رواية قلوب ضعيفة الفصل الأول 1 بقلم منى محمد

ـ يبنتي بطلي بقا واقفلي صورته دي واتهدي شويه 

.. بحبه يا امل اعمل اي يعني مش عارفه اشيله من قلبي

امل: يا ساره مهو ابن خالتك و طول النهار وشك في وشه بتفتحي صورته ليه بقا 

ساره: مهو دلوقتي في الشغل يعني وشه مش في وشي ولا حاجه يبقا من حقي افتح صورته🙂

انا ساره عندي 20 سنه في كلية فنون جميله.. مامتي اتوفت من سنه معنديش اخوات.. بابا كان متجوز على ماما ولما عرفت تعبت وماتت لانها كانت بتحبه جدا.. من صغري وانا بابا مش بيهتم بيا ولا بيحبني اصلا.. علطول كان بيزعقلي ويضربني وماما هي اللي بتدافع عني هي وخالتو سعاد وابنها كريم.. بعد ما ماما اتوفت بابا خد مراته الحربايه وسافر برا مصر حتى معرفنيش هو مسافر فين.. خالتو سعاد خدتني اعيش معاهم.. رغم ان بيتنا في العماره اللي في وشهم بس مخلتنيش اعيش لوحدي.. كريم ده بقا عشقي بحبه من وانا بضفاير عنده 27 سنه اتولدت على ايده حرفياً هو اللي مربيني.. محدش يعرف اني بحبه غير اخته ايمان.. وامل صحبتي ومعنديش صحاب غيرها هي بيستي وصحبتي واختي وكل حاجه ليا وبير اسراري.. يلا نكمل.. 

ايمان: سيبيها يا امل تتفرج براحتها هي بتحبه عادي يعني

امل بغيظ: ماااشي.. انا همشي عايزين حاجه 

ايمان وساره: لا سلامتك

بعد ما مشيت امل.. 

ايمان: عارفه يا ساره.. انا مش برتاح للبت دي

ساره: حرام عليكي دي غلبانه

ايمان: ولله انتي اللي غلبانه و واخده على قفاكي

ساره: شكرا يا رجوله

ايمان: بت يا ساره.. بصي تحت كده مش دي امل واقفه بتعمل اي مع كريم اخويا ومالها مبتسمه اوي كده ( ايمان وساره كانوا واقفين في البلكونه وشافوا امل واقفه مع كريم تحت ) 

ساره: ايوه فعلا.. واقفه وعماله تضحك كده ليه

ايمان: معرفش اهو كريم طلع تعالي نخش قبل ما يهزقنا

ساره: يلا

بعد ما كريم طلع.. 

كريم: انا جيت يا بشر

ايمان: عارفين انك جيت مش لازم تجعر

كريم: اجعر!! فين الانوسه يبنتي

ايمان: عند بتاع الانوسه يا عنيا

ساره: خلاص يا بارده تلاقي كريم جاي تعبان وعايز يرتاح شويه 

ايمان: ياااااه على المحن

ساره: اتلمي

كريم: لا بالعكس انا جاي وجايبلكم خبر حلو

سعاد وايمان وساره في نفس واحد: ايييييه؟ 

كريم: انا قررت اتجوز

ساره بدموع: ايي💔

كريم: مش هتسألوني مين العروسه!! 

كلهم في نفس واحد بردو: مين؟ 

كريم: امل صاحبة ساره.