القائمة الرئيسية

الصفحات

رواية فتاة التنمر الفصل السابع 7 بقلم هنا

 رواية فتاة التنمر الفصل السابع 7 بقلم هنا

رواية فتاة التنمر الفصل السابع 7 بقلم هنا

رواية فتاة التنمر الفصل السابع 7 بقلم هنا

شهاب:ليه يابني تقول ليه ان سما مراتك دا باين عليه بيحبها وهيحافظ عليها بتكسر قلبه ليه
فريد:ايوا ما انا لاحظت يا عمي عشقه ليها وعيونه ال فضحاه وكفاية ان هما نفس لون العيون هههههه..وان شاء الله لو شوفته تاني هعرفه ان انا ابن عمها واخوها في الرضاعة
اكمل وتكاد الدمعة تنزل من عينه:اخوهااا
فريد:انتَ جييت ههه ايوا يا عم اخوها في الرضاعة ومتربيين مع بعض كمان من واحنا صغيرين انا اكبر منها ب 3 شهور بس
اكمل:بجججد
اسر:والنبي قول بقى ان القمر التاني دي اختك في الرضاعة هي كمان..ووجه نظره ل الاء
فريد بغضب:ولااا اظبط كده دي مراتي
اسر:بلا وكسة دا انا طلعت اكبر منك ب5 سنين ولسة سنجل
الاء:هههههه والدبلة ال في ايدك دي ايه للحسد
اسر:هههه لا يا قمر دي عشان البنات ال بتعاكسني زيك كده تعرف ان انا مرتبط وتبعد عني
فريد:يابني انت السفالة ماشية في دمك دي مراتي بقولك...وانت يا الاااء امشي من وشه
اكمل:والله يا اسر اطردك من هنا اهدى بقى...ممكن تقولي يا فريد انت اخو سمااا طيب كنت بعيد عنهم ومش عايش معاهم ليه
فريد:كان حصل شوية مشاكل كده وكنت لازم امشي
اسر:ممكن يعني لو يعني هو مش تطفل يعني بس عايز اعرف ايه الحصل عشان تمشي بس اوعى تفكر ان انا بتطفل
فريد:ههههه لا انت عمرك اتطفلت على حد..بس صدقني مش هينفع اقولك مشيت ليه
شهاب:مش هينفع ليه يا فريد ما هو خلاص كل حاجة اتكشفت وال انت عايز تخبيه هما عارفين اكتر من ال انت عارفه احكيلهم يابني يا اما انا احكيلهم
سما:يا بابا مش هينفع دي مهما كانت بنتك ما ينفعش نتكلم في شرفها
اسر بضحكة الرقاصين:هيهيهيهيهييي بنتك وشرف خلاص فهمت هيهيهيهيهييي ايه يا عم شهاب وانت كنت بتصدقها ازاي يعني دي وقت ما بتكدب بيبان عليها
شهاب:ال كان بيساعدني اصدقها انها كانت علطول تعيط ودموعها كانت بتحرقلي قلبي وتبين انها مظلومة
اسر:ايوا بس مهما كان كنت المفروض تتأكد من اي حاجة بتقولهالك
شهاب:يابني ما انا قولتلك روحت معاها وشوفت سماا وهي داخلة شقة الراجل ودا اكدلي...وفي الاخر انت وضحت كل حاجة وانا فهمت خلاص وندمان
اكمل:خلاص بقى يا اسر ما تفتحش القديم
اسر:لا بس انا فضولي هيموتني وعايز اعرف فريد مشي ليه زماان بس كده
فريد:خلاص يا عم انا هقولك
وبالمرة عمي يعرف ايه الحقيقة
فلاش باك
🎞️
فريد:سمااااا
سما:ايه يا حبيبي في ايه
فريد:اعترفتلها بحبي يا سماا اعترفتلها
سما:ل الااء؟؟!
فريد:ااااه انا هطير من الفرحة
سما:طيب وايه ردها
فريد ضربها بالقفاا:يا غبية هيكون ايه ردها لما انا اكون فرحاان كده
سما:ربناا يفرح قلبك يا حبيبي...وحضنته:احكيلي بقى ايه ال حصل
فريد:بصي انا كنت رايح كافيه***انا والواد ادهم صاحبي ولقيت الاء هناك وفي واحد بيعاكسها وقعد معاها
سما:روحت انت بقى ضربته صح ههههه
فريد:اااه وقعدت معاها وقولتلها بغضب بقى انت بتاعتي انا بس فاهمه وما تفكريش تتكلمي مع اي حد تاني عشان انت ليا انا بس فاهمة
سما:قالتلك ايه بقى
فريد:كلمتني بهدوء كده وقالتلي:طيب اهدى احنا في مكان عام وانا عارفة ان انا ليك ما تخافش
فريد:بس مش عارف هي عرفت منين
سما:يابني عادي تلاقيها حست
فريد:والله شاكك ان انت ال قولتيلها
سما:انا يابني عيب عليك اوعى تفهمني صح
فريد:كنت عارف يا ام لسانين..حضنها :يخليكي ليا يا احلى سما في حياتي
نور بتتصنت عليهم:بقى كده يعني انا بقالي سنة اقولك ان انا بحبك وانت تحب حد تاني طيب ماشي ان ما ندمتك يا استاذ فريد
بعد مرور اسبوع..محدش في البيت وفريد نايم في اوضته ونور في اوضتها
نور واقفة ورا باب اوضتها:يا فريييييد الحقني اعععععع يا مامااااا الحقني يا فرييييد
فريد صحي على الصوت:ايه الصوت دا في ايه
نوور:الحقني يا فرييد يا ماماا الحقوني
فريد دخل بسرعة اوضة نور:نوور نوور مالك في ايه
نور قفلت الباب:ايه اتخضيت عليا يا حبيبي
فريد:اااه مش اختي لازم اخاف عليكي
نور بسهوكه:انت مش ناوي تحن ليا بقى يا حبيبي
فريد:احترمي نفسك يا نوور انت اختي
نور :اختك ايه انت ابن عمي ...بتلمس جسمه..وحبيبي
فريد:نوووور ابعدي...وجاي يطلع
نور:يبقى انت ال جبته لنفسك بقى..قطعت هدومها ولغبطت وشها...وفي نفس اللحظة باب الشقة اتفتح
نور شدت فريد ووقع عليها على السرير:يا بابااااا الحقني ياباا ابعد عني يا فريييد حرام عليك
فريد بيحاول يخلص نفسه منها وهي مسكاه..وشهاب ومراته اسماء دخلوا
شهاب:فرييييد
نور سابته يحرر نفسه
فريد وقف:بابا صدقني انا معملتش حاجة والله ما عملت حاجة
شهاب ضربه بالقلم:وال انا شوفته بعيني دا ايه يا وس* انت انا غلطان ان انا فتحت ليك بيتي وربيتك مع بناتي تكون اخ ليهم..هو دا رد الجميل يا تربية وس** امشي اطلع براا بيتي اطلع
نور حضنت والدتها وبتبكي:الحمد لله يا ماما ان انتوا لحقتوني كان زمان مستقبلي ضاع الحمد لله
شهاب حضنها:ماتخافيش يا حبيبتي مش هيتعرض ليكي تاني ماتخافيش طول ما انا جنبك
اسماء:يا حبيبتي يا بنتي معلش يا حبيبتي
انتهاء الفلاش
🎞️
اسر:ههههههه
فريد:بتضحك على ايه يا عم التافه انت
اسر:اصل دا مش حاجة من ال هي عملته دلوقت
فريد:هي عملت ايه
اكمل:احنا مالناش حق ان احنا نقول حاجة يا فريد
اسر:اااه في دي اكمل عنده حق..عمي يحكي ليكوا براحته..صح يا عمي
بيبصوا لشهاب لقوا دموعه نازلة وموجه نظره للسقف ومش معاهم خالص
سما:بابا مالك..خلاص مش عايزينك تحكي دلوقت بس المهم صحتك وبلاش دموعك دي بتوجعلي قلبي
فريد:وانا كمان والله يا بابا بتوجعلي قلبي كفاية
شهاب بص لفريد ودموعه نزلت اكتر وفضل ساكت
فريد:شكلك عايز توجعلنا قلبنا اكتر
شهاب:كانت وحشاني كلمة بابا منك..هتسامحني يا فريد
فريد حضنه:اكييد يا بابا هو في حد بيزعل من ابوه انا بس كنت زعلان منك عشان كنت بتضرب سما
شهاب:انا اسف يا حبيبتي كان غصب عني ال عملته فيكي كنت معمي عن الحقيقة
سماا:خلاص بقى يا بابا اهدى ..اومال فين ماما
شهاب:من ساعة ما عرفت الحقيقة وهي نايمة معيطة ومش عايزة تصحى
اكمل:ممكن يكون اغمى عليها لازم تروح المستشفى
سما:لا بعد الشر بس ماما لما بتزعل بتنام ما بتحسش بحد
اكمل:ممكن ادخل لها
شهاب:ماشي ..ادخل لها
فريد:بابا تقدر تحكيلي ايه الحصل وفين نور
شهاب:في داهية حابسها في الاوضة على ما الناس تيجي ويكتبوا كتابها وياخدوها من هنا
فريد:طيب ايه الحصل
شهاب:الاستاذة ماشية على حل شعرها وكانت حامل ووو...حكى ليه ال حصل
فريد:لا اله الا الله..هو في حد كده
اسر:اااه نور اختك
فريد:لخص يا اسر
اسر:يا عم بهزر دا المدام نور حبيبتنا كلنا ومهما كانت بنت وعمري ما اتكلم عليها استغفر الله
فريد:ااه ما هو باين..وبعدين هما الناس هتيجي امتى
اسر:يا عم الصبر ان شاء الله جايين ما تخافوش....تليفون اسر رن
اسر:مش وقتك خالص..وقفل التليفون
فريد:ايه مين بيرن
اسر:ههه فضولي اوي فريد داا
فريد:انااا ههههه انا بحسب الناس ال هتيجي
اسر:يا عم دي واحدة اسمها خطيبتي كده
فريد:سيبك منها سيبك منها عشان شكلك مش طايقها
اسر:هههه والله عندك حق
بعد ساعة اكمل واسماء والدة سماا طلعوا من الاوضة واكمل ماسكها
شهاب بإستغراب:انتِ صحيتي ازاي
اسماء بصت ليه بحزن:فين سماا
سما طلعت:انا اهو يا ماما
اسماء بكت وراحت حضنتها:انا اسفة يا حبيبتي سامحيني يا قلب امك..سامحيني
سما:يا ماما بقى مبحبش اشوف دموعكوا دي بقى خلاص
اسماء:هتسامحيني يا بنتي
سما:اكيد يا ماما انا مزعلتش اصلا خلاص
اسماء:احنا ظلمناكي كتيير وانت استحملتي من غير ولا كلمة ربنا يخليكي لينا يا قلب امك يا رب
سما:ربنا يخليكي ليا انت يا ست الكل وخلاص بقى كفاية دموع..ومش عايزة تشوفي الواد فريد والبت مراته الاااء
اسماء:هو فين الواد ال مسألش عليا دا من يوم ما مشي
فريد جه ومسك ايديها وقبلها:انا اهو يا ست الكل وحشتيني
اسماء بكت:انا لو كنت وحشتك كنت بعدت عني المدة دي كلها من غير حتى ما تتصل عليا
فريد:خلاص بقى انسي الماضي يا حبيبتي انا جيت وهفضل معاكي طول العمر
اسماء:ربنا يخليكوا ليا يا حبايبي وينتقم من كل ال كان السبب
اسر بصوت عالي في التليفون:انت بتقوووول ايه انت اتهبلت....يعني ايه يعني...خلاص في داهية تاخدك.
اكمل:ايه يا اسر كنت بتكلم مين
اسر:عائلة الشرقاوي مش هتيجي
الكل:ايييييه.....
يتبع....
لقراءة الفصل الثامن : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات