رواية أحببته فجرحني الفصل السابع 7 بقلم فراولة

سلمي : والله هفتح دماغك يا احمد

احمد : وريني كده يا سلمي و انا هجيب كرشك في ايد

نغم و نور : هو انتوا عارفين بعض

وليد حضن احمد : وحشتني اوي يا اونكل

احمد: وانت كمان يا بطل مبقتش بتنزل النادي لي عايزن نلعب ماتش كده من بتوع زمان

وليد : جدو مش راضي ينزلني العب قالي لما اخلص امتحانات

نور : احمد انت تعرف وليد منين؟؟ و اي علاقتك بسلمي؟؟

احمد و سلمي : كنا مخطوبين

نغم : هو حضرتك خطيب سلمي هي حكتلي عنك بس مكنتش اتوقع انك قريب نور

سلمي : كنا يا نغم كنا و مش هنرجع

احمد : لا يا شيخه انا اللي هموت و ارجعلك يعني

نور حب ينقد الموقف : طب تعالي يا احمد نقعد هناك و نسيبهم لوحدهم ؛ نغم لما تخلصوا قولولنا ؛ وليد هتقعد معانا ولا معهم

وليد : انا راجل هقعد مع الرجال

احمد : يبقى اقعد مع طنط سلمي بقى

سلمي كانت لسه هتتكلم نور سحب وليد و احمد و قعدو لوحدهم و في مكان يقدرو يشوفو نغم و سلمي

نغم : فهميني بقا اي حكاية احمد و اي معنا (كنا)

سلمي بكسره : احمد اللي حكتلك عنه اتقبالنا في فرح صحبتي و كان صاحب العريس حاول يكلمني و انا رفضت خد رقمي من صاحبه عن طريق مراته اللي هي صحبتي و حاول كذا مره و انا عملتله بلوك علشان ميتصلش بيا دخلي واتس عملت بلوك دخل فيس علشان عامله الفيس بي رقم فوني عملتله بلوك دخل تلجرام عملت بلوك دخل انستا

نغم كملت بضحك : عملتي بلوك

سلمي : لا الصراحه اتخنقت و شتمته و بعدين عملت بلوك بعديها بي يوم صحبتي اتصلت بيه و قالتلي انها عايزه رقم بابا انا مفهمتش بس بعد الرقم , في نفس اليوم بابا قالي في عريس و لما جي وقت الرؤيه الشرعية اتكلمنا و عرفت انه معجب بيا بعدها بشهر اتخطبنا و كان عايز يلبسني الدبله اتخنقت معاه علشان مينفعش يمسك ايدي خليت مامتو هي اللي لبستهالي بعد الخطوبه بليل لقيتوا بيكلمني واتس عند بابا و يقولي فكى البلوك بصراحه كده قولت اهو اسمه خطيبي و فكيت البلوك تخيلي بعتلي اي اول ما فتحت

نغم بفضول : اي!!

سلمي: وحشتني السافل بيقولي وحشتيني

نغم : سافل اي هو قالك هاتي بوسه

سلمي : ولو يا نغم في ضوابط الخطوبه

نغم: كملي اي اللي حصل ؟

سلمي : زعقتله و كنت ناويه افسخ الخطوبه بس ماما زعقت فيا

نغم : ليها حق

سلمي : سيبيني اكمل

نغم : كملي يا اخر صبري

سلمي : بعديها باسبوع جي البيت يقعد معايا بابا خرج من الاوضه من هنا و الحيوان مسك ايدي و بيقولي بحبك من هنا

نغم : وانتي صوتي وولمتي البيت كله في الاوضه

سلمي بكسفه : عقبال ما البيت اتلم في الاوضه كنت فتحت دماغه

نغم فتحت عنيها بصدمه : فتحتي دماغ الواد يا سلمي

سلمي : متنسيش اني دكتوره و عرفه بعمل اي انا فتحته غرزتين بس و في حتي امان

نغم :يا عيني علي الواد و اكيد من ساعتها و هو مش طايقك

سلمي بلا مبالاة؛ لا بلعكس دي اول خناقه بس ، بعد كده اتخانقنا حوالي 70 مره لي نفس السبب انا عايزه امشي علي قواعد الخطوبه و هو عايز يعمل زي ما بيعملو اليومين دول

عند نور واحمد

نور : يعني البت طلعت عينك هههههههههه

احمد: اه و اخر مره باباها هو اللي فسخ الخطوبه قالي هو مش عايز يجيب بنته كل مره من القسم و انا مبقتش عايزها خلاص و مش طايقها

نور : هههههههههه لا لسه بتحبها و مش قادر كمان علي بعدها

احمد: دكتور نفسي و هيطلع شغله علينا

نور: بس بأمانه مش لسه بتحبها

احمد نحنح : اه بس هيفيد بي اي ما هي مش طايقاني

نور : بالعكس بتحبك و اوي كمان

احمد: انت مسمعتش اللي قولتهولك

نور : لا سمعت و مش غلط ان البت حبت انها تمشي علي قواعد الخطوبه و زي ما ربنا قال بس هي عنيفه شويتين و ده كان عايز احتواء منك

احمد : هي ممكن تكون حبتني فعلا

وليد بطفوله : اقولك حاجه و احلف انك مش هتقول لي طنط سلمي

احمد : والله مش هقول ، في اي ؟؟

وليد : انا سمعت مامة طنط سلمي و هي بتقول لي تيتا صباح و تيته فاطمه ان طنط سلمي كانت حابسه نفسها في الاوضه و بتعيط و كانت زعلانه من باباها علشان اداك الدبله و مكنتش بتاكل

نور بص لي احمد و غمزله

(شكرا لي شهد محمود علي تصحيح الأخطاء الاملائيه)

نور مسك الفون و بص لي وليد وقاله.....وليد قول لي نغم انا عايز المفاتيح بتاعتي و اكد عليها اني عايزها دلوقتي

وليد :حاضر

(لي حبيبه محمد)

وليد مشي و نور بص عليه بخزن

احمد: متخفش هو مش زيك اقصد يعني في ناس جنبه سيتو و جدو و ام و ابو نغم كمان و نغم هنا و انت وانا و سلمي و اهلها متخفش

نور دمع بحزن: اول ما سمعت حكايته حسيت انو انا نفس الحكايه نفس بختلاف التفصيل خايف عليه اه هو ميقربيليش بس حسيت نفسي ابوه انهارده لما شوف ابو و امه حسيتهم نسخه من بابا و ماما هحول (ياخد نفسه) الموقف ده مش اي حد يستحمله احم هو انت متعرفش اي خبر عنهم اقصد يعني ماما كلمت خالتو اخر مره امتي و اي اخبرها

احمد هرب من عينه: مش عرف يا نور

نور : احمد قول الحقيقه انا عرفت من سنتين كده ان بابا بقه عنده ولادين و بنتين غيري و انهم علي وش جواز بس ماما مش عرف اوصلها خالص قولي يا احمد في اي

احمد : اختك مي اتجوزت و عملوا فرح كبير حتي باباك راح

نور دمع : عادي اصلا مي متعرفنيش مش مهم

وليد جي :هي تقولك بعتدها

نور مسح عينوا و مسك الفون

نغم سابت الفون و هي بتبتسم

سلمي : مفتيح اي و مين اللي بتكلمي في الفون

نغم : متحتيش في بالك ...... احم سلمي هو انتي لسه بتحبي احمد

سلمي : عمري ما حبيت ولا هحب قده بس خلاص مينفعش نرجع لي بعض

______بقلم #فراوله

نغم ببتسمه: و مين قال كده المهم تعالي بكره عندنا نور خد الشقه اللي قصادنا و عايزه بكره شغل كتير و مفيش غيري و غير نور و وليد

سلمي : تمام نغم هو انتي شوفتي علاء او كريمه

نغم : شوفتهم و ياريتني ما شفتهم تعرفي انا ضيعت عمري كله علي الفاضي اتغربت عن اهلي علشان ناس ملهاش لزمه

انا مكنتش بنام هناك يعتبر غير كام ساعه و اصحي اذاكر علشان اتخرج بامتياز و انزل بعد الكليه اشتغل علشان اسرف علي نفسي كنت بشغل يومي حتي بعد ما اتخرجت عملت الدكتوراه والماجستير في اسرع وقت علشان اشتغل بي امكنيات عليا لحد مبقيت من الاوائل و اشطر دكتورة جراحه زي ما شوفتي حتي لما قولت لي ماما ان تلفوني ضاع كنت انا كسرها لاني لقته كله صور لي كريمه و علاء معايا و معرفش اوصلك غير علي الفيس اني و ماما (سكتت شويه ووبعدين بصتلها و ضحكت)

#فراوله

سلمي : اي الجنان ده بضحكي علي اي؟!

نغم : اصلك منزله صورك انتي و احمد في الخطوبه و انا شوفتها و وورتها لي نور و (سكتت و افتكرت ) تخيلي نور مقليش ان احمد ده قربيه

سلمي : اه صحيح يعني انتي شوفتي صورت احمد و تقوليلي انتي تعرفيه منين

نغم : ما نور كان عارف و سال برضو عادي بقه طنشي نور اهو بيتصل يلاه علشان نمشي

######

صباح : انتو جيتوا امتي !؟ و اي اللي في ايدك ده يا وليد؟

وليد بطفوله : عمو نور جبلي دول و قالي دول ليا و انا قولتله شكرا زي ما بتقوليلي اقول لي اللي يجبلي حاجه يا تيته.

نغم : وليد خد حاجاتك و روح كلها في اوضك و كمل الواجب بتاعك

وليد : حاضر يا نغنوغ. و سبها و جري

نغم : تشكر يا نور علمت الواد كلمت نغنوغ دي

نور : طب والله حلوه عليكي

نغم سبته و رحت قعدت جنب مامتها : تعرفي يا ماما مش طلع نور ابن خالت احمد خطيب سلمي

صباح : بجد ده كده انا اعرف مامتك انت ابن مين فيهم ميرفت و لا زينب

نور بابتسامه مكسوره : ميرفت

صباح : غريبه مشفتكش قبل كده عندها في البيت

نور : دي حكايه طويله حتي نغم متعرفهاش

نغم بقه كده يا استاذ نور في حاجه في حياتك انا معرفهاش

نور قام: معلش يا جماعه عايز انام و الصبح هبقه اخد المفتاح من انكل شريف او عمرو و اروق الشقه تصبحوا علي خير

فاطمه دخله من الباب : هو مالوا نور وشه احمر كده لي

نغم في سرها في اي يا نور كل ما تيجي سيرت باباك او مامتك تعمل كده و تمشي انا كده مش هعرف انام

_________________

تاني يوم علي ابطالنا .....

علي السفره الفطار

شريف : المفاتيح اهي بتاعت الشقه يا نور

نور : شكرا كلمت احمد و نغم كلمت سلمي هما كمان نص ساعه و جين

نغم : نور عايز يرجعهم لي بعض

فاطمه ياريت يابني الاتنين كويس و منسيبن لي بعض بس سلمي منشفه عقلها علي ظوابط الخطوبه مش عارفه لي

عمرو : هو ده الصح قدري ربنا مأردش انهم يكملوا مع بعض البنت هتستفاد اي انها اتمسك ايدها و علاقها بي بس و كمان ربنا هو اللي امر بي كده هما مش مكتوب كتبهم يعني مفيش لمس او كلام في الحب لحد كتب الكتاب و بعدين برحتهم محدش هيقلهم كلمه

نغم بستغراب: هو مينفعش مسك الايد غير بعد كتب الكتاب

صباح : طبعا لانه حرام

نغم: اول مره اعرف الكلام ده

نور : اسف بس عايز اقطع كلامكم في حاجه كده

شريف : في اي

نور : انا عايز كلام علاء و كريمه و قبل ما تسالوا لي هو فين وليد بس؟

فاطمه : في المدرسه لسه

نور : الحمدلله وليد لو فضل كده بعيد عن علاء و كريمه اكتر من كده هيبقه في عقده من اهلوا و ممكن تزيد و توصل لي عقده من الجواز و الخلفه كمان

صباح: لا يبني انا هتصل بي علاء اقوله هيبقه الواد و عمته عندهم عقده من الجواز

صباح بصت حوله لقت الكل بشتمها في سره و نغم مش فاهمه هي بتقولي اي

نغم بستغراب : قصدك اي يا ماما

نور : نغم احمد بره تعالي يله

في شقت نور سلمي وقفه بتبص لي احمد بتحدي

احمد مال علي نور و همس : متاكد انها لسه بتحبني انا حسس انها عايزه تغزني بخندق في رقبتي

نور كتم الضحكه و همس: متخفش هي بتموت فيك

نغم : طب يله يا جماعه الشقه عايزه تنفيض جامد

نور : طب نغم

الباب خبط نور رح فتح لقه علاء في وشه بلبس جشول

علاء بستفزاز : بابا قالي انكم هنا حبيت اساعدكم

نور كتم غضبه و كور ايده و بص لي نغم و رجع بص لي علاء

نور : علاء................

عند فاطمه و عمرو و شريف و صباح

فاطمه : مش قولتلك متقوليش قدام البت يا صباح

شريف : البنت لو عرفت انها ...........