رواية أبن عمي الفصل الثاني والعشرون 22 بقلم أميرة محمود
 |
| رواية أبن عمي الفصل الثاني والعشرون 22 بقلم أميرة محمود |
رواية أبن عمي الفصل الثاني والعشرون 22 بقلم أميرة محمود
ور، جودي ياللا اصحي ياللا هنتأخر
جودي، لسه بدرى يانور
نور، اومي ياللا والبسي ده
جودي، انتي من أمتي بتنقي اللي هلبسه
نور، نسيتي معادنا مع الدكتوره انهارده لازم تلبسي حاجه سهله
جودي، بس دول ضيقين اوي وبطني هتبان
نور، دى بطن بذمتك ده انتي حامل في نمله
جودي، اضحكي اضحكي دي كبيره اهي وجميله
نور ،طب ياللا هستناكي تحت تكوني خلصتي
جودي، تمام
،،،،،،،
ادهم صحي وراح قدام الجامعه، هو ليه طوعتها يعني هشوف فيها ايه أنا خايف اول ما اشوفها احن أنا عارف نفسي
جودي، ياللا يا ابله وصلنا
نور، طب ياللا انزلي نور بتبص لقت عربيه ادهم فقالت في سرها يارب ياخد باله وربنا يهديهم لبعض
نور،اااه ياجودي رجلي اتلوت
ادهم بص ع نور وجرى عليها
جودي، اي ده انت ايه اللي جابك هنا
ادهم بص علي بطنها وبصدمه، انتي حامل
جودى بصت لنور وبصت لادهم، انا كده فهمت بتعملي ليه كده من الصبح وسابتهم ودخلت
ادهم، مقولتليش ليه أنها حامل
نور، انت كنت طايح في الكل كنتي عايزنا نقولك ازاي
ادهم، يعني كنتو عايزين تخبوا عليه كتير مانا كده كده اكيد كنت هعرف
نور، ادهم جودي بسمعها كل يوم وهي بتعيط انت كسرتها وعايزها تقولك علي أنها حامل ازاي
ادهم، انتو هتخلصوا امتي
نور،ليه
ادهم، قولي ياللا هتخلصوا امتي
جودي، احنا لسه هنروح للدكتور الساعه11 عشان نطمن علي البيبي
ادهم، طب اتحججي بأي حاجه وسيبيها تروح لوحدها وهاتي اسم الدكتوره ومكانها وياللا ادخليلها
نور، ماشي
،،،،،،،
نور دخلت لجودي الكليه
نور، أنا مليش دعوه باللي حصل
جودي، بطلي كذب عنيكي بتفضحك
نور، جودي علي فكره انا اتربيت من غير ام وبابا كان ببيحاول بقدر الإمكان أنه يعوض مكان ماما بس كان في حاجات مينفعش اقولهاله ربنا خلقنا اتنين عشان ولادنا بيحتاجوا الطرفين ابنك اوبنتك مش هتعرفي تشيلي الشيله لوحدك
جودي، كده احسن بدل مايكبروا يلاقوا ابوهم بيخون امهم وفي مشاكل
نور، والله ماكان بيخون ادهم محبش غيرك سلمي كنا هنبوس رجليه عشان يرجعلها ورفض وعلي فكره دي شيطانه وهي اللي وقعت بينكم وحكت ليها اللي حصل
جودى، وانا اي اللي يخليني اصدق الكلام ده وأكذب عيني
نور، صدقي لانه مرجعلهاش بعد ماسيبتوا بعض صدقي في أنها فتحت الخط عشان تعرفك أنه عندها صدقي في أنه لو كان عايز يروحلها كان قالك نامي وانا رايح مشوار مش واقف بستناكي بره عما تخلصي
جودي اقتنعت بكلام نور ،بس ده ضربني وسط الناس وسابني امشي ومسالش فيا
نور، ادهم عنده عزه نفس وكبرياء طول عمره وعمرنا ماحاولنا نصغره عشان قلبته وحشه
جودي، بردك مش هرجعله وبس بقي عشان الدكتور دخل
،،،،،،
بعد الجامعه
نور،. اتصلت علي ادهم، الو ايوه ياأم سيد ايه محمد تعبان طب أنا جيالك حالا لا جودي تروح لوحدها للدكتوره عشان معادنا هي مش هتزعل سلام
ادهم فهم وراح يستني جودي عند الدكتوره
جودي، في أي يانور
نور، محمد تعبان ولازم اروح دي الوقت
جودي، طب أنا هاجي معاكي
نور، مينفعش معادك انهارده عشان الميعاد ميفوتش
جودي، خلاص تمام وابقي طمنيني يانور
نور،ماشي ياقلبي سلام
،،،،،
ادهم واقف قدام مركز الدكتوره بيستني جودي شاف عربيتها وقف ونزل جرى قدامها
جودي، لا بقي أما اروحلك يا نور
ادهم، هاجي معاكي بدل ما تدخلي لوحدك
جودي، ومين قالك اني هدخل أنا مش هكشف
ادهم، بصي أنا رايح مهمه بليل وممكن مش تشوفيني تاني ومشوفش ابني خالص فممكن ادخل معاكي أشوفه بس ولو اجيت كويس مش هوريكي وشي تاني
جودي قلبها وجعها، ماشي
ادهم بفرحه، طول عمرك حنينه أنا فرحان أن هيبقي ليه ابن في الدنيا أمه انتي
جودي، أن شاء الله هتيجي كويس
ادهم، ده خوف عليه واللا ايه
جودي، عشان نور مش بحب اشوفها زعلانه واكيد لو حصلك حاجه نور هتزعل
ادهم، ماشي ياجودى
دخلو العياده وقعدوا يستنوا دورهم
ادهم، هي بطنك مش كبيره زيهم ليه
جودي، عشان أنا في الرابع وهما شكلهم في الاخر واسكت بقي أنا مش اخده ابن اختي معايا
ادهم، بس شكلك هيبقي عسل اوي وانتي كرنبه
جودي بصتله ولسه هترد السكرتيره ندهت اسمها
ادهم بصوت عالي ، ده احنا قومي ياللا
جودي، انت اتجننت واللا حاجه فرجت الناس علينا
ادهم، اتجننت عشان سيبتيني
جودي، كنت في ايدك وانت اللي ضيعتني وراحت داخله
الدكتوره ، اهلا يا مدام جودي اتفضلي اطلعي نطمن عالبيبي
جودي طلعت السرير ، ادهم دور وشك لو سمحت
ادهم، ماشي ياستي
الدكتوره دخلت ومشت السونار
ماشاء الله البيبي حجمه كويس وراحت مشغله النبض بصوت عالي
ادهم، اي ده
الدكتوره، نبض الجنين
ادهم عنيه دمعت وبص لجودي لقاها بتبص عليه وبتعيط وراحت لفته وشها
الدكتوره، عرفتلك نوع الجنين بنتك المرادي اخده راحتها كل مره كاشه المرادي منطلقه
جودي، بنت بجد (بدموع مثل السيل) دعوتي استجابت كان نفسي يبقي ليه صاحب في الدنيا
ادهم، مبروك ياحبيبتي ربنا يجيبها بالسلامه
جودي بصت له في سرها ، هو ادهم ماله هو بجد بيحبني
وقامت نازله عادله هدومها
ادهم، مش قولنا بلاش لبس ضيق
جودي، ملكش فيه وياللا أخرج
ادهم، ماشي ياجودي ماشي
الدكتوره، البيبي تمام بس التحاليل بتاعتك مش كويسه لازم ناكل كويس جدا والفيتامينات تتاخد
جودي، تمام يادكتور عن اذنك وخرجوا
،،،،،،،
جودي، مش شفت بنتك ياللا امشي
ادهم، عارفه أنا أول ما شفتك حسيت أن روحي رجعتلي
جودي، مبقتش اخد بالكلام ده
ادهم، والله ماكلام
جودي ركبت عربيتها وسابته ومشت
ادهم، أنا اللي ضيعتك مني وأنا لازم ارجعك احضني تاني وركب عربيته ومشي
،،،،،،،
احمد، الو ايوا يازين بقولك اي رايك تيجي تشتغل معانا في المستشفي عايزين دكاتره كتير
زين، وعيادتي
احمد، خليها يومين ويومين
زين، خلاص تمام موافق
احمد، طب هستناك بكره في المستشفي من بدرى
،،،،،
ادهم بعت رساله لجودي، أنا آسف سامحيني هتوحشيني
وجهز ونزل المأمورية
حصل تشابك جامد بينه وبين تاجر المخدرات ادهم اضرب بالنار
،،،،،،،،
جودي قرأت الرساله، ليه كده ياادهم ليه بعد ماكسرتني جاي تتاسف أنا مش عارفه اسامحك واللا اعمل ايه ربنا يجيبك بالسلامه
فجأه تليفون جودي رن، الو
المجهول، ايوه مدام جودي
جودي، ايوه مين
المجهول، ادهم بيه اضرب بالنار وهو في المستشفي
جودى، احمد الحقني يااحمد وجرت علي غرفت اخوها
احمد، في أي يا جودي مالك
جودي، ادهم اضرب بالنار وراحت واقعه في الارض مغمي عليها
نور فوقي فوقي ياجودي فوقي ادهم ماله ياجودي
جودي فاقت، الموبايل رن واحد بيقولي ادهم اضرب بالنار و في المستشفي
احمد، طب وانتي مالك
نور، ايه اللي انت بتقوله ده
احمد، مش ده اللي رماكي ومسألش فيكي
جودي، ده جوزي يااحمد وانا اللي غلطانه اني أهنته قدام الناس أنا عايزه اطمن عليه مش اكتر
احمد، عايزاه
جودي،
احمد، بقولك عايزاه
جودي، معرفش
احمد، البسي ياللا وهاتي الموبايل اشوف في ايه
نور، أنا جايه معاك
احمد، خليكي عشان الولاد
نور، ام سيد هتقعد بيهم عما اجي ده اخويا يااحمد
احمد, طب ياللا اجهزوا عما اشوف هو فين
،،،،،،،
في المستشفي
احمد، هي الرصاصه فين يادكتور
الدكتور، اخد تلاته واحده في الكتف وواحده في رجله وواحده في الطحال وهنطر نشيله
احمد، أنا هعمله العمليه
الدكتور، حضرتك مين
احمد، أنا الدكتور أحمد المنشاوى وده الكرنيه
الدكتور ،تمام اجهز عشان هو داخل العمليات حالا
احمد، تمام يادكتور
،،،،،،،،
احمد خلص العمليه
محمود، شكرا يابني انت بجد ابن اخوي ابن حلال
احمد، ده شغلي ياعمي
نور، هو عامل ايه
احمد، هو كويس بس هيفضل في العنايه لحد الصبح
جودى، شكرا يااحمد
احمد، أنا عملت كده اصلا عشانك
جودي حضنته شكرا ياحبيبي وقعدت تعيط
احمد، روحوا لأن قعدتكو زي عدمها
محمود، طب جوموا نروح ونيجي الصبح
نور وجودي ماشي
،،،،،،،
عند نور
نور، علي فكره كنت متاكده انك لسه بتحبيه
جودي، أنا طالعه انام
نور، بتهربي من كلامي ليه
جودي، صدقيني عايزه ابقي لوحدي ضرورى وسابتها وطلعت
،،،،،،،
عند جودي
جودي طلعت اتوضت وصلت وفضلت طول الليل تدعي أنه يخرج بالسلامه ويفوق
،،،،
عند احمد
نور، مكنتش اعرف انك قاسي اوي كده
احمد، اخوكي رماها اربع شهور مسألش فيها وسابها تمشي من غير مايعرف راحت فين والمصيبه أنه كان بيبجح فيا
نور، المسامح كريم يااحمد كل واحد فينا مش معصوم من الغلط بس عشان خاطر بنته نحاول نديله فرصه
احمد، اهي الزفته بعد اللي عمله قاعده بتعيط عشانه
نور، بتحبه يااحمد اللي بيحب بيسامح اللي حصلي منك كان ممكن يبقي دم ملوش آخر بس انا سامحت عشان حبيتك
احمد، خلاص بقي نامي
نور،. ماشي هنام بس شكرا انك عملتله العمليه
احمد، ماشي نامي بقي
،،،،،،
تاني يوم في المستشفي
احمد، ادهم فاق لو عايزين تشوفوه هو اتنقل غرفه عاديه
جودى، ادهم ممكن اشوفه
احمد، ادخلي
كلهم دخلو الاوضه
محمود، حمدالله على السلامه يا ولدي
ادهم، الله يسلمك يابوي
زين، يعني اول يوم استلم شغل اجي لاخويا مصاب
جودي ، عن اذنكم ياجماعه أنا همشي
ادهم، اااه هاهون عليكي تسيبيني وتمشي
جودي، زى مانا هونت زمان
ادهم ،استني معلش عايزك في كلمه اااااه
كلهم احنا هنخرج ونسيبكم شويه مع بعض
،،،
ادهم، أنا مكنتش عايز اموت عشانك
جودي، مش عشاني حليت في عينك عشان اللي في بطني مش عشاني
ادهم، والله أما شوفتك كل حاجه حلوه بينا اجت قدام عيني
جودى، سيب كل حاجه للوقت بينسي
ادهم ،مش هنسي
جودي، وانا مش قادره انسي اللي عملته فيا
ادهم ، فرصه واحده
جودي، كل مره تقولي اخر فرصه ومبتتغيرش أنا ماشيه ياادهم وعلي فكره اخويا اللي هنته وهنت أخته هو اللي عملك العمليه سلام وسابته ومشت
ادهم، اوووف انتي دماغك العن من دماغي قلبك بيقول بتحبيني وبتحاولي تتكابرى والله ياجودي لهرجعك لحضني من تاني
،،،،،،،،
زين،. انا هستلم الشغل بكره بقي
احمد، اه إن شاء الله ازيك يا دكتور كارما
كارما، الحمد لله يادكتور احمد
احمد، استلمتي الشغل
كارما، اه لسه مستلماه حالا
زين، يعني انت عايز تقولي أن دي دكتوره اخده سبع سنين طب مش في اعدادي
كارما بزعل، اه دكتوره لسه متخرجه السنادي
زين، لسه متخرجه وعايزه تشتغلي
احمد، كارما كانت بتطلع الأولي علي الدفعه دايما وعلي فكره تبقي بنت عم حسين جارنا
زين ،اهلا وسهلا بيكي بس انتي شكلك صغير اوى وانتي قسم ايه
كارما، اطفال وحديث ولاده
زين، كنت حاسس الحجم ده شكله كده احنا هنشتغل مع بعض باذن الله لاني نسا وولاده
كارما، بإذن الله اه بالحق هتيجي فرح ياسمين بعد بكره باذن الله يادكتور احمد
احمد، أن شاء الله عم حسين عزمني وانا مقدرش ارفضله طلب
كارما، ابقي تعالي معاه يا دكتور..
زين، اسمي زين
كارما، ماشي يا دكتور زين عن اذنكوا سلام
احمد، سلام
زين، اول مره اشوف دكتوره عيله بس سبحان الله تحس انها بتشدك
احمد، ايه اعجبت من اول نظره السناره غمزت
زين، ياعم انا لسه مخلصتش عيادتي خالص أما اقف علي رجلي ابقي اعجب براحتي
احمد، ربنا يوفقك يا زيزو
تعليقات
إرسال تعليق