رواية زواج بالقوة الفصل العاشر 10 بقلم لولو الصياد

رنا بخوف ....بابا ماله جراله ايه حصله حاجه...

جلال..ببرود لا زى الفل ...بس المفروض ان شركه ابوكى بناء على الديون عليها الشركه ملكى فانا كنت عاوز اعرفك انى هاخدها منه...

رنا...طيب ليه انت بتعمل كده بابا عملك ايه...

جلال. ..ولا حاجه بصراحه بستمتع لما بضايقك واشوفك منهاره....

رنا...ارجوك هعملك اى حاجه بس بلاش تاخد حاجة من بابا انت قلت انك عاوزنى اخلف انا موافقه بس ارجوك بلاش بابا اعتبر دى قصاد دى...

جلال...قصدك انك بتدينى بدلات بصى يا حلوه سواء براضاكى او لا هتخلفى غصب عنك احنا بينا عقد...

رنا بغضب ..بس انا اقدر حتى لو حملت انى انزله فياريت زى ما انت عاوزنى احافظ ليك على طفلك انت كمان تبعد عن ابويا ...

جلال مفكرا فمن الممكن فعلا ان تقوم باذيه نفسها والطفل اذا حدث حمل فقرر ان يؤجل الانتقام منها عن طريق والدها الى ان تنجب له الطفل ويكمل انتقامه...

جلال..اوك عمتا موافق ...وكان يهم بالخروج من الغرفه ولكن توقف على الباب وقال..

جلال. ..اه على فكره متستننيش بالليل لانى مسافر فى شغل سلام وارسل له قبله في الهواء شعرت رنا وكانها تريد الخروج خلفه وتقوم بخنقه حتى تنفث غضبها الكامن بداخلها ....

كانت الايام تمر ولم يرجع جلال مر الى الان اسبوع كامل كان لا يتصل بها نهائيا ولكن سمعت فى وقت ما الخادمه وهى تتحدث معه ويطمن على الاحوال شعرت حينها وكانها لاتعنى له شىء يكلم الخدم ولا يتحدث معها رغم كره رنا الشديد له ولكن كانت تشعر وكانها تفتقد وجوده بشده رغم كل ما حدث ولكن كانت تتمنى او انه عاد اليها ....

كانت رنا تجلس فى غرفتها تشاهد التلفاز عندما طرق الباب ودخلت الخادمه. ..

الخادمه. ..رنا هانم جلال بيه على التليفون وعاوز يكلمك...

رنا...قوليله لا مش هترد...

الخادمه وقفت متردده لا تريد النزول فتعصبت رنا بشده..

رنا ...مش قلتلك مش هنزل ... يله اطلعى بره واقفلى الباب ...

مر بعض الوقت القصير وطرق الباب مره اخرى ..

رتا ...ادخل...

دخلت الخادمه مره ثانيه..

رنا...خير تانى فى ايه ...

الخادمه...جلال بيه بيقول لحضرتك ردى عليه بدل ما ينفذ التهديد اللى قاله قبل ما يسافر...

رنا...اوف طيب انا هرفع السماعه من هنا واقفليها من هناك ...

الخادمه..حاضر يا فندم...خرجت الخادمه وتوجهت رنا الى الهاتف ورفعت السماعه ...

رنا...الو...

وجدت صوت جلال الغاضب والذى كان يدل انه شعر بالغضب من رد رنا الذي بعثته له عن طريق الخادمه. ..

جلال..انتى ازاى ترفضى تردى عليا وقسما برب العزه لو انتى قدامى دلوقتى لكنت عرفتك ازاى تقولى كده...

لم ترد رنا وانتظرت ان ينتهى من نفث غضبه فيها ...

جلال. ..انتى مش بتردى ليه..

رنا..هقول ايه مستنيه حضرتك لما تخلص محاضره التهزيق بتاعتك...

جلال..ماشى يا رنا ماشى حسابك معايا لما ارجع على العموم انا كنت عاوز اقولك انى هتاخر كمان أسبوع. ..

رنا...ميفرقش كتير تيجى متجيش مش هتفرق ابدا...

جلال..كده طيب يا رنا واضح انك فاكره انى لما بعدت انك هتستقوى بس متقلقيش انا رجعلك وهعرفك ازاى تكلمى جوزك كده...

واغلق الهاتف بوجهها ...

رنا ...لنفسها استر يارب واضح انى اتسرعت لما كلمته كده كان لازم متكلمش كده بكره لما يرجع ممكن يضربنى تانى او يحبسنى يارب انا خايفه اوى بس برده منكرش انى اتبسطت اوى لما سمعت صوته كنت مشتاقه اسمعه جدا بس هو مش بيحس ولا انا افرق معاه اصلا واكيد لما يرجع هيكون فى عقاب جامد جدا يارب ينسى لما يرجع وميعاقبنيش ابدا يارب ......

كانت رنا بدات التحدى وقررت منذ الان انها لن تشعر جلال انها خائفه منه مره ثانيه سوف تمثل القوه امامه لانه عندما يرى ضعفها أمامه وخوفها منه يزيد فى قسوته عليها لانه لايجد منها اى رادع له وهى منذ الان لن توافق على ذلك ...مر اربعه ايام اخرى وكان روتين حياه رنا. لا يختلف نهائيا عما مضى تشعر بملل شديد ولكن فى الأيام الماضيه كانت تشعر بالم دائم ببطنها وتشعر دائما بحاجتها الدائمه للخمول والنوم وهاهى الان تجلس على سريرها تشعر باعياء شديد دخلت الخادمه ورنا جلسه تشعر بالم شديد...

الخادمه..رنا هانم مال حضرتك تعبانه...

رنا...بطنى وجعانى اوى ومش قادره. ..

الخادمه...من الممكن ان تكون تلك هى الآلام الطمث من الممكن ذلك ...

عندما ذكرت الخادمه ذلك تذكرت رنا أن دورتها الشهريه قد تاخرت أكثر من اسبوع شعرت رنا بالخوف الشديد...

رنا موجهه كلامها للخادمه ...

رنا...عاوز تجيبيلى اختبار حمل من الصيدليه ومش عاوزه حد يعرف مهما أن كان انتى فاهمه...

الخادمه...حاضر يا فندم....

خرجت الخادمه لتاتى بطلب رنا وجلست رنا تنتظرها و بداخلها توتر كبير جدا هل فعلا تحقق حلم جلال بهذه السرعه فهو لم يقترب منى الا مره واحده وحدث ذلك لالا مستحيل اكيد بس ده من التوتر انا ليه خايفه كده هو انا مش عاوزه اخلفه الطفل علشان اسيبه له وامشى ولا انا خلاص. مش عاوزه أمشى من هنا لالا انا ما هصدق اخلص منه ....طرق الباب مره ثانيه وكانت الخادمه وقد جاءت بطلب رنا دخلت رنا مسرعه الى الحمام وقراءت كيفيه استخدامه وبالفعل قامت بالاختبار كانت تمسكه بيدها وتنظر له ويديها ترتعش بشده ولكن كانت المفاجأة لها وجود شرطيين باللون الاحمر ليدل على ان رنا بالفعل حامل بطفل جلال لا تعلم رنا لماذا انفجرت فى بكاء مرير ..وبصوت عالى جدا وكانها تبكى على حالها ام على طفلها الذى سوف تتخلى عنه لماذا تبكى لا تعلم ولكن تعالت شهقاتها للغايه ...فسمعت الخادمه تنادى با سمها خوفا عليها...

خرجت رنا وارتمت فى حضن الخادمه وبكت بشده لاتعلم لماذا فعلت ذلك ولكن ارادت ان ترمى حمولها على اى شخص حتى ولو كان غريب عنها...

الخادمه...رنا هانم فى ايه...

رنا بصوت مبحوح...انا حامل وبكت مره ثانيه بشده...

الخادمه. .بفرحه..مبروووك جلال بيه هيفرح اوى انا لازم انزل اتصل بيه واخبره بذلك...

ابتعدت رنا عنها بسرعه وجففت دموعها بسرعه...

رنا...اياكى تعملى كده انتى فاهمه دى حاجه خاصه بينا احنا الاتنين انتى فاهمه وانا اللى هقوله مش حد تانى ....

الخادمه...طبعا يا فندم. ...

رنا...طيب اتفضلى انتى انزلى بس هاتيلى اى بسكوت وشاى بس لانى مش قادره أكل اى حاجة ...

الخادمه. ..حاضر يا هانم.....

كانت رنا دائما فى تلك الايام تشعر بتعب شديد فى معدتها وتتناول صباحا الشاى وبسكوت مملح وتشعر برغبه ملحه فى النوم وتتناول طعام بسيط والاكثر تناول الفاكهة لم يحاول جلال ان يتصل بها مره ثانيه بعد ماحدث فى اخر مكالمه بينهم كانت رنا تجلس بغرفتها تشاهد احد البرامج الخاصه بتربيه الاطفال وتستمع بذلك لم تخبر رنا احد من اهلها او نجوى بخبر حملها رغم تحدثها الدائم معهم خوفا من ان يخبر أحد جلال بذلك....

كانت رنا تتابع البرنامج بانتباه شديد وتحاول بقدر الامكان ان تحفظ التعليمات حتى تستطيع المحافظه على طفلها وكانت تتناول بعض الفاكهة ولكن فجاءه فتح الباب ودخل والد طفلها الان وشعرت رنا بالدهشة الشديده...

جلال...وهو ينظر لها ولدهشتها الشديده. ..

جلال..بسخريه....وعاد الوحش من جديد. ...