رواية حياة الصقر الفصل السادس عشر 16 بقلم شهد جاد

_________

صٍلُيَ علُيَ آلُنْبْيَ

_____________________________

خالد: الو مين

__:فين بنتي يا خالد

قبض خالد يداه بغضب شديد وضرب الحائط بيدها لا يعي بيده التي بدأت تنزف من جديد فهو يعرف ذلك الصوت جديد هتف بغضب: عاوز ايه يا محمد يا كيلاني

محمد الكيلاني بغضب: عايز بنتي يا خالد انا متأكد انها معاك

احمرت عينيه وصك علي اسنانه من شدت الغضب فذلك الرجل لا يتركه لحاله ابدا: بنتك مش عندي

محمد الكيلاني بتهديد: لو عرفت مكانها مش هسيبها

خالد بغضب وقلبه تأكل على تلك الفتاة رغم الحراسة التي تحوم حولها ولكن ذلك الرجل ليس سهلا: فكر بس انك تقرب منها وانا هقتلك يا كيلاني

وقفل الهاتف في وجه بغضب شديد وضع يده على راسه بتعب وتفكير وصرخ وهو يضرب الأشياء حوله بغضب ماذا افعل يجب ان اجد مكان آخر لتبقى بعيدة عن ذلك الرجل لن اتركها ابدا

جلس ارضا بعد ان هدا قليلا وضع يده علي قلبه بتعب يفكر ماذا يفعل، ثم ركض إلى هاتفه ولكن قد اصبح اشلاء صرخ بغضب وهو يركض اخذ مفاتيح سيارته وركض خارج منزله ركب سيارته وقادها بسرعة جنونية وكلما تذكر كلمات ذلك الرجل يضرب على السياره بقوه و صرخاته تعلي

_____________________________

في منزل حمدان

كان يقف في شرفة منزله ينظر لهاتفه بانتظار شئ بلهفه شديده فتلك المكالمه ستحقق له اول امنياته حتي تعالي صوت الهاتف فأجاب بسرعة كبيرة

حمدان: اها عرفت حاجه

___: انا وصلت لعنوان باسم مراد الالفي

حمدان بسعادة: طب ابعتلي العنوان بسرعه انا قولت مش هيجبها غير الواد احمد

احمد: بس انت مين وليه بدور علي مراد بيه ده ضابط قوات خاصه يعني مش سهل

حمدان هو يدعي الغضب: وانت مالك يا ابن*** انت فاكر نفسك مين انت عملت اللي عليك و فلوسك هتبقى عندك النهارده

_____________________________

امام منزل مراد الالفي

صف مراد سيارته ونزل فتح باب السياره و أسند حياه مع تذمرها

ونزلت ملاك خلفهم

حياة:بعرف امشي لوحدي علي فكره

نظر لها مراد وهتف بزهق:حبيبتي البيت قدامنا ممكن تسكتي الدقيقتين دول معلش

نظرت له بغل وسكتت حتى وصل أمام باب المنزل وفتح الباب وتركته وجلست على الاريكه بتعب جلس بجانبها وهتف

مراد بحنان: حياه ممكن تخلي بالك من نفسك

نظرت له باستغراب: هو في ايه انت معلق على الجمله دي من امبارح

تنهد مراد لا يعرف لماذا يداهمه ذلك الشعور بالخوف : معلش بس اسمعي الكلام خلي بالك من نفسك

أومأت برأسها وهي تنظر لساعة يدها وهتفت: مش الطياره الساعه 6

نظر مراد لساعته وهتف: دي الساعه 4 طب الحق انا اجهز حاجتي يلا خلي بالك من نفسك

تركها مراد وذهب للمطبخ لملاك ل يودعها بطريقته الخاصه

نظر مراد لملاك وهتف: تعالي عايزك

ذهبت ملاك خلفه وقف في شرفة المنزل

نظرت له ملاك بهدوء تنتظر حديثه

اقترب منها و اختلطت انفاسهم وهمس بجانب اذنها بعشق جارف: بحبك

ارتبكت ملاك و ارتعش جسدها احمرت وجنتيها وازدادت ضربات قلبها بشده حتي كاد ان يخرج من مكانه شعرت انها اسعد انسانه

امسكها من خصرها واقترب منها فلم يعد.يفصلهم شئ وهمس : انتي قلبتي كياني، اقترب منها وقبلها بعشق جارف لا يعرف متى وقع في حبها ولكنه لم يعد يستطيع العيش لحظة بدونها فلقد قلبت كيانه من اول يوم رأها فيه

ابتعدت عنه وهي تنظر للأرض بخجل شديد وقلبها يطير من الفرح، رفع راسها بيده وهتف بحب شديد: بتحبيني

ارتبكت اكثر ولم تستطع الإجابة وتركته و ركضت من شدة الخجل وهي تضع يدها علي قلبها تهدا من ضرباته التي تكاد تخرجه من مكانه وتبتسم بحب فهي تمنت ذلك كثيرا دعت ربنا كثيرا ولان قد تحقق دعوتها

_____________________________

امام منزل عز المنوفي

صف خالد سيارته وركض لكن اوقفه مازن الذي رأى هيئته و يده التي تنزف

مازن بقلق على صديقه: في ايه يا خالد مالك كده

تركه خالد وركض للمنزل خالد فركض مازن وراءه

طرق خالد باب المنزل بسرعة كبيرة حتي كاد ان يكسره والخوف يتملك منه حتى فتح له عز دخل بسرعه كبيرة وهو يهتف ولم يهدئ من غضبه وخوفه أن يكون وصل لها

خالد: هي فين

خرجت اسراء برعب من غرفتها وقفت خلف مازن تتمسك بملابسه بخوف فشكل خالد ارعبها

كان غاضب بشده وقميصه مفتوح ويده تنزف وشعره الغير مرتب وعينيه الحمراء من شدت الغضب وكأنه خرج من قاع الجحيم

نظر خالد لها و هداء فهي امامه بخير لم يمسها شيء فجلس علي اقرب كرسي أمامه وهو ياخذ انفاسه بسرعه كبير وعلامات التسائل تعلوا وجوههم جميعا ومازلت اسراء تقف خلف مازن بخوف

اقترب عز من خالد وهتف يهدأه: في ايه يا ابني حصل حاجه

نظر خالد لهم وتمالك أعصابه وهتف: لازم تختفي لحد ما نلقى حل وجودها في أي مكان خطر

عز: ليه يا ابني ايه اللي حصل ما هي في أمان هنا

شد خالد شعره يغضب وهو يتذكر كلام ذلك الرجل وهتف بغضب: وجودها هنا خطر وجودها في أي مكان خطر عليها.... الراجل ده يقدر يدخل اي مكان ولو وصل ليها.....

اقترب مازن وهتف: انا عندي حل بسيط وهتبقي هي في أمان

هتف خالد بلهفه وشعر ببعض الراحه: قول

مازن: عندي في بيتي انا محدش يعرفني اصلا

_____________________________

في منزل محمد الكيلاني

كان يتوسط الطاوله ينشغل تفكيره كيف يجدها وخيم الصمت علي المكان حتى قطع ذلك الصمت ميرا التي كانت تجلس بكل هدوا فهي لا يفرق معها شئ عن تلك العائله ماذا يعيشون كل الذي تريده المال لتكمل حياتها في أمريكا لا تكترث لشئ

ميرا: بابا انا هرجع اميركا بكره

سميره والدة ميرا: لا انتي هتقعدي معانا اسبوع كمان، ايه رايك انت يا محمد

ولكن لم يكن معهم محمد وتفكيره منصب في كيفية إيجاد تلك الفتاة التي تعد كنز بالنسبة له

نظرت ميرا لوالدها وهتفت: بابا.... بابا

نظر محمد لها وهتف بغضب: نعم عاوزة ايه

ميرا: بقول لك هرجع اميركا بكره و محتاجه فلوس

سميره: لا خليها تقعد معانا اسبوع كمان

وقف محمد و زفره بخنقه واردف: سيبيها ترجع عشان الدراسه

و تركهم وذهب مكتبه لإجراء مكالمة وثواني وكان الطرف الثاني يجيب

محمد: وصلت لحاجه

___: لا دورت تاني بس ملهاش أثر

محمد: بشر يعني الارض انشقت وبلعتها.،

__.: معرفش انا عملت اللي عليا

صمت محمد لثواني ثم أجابه بكل شر:٠ طب دور على اي مكان باسم خالد الكيلاني

__: ماشي بس مش ده ابنك

خالد بغضب يكاد يفتك بذلك الرجل لو كان أمامه: لا مش ابني و ملكش دعوه بحاجه نفذ الي بقول عليه بس

_____________________________

امام منزل مراد الالفي

كانت تقف هي وملاك يودعون مراد ولم يعرفون بالعيون الذي تراقبهم تترقب الوقت المناسب

مراد بزعل: بردو نزلتي ورايا

زمت حياة شفتيها بغضب وهتفت: علي فكره بعرف امشي وبعدين ده انت ميرو.

ضحك مراد ثم حول نظره لملاك الوقفه تنظر له وعينيها تودعه وداع عاشق ودعها مراد بعينيه ثم نظر لحياه وجدها تنظر للاتجاه الآخر ثم نظر لملاك وطبع قبلة على وجنتيها بحب وكبت مشاعره وذهب وهو ينظر لها بحب شديد

نظرت حياة لملاك: مالك قلبتي الوان كده ليه

ملاك وهي تدعي اللا مبالاه: انا انتي هبله ويلا اطلعي قدامي علي فوق انتي تعبانه

رفعت حياه حاجبها وضحكت بشده: كده طيب اتفضلي قدامي

صعدن لمنزلهم وجلسن أمام التلفاز

حياه: علي فكره انا شوفت كل حاجه

ملاك بصدمه: حاجه ايه

حياة: استعبطي استعبطي كونتي قولي ليا ده انا الشق يا بروووو

وقطع كلامهم طرقات باب المنزل فذهبت ملاك فتحت الباب

___': ده بيت حياه سالم الالفي

شهقت ملاك بصدمه وهتفت بخوف: ا.... نت.... ع.. عاوز ايه

__________________