القائمة الرئيسية

الصفحات

رواية أحببتها صعيدية الفصل الرابع والثلاثون 34 نور الدين جلال

 رواية أحببتها صعيدية الفصل الرابع والثلاثون 34 نور الدين جلال

رواية أحببتها صعيدية الفصل الرابع والثلاثون 34 نور الدين جلال

رواية أحببتها صعيدية الفصل الرابع والثلاثون 34 نور الدين جلال

لهام بقت بتزحف علي الأرض واخدت التليفون واتصلت بعصام وهي بتصرخ وبتقولوا الحجني. هيموتوني
علي ما عصام لبس هدومة ونزل جري وحسين سألة في ايه قالوا مش وجتة تعالا معايا بسرعة نازلين البلد اختك شكلها بتموت
طول الطريق عصام وحسين عمالين يتصلوا ب الهام لكن تليفونها اتقفل عرفوا ان الهام راحت المستشفي وحالتها خطيرة
وهناك عرفوا من الدكتور ان الهام كانت حامل في شهرها الأول ومكانتش تعرف ونتيجة الضرب علي بطنها وضهرها الجنين مات وهي في العمليات بيشيلو ليها الرحم
عصام عرف ان الحاجة صباح هي اللي ورا الموضوع **
العمدة مشي وخاف ل عصام يروح يعمل في الحاجة صباح حاجة **

عصام قاعد ف المستشفي بيفكر ف الهام و وجودها ف بيت العمدة وانة كان مجبر يخليها قاعدة معاهم علشان الناس متعيبش عليهم *

***** فلاش بااااااااااااااااااااك.***

** الهام قاعدة ف اوضتها لما كانت غضبانة من جلال**
عصام :: ينفع اتحدت معاكي شوية يا الهام.؟
الهام :: اتفضل يا اخويا دة انتا تنور.
عصام :: مالك بجا يا الهام العمدة جال ان چوزك اتعالچ وبجا زين ايي اللي مخليكي مريداش ترچعي وبثراحة وجسما بالله ما في حرف هتجولية هيطلع ل ابويا الحاچ نعمان.
** الهام حكت ل عصام علي كل حاجة سمعتها ف بيت العمدة بين جلال والعمدة وانها قبل كدة سمعتهم بيتكلمو عن كرم وانة شغال معاهم بردو **
عصام :: بصي يا الهام انتي عارفة العداوة اللي بينا وبين كرم واللي بيحصلنا بسببة ومش بعيد يكون العمدة مصيلحي معاة ف اللي بيعملة فينا طالما شركاء،ف الشغل العفش دي ف اني رائي انك ترچعي وتنجليلي الاخبار اول باول.وتاكلي عجل چوزك وتخلية زي الخاتم ف صباعك ويجولك علي كل اسرارة وشغلة العفش دي.
الهام :: انا مطيجهوش يا اخويا بس اللي تشوفة وتجول علية سيف علي رجبتي.
عصام :: لااه انا مهغصبكيش لو مش رايدة بلاش يا ختي وخليكي جاعدة عني معززة مكرمة ف دار ابوكي.
الهام :: لااه يا عصام اني هعمل كدي وربنا،يجدرني واخلص الناس مش شر العمدة وچلال ولدة .
عصام :: خلاص يا اختي،ابوكي هيچي يتحدت معاكي عشان ترچعي ل چلال وانتي وافجية وجوليلة اللي تشوفة.

**** باااااااااااااااااااااااااااااك *********

*** عصام فاق من ذكرياتة علي صوت الدكتور بيقولهم البقاء لله اختكم اتوفت ***

الساعة اربعة الفجر كان بيت العمدة مولع
ووصل الخبر لعصام الساعة 7 الصبح وعرف ان كل اللي فيه ماتوا محروقين العمدة وسعاد وصباح وجلال
حسين لما عرف الخبر فكر ان مفيش حد ورا العملة دي غير عصام اخوه
تاني يوم عصام وحسين اخدوا اختهم من المشرحة بتاعة المستشفي وراحوا دفنوها
وبالليل عملوا العزا في البلد .. كل ده واللي في مصر مش عارفين حاجة

مرت الأيام والكل حزين علي الهام اللي ماتت ابشع موتة ومش عارفين ليه صباح عملت كدة والكل كان فاكر انها اتجننت علي ابنها وفاكرين صباح عملت كدة علشان خاطر انهم فاكرين ان الهام كان قدمها قدم فقر علي جوزها

............
المعلم دهشان :: الو ايوة ياعصام انت فين
عصام :: انا في مصر يا دهشان
دهشان :: هتيچي البلد ميتا ؟
عصام :: خير في حاچة جدت؟
دهشان :: لااه مفيش بس لازم تيجي تحضر الحفر عشان الرجالة مايفكروش اني لحالي وانت شريكي بعد العمدة
عصام :: ماشي يا دهشان وانا كلاتها بس كام يوم وهنزل البلد
.................
مرت الأيام وعصام سافر البلد علشان يشوف اخر اخبار الحفر ويشوف دهشان وصل لفين في البيت
عصام :: ايه الأخبار يا رچالة
واحد من الرجالة :: خلاص كلاتها كام اسبوع وهنوصل للسرداب
عصام :: سرداب؟
الراجل :: ايوة يامعلم عصام. تحت فيه سرداب كبير ومش بعيد هنلاجي اللي عمرنا ما كنا نحلم بيه
عصام :: عالبركة .. امال المعلم دهشان فين
الراجل :: المعلم وصل مشوار وراجع

عصام خرج وعمل مكالمة وبلغ حد بكلام عمال الحفر وان خلاص يمكن كام اسبوع
والمراد يتم...*****

********************
......................... ارض السلطان ...................

رحيل :: هو ينفع تحكيلنا حكايتها لو ينفع يا عمة؟
العمة هند :: هحكيكلك يا بتي بس دي حكاية جديمة جووي حوصلت جبل ما اني اتولد حتي.
تعرفي شمايل دي كان بيسموها اية.
رحيل و فريدة :::: اية يا عمة ؟؟
العمة :: النداهة اللي، بتخطف الرچالة وتغرجهم ف الترعة.
زمااان جوووي من سنين طويلة ف بلد تانية جبل ماني اتولد عاشت شمايل ومعاها بناتها التنين بعد چوزها ما مات والبنتة صغيرين ف كانت بشتغل ف اراضي بية كبير بتچني المحاصيل مع الانفار عشان تصرف علي بناتها وبناتها كانو يچبولها لجمة ساعة الضهرية تسند بيها روحها وف يوم رچعت لجيت بناتها غرجانين ف دمهم و *************

************************
في البداية أريد منك أن تجلس منفرداً في هدوء تام بعيداً عن الضوضاء، لا تجعل شيئاً يشتت انتباهك وتركيزك؛ لأني سآخذك في رحلة إلى عالم لم تعرفه من قبل، رحلة ستجعلك منبهراً بكل ما تراه فيها، سأخبرك أشياءً لن يخبرك عنها أحد شيئاً، وأقول لك أسراراً ما كان ينبغي على من مثلك أن يعرفها، ولكن قد آن الآون أن تعرفها الآن ..

دعني أخبرك أمراً هاماً، أنا لن أستخف بعقلك أبداً؛ لأنني أعرف أنك ذكياً، تستطيع أن تميز بعقلك الجبار بين الأشياء التي تستحق والأشياء التافهة، لقد خُلِقتَ بعقل ناقد واعٍ، يستطيع نقد كل شيء وتوجيهه إلى الصواب، لذلك أنت تقرأ هذه القصة التي لم تقرأ مثلها من قبل، ولكي تقرأها كما ينبغي لك أن تقرأها، عليك أن تجلس معي على انفراد، لأن ما ستعلمه لا يجب لغيرك أن يعلمه ..

أعلم أنك تمل سريعاً؛ لذلك لن أطيل عليك، ولكي أجعلك تستمتع بالقصة سنلعب لعبة تعلمتها من أحد أساتذتي، سنلعبها أنا وأنت فقط، ولن يُشاركنا أحد فيها، سألقي أمامك في بداية كل جزء مجموعة من الأوراق، وعليك أنت تنظر إليها جيداً، وعليك أن تهتم بالترتيب الذي وضعته أنا لهذه الأوراق؛ لأنها ستسهل عليك أحداث هذه القصة الملعونة ... نعم الملعونة أنت لم تخطئ القراءة، تسألني لماذا ملعونة؟ ومن الذي لعنها؟ أقول لك لا تضيع الوقت في الأسئلة، كل ما عليك أن تجلس منفرداً وتنظر جيداً للأوراق الثلاثة التي سأضعها أمامك الآن ..

-----------------
النداهة ::
-----------------
أمامك الآن ثلاثة أوراق:
الأولى: امرأة ثلاثينية وجهها علي بقع دم تجلس بين جثتين علي الارض
الثانية: صورة نهر كبير ممتلئ بالرجال .
الثالثة: نفس المراة ترتدي فروة ذئب علي كتفها وخلفها جبل كبير .

أنت الآن كونت صورة مختصرة في عقلك عن الحكاية الأولي ألم أقل لك أنك ذكياً ؟

تعالى معي إلى تلك القرية أريدك أن تتعرف على هؤلاء الأشخاص، لا تخف فلن يرانا ولن يسمعنا أحد أبدا ... اسمح لي أن أقدم لك السيدة ( شمايل ) امرأة في غاية الجمال كما تراها هي في عمرها الحادي والثلاثين، وهؤلاء هن بناتها الصغيرتين.
من أين علمت؟ سأخبرك بعد قليل لا تتعجل.
أنت الآن تتجول معي حيث شئنا ولا يرانا أحد ولا يسمعنا أحد، وما ينبغي لأحد أن يرانا أو يسمعنا .. سيمر علينا الزمان أعوام وأعوام ونحن كما نحن ولن نشعر بها .. لا تخف سوف أعيدك ألى ما كنت عليه ...والان لنبدا الحكاية
...........................

** الصعيد الجواني يناير ١٩٥٢ قبل قيام ثورة يوليو **

........................

** ارض كبيرة وفلاحين كتير شغالين بيجنو المحصول رجالة وستات كلهم شغالين انفار باليومية عند البية صاحب اﻻرض **
وعلي اول اﻻرض في بنتين صغيرين ف حدود ١٤ ل ١٥ سنة جايين علي اﻻرض واضح ان شكلهم وجسمهم سابق سنهم بكتير بشرتهم بيضاء وعيونهم زرقاء تقريبا نسخة من امهم اللي جوزوها وهي ف سنهم ل جمالها الشديد اول ما بداو يقربو في ست بتقرب من اللي جمبها **
عديلة :: بناتك الجمر چم يا شمايل .
شمايل :: هما فين الجمر دول يا عديلة يطو اية دول چنب بجية بنات البلد
عديلة :: ﻻااة يا اختي بناتك جمرات ومفيش ف البلد كلاتها ف چمالهم وهما يعني هيچبوة من برة ما امهم تجول للجمر جوم وانا اجعد مطرحك لوﻻش بس الشجا اللي انتي فية
شمايل :: طب فضيها سيرة معيزاش الحديت دية جدام البنيتة معيزاش افتح عينهم
عديلة :: ﻻزمن تفتحي عينهم البينتة كبرو وخراط البنات خرطهم جبل اﻻوان وجريب ﻻزمن تچوزيهم دة الف مين يتمناهم
شمايل :: علي اية يا حسرة دة احنا منحتكمش علي جرش ساغ ويدوب بناكل يوم بيومة دني لو منزلتش اﻻرض وسط اﻻنفار اشتغل مهنلجيش ناكل واني مجدراش علي شوار البنات دة احنا بنجضي عشانا نوم .
عديلة :: يا خايبة شوفيلك حد من اﻻعيان يتچوز واحدة من البنيتة ومايخلكيش تچيبي حاجچة واصل وتعيشو مرتاحين كلاتكم دة انتي عندك كنز مدرايش بجيمتة هو في زي بناتك دة شباب البلد كلاتها يستمنو بس يتچوزو بت ف نص جمالهم
شمايل :: امسكي الخشب يا ولية عينك الصفرا دي شيليها من علي بناتي منجصينش حسد الله ﻻ يسيجك .
** البنات وصلو ل امهم شمايل **
شمايل :: مش جلت جبل سابج تدارو وشكم معيزاش حد يلمحكم واصل يا بتي.
ابنت الكبيرة :: ياما الجو حر ومطيجينش الخلجات دي .
شمايل :: من هني ورايح مفيش مجچي اﻻرض وان كان علي لجمة الغدا انا هعملها ل روحي جبل الفجر واخدها معايا واني چااية.
البنات :: ياما واحنا عملنا اية ادينا بنيطي نطمنو عليكي ونشوف البلد بدل حبستنا ف الدار ليل نهار .
شمايل :: اني جلت اللي عندي من النهاردة مفيش مچي اﻻرض واصل واني لما اخلص جبل الميغرب هاچي واخدكم بيدي نتمشو چمب الترعة نواحي الدار
البنات :: امرك يااما
شمايا :: متزعلوش مني يا بنات خايفة عليكم احنا ل حالنا بعد ابوكم ما مات والناس بجت وحشة جوي والف من هيطمع فينا وانتم مبجتوش صغيرين .
البنات :: بنزهجو يا اما من الجعدة ف الدار وحدينا.
شمايل :: غصب عني يا بنات لجمة العيش صعبة واديني بشتغل عشانكم وعشان منمدش يدنا ل للي يسوا واللي ما يسواش اجولكم حاچة كمان لما ارچع هحكيلكم حكاوي زي زمان
البنات :: ياريت ياما من ساعة ما ابويا مات وانتي مبجتيش تحكيلنا زي زمان.
شمايل :: النهاردة هحكيلكم حكاية النداهة اللي،بتخطف الرچالة وتاخدهم ف دارها تحت الترعة.
البنات:: بچد ياما طب ما تتاخريش دة احنا هنستنوكي جدام باب الدار..
** البنات مشيو و كان فين عيون شيفاهم ومركزة معاهم لحد ما بعدو **
فات ايام وشمايل مش بتخلي بناتها يجولها وقت الضهرية بالغدا وبقت بتصحي قبل الفجر تحضر اي حاجة وتلفها ف البهجة *( قطعة قماش تضع فيها النساء الملابس او اي متعلقات وتربطها بشكل يشبة الشنطة لتتمكن من حملها بسهولة ) * بتاعتها وتروح اﻻرض تشتغل وتاكلها وقت الغدا *
عديلة :: خير يا شمايل البنيتة مبجوش ياجو ﻻرض لية هما فيهم حاچة عفشة حاكم اليومين دول المرض بياكل ف البلد كييف النار ؟
شمايل :: ﻻااه الحمدلله البنيتة زينين ياكش بس اني اللي منعتهم م الخروچ م الدار لحد ما ارچع م اﻻرض .
عديلة :: لية كدي يا اختي دي حتي بناتك زي البلسم ومفيش في طيبتهم ما يتخايروش عنيكي واصل .
شمايل :: تسلمي يا حبيبتي بس اني خايفة عليهم ما انتي عارفة من يوم ما مات المرحوم ابوهم وعمهم اكل ورثهم داهية تاخدو واكل مال اليتاما وادينا عايشين واني شغالة ويدوب بچيبلهم اللجمة اللي ياكولها والحمد لله مستورة بس الناس كييف الديابة واخاف حد يتعرضلهم وﻻ يضايجهم من وﻻد بلدنا
عديلة :: يا اختي عليكي وعلي خوفك دي البنيتة يعني حلوين وجمرات بس ما تحبسيهومش ف الدار كدة يطهجو يا اختي ﻻزم تروحي عنيهم هبابة .
شمايل :: والله يا عديلة يا اختي بعد ما بخلص اﻻرض بروح حيلي مهدود الميغرب وباخدهم امشيهم نواحي الترعة كدي نجعد هبابة و اول ما السمس تروح خالص والليل يدخل برچعهم الدار .
عديلة :: خلاص يا اختي طالما كدي مرتاحة يبجي زين المهم خلي بالك من صحتك عمالة تهلكي روحك ف اﻻرض كأيوانها بتاعة ابوكي اشحال ان مكنش البية بيدينا يومية كيف التراب واجل من كل البلاد اللي حوالينا واحنا راضيين وساكتين عشان هو البية صاحب اﻻراضي واﻻطيان واحنا طوع امرة يا بت .
شمايل :: اني براعي ربنا ف رزج عيالي وبشتغل علي جد ما اجدر وما بوفرش صحتي حاكم اللي يتكاسل عن الشغل ربنا يبلية بالتعب صوح .

** تاني يوم شمايل رجعت بيتها ملقيتش بناتها مستنينها زي كل يوم قدام البيت ف دخلت لقيت الباب مش مقفول فكرت انهم بيلعو جوة وسابو الباب عشان عارفين انها خلاص جاية و اول ما دخلت جوة اﻻوضة لقيت بناتها غرقانين ف دمهم حاولت تشوفهم فيهم الروح ولا لا لكن كانو فارقو الحياة فضلت تصرخ والناس اتلمت ودخلت البيت عندها وف عز ما هي بتعيط والستات بيمسكوه علشان يبعدوها عن بناتها المقتولين لمحت حاجة علي اﻻرض ف خفت مقاومتها للحريم وقربت منها وخبتها ف هدومها من غير ما حد يا خد بالة ***

** العمدة بلغ المركز اللي بعت قوة للتحقيق ف الجريمة دي **
الظابط :: تتهمي مين يا ست ف قتل بناتك ؟
شمايل :: مفيش يا بية .
الظابط :: هل في بينك وبين اي حد عدواة سابقة ؟
شمايل :: مفيش يا بية .
الظابط :: هل حصل بينك وبين اي حد مشادة او خناقة ف اﻻيام اﻻخيرة ؟
شمايل :: مفيش يا بية .
الظابط :: العمدة بلغني ان حصل بينك وبين اخو المرحوم جوزك مشاكل علي الميراث ﻻنة اخد حق بناتك ومكوش اي حاجة .
شمايل :: مصارين البطن بتتعارك يا بية واحنا مهما كان اهل بردو ودول لحمو
الظابط :: اتكلمي يا ست ومتخافيش من حاجة محدش هيقدر يعملك اي حاجة احنا هنحميكي ونجبلك حق بناتك بس قولي اي حاجة تعرفيها .
شمايل :: الحامي هو الله يا بية وان كان علي حج البنات ف الله وحدة هيجيب حجهم .
الظابط :: لو انتي عارفة القاتل او شاكة ف حد قولي محدش هيقدر ياخد بتارك انتي علي حسب ما فهمت من العمدة ست وحدنية واخو جوزك مالوش علاقة بيكم .
شمايل :: كأيوانك لسة متعين چديد حدانا يا بية وماتعريفش ان الست ف الصعيد ب ١٠٠ راجل وان الطار لو مفيش راچل ياخدة ف الست حدانا تجوم بالف راجل وﻻ يهمها .
الظابط :: يعني انتي بتعترفي انك عارفة القاتل وناوية علي اﻻخد بالطار ؟
شمايل :: ﻻااه يا بية انا برد علي حديتك لما نت بتجول محداكيش راجل ياخد بالطار .. لكن اني معرفش مين اللي عملها واﻻ كان زماني نهشتة بسناني ورميتة ل ديابة الجبل .
الظابط :: اقفل المحضر في ساعتة وتاريخة مع عمل تحريات للوصول للفاعل .. ست شمايل ياريت تصارحيني وانا هساعدك اللي عمل الجريمة دي ﻻزم يتعاقب .
شمايل :: عجاب الخالج اجوي واشد من عجاب الخلج .. فتك بعافية يا بية البنيتة ﻻزم يدفنو وحكيم الصحة طلع التصريح بالدفن ..
** تمت اجراءات الدفن وشمايل دفنت بناتها ورجعت بيتها والستات كانو بيجلوها علشان يعزوها لكنها رفضت تستقبل اي ست وقفلت الباب عليها **
يتبع...
لقراءة الفصل الخامس والثلاثون : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات