القائمة الرئيسية

الصفحات

رواية قدري الفصل الثالث عشر 13 بقلم مروة السيد

 رواية قدري الفصل الثالث عشر 13 بقلم مروة السيد

رواية قدري الفصل الثالث عشر 13 بقلم مروة السيد

رواية قدري الفصل الثالث عشر 13 بقلم مروة السيد

منال ... ناوى على ايه
سعيد ... هقولك انا لماNلوس تقرب تخلص هروح لها واطلب منها فلوس وطبعا هترفض ههددتها بجوزها انى هقتله وهى جربت لما حاولت مع معتز مع انى كنت بهوش بس نفعت معانا اهوه وخالتى كانت بتصرف علينا ومعاشها قد كدا فهى هتخاف على جوزها وبكدا اقدر اخليها تتنازل عن ورثها من خالتى
منال ... نصيبها مش هيبقى زى نصيب معتز اكيد اكتر انت ومعتز اكتر من حياه
سعيد .... خالتى طلع ليها محامى مظبطه معاه كل حاجه طلعت واعيه اوى وجه الصبح وانتى مش هنا وطلعت كاتبه الشقه باسمها هى ومعتز وعامله وصيه أن فلوسها اللى فى البنك تتقسم بالنص بين حياه ومعتز سايبه حوالى ٤٠٠ الف يعنى حياه ليها ٢٠٠ الف ونص الشقه
منال .... طيب ما تاخد جزء من الفلوس اللى معانا واديها للمحامى دا وخليه يغير الوصيه يبقى حلال عليهم الشقه واحنا ناخد ال٤٠٠ كلهم
سعيد .... وانتى فاكره معملتش كدا بس رفض وقال ضميره ميسمحش بكدا وللاسف سابنى ومشى وقال هيدور على حياه ومعتز عشان يسلمهم ورثهم لما رفض أقوله مكان حياه
منال ... يبقى انت تصبر دالوقت وسيبه يدور مش هيعرف يوصلهم اكيد ولما نرجع احنا نوصله لحياه ونهددها بحياه جوزها زى ما قولت ونخليها كمان تتنازل عن نص الشقه لينا لحد مانعرف طريق اللى اسمه معتز دا وبعدين نشوف هنعمل ايه معاه انا هقوم افرح البنات واجهز لكم العشا
سعيد ... ماشى
______________________
وليد ... حياه خلاص مش وقته نتكلم بعدين ويلا عشان وصلنا اهوه واول ما يدخلو الفيلا يلاقوا الجنينه متزينه والعشاء جاهز والكل مستنينهم
وليد .... ايه دا مكنتش اعرف انى وحشتكم كدا
ولاء ... وحشتنا ايه وسع كدا دا احتفال بسيط بخروج حياه بالسلامه وباذن الله بعد كام شهر فرحكم
ساره ... ايوه يعنى من النهارده حياه هتبات معايا
سلمى ... لا معايا انا
ولاء... بس ولا انتى ولا هى داده صفاء جهزت لها اوضه
ساره وسلمى .... لا عايزينها معانا
وليد ... انتم بتقسموا ايه دى مراتى يعنى فى اوضى
يدخل معتز ...كتب كتاب بعد الفرح تبقى تتنقل اوضك واوعى كدا بقا اختى عشان عيب راعى انى واقف وياخد حياه فى حضنه
وليد ... ايه دا انا عايز مراتى متحضنيش حد غيرى تعالى هنا
معتز ... اختى وهتفضل فى حضنى
يدخل احمد بطلو شغل عيال ويلا على العشاء
وائل ... هتاكلوا من غيرى كل دا عشان اتاخرت شويه حمد الله على سلامتك يا حياه
حياه ... الله يسلمك
وليد ... اسمها مدام حياه
ملك ... دا متجوز يابنى هتغير من اخوك
وليد ... ومن ابويا كمان تعالى بقا هنا ويشدها ليه عجبك حضنه اوى
حياه اتكسفت ووشها احمر من الاحراج
ولاء... حرام عليك كسفتها تعالى يا حبيبتى يلا عشان تاكلى اقعدى ويقعدوا كلهم
ويتحط قدام حياه كوبايه لبن وكلهم عصير
وليد ... الكوبايه دى تتشرب
حياه ... لا مش بشربه ممكن عليه شاى
معتز بضحك ...قاصدك شاى وعليه لبن
ساره بعدم فهم ...ما الاتنين واحد
معتز ... لا الطبيعى بيتحط اللبن كتير والشاى قليل حياه بتحط شاى كتير ولبن قليل
وليد ... لا دا كان زمان دالوقت لبن من غير شاى خالص
حياه .... يستحيل اهو دا بالذات مستحيل اشربه كدا يا شاى يا مش هشرب وبعدين اشمعنى انتم عصير وانا لبن هشرب عصير زيكم
وليد ... عشان لسه عامله عمليه لما تخفى خالص هجيبلك عصير حاضر تشربى لبن بس دالوقت
حياه ... لا مش هشربه يستحيل قولتلك
بعد شويه كان وليد ماسك ايد حياه بايد واحده وايده التانيه ماسك كوبايه اللبن وبيشرب حياه عافيه
بعد مايخلص
حياه .... حرام عليك بجد وانتم بتتفرجوا كدا
وليد ... اعملى حسابك كوبايه على الفطار وكوبايه على العشاء
حياه ... لسه هترد
وليد ... كلمه واحده وهيبقى واحده كمان بعد الغدا وهتشربيهم ذوق أو عافيه
معتز بضحك على منظر حياه وهى مش عارفه تعترض بدل مايزيدوا واحده كمان
حياه بغيظ ... بطل ضحك انت فرحان فيا كدا ليه
معتز ... شكلك يضحك الصراحه
حياه ... عجبك كدا انت السبب خليته يضحك عليا
احمد ... سيبك منهم ويمسك أيدها يلا ندخل جوه واوريكى اوضك
وليد ... احج دى مراتى انا مراتك قاعده ايه الحقى جوزك بياخد مراتى
الكل يضحك
ولاء ... ومالو انا اطول يكون ليا ضره عسل كدا خدها ياحج وريهام الاوضه
ويضحكوا كلهم ويخشوا الفيلا كلهم (كانو فى الجنينه)
معتز .... حياه مفاتيح شقه تيتا معاكى
حياه بخوف ... ليه اوعى تقولى هتقعد فيها افرض بابا عرف وهو تلاقيه بيدور عشان الورث واكيد هيروح هناك
معتز ... متخافيش وبعدين مصيره يعرف يعنى
احمد ... خلاص مش هتمشى من هنا انت هتقعد معانا هنا
معتز باحراج .... مينفعش
وائل ... ليه مينفعش تعالى بس انت هتتبسط معانا متقلقش ولا مش عايز تقعد معانا بقا عشان مش طايقنا
معتز ... لا والله ابدا بالعكس أنا حبيتكم جدا
احمد ... يبقى خلاص مفيش كلام بقا على الاقل النهارده لحد ما نشوف هتعمل ايه
وليد .... وياخد حياه من ابوها خلاص اطلع بقا نام وبكره نشوف مينفعش ليه يلا يا حيو وواخدها وطالع السلم
حياه ومعتز مع بعض ... انت بتعمل ايه
وليد ... مالكم فى ايه طالع انام
حياه ... ايوه والجاموسه اللى واخده وراك دى ايه
وليد ... عيب كدا محبش حد يشتم مراتى هتنامى معايا عشان معتز هينام فى اوضك لحد بكره نجهز له اوضه تانيه تصبحوا على خير يا جماعه
حياه ... استنى انا مش هنام معاك مينفعش
وليد ...انتى
يتبع..
لقراءة الفصل الرابع عشر : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات