القائمة الرئيسية

الصفحات

رواية الأنتقام ( زواج اطفال 2) الفصل الحادي عشر 11 بقلم الكاتبة الصغيرة

 رواية الأنتقام ( زواج اطفال 2) الفصل الحادي عشر 11 بقلم الكاتبة الصغيرة

رواية الأنتقام ( زواج اطفال 2) الفصل الحادي عشر 11 بقلم الكاتبة الصغيرة

رواية الأنتقام ( زواج اطفال 2) الفصل الحادي عشر 11 بقلم الكاتبة الصغيرة

الدكتوره.. مبروك المدام حامل 
مالك  بصدمه  بعض الشيء.. هاا  الله يبارك فيك  .. احم  لحظه لو سمحتي  
الدكتوره.. اتفضل 
مالك.. ممكن  لا  تصحى  متعرفيهاش  انك قولتيلى  قولى  لها  اللى  وصلك  مشي  على طول  
الدكتوره باستغراب.. حاضر يافندم  عن اذنك  
مالك  ابتسم  ومشي  
بعد  شويه  اروى فاقت.. انا فين 
الممرضة..حمدالله على سلامتك 
اروى قعدت..هو مين جابنى هنا وانا فيا اى
الممرضة ..إللى وصلك مشي وحضرتك دوختى عشان حامل الف مبروك
اروى اتصدمت بشده  ..ح. ححاامل  أ ن أنتى متأكده
الممرضة..ايوا 
اروى قامت بشرود ..تمام شكرا  خرجت عشان تحاسب 
~ الحساب اتدفع يا فندم
اروى..مين دفع ؟
~ إللى وصلك هنا 
اروى بخنقه..يووه كل م اكلم حد يقول إللى وصلك هو مييين ده 
~ معرفش 
اروى اتضايقت وخرجت بدون رد 
فضلت شارده وهى بتفكر هتعمل ايه 
...... ....... ........ 
سليم ولارا كانوا ماشيين على شقتهم وسلموا عليهم ومشيوا 
الليل جه واروى روحت نامت من التعب ومالك روح البيت لأن لين وحشته 
مالك دخل وسليم ماشي
مالك ..رايحين فين 
سليم..هنروح الشقه قولى انت عامل اى بقالك اسبوع لا بشوفك ولا بسمع صوتك ماشي ي اخويا 
مالك ..معلش ي سليم كنت مخنوق شوية 
سليم ..واى اللى جايبك وانت مخنوق جاى تطلع خنقتك على ماما وبابا 
مالك بزعيق..سلييم احترم نفسك 
سليم ..ماشي ي مالك أنا همشي ولما تفتكر ان ليك أخ ابقي كلمنى أنا موجود ي يا اخويا قالها بسخريه  ومسك ايد لارا ومشي 
لارا ..مكنش ينفع تكلم اخوك الكبير كده 
سليم ..لازم اعمل كده عشان يحس بالذنب شوية 
لارا ..بس اكيد زعل منك 
سليم ..مش مشكلة المهم يصلح غلطه 
لارا..نفسي افهم دماغك دى 
سليم ..ولا هتعرفي 
لارا..حوش الثقه
سليم..امشي وانتى ساكته بقا وبطلى تريقه 
لارا..أنت بتكلمنى كده لى
سليم..اااه قولى كده انتى ناويه تنكدى بقي لا مش وقتك خالص
لارا..وفيها اى لو نكدت كمان مش مستحملنى
سليم قلب عينه بملل ..صبرنى يارب 
.......... .......... ............ 
جميلة..يابنتى انتى من ساعة ما جيتى وانتى نايمه بتعيطى ليه ومكلتيش حاجه 
اروى..مش عايزه أكل 
جميلة..واللى فى بطنك ده ذنبه ايه 
أروى بعياط ..مش عايزاه أنا هنزله ومش عايزه حاجه تربطنى بيه تاني 
جميلة بصوت عالى ..أنتى اتجننتى اياك اسمعك بتقولى كده تاني هتق**تلى روح ربنا خلقها انتى ايه خلاص معن*دكي*ش رحمه 
اروى ..أنا زهقت من كل حاجه ليه كده يارب ليه أنا مش عايزه حاجه من ريحته 
جميلة ..حرام عليكى يا أروى الناس هتموت وتشوف ظفر عيل وانتى بالبساطة دى هت*مو*تيه مينفعش يا حبيبتى طب بالله عليكى مش حاسه بفرح 
