رواية وعد ومكتوب الفصل الحادي عشر والأخير بقلم أسماء ابراهيم

كانت حاله حياه زوجه عبدالرحيم غير مطمئنه وأدت الي دخولها في غيبوبه فقد فارقها رفيق الدرب ورحل عنها...

اما حلا فكانت في صدمه جعلتها غير قادره علي الكلام فكانت تبكي بصمت مميت ويمزق القلوب....

بالنسبه الي ماجد وأكرم الصدمه كانت بمثابه صاعقه جعلتهم أشد قوه وثبات ،

علم الجميع بوفاه دكتور عبدالرحيم وعم الحزن وقام أكرم بعمل الإجراءات اللازمه لتجهيز تشيع الجثمان وإقامه العزاء وانتقل عبدالرحيم الي مثواه الأخير بعد أن ترك وصيه لأفراد أسرته.....

_________________________________

بشركه الدعايه والاعلان الخاصه بأحمد المهندس كانت توجد إلين بصحبه هايدي ينتظرون قدوم أحمد لمقابلته كما اتفقوا علي ذلك وإيقاع مستر جون ومن معه وبالفعل بعد دقائق وصل أحمد الي الشركه ودخل مكتبه وبعدها دخلت إلين إليه.

أحمد: اهلا إلين نورتي مصر كلها واطمني انا عارف كل حاجه وعدنان موجود هنا وكمان ساره كلها ساعات وتوصل بالسلامه.

إلين: هلا فيك مستر أحمد مصر منوره بناسها وأهلها بدي قيلك شغله يعلم الله ساره كيف عم بتحبك وعملت هيك شغله عشان تحميك .

أحمد: انا فاهم كل حاجه وانا بوعدك حقك وحق والدك هايجيلك واحنا اهلك ومش هانتخلي عنك ابدا.

أثناء حديثهم طرقت الباب هايدي ودخلت وقالت مستر أحمد مصيبه حصلت.

أحمد وألين وقفوا بسرعه وقال مصيبه ايه هايدي حصل ايه

هايدي: دكتور عبدالرحيم والد ماجد البقاء لله.

أحمد بصدمه: لا حول ولا قوه الا بالله امتي حصل ده وازاي .

هايدي: دكتور عبدالرحيم كان تعبان ودخل المستشفى وعمل عمليه جراحيه من يومين والنهار ده الصبح اتوفي .

أحمد: وماقولتيش ليه هايدي كان لازم اكون موجود مع ماجد وأكرم.

يوسف والد احمد: ماكانش ينفع نقولك وانت مسافر وانا لسه راجع من الجنازه وماتقلقش ماجد عارف كل حاجه نخلص من موضوع جون ونروح العزا بالليل .

أحمد: لكن يابابا .....

يوسف: ما لكنش واتفضل خليك هادي لان جون وصل مصر من عشر دقايق وكلها ساعه ويكون هنا في مكتبك واطمن ساره جايه في طياره 4 ولا مش عايز تستقبلها بنفسك.

أحمد: حاضر يابابا اتفضلي انتي يا هايدي عشان تروحي العزا لازم تكوني جنب ماجد دلوقتي.

هايدي: طيب وإلين هاسيبها لوحدها.

إلين: لا تزعبري حالك هايدي انا بدي اكون هون بالشركه لازم اكون موجوده وقت المقابله .

أحمد: إلين كلامها صح المفروض انها بتحاول تقنعني بالشراكة يالا هايدي روحي وانا هاخلص وهانحصلك علي فيلا عمي عبدالرحيم الله يرحمه.

خرجت هايدي وأخذت شنطتها وذهب لفيلا عبدالرحيم لتؤدي واجب العزاء وبعد مرور نصف ساعه وصل مستر جون الي مقر شركه المهندس .

أحمد: اهلا مستر جون صاحب اكبر شركه في لبنان اتفضل ارتاح.

جون: اهلين فيك مستر أحمد شو ها الغيبه الطويله مابيكفي هيك بقي ونوقع العقد وتبقي شريك .

أحمد؛ مش نتفق الأول مستر جون ولا نوقع العقد كده وبس وبعدين تاخد واجبك الاول .

جون: شو ها الحكي باي شئ نتفق مو قاتلك إلين علي شروط العقد.

أحمد: قالت وقالت كتير كمان لكن انا مش موافق يعني تقدر تقول عني واحد مجنون أو مش بتاع شغل علي كبير .

جون: شو هاد راح تدفع التمن كتير علي كل الوقت اللي بيضيع واحب قيلك أن ساره تحت ايدي وهي السبب في كل شىء.

يوسف والد أحمد دخل المكتب ومعه الأمن وقال: ساره ركبت الطياره خلاص وجايه بالف سلامه والمقابلة دي متسجله ده غير كلام عدنان وإلين عن مافيا تجاره الاعضاء البشريه اللي شركتك كاڤر لها .

جون: شو بتحكي يا ظلمه مافيا شو وتجاره ايه انا مافيني اعرف هيك شغلات.

رجل الأمن: للاسف مستر جون كل حاجه اتكشفت وتم القبض علي اخوك واللي معاه واعترف بكل حاجه ودلوقتي تتفضل معانا .

وتم القبض علي جون وأعوانه من مافيا تجاره الاعضاء ووصلت ساره الي مصر في أمان واستقبلها احمد ومعه إلين وعدنان وذهبوا جميعا الي فيلا عبدالرحيم للعزاء ومواساه ماجد في وفاه والده.

_______________&&_________________

مر شهر علي وفاه عبدالرحيم وجاءت اللحظه الحاسمه وهي فتح وصيه الدكتور عبدالرحيم فأجتمع المحامي الخاص بالعائلة وبدأ يقرأ لهم الوصيه. فكان يوصي عبدالرحيم بأن يتم موعد زواج ابنته من أكرم في موعده المحدد فور ظهور نتيجه اختبارات الجامعه وان يكون ماجد ابنه المسئول عن كل ممتلكاته ويكون لأكرم زوج ابنته حق التوقيع والاداره في شركه المستلزمات الطبيه وله نسبه 30٪ من الأرباح كما وصي أيضا بأن الفيلا التي تقيم بها الاسره تكون باسم زوجته حياه بجانب دار الايتام

وتنازل لصديقه يوسف المهندس عن نصيبه في شركته لصالح احمد ابنه.

ماجد: ياااااه يابابا الله يرحمك انت مانستش حد فينا اوعد يابابا اني هانفذ الوصيه وشكرا لحضرتك يامتر .

المحامي: ده واجبي يادكتور وتقدر تعدي علي مكتبي في اي وقت عشان التنفيذ .

ماجد: باذن الله اتفضل حضرتك ايه رأيكم ياجماعه لازم ننفذ كلنا الوصيه عشان بابا يكون مرتاح.

حلا: انت بتقول ايه ياماجد لا طبعا مافيش فرح ولا جواز قبل سنه.

حياه: حلا وصيه باباكي هاتتنفذ وبعدين لسه فاضل شهرين علي ظهور النتيجه.

أكرم: لكن ياطنط وبعدين نسبه ايه وتوقيع ايه ياماجد انت الوحيد اللي أحق في ده.

ماجد: وانت اخويا وصاحب عمري قبل ما تكون جوز اختي ويكفي انك الإنسان الوحيد اللي وقف جنبي وفوقني وقت ضياعي و ‏رغم سهولة الصمت اللي كنت بعيشه إلا أنه أشد تقل من الكلام ورغم أني مابذلتش فيه أي مجهود إلا أنه أكتر إرهاق وتعب من اني أتكلم.

احتضنه أكرم بشده واتفقوا جميعا علي تنفيذ الوصيه ووعد ماجد نفسه بأن يكون زواجه من هايدي معهم وبعد انصراف أكرم وصعود كلا من حلا وحياه امسك هاتفه واتصل علي هايدي ليخبرها عن مفاجأته.

ماجد: هايدي حبيبتي وحشتيني اوي عايز اقابلك ضروري هقولك علي حاجه مهمه.

هايدي: ازيك ياماجد وانت كمان وحشتني وانا كنت عايزه اقابلك لان في حاجه مهمه عايزه اقولك عليها قبل ارتباطنا.

ماجد: تمام ربع ساعه وأكون عندك في الشركه.

هايدي: في انتظارك.

__________________________________

في الشركه عند أحمد كان بمكتبه يعقد اجتماع مع ساره وعدنان وإلين واتفقوا جميعا علي العمل سويا وتطوير الشركه وطلب احمد الزواج من ساره ووافقت وحدد موعد زفافهما بعد اسبوع. أما عدنان وإلين فقد تم زواجهما عقب انتهاء التحقيق معهم في قضيه جون واتفقا علي العيش في مصر .

بعد فتره وصل ماجد إلي شركه احمد واخذ هايدي إلي مكان هادئ ليتحدثون

ماجد: ايه بقي الموضوع المهم اللي عايزه تقولي عليه انا كلي اذان صاغية.

هايدي: اوعدني الاول ياماجد مهما كان اللي هتسمعه مش هاتزعل مني وحتي لو بعدت عني أنا هعذرك لان من حقك تقرر تبعد أو لأ

ماجد بقلق: ابعد عنك وزعل ايه ده انا مش فاهم حاجه.

هايدي: انا هقولك وفعلا قامت هايدي بقول كل شئ عن حقيقه علاقتها بهنا وأنها كانت لاتعلم شئ الا بعد شغلها في شركه أحمد وأنها قررت معرفته قبل أي ارتباط....انا اسفه ياماجد كل ما كنت ابقي عايزه اقولك كنت بخاف تبعد عني أو تفكر اني ليه دخل لكن والله انا قولت كل الحقيقه ولك انت القرار.

ماجد: انا مش عارف اقولك ايه ياهايدي انا اتوجعت بسبب هنا واللي عملته ولكن انتي مالكيش ذنب في ده وانا بحبك ومصمم علي ارتباطنا وكنت عايزه اقولك أن المفاجأة اني قررت نتجوز مع أكرم وحلا اختي.

هايدي: انت بتقول ايه يعني .....

ماجد: يعني بحبك ومهما حصل زمان خلاص ده بقي ماضي وعدي واحنا قدامنا مستقبل نقدر نعوض فيه كل اللي فاتنا..

وبعد مرور شهرين ظهرت نتيجه الامتحان ونجحت حلا بتقدير جيد وتم تحديد موعد زواج حلا وأكرم وماجد وهايدي

وجاء يوم الفرح وكان يقام في أحد الفنادق وكانت القاعه مصممه علي أعلي مستوي وتمت فرحه الجميع بتحقيق الوعد.........

فكم جميلة هي الحياة عندما

يكون لديك إنسانا كاتما للسر ،

حافظا للعهد وفيا للوعد ، صادق اللسان والقلب

تمت...