القائمة الرئيسية

الصفحات

رواية فقلبي مشوهة الفصل الثاني 2 بقلم سلمى عماد

 رواية فقلبي مشوهة الفصل الثاني 2 بقلم سلمى عماد

رواية فقلبي مشوهة الفصل الثاني 2 بقلم سلمى عماد

رواية فقلبي مشوهة الفصل الثاني 2 بقلم سلمى عماد

نغم بصت في عيونها بدموع.....قيس هيخطب.
ليان فجأة حسيت أن الدنيا دارت حواليا و بصتلها بعدم تصديق و صدمه
ليان.....لا يا ماما انتي بتقولي ايه قيس بيحبني من واحنا صغيرين و استحاله يكسرني كده يا ماما أنا من و أنا عندي 3 سنين قالي كده و وعدني و كل ما بكبر يوم مش سنه كان بيقولي انه بيحبني و عمره ما هيسبني يا ماما ط طب بصي انا انا هنزل اسأله ا اكيد ففي حاجه غلط يعني
سبتها و نزلت على تحت علشان اسأله قيس دايما يقولي انه حلوه ووبيحبني و هو والوحيد اللي بيقف جنبي و هو اللي خلاني احب الدنيا و اقف في وش الناس و ميهمنيش كلامهم هو ايوا بقاله سنه مشوفتهوش بس مش أول ما يجي يكسر قلبي كده قلبي اللي محبش غيره من وانا عندي 3 سنين
نزلت عندهم تحت لقيت الباب مفتوح شويه جيت اخبط عليه علشان ادخل سمعت اكتر حاجه كسره قلبي اكتر ما هو مكسور و متوقعتش اني اسمع الكلام ده منه اصلا..
سهير.....انت متأكد يا قيس....هتكسر قلبها يبني ديه بتحبك
قيس.....و أنا مقولتلهاش تحبني و مفيش اي موقف أو أي حاجه عملتها خلتها تحبني أو تتعلق بيا
سهير بعصبيه......انت هتجنني امال معملتك ليها ايه و كلامك ليها ده يدل على ايه يا قيس
قيس....أنا كنت بعمل كده علشان اعوضها عن ابوها و كلام الناس تقدري تقولي بعطف عليها لكن عمري ما حبتها و لو على الحب و الوعود ده زمن و وعد طفولي يعني من زمان بس أنا بحب ليلى و يوم ما هتجوز مش هتجوز مشوهه 
سهير ضربته بالقلم.....انت مش ابني من امتى و انت كده
سمعت كلامه و مقدرتش استحمل صوت شهقاتي طلعت و وقعت على الأرض و هما بصولي بصدمه
قيس و هو بيجري عليها.....ليان انتي سمعتي حاجه
ليان و هي بتبصله بخذلان و صوت عياطها بيعلى اكتر...
سهير.....حبيبتي سمعتي حاجه
قيس و هو بيقرب منها يقومها.....طب تعالي ادخلي جوا
ليان و هي بتشيل ايده.....أبعد عني يا قيس 
و جريت علي فوق"
سهير.....شُفت اخرة كلامك منك لله يا ابن بطني منك لله
نغم و هي بتفتح الباب.... ليان مالك بتعيطي كده ليه
حضنتها جامد و عيط اكتر..
ليان.....ه هو أنا و حشه يا ماما أنا بخوف كده علشان كله يخاف مني و ميحبنيش حتى قيس يا ماما قيس ابن خالتو و سندي أو كنت شيفاه كده جه و النهارده و قال نفس الكلام اللي كل الناس بتقوله و بعياط اكتر ليه يماما ليه ليه كله مش بيحبني ذنبي أي اني ابقى مشوهه دي حاجه بتاعت ربنا أنا مالي و ليه الناس بتحكم عليا بحاجه مش في ايدي
نغم بعياط....عادي يا قلب امك كل ده بسببي كان زمانك دلوقتي فرحانه زي كل الناس أنا اسفه يبنتي اسفه
ليان بهمس....ليه يا ماما ليه ليه هه ليه أنا مالي ايه ذنبي من و انا صغيرة كده و مفرحتش خالص كده
نغم....ليان ليان يبنتي و بتهزها لياان بعياط ليان مالك في ايه مش بتردي ليه يبنتي..
اتصلت على الدكتور...
الدكتور....انهيار عصبي بس بقت احسن كلها ساعه و تفوق
نغم....شكرا يا دكتور
ليان و هي بتفوق....ماما 
نغم....نعم يحبيبتي كده تخليني عليكي 
ليان...اسفه بس..
نغم...و لا يهمك هروح اعملك غذاء
ليان و هي سرحانه
فلاش باك
نغم....و هي بتعمل الاكل.......ليااااان يا قيس اغسلوا ايدكم يلا الاكل قرب يخلص 
ليان بحماس....ماما سوفتي الضفيله اللي قيث عملهالي حلوه ازااي و بتلف حوالين نفسها في المطبخ
نغم....جميله يا حبيبتي بس اخرجي علشان متتعوريش و الزيت يجي عليكي....لسه مكملش الجمله و حصل أبشع حاجه ممكن تتخيلوها...
"الزيت وقع على وشها..
ليان بصراخ و عياط ...عااااااا يمااااماااااا عاااا وسي بيوجعني عااااااا وسي بيحرق يمااااما
عوده الواقع..
الدموع نزلت منها و قامت من على السرير و بصت على المرايا و لمست الحرق اللي في وشها و عيطت اكتر و مسكت ازازه البرفيوم و كسرت المرايا و مسكت حته منها و قربتها ليها....
نغم و هي شايله الاكل...يلا ياليان علشان تاكل...
مكملتش الكلمه و الاكل وقع منها لما شافتها على الأرض و الدم حوالينها
نغم بصراخ.....لياااااااااااااااان
يتبع..
لقراءة الفصل الثالث : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات

تعليق واحد
إرسال تعليق

إرسال تعليق