اروى..م مش عارفه يا ماما
جميلة بحنان وهى بتحضنها..اهدى يا حبيبتى اهدى ومتفكريش في حاجه هو اعتبريه ما*ت لكن الطفل ملهوش ذنب ربنا يريح قلبك ويبعد عنكم كل شهر انتى وحفيدى حبيبى 
اروى بضحك بين دموعها ..بس أنا عايزه بنت 
جميلة..هههه كل إللى يجيبه ربنا حلو 
اروى..ونعم بالله 
.......... ........ .......... 
@ أنا مقدرش اعمل كده دى العمله دى بحياتى كلها 
~ ومين هيعرف أن انت بقولك مصلحه هتعدى المليون دى هتخليك في مكان تانى 
@ لو اتعرف أن انا فيها رقبتى 
~ أنت خايف ليه كده بقولك ميلووون وكمل بخبث ..خلاص شكلك مش موافق هشوف حد تانى 
@ لا لاا أنا بس مش عارف هنفذ ازاى خلاص هرد عليك بكرا 
~ بضحكه خبيثه..ايواه كده تعجبنى وممكن ازودك كمان 
@تشكر يبشا 
..... .......... ........ ........ 
مالك دخل ولين وزين كانوا قاعدين 
مالك ..السلام عليكم 
رودا السلام 
مالك راح عند لين وباس راسها ..عامله اى يا حبيبتى وحشتينى 
لين لفت وشها ومردتش عليه
مالك  بص لزين 
زين رفع كتفه بمعنى معرفش 
مالك ..ماما انتى زعلانه لسه أنا اعتذرت كتير على التلفون وانتى شوفتى الرسايل بس متزعليش منى بقي أنا آسف 
لين ..وانا هزعل منك ليه أنا مالى ومالك 
مالك ..يا ماما بقى بصيلى طيب 
لين ..مليش نفس 
زين ضحك عليها 
مالك..ملكيش نفس اى بس هو أنا طبق محشي 
لين بصت لزين ومالك بغضب..انتوا بتضحكوا على اى قولت نكته أنا 
مالك وهو بيحضنها ..المشكله يا ست ماما انك مبتعرفيش تتحكمى في هبلك ..احم اقصد هزارك يعني 
زين ضحك عليهم وخلاص 
لين ..ابعد عنى ومتكلمنيش أنا بقولك اهو 
مالك بتمثيل ..تمام أنا كنت جاى اودعك عشان رايح عمليه مهمه بكرا والله اعلم هرجع ولا لأ 
لين بخضه..متقولش كده هترجعلى بالسلامة يا حبيبى 
مالك ..الله اعلم بس قلبى مش مطمن اصلها خطيره 
لين ..عمليه اى 
مالك ..تجار س*لا*ح 
لين بشهقه..لأ يا مالك متروحش عشان خاطرى مش لازم العمليه دى 
زين متابعهم وعارف ان مالك بيكدب بس بيتفرج عليهم 
مالك ..طب وعشان خاطرى أنا متزعليش منى 
لين ..مش زعلانه يروحى 
مالك..احلفي 
لين ..والله مش زعلانه 
مالك رجع ضهره ع الكرسي ..يااه واخيرا يا شيخه 
لين بصدمه ..أنت بتكدب عليا !! 
مالك ..كدبه بيضه عشان تسامحيني 
لين ..ولا بيضه ولا سوده على دماغك  أنا غلطانه انى كلمتك أصلا 
مالك ..كل ده عشانها يا ماما ما خلاص راحت لحالها 
لين ..ايوه عشانها ي مالك وعشان تعرف انك غلطان 
مالك ..خلاص ي ماما متفتحيش الموضوع لو سمحتى أنا جاى اقعد شويه وماشي مش ناقص 
لين ..ماشي اقعد البيت بيتك وقامت دخلت اوضتها 
زين ..امك عندها حق وانت عارف كده وبتعاند 
مالك بصله ومردش 
زين ..على فكره زياد طالب ايد همس 
مالك ..نعم!! مرفوض طبعا 
زين ..ليه شاب كويس ومحترم 
مالك بعصبيه ..محترم؟ ده *** كان بيعاكس مراتى يوم الخطوبه وعايز يكلمها وجاى دلوقتي يلف على اختى 
زين ..قصدك طلقيتك مش مراتك وبعدين اى اللى مضايقك لما أنت مش بتحبها  هااا 
مالك ..بابا لو سمحت متدخلش دى ف دى 
زين..خلاص هى دلوقتي مبقتش مراتك وهو ممكن مكنش يعرفها وانا شايف انه كويس وصادق في طلبه وااه حاجه اخيره أنا كنت بعرفك بس مش باخد رأيك ولا حاجه دى بنتى وانا عارف مصلحتها فين ( بقي شكلك وحييشش)🙂😂😂
مالك ..بس دى اختى! 
زين ..يعني اى اختك ماهى بنتى 
مالك..أنا مش هستحمل واحد ** زى ده يزعلها في يوم او يبص لوحده غيرها وفي الآخر يطلقها ويرميها أنا عارف الص*نف ده كويس يا بابا متوافقش 
زين بسخريه ..آه اللى هو ص*نفك يعني! 
(مش بقولك بقي شكلك وحش اى الاحراج ده يا بني خلى عندك دم وامشي🙂😂) 
مالك بعصبيه ..يا بابا أنا... 
زين ..أنا داخل انام عشان هروح الشركه بدرى تصبح على خير وسابه ودخل 
مالك كان على اخره خد نفسه ومشي (م كان من ساعتها 😏) 
....... ........ ......... ......... ....... 
سليم ..ادخلى يختى 
لارا ..بس متزوقش 
سليم..يابنتى انا لمستك هو حرق اعصاب وخلاص 
لارا..بهزر يا سليم في ايه 
سليم..ماشي 
لارا ..أحم أنت زعلت 
سليم ..لأ عادى 
لارا ..خلاص حقك عليا وادى راسك ابوسها 
سليم ..اى ده هو أنا بصالح واحد صاحبى ف 4ابتدائي!! 
لارا بضحك ..هههه مش قادره طيب اعمل اى 
سليم بغمزه ..اى حاجه انتى وزوقك 
لارا بإحراج ..سلييم 
سليم ..قلبه 
لارا خلاص بقي
سليم ..خلاص امشي مش عايز حاجه 
لارا راحت عند خده ولكن هو لف وشه بسرعه لتتحول اى قبله 
لارا انصدمت وبعدت بسرعه بخجل ..انت.. وطلعت تجرى من قدامه 
سليم وهو بيجرى وراها ..استنى يا بت أنا ملحقتش يخربيتك 
لارا ..أنت قليل الادب  وبتقفل الباب 
سليم مسك الباب ..أنت لسه مشوفتيش قلة ادب 
لارا ..والله لو مبعدت لاصوت والم الناس عليك 
سليم دخل وهى راحت جرى على السرير ..هرمى نفسي من هنا 
سليم..هههه يابنت المجنونه 
لارا..مشتمش ماما 
سليم وهو بيقرب ..خلاص حقك عليا 
لارا ..ابعد بقولك  أنت قليل الادب أنا غلطانه انى بصالحك 
سليم شد رجليها وقعت على السرير وهو فوقها ..وأنا جه دورى اصالحك 
لارا بتعثلم..لا لا ن أنا مش زعلانه 
سليم ضحك عليها وهى فضلت مركزه في ملامحه قد اى أنت جميل 
سليم..عارف انى قمر 
لارا بإحراج .. ابعد بقي 
سليم فضل يقرب من وشها ..مش هصالحك 
لارا..تؤتؤ مش زعلانه  
سليم قرب منها جامد غمضت عينها بسرعه لتتحول خدودها للون الأحمر ضحك عليها وراح عند راسها ..حقك عليا وادى راسك ابوسها 
لارا اتنفست براحه وهو بعد عنها ..هطلع اطلب أكل لغاية ما تغيرى 
لارا..تمام 
....... ........ ......... ......... 
دخل البيت في قمة غضبه وفضل يكسر في كل حاجه 
وقعد على الكرسي وهو بيفتكر الدكتورة لما قالت أنها حامل  ابتسم  
...... ........ ...... ........ ......... 
تانى يوم 
جميلة..راحه فين يا اروى 
اروى ..راحه الشغل 
جميلة ..شغل اى يابنتى اقعدى بقي وريحى نفسك 
اروى.. أنا دلوقتي محتاجه الشغل عشان اوفر فلوس واجيب لبنتى كل إللى هى عايزاه مش هخليها تحتاج لمخلوق 
جميلة بضحك..هى خلاص بقت بنت 
اروى حطت ايدها على بطنها ..عندى احساس بكده وانا عايزاها بنوته قمر زيك كدة يا جوجو 
جميلة بضحك ..ربنا يرزقك ياحبيبتى وتفضلى فرحانه كده دايما 
اروى ..يارب يا ماما 
جميلة ..هتعرفي مالك 
اختفت الابتسامة من وش اروى ..لأ مش هيعرف حاجه عنها 
جميلة ..اللى انتى شايفاه 
اروى ..يلا عشان متأخرش 
جميلة ..خلى بالك من نفسك 
اروى..حاضر 
....... ........ ........ ....... 
~ ها قررت ايه 
@اسبوع وهيجيلك الرد عشان أنا مش هنفذ لوحدى 
~خد راحتك المهم توافق 
@ماشي يبشا 
..... ...... ....... ....... 
 مالك دخل المكتب ..جيب القهوه يا سعيد 
لقي تليفونه بيرن ..اى يعم أنت فين من امبارح 
مالك..معلش كنت تعبان شويه يا عز قولى أنت عامل ايه 
عز ..كويس كلها أسبوعين وراجعلك 
مالك ..ناس تتجوز وتفرح وناس تانيه تصتبح بوش سعيد
عز..ههههه اى يابنى مانت لسه متجوز  
مالك ..هاا 
عز..ها ايه مالك ؟ 
مالك..مفيش حاجه يلا هقفل عشان ورايا شغل كتير 
عز..ربنا معاك ياصحبى 
مالك ..حبيبى 
سعيد ..القهوه يا بيه 
مالك..شكرا يا سعيد 
سعيد ..لا مؤاخذة في السؤال يابيه بس الدكتورة اروى أنت تقربلها حاجه يعني أصل أنت بعدت ايد الدكتور خالد عنها وشلتها أنت 
مالك بجديه ..روح شوف شغلك يا سعيد 
سعيد ..حاضر يا مالك بيه عن اذنك 
مريم ..عامله ايه 
اروى..الحمد لله احسن 
مريم ..خضتينا عليكى امبارح 
اروى ..آه صحيح هو مين ودانى المستشفى 
مريم لسه هتتكلم خالد نده عليها ..معلش يا أروى هشوفه وجايه 
اروى..اتفضلى 
اروى قامت وراحت اوضة الملفات  تشوف الملفات  اللى فيها اسامى الكشوفات بتاع امبارح عشان تكملها. ..مين اللى حاططها فوق كده شايفنى طويله اوى  
راحت جابت كرسي وحطه عشان تطول 
مالك ..سعيد خلى مريم تجيب الكشف بتاع امبارح واول 
سعيد ..مش موجودة يابيه خرجت من شويه 
مالك ..خلاص هجيبها أنا 
الكرسي كان قصير حطت واحد تانى فوقه وطلعت الكرسي اتحرك بيها صرخت جامد وهى مغمضه عينها    بعد ثوانى فتحت عينها لقت مالك 
كانت هتقع لما الكرسي اتحرك وهو دخل في نفس الوقت جرى بسرعه ومسكها قبل ما تقع على الأرض 
اروى بصدمه وهى بتتنفس بسرعه  كانت حاطه ايدها على بطنها 
مالك بخضه ..مش تحاسبى 
اروى انتبهت لقته شايلها 
مالك بص على ايدها إللى على بطنها وبصلها 
شالت ايدها بتوتر ..احم نزلنى 
مالك نزلها ..بعد كده أبقي خدى بالك 
اروى مردتش عليه لقته مد ايده بالملف إللى هى عايزاه 
خدته منه وجت تخرج صوته وقفها 
مالك بغرور وهو حاطط ايده في جيبه ..مش عايزة تقوليلى حاجه 
اروى لفت ليه ..اقولك اى يعني 
مالك بنفس الثقه ..تشكرينى مثلا انى وصلتك المستشفى 
اروى بصدمه ..أنت اللى وصلتنى!! 
مالك بخبث ..اممم أنا 
اروى في نفسها ..زمانه عرف انى حامل اكيد لأ مهو مجبش سيره والممرضه قالت مشي على طول 
مالك..كل ده عشان تقولى شكرا 
اروى فاقت على صوته ..شكرا ولفت وشها عشان تمشي او تهرب منه 
مالك ..مقولتليش هنسمى ابننا ايه؟ 
اروى وقفت مكانها بصدمه 
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية الأنتقام الجزء الثاني من زواج اطفال)
هل اعجبك الموضوع :

تعليقات