القائمة الرئيسية

الصفحات

رواية همس المالك الفصل الرابع 4 بقلم Roaa

 رواية همس المالك الفصل الرابع 4 بقلم Roaa

رواية همس المالك الفصل الرابع 4 بقلم Roaa

رواية همس المالك الفصل الرابع 4 بقلم Roaa

ببرود_ بره.. اطلعي بره حياتي بقا.. انا كرهتك مش عايز اعرفك تاني.. انا خلاص لقيت اللي اكمل معاها حياتي.. 
كان محطوط نضاره نوم علي عيونه وهو بيقولي الكلام ده!! 
نزلت مني دموعي بقهره ونا بسمع كلامه الجارح ..
-اللي تشوفه ي مالك. مع اني مكنتش اقصد اللي حصل كنت فاكره انك هتتقبل اللي عملته واني همرمطك عشان توصلي زي مابشوف فالروايات.. بس للاسف طلعت غلطانه.. مكنتش اعرف انك هتنساني بالسرعه دي دحنا مكملناش اسبوع ع قريان فتحتنا..انا..انا اناكنت بدات احبك!!. 
طلعت مني شهقه وقولت بصوت مبحوح-خلاص انا هخرج من حياتك.. 
لقيته شال النضاره من علي عيونه والسماعه اللي في ودنه كمان.. واضح انه مسمعش الكلام اللي قولته!. 
وبصلي باستغراب ومشاكسه_ اي ده نموسه بنفسها جيالي المستشفى!! ههههه انتي عامله زي اللي يق. تل الم. يت ويمشي في جنازته.. 
وكمل بحزن مصطنع_ شايفه؟ شايفه عمايلك؟! ادوني حقنه ونا بخاف من الحقن..! اي ده؟؟ معقول بتعيطي عشاني لا لا مش عايز اشوف دموعك.. 
كنت واقفه زي التايهه بسمع كلامه ونا شبه واعيه.. 
_ مالك؟ مبترديش لي؟؟ 
عيطت وجريت عليه حضنته وقعدت اعيط.. 
اخدني في حضنه بحنيه وقعد يطبطب عليا،. 
_ انا كنت فاكره انك اهي انك زعلت مني ومش عايز تعرفني تاني! انا مش فاهمه اي ده ولا حتي في اي؟ امال الكلام اللي قولته كان لمين.؟؟ 
ضحك-قولي بقا انك سمعتي الكلام اللي قولته لخطيبتي السابقه، متقلقيش ي نموسه انا استحاله اسيبك، انتي ملاك ازاي اقولك الكلام ده الكلام ده كنت بقوله للحربايه خطيبتي السابقه بس كده.. لكن انا بحبك يجميل.. 
عيطت بفرحه_ ونا كمان.. 
بصدمه-اي!! قولتي اي؛! 
بكسوف_ انا، انا انا لازم امشي اتاخرت.. الف سلامة عليك.. 
وطلعت اجري علي بره وقلبي بيدق..
...................
عدت الايام ونا ومالك كويسين وفي قصه حب بتبدا مابينا.. 
اتعودت ع وجوده حسا ان حياتي كانت ظلمه وهو جه ونورها ليا.. ♡
.................... 
كنت قاعده في اوضتي بذاكر.. لقيت بابا ناداني.. 
_ تعالي ي همس.. 
-نعم ي بابا
_ مالك حابب ان الخطوبه تبقا يوم الخميس الجاي اي رايك؟ 
-بس ي بابا دراستي، مستعجلين علي اي.. 
_ يبنتي هو عايز يبقا في حاجه بينكم ان شاءلله تكون دبله.. لكن الجواز بعدين..
-تمام يبابا موافقه. 
دخلت اوضتي منكرش اني كنت مبسوطه.. بس خايفه ارتباطي بيه يشغلني عن الدراسه.. 
...................... 
جه يوم الخميس بسرعه.. 
جت ريم صحبتي الصبح صحتني وبدانا اليوم مع بعض مابين الماسكات والحجات دي.. 
وهو كان معاه اصحابه بيجهز تقريبا.. 
استغربت انه مكلمنيش يوم الخطوبه خاالص مع انه كل يوم يقرفني بس معملهاش النهارده. قولت يمكن مشغول بتجهيزات الخطوبه مش فاضي".. 
.................... 
بالليل.. 
كل حاجه كانت جاهزه لبست فستان لبني كان بيلمع ومنفوش وكان رووعه وفردت شعري وحطيت تاج ابيض عليه لميع لبني كان تحفه وحطيت ميكب سيمبل.. اتصورت صور كتير جدا من كتر فرحتي بشكلي..
استنيت ف الكوافير نص ساعه وكنت زهقانه من التاخير ده.. 
_ اجهزي ي عروسه العريس جه .. 
اتكلمت ريم بفرحه ليا وكانت مدمعه_ اخيرا جه اليوم اللي بقيتي فيه اجمل عروسه ربنا يفرحك الف الف مبروك.. 
حضنتني ودمعتي نزلت من الفرح"ريم حرفيا اجمل واوفي صديقه عمري ماهلاقي في طيبتها وحنيتها ولمعه عنيها لما تلاقيني فرحانه"
دخل مالك ونا كنت مدياله ضهري و مدمعه.. 
لفني لي بهدوء.. وهو فرحان.. 
عيطت وحضنته.. بادلني الحضن وبعدين خرجني ومسحلي دموعي ومسك ايدي وخرجنا.. 
كنت فرحانه جدا فرحتي لا توصف بجد.. 
ركبنا العربيه.. 
.......................
وصلنا القاعه بعد ساعه من الرقص في العربيه وطبعا الزفه اللي كانت ورانا كانت شغاله والفرح كان مالي المكان.. 
نزلت ودخلنا القاعه.. 
اول مادخلت القاعه لقيتها فاضيه ومفيهاش ولا شخص.. 
استغربت وادايقت شويه.. 
فجاه لقيت نور القاعه كله اختفي والمكان بقا كحل.. 
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية همس المالك)
هل اعجبك الموضوع :

تعليقات