القائمة الرئيسية

الصفحات

رواية الأيد اليمين الفصل الأول 1 بقلم كارمن عماد

 رواية الأيد اليمين الفصل الأول 1 بقلم كارمن عماد

رواية الأيد اليمين الفصل الأول 1 بقلم كارمن عماد

رواية الأيد اليمين الفصل الأول 1 بقلم كارمن عماد


_معاد الدكتور يوم الخميس 
_طب ما تخدي مامتك معاكي
_لأ أنا محتجاك أنت معايا
_طيب إن شاءلله 
"بتمسك ورقه و قلم و بتكتب جمله و تحطها علي باب التلاجه" 
"معاد الدكتور يوم الخميس ارجوك متنساش" 
-مسكت النوت بتاعتها و بدأت تكتب.... 
"اتمنى بجد مينساش المره دي أنا كتبت الجمله في كل مكان ممكن عينه تيجي عليه علشان مروحش لدكتور لوحدي زي كل مره المره دي الدكتور هيقولي العلاج جاب نتيجة و أقدر أحمل و العلاج جاب نتيجة ولا لاء بقالي خمس  سنين بتعالج علشان اقدر أخلف" اتمنى بجد مينساش" 
بيعدي الأسبوع بتصحا الصبح تشيل الورقه و تحطها في جيبها و تدخل تحضر فطار 
_صباح الخير 
بتبصله و تبتسم 
"صباح النور" 
بيقعدوا يفطروا في سكوت تام و بتبصله و هو مركز في الفون و بعد نص ساعة بينزل الشغل 
"مسكت النوت" 
_فاضل علي معاد الدكتور خمس ساعات و 17 دقيقه 
"بترجع تمسك النوت بعد كام ساعه بتوتر" 
_فاضل ساعه علي معاد الدكتور و هو لسه مرنش يقولي اجهزي علشان نروح الدكتور 
"بتعدي ساعتين و بتمسك النوت بكل خيبه أمل" 
_كنت اتمني أنه مينساش أنا دلوقتي هنزل لدكتور لوحدي "
نزلت و بعد ساعه ونص رجعت بكل خيبه أمل أنه محصلش حمل الموقف صعب عارف يعني أي تفضل تتعالج سنين علشان بس تسمع جمله "مبروك أنتي حامل " و ميحصلش و ميكنش حد جانبك حتى أقرب شخص ليك !؟ 
سمعت صوت فتح الباب و صوت ضحكته و هو بيتكلم في التليفون مع واحد صاحبه فضلت متابعه بعيونها بنظرات ثابته 
بيقعد جنبها و هو مكمل في المكالمة و بعد دقيقه بيقفل المكالمة 
_احضرلك غدا
_أكلت مع صحابي 
_هو انت كنت مع صحابك؟ 
_آه مانتي عارفه إن يوم الخميس بكون مع صحابي أنتي نسيتي ولا أي 
_لأ أنا مبنساش
"قامت دخلت المطبخ و طلعت الورقه من جيبها و رمتها في الزبالة و وقفت تعمل شاي "
يتبع..
لقراءة الفصل الأول : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات