القائمة الرئيسية

الصفحات

رواية قلبي ليس بيدي الفصل السابع والسابعون 77 بقلم حسناء مصطفي

  رواية قلبي ليس بيدي الفصل السابع والسابعون 77 بقلم حسناء مصطفي

 رواية قلبي ليس بيدي الفصل السابع والسابعون 77 بقلم حسناء مصطفي

 رواية قلبي ليس بيدي الفصل السابع والسابعون 77 بقلم حسناء مصطفي


لفت وهي حاطه ايدها ع وشها..
محمد: بتعملي اي هنا!
شالت ايديها...
محمد: اعاا.. اعوذ بالله..
ندى: اششش... وطي صوتك..
محمد: انتي ندى!
ندى: ايوا..
محمد: لا.. انتي عفريت وبيستعبط..
ندى: يعم مش وقته.. المهم امشي دلوقتي..
محمد: اي اللي عاملاه ف خلقتك دا!.. وبتعملي اي هنا اصلا..
ندى: بنخوف البت شهد دي..
محمد: انتي ومين!
ندى: انا وجي.. وطي صوتك بقاا..
محمد: ماتبطلوا افترا ع الناس بقاا..
ندى: انت مش فاهم حاجه.. روح خليني اكمل شغلي..
محمد: انتوا مجانين... انا طالع انام..
سابها وطلع وهي راحت عند الشباك...
قعدت ترفع ايدها قدام شهد وتعمل اصوات... وانا تحت السرير بخبط ف الارض وشغلت مزيكا رعب ف الفون..
حسيت بحركه ع السرير فعرفت انها قامت..
اول مافتحت عينيها شافت ندى.. حد لابس حاجه واسعه ووشه يخوف وواقف ف الضلمه...
وانا اسكت شويه وبعدين اخبط.. اول ماتقوم اروح اقفل المزيكا.. ولما تنام اشغلها...
شهد: اعوذ بالله من الشيطان الرجيم... يالهوي اعمل اي دلوقتي.. اشش.. اشش.. انت يا..
جاكي: عوووووو..
ندى كانت بتتحرك وتروح وتيجي قدام الشباك واول ماتوصل عند الشباك تروح تبص لشهد وترجع تمشي تاني...
بصيت لقيتها شغلت قران وهي خايفه.. روحت مشغله اصوات ضحك مرعبه ف الفون...
جاكي برعب: عوووو... خطااافه رجاااله...
شهد: انت مين..
جاكي: هاهاهاها... انا العفريت..
شهد بعياط: بسم الله الرحمن الرحيم..
ندى كانت واقفه تشاورلها... فضلنا كدا شويه وهي عماله تعيط ولافه نفسها...
لحد ماندى دخلت من الباب ووقفت قدامها وانا طلعت من تحت السرير... فضلنا واقفين قادمها واحنا رافعين ايدينا وبنقرب منها...قربت منها ومسكت رقبتها..
جاكي برعب: هقتلك..اتشاهدي..
... بصينا لقيناها صوتت وبعدين اغمى عليها..
جاكي: اجري ابت اندى..
طلعنا نجري انا وندى دخلنا الاوضه وغسلنا وشنا بسرعه وظبطنا نفسنا وطلعنا عادي عشان نشوف مين بيصوت..
لقينا الكل واقف...
فيروز: يالهوي.. مالك يابت.. في اي..
فوقوها واول مافاقت فضلت تعيط..
شهد؛ عفاريت.. كان في عفاريت هنا..
جاك: عفاريت اي..
شهد: والله شوفتهم بعنيا.. واحد كان تحت السرير والتاني بره.. والاتنين دخلوا عليا..
محمد وقف بصلنا كدا وكتم الضحك..
ـ اكيد كان كابوس يابنتي... مفيش حاجه ف البيت..
شهد: والله شوفتهم.. انا عايزه امشي..
جاكي: لا ياروحي تمشي فين.. دا كابوس بس.. شغلي قران ونامي..
ندى: ايوا ياشهد.. مفيش حاجه ياحبيبتي.. خلعتي قلبي عليكي.. مش كدا ياجي!
جاكي: ااه طبعا.. خوفتينا عليكي..
جاك بصلنا احنا الاتنين بطريقه غريبه..
ـ خلاص تعالي نامي معايا لحد الصبح...
خدتها وطلعت وكلهم طلعوا اوضهم وانا وندى لسه داخلين الاوضه لقينا جاك مسكنا من قفانا...
جاك: جاكي..
جاكي: ياعيون جاكي..
جاك: لما صحيت ملقتكيش ليه!
جاكي: ماهو انا نزلت اجري ع الصوت.. مش كدا ياندى!
ندى: ايوا.. نزلت تجري ع الصوت..
جاك: اممم.. واي اللي ف وشك دا!
جاكي: اي..
حط ايده ع وشي ومسح وطلع ميكب ف ايده..
جاك: اي الاسود دا!
جاكي؛ دا اكيد مكان الميكب يعني..
جاك: ميكب اي اللي هتحطيه ف نص الليل!
ندى: طب انا هروح انام..
جاك: اقفي مكانك... ياولاد المجانين.. هي لمة الصحاب بتعمل اكتر من كدا..
جاكي ببراءه: واحنا عملنا اي بس!
جاك: ياشيخه!!.. وانا اقول مش عايزه تنام ليه.. اتاريكي مخططه انتي والبت دي..
ندى: هو انا اعرفك يابنتي!
جاكي: ولا عمري شوفتك..
جاك: جاكي.. اتلمي شويه انتي وهي.. افرضي كانت ماتت فيها..
جاكي: ماتموت.. وانا مالي..
جاك: يعني انتوا اللي عملتوا كدا!
جاكي: ايون..
راحت ندى ضربتني ف كتفي..
جاكي: لا.. ايون لا.. اختار انت..
جاك: اتفضلي ادخلي اوضتك.. وانتي قدامي ع فوق..
جاكي: بت اندي.. خدي ابت..
جاك: ع فوق قولت..
مسكني من الهدوم وطلعني فوق..
جاكي: مش كداا.. مش اسلوب دا طاااه.. يجدع صل ع النبي.. في حد يمسك مراته كدا!
جاك: بس يابت... انتي اي.. مش بتتهدي!.. انتي صغيره عشان تعملي كدا!!
جاكي: وانا مالي.. مش هي اللي بتنكش معايا!
جاك: تروحي تعمليلها عفريت ف نص الليل!
جاكي: وف كل الاوقات وحياتك.. وبعدين اللي هيفكر ياخدك مني همحيه..
جاك: هيييح.. جاكي.. بلاش تعملي مشاكل..
جاكي: نعع.. مش هعمل مشاكل.. هلعب ع خفيف كدا..
جاك: طب يلا ننام ياختي.. يلا يابلوة حياتي..
جاكي: يلا ياقمري..
الكل نام ف امان الله.......
ـــــــــــــــــــــــــــــــــــــــــــــــــــــــــــــــ
صحيت تاني يوم ملقتش جاك جنبي..
قومت لقيته ف البلكونه بيشرب قهوه..
جاكي: يادي القهوه..
جاك: طب صباح الخير الاول..
جاكي: صباح الفل يفل انت..
جاك: يارايق...
جاكي: من ناحية رايق فانا رايق فعلا.. هو حد يصحى ع وش القمر دا وميبقاش رايق!
جاك: طب حيث كدا بقاا انا عايز البوسه بتاعتي..
جاكي: اي دا.. لا انا مش رايق خالص.. يانهااار.. دانا كان ورايا حاجات لاز...
لسه همشي راح شدني..
جاك: مش عايز استهبال..
جاكي: يابني عايز اي ع الصبح كدا..
جاك: عايز البوسه بتاعتي..
جاكي: مبتشبعش!
جاك: تؤتؤ..
جاكي: امووواه.. باي..
بوسته وسيبته ودخلت الحمام اتوضيت وطلعت صليت وبعدين نزلنا...
جاكي: صباح الخير..
ندى: صباح النور..
جاكي: اي اخبارك يازميلي... واحشني..
ندى: وانت اكتر والله يابروو...
فيروز: في اي انتي وهي!.. مانتوا كنتوا مع بعض امبارح..
جاكي: بتوحشني وهي معايا.. هاتي بوسه يابت..
ندى: امووواه..
جاك: لا هما ميقدروش يستغنوا عن بعض.. دول عصابه..
الكل اتجمع وفطرنا وكل واحد راح شاف حاله..
ندى: انا همشي بقاا ياجي..
جاكي: لا استني.. خليكي شويه.. لسه اللعبه مخلصتش..
ندى: مينفعش افضل هنا كدا..
جاكي: ملكيش دعوه.. انتي قاعده معايا..
ـ شهد بقاا هي اللي هتعملكوا الغدا النهارده... بما ان جاك هيمشي..
فيروز: وليه نتعبها.. ماحنا موجودين كلنا اهو..
ـ لا هي اصلا اكلها حلو.. وبعدين ماهي قاعده اهي مبتعملش حاجه..
عمو احمد: طب ورينا شطارتك بقا..
جاك: هي بتعرف تعمل اكل!
شهد: هعملك اكل النهارده وهتشوف بنفسك..
بصلي لقاني بصاله وحاطه ايدي ف وسطي..
محمد: طب تعالى ياجاك بره عايزك..
طلعوا قعدوا بره وانا وندى بصينا لبعض وجتلنا نفس الفكره...
ندى: تعالي فرجينا ع شهر العسل..
خدتها وطلعنا الاوضه وقعدنا نتفرج...
ندى: فهمت انا دلوقتي انتي ليه عايزه تنفخي البت دي..
جاكي: بالظبط كدا..
ندى: معاك يازميلي..
قعدنا شويه وبعدين نزلنا لقيناها ف المطبخ مع عطيات..
جاكي: تحبي اساعدك ف حاجه ياشوشو!
ندى: ااه لو عايزه مساعدة احنا موجودين اهو..
شهد: لا شكرا.. بعرف اعمل لوحدي..
جاكي: اوكي.. انا هعمل عصير ياندوش.. تحبي اعملك معايا!
ندوش: ياريت.. صحيح ياشهد.. مامتك كانت بتسأل عليكي..
شهد: طيب..
سابتنا وطلعت واحنا اشتغلنا بقاا..
دخلت كملت واحنا طلعنا...
طلعنا قعدنا مع جاك ومحمد بره..
محمد: ندى.. فهموني اي اللي حصل امبارح بقاا..
جاك: متآمنش لأي اتنين صحاب.. وخاصة البنات..
جاكي: ليه ان شاء الله..
جاك: اللي حصل امبارح اكبر دليل ع انكوا عصابه..
ندى: احنا مبنحطش حد ف دماغنا الا لما يكون يستاهل..
محمد: وهي البت دي عملت اي عشان كل دا!
جاكي: هي عارفه هي عملت اي.. وانت ياحلو.. بقا عايز تعرف اكلها حلو ولا لا!
جاك: ياست مكنش سؤال دا..
جاكي: لا متسألش.. تسأل لي..
جاك: حاضر.. مش هسأل تاني.. المهم خليكي معاهم متطلعيش هنا ولا هنا.. ومتروحيش حته لوحدك.. وبطلي جنان شويه..
جاكي: هيييح... قول يارب..
جاك: بتكلم جد.. ندى.. بلاش جنان والنبي..
ندى: وانا مالي يالمبي... انت مش قادر عليها جاي تتشطر عليا انا!
جاك: والله انتوا الاتنين مايقدر عليكوا الا ربنا...
محمد: حصل.. وانا شاهد.. يعم دي وقعت قلبي امبارح.. وعاملين شغل عفاريت وحاجه كدا زفت..
جاكي: وانت زعلان لي ياكتكوت... هي تهمك!
ندى: مين دي اللي تهمه!
محمد: ياجاك بيه قول لمراتك تسكت.. هتوديني ف داهيه وانا لسه مدخلتش ع حاجه..
جاك: انا مالي يعم.. صحيح هي النتيجه بتاعتكوا مش ناويه تظهر ولا اي..
محمد: هتظهر بعد ايام يبروو..
جاك: طب ابقوا عرفوني عملتوا اي..
جاكي: يعني مش هتبقى معايا وانا بجيبها!!!... غيرت رأيي مفيش سفر..
جاك: هبقى معاكي ان شاء الله... هحاول اخلص بسرعه..
ندى بهمس: مش عايزاه يسافر لي.. اسكتي خلينا نعرف نصيع شويه..
جاكي بهمس: عندك حق... بس محمد هيفضل موجود..
ندى: متقلقيش انا هتصرف معاه..
جاكي: اشطا..
بصينا لقينا الاتنين باصين علينا..
جاكي: احم..اي
جاك: حاسس انكوا مش هتجيبوها لبر والله..
جاكي: لا متحسش ياقمر..
ـــــــــــــــــــــــــــــــــــــــــــــــــــــــــــــــ
فيروز: مخلصتيش ياشهد!
شهد: قربت اهو يافيزو..
فيروز: طب عشان عمك وراه شغل..
شهد: لا انا بشطب اهو..
سلمى: طب اوعي خليني اساعدك... قوليلي صحيح.. كنتي فين امبارح..
شهد: كنت هنا..
سلمى: لا انا حاسه ان في حاجه... هي جاكي عملتلك حاجه!
شهد: لا.. هتعملي اي يعني..
ـــــــــــــــــــــــــــــــــــــــــــــــــــــــــــــــ
قعدنا شويه نرغي بره لحد ماخلصت الاكل وبعدين اتجمعنا ودخلنا..
عمو احمد: ندوق اكلك بقاا ياست شهد..
فيروز: الاكل شكله يفتح النفس..
ـ لا هي شهد اكلها حلو قوي.. شاطره قوي ف شغل البيت..
محمد: طب يلا كلوا..
بصينا لبعض انا وندى وابتسمنا بخبث...
بدأنا ناكل وانا مركزه ع رد فعل كل واحد...
عمو احمد كان بياكل بالعافيه وبان ع وشه انه عايز يرجع...
كنا كاتمين الضحك والكل ساكت...
نور: اي دا.. هو دا اكل!
شهد: في اي..
هند: شكلك حطيتي سكر بدل الملح.. وفي اطباق فيها الملح كتير قوي..
شهد: والله عامله كل حاجه مظبوط..
جاكي: عادي ياجماعه يعني كلنا بنغلط..
ندى: مايه... عايزه مايه بسرعه..
محمد: في اي..
ندى: شطه.. الاكل كله شطه.. اي دااا..
محمد: طب خدي اشربي..
عمو احمد: انا ماشي ع الشغل يافيروز..
فيروز: طب استنى اعملك حاجه تاني تاكلها..
عمو احمد: لا هاكل ف الشغل.. سلام..
شهد: طب اعمل اكل غيره!
جاكي: تاني!.. لا خلاص كفايه كدا... انا هدخل انا وندى نعمل اكل سريع عشان جاك ميتأخرش.. وبعدين مكنش في داعي تقولي بعرف.. طلاما مبتعرفيش تعملي مكنتيش ضيعتي وقت وخلاص..
ـ ازاي بوظتي الاكل كدا ياشهد!.. مانتي ع طول بتعمليه حلو!
شهد: والله الاكل كان مظبوط... معرفش اي اللي حصل..
جاك: خلاص ياجماعه حصل خير..
جاكي: معلش ياروحي.. هدخل اعملك اكل ع طول.. يلا ياندوش..
جاك بهمس: ربنا يعينك ع دماغك دي..
دخلنا المطبخ انا وندى وجهزنا الاكل بسرعه ومكملناش حاجه وخلصنا...
جاكي بدلع: يلا ياجوزي الاكل جاهز..
محمد: جوزي!!.. ااه فهمت اناا..
هند: يارب مايطلع في حاجه بايظه ف دا كمان..
جاكي: لا ياحبيبتي انا اكلي غير.. يلا..
قعدوا ياكلوا وجاك قاعد مبتسم..
جاكي: اي رايك ف اكلي ياروحي..
جاك: حلو طبعا.. كفايه انك انتي اللي عاملاه..
جاكي: الف هنا ياروحي..
فيروز: تسلم ايدك والله ياجي.. الاكل تحفهه زيك..
ندى: ومفيش اي تقدير للغلبانه اللي عملت معاها دي!
محمد: تسلم ايدك انتي كمان...
جاكي: اي روحي ايدك واجعاك!.. استنى اأكلك انا..
جاك بضحك: مش واجعاني..
جاكي بحده: واجعاك.. ريح نفسك وانا هأكلك ياجوزي..
ندى ومحمد قاعدين وباصين ف الطبق وبيضحكوا..
فيروز: ياختي بطلي تدلعيه.. بكرا يتعود ع كدا..
جاكي: يتعود.. ميتعودش ليه.. مش جوزي ابو عيالي..
وقتها مقدروش يكتموا اكتر راحوا ضحكوا بصوت..
جاكي: بتضحكوا ع اي.. هو انا بقول نكت!!.. ماهو جوزي ابو عيالي فعلا..
ـ شكلك بتحبيه..
جاكي: اكيد..
نور: ابسط ياعم.. حد يلاقي حد يدلعه كدا!
جاك: ياست اسكتي.. خليها كدا.. متنقيش فيها..
جاكي: كل ياروحي.. كل انت هفتان وخسيت.. ابقى فكرني ابخرك..
جاك بضحك: حاضر..
شهد: بالراحه عليه.. محدش بياكل كدا.
جاكي: ركزي ف اكلك ياروحي... انا عارفه جوزي بياكل ازاي..
فيروز: هترجع امتى ياجاك!
جاك: مش عارف.. منين ماهخلص هرجع.. سيبيني بقاا اطلع اغير عشان امشي..
جاكي: طب كمل اكل..
جاك: لا ياحبيبي تسلم ايدك... انا شبعت..
باس ايدي وطلع...
فيروز: ماتقومي تطلعي معاه احسن يعوز حاجه..
جاكي: اوكي..
طلعت وهما لسه قاعدين...
ـ وانتي ياحبيبتي فين مامتك!
ندى: امم.. هو انا مامتي متوفيه ياطنط..
ـ امم.. ربنا يرحمها..
ـــــــــــــــــــــــــــــــــــــــــــــــــــــــــــــــ
جاكي: انت روحت فين!
جاك: تعالي انا هنا..
جاكي: اي دا انت ماشي ع كدا!
جاك: ااه للاسف..
جاكي: لا غيرت رأيي متمشيش..
جاك: لا مش عايز لعب عيال بقاا..
جاكي: لا يعم هو الموضوع قلب جد كدا ليه.. مش هتمشي وتسيبني..
جاك: معلش.. هرجع ع طول..
جاكي: مليش دعوه..
جاك: معلش ياروحي.. هكلمك ع طول...
روحت اتشعلقت ف رقبته..
جاكي: طب ماتاخدني معاك.. مش هتشاقى والله...
جاك: ياروح قلبي انتي مينفعش.. صدقيني لو ينفع كنت خدتك من غير ماتقولي...
حضنته باعتراض..
جاكي: لا بردو.. مليش دعوه.. خليك معايا..
جاك: طب هقولك حاجه... انا هروح وهرجع ع طول وطول مانا هناك هكلمك ع طول.. وهجيبلك العاب وحاجات حلوه... ولما ارجع هفسحك ع طول واخرجك كل يوم وهنسافر وهنعمل كل اللي انتي عايزاه..
جاكي: احلف!
جاك: وحياتك..
جاكي: هييييح... هتخوني هناك!
جاك بضحك: لا..
جاكي: ماشي..طب اروح معاك لحد الطياره..
جاك: لا بردو.. عشان انا هعدي ع الشركه وهمشي انا والتيم بتاعي.. مينفعش تيجي..
جاكي: اوووف... كل حاجه لا..
جاك: بطلي دلع بقاا.. اوعي عشان اتأخرت..
جاكي: طب بقولك اي.. ماتلغي الحوار دا وارقصلك..
جاك بضحك: اشمعنى دلوقتي هترقصي!..
جاكي: والله هرقصلك زي مانت عايز بس بلاش سفر..
جاك: طب بصي.. لما ارجع هترقصيلي..
جاكي: طب اغريك بأي انا دلوقتي!
جاك: وكان فين دا من زمان!.. جايه دلوقتي تقولي كدا!..
جاكي بدلع: اوكي.. انت الخسران.. باي..
جيت امشي راح شدني..
جاك: هو من ناحية خسران فانا خسران.. بس المضطر بقاا..
جاكي: خلي السفر ينفعك..
جاك: طب هاتي بوسه حتى..
جاكي: تؤتؤ.. سافر
جاك: طب ماهي بوسه واحده بس..
جاكي: لا..
جاك: مش بمزاجك..
راح قفل الباب بالمفتاح..
جاكي: هو بالعافيه!
جاك: ااه بالعافيه..
ـــــــــــــــــــــــــــــــــــــــــــــــــــــــــــــــ
الكل كان تحت وفجأه الباب خبط... عطيات راحت تفتح..
فيروز: مين ياعطيات!
عطيات: اتفضلوا..
دخلوا...
هند: مارك!!..
مارك: ? How are you, Hind
هند: !! I'm fine but what are you doing here
فيروز: بيقول اي يابت..
مارك: I came here with Maria and my Girl friend to spend some time
هند: ! Where is my uncle
مارك: Oh Hind .. We sit first and then talk
هند: ااه تعالوا..
فيروز: هو مش بيتكلم غير انجليزي!
هند: لا بيتكلم عادي بس مكسر يعني..
فيروز: وجاي يعمل اي هنا!
هند: بيقول جاي يقضي شوية وقت هنا...
ـــــــــــــــــــــــــــــــــــــــــــــــــــــــــــــــ
جاكي: يلا بقاا هتتأخر..
جاك: خلصت اهو.. يلا..
جاب الشنطه ولسه نازلين لقيناهم تحت..
جاك: مارك!!... ماريا!!.. انتوا بتعملوا اي هنا!
ماريا اول ماشافته طلعت تجري حضنته..
جاكي: هاي ياما... هو اي هبل وخلاص!
جاك: بس ياهبله دي اختي..
جاكي: ااه اختك.. طيب..
ماريا: مين دي جاك!
جاك: دي مراتي..
ماريا: ازيك..
جاكي: حلوه.. حلوه ياختي..
جاك: بتتكلمي كدا ليه.. اتكلمي عدل..
راح سلم ع مارك وقعدوا يرغوا..
جاكي: بت ياندى.. جم امتى دول!
ندى: لسه واصلين..
جاكي: طب دي اخته ودا اخوه.. مين التانيه دي!
ندى: كان بيقول انها حبيبته..
جاكي: هي كانت ناقصه..
جاك: طب انا همشي عشان اتاخرت.. خليكوا انتوا مع بعض بقاا...
تعالي ياجي عايزك...
طلعت معاه بره..
جاك: بصي.. دول اخواتي وهيقعدوا شويه هنا... ملكيش دعوه بيهم... بلاش شرشحه وحياة امك... هما حلوين وهتحبيهم... وملكيش دعوه بمارك... هو متعود ع الحياه ف امريكا ف خلي بالك يعني.. وانا هرجع ع طول..
جاكي: ماشي.. خلي بالك من نفسك..
باسني من خدي ومشي..
جاك: باي ياقمر..
مشي وانا دخلت معاهم...
ندى: طب انا همشي ياجي بقاا..
جاكي: يابنتي خليكي معايا..
ندى: مينفعش افضل هنا كدا.. وبعدين ابويا هينفخني.. ابقاا اجيلك تاني..
جاكي: طب روحي وابقي تعالي بالليل..
ندى: ماشي هقول لبابا واشوف...
مشت ومحمد راح يوصلها...
فيروز: طب هاتيهم ياهند يطلعوا اوضهم..
طلعوا اوضهم وفيروز نزلت...
جاكي: هما هيطولوا هنا!
فيروز: والله يابنتي معرفش..
نور: متقلقيش دول لطاف خالص...
جاكي: ماشي.. انا طالعه اوضتي..
سيبتهم وطلعت وكنت معديه من قدام الاوضه ولقيتهم...
يتبع..
لقراءة الفصل الثامن والسابعون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات