القائمة الرئيسية

الصفحات

رواية قلبي ليس بيدي الفصل الثامن والخمسون 58 بقلم حسناء مصطفي

  رواية قلبي ليس بيدي الفصل الثامن والخمسون 58 بقلم حسناء مصطفي

 رواية قلبي ليس بيدي الفصل الثامن والخمسون 58 بقلم حسناء مصطفي

 رواية قلبي ليس بيدي الفصل الثامن والخمسون 58 بقلم حسناء مصطفي

الكل استغرب...
جاك: ليه!
ماما: محدش هياخد بنتي.. لا انت ولا غيرك.. هي مش هتتجوز..
جاك: مش فاهم.. يعني اي مش هتتجوز..
ماما: هي هتعيش معايا وانا هعيش معاها.. ومش هسمح لحد ياخدها مني... انا مشبعتش منها.. دا غير اني مش هجوزها لحد يتحكم فيها ولا يمد ايده عليها..
وانت بينك وبين مامتك مشاكل.. ومن قبل الجواز عملت لبنتي عمل.. امال بعد الجواز هتعمل فيها اي.. لا انا مقدرش اضحي بيها تاني...
كنت واقفه مصدومه من كلامها لانها بتتكلم جد ومقتنعه باللي هي بتقوله..
جاك: انا بحبها.. واكيد مش هعمل اي حاجه من اللي قولتي عليهم دول..
ماما: انا مقدره يابني... بس حط نفسك مكاني.. انا خايفه عليها وهي لسه صغيره ومش فاهمه حاجه.. واللي انا وهي شوفناه مش قليل.. مش هخلي راجل يتحكم فيها ابدا... مش هخليها تعيش اللي انا عيشته..
فيروز: اي اللي بتقوليه دا يامنى.. انتي متعرفيش جاك بيحبها ازاي... وبعدين يعني اي.. هتقعديها جنبك من غير جواز!
ماما: ايوا.. هعوضها عن اللي شافته.. هي مش ناقصه وجع قلب.. انا متشكره جدا ع اللي عملتوه معاها ووقفتكوا جنبها... بس انا مش قادره اتخيل انها ممكن تتجوز... معلش يابني اعذرني..
جاك: تمام.. عن اذنكوا..
سابنا وطلع فوق...
فيروز: غلط يامنى كدا.. ماهي مسيرها هتتجوز يعني..
منى: لا.. مش هخليها تتجوز...
سيبتهم وطلعت فوق وماما طلعت ورايا..
ماما: مالك.. قالبه وشك ليه!
جاكي: مفيش ياماما...
ماما: انا عملت كدا عشان مصلحتك.. انتي لسه صغيره..
جاكي: ماما انا بحبه.. بحبه فوق ماتتخيلي.. وانتي مش متخيله هو عمل اي عشاني...
ماما: كلهم ف الاول بيبقوا كدا... يابنتي انا مش عايزاكي تعيشي اللي انا عيشته.. الرجاله كلهم زي بعض..
جاكي: جاك غير... جاك مش زي حد.. وبعدين مش معنى انك عيشتي تجربه وفشلت يبقى انا كمان هيحصلي كدا.... بالله ياماما وافقي.. والنبي ماتكسري بخاطري...
ماما: للدرجادي بتحبيه!
جاكي: صدقيني انتي هتحبيه واكتر مني كمان.. ارجوكي بقاا.. انا ماصدقت فرحت شويه...
سابتني وخرجت...
ـــــــــــــــــــــــــــــــــــــــــــــــــــــــــــــــ
فيروز: حرام والله دا... العيال ماصدقوا يفرحوا...
عمو احمد: هي حره يافيروز... دي بنتها... وبعدين صحيح.. من امتى وجاك بيحبها!
فيروز: بيحبها وقالها..
عمو احمد: هو قدر يحب بعد اسيل!
فيروز: خليه يطلع من اللي هو فيه شويه... دانا ماصدقته فِرح..
نور: حرام دا والله.. هما بيحبوا بعض.. هو لازم يعني يحصل حاجه تنكد عليهم!
عمو احمد: كل شئ نصيب...
ـــــــــــــــــــــــــــــــــــــــــــــــــــــــــــــــ
جاك كان قاعد ف اوضته لوحده والباب خبط.. طلع فتح لقاها منى...
منى: ينفع ادخل!
جاك: ااه طبعا.. اتفضلي...
منى: عايزه اتكلم معاك شويه..
جاك: سامعك..
منى: بص يابني.. انا مقدره انك بتحبها.. بس انا مليش غيرها... انا كنت بدعي ليل ونهار انها ترجع لحضني تاني... ومش متخيله اني اول ماهشوفها، حد هييجي ياخدها مني..
انا متعقده من صنف الرجاله كلهم... ومش قادره اتخيل انها ممكن تدخل ف علاقه فاشله..
جاك: حكمتي ازاي ان العلاقه هتبقى فاشله!!.. انتي معندكيش ادني فكره انا بحب جاكي ازاي..
ماما: انا بشرحلك سبب رفضي... انا ماصدقت ربنا بعتلي امل اعيش عشانه... هي دلوقتي بقت كل حياتي.. انا موافقه ياجاك.. موافقه اسلمك بنتي... بس صدقني مش هسمح لحد انه يإذيها... ولو عايزها بجد، يبقى تخليها بعيده عن اي ضرر..
جاك: متقلقيش.. جاكي ف عينيا..
ماما: ماشي.. انا هروح اقولها..
جاك: ماشي...
دخلت لقيتني قاعده زعلانه...
ماما: لسه قالبه وشك!
جاكي:.....
ماما: زعلانه مني عشانه!
جاكي: مش زعلانه منك ياماما..
ماما: ولو قولتلك اني موافقه!
جاكي بفرحه: احلفي..
ماما: وحياتك ياست.. اهو هياخدك مني ياختي..
طلعت اجري عليها حضنتها...
جاكي: انا بحبك قد الدنيا دي والله.. وبعدين ياخدني منك ازاي بس.. هو انا عمري هحب قدك!
ماما: ع اساس انك مش بتحبيه اكتر مني!
جاكي: مينفعش اقارن حد بيكي .. انتي اغلى حد عندي والله..
ماما: ماشي ياختي.. المهم.. جهزي نفسك عشان نرجع..
جاكي: نرجع فين!
ماما: هنرجع القاهره..
جاكي: وجامعتي!!... انا نقلت جامعتي هنا..
ماما: ماهو مش هينفع نفضل قاعدين عند الناس كدا.. وبعدين صحيح.. انتي ف جامعة اي!
جاكي: كنتي عايزاني ادخل اي!
ماما: انا كنت عايزه اشوفك دكتوره..
جاكي: واديني هبقاا دكتور قد الدنيا عشانك...
فجأه جتلي مسدج.. فتحت لقيته جاك..
جاك: تعالي بسرعه..
جاكي: طب ماما انا طالعه..
ماما: طالعه فين!
جاكي: رايحه لجاك..
ماما: رايحه تعملي اي لجاك..
جاكي: عايزني ياماما.. مش هأخر.. باي..
سيبتها وروحت... اول ما خبطت راح فتح بسرعه وشدني وقفل الباب..
جاكي: في اي..
وقف وحط ايده حواليا ع الحيطه..
جاك: وحشتيني..
جاكي: تصدق انك مهزء.. ياخي خضيتني..
جاك: وحشتيني..
جاكي: ياسلام... مانا كنت لسه معاك..
جاك: تؤ.. بتوحشيني وانتي معايا..
جاكي: طب انت شكلك رايق وانا لازم امشي عشان ماما شكلها مش مستلطفه الموضوع..
جاك: هي مالها عنيفه كدا ليه..
جاكي: بتخاف عليا..
جاك: مني!
جاكي: اهاا.. هي متعرفكش..
جاك: وانتي!
جاكي: انا اي..
جاك: بتخافي مني!
جاكي: تؤتؤ..
جاك: تؤتؤ!
جاكي: امم.. سيبني بقاا خليني امشي...
جاك: ماتمشي..
جاكي: شيل ايدك..
جاك: ايدي بعيد عنك..
جيت اميل عشان اخرج راح نزل ايده..
جاكي: ع فكره كدا استهبال..
جاك: خلاص روحي..
بعد وانا نزلت..
ملقتش حد تحت.. خدت الفون وطلعت قعدت ف الجنينه من ورا...
شغلت اغاني وقعدت سرحانه معاها...
ـ يارايق...
بصيت لقيتها فيروز..
جاكي: تعالي..
فيروز: لسه امك مصممه!
جاكي: لا.. وافقت..
فيروز: بجد!
جاكي: ااه.. مقدرتش تشوفني زعلانه..
فيروز: بتحبيه ياجاكي..
جاكي بضحك: عايزه اي يافيروز!
فيروز: لا والله بسال عادي.. بتحبيه!.. ولا بس قولتيله كدا عشان متزعليهوش..
جاكي: اي دا.. لا طبعا.. انا بحبه..
فيروز: يعني مقتنعه بيه!... يابنتي جاك مش سهل.. جاك طيب وحنين ومش هتلاقي احسن منه.. بس بردو الحلو مبيكملش.. عصبي فوق ماتتخيلي.. ولما بيتعصب مبيشوفش قدامه... مره اتعصب ع نور فتحلها دماغها..
غصب عنه.. هو مش بيبقى ف وعيه... وكمان مزاجي.. يعني شويه هيبقى حلو وشويه اعوذ بالله... يعني محتاج واحده تستحمله... فانتي فكري كويس ياجاكي.. دا جواز..
جاكي: عارفه.. وموافقه جدا.. عشان انا بحبه.. بحبه فوق ماتتخيلي..
فيروز: يعني اقول مبروك!
جاكي: قولي..
فيروز: طب مبروك ياختي.. يلا هدخل انام وانتي كملي مع ام كلثوم بتاعتك..
سابتني ودخلت وانا قعدت افكر ف كلامها..
فعلا جاك مش ع طول كويس... دا لما اتعصب عليا لما قولتله خد الخاتم، انا اترعبت... امال لو اتعصب بجد بقى!...
ـ احم..
بصيت لقيته جاك...
جاكي: نعم!
جاك: اي الوش دا..
جاكي: جاي ليه..
جاك: اي دا في اي.. اي اللي جاي ليه!.. امشي يعني!
جاكي: لا خليك.. بهزر...
جه قعد قدامي ع الكرسي...
جاك: بتعملي اي..
جاكي: ولا حاجه..
جاك: يعني مش بتفكري فيا!
جاكي: تؤتؤ..
جاك: ياشيخه!
جاكي: اهاا..
جاك: طب انا كنت جايب حاجه والواضح اني هرجعها تاني..
لقيته مطلع فراوله من ورا ضهره..
جاكي: لا ياسطا دانت حبيبي والله.. هات..
جاك: هات اي!
جاكي: هات الفراوله..
جاك: لا مش جايبها ليكي..
جاكي: بطل رخامه بقاا والنبي..
حطها قدامي وحط ايده ع خده..
جاك: اتفضلي ياست..
قربت منه وقعدت اكل..
جاكي: بتبصلي كدا ليه!
جاك: مستغرب..
جاكي:من اي!
جاك: فراوله بتاكل فراوله..
ضحكت وكملت اكل..
جاك: اغنيلك!
جاكي: اي الرضا دا.. ياريت..
جاك: اشطا.. احم..
بدأ يغني مع ام كلثوم...
جماعه هو صوته رايق، عشان كدا صوته بيخطف قلبي..
"الحب كله..
حبيته فيك..
الحب كله..
وزماااني كله..
انا عيشته ليك..
زماني كله..
ياحبيبي قول للدنيا معايا..
والكل قلبي بدقته حس..
يادنيا حِبي.. وحِبي.. وحِبي...
دا العمر هو.. العمر هووو.. الحب وبس..
جاكي: واسقيني واملى..
واسقيني تاني..
اسقيني تاني..
من الحب..
ااه منك..
من نور زماني..
اسقيني ياللي..
من يوم ماشوفتك..
حسيت كإني اتخلقت تاني..
اتخلقت تاني..
جاك: روح قلبي..
.ياحياة ايامي..
ايامي..
روح قلبي..
ياروح قلبي..
ياحبيبي..
ياملاك احلامي..
احلامي..
روح قلبي...
ياروح قلبي...
جاكي: دا الهوا العطشان..
عطشان..
عطشان ف قلبي بيندهك..
ياارق من النسمه..
واجمل من ملاك...
انت روحي وكل عمري..
ونور حياتي... ياحياتي..
ايه انا، بالنسبه لك...
جاك: حبييييبي...
دانا مخلوق..مخلوق عشانك..
يادوب عشانك..
عشانك انت..
جاكي: وقلبي..
قلبي عاش على لمس حنانك..
يادوب حنانك..
حنانك انت...
حلوه الايام حلوه..
حلوه الاحلام حلوه..
حلوه حياتي حلوه...
حلوه ياسلام حلوه..
بتمر قوام حلوه..
ويّا حياتي..
جاك: يازمان..
يازمان يازمان..
ياليالي طويله.. احلامها جميله..
وحالتي معاك..
يازمان.. يازمان يازمان..
ياليالي بتجري وتطوي اماني..
وتفوتها رمااد...
جاك: فيها اي..
فيها اي..
لو تنسى اتنين..
اتنين ف الحب..
دايبين.. عاشقين..
الاتنين: عايشين نقول للدنيا بحالها
والكل قلبي بدقته حس..
يادنيا..
حبي وحبي وحبي..
دا العمر هو..
العمر هووو..
الحب وبس...
ـ يارب صبرني ع المعاتيه دول..
بصينا لقيناها فيروز.. فضلنا نضحك..
فيروز: انا عايزه افهم بس.. اي الروقان اللي انتوا فيه دا... دا لو البيت ولع جوا مش هتحسوا...
جاك: عليا الطلاق انتي فصيله.. اي اللي جابك دلوقتي!
فيروز: الحق عليا جايبالكوا شاي عشان تروقوا اكتر..
جاكي: تسلم ايدك ياقمر..
فيروز: طب بقولكوا اي.. ماتاخدوني ف النص معاكوا كدا.. اكمن يعني انا وحدانيه وعمك مبيعملش حاجه غير الشغل... قعدوني معاكوا ومش هعمل صوت والله..
جاك: امشي يافيروز..
فيروز: بردو!
جاك: تقعدي معانا فين!.. هو احنا بنلعب!
فيروز: مانا عايزه اغني وانبسط معاكوا...
جاك: روحي قولي لعمي يغنيلك..
فيروز: مش بيرضى.. بيقولي احنا كبرنا..
جاك: لا روحي بس واتدلعي عليه شويه وهو هيغنيلك.. امشي بقااا...
فيروز: ماشيه.. ماشيه جاتك مشش ف ركبك..
جاكي: بعد الشر..
فيروز بقرف: ياختي... جاتكوا وكسه..
سابتنا ودخلت واحنا قاعدين نضحك..
جاكي: جميله قوي فيروز..
جاك بشرود: مفيش اجمل منك..
جاكي بضحك: ياسطا بس بقاا..
جاك: ع فكره انا.. مش من النوع اللي بيعرف يغازل..
جاكي: نعم ياخويا!!.. امال اي دا!
جاك: بيطلع لوحده والله.. مش معقول حد يبص ف عنيكي وميقولش كلام حلو... صحيح.. انتي حبتيني امتى!
جاكي: ازاي!
جاك: يعني امتى قولتي خلاص.. انا بحبه.. اتأكدتي امتى..
جاكي: من اول ماشوفتك..
جاك: دا بجد!
جاكي: اهمم.. معرفش اي اللي حصل لما شوفتك وقتها.. بس اللي حسيته وقتها محسيتوش قبل كدا..
جاك: نفسك ف اي دلوقتي!
جاكي: ولا حاجه..
جاك: ولا حاجه!
جاكي: امم.. ماما معايا.. وانت معايا.. هعوز اي تاني..
ابتسم وباس ايدي..
جاك: تدري اني بحبك جدا..
جاكي: ادري ياقمر..
جاك: امال كنتي ليه لازقه لمحمد ف الاول..
جاكي: محمد غالي عندي قووي.. اكتر من اخويا حقيقي... عشان كدا كنا مع بعض ع طول...
جاك: تعالي نلعب..
جاكي: اشطا..
جاك: امم.. بصي هسألك اسئله وتردي عليا بصراحه.. وانتي كذلك الامر..
جاكي: اشطا.. ابدأ...
جاك: بصي هجيب اسئله من ع الفون وكل واحد وحظه وانتي طلعي فونك..
جاكي: ماشي..
جاك: يلا.. اكتر حاجه غاليه عليكي ف الدنيا..
جاكي: امم.. هما اتنين... امي وانت..
جاك: ماشي... يلا..
جاكي: لونك المفضل!..
جاك: اسود.. اي اكتر حاجه ممكن تحبيها ف اللي قدامك..
جاكي: حنيته..
جاك: يارايق..
جاكي: تحب تخلف ولد ولا بنت!
جاك: بنت..
جاكي: اشمعنى!
جاك: عشان تبقى شبهك....
جاكي بابتسامة: امم.. ماشي..
جاك: اكله مفضله!
جاكي: فراخ.. اغنيه بتحبها!
جاك: اممم.. بصي هي مش حاجه معينه.. بس ممكن اغنية انا لك على طول..
جاكي: الله... طب ماتخليك چان كدا وتغنيها..
جاك: ع فكره مبحبش اغني.. وعمري ماغنيت قدام حد... وانتي طلباتك كترت..
جاكي: ايوا خليك كدا.. غنيلي انا بس.. يلا بقاا اخر طلب.. مش هطلب تاني..
حط ايده ع خده واتنهد...
جاك: انا لك على طوول خليك ليا..
خُد عين مني وطُل عليا..
وخُد الاتنين واسال فيااا..
من اول يوووم..
راح مني النوم...
ابعتلي سلام..
قول اي كلام..
من قلبك او من ورا قلبك..
مش يبقى حرام..
اسهر وتنام..
وتسيبني اآسي نار حُبك..
انا لك على طول خليك ليا..
خد عين مني وطل عليا..
وخد الاتنين..
واسال فيا..
النيل والليل والشوق والميل...
بعتولي وجيت اسال عنك..
اشتقت اليك..
وحشتني عينيك..
مش عارف اهرب فييين.. منك..
انا لك.. على طول.. خليك ليا..
خد عين مني.. وطل عليا..
جاكي: برااافووو... صوتك عظمه ياسطا..
جاك: يلا دوري.. اي اكتر حاجه بتحبيها ف الشخص اللي بتحبيه!
جاكي: شعره..
قعد يلعب ف شعره..
جاك: امم.. كنت ناوي احلقه بس تمام..
جاكي: معلش.. وماله... يلا دوري.. امم.. نفس السؤال..
جاك: امم.. اكتر حاجه بحبها فيكي... بصي هما حاجتين.. عينيكي.. عشان دي مفيش خلاف عليها.. وحاجه تاني...
جاكي: اي هي!
جاك: لا مش اقول..
جاكي بضحك: متخلنيش ابدأ اقلق منك.. اي اللي ف دماغك!..
جاك بضحك: مش حاجه عيب والله..
جاكي: خلاص قول.. عندي فضول والله..
جاك: امم.. شعرك..
جاكي: نعم!.. شعري ازاي وانا محجبه!
جاك: شعرك ظهر قدامي اكتر من مره.. لما اغمى عليكي فوق.. ولما كنتي مخطوفه ولما طلعتي تفتحيلي وانتي نعسانه... شعرك طويل وانا بحب الشعر الطويل...
جاكي: امم. هقصه..
جاك: والمصحف انفخك..
جاكي: وانت مالك دا شعري..
جاك: تمام وانا هحلق..
جاكي: لا خلاص.. نحترم نفسنا..
جاك: ايوا كدا... يلا.. اي الحاجه اللي ممكن تكرهك ف حد بتحبيه..
جاكي: الكدب... امم.. اكتر حاجه مش ممكن تسامح فيها!
جاك: الخيانه... مشروب مفضل..
جاكي: شاي.. وانت!
جاك: قهوه..
جاكي: هخليك تبطلها قريب..
جاك: اشمعني!
جاكي: عشان انا مبحبهاش..
جاك: وانتي مالك بيا..
جاكي: لا مينفعش تحب حاجه انا مبحبهاش..
جاك: طب مش يمكن انا اللي اخليكي تحبيها..
جاكي: نووو.. مستحيل..
جاك: طب يلا.. طياره ولا سفاري..
جاكي: لا انا نفسي اركب طياره..
جاك: اشطا.. هركبك احلى طياره..
جاكي: مكان بتحبه!
جاك: عينيكي..
جاكي بابتسامة: امم.. طب جاوب بصراحه وبطل غزل..
جاك: مش غزل والله.. دي حقيقه.. عينيكي اكتر مكان بحبه.. عارفه!.
لما ببص ف عنيكي كدا، بحس بدفا.. ببقى مرتاح نفسيا وانا باصص لعنيكي..
جاكي بكسوف: احم.. طب يلا اسال..
جاك: بحبك...
جاكي بكسوف: دورك..
جاك: بحبك قد الدنيا..
جاكي: دورك..
جاك: بحبك...
جاكي: خلاص هسأل انا... نفسك تعمل اي دلوقتي حالا!
جاك: اصوت واقول اني بحبك...
جاكي: ياسطا اخلص بقا... اتكلم بجد
جاك: بتكلم بجد.. نفسي اقول للدنيا ان انا بحبك.. وكمان نفسي ف حاجه كمان..
جاكي: اي هي..
جاك: تبقي مراتي دلوقتي حالا..
جاكي: مش قولتلك افكارك منحرفه!.. انا عارفه ان....
جاك: عشان انام ف حضنك...
بصيتله وتنحت كدا..
جاك: عشان.. حقيقي محتاج انام ف حضن حد قووي.. مش حد.. حضنك انتي بس... عارف اني هنام مرتاح وقتها... حقيقي محتاج دا قوي..
جاكي: منمتش ف حضن مامتك ولا مره!
جاك: تؤ... كانت شايفه ان دا دلع... هو بس اللي كان بينام ف حضنها..
جاكي: هو مين!
جاك: هاا.. لا مفيش.. اطلعي نامي عشان جامعتك..
حسيته متضايق وعينيه بتلمع من الدموع...
جاكي: جاك..
جاك: امم..
كان بيكلمني وهو باصص ف الارض..
جاكي: بُصلي... جاك بصلي..
رفعت وشه بإيدي ووقتها دموعه نزلت..
جاكي: لي كدا!
جاك: معلش.. هي خنقه بتيجي لوحدها كدا..
جاكي: عارف سببها اي..
جاك:....
جاكي: الكتمان... انت بتكتم جواك.. ودا اللي بيخليك تحس بكدا..
جاك: مينفعش اتكلم...
جاكي: ليه ياحبيبي..
بصلي وابتسم..
جاك: اول مره تقوليلي كدا..
جاكي بابتسامة: واقولك كدا ع طول لو عايز..
جاك: جاكي..
جاكي: عيون جاكي..
جاك: هتفضلي معايا!
جاكي: اكيد..
جاك: يعني مش هييجي يوم وتسيبيني!
جاكي: اسيبك واروح فين..
جاك: بصي.. انا كنت ناوي اتكلم معاكي ف الموضوع دا بس مش دلوقتي.. بس بما انك فتحيه تمام..
بصي انا مش طبيعي.. يعني مش زي مانتي شايفه كدا.. انا كدا دلوقتي عشان مبسوط ومعاكي... وانتي مشوفتيش مني غير الحلو... متمناش ان ييجي يوم وتشوفي الوحش...
جاكي: انا بحبك في كل حالاتك..
جاك: لا... انا ببقا وحش قوي... مزاجي بيتقلب ع طول.. عصبيتي غبيه... هتلاقيني اوقات كتير مش واعي... ومبفوقش غير بعد وقت ووقتها استوعب اللي عملته... عشان كدا ع طول قاعد لوحدي...
مره اتعصبت ع اسيل لدرجة اني حدفتها بالسكينه...
اتخضيت من اللي قاله... سكينه!!.. واسيل!!..
جاك: عارف ان كلامي صعب يمكن... بس هي مزعلتش مني.. وقالتلي انها عارفه اني مكنتش ف وعيي..
بس دا ميمنعش ان دا غلط....
هتتعبي كتير معايا.. عشان كدا حبيت اقولك..
جاكي: كل دا بيحصلك من اللي انت عامله ف نفسك..
جسمك اللي مليان علامات دا... ولا الاوضه اللي انت كاتب فيها بالدم هنا دي... ولا تفكيرك ف الماضي.. كل دا بيأثر عليك.. لازم تطلع من الحاله دي..
جاك: مينفعش... جاكي انا كدا.. لو حابه تكملي معايا تمام.. لو مش حابه مقدرش الومك...
جاكي: وان قولتلك اني موافقه وهفضل معاك وبحبك وعايزاك تفتحلي قلبك...
جاك: ممكن احكيلك...بس مش دلوقتي..
جاكي: امال امتى!
جاك: بعدين.. انا تعبان وعايز اطلع.. يلا لو سمحتي عشان نعست..
مرضتش اضغت عليه اكتر من كدا وطلعت معاه... كان الكل نايم... دخل اوضته وقفل ع نفسه.. وانا دخلت اوضتي...حاولت انام بس معرفتش...
فضلت بتقلب بس حاسه ان قلبي واجعني.. وفي حاجه...
فضلت كدا وقت طويل...
وفجأه سمعت صوت حاجه اتكسرت جامد...
فتحت الباب وطلعت.. ولسه في اصوات تكسير.. قربت لقيتها طالعه من اوضة جاك...
جاكي: جاك.. جاك..
خبطت ع الباب بس محدش رد..
فتحت الباب ودخلت...
لقيته قاعد ع السرير وحاضن نفسه وبينهج والاوضه كلها متكسره..
روحت قعدت جنبه..
جاكي: جاك... جاك في اي..
بصلي شويه بطريقه غريبه وبعدين حضني وعيط...
كلمني وهو صوته مليان خوف
جاك: خليكي معايا.. متمشيش
جاكي: جاك متقلقنيش في اي..
جاكي: جاك في اي.. انادي حد طيب!
جاك: لا.. لا اوعي تعملي كدا...
بصيت لقيت في دم ع السرير.. بعدته عني ولقيت ايده كلها دم...
جاكي: اي اللي ف ايدك دا!!
زي ما يكون مكنش سامعني اصلا...
روحت جبت شاش ولفيتله ايده...
فضل حاضني وبيترعش وخايف..
جاكي: طب قولي مالك..
جاك: دبحوهم..
جاكي: اي.. انت بتقول اي ومين اللي دبحوهم..
جاك: مصطفى..
جاكي: مصطفى مين!..جاك في اي!..
بعد عني ومسك ايدي وهو بيترعش..
جاك: هيسامحني صح!
جاكي: هو مين!
جاك: محمد..
جاكي بخوف: هيسامحك ع اي!.. جاك اهدى وفهمني في اي..
جاك: انا خايف... تفتكري لو كنت روحت بدري كنت هلحقه!
كان بيتكلم بطريقه غريبه ومش واعي اصلا...
جاكي: تلحق مين!
جاك: مصطفي وجميله...
جاك: مصطفى اخو محمد.. دبحوه قدامي.. و.. وكمان دبحوا مامته... انا معرفتش اعمل حاجه...
كنت حاطه ايدي ع بوقي من الصدمه ودموعي بتنزل..
جاك بعياط: حاولت.. حاولت والله... بس معرفتش...
جاكي بعياط: فهمني.. مين دول..
جاك: دول ناس بيكرهوني.. كانوا عايزين ينتقموا مني... معرفوش يوصلوا غير لمصطفى وجميله... ورنوا عليا وانا.. انا روحت ع طول... بس.. كانوا كتار.. معرفتش اعمل حاجه... دبحوهم قدامي وانا عاجز...
جاكي: امال ازاي قالوا عملوا حادثه!
جاك: لا.. معملوش حادثه... احنا قولنا كدا عشان محمد.. انا كدبت عليه... عمره ماهيسامحني
من الصدمه مكنتش عارفه اتكلم.. يعني محمد اخوه وامه مقتولين وهو مفكر انهم عملوا حادثه!!!
جاكي: جاك اهدى... كل دا عدى..
جاك بتعب: معداش... مفيش حاجه عدت.. انا هروح اقوله..
جاكي: لا.. لا اوعى تعمل كدا... هتبوظ الدنيا والله..
فضل كدا شويه لحد مانعس وهو لسه ف حضني..
جيت اسيبه واقوم بس كان متبت فيا جامد...
طب انا هعمل اي دلوقتي.. مينفعش افضل هنا..
معرفتش ابعده عني...كان خايف وجسمه كله بيترعش..
فضلت قاعده اقرأله قران لحد مانعست انا كمان...
ـــــــــــــــــــــــــــــــــــــــــــــــــــــــــــــــ
صحيت تاني يوم لقيت نفسي لسه مكاني وهو لسه نايم..بعدت عنه بسرعه وطلعت روحت اوضتي.
دخلت اوضتي وفجأه لقيت ماما قاعده ع السرير ومتربعه وباصالي...
جاكي: حرام عليكي ياماما خضتيني.. قاعده كدا ليه!
ماما بحده: كنتي فين!
جاكي: كنت هنا..
ماما: ايوا هنا فين!
جاكي: احم.. كنت عند جاك..
بعدها محستش بحاجه غير قلم نزل ع وشي...
يتبع..
لقراءة الفصل التاسع والخمسون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات