واقف وساند ضهرو ع الحيطه . وسرحان ف الل حصل مع فتون . وقال لنفسه . معقول !؟ معقول لسه ف بنات كدا ؟

.دى من شكلها واضح انها عافرت كتير اوى علشان تحمى نفسها وشرفها .!!!

.اومال الل زى سوسو ورهف وغيرهم دول ايه؟ مش بنات بردو ؟ وضحك بسخريه . لا طبعا هما بنات وكل حاجه .

. بس الل زى حنين وفتون . دول يبقو ست البنات . ومهما نبعد عنهم ونغيب . هيخافظو ع نفسهم . واخد نفس عميق وفاق من أفكاره .. وشاف سليم ..رايح جاي وبينفخ ومتوتر جدا .

خالد : قرب منه . اهدى بقى ياسليم الحمدلله انها جت ع قد كدا . وف كام جرح بسيط ف وشك لازم يتعقم تعالى معايا ..

سليم : بتوتر . لأ لأ لأ . انا . انا مش هعمل اى حاجه انا لازم اسمع صوتها الاول . لازم اطمن عليها . خالد هما اتاخرو كدا لييييه ؟ انا هتجنن .

خالد : شاف العشق ف عيون سليم . وابتسم بحب . اهدا ياسليم . دول لسه داخلين مفيش ربع ساعه . وبصراحه بقى لما طاهر قالى انك بتضرب علاء انا فرحت جدا . المهم تعالى اقعد هنا . واحكيلى انت ازاى أنقذت حبيبتك ؟ وخالد اتعمد انه يوضح حقيقة مشاعر سليم اكتر ..

سليم : غمض عينيه واتنهد بتعب . وهمس حبيبتى !..

خالد : ربت ع كتفه . ايوه ياسليم . فتون حبيبتك . وانت انهردا اثبت حبك ليها و انك تقدر تحميها .

بس انت اثبت ده لنفسك انت . مش ل فتون ولا ليا .

. لانى واثق فيك وعارف قدراتك ايه ؟

وسبحان الله . يمكن الل حصل ده كله خير من ربنا . ب انك تعترف بحبك لفتون . وهي كمان تعترف ومستعده انها تعيش معاك تحت اى ظرف .

.لكن انت كنت شايف نفسك عاجز . ومش هتقدر تحميها ورفضت حبها ليك .

. وحصل انهردا الموقف ده عشان تغير فكرتك الل انت واخدها ع نفسك .

لأ انت مش ضعيف يصحبى ولا عاجز . علاء كان مفتح وشايف كويس اوى . بس هل هو قدر يعمل حاجه قصادك ؟ ابدا . انت دافعت عن حبيبتك بقلبك ببصيرتك . انت مش ناقصك اى حاجه ياسليم عشان تكون طبيعى ..

سليم : بيسمع خالد . وافتكر وهو بيضرب علاء . وهو بيغطى جسمها بالجاكيت . وغمض عينيه واتنهد بتعب وقال أنا تعبان ياخالد . تعبان بجد . ومش عارف اخد قرار .

خالد : تعالى اقعد وسانده وقعدو . قولى ايه الل تعبك حاسس ب ايه . فضفض ل اخوك ..

سليم : رجع راسه لورا . واتكلم بتعب وقال . تعبان من كل حاجه .

.انا فعلا بحب فتون . بحبها اكتر من اى حاجه . ولو خيرونى مابين ارجع اشوف . او اختار فتون . هختارها هي .

. لانها هي النور الل بينور العتمه الل محوطانى . انا اعترفت قدامك انى بحبها . وكان اعتراف صعب عليا جدا . لكن القدر بعت فتون عشان تسمع الاعتراف ده .

.هه ومش بس كده؟ لأ هى كمان اعترفت انها بتحبنى وشاريانى اوى يصحبى .

ساعتها عقلى وقف عند نقطة انى هظلمها وهكون عبء كبير عليها .

ويمكن من عشقي ليها خفت أوافق لان الل بيحب حد بيضحى علشانه . وهي هتضحى بحياتها ومستقبلها عشان سليم يعيش مبسوط .

. حسيت ساعتها انى لو وافقت هكون انانى اوى ومبفكرش غير ف سعادتى وبس .

. لقيت من الافضل اني ابعد . لكن اكتشفت انى كنت غلطان . لأن مفيش واحده هتضحى إلا لو كانت بتحب بجد . ومدام انا كمان بحبها سالت نفسي فين المشكله ؟

واكتشفت المشكله ف ضلمة عينيه .

. تعرف ياخالد . لما فتون خرجت من الشركه . حسيت اني من غير عكاز ! ايوه هي قالتلى انها هتبقى عكازى الل اتسند عليه .

.ومن غبائى رفضت . بس لما بعدت يوم واحد عنى حسيت فعلا بالضلمه . وانى ف مكان عميق تحت الارض ..

.ولما عرفت انها جايه ع الحفله . شوفت ضوء بسيط من الامل . لبست بسرعه ونزلت . قلبى وسمعى كانو بيدورو عليها زى المجنون . ولما وقفت جمبك . حسيت أنفاسها وعديتها . هي فتون حبيبتى .

.ولما رامي اتكلم عن فتون . الضوء البسيط اختفى واتحول لبركان .

.كلمتين من واحد ع بنت انا لاشوفتها ولا عارف شكلها . وكنت هتجنن . تخيل بقى انى لو كنت بشوف.

.

تصدق ياخالد الغيره دي طلعت وحشه جدا . بتاكل ف قلب الواحد طول ما هو مالوش اى حق ف الإنسان الل بيغير عليه .

. ولما مشيت من غير ماتقولى حسيت انى عملت فجوه كبيره جدا بينى وبينها وحسيت بالخوف إن الفجوه تكبر واخسر عكازى .

. ولما سمعت بس أنها اتخطفت انا قلبى حصل فيه خوف غير طبيعي . خوف اكبر من الفجوه . ساعتها شوفت الفجوه دى حاجه هينه. بالنسبه لانى ممكن اخسرها أو أنها بتتاذى .

. انا للحظه واحده دعيت ربنا انه يرجعلى بصرى بس لحد ما اوصلها لبر الامان واتعمى تانى . حتى من غير ما اشوفها .

. لكن لقيت جوايا حاجه بتحركنى انى واحد طبيعى . ساعتها افتكرت كلام فتون . مش لازم اكون بشوف عشان اوصل لهدفى . كلامها كله اتكرر من تانى . حسيت بطاقه جوه روحي . ولقيت نفسي بتصرف زي ما انا ع طبيعتى.

ولما قدرت اوصل ل فتون . واترمت ف حضنى وهي مرعوبه وفستانها متقطع وبتترجف . ساعتها فرحت جدا انى اعمى عشان ماشوفهاش وهي بالشكل ده .

.. ايوه انا ضربت علاء . ومستعد أكرر ده الف مره . لكن من غير ما فتون تتأذى .

انا للحظه واحده كنت هخسر البنت الل عشقتها بجد ف لحظة غباء منى وانى شايف نفسي عاجز .

بس لأ انا مش عاجز وقادر احميها . فتون ع يقين ب سليم اكتر من سليم نفسه . انا استحاله اخليها تبعد عنى تانى .. استحاله ..

----------------------بقلمى مريم نصار

خالد : بيسمع سليم وفرح جدا إن سليم اخيرا رجع لعقله . وضحك بسعاده . وقال بهزار . ههههه ايه كل ده ياعم سليم . دا انا كنت مفكر انى عاشق ولهان . طلعت جمب احساسك صفر ع الشمال . البت حنين لو سمعت كلامك دلوقتي هتعلقنى وتقولى مش بتقول فيا شعر ليه هههههه...

سليم : اخد نفس عميق واتنهد ومسح وشه بايديه .

الدكتوره : خرجت بسرعه . مين فيكم اسمه سليم ؟

سليم : قام بسرعه. واتحرك مع خالد . وقال بقلق . ا.انا . انا سليم يادكتوره. فتون فاقت؟

الدكتوره : اطمن حضرتك هي فاقت بس بتنادى باسمك بخوف كبير .

.انا طبعا عطتها إبرة مهدئ . بس انا لازم ابلغ الشرطه . لأن واضح جدا ان حد اعتدى عليها .

خالد : بنفاذ صبر . ايوه يا دكتوره كل ده احنا عارفينه والشرطه عندها خبر بالواقعه . ياريت تطمنينا عليها . هي كويسه دلوقتي؟

الدكتوره : هزت راسها بتفهم . ايوه يافندم انسه فتون كويسه احنا عقمنا الجرح الل ف راسها واتخيظ 5 غرز . وعقمنا جرح جبيتها .

سليم : اضايق جدااا . وقال طيب هي هتحتاج رعايه ف المستشفى ولا اخدها البيت ؟

الدكتوره : هي ف نوبة خوف من الل اتعرضت ليه . ولازم رعايه ولو ف حالة انها طبيعه من غير شرطه كنت همسح انك تاخدها ع البيت وتباشرو معاها العلاج.

. لكن حضرتك انا برفض انك تاخدها لحد ما الشرطه بنفسها تيجى هنا ..

سليم : صك ع اسنانه بغيظ مكبت وقال تمام اكتبى العلاج اللازم ليها لو سمحتى .

الدكتور : ثوانى وطلعت القلم والدفتر وكتبت العلاج اللازم . اتفضل حضرتك .

سليم : رفع ايدو واخد الروشته . وقال انا هاخد فتون ع البيت وحالا .

الدكتور : حضرتك ماينفع......

سليم : رفع ايدو ليها وشاور . وقال بتحذير .. اسمعى فتون مش هتقعد ف المستشفى ساعه واحده كمان . وسابها واتحرك بيحسس ع الحيطه ودخل الاوضه ..

الدكتوره : هتعترض ...

خالد : لحقها معلش يادكتوره اصلها مراته بقى ويدوبك اتجوزو .. واتخطفت بقالها ٣ شهور .

الدكتوره : شهقت ايييه ٣ شهور ؟

خالد : بيمثل الزعل . اقولك ايه بس يادكتوره . ده عينيه راحت من الزعل عليها . وعمل حادثه وعمليه من ٧ شهور ..

الدكتوره : بزعل حقيقي لاحول ولاقوة إلا بالله ..

خالد : اتنهد بزعل ادعيلهم يادكتوره . لأن ابنهم من ساعة الل حصل ده وهو اتعقد وبيضرب اى حد . حتى أخته الكبيره وبيحط صوباعه ف عينيها . بعد اذنك ..

سليم : دخل وطلب من الممرضه انها تساعده وتدارى جسم فتون بملاية السرير . وشالها وخارج . وخالد سانده وماشي يضحك بصمت .

الدكتوره : ماشيه ف الطرقه . وبتهز راسها بزعل حقيقي . وبتدعى ل سليم ومراته وعياله .

ووقفت مره واحده . وفتحت عينيها ع الاخر بدهشه .

اتجوز واتخطفت من ٣ شهور ؟ واتعمى عليها من ٧شهوور ؟ ومخلف ولد وبنت كبيره ؟ وشهقت ازااااى وفتون انسسه!؟ وقبضت ع ايديها بغيظ . ياكدااااااب يامناااافق .

----------------------بقلمى مريم نصار

خالد بيساعد سليم . وقعد ف العربيه . ونفس الطريقه وواخد فتون ف حضنه . وموجوع وزعلان عليها جدا ..

خالد : اتحرك بالعربيه .

سليم : اطلع ع الفيلا ياخالد .

خالد : بص ف المرايه طيب ووالدتها ؟ وحنين ؟

سليم : كلم طاهر يروح ويجيب والدة فتون .

خالد : اتنهد ماشي ياعمنا . انت تؤمر . واتصل ع طاهر وقاله وكمان قاله يجيب معاه حنين ووالدتها ..وقفلو .

خالد : بعدها اتصل ع حنين وطمنهم ع فتون . وسأل ع فاطمه . وقالت من تعبها نامت غصب عنها . بس صحيت تصلى الفجر ..

خالد : قالها تمام . جهزى كل حاجه وطنط فاطمه . وطاهر هيروح يوصلكم للفيلا . وبعدها انا هوصلك البيت انتى وماما . وشرحلها ف طريقه مبسطه . إن سليم هياخد فتون ع الفيلا ... وقفلو ..

----------------------بقلمى مريم نصار

بعد شويه . خالد جاب علاج فتون . ووصل الفيلا وكان مرهق جدا. .وساعد سليم بنفس الطريقه .

وسليم : شال فتون . وطلع الاوضه بتاعته . ورفض انها تنام ف اوضة الضيوف . ونده ع عزيزه بصوت عالى . وخالد نزل اتوضى وصلى الفجر .. وقعد ع كنبة الليفنج بتعب ..

عزيزه : صحيت من النوم بسرعه . ولبست . وطلعت بسرعه . وشهقت بدهشه وزعلت جدا ع فتون . وساعدت سليم ونزلوها ع السرير .

سليم : بيغطيها . وقعد جمبها ع السرير .

عزيزه : نزلت تجيب ميا تحطها جمب فتون .

سليم : غمض عينيه . ورفع ايدو ع خد فتون ومسد ع شعرها بحب . واتعدل وقرب منها وباس جبينها . وقام . ووقف باصص من الشباك .

عزيزه : طلعت . وحطت الميا ع الكمود وعلاج فتون .

سليم : عزيزه . شوفى حاجه من عند فريده مؤقتا تنفع ل فتون . وغيرى ليها الفستان ده . وبسرعه قبل ما والدتها توصل ..وخلى بالك ف جرح ف راسها ومتخيط مش عايز غلط .

عزيزه : حاضر ياسليم بيه . وخرجت ..

سليم . اتنهد بتعب . وراح ع الدولاب . وطلع بنطلون وتيشرت .ولف ل فتون ومش عايز يسيبها بس ماينفعش ..

.واخد هدومه وخرج ونزل اتوضى وصلى الفجر ودعى كتير ف السجود وبعدها . خرج وقعد بتعب جمب خالد ..

خالد : بينام ع نفسه . وقال بنوم . وانا هاخد من كل ده ايه ؟ منك لله ياسليم انت وعلاء . بوظتو ام اليوم . كان زمانى مكلم الموزه بتاعتى . ونايم وباكل ورق عنب مع الملايكه . ااااه الجزمه فرمت رجلى ..

سليم : غصب عنه ابتسم . وقال معلش يافاشل عطلتك عن المهام الصعبه ..

خالد : اتعدل اتريق ياخويا . بس يكون ف علمك انا مش رايح الشركه بكره ..

سليم : لأ طبعا ماينفعش . انت لازم تكون موجود . وتباشر كل حاجه ..

خالد : بغيظ . طيب وانت ؟

سليم : لا انا مش هينفع اسيب فتون .

خالد : شتمه بصوت مهموس..

سليم : سمعتك ووالله يبنى انا مافيقلك .

خالد : ولاااا . اقعد ساكت . المهم قولى انت ناوى ع ايه؟

سليم : بجمود .. فتون مش هينفع ترجع الحاره تانى .او ع الاقل دلوقتي .

خالد : فهم قصد سليم . وانه خايف ع فتون لو رجعت بالشكل ده . أهل الحاره يشككو ف فتون أو يظنو ان علاء قرب منها .. واتنهد وقال تفتكر هي هتوافق .؟

سليم : اتنهد بتعب . ده كلام سابق لأوانه . تفوق بس وكل حاجه هتتحل ..

----------------------بقلمى مريم نصار

فاطمه وصلت . ودخلت الفيلا بلهفه . وشافت سليم والجروح الل وشه واتخضت ومسكت ايدو برعشه . وسليم طمنها . وساعدها تطلع ل فتون .

وحنين ونجلاء طلعو يطمنو عليها قبل مايمشو

. وفاطمه .. طلعت وقعدت تعيط جمب فتون . وتبوس أيدها وراسها . وتقول كلام . وجع قلب سليم وعيونه لمعت بدموع . ومستحملش وخرج .

فريده : صحيت ع الصوت . وخرجت بسرعه . واتفاجئت ب فتون وشهقت بصوت عالى وعيطت . وقعدت مع فاطمه تصبرها ..

خالد : مرهق جدا واخد حنين ونجلاء يوصلهم . وطلع بسرعه ع شقته وظبط المنبه ع الضهر . ونام بهدومه . نااام بعمق ..

فريده : حاولت تهدى فاطمه ع قد ما تقدر . وطمنتها من كلام سليم . وفاطمه نامت جمب فتون . وماسكه ايد فتون . وخايفه تكون بتحلم ..

فريده : نزلت تطمن ع سليم . وكان ف مكتبه . ودخلت عشان تعقم الجرح . لكن رفض . بتصميم . وسابته وهي خايفه عليه ..

سليم .. قاعد يعيد احداث اليوم . ونام ع كنبة المكتب . يفكر فيها وخايف عليها . وسرح كتير جدا لحد ما نام من التعب . ونام بعمق ..

----------------------بقلمى مريم نصار

كدا احنا ف نفس اليوم الجديد . وقت الضهر .

ف المستشفى .

الكل قاعد مع سحر . وبيطمنو عليها . والحمدلله فاقت وبقت احسن ..

حسن : قاعد جنبها . وماسك أيدها . وبيطمن عليها ..

وسميره : جواها غيظ واسئله كتير . وايه الل طلع سحر عند فتون ..

والشيخ محمد . قلبه استريح لما عرف إن فتون بخير . وممنون ل سليم . وبتعجب أنه أنقذها وهو ضرير . وقال سبحان الله . إذا أرد أن يقول للشيء كُن فيكون . حكمتك يارب .

----------------------بقلمى مريم نصار

فيلا بدر الدين ..

سليم : نايم ع الكنبه .. وفتح عينيه بخوف كبير من صوت فتون .

فتون : نايمه . وبتحلم ب علاء وهجهومه عليها . ودم سحر . وامها لما اغمى عليها . وهدومها الل اتقطعت وعلاء بيقرب منها . وسليم وهو بيضرب علاء . وبتنهج بصوت عالى . وشافت المطوه . وسليم ..واتعدلت ومره واحده . صرخت بصوت عالى ... سلييييييييم . ونفسها متقطع سلييييم . وبتنهج ..

فاطمه : اتخضت . واتعدلت بسم الله .بنتى ومسكت أيدها وبتمسد ع ضهرها اسم الله عليكى ياقلب أمك . اسم الله عليكى . اعوذ بالله من الشيطان الرجيم . اهدى يانور عيني انتى ف آمان وسليم بخير .

فتون : بتحاول تستوعب . ودموعها نازله . وبصت حواليها .دى اوضة سليم!!! وشافت امها . وقلبها دق ب أمل جديد . وقالت بدموع ماما . مااما انتى جمبى . وحضنتها جامد .

فاطمه : بتعيط . وضمتها بشوق كبير . اااه الحمدلله يارب الف حمد وشكر ليك يارب . انا جمبك ومعاكى يانور عيني . وباست كتفها . وجبينها .. حمدالله ع سلامتك ياعمر فاطمه كله ..

فتون : بتعيط بشهقات . وباست ع ايديها . ماما . اااه ياماما . كنت خايفه عليكى اوى .

فاطمه : متخافيش ياقلب أمك . انا اهو قدامك . الحمد لله انه موجعش قلبى عليكى.

فتون : قلبها دق بخوف. سي . سليم . وبصت ل فاطمه بخوف كبير . سليم فين ياماما . سليييم حصله حاجه .

سليم : فتح الباب بلهفه . فتووون . فتون .

فتون : رفعت راسها . وعينيها متعلقه بيه . وهمست سليم . وقلبها بيدق بسرعه كبيره جدا . ونفسها تجرى عليه وتترمي ف حضنه . وخبت مشاعرها علشان امها .

سليم : دخل وقعد ع طرف السرير . واتكلم بخوف عليها .. فتون اطمنى انا بخير . ومتقلقيش ومتخافيش من اى حاجه . ا.انا . انا معاكى متقلقيش . انتى حاسه بحاجه . جرح راسك بيألمك ؟ طيب جرح جبينك . انتى ما اكلتيش حاجه من امبارح. ولازم تاكلى عشان علاجك ثوانى . وقام وقف وراح عند الباب ..علشان ينادى عزيزه ..

فاطمه : بصت ع سليم . وشافت حب وخوف منه ع بنتها عمرها ما شافته قبل كده . ولهفته وقلقه .. وعينيه بتلمع بحب صافى . وأنه يطمن عليها بخوف ومهتم ب أقل التفاصيل . وشافت جروح وشه زى ما هي .

.وهو الوحيد الل قدر ينقذ بنتها . وهو الوحيد الل ربنا سخرو علشان يوصل ل بنتها .

وبصت ع فتون . الل عينيها فيها ١٠٠ سؤال وسؤال عليه . شافت اشتياق وحب نابع من قلبها . نظرتها ل سليم نظرة أم لابنها . وف عينيها رعب رهيب عليه . وحست ببنتها قد ايه انها ممكن تعانى لو بعدت عن سليم . مريم نصار

.عمرها ما شافت فتون ضعيفه كدا . هو الحب ضعف ؟ لأ الحب وصل بنتى انها تكون زي الطفل الل يستكين ويحس براحه لما يلاقى الامان .. وفاقت ع صوت فتون ..

فتون : جواها خوف مسيطر عليها من الحادثه . وعذرت خوف سليم من الضلمه وإحساسه بالعجز . وف نفس الوقت نفسها تغمض عينيها وترتاح ف حضنه . وشافت جروحه . ولهفته عليها . وقام بسرعه ينده ع عزيزه ودموعها نزلت بصمت . وهمست سليم؟

سليم : وقف مكانه . ولف ليها ايوه يافتون محتاجه لحاجه ؟

فتون : نفسها تقوله ع جرح وشه لكن سكتت لانها مكسوفه من فاطمه ..

فاطمه : حست بيها . وربتت ع أيدها . انا هاقوم اروح للست فريده واتوضى واصلى الضهر . وباست جبين فتون . وقامت .

ووقفت قدام سليم وربتت ع دراعه . وقالت بدموع .انا مهما اشكرك مش هقدر أوفى ربع الل انت عملته معانا ..

.جميلك ده ياسليم يبنى ف رقبتى طول العمر . انت رجعتلى بنتى واختى وصحبتى وامي .وعيطت انت رديت فيا الروح . انا مديونالك بعمرى كله . انت حافظت ع شرف بنتى من ابن حتتها . وربنا مش هيسيبه . انا بدعيلك وهدعيلك ف كل وقت إن ربنا يكفيك شر ولاد الحرام . ويريح قلبك . ويرد ليك بصرك . وعيطت .

سليم : زعل علشانها . وكمان اتخنق اكتر لما سمع فتون بتعيط ع كلامها .

.واخد فاطمه ف حضنه . بس ياريت تبطلى عياط . حنين قالتلى انك مبتطلتيش عياط من امبارح . وانا معملتش حاجه . ده واجبى وفتون دى.... وسكت واتنهد . وابتسم وكمل . الحمدلله انها عدت ع خير . وطلعها من حضنه . وباس ع راسها ..

فاطمه : حست بحنية سليم . وأنه عندو فعلا الل مش عند حسن ولا علاء . عندو نخوه وشهامه . وربتت ع كتفه . وخرجت .

سليم : واقف ومتوتر .

فتون : بتتالم من راسها . لكن حاولت تقوم لكن داخت . وقعدت تانى . واتكسفت جدا لانها بشعرها . وكمان لابسه بيجامه . وشدت الغطا عليها . واتكسفت .

سليم : حس بيها . وابتسم . وقرب منها وقعد ع طرف السرير . وقال بحب . حمدالله ع سلامتك يافتون ..

فتون : بتوتر وحاسه أنه شايفها . ووشها احمر جدا . احم الله يسلمك ياسليم . وبصت وقالت انت مجروح .

سليم : هز راسه ايوه بس بسيط متقلقيش.

فتون : لأ طبعا . كدا غلط عليك . احم فين علبة الإسعافات وانا . احم يعنى اعقم ليك الجرح ..

سليم : لسه هيتكلم .

عزيزه : خبطت بسرعه . وبتنهج وقالت سليم بيه .

سليم : خير يا عزيزه ..

عزيزه : بتوتر .. ف واحد بيقول انه اسمه المقدم أحمد الوكيل . وعايز ياخد اقوال الانسه فتون --------