القائمة الرئيسية

الصفحات

رواية فريق فستق الفصل التاسع 9 بقلم ملك الصباغ

 رواية فريق فستق الفصل التاسع 9 بقلم ملك الصباغ

رواية فريق فستق الفصل التاسع 9 بقلم ملك الصباغ

رواية فريق فستق الفصل التاسع 9 بقلم ملك الصباغ

كارما بصدمة: انتم عايزيني ادخل وسط ناس بيتاجروا في المخدرات والبنات وفاتحين شقق دعاره غير كده قتالين قتله ده انا قطه مغمضه مش بعرف ابص حتي في عين حد هدخلني شقق دعاره. 
أركان ببرود: مانتي هتتدربي معايا وغصب عنك اوبرضاكي هتبقي قويه..
كارما ببكاء: بس دول لو شموا ريحه اننا من المخابرات هيقتلوني غير اني محجبه. 
أركان بهدوء: اهدي يا كارما وافهمني بصي كده في عيني. 
رفعت كارما عينيها لتتقابل عينيهما للمره الاولي. 
أركان وهو مركز في عينيها: واثقه فيا. 
لتهز كارما رأسها بإيماء. 
ليكمل أركان قائلا: يبقي خلاص حطي ثقتك فيني بس بعد ربنا وعلي فكره العصابات دي مش بتفرق معاهم محجبه او لا المهم انك بنت وهتنفعيهم. 
كارما وهي تجفف دموعها: طب طب انا هدخل في وسطيهم ازاي. 
أركان بشرود: الموضوع ده لسه محتاج خطه كبير 
ليكمل بجدية: ادخلي انتي ارتاحي عشان اظن مفكيش حيل من عقاب امبارح وتدريب الصبح. 
كارما بضحك: الشهادة لله انت زودتها اوي. 
أركان بهدوء: ده كله لمصلحتك وميرڤت بردو مش مؤهله اساسا تبقي مخابرات. 
كارما: ازاي. 
أركان: ميرڤت داخله بواسطه لان اللي زي ميرڤت دول قلبهم طيب وكده ينفعوا دكاتره اطفال. 
كارما بعدم فهم: مش فاهمه ايه علاقه دكاتره الاطفال بالقلب الطيب. 
أركان: لأن دكاتره الاطفال دايما قلبهم طيب وبيحبوا الاطفال. 
كارما: خلاص لما اكبر هبقي دكتوره اطفال. 
أركان بتوهان: واحلي  دكتوره اطفال. 
كارما بفرحه: شكرا. 
لتكمل وهي تقوم من فوق الاريكه: هدخل اشوف اللي متلقحه جوه. 
أركان بهدوء: لازم نساعدهم. 
التفتت له كارما لتردف قائله: مش فاهمه. 
أركان: اقعدي وهفهمك. 
جلست كارما لتقول بفضول: اتفضل قول. 
أركان:........
        💃‏...................................... 💃
في احد الاماكن في تركيا 🇹🇷
كان يسير بهيبته وسط كل الذين يعملون في شركته
ليدلف إلي مكتبه
ليجد تلك السكرتيرة البغيضه المتعجرفه التي يكرهها تعتلي مكتبها ليلقي عليها السلام من باب الذوق لا أكثر . 
السكرتيره بهيام: ياله من شاب وسيم
لتكمل بحقد: لكنه بارد للغايه لا اعرف كيف يأتي بكل تلك الطاقه البارده؟ 
دلف إلي مكتبه ليجلس وهو يراجه الاوراق امامه حتي قطع تفكيره دخول صديقه عمر عليه. 
عمر: ايه يابني حياتك كلهت شغل شغل شغل في ايه خف عن نفسك شويه. 
نظر له الاخر بطرف عينه ليتجاهله ويكمل النظر في اوراقه. 
عمر: يا سنمار اسمعني ربنا يخليك. 
سنمار ببرود: البشمهندس سنمار احنا هنا في الشغل مش في سهره من سهرتنا. 
عمر باستسلام: ماشي يابشمهندس سنمار
ليكمل بجدية: مش هينفع اللي بتعمله بقالك٥ شهور مرفعتش سماعه تلفون علي اهلك. 
سنمار: هما عارفين اني مشغول ومش فاضي. 
عمر: اوع تنسي يا سنمار ان كل اللي انت فيه ده من خير ابوك. 
رفع سنمار نظره من الاوراق امامه 
ليردف قائلا: عمري مانسي فضل ابويا انا مش شخص ناكر للجميل لكن بجد انا مشغول . 
عمر: خلاص يبقي تعملهم مفاجأة وننزل مصر 🇪🇬. 
اعاد سنمار نظره لاوراقه ثم أردف قائلا: انا مش فاضي. 
عمر: طب اختك موحشتكش مامتك موحشتكش والمستشفى اللي انت عاملها مروحتش شوفتها من سنتين
سنمار بغضب: خلاص يا عمر هشوف كده واقولك ولو كده تبقي تحجز لينا تذكرتين عوده لمصر. 
عمر بابتسامة بلهاء: مانا حجزت. 
نظر له سنمار بطرف عينه ليردف قائلا: في حاجات بتحصل من روا ضهري. 
عمر: لا والله انا كنت متأكد انك هتوافق
ليكمل قائلا: سلام اشوفك في المطار. 
سنمار ببرود: قولت لسه بفكر. 
عمر وهو يمسك مقبض الباب كمن يستعد للهرب: الطياره بعد اسبوع. 
قال جملته ثم انطلق هاربا من وجه الاخر الذي احتقن من شده الغضب.
سنمار: ماشي ياعمر. 
     💃***************************💃
كارما: بس ازاي انت بتقول كل واحد فيهم مش بيبين للتاني وحتي مبينوش ليا يعني ممكن يكون ظنك غلط انهم بيحبوا بعض. 
نظر لها أركان بطرف عينه ليردف قائلا: بأمارة ما معتز قالك تبقي تقفي للواد اللي اسمه سالم زي الشوكه في الزور لو حاول يقرب من ميرڤت. 
كارما بصدمة: انت عرفت ازاي اللي معتز قالهولي. 
وضع أركان قدم فوق الاخري وهو يقول: انا ضابط مخابرات اعرف اللي انا عايزاه. 
كارما بهمس: قال ضابط مخابرات يمشي يدوس علي الناس. 
أركان ببرود: كارما أنا مش خبير في موضوع المشاعر والحاجات دي لكن انا نفسي اساعد ميرڤت ومعتز لانهم زي اخواتي.  
كارما بكبرياء مصطنع: وانا موافقه اساعدك 
لتكمل بتفكير: طب هنعمل ايه . 
زفر أركان بضيق ليهتف قائلا بقليل من الحده: هتعملي اللي لسه قايللك عليه من شويه. 
كارما برفعه حاجب: اهدي علي نفسك 
طب ومقابل اني اساعدك. 
أركان: ضعف المبلغ اللي هيدهولك معتز
كارما بفرحه: يبقي هتديني ٤٠٠ جنيه. 
أركان ببرود: تؤ تؤ يا قطه هما ال ٢٠٠وبس بلاش طمع وكدب فاهمه. 
كارما بهمس: اعوذ بالله مخاوي. 
قام أركان من فوق الاريكه وهو يقول: انا ماشي واتفاقنا ده محدش يعرف بيه. 
كارما: حاضر 
لتكمل بفضول: بس قولي انت رايح فين. 
أركان ببرود: احسنلك متعرفيش. 
كارما: مانا قولت كده بردو. 
اتجه أركان ألي باب الشقه ليهتف قائلا بنبره محذره: كارما اللي اتفاقنا عليه ده هيتم في خلال فتره صغيره بس فاهمه عشان احنا هنا لمهمه معينه لازم نكملها ومنهتمش بالحاجات دي فاهمه . 
كارما بشرود وهي تفكر بشيء: فاهمه. 
أركان: كويس انك بتفهمي. 
ليغادر قبل ان يسمع ردها 
كارما بصدمه: ايه ده هو قصفني دلوقتي. 
لتكمل بتفكير: انا من يوم ما جيت هنا وهو بيروح في الوقت ده فين مش فاهمه.... وانا هيفرق معايا ايه يروح مطرح ما يروح انا هقوم انام شويه جمب البت ميرڤت المتكسحه احنا الاتنين متكسحين زي بعض وده كله بفضل الاستاذ ظل قال ظل قال اومال لو كان اسمه نور. 
    💃.......................................... 💃
مر اسبوع علي ابطالنا استمرت فيه التدريبات علي محمل الجد تحت اشراف أركان وكان يدربهم بكل قسوه ولم يسلم الجميع من مشاغبات ومزاح كارما وسلينا بدأت علاقتها تتحسن مع كارما إلي حد ما اما عن ميرڤت فأصبح سالم يحدثها ليلاً علي هاتفها وقررت ان تنسي حب معتز وتعطي لسالم فرصه وكانت كارما اثناء حديث ميرڤت مع سالم في الهاتف تسجل مكالمتهم حتي ترسل التسجيلات إلي معتز . 
كان معتز عندما يستمع إلي التسجيلات تشتعل البراكين بداخله ويشعر ان هناك نغزه قويه في قلبه ولم تكن تلك النغزه سوي شعور واحد وهو..... الغيره.
ليقرر معتز في نفسه فعل شيء  فياتري ماهو؟؟؟
اما عن أركان فكان يتواجد وقت التدريبات ولا يعلمون اين يذهب بقيه اليوم يأتي علي مواعيد التدريبات والنوم فقط لتلاحظ كارما ذلك وتقرر قرار في نفسها ستنفذه . 
   💃............................................. 💃
وطأت قدمه أرض بلادنا الحبيبه مصر 🇪🇬
ليهبط صديقه من الطائره هو الاخر وهو يهتف بمرح: يااااااااااه يا مصر وحشتيني بعد غياااااااب قد ايه غبنا ٥سنين. 
خلع سنمار نظارته الشمسيه وهتف قائلا بنبره جاده: ممكن تبقي جدي شويه. 
رفع عمر يديه لأعلي وهو يقول: يااااااااااه ياعم سبني اشم هواء مصر هواء ام الدنيا. 
نظر له سنمار بطرف عينه ثم تحرك وهو يسحب حقيبته . 
عدل عمر حقيبته الظهريه وسحب حقيبه السفر
وهو يهرول بخطوات سريعه خلف سنمار 
عمر بتعب: ياعم اصبر انت خطواتك سريعه كده ليه
ليكمل بضحك: بتفكرني بمدرس العلوم اللي كان عندنا كان بيمشي  زي الفهد. 
سنمار: وقف تاكسي واديله عنوان البيت . 
عمر بجدية: ايه ده انت مقولتش للحاجه او الحاج انك جاي. 
سنمار: اه كنت عايز اعملها مفاجأة يعني ٥سنين بكلمهم فون بس وبقالي ٥شهور قاطع الاتصال وهما مش بيعرفوا يتصوا عليا لان الخط بتاعي دولي. 
عمر: طب تمام يالا بقي هاجي معاك. 
سنمار: مش هتروح تشوف اختك واهلك. 
عمر بحزن: ياعم  اختي دي متكبره بطريقه ده انا كنت مسافر عشان اهرب من خلقتها وبابا في مهمه بحريه وماما طول اليوم شوبينج والحاجات دي محدش فاضيلي.
سنمار: تمام تعالي ياعم وفك وشك كده مش متعود علي عمر المغموم. 
عمر: طب بقولك ايه بلاش تاكسي تعالي نجري ميكروباص. 
اوقف سنمار تاكسي ليهتف قائلا بحزم: اركب يا عمر وبلاش تفتي عشان انا مصدع يخربيت رغيك. 
ركب عمر التاكسي وركب بجواره سنمار 
سنمار للسائق: علي العنوان*** ده يسطاا
قاد  السائق وتوجه إلي حيث طلب منه سنمار ذلك
فياتري من هم أهل سنمار ومن أهل عمر وهل سيكون لهم علاقه بفريقنا ام ماذا؟؟ 
     💃......................................... 💃
مرام لريتاج: يا ماما ونبي والله كارما دي شكلها كيوت بصي هروح اقعد معاها واجي علطول. 
ريتاج: بصي معنديش بنات بيروحوا بيت حد سالم هيروح يعزمهم ويجي علطول.
مرام باستسلام: حاضر
ذهب سالم لتطرق الباب لتفتح له ميرڤت وهي تبتسم ابتسامتها البشوشه دائما. 
ميرڤت: خير يا بشمهندس سالم.
سالم:بكره كتب كتاب مرام وكنا عازمينك انتي وكارما.
ميرڤت:ان شاءالله هنحاول نيجي.
سالم:بإذن الله تنورو 
ليكمل بحرج:ميرڤت ممكن اطلب منك طلب.
ميرڤت:اتفضل.
سالم:الصراحه من غير لف ودوران كنت عايز اطلب منك تخرجي معايا.
ليكمل بحرج:بس صدقيني مش لوحدنا ابقي هاتي كارما معاكي.
لايعلم ان كارما تلك هي التي ستهدم علاقته.
ميرڤت:تمام ماشي امتي ان شاء الله.
سالم:لو ينفع كمان نص ساعه.
ميرڤت:ماشي نصايه وهنكون عندك.
لتغلق ميرڤت الباب بعد رحيله لتجد كارما تجلس علي الاريكه بكل راحه وهي تضع قدم فوق الاخري وتأكل شيء لم تحدده ميرڤت.
ميرڤت بتركيز:انتي هنا من امته
كارما وهي تقلدها:خير يا بشمهندس
لتكمل بحده:انشفي كده يا بت وبعدين انتي خدتي اذني عشان اجي معاكي مش ممكن موافقش.
ميرڤت وهي تجلس بجوارها:هتوافقي انا بوافقك في كل حاجه
لتكمل وهي تتحدث باستعطاف:ده احنا عشره اسبوع يا كوكو وبعدين أركان هيخرج دلوقتي معاد خروجه  ومعتز برا اساسا يعني هنقدر نروح.
كارما وهي تدعي التفكير:ماشي سبيني شويه كده هفكر.
ميرڤت بحده:تفكري ايه بقولك هيجي كمان نص ساعه.
كارما:كده هتخليني اغير رأي.
ميرڤت:لا وعلي ايه ياباشا هحط الجذمه في بقي 
كارما:شاطره كده تعجبيني يامربي.
ميرڤت بتركيز:ايه اللي انتي قاعده بتأزأزي فيه ده.
كارما:دول شويه فستق كده لقيتهم محطوطين في كيس اسود علي التربيزه فقولت اتسلي فيهم وانا بسمع التلفزيون.
ميرڤت بفزع:يلهوي دول بتوع أركان أركان بيحب الفستق ولو عرف انك كلتيهم هيعمل منك شاورما.
كارما بلا مبالاه:وماله انا بقيت تلميذه عنده وبعدين ساعات التلميذ بيفوق معلمه.
خرج أركان وهي تتحدث
كان يعدل قميصه الذي سيخرج به.
أركان بحده وقد لاحظ شيء:ايه ده فين كيس الفستق اللي اشتريته امبارح
قامت كارما من فوق الاريكه ووضعت بيده حقيبه بلاستيكيه سوداء 
لتردف قائله:حبيت اتسلي شويه فأكلتهم.
أركان بغضب:انتي غبيه انني ازاي تاكليهم من غير حتي ما تقوليلي.
كارما ببرود:بلاش تبقي عينك ضيقه دول شويه فستق طب والله لقولك يا فستق ايه البخل ده يا فستق.
أركان:بطلي تقولي كده.
كارما وهي تخرج لسانها:فستق فستق فستق يالا يافستق.
قالتها ثم انطلقت إلي غرفتها مغلقه الباب خوفا منه.
أركان باستسلام:هتجلطني البت.
ميرڤت:عيشت وشوفت اللي يقف في وشك.
لينظر لها أركان ببرود ثم هم بسؤالها سؤال ذو مخذي 
أركان:الا قوليلي كنتم رايحين فين انا سمعتكم.
ميرڤت بتوتر:لا لا مفيش احنا كنا.....
أركان:متحاوليش تكدبي عليا سمعتك وانتي بتقوليلها هتروحي مع سليم ميرڤت لو سمحتي انا بعاملك زي اختي بلاش تكسري ثقتي فيكي وقوليلي الحقيقه انا موافق انك تخرجي لكن هتخدي معاكي كارما.
ميرڤت:حاضر.
ليغادر أركان المنزل وتخرج كارما وهي ترتدي ملابسها وحجابها 
كارما:يالا اه بقولك اتصلت علي سلينا تيجي معانا.
ميرڤت:من امتي وانتي وسلينا بقيتم زي السمني علي العسل كده.
كارما:من ساعه ما علي فكره سلينا طيبه بس هي عنيده وشايفه نفسها شويه وعلي فكره سالم علي وصول وسلينا هي كمان.
لم تكد تكمل جملتها حتي وجدت سلينا ترن الجرس.
كارما بفرحه:جت علي السيره.
ميرڤت:هدخل اغير واجي استنوني.
كارما:تمام ياباشا.
لتهز ميرڤت رأسها باستسلام وتدلف إلي غرفتها وتذهب كارما وتفتح الباب لتجد سلينا.
سلينا:خير يا كوكو.
كارما:ادخلي هفهمك.
دلفت سلينا وجلست علي الاريكه.
كارما بتفكير:بصي بقي احنا هنعمل الاتي...........
 لتشهق سلينا وهي تقول:يخربيت دماغك دي مش دماغ مراهقه خالص بس تمام اشطا معاكي.
لتبتسم كارما بخبث وهي تهتف قائله بفرحه:نهايتك علي ايدي يا سالم.
يتبع..
لقراءة الفصل العاشر : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات