رواية قدري الفصل العشرون 20 بقلم مروة السيد
 |
| رواية قدري الفصل العشرون 20 بقلم مروة السيد |
رواية قدري الفصل العشرون 20 بقلم مروة السيد
يطلع حياه وملك لمراد ويلاقوا على سريره ورقه وهو مش موجود حياه تمسك الورقه وتقراها وملك تجرى تنادى ع وائل تقوله
يطلعو كلهم بسرعه
وليد ... مكتوب ايه يا حياه
حياه ... بتعيط ومش بترد ياخد وائل الورقه منها ويقراها
وائل ... حياه قصاد الطفل وليد يطلق حياه وترجع لابوها الطفل هيرجع ليكم محصلش دا يبقى انسو الطفل دا خالص
ملك تعيط ... انا عايزه ابنى ماليش دعوه طلقها ورجعلى ابنى
وائل ... ملك أهدى مراد هيرجع باذن الله
ملك ... تزق حياه امشى امشى هنا ارجعى لأهلك ورجعيلى ابنه مراد مالوش ذنب حلى مشاكلك مع أهلك بعيد عنى وعن اهلى كل دا وحياه بتعيط وتخرج من الأوضه
وليد يطلع وراها .. حياه استنى ويمسكها رايحه فين
حياه ... هرجع مراد طفل مالوش ذنب انا هستحمل اى حاجه لكن دا طفل لسه مشبعش من امه ولا ملك لحقت تشبع من ابنها
وليد ... أهدى ولا انتى ولا مراد هيحصله حاجه انا هرجع مراد ادخلى بس اوضتنا وماتطلعيش منها وانا هتصرف
حياه ... لا ياوليد متعرفش ابويا ممكن ينفذ تهديده ارجوك سيبنى
وليد يمسح دموعها ... اسمعى الكلام وصدقينى انا هقدر احمى مراد وانتى مراتى وهتفضلى هنا
وائل ... انا اسف يا حياه متزعليش من ملك هى من زعلها عشان مراد بس اكيد متقصدش تزعلك
حياه ... ملك معاها حق أنا مش زعلانه منها وهرجعلها ابنها
وائل ... لا انتى مش هتمشى واحنا هنرجع مراد يلا بينا يا وليد انا كلمت محمد وزمانه جاى تعالى نستناه تحت (محمد صاحب وائل من المدرسه ودخل كليه شرطه بس لسه هو ووائل صحاب )
وليد ... حياه خشى الاوضه وماتطلعيش نهائى فهمه مراد هيرجع باذن الله ويبوس راسها وينزل شويه ويصل محمد ويحكوا ليه اللى حصل ويشوف الورقه اللى لقوها
محمد... طيب انتم متأكدين أنه حماك يا وليد
وليد ... ايوه معنى الكلام اللى فى الورقه كدا بس خطفه ازاى معرفش هو جه وانا دخلت كان واقف مع حياه وبيزعق وكان هيضربها وشويه ومراته دخلت واخدته ومشيت
محمد ... طيب ممكن اشوف المدام بس اعرف ايه اللى حصل بالظبط أصل كلامك ف نفس الوقت ابوها كان معاها بس مراته اللى مكانتش موجوده معنى كدا أنه كلامه مع حياه عشان تنشغل عن مراد لحد ما مراته تاخد الولد
وائل ووليد ... ممكن فعلا وليد ... بس هتكون سابته فين ودخلت لينا ظهرت نفسها
محمد ... دا هنعرفه لما نشوف الكاميرات
وائل ... الكاميرات ف الجنينه بس وعند الباب بس لكن الفيلا من جوه مفيهاش كاميرا
محمد ... اممممم طيب تعالو نشوفهم وبعد كدا عايز المدام اقعد معاها
وليد ... ماشى تعالى ويشوفوا الكاميرات ويلاقوا منال تنزل من شباك اوضه مراد على سلم كانت حطاه وطلعت بنفس الطريقه وكانت قمر بنتها مستنياها تاخد منها الولد وتحطه فى شنطه كانت مسكها حجمها تاخد الولد وطلعت من بابا الفيلا عادى زى ما دخلت وطبعا البواب متكلمش عشان عارف انهم اهل حياه
محمد ... تمام كدا احنا اتاكدنا ومعانا دليل ممكن اقعد مع المدام وافهم اللى حصل منها
وليد ... تمام ثوانى هناديها
وينادي حياه ويقعدوا كلهم وحياه تحكى كل كلامها مع ابوها ووليد يتعصب
وليد ... يعنى هو ضربك قبل ما انا ارجع ومقولتيش ليا ليه
وائل ... دا وقته ياوليد ماتهدى
ويدخل احمد ...ايه اللى عرفته دا مراد اتخطف ازاى
وائل ... مين اللى قالك
احمد ... والدتك اتصلت بيا طمنى يا محمد عرفت توصله
محمد ... باذن الله هنوصله انا همشى دالوقت وانت يا وائل تعالى معايا نعمل محضر وهاخد إذن نيابه وهروح ليهم اكيد الولد مش هناك بس اجراء رسمى لازم اعمله
احمد يبص على حياه يلاقيها بتعيط
احمد ... متقلقيش هيرجع باذن الله انتى مالكيش ذنب
حياه ... ازاى بس ماليش ذنب مراد اتخطف من اهلى وبسببى
وليد ... حياه قولت انتى مالكيش دعوه يلا اطلعى انتى ومتخرجيش من الاوضه لحد ما نرجع
حياه ... حاضر وتطلع
_______________________
منال بعد ما يمشوا ... ها هنعمل ايه فى الطفل دا
قمر ... نرميه فى ال حته اكيد هيدوروا علينا
سعيد ... لا طبعا مينفعش انا أجرت شقه فى (***) هنروح عليها
قمر ... بس ممكن يكونوا بلغوا مش هينفع نروح بيه البيت ناخد حاجتنا واميره
منال ... مش مهم حاجه اتصل باميره تقابلنا فى اى حته قبل ماحد يروح هناك بسرعه
سعيد اتصل باميره وقابلتهم فعلا وراحوا ع الشقه الجديده
قمر واميره معاهم الطفل وقاعدين فى اوضه مع بعض
اميره ... مين النونو
قمر ... ولد تقريبا
اميره ... ياخراشى عسول خالص ابن مين دا
قمر ... مخطوف
اميره ... ايه
_______________________
حياه بعد ماتتاكد أن وليد مشى تتصل بابوها
سعيد .... عايزه ايه تانى بعد اللى عملتيه انتى وجوزك
حياه ... انا اللى عملت برضو مراد فين
سعيد ... مراد مين
حياه ... الجواب بيثبت أن انت وراها
سعيد ... ازاى بس وانا كنت معاكى
حياه ... وانت ايه عرفك أنه اختفى وقت ما كنت عندى
سعيد بارتباك ... اصل اصل معداش كتير وانتى بتقولى اختفى اهوه
حياه ... عموما الكاميرات صورت مراتك وبنتك وهما معاهم الولد والفيديو زمانه مع الحكومه
سعيد ... هتحبسى اختك وابوكى وامك
حياه بعصبيه ... بس متقولش امك دى منال مش امى
سعيد ... متصله عشان تاكدى ليهم أن انا ماشى عموما لو عرفتوا توصلولى بقا احنا سيبنا الشقه
حياه .... عارفه انك تعمل حاجه زى دى المهم (***)
______________________
ملك ... عايز ايه جيالى ليه
ولاء ... أهدى ياملك حياه مالهاش ذنب
حياه ... أنا جايه اقولك هرجعلك ابنك بس عايزاكى تساعدينى
ولاء... حياه بلاش تتصرفى من دماغك وليد ووائل وأحمد اكيد هيتصرفوا
حياه .... بابا اخد مراته وبناته وهرب ومحدش هيعرف يرجع مراد غيرى ارجوكى ياماما متعرفهومش حاجه
ملك ... هساعدك ازاى وايه يمضنلى أن ابنى يرجع فعلا
حياه ... هتكونى معايا وهتستلمى ابنك بنفسك
ولاء ... اوعى تكونى هترجعى ليهم لا انا مش موافقه
حياه .... ارجوكى مراد أهم مراد مالوش ذنب
ملك ... مفيش حل نرجع مراد من غير ما انتى ترجعى لأهلك
حياه .... انا هخدعهم وهرجع معاكى انتى ومراد ممكن تسمعونى بقا
ملك ... قولى
حياه ... انا****
تعليقات
إرسال تعليق