القائمة الرئيسية

الصفحات

رواية قلبي ليس بيدي 3 الفصل الرابع عشر 14 بقلم حسناء رمضان

  رواية قلبي ليس بيدي 3 الفصل الرابع عشر 14 بقلم حسناء رمضان

 رواية قلبي ليس بيدي 3 الفصل الرابع عشر 14 بقلم حسناء رمضان

  رواية قلبي ليس بيدي 3 الفصل الرابع عشر 14 بقلم حسناء رمضان

اسيل: عدي.. عدي فوق..
عدي بتعب: فونك فين..
اسيل: وقع مني..
عدي: طيب.. طلعي فوني من جيبي.. و ورني ع ابوكي..
دورت ف جيوبه وطلعت الفون وحاولت ترن...
اسيل: مش بيجمع...
عدي: حاولي تاني...
قامت بعيد وفضلت تحاول بس معرفتش..
اسيل: لازم نمشي من هنا احسن ييجي تاني..
سندته ومشوا مع بعض..
اسيل: هنروح فين دلوقتي..
عدي كان بينزل دم كتير... قطعت الفستان وربطته ع مكان الرصاصه...
عدي: اسيل.. امشي..
اسيل: امشي فين..
عدي: اهربي انتي.. مؤنس مش هيسيبنا... وانا هعطلك... امشي انتي ارجوكي..
اسيل: لا.. مش هسيبك..
عدي: انا مش مهم... عشان خاطري امشي.. هيإذيكي..
اسيل: مش هقدر اسيبك..
عدي: اهلك اكيد خايفين عليكي.. ارجعيلهم احسن..
اسيل: لا ياعدي... ريح نفسك.. مش هسيبك هنا ابدا..
عدي: هيإذيكي والله... طب ارجعي وانا هحاول ارجع وراكي... او لما ترجعي بلغي البوليس وهما هيلاقوني...
اسيل: لا بردو... هفضل معاك... اصلا كل اللي احنا فيه دا بسببي انا.. انت ملكش ذنب ف كل داا.. انا السبب
عدي: امشي قبل ماييجي...
اسيل: هموت معاك... ولو هنرجع يبقى نرجع سوا..
عدي: مش مضطره تعملي كدا..
اسيل: مضطره..
عدي: لو عشان فاكره انك السبب فانتي م...
اسيل: عشان بحبك...
..........................................
متيم: خليكي معاهم هنا ياوعد...
وعد: مينفعش.. انا عايزه امشي..
متيم: يعني دا وقته!!... اقعدي لحد مارجع واروحك.. يلا سلام...
قفلت معاه وفضلت قاعده ف الجنينه...
جاكي: رني ع ابوكي ياجوري...
جوري: قافل تليفونه...
جاكي: طبعا... لازم يوجع قلبي كدا...
لين: طلاما عدي معاها يبقى اكيد هي بخير...
............................................
اسيل مسكت الفون وحاولت ترن تاني والفون جمع معاها...
جاك: ايوا انتوا فين..
اسيل: بابا الحقني..
جاك: انتي كويسه!
اسيل: يابابا تعالى بسرعه والنبي.. هنموت هنا..
جاك: طب بالراحه وقوليلي انتوا فين..
اسيل: مش عارفه... مكان غريب...
جاك: طب في اي عندك.. اي علامه..
اسيل: احنا كنا ف مستشفى وتقريبا مهجوره..
فجأه الخط قطع ومعرفتش ترن تاني...
عدي: اهدي هما هييجوا..
اسيل: عدي انت بتنزف كتير...
عدي: مش مهم... اتطمني..
ـ طبعا لازم تطمن...
لفوا لقوه مؤنس...
اسيل: انت عايز مننا اي..
مؤنس: لازم تتعذبوا عشان تندموا ع اللي عملتوه..
اسيل: مش هيسيبوك... ومش هتعرف تهرب..
مؤنس: اوووه... خوفت
اسيل: هتخاف... صدقني هتكره اليوم اللي فكرت تلعب فيه مع جاك..
مؤنس: هيعمل اي جاك دا يعني..
اسيل: هيعمل كتير... صدقني مش هيرحمك..
عدي: مؤنس... خليها تمشي.. هي ملهاش ذنب... دي بنت
مؤنس: المضحي العظيم... عايزها تمشي وتضحي بنفسك عشانها!
عدي: مشيها يامؤنس.. اعمل فيا اللي انت عايزه... بس هي لا..
مؤنس: دا حب بقاا..
اسيل: ايوا حب.. وانا كمان بحبه.. بحبه فوق ماتتخيل... عارف لي.. عشان هو راجل.. مش زيك..
راح مسكها من شعرها وضربها بالقلم وقعت ع الارض... عدي كان بيحاول يقوم...
مؤنس ميل عليها وقعد يقطع ف هدومها..
عدي قام وهو متعصب... مسكه ورماه بعيد..
عدي: قولتلك هتندم لو قربتلها..
مؤنس: طب ماتوريني شطارتك..
قرب منه وفضل يضربه كتير لحد ماوقع..
مسك الحجر وفضل يخبطه ف دماغه...
.......................................................
ـ قدرنا نحدد المكان...
جاك: يلا بسرعه...
مشوا كلهم ع المكان والبوليس وراهم...
..............
رمى الحجر بعد مافرتك دماغه... وقعد جنبه..
اسيل جت حضنته وفضلت تعيط..
عدي: خلاص متخافيش.. اهدي..
قعدوا شويه وبعدين جاك وصل... فضلوا يدوروا ف المكان لحد مالقوهم..
اسيل طلعت تجري عليه...
جاك: انتي كويسه!!
اسيل بعياط: عدي.. عدي تعبان..
جاك: متخافيش... المهم انتي حد عملك حاجه!
اسيل: لا..
نقلوا عدي المستشفى وكلنا روحنا وراهم...
جاكي: اسيل فين.
جاك: واقفه هناك اهي..
طلعت اجري عليها..
جاكي: انتي كويسه ياحبيبتي!
اسيل بعياط: ماما عدي.. عدي هيموت..
جاكي: لا مش هيموت.. اهدي.. مين عمل كدا..
اسيل: مؤنس..
جاكي: مؤنس ازاي..
اسيل: طلع عايش..
جاكي: طب انتي كويسه ولا فيكي حاجه!
اسيل: لا كويسه.. بس انا خايفه عليه قوي..
جاكي: متقلقيش ياحبيبتي.. هيفوق وهيبقى تمام..
فضلنا مستنيين بره لحد الدكتور ماطلع..
جاك: خير يادكتور..
الدكتور: الحمد لله طلعنا الرصاصه...
اسيل: يعني هو كويس!
الدكتور: ايوا..
اسيل: انا عايزه اشوفه..
الدكتور: لا لازم يرتاح شويه.. ع الاقل لحد مايفوق..
الدكتور مشي..
جاكي: اهدي بقاا اهو بقاا كويس...
جاك: اسيل... روحي مع ماما عشان ترتاحي... وابقي تعالي بعدين..
اسيل: لا.. لا طبعا..
جاك: اسمعي الكلام انتي تعبانه..
اسيل: لا مش هسيبه... انا هفضل هنا...
جوري: خلاص سيبوها براحتها..
استنينا لحد مافاق وبعدين دخلنا...
اسيل: عدي.. انت كويس..
هز دماغه بتعب..
اسيل: انا اسفه.. انا السبب ف كل دا..
عدي: مش انتي.. المهم انك كويسه..
جاك: عامل اي دلوقتي..
عدي: كويس..
متيم: اديكي اتطمنتي عليه... يلا روحي بقاا..
اسيل: مش هروح ملكش دعوه..
عدي: اسيل... معاه حق... روحي عشان ترتاحي.. انا كويس..
اسيل: لا مش هسيبك..
جاك: متيم... خدهم وروح... وانا هقعد مع اسيل..
متيم: وهي تقعد ليه..
جاك: سمعت انا قولت اي!
روحنا وجاك فضل معاهم.... سابهم وخرج بره وهي فضلت معاه..
............
متيم: انا مبقتش فاهمكوا.. تقعد معاه ليه اصلا..
جاكي: وانت اي اللي مضايقك..
متيم: اديني سبب مقنع يخليها تقعد معاه..
جاكي: ملكش دعوه انت... ابوها معاها... الحمد لله اننا اتطمنا عليها...
متيم: ماهو كل دا بسبب الزفت دا..
........
كان بينام وهي قاعده جنبه ع الارض...
جاك: اسيل.. تعالي عشان تاكلي..
اسيل: لا مش عايزه..
جاك: سيبيه يرتاح يااسيل.. مينفعش كدا..
اسيل: مانا قاعده ساكته اهو.. خليني معاه والنبي..
سابها وخرج..
عدي: عنيده ليه..
اسيل: خايفه عليك..
عدي: خليكي معايا..
اسيل: مش همشي..
عدي: اسيل.. بحبك..
...............................
بعد اسبوع...
اسيل: يلا ياعدي..
عدي: مكنش ليه لزوم تيجي..
اسيل: امال هتخرج لوحدك!
عدي: ماما معايا..
اسيل: طب يلا ياخويا...
خرجوا من المستشفى وروحوا مامته وبعدين هما خرجوا...
اسيل: مش مصدقه اني خلصت من الكابوس دا..
عدي: طب صحيح.. في حاجه كدا قولتيها لما كنت ع وشك الموت يعني..
اسيل: بعد الشر..
عدي: امم.. مش فاكرها.. قوليها تاني..
اسيل: تؤتؤ.. مش فاكره اني قولت حاجه...
عدي: بطلي رخامه..
اسيل: بتطلع مره واحده بس..
عدي: طيب... فكرت يعني اني غالي وكدا.. تمام..
اسيل: دلع بقا وكدا!
عدي: متتكلميش معايا..
اسيل: طب خلاص ياسيدي... كنت بقولك... بحبك
عدي: همم... مش سامع...
اسيل: بحبك..
عدي: ماتعلي صوتك..
اسيل: انت بتستهبل ع فكره...
عدي: مش سامع... مانا لسه تعبان... قولي وعلي صوتك..
اسيل: بحبك.... بحبببببك... بحبك ياعدي..
بصت لقت الناس كلها بتبصلها وهو مبتسم...
اسيل: اما انت خنزير صحيح... شايف الناس بتبص ازاي..
عدي: مايبصوا.. حد ليه حاجه عندنا!
اسيل: عيب..
عدي: مش عيب... بقولك اي... ماتاخديلي معاد من ابوكي...
اسيل: ليه..
عدي: عشان اتفرج ع جماله..
اسيل: متبقاش رخم..
عدي: هيكون ليه يعني... في امانه عنده هروح اخدها..
اسيل: ومين قالك ان الامانه موافقه..
عدي: ومتوافقش ليه... هي هتلاقي جمال كدا فين..
اسيل: حلوه الثقه دي...
عدي: اوومااال...
اسيل: طب انا همشي بقاا عشان لسه هجيب نتيجة التحاليل اللي بقالها شهر دي..
عدي: طب انا هاجي معاكي..
اسيل: لا مش لازم... روح انت عشان ترتاح..
عدي: لا هاجي معاكي...
.................................
متيم: فين اسيل..
جاكي: مع عدي..
متيم: انتي شايفه اللي بيحصل دا طبيعي!!
جاكي: عايز اي يامتيم..
متيم: عايز اختي تتلم شويه... ماهو مش كل شويه تخرج مع الواد دا..
جاكي: مانت بتخرج مع وعد..
متيم: وعد حالتها مختلفه..
جاكي: هي هي.. وبعدين اختك محترمه وانت عارف... وزي مانا واثقه فيك واثقه فيها... وكمان واثقه ف عدي..
جوري: بصراحه طلع جدع قوي.. قالتلي لولاه كان زمانها ميته..
متيم: ماهي لازم تقولك كدا..
.................................................
خرجت وملامحها متغيره كليا...
عدي: ها عملتي اي.
اسيل:....
عدي: اسيل في اي..
اسيل: ها.. لا مفيش.. انا عايزه اروح..
عدي: طب مالك متضايقه ليه.
اسيل: مش متضايقه ياعدي.. انا تعبت شويه بس.. روحني لو سمحت...
وصلها وطول الطريق بيحاول معاها وهي شارده..
طلعت اوضتها وقفلت ع نفسها وفضلت تعيط...
.......................................................
وعد: مش ناوي تقولي الدكتور قالك اي بقا..
متيم: ماتنسي الحوار دا..
وعد: انت وعدتني..
متيم: مش عارف المفروض اقولك ولا لا بس...
وعد: بس اي.. في اي يامتيم..
متيم: في انك.. يعني.. ممكن..
وعد: ماتخلص يابني..
متيم: ممكن متخلفيش..
وعد: انت بتقول اي..
متيم: انا اسف... بس الدكتور قالي كدا..
وعد: يعني اي ممكن مخلفش..
متيم: هو مش اكيد يعني... الدكتور قال ممكن ايوا وممكن لا... واكيد في علاج يعني..
وعد: ازاي تخبي عليا حاجه زي دي!!
متيم: مقدرتش اقولك عشان كنتي تعبانه..
وعد: تعبانة اي ونيلة اي... ازاي متقوليش حاجه زي دي..
متيم: اهدي طيب..
.....................................
اسيل وقفت قدام المرايه تبص لشكلها...
عدي رن بس مردتش...
جاكي: يلا عشان تاكلي..
اسيل: مش عايزه..
جاكي: ليه..
اسيل: مش جعانه..
جاكي: مالك..
اسيل: مليش.. سيبيني لوحدي..
جاكي: اتخانقتي انتي وعدي!
اسيل: سيبيني لوحدي ياماما...
...........
عدى تلات اسابيع وهي مش بتنزل من اوضتها ولا حتى بتروح الجامعه... عدي بيرن عليها كتير بس مبتردش...
..........
جوري كانت خارجه مع صاحباتها..
عدي: جوري... عايزك ثواني..
جوري: في اي..
عدي: هي اسيل فين..
جوري: ف البيت..
عدي: برن عليها مش بترد.. قلقت عشان كدا سألتك... هي كويسه!
جوري: بصراحه لا... بقالها فتره مبتاكلش ولا بتنزل وشكلها متضايقه... هو حصل حاجه من اخر مره كنتوا فيها مع بعض!!
عدي: كانت كويسه وبعدين قلبت ف الاخر معرفش ليه.. طب انا عايز اشوفها..
جوري: هقولها واشوف..
عدي: لو سمحتي حاولي معاها... او حتى حاولي تعرفي السبب..
جوري: حاضر..
..........................
جاكي: يابنتي مالك بقااا.. طب قوليلي اي اللي مضايقك..
اسيل:.......
جاكي: يابنتي ردي عليا..
اسيل:.....
قومت عشان ادخل الحمام..
جاكي: اسيل... اي دا..
رفعت وشها لقتني ماسكه شعرها...
قعدت قدامها وانا قلبي بيدق جامد..
جاكي: اسيل.. اي دا ياحبيبتي...
حضنتني وفضلت تعيط..
جاكي: طب فهميني طيب...
اسيل: عندي.. عندي كانسر..
..............................
متيم: لسه متضايقه..
وعد:.....
متيم: طب قومي كلي..
وعد:.....
متيم: ماهو مش هينفع كدا...
وعد: نعم!
متيم: هتفضلي كدا لحد امتى!!
وعد: مالي... مانا كويسه اهو..
متيم: لا مش كويسه.. ياوعد دا قدر... ملناش دخل فيه.. دا نصيبك ولازم ترضي..
وعد: ومين قالك اني مش راضيه!
متيم: مانتي زعلانه..
وعد: وهو دا مش سبب كافي يخليني ازعل!
متيم: كافي طبعا... بس لازم تصبري وربنا هيكرمك اكيد... وبعدين بقالك كتير مش بتاكلي...
وعد: انا بس... مش متخيله ان ابويا السبب ف كدا...
................................
جاكي: انتي بتقولي اي.. لا طبعا انتي مفكيش حاجه..
اسيل: فيا.. فيا ياماما..
جاكي: طب قومي.. يلا نروح نكشف...
اسيل: كشفت وعملت التحاليل.. واهي عندك ف الدرج...
قومت جبت التحاليل وشوفتها... كنت بكدب عينيا...
اسيل: ماما سيبيني لوحدي والنبي..
جاكي: انا هأكدلك انك سليمه..
اسيل: خلاص ياماما... دا واقع.. سيبيني بقاا لوحدي...
نزلت عند جاك...
جاك: مالك..
حضنته وفضلت اعيط..
جاك: مالك ياجي في اي..
جاكي: اسيل...
جاك: مالها..
جاكي: عندها كانسر...
.................................
محدش كان مصدق اللي بيحصل وهي كل مادى بتتعب وبيبان الارهاق عليها...
جاك: يلا ياحبيبتي عشان تبدأي الجلسات..
اسيل: مش عايزه..
جاك: يعني اي مش عايزه..
اسيل: انا مرتاحه كدا..
جاك: بلاش عند يااسيل.. دا مش لعبه...
اسيل: مش عايزه يابابا..
جاك: لازم ياحبيبة بابا.. عشان تخفي ومتتعبيش..
اسيل: لا لا... مش هاخد حاجه..
جاكي: ليه طيب... انتي مش عايزه تخفي!!
اسيل: معرفش.. مش هاخد كماوي ياماما..
جاكي: ياحبيبتي ماهو عشان تصحي وتبقي سليمه زي الاول..
اسيل: هيوقعلي شعري..
جاك: مش مهم شعرك.. هتبقي قمر بردو..
جاكي: وبعدين هتصحي وشعرك هيطول تاني وتبقي قمرين ياست... بس لازم تاخدي العلاج عشاني حتى... انا مقدرش اشوفك كدا...
بعد الحاح طويل وافقت انها تاخد الجلسات وكل دا وعدي ميعرفش حاجه... ورافضه تقابله ورافضه ان حد يقوله...
خدت اول جلستين وشعرها ابتدا يقع جامد...
جاك: جي.. لازم تحلق شعرها عشان ميفضلش يقع قدامها كدا..
جاكي: جاك... اسيل هتخف صح!
جاك: ان شاء الله... اكيد هتخف.. ادخليلها وانا هنزل...
.....
جاكي: سيسو..
اسيل: نعم..
جاكي: لازم نحلق شعرك ياروحي..
بصت ف الارض بحزن...
جاكي: هيطلع تاني... وبعدين فين اسيل القويه بتاع البلطجه... معقول هتقعي كدا من اول قلم!
اسيل: مسيري هموت ياماما...
جاكي: بعد الشر ياحبيبتي... هتخفي وترجعي احسن من الاول..بس لازم انتي تكوني قويه وتستحملي... صح ولا اي..
اسيل: عدي عامل اي..
جاكي: خايف عليكي قوي... مش فاهم ولا عارف حاجه لحد دلوقتي.. كلميه حتى يااسيل..
اسيل: لا ياماما... كدا احسن...
جاكي: طب يلا قومي معايا...
خدتها ودخلت الحمام... قعدت قدامي ع الكرسي وهي بتمشي ايديها ع شعرها بحزن..
اخدت نفسي وحاولت اسيطر ع نفسي عشان مينفعش اضعف قدامها...
وقفت جنبها وبدأت اشيلها شعرها..
غمضت عينيها عشان متشوفوش وهو بيقع..
مقدرتش اشوف حزنها ع شعرها... دموعي نزلت غصب عني وبدات اشيل شعري انا...
لاحظت اني وقفت ففتحت عينيها وبصتلي...
جاكي بهزار: انا اصلا من زمان كنت عايزه اغير واعمل لوك جديد بس ابوكي كان كاتم ع نفسي...
خبت وشها وفضلت تعيط...
جاكي: مش عارفه بتعيطي ليه... دا تغيير حتى...
اسيل: لي عملتي كدا..
جاكي: عشان هو مش بالشعر يااسيل.. الشعر ممكن يطلع مكانه عادي...
اسيل: بتعيطي ليه..
جاكي: ابوكي هيطلقني...
ضحكت وحضنتني...
جاكي: يلا نكمل بقاا..
بصينا لقينا جاك وجوري دخلوا...
خد مني المكنه وحلق شعره هو كمان..
اسيل: لا..
جاك: ياشيخه دانا حاسس ان دماغي عفنت من الشعر دا... خليني اهويها شويه...
جوري: وانا كمان عايزه اجرب...
حلقت شعرها هي كمان واسيل عماله تعيط..
جاك: بتعيطي ليه..
اسيل: ليه عملتوا كدا.. انتوا مش مضطرين ت..
جاك: احنا حابين كدا... ف الاول كنا كلنا بشعر... ودلوقتي كلنا من غير شعر.. عشان احنا كلنا واحد.. ولا اي..
اسيل: انا بحبك قوي..
راح حضنها..
جاكي: اي دا وانا!!
اسيل: وبحبك انتي كمان بردو...
............................................
متيم: انا همشي بقاا..
وعد: خليك قاعد..
متيم: معلش اخرت.. هروح اشوف اسيل وارجع..
رجع لقانا كلنا معاها ف الاوضه وقاعدين نتكلم ونضحك...
متيم: طلعتوني بره العيله ولا اي ياجدعان.. اي دا..
جاك: اي رأيك ياتيمو ف اللوك الجديد..
متيم: ااه.. حلو بصراحه.. ولايق ع دقنك يعني..
جاكي: طب انا هنزل احطلكوا تاكلوا...
نزلت حطيتلهم الاكل واتجمعوا ومتيم شويه ولقيناه نازل... شال الكاب من ع راسه..
متيم: اظن مجتش عليا يعني...
بصيتلهم بحب وانا عينيا مدمعه.. مكنتش متخيله انهم بيحبوا بعض كدا...
..........
كلنا وفضلنا قاعدين مع بعض.. حتى جاك مرحش الشغل وفضل معانا...
اسيل فونها كان عمال يرن وهي مش بترد..
جاكي: اسيل.. ردي عليه... طمنيه حتى..
خدت الفون وطلعت الجنينه...
فتحت وسكتت..
عدي: اسيل.. اخيرا رديتي..
اسيل:....
عدي: طب كلميني طيب.. انتي كويسه!!..
اسيل:......
عدي: طب انا زعلتك ف حاجه!!
اسيل:....
عدي: مش بتردي عليا ليه يااسيل.. طب انا اسف لو زعلانه مني..
اسيل: مترنش عليا تاني...
عدي: ان...
مكملش كلامه راحت قفلت وقعدت مكانها تعيط... طلعت قعدت معاها..
جاكي: وهو ذنبه اي طيب..
اسيل: كدا احسن..
جاكي: احسن منين..
اسيل: هو كان بيحب اسيل السليمه... اما دلوقتي انا هعفيه من الحرج..
جاكي: مش يمكن يفضل يحبك حتى وانتي تعبانه..
اسيل: لا مش ممكن.. لي يحب واحده الله اعلم قاعدلها قد اي وتموت..
جاكي: بعد الشر... لازم تتفائلي يااسيل.. وبعدين ع الاقل فهميه انتي ليه بعيده كل الفتره دي..
اسيل: كدا احسن ياماما..
جاكي: براحتك... بس انا من رأيي تقابليه وتفهميه..
سيبتها ودخلت وهو فضل يبعتلها مسدجات...
عدي: طب فهميني حتى.. هو انا عملت اي طيب..
عدي: ابوس ايدك طمنيني... حرام عليكي انا مبنمش من القلق عليكي...
اسيل: هقابلك بعد نص ساعه ف ******
قفلت الفون وطلعت لبست وغطت دماغها وخرجت...
وصلت قبله فقعدت تتفرج ع البحر لحد مايوصل...
يتبغ...
لقراءة الفصل الخامس عشر : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات