القائمة الرئيسية

الصفحات

رواية هنا التقينا الفصل الحادي والعشرون 21 بقلم ندى محسن

 رواية هنا التقينا الفصل الحادي والعشرون 21 بقلم ندى محسن

رواية هنا التقينا الفصل الحادي والعشرون 21 بقلم ندى محسن

رواية هنا التقينا الفصل الحادي والعشرون 21 بقلم ندى محسن

وتار بصاله بعدم تصديق
عز: اختارتي ايه
اوتار دموعها لمعت في عيونها بعدم تصديق
عز وقف بسخرية: انتو كلكوا انانيين انتو محدش فيكوا حاسس بيا واولهم انتي يا اوتار
بص لفلورا وهز راسه بيأس: انا مش عارف المفروض اقولك ايه ولا اعمل ايه مكنش عندي اغلى منك اصلآ ومكنتش اقبل حد يتكلم معاكي نص كلمة وانتي بمنتهى السهولة طعنتيني بكلام انتي ولا شوفتيه ولا سمعتيه مني
فلورا بصت لچيمس بدموع
عز: محترمتيش اني ابوكي ونسيتي اني الشخص اللي كان دايمآ جنبك معاكي ووفي ليكي؟وانتي يا حور يلي اتحمقتي اوي يوم عيد ميلاد غرام ومشيتي من غير حتى متسمعي!!!!انتو الأتنين جبتوا القسوة دي منين اعرف؟مني؟من دلعي فيكوا ولا من خوفي عليكوا ولا من حناني ولا ايييييييه (صرخ فيهم)متتكلموا شوفتوا مني ايه يخليكوا من موقف واحد تتصرفوا بالشكل دا؟؟؟؟
باصين لتحت ومحدش عنده الجرأة انه يتكلم قدام عز اللي لأول مرة يشوفوه فاقد اعصابه بالشكل دا
يحيى:عمي....ممكن تهدى...
عز بصلهم بغضب وخرج
فلورا انهارت في العياط
اوتار مستحملتش وجابت التليفون بتاعها خدت فلوس وخرجت اتكلمت في التليفون:انا عايزة اجيلك ممكن
اسيل بإستغراب:في حاجة يا اوتار؟
اوتار:انا مش كويسة
اسيل:بصي انا مش في العيادة انا في بيتي تقدري تيجي هبعتلك اللوكيشن على الواتس
اوتار:طيب....

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غيث وروز قاعدين في الصالة بيتفرجوا على التليفزيون وجه مشهد البطله بترقص فيه وروز شافت غيث رفع عينه من على التليفون وبيتفرج وهي بصاله بغيظ وهو مركز وابتسم بشرود
روز:عجباك
غيث انتبهلها وبصلها:هاا!
روز طفت التليفزيون ودخل المطبخ وهو انتبه لتصرفها ضحك:يا بت تعالي والله مقصد
راح وراها وشافها بتاكل ضحك:مدام اكولة ليه بتاكل دايمآ في المطبخ
روز بصتله بغيظ وبصت قدامها
غيث سحبها في حضنه وهو بيهمس:ايه يا روزي مخصماني ليه
روز بغيظ:مش مخصماك...وابعد كدا مش عاجبك الرقاصة مش وحشك الرقاصين؟
غيث بصلها وكلامها ضايقه جدا ولاحظت دا في نظراته بعد ايده عنها بضيق:مكنش في اي حاجة بيني وبين اي واحدة في الكباريه....
روز حست انها جرحته بس هو ضايقها
غيث بصلها وخرج من البيت
روز بضيق:مش عارفة انا والله هو كل مهيتضايق هيسيب البيت دي ايه العادة المنيلة دي لما ترجع يا غيث
ابتسمت لفكرة جتلها بس خدودها احمرت بخجل:مهو اللي قليل الأدب انا مالي يعني

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

اوتار منهارة في العياط:طيب لو انا غلط طيب غلطت في ايه هو ماشي غلط كل واحدة يقولي زي بنتي زي اختي يا اسيل انا تعبت معاه صدقيني تعبت مبقتش حاجة تفرق معاه لدرجة اني بقيت اقوله يطلقني رغم اني ممكن يحصلي حاجة لو سابني بس اعمل ايه طيب...المفروض اتصرف ازاي
اسيل:يمكن مش فاهم او مش مستوعب انتي ازاي بتفكري يا اوتار لازم تمشي معاه واحدة واحدة مش تهدديه بطلب الطلاق
اوتار بتعيط:انا خايفة...قلقانة....مش عارفة اعمل ايه
اسيل حضنتها:بصي يا اوتار ايه رأيك تجربي تبعدي عنه شوية
اوتار:ازاي يعني؟
اسيل:اقعدي في اوضة تانية متسيبيش البيت كلي لوحدك بعيد عنه يمكن لما تجربوا تبعدوا شوية تحسوا انكوا محتاجين لبعض وغصب عنكوا كل واحد هيراعي التاني
اوتار:فكرك اعمل كدا
اسيل:جربي وانا موجودة في اي وقت واديكي عرفتي الطريق انا جوزي مسافر الكويت الفترة دي تقدري تيجي في اي وقت
اوتار ابتسمت وهي بتمسح دموعها:شكراً....

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غيث دخل البيت وشاف النور مطفي:روز؟؟؟
طلع اوضتهم شاف النور قايد خبط
روز:استنى
غيث:استنى ليه بتعملي ايه
فتح ودخل شافها واقفة بهدوم شبيهه ببدلة الرقص اتصدم برق بدهشة:واااااو
روز خدودها احمرت بكسوف:انا كنت بشوف ..شكلها قولتلك استنى
غيث ابتسم:شكلها عليكي احلى ما تخيلت بكتتيير يا روزي
روز مش بصاله وهو قعدها على السرير وقعد قدامها على الأرض مسك رجليها وهي استغربت:غيث بتعمل ايه
غيث:غمضي عينك بس
غمضت وحست بحاجة باردة حولين رجليها فتحت وشافت خلخال جميل وهادي مزين رجليها بصتله بإستغراب
غيث ابتسم وقف وضرب دماغها بطرف صوابعه:علشان العقل يفهم انا مكنتش ببص على الرقاصة انا لفت نظري الخلخال وقولت عليها يقرف وعليكي هيبقى احلى
روز خدودها احمرت بخجل:اسفة
غيث ابتسم وسحبها في حضنه وهمس:طيب مش يلا
روز:يلا ايه؟
غيث غمزلها:نجرب البدلة
روز بخجل:انا...مش...بعرف
غيث:هنرقص سوا
روز:طيب مفيش اغنية
غيث:الله دا انتي تؤمري يا قمر
شغل اغنية على تليفونه وابتسم سحبها وبقى يرقص معاها بهدوء وهي ابتسمت بحب:اسفة
غيث دوخها وخلاها تواجهه:على ايه؟
روز:اني ضايقتك بالكلام
غيث حط ايده على خدها بحنان:عمري مزعل منك يا حبيبتي
روز ابتسمت

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

اوتار دخلت البيت
عز وقف قدامها وربع ايده قدامه:كنتي فين
اوتار بصتله
عز بهدوء مبالغ فيه وكأن مكنش في حاجة حصلت:كنتي فين؟
اوتار بصتله:عند...الدكتورة
عز هز راسه بإيجاب وبصلها:وبعدين؟
اوتار:انا هقعد في اوضة تانية...محتاجة اني..
عز:محتاجة تبعدي ايه بقى اللي اخترتيه؟هتطلقي وهتسيبي اسلام؟
اوتار هزت راسها بنفي
عز:اممم يعني هتقعدي علشان اسلام وهتبعدي عني؟؟
اوتار بصتله
عز:مش كدا؟
اوتار بعدت نظرها عنه وهتطلع سحبها شهقت وهي مخضوضة منه
عز اتنهد وبيحاول يسيطر على هدوءه هي قلقت منه:تعالي معايا
اوتار بصتله بإستغراب:على فين؟
عز:من غير متسألي
اوتار:اسلام...
عز:عند فلورا جيت قالت انها هتاخده
اوتار:حاضر...ورشا
عز:رشا نامت
اوتار:سراج..
عز:سراج نام كفاية بقى اسئلة ويلا
اوتار:مش هينفع نسيبهم لوحدهم
عز بصلها
اوتار بضيق:انت هتضايق بس مش صح حرام نس...
عز:حور وبنتها نايمة فوق حاجة تانية؟
اوتار استغربت:دا كله ليه
عز:يلا
سحبها ومشيوا
اوتار:هنروح فين دلوقتي طيب
عز ساكت
اوتار:عز في ايه
عز.....
اوتار غمضت بضيق في كل مرة تقرر حاجة يبوظهلها ومبتعرفش تمشي نصايح الدكتورة

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

نادر بيشرب من الكاس اللي في ايده
رأفت:مكفااية عايزك فايق لوقت المهمة
نادر ابتسم:متقلقش فايق
رأفت اتنهد بقلة حيلة وخرج
نادر شرب اخر كاس ومبقاش شايف قدامه ابتسم بتوهان:خرجوا مفيش حد غيرها
طلع فوق فتح الاوضة شافها نايمة في سرير ابتسم وقفل الباب عمل صوت جامد صحاها
سلوى قعدت بصدمة:انت
نادر قعد قدامها
سلوى اتنهدت بضيق:انت عايز ايه تاني مش ناوي تفوق من القرف اللي بيخليك مش واعي لنفسك دا
نادر قرب هيحط ايده على كتفها بعد وهو بيفتكر
Flash back
ايمان بدموع:احلف مش هتنساني احلف مهما يحصل مش هتتخلى عني احلف يا نادر
نادر:واللهي مهنساكي مش هتخلى عنك يا ايمي
back
نادر دموعه نزلت ومسك رقبة سلوى بعنف وصرخ فيها:اشتركتوا في موتها ليييييه عملتلكوا ايه يا اندال
سلوى عينها دمعت على حالته وبعدت ايده
نادر عيط:عملتلكوا ايه علشان تعملوا فيها كدا كلكوا اشتركتوا في موتها وهو ...هو الندل طمع فيها استكترها عليها حبها ولما رفضته علشان بتحبني وبتموت...بتموت فيا...قتلها
سلوى:دا مش صح غيث مقتلهاش غيث بيحبك زي مبيحبها انتو اخواتوا
نادر هز راسه بنفي:حرمني منها بس انا...هحرق قلبه وهحرقكوا كلكوا
خرج بغضب وسلوى دموعها نزلت:كفاااية بقى يا غيث ارحمه كفااية

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

روز بتضحك:تعبت والله
غيث ابتسم وخدها في حضنه:خلاص نكمل بكرا
روز ضحكت:انا اول مرة ارقص في حياتي اصلآ
غيث ضحك:وانا كمان اصلآ
روز بصتله:هو انا قولتلك انك حلو اووي قبل كدا؟
غيث هز راسه بإيجاب وكأنه فجأة افتكر حاجة:روز..
روز بصتله:نعم
غيث مدلها ولاعة
روز بصتله اوي بإستغراب:دا ايه دا
غيث:خليها معاكي
روز:هعمل بيها ايه؟
غيث:بصي انتي هتضغطي على الزر دا هتجيلي اشارة في الولاعة بتاعتي انك محتجاني
روز بصتله بقلق:هو ممكن ايه يحصل
غيث:ولا حاجة دي تحسبآ لأي ظروف
روز داست على الولاعة جه صوت اغاثة في ولاعة غيث
غيث ابتسم:خليها دايمآ معاكي دي بتتشحن بشاحن خاص اهو والإشارة بتلقط مهما كان البعد
روز هزت راسها بإيجاب
غيث حضانها بحنان

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

عز نزل وفتح الباب لأوتار نزلها ووقفها وهو جنبها
اوتار بصت للبيت الموجود قدامها بصدمه وبصتله
عز باصصلها يشوف ردت فعلها
اوتار:هو...ايه دا....
عز:كنت متعود اشوف البنفسج اللي بحبه دايمآ...بس حرمتيني منه البيت دا الأقرب لقلبي بيت كل شيئ فيه باللون البنفسجي الجميل ودرجاته اللي بتعبر عن حالاتك المزاجية
اوتار بصتله بعدم تصديق والدموع اتجمعت في عينها:انت....عملت كدا ليه
عز حاوط وشها:يعني ايه ليه؟
اوتار بدموع:عملت البيت الخاص دا وجبتني هنا
عز:لسة مفهمتيش؟لسة مش عرفاني اوتار انا عندي اتقطع ميت حتة وانا حي ولا اني اتخلى عنك طلبتي الطلاق الكلمة قتلتني انتي بتكرهيني للدرجة اللي تخليكي تطلبي الطلاق
اوتار بتعيط وهزت راسها بنفي
عز:انا بحبك عارفة يعني ايه بحبك يعني هعدي كل مشكلة معاكي عارفة يعني ايه يعني مهما يحصل هستحمل واتحمل مزاجك المتقلب مهما يحصل انا عمري مهتخلى عنك اوتار انا متغيرتش انا هفضل محافظ على علاقتنا بس بلاش تجرحيني بطلبك للطلاق انتي حياتي وروحي وكل حاجة حلوة ممكن اعيش علشان فلورا وسراج وكمان حور واسلام اللي استوطنوا قلبي دول منك انتي دول حتة منك دايرتي اللي مستحيل اخرج منها ومحور حياتي هي انتي يا اوتار
اوتار بتعيط غصب عنها وبصاله متخيلتش انه ممكن يعمل كدا هو دايمآ بيكسبها هو دايمآ بيخليها تحس ان حبه ليها مقلش بالعكس زاد ومع ذلك كانت بتجرحه
عز باس عيونها بحنان:كفاية بقى خلاص اهدي ارجوكي
اوتار بدموع:انا كنت واحدة سيئة
عز بحزن هز راسه بنفي:انا اللي كنت غلط انا اللي اتغابيت ونسيت الصح والغلط ونسيت غيرتك ومفكرتش
اوتار بصاله
عز:اوعدك بعد النهاردا خلاص كل شيئ هينتهي انتي مراتي ودايمآ بتخليني ارجع للطريق الصح وانا هفضل دايمآ معاكي
اوتار ساكته لمجرد ان مفيش اي كلام ممكن تقولوا هي عايزة تسمعه محتاجة تسمعه اكتر مفيش كلام هينصفها
عز ركع على ركبة واحدة وهي اتفاجأت بحركته
عز مسك ايدها فتحها وباسها بحنان خرج خاتم بلون البنفسج ولبسهولها وباس ايدها بحب:اعتبريها حياة تانية اعتبريها فرصة تانية
اوتار ابتسمت بدموع وبسمتها اتحولت لضحكة فرح متتوصفش واترمت في حضنه:انا بحبك يا عز انا بحبك...انا اسفة اني وجعتك واسفة اني....اني مراعتش مشاعرك بس والله انا خايفة عليك خايفة تنسى ربنا واحدة واحدة خايفة في يوم تضعف ودي طبيعة الإنسان وممكن تغلط يا عز
عز:انا اسف....سامحيني يا اوتار انا اسف....
اوتار:انا اللي اسفة انا نسيت انت تبقى مين نسيت جوزي يبقى مين
عز بصلها بحب وعيونها البنفسجي اللي دايمآ بتسحره سيطرت عليه:يبقى مين
اوتار وهي بتلعب في شعره بعشق واضح:يبقى رجل المهام الصعبة يا عز
عز ابتسم:تعالي بقى يا حياة عز افرجك على البيت
اوتار هزت راسها بإيجاب وفرح دخلت شافت صور ليهم وتغفيلات جميلة ليها وهي في البيت بالحجاب وهي في المطبخ بصتله بإستغراب
عز:لما كان بيجيلنا حد كنت بستغل الفرصة واصورك علشان الموضوع كان مسيطر عليها اعملك بيت من لون عيونك
اوتار ابتسمت بسعادة وبتتفرج كل حاجة جميلة وانيقة حست نفسها جوا بيت اميرات بصتله بفرح
عز:عجبك؟
اوتار:مفيش حاجة مستحيل متعجبنيش يا عز كل حاجة تجنن انت طول عمرك ذوقك راقي
عز ابتسم:طبعآ مش اخترتك؟
اوتار ابتسم وهزت راسها بإيجاب
عز:يلا بقى نريح شوية علشان هموت وانام وهوريكي الهدوم اللي جيبتهالك واجملهم فستان بنفسج يجنن
اوتار ضحكت بعدم تصديق:بجد؟
عز ابتسم وهز راسه بثقة:بجد طبعآ
اوتار ضحكت

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غرام في الجامعة حست بإيد على كتفها التفتت بسرعة
سراج ابتسم:وحشتيني
غرام بضيق سابته ومشيت
سراج سحبها بإعتذار:اسف
غرام:على ايه؟
سراج:حماتي قالتلي انك زعلانة مني علشان مجتش بقالي فترة صدقيني انا مضغوط المهمة قربت وبستعدلها
غرام بضيق:غيث الكيلاني بردو يا سراج
سراج:اممم لا....تقدري تقولي لا
غرام:اومال
سراج:نادر الكيلاني
غرام بصتله بإستغراب:مين!
سراج:دا حوار طويل متوجعيش دماغك بقولك ايه يلا انا هموت من الجوع يلا نروح ناكلنا حاجة
غرام:عندي محاضرة مهمة
سراج هز راسه بإيجاب:طيب يا ستي روحي وهستناكي
غرام:طيب (مشيت ورجعت تاني بإستغراب)الا قولي صح انت دخلت ازاي
سراج ضحك:ايه اللي دخلت ازاي انتي نسيتي جوزك يبقى مين ولا ايه
غرام ابتسمت بخجل وهزت راسها بنفي:لا...منستش....
سراج غمزلها:هستناكي
مشيت وهو جاب قهوة من الكافتريا وقاعد
......:مين القمر دا
-.......:علمي علمك اول مرة اشوفه هنا
اسماء بصت عند سراج وضحكت :لا يختي انتي وهي الواد مش فاضي
......:انتي تعرفيه؟
اسماء:اممم دا جوز غرام
اتصدموا:دا جوز غرام؟
-......بغيظ:يعني دا جوز غرام
........:حظها بنت اللذينة قمر وهو قمرين وهيجيبوا عيال عسلات
-.......:متجوزها من امتى يا اسماء؟
اسماء بصتلهم بتهكم:من وهي عندها 15 سنة من وهي لسة في مدرسة
.......بصدمة:اييييه
-.......:دا ازاي وازاي اهلها وافقوا؟
اسماء:يبقى ابن عمها
......:ابن عمها او مش ابن عمها هتفرق في ايه يعني ازاي تتجوز وهي صغيرة كدا؟
اسماء:والله انا معرفش غير انهم فجأة قررو يجوزوهم
.......:يعني ممكن ميكونوش بيحبوا بعض اصلآ؟
اسماء:هي دلوقتي قاعدة في بيت عيليتها غضبانة اصلآ بس معرفش السبب غرام مبتتكلمش كتير
-........:امممممم
اسماء:وعندهم ولد زي القمر والتاني جاي في السكة اديكوا شايفين بطنها ابتدت تبان اهي
.......ضحكت:اممممم وانا اللي فكراه انتفاخ
ضحكوا
-.......:بس انا مش متطمنة جوازهم ممكن يكون وراه حاجة؟
.......:تفتكري ايه
-.........:ممكن يكون اتدبس فيها؟
سراج:خلصتوا؟
التفتوا بصدمه
سراج بهدوء مستفز:اتمنى متكونوش حسيتوا بملل وانتو بتتكلموا عن مراتي وعن حياتنا اللي ملكوش اي مكان فيها اتمنى يعني!
بصوله بإحراج واسماء اتكلمت بخجل:سراج....
سراج بحدة:شششش انتي تخرسي خالص وبعدين انا اسمي سراج باشا فاهمه اللي بتتكلموا عليها دي جزمتها فوق رقبتكوا ورقبة اهلكوا واي حد يتصدرلكوا لو شوفت واحدة فيكوا قريبة مجرد قرب من غرامي انا هنسى انكوا بنات وهتشوفوا تصرفات هتخليكوا تكرههوا نفسكوا فهمتوا؟
باصيين لتحت
سراج:عايز اسمعها:فهمتوا
اتكلموا في نفس الوقت:فهمنا...
سراج:اممم براڤو
سابهم ومشي
.......:دا انسان مريب....
اسماء:لا وانتي الصادقة بيحبها واسكتوا بقى

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غيث صحي شافها نايمة على صدره ابتسم وطبطب على شعرها بصتله بنعاس
روز رفعت نفسها: انا... تعبتك؟
غيث هز راسه بنفي: لا يا روحي قلقتك؟
روز حطت ايدها على صدره: نمت كتير على صدرك ضلوعك وعضلاتك اكيد وجعتك
غيث ضحك: ليه يعني دا كله
روز ابتسمت ونامت في حضنه
غيث ابتسم : يلا يا روحي متكسليش بقى قومي علشان نصلي قبل الظهر ميأذن
روز ابتسمت بحب: طيب يلا بينا بقى
غيث ابتسم: يلا عقبال متقومي هكون خدت شاور واتوضيت
روز: طيب

#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا 
👈
#Nada_Mohsen

غرام خرجت شافت سراج قاعد ومعظم اللي حواليه مركزين عليه خصوصآ البنات نفخت بضيق: كان يوم ابيض يوم مجيتلي هنا يا شيخ
راحت وقفت قدامه وهو مسك ايدها باسها استغربت وبصتله اوي
سراج: يلا بينا يا اميرتي
غرام هزت راسها بإيجاب خرجوا ركبت عربيته ومشيوا
سراج: البت اللي اسمها اسماء دي
غرام: مالها؟
سراج: متتكلميش معاها تاني
غرام: دا ليه
سراج قالها اللي حصل وهي اتضايقت
غرام: مش عارفة مالهم دول والله معندهومش حاجة يتكلموا فيها
سراج ابتسم: سيبك منهم
غرام بإحباط: احنا رايحين فين؟
سراج: عند الدكتورة نتطمن على حالة البيبي
غرام ابتسمت وهزت راسها بإيجاب
وصلوا عند الدكتورة وهي بتعملها سونار وسراج مستمتع جدآ وبيصور الشاشة
الدكتورة:بنتكوا اهي زي القمر
سراج ضحك بحب وهو باصص لغرام اللي ابتسمت
الدكتورة:عال عال انتي اتحسنتي كتتتييير
عدى اسبوع وسراج ويحيى شغالين على المهمة بكل طاقتهم بيأمنوا نفسهم وأمنوا المنطقة اللي غيث قال عليها اللي فيها عم محمد وعيلتوا
روز: امتى يا غيث
غيث: مستني بس مكالمة من نادر
روز : طيب.......
قاعدة غمضت عيونها
غيث: مالك يا روز؟ لسة نفس التعب؟
روز هزت راسها بإيجاب: همدان ودوخة غثيان جامد مش عارفة اعمل ايه
غيث: انا مستحيل اسيبك تعبانة كدا واروح في حتة قومي
روز: على فين يا غيث؟
غيث: هنروح لدكتورة تشوفك منا مش هسيبك كدا
روز هزت راسها بإيجاب وقفت داخت جدآ وكانت هتقع بس مسكها: روز في ايه حاسة بأيه
روز: متقلقش والله هي دوخة عندي عدم توازن
غيث شالها: طيب يا حبيبتي ان شاء الله مفيش حاجة.....
راحوا للدكتورة وهي بتكشف عليها ورا الستارة خرجت وابتسمت: ليه القلق دا كله؟
غيث: هي مالها
الدكتورة: هي حامل
روز اتفاجأت وهي واقفة
غيث بعدم تصديق:مين.... اللي... حامل؟
الدكتورة: مراتك
غيث وقف وبص لروز نظراته معرفتش تفسرها
الدكتورة: وبردو اعملوا تحليل دم علشان نتأكد
غيث قرب وقف قدام روز
روز بصاله: انا... حامل...
غيث ابتسم والدموع في عينه وهز راسه بإيجاب : حامل
روز ابتسمت بسعادة: هجيبلك بيبي صغير
غيث هز راسه تأكيد على كلامها والدموع في عينه: هتجيبيلي بيبي صغير
روز دموعها انسابت على خدودها: هتبقى احلا بابا يا غيث
غيث حضانها وهمس: هتبقي احلا ماما يا حياة غيث....
روز ضحكت: غيث انا مش مصدقة
غيث بعد مسح الدموع اللي في عينه وباس ايدها بحب
الدكتورة ابتسمت
غيث: هنروح نعمل التحليل
راحوا عملوا تحاليل وطلبوا النتيجة مستعجلة وبقوا واقفين برا
روز: مزهقتش
غيث هز راسه بنفي وهو مبتسم بسعادة: مستني اتأكد
روز ابتسمت وهزت راسها بإيجاب خرجت الدكتور وابتسمت:مبروك يا مدام روز انتي فعلاً حامل
روز ابتسمت وبصت لغيث
غيث خدها وركب العربية جاله تليفون اتنهد بضيق ورد:الو....
نادر:الفجر يا غيغو
غيث بص لروز:ط....يب....
نادر ابتسم وقفل بسعادة:دلوقتي وقت الحساب يا اخويا....
روز:وبعدين
غيث:هوديكي....بيت سراج المنشاوي
روز بصتله بقلق:بس انا...
غيث مسك ايدها بحنان:انتي متخافيش من حاجة الولاعة معاكي؟
روز:علقتها في رقبتي جوا الفستان
غيث:لو كنت بعيد معرفتش اجي هبعتلك حد اكيد
روز:مش عايزة غيرك
غيث:اتطمني...
روز هزت راسها بإيجاب وقلق
غيث وصل بيتهم نزلوا وهو لم هدوم ليها
روز:كلهم فساتين مفيش هدوم بيت طيب
غيث هز راسه بنفي:لا مفيش وتفضلي بالحجاب
روز هزت راسها بإيجاب وحضنته:لو مرجعتش بسرعة هزعل منك وهخلي ابنك يزعل منك
غيث ضحك:احنا لحقنا
روز:غيث انا مش هقدر اعيش من غيرك صدقني
غيث بصلها بحنان:انا...بحبك..صدقيني....اوعديني انك هتخلي بالك من نفسك دايمآ
روز بصتله:انت ليه بتكلمني كأنك بتودعني؟؟؟
غيث:مش عايزك تتعبي او تعاني لأي سبب
روز:انا هبقى كويسة لو انت رجعت يا غيث
غيث ابتسم بحب وهز راسه بإيجاب
وراح على بيت عز الدين المنشاوي
غيث بص حواليه:فين امك وابوك؟
سراج:برا خرجوا وهيرجعوا النهاردا
غيث قعد وهي جنبه ماسكة في ايده
سراج:ايه مش يلا نستعد
غيث:انا قاعد هنا لحد ميرجعوا
سراج:ماشي يا سيدي
غيث حاضنها بحنان وبيطبب عليها
سراج:تحبوا تطلعوا تريحوا يعني ولا ايه مش فاهم
غيث بصله بحدة:لو حد داسلها على طرف انتو متعرفوش اناممكن اعمل فيكوا ايه
سراج:انت جايب الجرأة دي منين مش فاهم يعني في بيت مقدم ولوا ومن عيلة المنشاوي وكمان بتهدد
غيث بحدة:دي مراتب واي حد بيجي عندها انا مبغفرش لحد
روز بصتله وابتسمت
غيث:فين اوضتها؟
سراج ضحك:مش قولتلكوا عايزين تريحوا
غيث:بطل نيتك القذرة دي
سراج:فوق يا ابو نية صفيا
غيث بص للأوضة اللي موجودة تحت:ليه متبقاش دي
سراج:دي منعزلة عن اللي فوق
غيث:طيب دي حلوة
سراج هز راسه:اممم تمام
غيث دخلها ودخل حط شنطتها وبصلها بحب:هتبقي كويسة
روز بدموع بتحاول تسيطر عليها:اه...
غيث باس جبينها:اوعي تعيطي
روز هزت راسها بإيجاب:من يوم مشوفتك متعودتش تسيبني يا غيث
غيث:انا معاكي دايمآ ومعاكي اللي يصبرك
روز بصتله بإستغراب
غيث حط ايده على بطنها وابتسم:خلي بالك على نفسك
روز ابتسمت وهزت راسها بإيجاب
غيث خرج من الأوضة
سراج:انا هبقى هناك همشي دلوقتي اسافر اسكندرية وانت خليك على تواصل معايا
غيث هز راسه بإيجاب:وصي عيلتك...يخلوا بالها منها كويس هي حامل
سراج افتكر غرام وابتسم هز راسه بإيجاب:متقلقش(ضحك) دا العشق بيغير والله يا غيث الكيلاني
غيث بضيق:يلا مش هتمشي
سراج:وانت هتبقى؟؟؟؟
غيث هز راسه بنفي:لا همشي هستنى في بيتي لحد ميجي نادر
سراج هز راسه بإيجاب
روز:غيث...
غيث بصلها
روز:لا اله الا الله
غيث ابتسم:محمد رسول الله....
خرجوا وهي قعدت بحزن:يا رب احمي يا رب
شوية كدا الباب اتفتح ودخلوا اوتار وعز وهي وقفت
عز:انتي روز
روز هزت راسها بإيجاب:اه.....
اوتار بصتله وابتسمت مكنتش متخيلة انها محجبة
عز بص لروز بغيظ:انتي اللي افسدتي شهر عسلنا
روز بصتله بإستغراب
اوتار بصت لعز بغيظ وبرقتله يسكت وهو ضحك:خلاص اديني سكت
روز ابتسمت غصب عنها على تضرفاتهم
اوتار:متخيلتش انك محجبة
روز ابتسمت:اتحجبت من بعد الجواز...جوازي انا وغيث
اوتار ابتسمت:بسم الله ماشاءالله ربنا يثبتك
عز بصلها:انتو شكلكوا هتبقوا صحاب الفترة دي
اوتار ابتسمت:اكيد انتي مالك شكلك خايفة او مترددة ليه
روز الدموع لمعت في عينها:اصل....انا...اول مرة ابعد عن غيث من اول معرفته
اوتار بصت لعز بحزن
عز:متقلقيش جوزك عمل الصح انه قال لسراج على كل حاجة
روز هزت راسها بإيجاب:هو عمره مكان وحش هو دايمآ كويس بس بيتحط دايمآ في ظروف وحشة.....
اوتار:طيب انتي سراج ورالك الأوضة اللي هتقعدي فيها
روز هزت راسها بإيجاب وشاورت على الأوضة اللي تحت
اوتار:طيب يا قمر خدي رحتك ممكن تدخلي تغيري براحتك
روز هزت راسها بإيجاب :حاضر
دخلت فتحت الشنطة شافت تليفون استغربت ومسكته رن وشافت متسجل اسم حبيبي فتحت الخط وفضلت ساكته
غيث:البيت كئيب بارد وممل من غيرك
روز سمعت كلامه عيطت:غيث
غيث اتنهد بضيق:روز متعيطيش....حبيبتي...
روز:انت وحشتني اصلآ انا مش عايزة تبعد عني خدني معاك يا غيث خدني معاك ارجوك خليني دايمآ جنبك
غيث:حبيبتي مش هينفع انتي عارفة انا هفضل اتكلم معاكي دايمآ
روز ابتسمت:بجد
غيث:اه بجد وجد الجد وجد جدود الجد
روز غصب عنها ضحكت
غيث:ايوا كدا يا شيخة اضحكي عارفة اللي قهرني ايه
روز بتمسح دموعها:ايه
غيث بخبث:بدلة الرقص مرمية كدا مش لاقية حد يلبسها
روز وقفت وهي مبرقة بغيظ:غيييييث
غيث ضحك:طيب اعمل ايه اكذب يعني؟
روز بغيظ:والله انت عصبتني
غيث:الله مش كنت وحشك وبتعيطي ومفتقداني ليه بس القلبة دي
روز:انت يعني بتعصبني خلي بالك انت بتعصبني ابنك كمان هيتعصب انتي حر
غيث ضحك:لا كله الا غيغو الصغير
روز ضحكت:اعترفت دلوقتي
غيث:اومااال
روز انتبهت كأنها افتكرت حاجة:غيث...
غيث:ايه يا قلبي
روز:انا من رأيي ان نادر لازم يعرف بوجود ايمان...
غيث:دلوقتي مفيش حاجة هتتغير
روز:ازاي يا غيث مفيش حاجة هتتغير هو من حقه يعرف وكمان يا غيث لازم تثق فيه اكتر هو مش هيتهور لو اتفقتوا سوا
غيث:ربنا يسهلها يا روز اي حاجة هقولها دلوقتي مش هيصدقها ومينفعش اروح قصر الكيلاني اثبتله انها عايشة!
روز:ربنا يسترها يا رب
غيث ابتسم بتفكير:يا رب
روز:خلي بالك من نفسك
غيث:ربنا يسترها
روز:يا رب
غيث:قوليلي بقى عاملة ايه وبتعملي ايه عندك
روز:انا قاعدة في الأوضة وفي راجل وست جم من برا تقريبآ ابو وام سراج بس باين عليهم طيبين اوي
غيث:طيب كويس خليكي في اوضتك انتي معاكي فلوس في الشنطة سيبهالك عايزة اي حاجة اطلبي من اي حد يجيبهالك انتي متروحيش في حتة ومتنسيش لازم تاكلي اكل صحي علشان الحمل
روز:حاضر متقلقش
غيث:كلها كام يوم وهرجع اهتم بيكي انا بمعرفتي
روز ابتسمت وهز راسها بإيجاب

للكاتبة/ندى محسن ♕Noody♕
متابعة لصفحتي هنا 
👈

رشا قاعدة في حديقة البيت وقدامها يحيى
يحيى:انتي مالك؟
رشا:مفيش....هو انت كدا بقيت جوزي؟
يحيى هز راسه بإيجاب:اه....مش كتبنا الكتاب من اربع ايام ولا ايه وبعدين الفرح خلاص لما سراج يرجع بالسلامة
رشا:انت مش هتسافر؟
يحيى:لا انا هراقب معاهم الوضع من هنا
رشا هزت راسها بإيجاب
يحيى:انتي ايه مالك النهاردا
رشا بصتله:مفيش...عمي بس زي منت عارف مبطلش تهديداته بس عادي...مبقتش تفرق واديك شوفت اهو الحراسة المكثفة على البيت مش هتخلي حد يدخل ولا يقدر يجي هنا
يحيى:امممم صح....بقولك ايه متيجي معايا مشوار
رشا:فين
يحيى:هنشرب حاجة برا
رشا:مهو هنا كويس...
يحيى:يعني مش عايزة؟
رشا وقفت:هسأل بابا عز
يحيى مسك ايدها:انا بقيت جوزك ولازم تثقي فيا انا حاليآ اقرب حد في حياتك
رشا هزت راسها بتفهم:ط..طيب...
يحيى ابتسم وهما مشيوا بعربية يحيى وصلوا عند كافتريا دخلها وقعدها وهي ابتسمت وبصاله
يحيى ابتسم:تشربي ايه؟
رشا:انت بتحب تيجي هنا
يحيى هز راسه بإيجاب:دايمآ
رشا:وبتشرب ايه
يحيى سرح:قهوة احلا حاجة بتتعمل
رشا:انا مبحبهاش بس ممكن اشربها معاك
يحيى بصلها:واشمعنا؟
رشا اتحرجت:عادي يعني
قرب منهم واحد:تطلبوا ايه؟
يحيى:قهوة اتنين قهوة
رشا بصتله وابتسمت
يحيى:مالك؟
رشا خدودها احمرت:لا...اصل اول مرة اقعد مع شاب...
يحيى:اممم كنتي بتقعدي مع الكبار بس؟
رشا بصتله وحست انه بيلمجلها على عز بس سكتت وهو باصصلها كأنخ منتظرها تتكلم
امل قربت حطت قدامهم القهوة وابتسمت بعدم تصديق:يحيى....
يحيى بصلها:اممم ازيك
امل ابتسمت:بخير...يحيى انا حاولت اكلمك وافهمك بس انت مكنتش بترد عليا
يحيى شاور على رشا:اقدملك يا امل رشا
امل بصتله بإستغراب
يحيى:مراتي
امل اتفاجأت:مراتك؟
يحيى:كاتبين كتابنا من اربع ايام
امل:مب....مبروك....انا عملت القهوة...
يحيى:انتي لسة بتعمليها
رشا بصتله هو علشان كدا بيحب القهوة
يحيى:للأسف مبقاش ليا تقل عليها بالطريقة اللي بتعمليها كنت فاكر حد تاني ممكن يعملها يلا مش مهم
خرج فلوس مدهلها:حسابك...يلا يا رشا
خدها ومشيوا وهي ساكته
يحيى وقف العربيه بضيق وبصلها
رشا بصتله
يحيى:كنت غبي اوي مش كدا
رشا هزت ىاسها بنفي:حبيت انك تضايقها....
يحيى:انتي متضايقتيش
رشا بصتله بغموض:يحيى
يحيى بصلها بإنتباه
رشا:انت جوازك مني جميل...او معروف... لبابا عز مش كدا؟؟
يحيى..........
يتبع...
لقراءة الفصل الثاني والعشرون : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات