رواية أين منزلي الفصل الحادي والعشرون 21 بقلم ندى حسن

تستيقظ ندى ونتظرت حولها بتعجب ولكن تذكرت ما حدث معها وادمعت عيونها ثم قامت لتتوضأ وتؤدى فرضها دخلت عليها ناهد بعد ان انتهت من صﻻتها

ناهد : صباح الخير

ندى ببسمة : صباح النور

ناهد : يﻻ ياحبيبتى الفطار جاهز والعيلة كلها متجمعين تحت

ندى : شكرا ماليش نفس

ناهد : ليه يابنتى كده انتى من امبارح ما اكلتيش حاجة وبعدين ﻻزم نبقى متجمعين كلنا ديه قواعد جدك

ندى : حاضر استنى هغير هدومى والبس طرحة

غيرت ندى مﻻبسها ندى وارتدت حجابها الذى زادها جمالا فوق جمالها

ونزلت الى الاسفل

ندى : السﻻم عليكم

رد الجميع عليها

بينما ابراهيم قال : تعالى اجعدى جنبى اهنئ

ذهبت ندى وجلس بجانبه

وكانوا يفطروا بصمت

ولكن ندى لحظت نظرات ادم ل مرام وابتسمت عليهم

وبعد ان انتهوا من الفطور

جلسوا جميعا

صفية بسخرية : اومال انتى يا ندى فى كلية ايه

ندى ببسمة مصتنعة : تجارة انجلش ياطنط

صفية بسخرية : تجارة

نهى : تﻻقيها ماجبتش مجموع فى الثانوية العامة

ادم : ازاى بقا يابت عمى ديه ندى كانت الاولى على دفعتها فى السنتين الى فاتوا فى الكلية وان شاء الله السنادى كمان وكانت جايبة 98 فى المية فى الثانوية العامة

اتغاظت نهى من ندى فنهى لم تستطيع ان تحصل على مجموع بالثانوى ودخلت الكلية بفلوس ولدها

نهى : وانت عرفت ده كله ازاى بقا لحقت تقولك

ادم ببسمة : ﻻء ماقلتش حاجة بس هى كانت بتدرب فى الشركة بتاعتنا وملفها موجود عندنا

ناهد : انتى كنتى ادبى وﻻ علمى

ندى : انا كنت علمى علوم

ابراهيم : ماجموعك بسم الله ماشاء الله اشمعنى تجارة يعنى

ندى ببسمة : ديه كانت رغبتى انا بحب Business , number's والحسابات والادارة بس مش اكتر

صفية بسخرية : وياترى بقا الناس الى كنتى عايشة معاهم كانوا بيصرفوا عليكى كده وﻻ كنتى بتشتغلى عندهم مقابل عيشتك معاهم

اتعصب ندى كثيرا ولكن حاولت السيطرة على نفسها : مين قال كده بالعكس دول بيعتبرونى بنتهم وبيحبونى جدا وكل طلباتى كانت مجابة انا مش عارف حضرتك بتجيبى الكﻻم ده منين

ادم لكى يغيظ صفية فهى ﻻ تحب امه وكانت تتمنى ﻻ ترجع ندى : ياجدى حضرتك تعرف عيلة الى كانت عايشة معاهم ندى بس مش معرفة شخصية

ابراهيم بإستغراب : مين

ادم : حضرتك تعرف شركات المنشاوى جروب

ابراهيم بتذكر : اهاا ديه صاحبها خالد المنشاوى وماسكها معاه اخوه على ما اعتقد كده

ادم : ايوا هى هو انا بقا قصدى على خالد المنشاوى

محمد : ايوا ايوا انا اعرفه ده مشهور ايوا وشركاته كمان كبيرة واسمها معروف

ادم : اه هو ده الى ندى كانت عايشه معاه هو وعيلته

ابتلعت ندى ريقها بغصة لماذا يقول عيلته والذى ربها لماذا ﻻ يقول ولدها او عائلتها

اتغاظت صفية وقالت فى بالها طول عمرها هى وامها حظها نار حتى لما اتخطفت وقعت فى عيلة غنية بنت ناهد

كانت مرام جالسة بجوار ندى

مرام : انا اسفة على طريقة ماما معاكى هى

قاطعتها ندى وابتسمت ندى : ﻻ ياحبيبتى مافيش اى حاجة

علمت ندى ان مرام ليست كا ولدتها ولم تأخذها بذنبها

انتبهت ندى ل ايتن الذى بالخارج وتتحدث بالهاتف

ندى لمرام : بقولك ايه هى بتكلم مين

مرام : بتكلم مين يعنى حتﻻقيه عدى

ندى : عدى يبقالها ايه وﻻ اقولك تعالى نرزل عليها ونقعد بره فى الهوا ونتكلم شوية

مرام : تعالى تعالى وانا افهمك باقى العيلة بره

قامت مرام وندى

ادم : ريحين فين

مرام وهى تضع وشها فى الارض : احنا هنخرج فى الجنينة بره

ادم : طيب

خرجت ندى ومرام الى ايتن

ندى بمرح : ايوا ياعم ﻻعبه معاكى

ايتن وهى تضحك : طيب ياحبيبى هكلمك بعدين

ثم اتجهت الى ندى : فى ايه يابت

ندى 

 : كنتى بتكلمى مين

ضحكت ايتن : ده عدى

ندى : عدى تصدقى انا كده عرفته

طيب استنى 

خطيبك

ايتن : تؤتؤ

ندى : 

جوزك

وهو انتى كمان متجوزة

ايتن بضحك

 : تؤتؤ

ندى : 

اوعك يابت يكون

ايتن : ايه يابت انتى ياخربيتك دماغك بتروح لبعيد على طول ده اخويا

ندى : اهاا ..ايه العيلة الى داخلة فى بعضها ديه

ايتن بضحك

 : ﻻ داخلة وﻻ حاجة استنى انا هقولك

انا وعدى وزين اخوات ونبقى عيال عمك عامر الكبير وفاطمة نبقى مراته

ومرام ونهى ومازن اخوات عيال عمو محمد وطنط صفية

وادم وانتى عيال عمو راشد وطنط ناهد بس 

كده وعدى مسافر وهيرجع قريب ومازن كمان مسافر

ندى : اهاا فهمت وبم ان ادم اخويا وبيحب مرام اتجوزها وانتى زين بيحبك وهيتجوزك

ايتن : ياخرررررااابي

يابت زين يبقى اخويا

ندى : اهاا فهمت

يعني ايتن الى هو انتى وعدى وزين اخوات

ومرام ونهى ومازن اخوات

ثم اكملت بمرح : وانا وادم طبعا اخوات صح 

ايتن :

صح واه فى احمد كمان

ندى : ومين أحمد ده كمان

ايتن : بصى ياستى احمد ده صديق زين وعدى من الطفولة باباه ومامته توفى وهو صغير جدو قرر انه يجي يعيش معانا وهو كمان يبقى واحد من العيلة وهو حاليا مسافر كمان بس كلنا منعتبره واحد من العيلة

ندى : فهمت فهمت خﻻص طيب انتوا ازاى يعنى كلكم يعنى بتتكلموا نص صعيدى ونص ﻻء

مرام : بصى ياندووشة

ندى 

 : مش بحب الاسم ده

سكتى ليه كملى

مرام ببسمة : اه جدو كان بيشتغل فى اسكندرية قابل جدتى هناك فى اسكندرية حبوا بعض واتجوزوا وبنوا نفسهم بنفسهم لحد جدى ماعمل شركة صغيرة لحد مابقت شركة كبيرة وكانوا عايشين فى اسكندرية لحد ما اهلنا كبروا واتجوزوا قرر جدى انهم يرجعوا الصعيد بس ياستى عشان كده تﻻقى كﻻمنا نص كده ونص كده وخاصة بقا انه احنا كنا منسافر عشان نتعلم فى الى كان بيسافر القاهرة وفى الاسكندرية وبس ياستى بس الى درس بره مصر عدى ونهى وزين دراسته كانت هنا بس الماجستير عمله بره

ندى : اشمعنى نهى وعدى هما الى كليتهم كانت بره

ايتن : ديه كانت رغبتهم هما

ندى بمرح : وانتوا كمان ماكملتوش بره انتوا كمان ليه وﻻ انتوا مابتحبوش السفر

مرام بحزن

 : خافوا علينا نروح ونرجع زى نهى حاولنا نقنعهم انه احنا مش نهى عشان نتغير بس قالوا انه كده احسن لينا

ندى : هى نهى مالها

مرام : انتى مش شايف طريقة لبسها وﻻ كﻻمها ازاى هى ماكنتش كده هى سافرت محجبة رجعت من غير الحجاب و مرة بمرة بقت متمردة ومش بتسمع كﻻم اى حد

ندى : ربنا يهديها

ثم ابتسمت : وانتوا اكيد الاحسن ليكم المعهد محدش فعﻻ عارف لو كنتوا روحتوا محدش كان عارف ممكن كان يحصل ايه معاكم وربنا مابيعملش حاجة وحشه ومحدش عارف الخير فين واكيد ده الاحسن ليكم

ثم تابعت بمرح : ومحدش عارف مش يمكن لو كنتى سافرتى فعﻻ ماكنتيش كتبتى كتابك انتى وادم وﻻ ايه

تبتسم مرام بخجل وقالت ايتن : صحيح انتى فى سنة كام فى الكلية

ندى : انا فى الفرقة التالتة يعنى قدامى سنة فى الكلية واخلص ان شاء الله

ايتن : ناوية على ايه بعد ماتخلصي

ندى : والله لسه مش عارفة سيبها لوقتها كنت ناوية اسافر بعد الكلية بس جيت هنا بقا ف هسيبها على الله والى كاتبه هو الى هيكون

ايتن : ربنا يوفقك

ندى : ويوفقكم يارب

سمعت ندى أذان الظهر فإستأذنت منهم وطلعت الى غرفتها ولكن وهى طالعة لفتت انتبهها صورة امرأة على الحائط وكانت جميلة جدا وقفت تتأملها

ديه جدتك كان هذا صوت ابراهيم

استدارت ندى وابتسمت له : اومال هى فين انا ماشوفتها من ساعة ماجيت

ابراهيم بحزن : عند الى خلجها ماتت من زمان

ثم تركها وغادر بينما هى ذهبت خلفه

ندى وخرجت منها تلقائياً:جدو استنى

توقف مكانه عندما سمعها تنادى عليه

ذهبت اليه ووقفت فى وجهه : انا اسفة ما كنتش اقصد والله ماكنت اعرف .....

احتضنها تفجأت هى من ذلك

ابراهيم بحزن

: كان نفسها تشوفك جوى ياندى

ندى : الله يرحمها ويسامحها

ابراهيم : آمين

ندى : انا اسفة انى فكرتك بيها ماكنتش اعرف انها ميتة

ابتسم إبراهيم بحزن

 : انا مانسيتهاش يابتى عشان افتكرها هى على طول فى بالى

ندى بإعجاب : ياااه ياجدو بتحبها لدرجة ديه وبعد السنين ديه كلها حتى بعد ما ماتت

ابتسم ابراهيم : جدتك ماتتنسيش يا ندى ديه حب حياتى

ندى بمرح : انا اول مرة اعرف ان الصعايدة بيحبوا والحاجات ديه

ابراهيم : ليه يابت اسكندرية انتى ماعندناش جلب وﻻ ايه

ندى : مش قصدى والله بس دايما اعرف ان الصعايدة جامدين كده وجد

ضحك عليها :ايوا جامدين بس برضو من حب وامسك ملفات امامه من الواضح انه كان يعمل

ندى : بعد أذنك بقا عايز حاجة

ابراهيم بضحك : عايز سلامتك

ذهبت ندى غرفتها وتصلى

~~~~~~~~~~~~~~~Nadoooo~~~~~~~~~~~

فى غرفة راشد

راشد : مالك ياناهد

ناهد ببسمة مصتنعة : لا ابدا مافيش حاجة

راشد : عليا انا برده ياناهد

ناهد : تفتكر غلطنا لما جبنا ندى معانا بطريقة ديه

راشد : احنا اهلها برده ياحيبتى بس ما كنش المفروض نبقى انانين

تابع بحزن

 : كنا انانيين فعﻻ ياناهد لما طلبنا من خالد يرجعلنا بنتنا بأى طريقة وغلطنا اكتر لما خليناه يعاملها بالطريقة وسكتنا

ناهد بحزن

 : انا ام برضه ياراشد وكان نفسي اشوف بنتى فى حضنى بس لحد ده الوقت ما سمعتش منها كلمة ماما

راشد وهو يحضنها : معلش ياحبيبتى هى برضه صعب عليها بعد 22 سنة تقوللها انه ابوها وامها مش ابوها وامها صعب عليها يا ناهد بس انا رأى انك تروحى تكلميها وتقوليلها وتتصافى معاها

ناهد :

انا عﻻقتى بيها ياراشد مش كويسه عايزنى اروح اقولها انا السبب الى خلى خالد يعاملك كده هتقولى ايه مش بعيد تكرهنى

راشد : تقوليلها ده الوقت وتتصافوا وﻻ تعرف بعد ماعﻻقتكم تبقى كويسه وتتوتر تانى ف انا رأئي تروحى تتكلمى معاها ومافيش بنت هتكره امها وخالد قالى انها حنينة اوى وكمان طيبة

ثم ابتسم:طالعة ل أمها

ضحكت ناهد

راشد بحب :ايوا ياشيخة كده اضحكى خلى الدنيا تنور

~~~~~~~~Nada Hassan~~~ ~

كانت مرام تمشي فى الطرقة فجأة وجدت من يجذبها ويدخلها الغرفة ويغلق الباب

مرام : ايه يا ادم فى ايه خرعتنى

ادم وهو يقترب منها :وحشتينى

مرام وهى ترجع على الخلف :ايوا يعنى عايز ايه

ادم بحب وهو يمسكها من خصرها ويجذبها اليه :يعنى مش عارفة انا عايز ايه

شهقت مرام : ايه الى انت بتعمله ده سيبنى يادم كده عيب

ادم : يابت انتى مراتى هو انا كل شوية هقولك انتى مراتى ..احلفلك على المصحف يامرامى

ابتسمت مرام

ادم بعشق :ضحكتك ديه بتجننى بس انتى بتضحكى على ايه ده الوقت

مرام بخجل : على مرامى بحبك اوى لما تقولى كده

ادم :

بتحبينى لما اقولك كده بس

مرام : ﻻء بحبك على طول

ادم وهو يمسك قلبه: قولتى ايه

مرام بوجه احمر : ممم..م.ماقل..تش .ماقلتش ..حح..حاجة

ادم : مرام وحياتى عندك تقوليها تانى

مرام : الله بقا يا ادم

ادم : عشان خاطرى

مرام : بحبك على طول

ابتسم ادم وحضنها وانا بعشقك ياقلب ادم

ثم اقترب منها بشدة يريد ان يقبلها .ولكن تليفونه رن

ادم بغيظ :مين الغتت ابن الغتتة الى بيتصل ده

ضحكت مرام : رد وانا هروح ل ايتن

امسك ادم هاتفه وجده رقم

ادم : الو مين

السﻻم عليكم

ادم : وعليكم مين

اسر : انا اسر

ادم : اه ازيك يا اسر عامل ايه

اسر وهو يظهر فى نبرة صوته الحزن : الحمد لله وانت

ادم : الحمد لله

سكت اسر فعلم ادم انه يريد ان يسأل على ندى

ادم : هى كويسه ماتقلقش عليها

اسر : هى كويسه بجد هى عاملة ايه

ادم بخبث :لو عايز تعرف مالها ما اتصلتش بيها ليه تسألها

اسر وهو يتنهد : مش قادر اسمع صوتها ومش عارف هقولها ايه وزمانها زعﻻنة انى ما اتصلتش بيها اصﻻ من ساعة ما مشيت

ادم : انا رائى تتصل بيها وتكلمها هى كده هتفكر انك مش عايز تكلمها صدقى هى اكيد محتاجة لك وخاصةً انه هى لسه ما اخدتش على هنا وهى لسه فى الاول وكده

اسر : هحاول اتصل بيها عايز حاجة

ادم : عايز سﻻمتك

اسر : خد بالك منها يا ادم اوعى تزعلها

ادم : فى عنيا ياعم ديه اختى

****************************************

فى غرفة ندى انتهت من صﻻتها وظلت تنظر ال تليفونها بدموع لم يتصل بها اسر ابدا

لكن ملك ونهال وكرم اتصلوا بها ولما سألت على خالد قالوا لها انه فى الشركة ولكن ندى تعلم انه فى هذا الوقت يكون بالمنزل 

وعندما سالت على اسر قالت لها ملك انه فى غرفته ولم يخرج منها منذ ان رحلت 

طرق الباب بينما ندى مسحت دموعها : ادخل

دخلت ناهد بينما ندى قامت فكانت جالسة على سجادة الصﻻة

ناهد :كنت جاية اتكلم معاكى شوية

ندى :تنورى فى اى وقت

ناهد بفرحة : من قلبك الكﻻم ده

ابتسمت ندى : ايوا من قلبي

ناهد : تعرفى ياندى كنت طول عمرى مستنية اليوم الى القيكى فيه ولما جه كنت خايفة ياترى هتبقى عاملة ازاى

بس لما شوفتك محجبة ولبسك طويل ومتحشمة فرحت وفرحت اكتر لما كل ما ادخل عليكى الاوضة الاقيكى بتأدى فرضك

حمدت ربنا انه انتى بنتى محترمة عارفة ربها وبتخافه ومتبتسبش فرض وكمان نهال كلميتنى عليكى كتير

نظرت ناهد الى ندى وجدت دموعها تهبط فى صمت

اتجهت الى ندى وجلست بجورها ومسحت دموعها : ماتعيتيش ياقلب امك دموعك ديه غالية عليا

احتضنتها ندى بشدة ف هى زعلت عليها هى ام وانحرمت من بنتها سنين كثيرة وايضا هى ولدتها فكيف ان ندى رقيقة القلب على اى شخص فكيف ستكون على ولدتها 

ناهد وهى تحتضنها : هفضل طول عمرى اشكر ابوكى وامك على تربيتهم ليكى وهيفضل جميلهم على راسى من فوق

نظرت لها ندى بإستغراب

اكملت ناهد وفهمت ما يدور فى عقل ندى : ايوا ياندى هيفضلوا ابوكى وامك طول العمر هما الى ربوكى وكبروكى وعلموكى

ابتسمت لها ندى واحتضنتها كثيرا

بينما بكت ناهد كثيرا

ندى وهى ترفع راسها وتمسح دموعها : بتعيطى ليه ده الوقت

ناهد ببكاء

 : انا اسفة اسفة

ندى : بتتأسفى على ايه

ناهد ببكاء

: انا السبب انا السبب ياندى انا اسفة انا الى خليت خالد يعاملك بالطريقة ديه وكمان منع اسر انه يخليكى تفضلى

ندى بصدمة وهى تبتعد عن احضانه:قصدك ايه

~~~فﻻش باااك~~~~

(المشهد ده لما ندى اغمى عليها والدكتورة بتكشف عليها جوه)

ناهد وهى تنظر لخالد ونهال برجاء وحزن :اعملوا اى حاجة ترجعلى بنتى انا عايزها ترجع لحضنى ارجوكم هى عاشت معاكم كتير وانا عايزها تعيش معايا ومحدش ضامن عمره وانتوا ابوها وامها واكيد هتسمع كﻻمكم اقنعوها تيجى معانا

بكت نهال

 ايضا

بينما نظر خالد الى راشد وجد فى عيونه نظرة حزن وكسرة

نعم فإن ندى وجعت قلبه بكﻻمها عندما قالت انها ﻻ تريد العودة معهم

خالد ببرود وهو فى داخله قهرة على ترك ابنته :انا اوعدكم انها هترجع معاكم بس محدش يدخل فى الى اقوله

نهال بخوف

 : هتعمل ايه ياخالد

خالد بحزن

 : وانتى يانهال اوعك تدخلى بينى وبين ندى لما اكلمها ومافيش طريقة غير ديه الى هتخليها ندى تروح معاهم

اسر بغضب

 : انا مش هسمح انها تبعد عنى ياعمى

خالد بصرامة : اياك يا اسر اياك تحول تمنعها

اسر : همنعها ومش هسمح لحد يخدها منى او يبعدها عنى

خالد : ماتخلنيش اوريك وشي التانى احسن لك يا اسر

اسر : هتعمل ايه يعنى

خالد بحزن

 ولكن يخفيه :انا هحبسك وهبعدك عن هنا ومش هتشوفها وﻻ تسلم عليها حتى لما تمشي وهتفكر انك اتخليت عنها وانت عارف كويس انى اقدر اعمل كده

ضرب اسر الحائط بيديه بشدة :انا مش هسامحكم ابدا

ثم ذهب لخالد :ياعمى انت عارف انى مااقدرش اعيش من غير ندى

انت عارف ان حياتى كلها تتمثل فيها وحياتها تتمثل فيا ليه مصمم تعمل كده

خالد : هيجى يوم وتفهم انا عملت كده ليه وبعدين دول اهلها يا اسر يعنى ليهم الحق فيها اكتر مننا

اسر بحزن : واحنا برده عليتها

خالد وهو يقف :خلص الكﻻم

~~بااك~~~~~~~

ناهد بدموع :

وهو لما قالك الكﻻم ده ما كنتش من قلبه كان بيقولك كده عشان تيجى معانا

ندى ببكاء

 : سبينى لوحدى

ناهد : ياندى والله

ندى بصريخ 

سبينى لوحددددددددى

خرجت ناهد وهى تبكى

بينما ندى وقعت على الارض

وظلت تبكى 

الا هذا الاهذا قال اننى حمل عليه لكى يرجعنى لهم

انه ايضا يتألم قلبه لتركى 

الآن علمت ماسبب نظرة الحزن فى عينه

اااااااااااه ياقلبيى

اااااااااااااه يا اسر

اااااااااااااه يا ابي

اااااااااااااه يا امى

اااااااااااااه يا اخوتى 

ظلت تبكى وتبكى وتبكى وتتذكر ذكريتها معهم

قامت تصلى وتدعو ربنا ان يريح قلبا وان تتأقلم على الوضع بسرعة وظلت تفكر لم يكن ينبغى ان تصرخ فى وجه امها وان هى فعلت ذلك ﻻنها تحبها اينبغى عليها ان تغضب منها او ماذا تفعل ولكن يجب ان اقدر موقفها هى ام وفعلت ذلك ﻻنها تحبها

قررت ندى ان تعاملهم مثلما كانت تعامل خالد ونهال

فكرت جيدا ف ندى رغم ضحكها وهزارها الا انها فتاة عاقلة وظلت تفكر

هى ستظل عائشة معهم فيجب عليها معاملتهم كأهلها فإنه اصبح امر الزامى وستبدا من الان وستذهب الى ناهد فى غرفتها وتعتذر منها فإنه اصبح شئ الزامى العيش معهم

خرجت من غرفتها ووذهبت الى غرفة والديها وطرقت الباب

فتحت راشد الباب

ندى بحرج : ممكن ادخل

راشد وهو محتار فهى السبب فى جعل حبيبته تبكى ولكن ايضا هى ابنته : اتفضلى

دخلت ندى وجدت ادم يجلس على ركبته ويواسي امه :طيب قولى لى مالك بس

ناهد : يابنى مافيش حاجة الله انا مصدعة شوية لم ترضى ناهد ان تخبر ابنها بالذى حدث ﻻنها ﻻ تريد ان يتشاجروا سويا

ذهبت ندى اليها وجلست على ركبتيها بجانب ادم : انا اسفة

نظر اليها ادم بغضب وامسكها بيدها :كنت عارف انك انتى السبب فى دموعها ديه انتى انا مش قلت لك ماتزعلهاش تانى

ناهد : سيب ايد اختك يا ادم ومين قالك انها مزعلانى

ادم : والله عال لسه مابقلهاش يومين وواقفة فى صفها اومال هى بتعتذرلك ليه

راشد : ماتعليش صوتك يا ادم

ناهد : ماتدخلش بينى وبنها يا ادم

كاد ادم ان يخرج الا ان والده اوقفه

راشد : انت مش كنت جاى تفرجنى حاجات فى الشغل

جلس ادم وراشد فى جانب من جوانب الغرفة وظلوا يتشاوروا فى امور للشركة

بينما اخذت ناهد ندى بعيد عنهم

ناهد : كنتى جاية عايزة حاجة

ندى بخجل :انا اسفة انا مكنتش اقصد اتعصب والله

قاطعتها ناهد واحتضنتها :ماتعتزريش يا حبيبتى انا مش زعﻻنة انا عارفة انه من حقك تزعلى

عنقتها ندى وقالت بمرح : حيث كده بقا انا هنام معاكى النهاردة وﻻ هتقولى لى السرير مش هيكفى

ابتسمت ناهد لها بدموع وفرح:ده السرير ينور بيكى

احتضنتها ندى : انتى بتعيطى ليه ده الوقت اقوم امشي يعنى وﻻ ايه

ناهد : ﻻء ياقلبي مش بعيط انا بس مبسوطة انك هتناكى معايا

انتى عارفة انك اول مرة هتنامى فى حضنى النهاردة ولما اتولدتى كنتى فى المستشفى كنتى بتباتى فى الحضانة

ندى بحزن على حالها: خﻻص بقا ادينى هنام جنبك النهاردة

ثم ركضت على السرير وجلست عليه وغطت نفسها

نظر راشد لها بتعجب

ادم : انتى قاعدة هنا ليه انا ماشي وهما هيناموا

ندى : وهى تخرج له لسانها :ملكش دعوة انا هبات هنا 

راشد ببسمة : السرير هينور والله

ادم : هتباتى هنا فين

ندى ببراءة : هبات هنا على السرير ده عشان بخاف انام فى الاوضة اللى هناك لوحدى عشان لسه ما اخدتش عليها

ادم : عن اذنكم بقا

ناهد : خليك شوية نقعد سوا

راشد : ايوا ياادم خليك نسهر شوية مع بعض

جلس ادم من اجل والده فهو ﻻ يريد ان يحزنها

جلس الجميع على السرير

وظلوا يتحدثون وكانت ندى فى منتصف راشد وناهد وادم فى وشها ظل يتحدثون سويا حتى غفت ندى وادم ايضا وكانت ناهد تلعب فى شعر ندى

ابتسم راشد على عائلته الذى اكتملت بوجود ندى

~~~~~~~~~~~Nadoooo~~~~~~~

فى صباح يوم جديد تستيقظ ندى

تجد والدتها تنظر لها بحب وتلعب فى شعرها

ناهد : صباح الخير ياقلبي

ندى وهى مازلت عيونها مغمضة :صباح النور ياماما

ناهد بفرحة : قلتى ايه

ندى وهى تجلس :قلت ايه فى ايه

ناهد : قلتى صباح النور يا ايه

ندى ببسمة : ياماما

احتضنتها ناهد : قومى يﻻ عشان ربع ساعة الفطار هيبقى جاهز وﻻزم ننزل انا هنزل ده الوقت عشان احضر معاهم

ندى : ماشي

انتهت ندى من صﻻتها ونزلت وجدت عائلتها متجمعين على الطاولة

القت السﻻم

وفطروا كالعادة فى صمت

اتجه كل واحد الى عمله

وناهد كانت فى المطبخ

وراشد وادم يتابعون بعض الاشياء فى العمل

ندى : بابا

نظر لها ادم وراشد بإستغراب

ندى : فى ايه

راشد : انتى كنتى بتنادى على مين

ندى : على حضرتك

راشد : كنتى بتقولى ايه

ندى : بابا

ابتسم لها راشد : عايزة ايه ياقلب بابا

ابتسمت ندى : كنت بقولك عايزة اطلع اتمشي شوية

راشد : بس انتى ماتعرفيش الطرق هنا ياندى

ندى : مش هبعد انا هتمشي حولين البيت بس مش هبعد بالله وبعدين انا زهقانة

ادم : احنا بس خايفين عليكى ماينفعش تطلعى

ندى : انا بكلم بابا

راشد : خﻻص يا ادم هى قالت مش هتبعد خدى بالك من نفسك ياندى

ندى ببسمة : حاضر

اتجهت ندى وظلت تتمشي وتفكر فى حياتها وتبتعدت عند المنزل وجدت اطفال يلعبون بالحجارة والطوب

ذهبت وطلبت ان تلعب معهم ووافق الاوﻻد وهى تحدف الحجارة بعيدا جاءت فى زجاج سيارة اتيه فى اتجاههم كسرته ركض الاطفال عندما علموا هذه السيارة لمن

نظرت ندى بخوف وظلت مكانها كانت تطلع الى الاطفال وهم يركضون

نزل الشاب من السيارة بغضب ووجد فتاة تقف وتنظر للاطفال وهم يركضون ذهب اليها

الشاب:جد الى انتى عملتيه ديه ياشاطره

استدارت له ندى

ونظرت له بصدمة 

 : انت

الشاب :انتى 

~~~~~~~~~~~~~~~Nadoooo~~~~~~~~~~~

ناهد : اومال ندى فين

راشد : بتتمشي شوية

ناهد : مع مين

ادم : لوحديها

ناهد بقلق : وانتوا سبتوها تخرج لوحديها

راشد : ماتجلجيش ياناهد هى جالت انها زهجانة وهتتمشي حولين البيت مش هتبعد

ناهد : طب جوم يا ادم روح شوف خيتك ياولدى انا جلجانة عليها

ادم : حاضر ياامى

ظل ادم يبحث عن ندى حول المنزل ولم يراها

~~~~~~~~~~

ندى بصدمة

:انت

الشاب 

:هو انتى

ندى :انت بتعمل ايه هنا اوعك تكون جاى ورايا

الشاب :وانا هاجى وراكى بتاع ايه انتى وبعدين انتى الى بتعملى ايه هنا

ندى بغضب : وانت مالك بنى ادم بجح صحيح

الشاب بغضب : انا الى بجح انا الى كسرتلك جزاز عربيتك صح

ندى بغضب : ياسﻻم انا مستعدة اصلحهولك

الشاب بعصبية : انتى مفكرانى مستنى او محتاج فلوسك

ندى : ﻻء افكرك وﻻ مافكركش انت اصﻻ ماعندكش زوق وقليل الاداب كمان مش كفاية اول مرة لما خبط فيا ما اعتذرتش ولما زعقت فيا قدام زمﻻتى انت واحد مغرور وما عندكش احترام مفكر نفسك ما فييش حد زيك وانت اصﻻ تﻻقيك.....

لم يستطيع تحمل كل هذا الكﻻم الباطل عليه فهو فقد اخر ذرة صبر لديه رفع يده لكى يصفعها ....

ولكن وجد من يمسك يده ويصرخ به :عددددددى

كان هذا صوت ادم الذى احتمت ندى خلف ظهره

ادم بغضب مكتوم : احنا ميتا ياولد عمى بنمد يدنا على حريم عاد

صدمت ندى ادم يقول ولد عمى اهو وابن عمها وسمعته وقال ايضا عدى معنى ذلك هو عدى

عدى بغضب : ايوا صوح احنا مامندش ايدينا على حريم لكن لما تكون لسانها طويل وعايزة تتربي

قاطعه ادم بصريخ :عددددددى انا ما اسمحلكش ابدا

قاطعت ندى ادم بغضب : هى مين ديه الى عايزة تتربي ياحيوان انت والله محدش عايز يتربى غيرك

عدي بعيون حمراء ولكن ندى ليست خائفة ف ادم معها :شايف يا ادم عتجول ايه

ادم وهو ينظر لها :بس ياندى خﻻص عيييب الحديت ده

ندى : انت مش شايف يا ادم بيقول ايه

عدى بصدمة : انت تعرفها يا ادم

ادم : ايوا اعرفها الى انت بتشتمها ديه وبتجول عليها جليلة الرباية والى كنت رافع يدك تضربها تبجى اختى يا ابن عمى

عدى بصدمة

:ااختك

ادم : ايوا اختى

عدى وهو يضع يده على راسه واخيرا استوعب ان هذه ابنة عمه .:ادم انا اسف انا م...

قاطعه ادم : حمد لله على سﻻمتك ياخوى

هستناك فى البيت

ثم اخذ ندى من يديها وذهب وقبل ان تذهب ندى قالت :Hute you(اكرهك)

ادم بغضب : يلاااا

ام عدى وقف بصدمة ﻻيعلم لماذا كلمتها جرحته انها قالت انها تكره احقا تكرهنى ومعنى ذلك ان ندى ابنت عمه راشد الضائعة وان ابنت عمه تكون تلك الفتاة الذى اصتدم بها وهو يدخل الى الشركة وهى ايضا الذى صفعته امام المتدربين والموظفين ...

.صدق من قال ان الدنيا صغيرة ولكن الان هو لم يعد يطيقها انها اهنته كثيرا ولم يسمح لها بذلك مرة ثانية

هو لم يكن يريد ان يتعصب عليها ولكن هى من استفزته بالكﻻم ولم يكن ينوى البتة ان يرفع يده عليها ولكن هى افقدته صوابه وهو عندما يفقد صوابه ﻻيرى امامه

والاسوء من ذلك هى السبب فى شجاره مع ادم فهذه المرة الاولى الذى يغضب بها ادم من عدى فهم اكثر من اخوة منذ الصغر وكانوا عندما يتشاجروا ﻻ يغضبوا من بعضهم ابدا

ماذا لو قال ادم للعائلة الذى رأه فكيف سيرى وجهه لجد وعمه ولكن ادم عاقل ولكن عندما يغضب ﻻيعى لتصرفاته

اااااه انا اكره هذه الفتاة هكذا اقنع نفسه

ولكن السؤال هنا هل حقا يكرهها 

~~~~~~~~~~~~Nada Hassan~~

***********

وصل ادم وندى الى الجنينة ف الفيﻻ ولم ينطق ادم بحرف واحد

بينما ندى قالت :شكرا ﻻنك وقفت معايا و....

ادم وهو يقاطعها:انتى تعرفى انها المرة الاولى فى حياتنا انا وعدى نتخانق طول عمرنا اكتر من الاخوات وبسببك النهاردة وسبب تهورك احنا اتخانقنا

شوفتى بقا عملتى ايه وديه اول مرة ما احضنهوش وﻻ ارحب بيه لما يرجع من السفر

مع انه وحشنى اوى

ندى بدموع : هو اللى غلطان مش انا

ادم : انا وبابا الى غلطانين اننا سمحنالك انك تطلعى وبعدين انتى مش قلتى مش هتبعدى

ندى 

:هو ..ي..هو

ادم بغضب : هو ايه ياندى انطقى وبعدين هو ايه سبب خناقك معاه

انفجرت ندى فى البكاء

بينما ادم سحبها الى احضانه : خﻻص معلش انا اسفة مش قصدى اتعصب عليكى

ندى 

 : ااا....انت...مم.م.مش ..بب.تتتح...بتحبنى ...ك.كك.كل...ش.شوية...تت..تزعقلى..و..

ادم : خﻻص ياقلبي والله حقك عليا انا اسف .خﻻص بقا بطلى عيااط .وبعدين انتى بتقولى ايه معقول محدش بيحب اختك ﻻء وكمان اخته الوحيدة

ندى : ماشي يﻻ ندخل

ادم : لسه زعﻻنة صح

ندى : ﻻء خﻻص

ادم : ندى

ندى : نعم

ادم : ياريت محدش يعرف بالى حصل

ندى وهى تقاطعه : ماتقلقش انا مش هقول لحد

دخل ندى وادم وجد الجميع متجمعين

ناهد : كده ياندى تقلقينى

ندى ببسمة : معلش بقا مالقيتش حد اقعد معاه

ندى وهى جالسة بجانب والدتها بهمس : ماما

ابتسمت لها ناهد : ايه يقلب ماما

ندى : انتوا متجمعين ليه

ناهد : عدى راجع من السفر وبقاله اكتر من شهر مسافر

ابتلعت ندى ريقها عندما سمعت اسم عدى

دخل عدى المنزل ببسمة مصتنعة فكيف له ان يضحك واخيه غاضب منه :السﻻم عليكم

وجدت ندى ايتن تركض بشدة وعدى يفتح لها زراعيه

نظر ادم لندى وجدها تطلع عليه وعلى عدى الذى يحتضن ايتن اغمض عينيه فهو فهم نظرة ندى

رحب الجميع بعدى وبعد احتضانه لامه واخيه وابيه وجده وعائلته

نهى بدلع :حمد لله على سﻻمتك ياعدى

ابتسم لها عدى

بينما ندى نظرت لها بقرف

قال الجد ابراهيم : ايه ياولدى غريبة يعنى كان اول واحد بتسلم عليه بعض ايتن ادم انتوا متخانقين

ادم : انا سلمت عليه بره ياجدى وشوفته انا و ندى

ابراهيم : ماجلتش اللى انت شوفته عاد

ادم بتوتر : عادى يعنى

بعد اذنكم انا طالع

حزنت ندى على انها كونها سبب مشكلة بين ادم وعدى ف من الواضح ان عﻻقتهم قوية

فاطمة :يعنى انت شوفت بنت عمك ياولدى

اوماء لها عدى

بينما ندى : عن اذنكم انا طالعة

~~~~~~~~~~~~~~~~~~~~~~~~~

فى المساء

كان الجميع متجمعين ماعدا ندى التى كانت فى غرفتها تفكر كيف تصالح ادم وذلك عدى

كان الكل جالسون

وﻻحظ الجميع ان ادم جالس بعيد عن عدى فهذه ليست عادتهم

وفجأة انقتعت الكهرباء

راشد بقلق : ناهد ندى فين

ناهد : فى اوضتها ياحاج

راشد وهى يركض على السﻻلم :تعالى وريا يا ادم بسرعة ونور كشاف تلفونك

دخل الى غرفة ندى وظل ينادى عليها ولكن لم ترده وسمع صوت بكاء مكتوم

دخل ادم خلف والده وظل يبحث عن ندى بضوء التليفون نظر بصدمة عندما وجدها فى احدى اركان الغرفة ضمة ركبتيها الى راسها وتبكى

 بشدة وكانت تقول :انا ما عملتش حاجة ابعدى ابعدوا عنى سبونى

اااه وتضع يديها على اذنها ركض اليها ادم راشد بسرعة

ندى ندى

ندى وهى تبتعد وتصرخ بهستيريا :سبونى ابعدوا عنى انا ماعملتش حاجة 

كان راشد حزين على حالة ابنته

بينما ادم ﻻ يفهم ماذا حل ب ندى

دخلت ناهد وجدت ابنتها فى هذه الحالة فزعت وذهبت لكى تضمها ولكن

صرخت ندى : ابعدوووووا عننننننننى

سمع الجميع بالاسفل صراخ ندى ركضوا الى الاعلى

اوقفهم عدى : استنوا ادخلى انتى يامرام شوفيها يمكن مش ﻻبسه طرحتها

دخلت مرام وجدت ندى فى هذه الحالة فزعت فكانت تبكى بشدة

وادم يحاول ان يهديها ولكن ﻻيستطيع

وفجأة رجعت الكهرباء

نظرت ندى ليهم كأنها لم تتعرف عليهم ثم سقطت مغشيا عليها

خرجت مرام عندما سمعت احد ينادى عليها بينما ادم اتجه ل ندى وحملها ووضعها على الفراش ووجد حرارتها مرتفعة

ادم : ماما هاتيلى بسرعة اعملها كمدات حرارتها عالية

فى الخارج

ابراهيم : مالها ندى يامرام

مرام لم ترد

ابراهيم : مرااام

مرام : ايه ياجدى

ابراهيم : ما لها ندى

مرام بتوهان فهى خائفة على ندى كثيرا :ما اعرفش ياجدو

فى هذه اللحظة خرجت ناهد بسرعة وجدتهم جميعا على الباب

ابراهيم : مالها بتك يا ناهد

ناهد بتوهان :ماخبرراش يابوى

ابراهيم : وه هو كلكم ماتعرفوش اكده وسع منك ليها ادخل اشوف مالها وانزلوا كلكم تحت

نزل الجميع ولكن

عدى كان يشعر بالقلق وﻻ يعرف لماذا

احضرت ناهد كمدات لندى ودخلت واخذها منها ادم الذى كان يشعر بالقلق الشديد على اختك الوحيد

ابراهيم : فى ايه ياولدى وايه الى حصول لبتك

راشد بحزن وهو ينظر لندى

وحكى له ماذا حدث لندى فى طفولتها وخالد خبرنى وجالى من يوميها وهى بتخاف من الظلمة والقطط

ابراهيم : ﻻحول وﻻ قوة الا بالله العلي العظيم

ان شاء الله تبقى كويسه ياولدى

راشد : ان شاء الله يابوى

نزل ابراهيم : عدى

عدى : نعم ياجدى

ابراهيم : عايزك ياولدى تجيب مولد الكهربا الى بيشتغل تﻻقئى لما الكهربا تجتع مش عايز النور يروح من البيت ثانية واحدة

عدى : حاضر يا جدى

إبراهيم:وانتى يا نهى

نهى بدلع:نعم

إبراهيم :قططك تلميهم فى جفص ومايطلعوش منيه

نهى :ليه كده

ابراهيم : كﻻمى يتسمع عاد يا بت محمد

سمعتينى

نهى بغيظ : حاضر

اما عدى فكان يفكر لماذا طلب منه جده ذلك هناك سر فى الموضوع

صفية :اومال بت ابنك ياحاج كانت بتصرخ وتعيط ليه

ابراهيم : شئ مايخصكيش ياصفية

ثم تركهم وغادر

*********

عند أذن الفجر استيقظت ندى

فكان ادم يجلس بجانبها على السرير وراشد على الاريكة

وناهد بجانبها على الناحية الاخرى من السرير

نظرت ندى اليهم باستغراب وخوف وصدمة 

~~~~~~