رواية اولاد المدينة الفصل الثاني 2 بقلم حسن الجامعي

______________________

إيهاب : خلوووني في حاالي نبي نقعد بروحي

عثمان بكل براده : شنجو يا ولاد

إيهاب وهو متعصب شد رقبة عثمان ويخنق فيه :

اتعالالي جاااي شنجووو قتلي تعالا

عثمان : ياولاد كلموووه ساااعدوني بيقتلني هدا 😨😨

فاروق : سييب الولد يا ايهاب سيبه

مراد : تي سييب رقبته الولد بتقتله حيي عليك

وليد : نحيييي ايدككك ازززفت نحييها بتقتل الولد

ايهاب : حوولواا كلكم حولوا خلوني نقتله

عثمان هرب لحوشهم يجري : واللهي نوريك يا ايهاب واللهي نوريك

ايهاب : برا را نقتلك برا

نوريه : ايهاااااااب اركب يا ولدي تعالا يا شباب ركبوه بالله عليكم

وليد : حاضر خالتي نوريه

ايهاب : خلاص نحوا ايديكم توا نركب بروحي

مراد : ايهاب نركب معاك اني بس

ايهاب : خلاص قلتلكم

مراد : ضم فمك توا نركب معاك اني هيا

فاروق : تبوا حاجه كلموني تماام

وليد : اني امي تبيني تشاو يا ولاد نتلاقوا بعدين

مراد : هيا ايهاب اركب

ايهاب وهو يبكي : عمرررر عمرررر

مراد : معنداش ما نديروله غير ندعوله برحمه بس

نوريه : تعالا تعالا خش الداخل تعالا وليدي

مراد : كيف حالك عمتي نوريه

نوريه : الحمدلله يا وليدي ... شن يديروا تحت ؟

مراد : بيديروا الخيمة متع التريس

نوريه : ايه الله يرحمه ولد كان زي ولدي اني بنلبس عبايتي وجايه قول لي امك حتى هي باش نخش معاها

مراد : حاضر عمتي ...

////////////////////////////

// عثمان خش لحوشهم وخشومه معبيات دم //

فوزية : شن في خيرك يا وليدي مني اللي ضربكك ووك

عثمان : ضربني الفرخ اللي اسمه ايهاب يا يمى 😭🤬

فوزية : ينهااااري واللهي نوريها نوريه وحفيدها اللي مش متربي هذا

عثمان : واااااك خشومي بنرقد راسي بكل

فوزية : متبيش تجي للعزي صاحبك عمر حرااام

عثمان : تي صاحبي شني كلهم مفرخ معنديش بيهم علاقه انيي اززفت

فوزية : باهي تمرقد مرقد واني خليني نعرف نتصرف معاهم نوريه وحفيدها

عثمان : جيبلي معاك حاجه كان عطوكي ماكله

فوزيه وهي تلبس في العباية : تي نضف خشمك ودوش وارقد خيرلك هي ماشيه اني ...

///////// عند ايهاب ///////

ايهاب يتذكر :

عمر : تعالا اهني يا فرخ شن قلتلها هديكا البنت عليا

ايهاب : هههههه قلتلها عمر يحبك 😂😂

عمر : توا نوريك يا فرخ اني قتلك عطيها الكتاب بس

ايهاب : هههههه احرجتك 😂😂😂

عمر : هي برا قدامي توا للحوش

ايهاب : لالا بنلعب في جردينه وبعدين نروحوا

عمر : ايه وبعدين خالتي نوريه تبهدلني زي كل مرة

ايهاب : عادي تعود 😂😂😂

عمر : مليكش حل انت يا فرخ 😂😂

ايهاب : عادي طول ما انت معاي جوي مليح 😂😂

عمر : اكيد معاك كان هدا ادير كوارث كان تقعد بروحك

ايهاب : 😂😂😂😂 ههههههههههه 💔💔💔💔😔

//// حاليآ 💔😔

ايهاب يبكي ومقهور على صاحبه : لااااااا لااا لااااااااااا 😭😭😭💔💔

/// عند مراد ///

مراد : امي امي

نسرين تبكي : شن تبي يا وليدي

مراد : خيرك تبكي يمى 😤😭💔

نسرين : اااااااخ موت عمر ذكرني بيموت خوك ااخ

مراد عيونه بيبدوا يدمعوا : تي خلاص خلاص اسكتي معاش تبكي حتى اني حنبكي رااه

نسرين : خلاص خلاص مسحتهم دموعي اهوا

مراد : قالتلك عمتي نوريه تعالي للعزي توا

نسرين : اهوا بنلبس وبنطلع ... انت وين بتمشي

مراد : بنمشي نقعد مع ايهاب لأن حالته صعبه الولد

نسرين : عنده الحق الولد مسكيين هدا صاحب عمره

/// عند وليد ///

مريم : وليد البس حوايجك ومتلمسش الحيط ولا الخمر اللي في شارع وحاول تروح بسرعه باش تقرا

وليد : واااااك باهي تحسابوني فرخ ولا شني انتم

مريم : مدخلنيش فيك اني منلقاش درجتك كامله غدوا تشوف اني وبوك شن نديروا فيك

وليد : باهي باهي

مريم : معاش ترد عليا را تضربك بشبشب توا

وليد : باااهي اطلعي برا بنبدل حوايجي

مريم : اني طالعه للعزي بنقيم معاي ماكله

للضيوف

وليد : شن المطلوب مني 😑

مريم : برا بدل حوايجك درهتلي كبدي

وليد : 😂🤦‍♂️💔

/// عند فاروق ///

فاروق على تلفون : واللهي يا روحي مستعد نحارب الدنيا كلها على خاطرك يا روحي

نور : اوو ماي قاد حبي بق لاف ❤

فاروق : يا عيوني انتي شن اديري

نور : حياتي انت حقا مستعد تحارب دنيا كلها على خاطري

فاروق : امالا شني يا رووحي مستعد نحاربهم كلهم

حنان سمعته : تحاااارب عينككك انت وياها هيااا هياا

فاروق صكر المكالمه : خيركككك اززفت يمى شن في

حنان : تي تحشم على وجهك كان بوك يندري يقطعك

فاروق : عادي نكلم في حبيبتي يعني

حنان : شن رايك نكلمها نقوللها حبيبك رسماله تللفون ايفون تحسابك معبي

فاروق : لالا هي تحبني

حنان : بالله درق عليا وجهك اني ماشيه للعزي صكر رواشن و باب الحوش كان بتطلع

فاروق : ايه بنمشي للعزي مالا شني ...

💔 صاحبي ايهاب في الحوش ومراد يدق على الباب يبي يواسيه ويبي يوقف في جنبه بس ايهاب ميبيش حد يقعد معاه ميحبش يقعد يبكي قدام حد 🤷‍♂️💔

ايهاب هو يبكي : منببييش نفتح الباااب خلوني في حاالي

مراد : افتح الباب يا فرخ هدا اني مراد

ايهاب : اقلب وجهك منبيش نكلم حد فوتني بالله عليك

مراد : انا صاحبك هكي تقولي هكيي

ايهاب : فووووتنيييي فووتني

مراد : امممم به تمام توا نفوتك بس اني اليوم قاعد معاك لكن مرات غدوا مش حنكون معاك ونسيبك تقعد تبكي على عمر ومراد

ايهاب ناض فتح الباب : شن تبي مراد

مراد تأثر لما شاف ايهاب : تعالى يا ولد اني معاك معاش تبكي

ايهاب : ماات عمر يا ايهااب تعرف معنى مات 😭😭

مراد : خلاص خلاص معاش تبكي بالله عليك

ايهاب : خليني نبي نبكي خليني

مراد : الله يرحمه

ايهاب : معاش في عمر قصدك توا 😭😭😭

مراد : واااااك خلاااص اسككت هيا خلينا نزلوا لوطا

ايهاب : منبيش خليني اهنني

مراد : معقوله عزي صاحبك متبيش تنزل تقعمز فيه

ايهاب : كنت خاطري نحضر عرسه بدل عزيه 😭😭

مراد : لا اله الا الله 😤😤😤

ايهاب : 😭😭😭😭

مراد : انزل را تاكل على وجهك انزل

ايهاب : واااااك واااك واااك باهي 😭😤💔 ...

//// عزي نساوين ////

نوريه : عظم الله اجركم ناديه

امي تبكي وتقطع في شعرها : ووووووووك علياااا وليدي ووووك عليا

نوريه : خلاص بالله عليك

نسرين : عظم الله اجركم ... نوريه خليها تبكي اني حاسه بواجعها والله

امي : ااااااخ اااااخ

حنان : لا اله الا الله ... لا حول ولا قوة الا بالله

مريم خشت : خودي يا حنان من ايدي بالله وزعيهم على الضيوف

حنان : هاتي من ايدك

مريم : عظم الله اجركم حبيبتي ناديه 💔

امي : اااااااخ يا وليدي اااه 😭💔 ...

/// اولاد الشارع كلهم مقعمزين ومنهم فاروق ووليد ... ومراد وايهاب كيف نزلوا من شقه وقعمزوا في الخيمة /

فاروق : خوي ايهاب معاش تبكي انت راجل خليك قوي

/ ايهاب يبكي وساكت وفي في قلبه الف غصه /

// مراد شاد ايد ايهاب ويقوي فيه اكتر شخص وقف معاه هو مراد // ❤

وليد قريب يبكي : يا ولاد معاش تبكوا حلاص اسكتواا

فاروق : ااااخ يا ربي يصبرنا ويصبرك خوي ايهاب

/// خالتي فوزية خشت للعزي وهي متعفلقه من عمتي نوريه على خاطر ايهاب ضرب ولدها ... ///

فوزيه : شن تحسابي روحك انتي يا ماما

نوريه : خيرك اللطف شن في

فوزيه : اسمعي انتي وحفيدك راهو مزال يجي شوره مرة تانيه ويضربه او يمد ايده عليه حتشوفوا شي مش حيعجبكم رااه

نوريه : غير علاش ضربه ولدك اكيد مداير حاجه

فوزيه : بري اسألي حفيدك ايهاب يا مامااااا

نوريه : وطي صوتك وانتي تتكلمي معاي فاهمه

فوزيه : وكان موطيتاش صووتي شن بديري يا حنااا

نوريه : امالا نشدك نعجنك زي تواااا هككككي

/ نساوين كلهم يعيطوا ويحزوا بيناتهم وعمتي نوريه ضربتها طريحه على اسلوبها هدا وحنان ومريم ونسرين يحزوا بيناتهم وامي تبكي قاعده في تركينه 😭💔/

نوريه : وقصم بالله العظيم مزلتي تعلي صوتك عليا وجهك نكسرهولك فهمتي

فوزية : بريبييي ربي حفيدك برري والله شكله ولدك معرفش كيف يربيه جي حطه عندك في الحووش

/عمتي نوريه لوحت عليها الشبشب وشدتها من شعرهااا لأن كترت عليها الكلام وخشت في الكلام التقيل 😱 /

/// خيمة الشباب ///

ايهاب : اني بنمشي

مراد : وين مااااشي وين خليك قاعد

ايهاب : بنمشي لحوش عمر بنرقد في داره اليوم

مراد : بااه تعالا نمشوا اني وياك هي ...

♡ خش صاحبي ايهاب في داري ولأن زحمه نساوين وعزي محد انتبهلهم انهم خشوا للدار لكن ايهاب لقي ورقة اني كاتبها واني عارف ان هو حيخش لداري ويشوفها واكيد حيقراها ♡

مراد : مكتوب من عمر الى ايهاب

ايهاب : هاات نقراهااا هاات

♡ إيهاب حبيبي وخوي وصاحبي سامحني ان مشيت وسيبتك اني أسف بس منقدرش نعيش في مكان مش ليا عاارف اني عارف ان الأنتحار حرام بس والله مانقدر نعيش اني تحطمت اني ادمرت حياتي والله ادمرت حياتي مش حنكتبلك في رساله السبب بس اكيد حتعرف السبب بدون رساله ... وحتفهمني واكيد حتقول في بالك كان قعدت را حلينا المشكلة مع بعضنا البعض زي كل مشكلة نمروا فيها لكن ، المشكلة هادي مش زي اي مشكلة صارتلي في حياتي ... نطلب منك طلب مهم ... وصيتي أنك تكمل حيااتك وتعيش حياتك اني عارف ان بوك وامك سيبوك واني كملتها عليك بس سامحني مجبور معاش نتحمل اكتر ... بس خليك قوي عادي منغير امك وبوك هما ميستهالوش انك تزعل عليهم ولا عليا حتى اني ... نبيك تدعيلي برحمه وبس ... وحقق حلمك وشووف ان في حد في جنبك هو حيكمل الطريق معاك بدالي شوف في جنبك حتلقا شخص واقف معاك الوقت كله وانت مش حتحس بيه هو حيكمل الطريق ... عيش حياتك وحقق حلمك ونبيك اتكمل حلمي انك تحققه بدالي لو تبي ... سامحني خوي سامحني معاش تبكي سامحني ... الوادع يا صديقي 💔 #عمر_الى_إيهاب 💔 ♡

ايهاب : اااااااخ ااااااخ😫😪😭 ...

*خش بوي عليهم في الدار *

بوي : شن ادير يا حيووووان انت ويااه في الدار 🤬

مراد : 😱 ...

___________________________

مراد انخلع : لالا شي يا عمي محمد

ايهاب : جيت لي دار صاحبي شويه بنقعد فيها

بوي: اطلع بسرعه من دار انت وياه

مراد : تمام هيا انزل ايهاب

( صاحبي ايهاب ومراد طلعوا من الحوش وقعمزوا في العزي وايهاب مقدرش يمسك دموعه ينزلوا بروحهم ... اسف يا ايهاب اني درت هكي غصبن عني )

فاروق : شباب شباب

وليد : خيرك شن في

مراد : شني

فاروق : اعلاش انتحر عمر ترا قولولي اكيد في سبب

وليد : قبل فترة كان جوه امليح شن صارله اززفت

مراد : وااااك لكن اسمعوا بوه مش طبيعي بكل تعرفوا خشينا اني وايهاب على دار متع عمر خش علينا هزبنا قاللنا اطلعوا

فاروق : تي شني هدا شكله مريض الراجل

ايهاب ناض ومشي لي حوشهم ...

مراد : وين ماشي خليك قاعد

ايهاب : خليني في حالي نبي نقعد بروحي مراد

مراد : والله ماك ماشي خليك

ايهاب تعصب : برا فوتني خليني في حالي خلاص

مراد : اممم به خلاص تمام ...

( عزي نساوين )

فوزيه : وووك عليا ومن حفيدها هذا شن يحساب روحه

حنان : خلاص خلاص اسكتي انتي وياها ريحونا في هل العزي المسكينة قاعده تبكي على ولدها وانتو تتعاركوا معقوله هكي

نسرين : مش عارفه اني

مريم كالعاده : هيا انتي وياها نوضي هلينا انضفوا الحوش قبل ما نطلعوا

نوريه : تي واللهي كان مزال تتكلم معاي بهذا الأسلوب تشوف اللي معمرها شافته

نسرين : خلاص نوريه فوتوها

امي قاعده تبكي : ووووك عليا وووك

( النساوين نضفوا الحوش طلعوا وكل واحد في حوشه وايهاب وباقي الشباب )

🌼🌷🌈

يوم جديد حكاية جديدة ايام جديده بدايه الأسبوع جميلة في حي الزهور الكل يلعب ويفرح ويتمشى ويدهور زي ما يبي ...

نوريه : هبووو نوض هي عندك مدرسة نوض

مالك عم ايهاب : تي نوض خف روحك عندك مدرسه

ايهاب : شن تبوا مني خلوني في حالي

مالك : نوض را تاكل على وجهك

نوريه : نوض عندك قرايه نوض

ايهاب : باهي خلاص باهي باهي باهيييي

* عند فاروق *

فاروق : صباح النور يا عيوني

نور :حبيبي نبيك تبعتلي كرت ليبيانا 5 يا حبي

فاروق : حاضر يا عمري توا نبعتلك بس توا صبح لما نروح من التانوية توا نبعتلك

نور : تمام يا روحي

فاروق : فطرتي ولا مزال

حنان : اكيده فطرت ولبست وجهزت روحههااا كيف عاد

فاروق فصل المكالمه 😂 : خيرك ازززفت خيرك يا امي

حنان : نوض وتي روحك لمدرستك بسرعه نوض فز

فاروق : باهي ومعاش تعيطي لما نقعد نتكلم بتلفون

حنان : نوض خير ما نقول لي بوك نوض

فاروق : واااك باهي

( عند وليد )

مريم : وليد لازم ينوض الساعه 7 ونص بزبط باش يوتي روحه ويوصل لي وقت الطابور بزبط ... نوض يا وليد نوض هيا وتي روحك اغسل وجهك بالصابون كويس واغسل سنونك ووتي حوايجك اهما حددتهم وبسرعه هي خف روحك

وليد : باهي بااااهي واااك فتحت عيوني على سيرة النظافه متعييش بكل

مريم : قلت ادب ترد عليا بسرعه عندك امتحان اليوم وان شاء الله تجيب درجه ناقصه

وليد : وكان نقصت درجه شن اديري

مريم : ناخد التلفون شهر كامل ونفصل الشاشه شهر كامل ومحروم من طلوع للكوره شهر كامل

وليد : وكان نقصت درجتين

مريم : شهرين شهرين وكان تلاته نفس الشي تلاته شهور

وليد : انهاااار احرررف شن هذا

مريم : بسرعه تأخرت خف روحك هيا

( عند مراد )

مراد مرقدش بكل قعد يبكي وخلاص لأن خوه متوفي ولأن ايهاب هزبه يوم امس 💔🤦‍♂️

نسرين : خيرك يا روحي تبكي شن في

مراد يمسح في دموعه : مفيش شي ماما خليني نلبس وبنطلع للمدرسة

نسرين : يا روحي تعالا لماما معاش تبكي حبيبي خلاص

مراد : خلاص خليني بروحي بنبدل حوايجي

نسرين : اممممم باهي تمام

( ثانوية _ )

💔 اصحابي هلبا في منهم اللي فرح لي موتي وفي اللي وجعته موتتي وفي اللي نافقني وفي اللي سبني على خاطر انتحرت وفي اللي مش قادر ينساني وفي اللي مش هامه الأمر 💔 مجتمعين الكل في ساحه ايهاب وباهي الشباب وهلبا تانيين ومعاهم عثمان ...

عثمان : ايييه واللهي حقا ههههه

مراد : وااك شوفوه كيف يضحك تقول كان في عرس

فاروق :فوتوه خلوه خرا

وليد : اني مش عارف عندي احساس ان فيه حاجه غلط الولد هذا بدات

ايهاب : اسكتوا اسكتواا خلاص

عثمان جي يتسهوك : خووي صاحبي مااات او ماي قاد

مراد : انتبه لي روحك ورد بالك من كلامك يا ولد

فاروق : تي برا يعنبوك اقلب وجهك

عثمان : عمررر او ماي قاد يااي مات

ايهاب اعصابه : اتعااالا يا فرخ الكلب اتعالا

*ضربه ايهاب طريحه وخلى خشمه دم وشركله سوريته متع المدرسة

فاروق : خلاص خلاص حي عليك احني في المدرسه

مراد : نحيي يا ايهاب شن كل روم بنحز بينكم اني

وليد : تبوا الحق يستاهل الطريحه اللي خداها

المدير جي : يا حيوان انت وياه خشوا للأدارة بسرعه

مراد : حتى اني بنخش

المدير : صكر فمك وخليك مكانك لين يجي ولي امره

مراد : اني ولي امره اني خوه

المدير : خووه ؟

مراد : ايه ايه خوي

فاروق : 😳😳😳😳

المدير :امالا تعالا هي

*المدير مشي والاولاد انصدموا على ملام مراد *

وليد : تي حييي عليه حي شن خوه لما يقتله كان عرف ان صاحبه مش خوه

فاروق : ايه رسمي توا يعطيع ملفه

وليد : يستر ربي وخلاص

( اهلي امي وبوي )

امي : ولدي انتحر يا محمد انتحرر

بوي : بس كيف عرف كييف نبي نعرف

امي : كله بسببي اني كله

بوي : زوز اسباب خلوه ينتحر

امي : لا اله الا الله ولدي ولدي 😭

بوي : 😤😤😤💔 محد لازم يعرف السبب

امي : ايه مش حنقول لي حد

بوي : حتى ايهاب

امي : اممممم به

( في الثانوية ...

المدير : شن المشكله بينك وبينه انت وياه

عثمان : هو جي يضرب فيا زي المهبول مدرتش شي اني

مراد : اسكت انت كداب ... يا استاد ايهاب صاحبي عنده صاحبه توفى تمام وهدا عثمان يتسهوك عليه يقوله يا حراام مات يا حررام فا ايهاب ضربه

المدير : شني هذا انت وياه معندكمش أم واب يربوكم

ايهاب اضايق من كلام عن ام والاب : اسككتت

المدير : شن قلت يا ولد

مراد : ايهاب اتعالى وين ماشي اتعالى

المدير : قليل الادب

مراد : ايهااب اتعالا

عثمان : شفت يا استاد شفت مش قتلك اني

المدير : عطيني رقم بوك بسرعه ...

مراد : ايهااااااب وين مشيت يا ولاد مني شبح ايهاب

فاروق : مشفتاش بكل

وليد : تي مش في الادارة

مراد : تي ملقيتاااش دورو عليه بسررعه را يدير حاجه في روحه

فاروق : وليد برا من جهه الباب بسرعه واني من الخلف المدرسه

مراد : هيااا بسرعه هيا

عثمان : مش قتلك اني يا استاد هدا الولد مش متربي

المدير : ضم فمك وقعمز اهني ليين يجي بوك

عثمان : باهي 🙄

* صاحبي ايهاب طلع من التانويه ويجري في الشارع ومشي لأكتر مكان يستريح فيه هو البحر *

مراد : ايهاااااب وينك

مراد : عمي شفت ولد لابس حوايج المدرسه ابيض واسود

الحاج : لالا يا ولدي مفيش حد كان يجري اهني

فاروق : نور نور اسمعي

نور : خيرك شن فيك

فاروق : مشبحتيش وين مشي ايهاب

نور : اي شفته يجري غاديكا طالع من باب الخلفي

فاروق : تمام تمام

نور : اتعالى احكيلي خيركم

فاروق: بعدين بعدين حبيبتي

*عثمان سمع فاروق يقول لي نور حبيبتي

عثمان : الللله واكبر يحبوا بعضهم هادوا المفرخ 😂 تي واللهي نوريكم كيف شكله الحب على اصوله

المدير : يا حيوان قتلك قعمز في الادارة لين يجي بوك يا بهيم

عثمان : تي باهي باااهي جايني شغل جديد

المدير : استغفر الله اتوب اليه ...

فاروق اتصل بي مراد : اسمع قالتلي نور طلع من باب الخلفي راااه

مراد : من باب الخلفي معناها

فاروق : معناها شني

مراد : اسمع فاروق برا ارجع للمدرسه وقوللهم مراد وايهاب صايرلهم ظرف طارئ اني عرفت مكان ايهاب

فاروق : وين وين

مراد : توا نقولك بعدين تشاو ...

فاروق : تشاو ...

*فاروق مشي للمدسة وقاال للمدير على مراد وايهاب *

المدير : الزوز غدوا ياخدوا ملفاتهم وتوا يشوفوا

فاروق : وعلاش شن دارو

المدير : الولد اسمع مراد ابو كامل وتاتي اسمه ايهاب علي سويلم مش زي اسماء الاب ولا اللقب ويكدبوا يقولوا خوت توا يبانلهم غدوا

فاروق : اااه لالا مفيش داعي ملفات استدعاء بس

المدير : اطلع برا اقلب وجهك انت وياه ... عثمان استنى بوك برا

عثمان : باهي 😒

فاروق : هي سلام ... ( طلع فاروق وقاله عثمان ...

عثمان : اتعالا فاروق وين ماشي

فاروق : خيرك شن تبي كل شي من وراك انت يا كلب

عثمان : اني سمعت انك

فاروق : ان شني اتكلم

عثمان : اتكلم في وحده اسمها نور ومداير معاها علاقه

فاروق : شن تخرط انت شن تقول

عثمان : واللهي اني هدا اللي سمعته بس نقدروا نحلوا الامر بكل بساطة ولطافة

فاروق : كيف يعني مفهمتش

عثمان : يعني تعطيني الساعه الغالية اللي في ايدك ...

فاروق : شننننني 🤬

عثمان : خير ما نمشي لخوت نور وبوها وبوك وامها انك اتكلم فيها ونقول لي اولاد اصحابك قصدي

فاروق : يا حقييييير

عثمان : ونبي حتى ساعة التانية متع البومه عجبتني نبيهم الزوز

*فاروق عطاه ساعه اللي في ايده وحس روحه ان مضايق وفي حد يبتزه شعور حقير بكل*

عثمان : ايواااا شكرا على الهدية ومتنساش البومه ههه

فاروق : الله ياخدك

عثمان : وتبي تعرف مني اللي قالي انك على علاقة

فاروق : مني اللي قالك اتكلم بسرعه

عثمان : عطيني 10 جنيه نقولك

فاروق طلع فلوسه من جيبه : هااك وقولي بسرعه

عثمان : هو واحد من اصحابك الثلاته

فاروق : قصدك وليد وايهاب ومراد

عثمان : ايه واحد منهم قالي انك على علاقه مع نور

فاروق : تي قووووول من هووو

عثمان : هو.....