القائمة الرئيسية

الصفحات

أحببتك رغم أنتقامك الفصل العاشر 10 بقلم منة محمد

 أحببتك رغم أنتقامك الفصل العاشر 10 بقلم منة محمد

أحببتك رغم أنتقامك الفصل العاشر 10 بقلم منة محمد

أحببتك رغم أنتقامك الفصل العاشر 10 بقلم منة محمد

نازل من شغله رايح يركب عربيته لقاه نهله واقفه استغرب ووقف وسألها: نهله ايه الي موقفك هنا؟؟!!
نهله: ابدا عربيتي اتعطلت معرفش مالها الماتور عصلج ورافض يشتغل!
كريم لف وقعد علي كرسي القياده حاول يدورها رفضت تستجيب خرج: لا دي محتاجه ميكانيكي 
نهله بضيق: دي هتاخد وقت طويل وانا راجعه من تدريب الجولف تعبانه ومحتاجه ارتاح
كريم: تمام روحي انتي وانا حبعت حد يتعامل مع العربيه
نهله: اوك تعال بقي وصلني ولا انت خلاص مبقتش مهتم بيا وكمان بخاف اركب تاكسي لوحدي
كريم قرص خدها: اوك حديكي توصيله
نهله مسكت ايده:وانا سعيده انك حتبقي معايا ياكريم
كريم ابتسم: يا بكاشه ما انا معاكي ع طول يا نهله 
نهله بقمص: لا بقيت مع الشركه وعاليا الي معاك اكتر مني
كريم: انا معاكي انتي يا هبله (وضرب جبينه) اوبا
نهله: في ايه؟؟!!!
كريم كشر: ابدآ نسيت اسيف شغل مهم علي الجهاز تعالي معايا نسيفه وننزل اوكيه
نهله ابتسمتله وشبكت ايدها في دراعاه وطلعت معاه دخل ودخلت وراه
نهله بنبهار: واو مكتبك  لطيف هاجي اقبض عليك هنا
كريم هز دماغه واتحرك وقعد وفتح الجهاز وبصلها: نهله لو تعبانه ممكن ابعت عربيه توصلك
نهله اضايقت: لا حريح هنا علي الكنبه هروح دلوقت اعمل ايه القاعده ممله
كريم عيونه علي الجهاز: لو اشتغلتي حتقتلي الملل
نهله بكبر وغرور: مستنيه بابا يلاقيلي منصب في شركته يليق بيه
كريم عيونه ع الجهاز ومنهمك: مضيعيش الوقت وابدئي
نهله اضايقت انه مهمشها وعيونه علي الجهاز فقامت وراحتله وقربت منه ولفت ايدها حوالين رقبته
كريم: نهله استني متلغبطنيش
نهله استقامت: خلاص انا هروح
كريم بعدم اكترث: تمام اشوفك بعدين
نهله اضايقت من بروده واخدت شنطتها ومشت في طريقها قابلت عاليا الي اكلتها بالنظرات الي ماليانه احتقار وغل قربت منها: امتي هتخرجي من حياه كريم
عاليا بهدوء: انا مدخلتش حياته عشان اخرج منها!!هو الي بيعترض حياتي في الرايحه و الجايه
نهله بحده: انتي بتقولي ايه يا بتاعه انتي انتي بجد  شخصيه وقحه انتي نحس عليه 
عاليا: لمي لسانك واظن قلت لك انا مدخلتش حياته وبعدين انا ولا بقرب ناحيته ولا جنب شلته ونفسي اعرف عملتلك ايه
نهله بعصبيه: لان كريم اتخانق مع خالد وصداقتهم هتتقطع بسببك ابعدي عنهم والا اقسم بالله لو حصلت مشكله تاني ما بينهم مش هسيبك تتهني ساعه واحده يا عاليا ابو اليسر يا متطفله يا دخيله سااامعه وسابتها ومشت وعاليا قررت بعد الشغل تروح تطمن علي خالد ( المسكين)
....منه محمد......
في المطعم دخلت وأأعدت هو قرب بكوبيتين شاي بالنعناع وقعد قدامها
عاليا بصت للخريطه الي متحدده علي وشه: ممكن تقولي ليه اتخانقتكم
خالد: ولا تهتمي مجرد دفاشه
عاليا: دفاشه وده الي نتج منها علي ملامحك!
خالد: المهم كلميني عن شغلك الي بجد في اول يوم
عاليا ابتسمتله بدفئ: اممم بتغير الموضوع
خالد شرب من الكوبايه وابتسم
عاليا كملت: بصراحه بحس بالضغط النفسي لما بتكلم عن الشغل
خالد: بس ممكن تتكلمي معايا
عاليا: بجد يبقي لازم تلحقني
خالد: فيه ايه يا بلوه حياتي
عاليا بهزار حاولت تسحبه من خنقته:انا واقعه في عرضك وطولك تنجدني ياخويا انشالله يخليك
خالد ضحك بسيط: والله مجنونه
عاليا:شوف المجنونه لازم تقدم خطه تسوقيه مع كريم كمنافسه وانا عايمه في ميه البطيخ رغم اخدت دروس وقريت كتير لكن بلاقي نفسي بقوم اضرب دماغي في الحيط دبرني يا وزير
خالد بصلها بستياء
عاليا مدت شفايفها لقدام: صدعتك صح
خالد: اممم بس مصممه تفوزي
عاليا بحماس: طبعا 
خالد: خلاص مستعد اكون مستشارك ده لو عايزه تنجحي
عاليا: مغرور.. بس خد بالك لو قلت كدا مش حتعرف ترجع في كلامك
خالد: وانا مش حرجع رغم اني صديق كريم بس ايه الي يمنع من اننا نستمتع بمنافسه طالما بمساواه وشرف
عاليا بمزح: كدا انا واثق من الفوز بصوت محمد هنيدي
خالد ضحك وهز دماغه
عاليا كشرت: بس نسيت انا قلت لكريم اني مش هخالي حد يساعدني
خالد: انا مش هساعدك واختار بدالك انا هعلمك وبس وانتي حتكملي وحتقدري وليك الحق تطلبي المسانده من اي شخص مظبوط وده ميغيرش الا اذا استعمله كريم كعذر يضايقك بيه وده هيبقي موقف مش رجولي منه
عاليا: وهوا كذالك انا موافقه  بس اهتم بيا يا معلمي
خالد: عيوني وقام جاب مجموعه كتب كتير ومخيفه من حجمها!!!
عاليا برقت ووسعت عيونها: ماهذا
خالد: دول كتب وملخصات سنين خبرتي الي درست فيها دي اساسيات لازم الاول تعرفيها اقريهم
عاليا بلعت ريقها: كل دول
خالد: ايوه لازم يبقي عندك اساسيات متينه لـ اي امر حتعمليه 
عاليا فرت فيهم: بس دي متينه اوي اوي
خالد: لو اتلغبطي ممكن تسأليني ؟
عاليا: اه اكيد هسالك وازعجك وادوشك
خالد قام مسكت ايده يقعد: هسألك دلوقت
خالد رفع حاجب: دلوقت
عاليا : that's ok ابدء بأنهي الاول
خالد ابتسم ومسك كتاب وبدء يعلمها وبعد وقت خلصوا اخدها يوصلها
........منه محمد.......
واقف قدام البيت افتكر كل المواقف السيئه وخصوصا اخر موقف 
#فلاش
كريم:عارف انا مش بفكر اتجوز ولا اخلف لاني هديلو ايه الحب معرفوش الحنان مشفتوش غير مع امي قولي لو عندك اب شبهك تحب تقوله ايه؟؟ انا لما بكون معاك بحس بالحزن والتعاسه
عاصم بكا بنحيب: طالما  مش محتاجلي يبقي تخرج من بيتي ولو متعدلتش اياك ترجعه ومن هنا ومن الساعه دي انسي ان ليك اب ولا تتصل بيا وانا هعتبر نفسي معنديش ابن جاحد زيك
كريم صقف: برافو انا فعلا مش هرجع يا عاصم بيه مش حرجع خصوصا والحشره دي موجوده هنا حتي لو موت مش هحضر دفنتك
عاصم شده بقسوه لبرا : برا غور برا
#باك
فوقه من تفكيره صوت سعاد الي طالعه من البيت صرخت بفرحه و بتجري عليه وفاتحه دراعتها: كريم بيه كيمو كرمله
كريم: اقفي مكانك ايه مقطوره داخله عليا
سعاد كشرت: الحق عليا اني فرحانه برجوعك
كريم بخبث: كدابه يا سعاد
سعاد: طب والله فرحانه
كريم:وانا طافح كيلي منك
سعاد:ليه بس
كريم:لحقتي تنسي افتكري لما كنتي دايما بتدخلي في الي لا يعنيك فابعدي من جنبي
سعاد ضحكت:برضو هفضل جنبك لاني سعيده انك هنا!!!
كريم اتنهد بضيق: بس تقريبا انتي الوحيده الي حتبقي سعيده برجوعي ده
سعاد: كريم بطل كلامك ده والله البيت نور
عاصم الي خرج: والله لو راجع ومش حيعمل مشاكل  مع حد فاهلا بيك
كريم طلع خطوتين من السلم وقرب منه: مين الي بتتكلم عنهم اه بنتك المحببه
عاصم: قصدي الكل
كريم اتك علي شفته الي تحت: تمام كدا كدا انا وانت كل واحد فينا كان عايش في وادي لحد ما جات بنتك وعملت دوشه في حياتي بس مفيش بأيدي ايه وسيله امشيها وسابه ومشي وعاصم لف واتنهد وقلقان من جنانه
............منه محمد......
عند كريم واقف في الجنينه منتظر رجوعها بفارغ الصبر وكل شويه يبص في ساعته ويفرك في شعره واخدها رايح جاي جاي رايح (لما خاوتني انا شخصيا كمنه محمد) سمع صوت عربيه وقفت وبتركن ع جنب راح وقف وري شجره وفتح عيونه
عاليا نزلت وشايله سَطل الكتب الي تقريبا مش شايفه منه
خالد ضحك: طيب ما تستني لما انزل وافتحلك الباب
عاليا بتحاول تشوفه: مش مهم انا بحب اعيش المغامره لوحدي يا معلم
خالد سكت
عاليا:لو شايفني بقولك بجد شكرا يا خالد هسهر الليله واخلص عليهم واشوفك بكره ده لو عشت بعد ما افر فيهم ويبقي عندي نفس اكمل واعيش واستمر واتوغل
خالد ضحك بصوته كله: تمام حظ موفق
عاليا بترفع ايدها تقوله حظ موفق كل الكتب وقعت من ايدها
خالد نزل في نفس اللحظه الي نزلت فيها واتقابلت عيونهم في نظره سريعه
خالد وقف: عارف انك قدها
عاليا: مظبوط يله اشوفك بكره
خالد: اشوفك ليله جميله
ومشت ودخلت غرفتها حطت الكتب وقعدت تقراه فيهم شويه 
.........منه محمد.........
بالليل بعد تعب طول اليوم بين ابحاث ومراجع غمضت عيونها وريحت شويه وتقوم تكمل صحت من النوم مصدعه وتعبانه نزلت المطبخ تشرب ولا علي بالها لسه يادوب بتلف وراها لقت الي كتم نفسها!!!! كانت هتبصق كل الميه عليه
هو بأمر: ابلعي واياك
عاليا: انت جيت امتي؟؟!!
كريم بعدم فهم : بتقولي ايه؟؟!!!
عاليا: شيل ايدك الاول ياباي
كريم رفع ايده: كرري السؤال
عاليا بتكشيره: خلاص مفيش داعي عرفت الاجابه اتحرك
كريم ببرود: لا انا مبسوط كدا
عاليا بتزقه كئنها بتزق في حيطه سد: عايزه امشي
كريم: لا انا عجباني الوقفه هنا وبعدين عايز اتكلم معاكي
عاليا بتوتر: وانا مش عايزه اتكلم
كريم حاصرها بأيده من الجانبين: لا هنتكلم
عاليا: اوك بس ممكن تقف بعيد شويه 
وبتحاول تبعده وكريم ولا بيستقبل ولا بيرسل ولا حياة لمن تنادي
كريم شال ايده: كدا بعيد كفايه وقرب منها اوي بصدره لدرجه كأنهم جسد واحد
عاليا بتتبخر تقريبا من قربه بالشكل ده
كريم: الاول ابعدي عن اصدقائي خالص
عاليا: بتتكلم عن مين خالد مظبوط
كريم  وشوشها في ودنها : اه هو ولو كنتي عاوزه تصطاديه  راجل غوري دوريلك علي اي راجل الاصاحبي  لانك مش هتقدري تخدعيه!!!
عاليا بثبات: انا مخدعتش حد ده اولا ثانيا حياتي تخصني اروح اجي انا حره ثالثا والاهم انت مش من حقك تمنعني الشخص الي من حقه يمنعني هو خالد وبس 
كريم :براحتكم
عاليا: اه عشان كدا ضربته
كريم: اه ضربته عشان يفهم ويبعد عنك بس انتي خالتيه مهوس بيكي
عاليا: كويس انك عارف اني اهوس
كريم: انا بتكلم بحترام بس انتي مُصره تطلعي القذر الي جوايا وبيقرب يبوسها
ضربته في رجله وجايه تجري سحبها من وسطها لصدره
عاليا بتعافر تخرج من سطوته: انت مفكر تقدر تأذيني
كريم: لو استمريتي في عنادك هكسر دماغك
عاليا:  وانا حربيك لانك متربتش بنص جنيه
كريم زقها: انتي بتهدديني
عاليا بشجاعه: اه بهددك والي انت عاوز تعمله اعمله لانك مش مركز الكون انت شخص مريض محتاج دكتور وكل ما حتمنعني كل ما هزيد باي يا حلو وجريت
......منه محمد.......
دخلت عاليا تسب وتشتم في كريم وأأعدت تراجع تاني في الأبحاث  لكن ليه مخنوقه ليه هتعيط من اتهامه انها بنت ليل ساقطه ليه هي عملت ايه عشان يشوفها كدا قطع عليها رنه موبيلها ردت: خير يا ندي
ندي: ابدا بطمن المخفي ده رجع البيت وضايقك
عاليا سكتت
ندي كملت: افتكري يا عاليا واوعي تستسلمي قدام المغرور ده
عاليا :بحاول افهمه ياندي لكن مش عارفه افهم دماغه الزلط دي بتفكر في ايه شويه يتصرف بلطف وشويه ببلطجه 
ندي: تفهميه يا بنتي ده واحد مش فاهم نفسه وبطلي تهتمي بيه فكري في الفوز قدامه واستغلي الوقت
عاليا اتنهدت :عندك حق لحسن حظي ان خالد جنبي وبيساعدني
ندي بتهكم :وده واثقه فيه لانه صديق كريم يمكن متفقين يدمروكي ويسحلوكي انا رأي ابعدي عنهم كلهم دول عالم لبط 
عاليا ضحكت: انتي مجنونه ومبالغه في الجنون خالد شخص كويس جدا وصادق وعرفته كويس
ندي: بجد يارب ياختي يطلع عكس توقعاتي
عاليا: ندي غيري الموضوع لاني كل ما بفتكره بتوتر اكتر
ندي :عايزه نصحتي اخرجي يروح التوتر بصي تعالي انا قاعده في كافيه جميل ع البحر وشويه وبت صاحبتي لاسعه نفس حلاتي تعالي انضمي معانا للحاشيه وتفكي كدا
عاليا :والله عندك حق نفسي افك 
ندي: تعالي واعزمينا ع حساب ابوكي
عاليا بحيره:لسه مش عارفه
ندي: يابنت الحلال قعدتك لوحدك حتزود التوتر ويمكن تدخلك لـ اكتئاب والاكتئاب يوصلك لجنون البقر
عاليا ضحكت :خلاص جايه لان معنديش تركيز في الشغل
ندي: ايوه كدا حبعتلك الابلكيشن اشوفك باي وقفلت 
وبتلف صرخت: انت هو ولا انا بتوهم
حسن: لا مش بتتوهمي انا بذات نفسه
ندي: اشتغلت هنا كمان
حسن هز دماغه وع وشه مرسوم ابتسامه مستفزه
ندي: انت مسمعتش حاجه
حسن: لا سمعت كل حاجه
ندي حركت كف اديها  كحركه انقباض وانبساط: انسي انسي
حسن:لا مبنساش
ندي:طيب مش بتفكر تشتغل بشهادتك
حسن عوج بؤقه : متغيريش الموضوع صححي كلامك انا خالد وكريم ونهله الحاشيه ومش لبط صديقتك الي خطر
ندي ضربت البار بأيدها: اياك اياك تتهمها انت فاهم صاحبتي مستحيل تأذي حتي حشره !!!
حسن طلع فوق البار بنص جسمه: لا تقدر تأذي
ندي طلعت قصاده: كريم هو الي مؤذي وخطير وهفرمه لو عمل حاجه في عاليا وحرجع اقطعك انت
حسن: لحظه يا شرسه احنا مختلفين لو تحبي تقطعي كريم انا مال امي
ندي  شخطت فيه : الله اعلم  بيك لما اروح ادورلي ع مكان تاني قبل ما افرغ غضبي فيك 
حسن خرج ولفلها: انتي ليه عدوانيه وانا بخاف
ندي مثلت انها حتضربه بالبوكس: تحب تجرب عدائي
حسن: جدا بس خليكي حنينه عليا
ندي جايه تضربه بالبوكس مسك ايدها
ندي :سيب
حسن برخامه :لا انا مرتاح كدا ها عندك مشكله يا قطه
ندي: عندي مشاكل وضربته بظهر ايدها ) اروح بقي اغسل ايدي
حسن كرمش ملامحه : انا شخص ع فكره مش نفايات
ندي: كدا يبقي استحما 
حسن:ايه الالالطه دي
ندي :لما اروح اقعد في حته تانيه اهداه لان القاعده معاك في مكان واحد قلق
........منه محمد......
حسن بعد ما سابته ندي قرر يتصل بيهم بيحاول يجمعهم عشان يتصالحوا في مكان في نفس الكافيه
حضر خالد ووراه كريم دخلوا وقعدوا قصاد بعض ومصوبين نظرات الكرهه والحقد والغضب والزعل يمكن دي اول مره يقعدوا كـ اعداء مش اصدقاء
خالد عيونه ع كريم: ليه مقلتشـ
كريم قطعه: ان حد هيكون موجود
حسن: لاني مش متأكد من حضوركم رغم المشكله بس احنا اصدقاء ولازم نفضل اصدقاء احنا اصحاب من الاعدادي يعني من وقت طويل نتخانق ونتصالح بس بنرجع كلامي مظبوط
كريم بنظرات من فوق لتحت :طالما صديقك ده موجود انا حمشي
حسن بعصبيه :كريم اقعد طلبتك نتكلم
كريم قعد مكانه
حسن طلع ورقه طويله من درج البار: شايفين الرقم الكبير ده دي تكاليف الاضرار ولازم تتحملوا المسؤليه شايفين رقم خيالي حينهي استقرار محفظتي يا ولاد ابو لهب كريم خالد يله اتحملوا المسؤليه يله كل واحد يحط هنا ولا اروح ابيع زلابيه ع اول الشارع واجرسكم!
كريم عيونه بتطق شرار ناحيه خالد :الي بدء بالخناق يدفع الي غلط يصلح
خالد: يبقي انت الي حتدفع لانك اهنتي انا وعاليا الاول
كريم  بكل قوته وبعلو حسَه:قولي ليه مهتم بـ بنت اكتر من صديقه رد
حسن صرخ: تاني تاني اتفضلوا اتكلموا بهدوء
خالد :كريم لما توصل بيك انك مش عارف تفرق بين الصواب والخطاء بالشكل ده يبقي صعب نتكلم
كريم  :جاوبني الاول العلاقه بينكم وصلت لـ اي مرحله ومتقوليش مالكش فيه لان ليا لما توصلها لحد البيت وتهتم بيها للحد ده يبقي
خالد :كريم بحذرك
كريم مسك فيه يضربه
حسن صرخ وزق فيهم :يله انت وهو برا خلصوا علي بعض يله طالما نسيتوا صدقتكم يبقي برا اخرجوا
خالد سابه ومشي وكريم طلع يجري وراه للشارع ومسكه من ضهره: انت بتحب عاليا
خالد :افندم؟؟
كريم  بعصبيه وحده : عارف انك سمعت جاوبني يله
خالد حب يضايقه: ايوه بحبها وبموت فيها كمان انت سألت وانا جاوبت استمتع انا بحب عاليا جدا وهي مش بترفض ولو كنت مش معتبرني صديقك بلاش تعترض طريقي وطالما اخدت اجابتي ممكن توقف عن اهانتي انا وعاليا ولو كنت بتكرهه عاليا بلاش تدخل في شؤنها اهتم بشؤنك الخاصه وبلاش تعمل مشاكل
كريم عيونه اترسمت فيها جهنم الحمرا و دخل عليه بطريقه همجيه يضربه لا ده ممكن يسحقه!!!
صوت: خالد فيه مشكله
خالد لفلها وابتسم ابتسامه كبيره :لا مفيش خرجتي تتفسحي
عاليا: ايوه صحبتي ندي منتظراني جوه
خالد: اوك يله ندخل وتعالي لما اوصلك 
مسك ايدها  ودخل ما بينهم تحت نظرات كريم الناريه الي بدء يتنفس بصعوبه
حسن حط ايده ع كتفه: كريم ارجوك اهدي
كريم زق ايديه ومشي لف ودموعه نزلت من القهر وقرر ينتقم منها!!!!!!!!!!!!!
يتبع..
لقراءة الفصل الحادي عشر : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات