رواية مجنونة بيك الفصل الرابع والعشرون 24 بقلم مريم نبيل

امجد: ماشي يلا

جلسوا سوياً يتناولون طعامهم واثناء تناوله للطعام شعر بضيقة شديدة وشرد مرة اخري،،استفاق علي رنين هاتفه فأجاب المتصل: صباح الخير يا مراد

مراد: صباح الفل يا ميجو اخبارك ايه

امجد: الحمدلله بخير انت عامل ايه يا عريس

مراد: فلة، ايه جاي امتي انا في الشركة من بدري

امجد: جاي دلوقتي عشر دقايق واكون عندك

مراد: اوك يلا سلام

امجد: سلام

اغلق هاتفه وهب واقفاً وامسك بمفاتيحه قائلاً: هروح انا يا حبيبتي عايزة مني حاجة

مريم: برضو مصمم يا امجد

امجد: معلش يا حبيبتي غصب عني الدنيا هتتعك جامد لو مروحتش، يلا هروح بقا سلام

مريم: امجد..

امجد: نعم يا روحي

مريم: خلي بالك من نفسك وابقي كلمني اول ما توصل

امجد: حاضر يا حبيبتي وانتي كمان خلي بالك من نفسك ومن مايا

مريم بقلق: حاضر....

********

في الشركة

وصل امجد ودلف الي مكتبه ثم امسك بهاتفه محدثاً زوجته: اه يا حبيبتي انا بخير اهو والله ووصلت الشركة كمان....قطع حديثه دخول مراد فقال:خلاص هقفل دلوقتي وابقي اكلمك تاني يلا باي

مراد: اتأخرت ليه

امجد: الطريق كان زفت المهم لغيت صفقة علي الدويري زي ما قولتلك

مراد: لغيتها اه

امجد: تمام ثم شرد قليلاً

مراد: مالك يا امجد فيك ايه مش زي كل يوم

امجد: مش عارف يا مراد والله حاسس بإحساس غريب مش عارف مالي كدا

مراد: حاسس بإيه احكيلي

امجد بتردد: حاسس اني هموت

مراد: بعد الشر عليك ليه بتقول كدا

امجد: مش عارف والله بس حاسس كدا

مراد: متخافش دا عقلك الباطن بيهيألك حاجات بس من ضغط الشغل وكدا متخافش يا عم عمر الشقي بقي

امجد: زي ما تيجي بقا، خلينا في المهم في شغل جديد الايام دي

مراد: يووه كتييير

امجد: حلو اوي قوم بقا هاتلي الورق ادرسه كويس واقولك هنعمل فيه ايه

مراد: اشطا، خمساية ويكون عندك

خرج مراد من المكتب وترك امجد تائهاً في دنياه

مرت ساعات علي تواجده في الشركة للعمل وعندما انهي عمله امسك بهاتفه محدثاً صديقه: ايوه يا مراد هتمشي امتي انت

مراد: علي طول اهو بس اخلص كام حاجة وهجيلك

امجد: طيب يلا متتأخرش

وبعد دقائق دلف مراد الي مكتب امجد

مراد: يلا يا امجد انا خلصت

امجد وهو يمسك بهاتفه ومفاتيحه: ماشي يلا

نزلوا سوياً من الشركة وصلوا عند الباب الرئيسي

امجد: ما تيجي معايا نتغدي سوا في البيت

مراد: لا سامحني المره دي هروح انا ومي نتغدا في مكان حلو كدا

امجد بضحك: الله يسهلك يا عم

مراد بضحك: ايه يا عم هنتق في ام الخروجة ولا... وقبل ان يكمل وإذ بسيارة سريعة تمر امامهم وتطلق النيران علي امجد وفرت هاربه فسقط امجد علي الارض بألم

فضرخ مراد: امجاااد...فنزل مراد علي الارض واسند برأس امجد علي رجليه

مراد ببكاء: امجد...امجد رد عليا يا صاحبي

امجد بصوت خافت: م...مش قولتلك..اا...اني ...ه...هموت

مراد بخوف: متقولش كدا انت هتعيش وهتبقي كويس متخافش

امجد بتنهيدة الم: خ..خلااص واضحة،ااااه....م...مريم ومايا امانة ف...فرقبتك ي مراد

مراد بألم: حراام عليك يا امجد متقولش كدا انا هطلب الاسعاف حالاً،،،،قام بالاتصال بالاسعاف ولسرعوا بنقله الي المستشفي وفور وصوله قاموا بإدخاله غرفة العمليات ..