القائمة الرئيسية

الصفحات

رواية أنا لك أنت الفصل الرابع والعشرون 24 بقلم حبيبة محمد

 رواية أنا لك أنت الفصل الرابع والعشرون 24 بقلم حبيبة محمد 

رواية أنا لك أنت الفصل الرابع والعشرون 24 بقلم حبيبة محمد 

رواية أنا لك أنت الفصل الرابع والعشرون 24 بقلم حبيبة محمد 

خرج من اوضته وهو بيجري وبيقول لسليم: الحق يا سليم ملك كتب كتابها انهارده 
سليم قام وقف وقاله باستغراب: نعم!! انت بتخرف تقول اي؟ 
امير حاول يقنعه وهو بيقول: والله هتتجوز في الصعيد الحقها يا سليم.. 
سليم اتوتر جدا وشد مفاتيح العربيه وخرج سلاح من الدرج 
امير بصله بخوف وقاله بذهول: هتعمل اي بالسلاح؟ وجبته امتي وازاي!!! 
سليم نزل يجري ومردش عليه وامير ركب جمبه ومشيوا في طريق الصعيد كانوا ماشيين علي اقصي سرعه عشان يلحقوا ملك
꧁꧂
ملك معرفتش تروح فين ولا تعمل اي وسليم لسه مجاش!! محدش نقذها ومحدش يعرف اي بيحصل!! 
استنهزت فرصه ان عائشه واماني برا وهي لوحدها في الاوضه وشدت فستانها ودورت علي مكان تهرب منه في الاوضه بس مفيش غير الشباك ولو نطت من الشباك ممكن رجلها تتجزع 
بس الفرق بين الشباك والارض مش كتير خالص 
ملك بصت علي باب الاوضه وقفلته بالمفتاح عشان محدش يقفشها وشدت فستانها وبصت علي الارض بخوف وقالت: هتضطرني اعمل كدا يا سليم 
نطت من الشباك لحد ما وقعت علي الارض وهي بتتوجع جامد بس حاولت تكتم صوتها عشان محدش يمسكها شدت الفستان الاتوسخ من التراب وفضلت تعرج لحد ما خرجت من البوابه الخلفيه للقصر
وحاولت تخبي نفسها من الناس وقفت ورا الشجره وهي خايفه وهتموت من الوجع ال في رجلها 
كانت المعازيم قد كدا وناس عمالين يدخلوا القصر بنات وستات ورجاله واطفال ناس كتير اوي معزومه 
ملك بصت كويس واول ما لقت فرصه تجري فيها جريت وهي بتحاول متتمسكش بس رجلها مش مساعداها تجري بسرعه رجلها اتجزعت جامد 
꧁꧁꧂꧂
عائشه خبطت علي اوضه ملك وهي بتقولها: افتحي يا ملك
مفيش حد بيرد 
عائشه بغيظ خبطت جامد وقالت بخبث: افتحي يا ملك؛ برودك دا هيضرك جامد اوي؛ افتحي احسن ما خالي يجي ويلاقيكي قافله الباب علي نفسك ومش راضيه تفتحيه؛ هيكسر الباب علي دماغك 
مفيش اي رد 
عائشه اتغاظت وقالت بخبث:  بقا كدا؟ مبترديش يعني؟ طب ماااشي؛  يا خاااالو تعالا بسرعه
زاهر جه علي صوت عائشه وقالها بأستغراب: في ايه يا بت 
عائشه خبطت علي الباب وقالت: ملك مش موافقه تخرج من الاوضه 
زاهر قرب من الباب وقال بصوت واطي: يلا يا ملك هي كلمه واحده هقولها بدل ما اكسر الباب علي نفوخك 
مفيش اي رد 
عائشه قالت لخالها:  شوفت يا خالو اهي بقالها ساعه علب الحال دا انا اتكلم وهي ساكته
زاهر بعد عن الباب وقام خبطه بكل طاقته لحد ما الباب اتكسر وملقوش حد جوا وشباك الاوضه مفتوح 
زاهر الشرار بقا واضح جدا في عيونه وقال بغيظ: هربت!  ؛ هربت وفضحتنا بنت الكلب 
عائشه ابتسمت بخبث وقالت: 
لما نشوف يا ملك؛ مين فينا هيفوز ب سليم 
꧁꧂
كانت بتجري وهي بتنهج وتعبت لدرجه انها مبقتش قادره تجري اكتر من كدا بس جريت وعملت اقصي مجهود عشان تهرب منهم؛ بتجري ومع كل خطوه بتجريها بتبص وراها خوف من عمها 
زاهر خرج وراها وهو بيبص علي المكان كله مش لاقيها؛ رجع تاني وركب عربيته وساق بأقصي سرعه عشان يلحقها واول ما شافها علي بعد ٥ متر وقف العربيه ونزل منها وهو ماسك سلاح وموجهه نحيتها وبيقول بصوت عالي: ملك 
ملك وقفت جري واتنفضت من صوته ولفت وهي مستسلمه بخوف وبتقوله: عارفه اني غلطانه اني هربت؛ بس حضرتك كمان غلطان يا عمي 
زاهر هددها وهو بيقول: لو مجتيش دلوقتي حالا هفرغ الطلق دا في نفوخك 
ملك حركت راسها وهي بتقوله بعيون قويه: لا لا مش هاجي؛ ومش هستسلم ابدا 
طلعت تجري تاني وهو جري وراها وهي مع كل خطوه بتاخدها بتلف تبص علي عمها لحد ما لقت عربيه في وشها 
نزل من العربيه سليم وامير 
سليم بص لزاهر بغيظ وشد ملك في حضنه وقالها: انتي كويسه
ملك حضنته جامد وهي بتعيط في حضنه وبتقوله: انقذني ارجوك يا سليم انقذني 
زاهر قرب من سليم وهو بيقوله: بقا انت بقا ال هي عامله كل دا عشانك؟ ابن خالتها؟ 
سليم زقه في كتفه وهو بيقوله: ابعد ومتقربش منها 
زاهر ابتسم بتريقه وهو بيقول: بجد؟ وانت بقا تبقي مين عشان يكون ليك حق تاخدها؟ ابن خالتها مثلا! ميكفيش
سليم بصلها بحب وبعدين بصله بقرف وقاله: لو فكرت تقرب منها او من اي حد من عيلتي هقتلك يا زاهر ومش هيكفيني موتك 
زاهر بصله بعيون فيها غل وشر وقاله: استحاله اسيبهالك دا لو علي موتي 
سليم ضحك بسخريه وخرج من جيبه السلاح وقاله: موافق معنديش مانع لو انت عايز تموت
زاهر بلع ريقه بتوتر وقاله: بس اعمل في حسابك ان الفضيحه ال هي فضحتهالنا دي انا هحاسبك عليها حساب كبير اوي وحتي لو مر علي اليوم دا سنين مش هسيبك يا سليم
ياسر كان جاي بعربيه ومعاه عائشه... 
عائشه اوا ما شافت سليم بصتله بأعجاب بس اول ما شافت ملك في حضنه اتغاظت وقالت لخالها: المعازيم بيسألوا عن العروسه يا خالي!! 
زاهر بص لسليم بأستسلام ورجع يركب  عربيته وهو بيقول: مفيش فرح ومفيش عروسه 
عائشه بصتلهم بحسره وقالت: يعني اي يا خالي الكلام دا 
زاهر قالها بزعيق: اركبي يلا يا بت خلينا نمشي 
زاهر مشي وساب ياسر مع سليم 
ياسر بص لأمير بقرف وقال: جايب معاك عيل بشخه يحرسك مننا؛  قرب من سليم بغيظ وضربه بالبوكس في وشه وهو بيقول: عشان انت جبان خايف تيجي لوحدك
ملك صوتت وقال لسليم: انت كويس؟  يلا يا سليم نمشي ارجوك
امير مسك ياسر من ايديه الاتنين وقال لياسر: لو قلبك مات متجيش علي اتنين اخوات 
سليم ضربه في بطنه برجليه وياسر فضل يكح جامد 
وبعدين سليم قال لملك:
 خدي حقك منه 
ملك بتوتر: لا لا خلاص يا سليم ارجوك 
سليم قالها بصوت حاد: بقولك خدي حقك منه 
ملك بصتله وهي بتحاول تفهمه انها مينفعش تعمل كدا
سليم زعق في وشها وقال: لو مخدتيش حقك منه هضربهولك بالنار يا ملك 
ملك اتضطرت انها تضربه بالقلم عشان سليم يسيبه 
امير ضربه في ضهره ووقعه علي الارض وهو بيغمزله وبيقول: مع السلام يا سوسن؛ الف الف مبروك يا حبيبتي 
ركبوا العربيه كلهم وامير خرج لياسر من الشباك وهو بيزغرط: لولولولييييييي؛ الف مبروك يا سوسوووووو؛ عقبال ما نشوف عيالك يا حبيبتي 
سليم شده من ايده وهو بيضحك وبيقوله: يبني اركب ضحكتني وانا اصلا مش رايقلك
ملك مسكت ايد سليم وقالتله:   لو مكنتش انت حيت ونقذتني كان زماني متجوزه ياسر 
سليم بصلها بحده وقالها:
 انتي ليا انا ووبس يا ملك؛ ياسر دا امير هيتجوزه  سيبك منه خالص 
امير ضحك جامد وقاله: هو اه مفيهوش المواصفات الانا عايزها بس ماشي ينفع ميضرش
ملك ضحكت علي ضحكهم وبعدين سألت علي مريم: هي فين مريم يا سليم؟ 
سليم قالها ببرود: انا جيت قبل ما هي تيجي بس اكيد روحت اصل هي كانت في المدرسه 
꧁꧂
مريم مسكت الورقه وهي بتبص فيها بفخر وقالت: خطه في منتهي الذكاء 
نادر غمزلها وهو بيقول: عيب عليكي؛ احنا هننتقم منهم واحد واحد 
مريم شدت شنطه المدرسه وقالتله: لازم اروح دلوقتي سليم لو عرف اني كل دا مروحتش المدرسه وقاعده معاك بخطط لديما وصحابها هيقتلني 
نادر ضحك وقالها وهو بيودعها: اوصلك؟ 
مريم حركت راسها وقالتله: لا لا بلاش انا هركب تاكس بسرعه واروح وهخترع حجه اقولهالو
꧁꧂
مريم دخلت الڤيلا من شباك المطبخ زي كل مره بس ملقتش اي حد في الڤيلا 
طلعت اوضتها بروقان بال وهي بتقول: يلا احسن برضو مريحني منهم ومن زعيقهم فيا طول اليوم
غيرت لبسها ولبست بيچامه وهي بتريح ضهرها علي السرير وبتبص لصوره ملك المتعلقه في اوضتها وبتقول بشوق:  هستناكي لحد ما تيجي يا ملك انا مش هنساكي؛ هستناكي احد ما تيجي وننتقم من ديما وصحابها مع بعض 
غمضت عينها وهي بتحاول تنام 
꧁꧂
وصلوا للڤيلا بعد ما الصبح طلع عليهم في الطريق 
ملك كانت نايمه وامير كان نايم ورا وسليم صاحي لأنه هو البيسوق 
سليم بص لملك وهي نايمه وبيقولها: شكلك زي العجل وانتي نايمه يا حبيبتي 
لف راسه عشان يبص علي امير ضحك وقال بسخريه: تور نايم ورا وعجل نايم قدام؛ وسايبين سواق الجابوهم يسوق وهما مرتاحين 
دخل الشارع ال فيه ڤيلتهن وركن العربيه وهو بيقول لملك: اصحي يا ملك مش قادر اشوف منظرك وانتي نايمه اصحي 
ملك فاقت وهي بتحاول تستوعب انها رجعت الڤيلا تاني وقالتله بنعاس: سيبني عايزه انام يا سليم 
سليم زقها في كتفها وهو بيقول: اصحي يا ملك كفايا نوم احنا وصلنا 
امير صحي علي صوت سليم وهو بيقوله: الساعه كام 
سليم بص ع الساعه في ايده وقاله: الساعه ٦ الصبح قوم يلا وصلنا 
امير كمل نوم تاني ومردش علي سليم 
نزل من العربيه وهو بيقوم ملك وبيقول: مقعد شويه تران معايا في العربيه 
ملك فاقت بالعافيه وقالتله: خلاص يا سليم فوقت فوقت 
سليم بص من الشباك لأمير وقاله: فوق يالا 
امير اداله ضهره وكمل نوم 
سليم فتح باب العربيه وشده من رجله لحد ما امير فاق وخرج برا العربيه وقاله: دا انت مزعج 
سابه ودخل الڤيلا مع ملك الماشيه مسطوله علي نفسها وهو كذلك 
سليم قفل العربيه ومشي وراهم وفتحلهم باب الڤيلا ودخلوا كلهم بعد ما امير وملك فاقوا من نومهم
امير طلع علي اوضته وقفل الباب وراه وهو بيقول بصوت عالي: مش عايز حد يزعجني انا هنام سنتين قدام سامع يا سوما العاشق؟ 
ملك بصت لسليم وهي بتضحك علي كلام امير وبتقوله: سوما العاشق!!  هو مسميك سوما العاشق!! 
سليم ضحك بخجل وقالها: ايوه مسميني كدا عشان دايما بحكيله عنك 
ملك ابتسمتله بحب وهي بتقوله: لو مكنتش نقذتني عمي كان هيجوزني لياسر يا سليم؛ مش عارفه من غيرك كنت هعمل اي!  بس انت دايما بتيجي تنقذني دايما واقف جمبي ودايما بتسندني حتي لو انت مش سامعني بتيجي تنقذني؛ حسيت اني اما بعدت عنك اني في غربه كبيره اوي مكنتش عايشه اصلا؛ لدرجه اني نطيت من شباك اوضتي عشان اهرب واجيلك بس انت مستنتش اني اجي انا؛ عشان انت جيت تلحقني من ايد عمي.... 
سليم باس ايد ملك وقالها بحب: متحطيش توقع لو انت يا سليم مجتش نقذتني كان هيحصلي اي عشان مفيش التوقع دا اصلا اطمني يا ملك انا دايما هبقا جمبك وواخد بالي منك م هتغيبي عن عيني ثانيه 
ملك حضنته بحب كبير وقالتله: انت نعمه كبيره اوي في حياتي يا سليم 
سليم ابتسملها وقالها: 
مش هتطلعي تنامي؟ 
ملك حركت رايها وقالت: لا مش هطلع انام انا نيمت كتير اوي في العربيه انا هطلع اللبس عشان هروح المدرسه بقالي كتير مروحتهاش 
اول ما طلعت علي السلم رجلها وجعتها اوي وقالتله: مش قادره اطلع يا سليم مش قادره 
سليم نزل بمستوي رجلها ومسكها وهو بيبص عليها بيشوفها متعوره ولا لأ وبعدين قالها: مفيش حاجه في رجلك يا ملك؟  
ملك حطت راسها في الارض وقالت بحزن: لما نطيت من الشباك رجلي اتجزعت 
سليم شالها علي ايديه وهو بيبصلها برمانسيه وبيقول: عامله زي الريشه بشيلك في ثانيه 
ملك ضحكت بخجل وقالتله: 
يا رااجل!
سليم اخيرا طلعها ونزلها علي الارض وهو بيقولها: يا بت! 
ملك بصت للڤيلا ب كل اركانها وهي مشتاقه ليها جدا بس اول حاجه كانت عايزه تعملها انها  تفاجئ مريم.... 
بس مريم خرجت من التويلت وهي مسيبه شعرها ولأول مره تسيبه كدا 
مريم اول ما شافت ملك مصدقتش نفسها وقالت لسليم : هو دا بجد؟  ولا انا بيتهيألي عشان لسه صاحيه من النوم وكدا؟ 
ملك حضنتها بدون اي مقدمات وقالتلها بفرحه: لا بجد يا مريومه؛ وحشتيني اوي يا مريم 
مريم خبطتها في ضهرها وهي بتعيط وبتقولها: وحشتيني يا بت؛ الايام من غيرك ملهاش طعم ولا معني 
سليم دخل اوضته وجاب شاش لملك عشان يربطه حوالين رجلها 
ملك كانت في اوضه مريم وهي بتقولها: روحتي المدرسه وانا مش موجوده؟؟ 
مريم افأفأت بغضب وقالت: لا مروحتش خالص عايزه ابدأ انتقم منهم وانتي معايا مش لما اكون لوحدي عايزه احنا الاتنين ناخد حقنا منهم مش انا لوحدي
_ بس قوليلي! جيتي ازاي؟ 
ملك خرجت من اوضه مريم وهي بتقول:  يااااه دي قصه طويله عريضه محتاجه شرح هبقي احكيلك لما اللبس يونيفورم المدرسه 
دخلت اوضتها لقت سليم قاعد مستنيها 
قالت باستغراب:  مستنيني!  فيه حاجه ولا اي؟ 
سليم قام وشد الشاش وقالها:  لا خالص عايز بس اربطلك رجلك عشان متوجعكيش اكتر من كدا
ملك قعدت علي الكرسي ومدتله رجلها وهو لف الشاش حوالين رجلها وهو بيقولها: مقاس رجلك كام يبت؟ 
قالت وهي بتغيظه: ملكش فيه
سليم قام وقف وقالها بتنهيده: امم هنبدأ ندلع تاني بقا 
ملك فتحت الدولاب وجابت يونيفورم المدرسه وهي بتقوله: مقاس رجلي ٣٨ ليه بقا؟ 
سليم قالها وهو بيضحك: مقاس اطفال يعني؟ 
ملك اتريقت عليه وقالت: علي اساس يعني المفروض يكون مقاس رجلي كام؟ ٤٥ ولا ٤٨؟
سليم قال بسخريه: يا عبيطه مفيش مقاس ست او بنت يعدي ال ٤١ المقاسات دي للرجاله بس
ملك قالتله بدلع: طب هتخرج ولا اي؟  انا عايزه اغير
سليم غمزلها وهو بيقول: 
ما تخلينا في ولا اي دي احلي 
ملك خبطته في ضهره وهي بتقول:  طب يلا برا بقا مش عايزين قله ادب هنا 
قفلت الباب وراه وهي بتضحك وبتقول في سرها:  ساافل 
꧁꧂
مريم خرجت من اوضتها وملك كمان خرجت وكانوا لابسين اليونيفورم ومسرحين شعرهم وكل حاجه تمام بس مفيش حد يوصلهم سليم نام عشان منامش من امبارح وامير نايم بس هو مكتفي نوم لأنه نام هو وملك ف العربيه
ملك قالت لمريم: خشي صحي امير 
مريم رفعت كتفها وقالت بأستغراب:  وليه منصحيش سليم؟ 
ملك نزلت ع السلم وهي بتقول:  لأنه مكتفي نوم لاكن امير كان نايم طول الطريق ويلا انا مستنيه تحت 
مريم دخلت اوضه امير وسابت الباب مفتوح وخبطت علي كتفه براحه وهي بتقوله:  امير؛  احمم امير... 
امير زقها بعصبيه لدرجه انها وقعت علي الارض وقالتله:  ااه يا غبي بتزقني كدا ليه؟ 
امير اتنفض من صوتها وقام وهو مخضوض وقومها من علي الارض وقال: انا اسف والله افتكرتك سليم عشان هو كان بيصحيني كتير في العربيه 
مريم عدلت لياقه القميص وقالتله وهي بتحاول يكون عندها برستيچ تاني بعد الوقعه الوقعتها: احمم طب يلا مستنينك تحت 
امير رفع شفته بتريقه وقال:  
ليه انشاء الله؟ 
مريم ضحكت علي منظره وبعدين قالت بجديه:  هتوصلنا المدرسه 
امير فتح الدولاب و جاب لبس من دولابه وهو بيقولها:  هتفضلي واقفه؟ انا هغير!! 
مريم خرجت بكسوف ونزلت لملك الواقفه مستنيه تحت 
꧁꧂
نزلوا من العربيه وهما بيودعوا امير..... 
ملك ابتسمت لأمير وقالتله:  شكرا يا امير انك وصلتنا 
امير قال بهزار: اعيش واوصلكم
مريم ابتسمتله وهي بتقول: 
 باي يا ميرو
امير شاورلها بأديه وهو بيقولها:  باي يا قلب ميرو 
مشي بالعربيه وسابها واقفه مذهوله هي وملك 
مريم لفت قالتلها بذهول:
 الانا سمعته دا صح!! 
ملك ضحكت بفرحه وقالت: 
صح صح!!  بس انا مش فاهمه وازاي اتجرأ يقول كدا والله الواد دا قمر 
مريم ابتسمت بكسوف لما افتكرت الموقف وقالت:  يلا ندخل المدرسه؟ 
ملك انجشت ايد مريم ودخلوا من المدرسه و دي كانت اول مره يروحوا فيها المدرسه من بعد الحريقه 
كريم وسيف وديما ومي كانوا واقفين بيهزروا مع بعض بتفاخر واول ماشافوا ملك ومريم... 
يتبع..
لقراءة الفصل الخامس والعشرون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات