رواية أحببت مجهولة الفصل التاسع 9 بقلم زينب رضا

ريم بصدمة:ان.. انت

ربع ايده وسند ع الحيطة وبص ع لبسها*لابسه بنطلون ضيق الي حد ما وفوقه بلوزه قصيره*

:اي يابنتي شوفتي عفريت

ريم هديت عشان هو مسمعش حاجه:لا عفريت ولا حاجه بس اتخضيت مش اكتر

عمر:ولا يهمك

ريم:عن اذنك هروح اطمن ع ساره

عمر بتعجب :سارة مين

ريم:بنت عمي اللي انت لسه جايبها هنا لحقت نسيت

عمر:اه اه منستش بس معرفش اسمها

ريم:تمام عن اذنك ومشيت

عمر ف نفسه:يعني اي اسمها سارة معقول متكنش ملك. قطع تفكيره فونه اللي بيرن رد

:ايوا ي ماما

سميره:انت فين انا وصلت المستشفى

عمر:هنزلك حالا، وقفل ونزل

سارة:ماما انا عطشانه

مريم :متشربيش من هنا هنزل اجيبلك ميه واي حاجع تكليها وهاجي ف ثانيه

سارة بضحك:ليا انا برضو

مريم:اه يابنتي انتي اختي وراحت ع ابوها

:ايدك ع فلوس ي حج

ابوها ضحك عليها واداها فلوس وخرجت، وهي ماشيه قابلت سميرة وعمر

مريم:ازي حصرتك ي طنط

سميره:الله يسلمك ي حبيبتي، طمنيني اختك عامله اي

مريم بابتسامه:الحمدلله كويسه وبصت لعمر البركه ف ابن حضرتك

عمر:انا معملتش غير الواجب

مريم:حصل بس اللي يشوفك وانت مخضوض عليها يقول جوزها والله وضحكت

عمر اتكسف ومعرفش يرد، مريم استوعبت اللي قالته'وربنا انا حيوانه اي اللي انا قولته ده'

سميرة بتضحك عليها وبصت ع عمر اللي لاقته بيضحك:عادي يابنتي مفيش حاجه

مريم:هو حضرتك سمعتي

سميره بضحك:اه سمعت وكلنا سمعنا

مريم:والله مش فصدي حا..

سميره :ي حبيبتي مفيش حاجه وعمر معملش غير الواجب

مريم:اه طبعا ربنا يخليه لحضرتك

سميرة:ويخليكي يابنتي، هي اختك صاحيه

مريم:اه صاحيه وكلهم عندها جوا اتفضلوا انتوا و انا نازله وجاية ع طول

سميرة:ماشي يابنتي يلا ي عمر

مريم بعد ما مشيوا 'وربنا انا متخلفة وضربت راسها وبعدين ضحكت:يلا فدايا ماهو اللي كان خايف عليها انا مالي الله'

عمر:اي ده محمود بيرن

سميره:طب رد قبل ما ندخل

عمر هز راسه:اي يابني انت فين

محمود:ف المستشفى انت فين

عمر:اطلع الدور التالت الاوضه التانيه ع الشمال استناني بره وانا هخرجلك واياك تدخل اياك

محمود بضحك:ماشي يعم براحه، المهم انت كويس

عمر:وربنا انا كويس يلا سلام

خبط عمر ومامته ع الباب، ريم فتحت

محمود وهو طالع بيطلع درجتين مع بعض مريم كانت نازلة، محمود مركز اوي مع درج السلم وكان هيخبطها

محمود:اسف والله مكنش قصدي

مريم:عادي محصلش حاجه بس الناس العاقلة بتطلع درجة درجة

محمود بعوجه بوز:حد قالك اني مش عاقل

مريم:لا لا عاقل ي قمر انت

محمود بتبريقة:نعم!!

مريم:انا لازم اتحبس انفرادي ف البيت بسبب لساني اللي موديني ف داهية ده

محمود بيضحك ع منظرها:ليه انتي قولتي لكام واحد قمر غيري

مريم:والله يابني انت اول واح..، اي ده انت هتصاحبني

محمود:انتي بتتحولي ي بت انتي

مريم:بت حيلك واوعي كده خليني انزل قال قمر قال

محمود رجع شعره بايده وبيضحك:اي البت دي وطلع

مريم نازله بتكلم نفسها *هو قمر اه انما انا اقوله كده ليه عشان يتغر ويشوف نفسه عليا بعد كده، يشوف نفسه اي هو يعرفني اصلا، يارب صبرني ع نفسي ونزلت تجيب الحاجه

سميرة انصدمت اول ما شافت ريم بس خاولت متبينش:ازيك يابنتي

ريم:الحمدلله يطنط

دخلوا وسميرة سلمت ع الكل وقعدوا، سارة متوتره عشان عمر قاعد وعينه عليها وف نفس الوقت مضايق

سميرة بابتسامة :حمدلله ع سلامتك ي..

سارة:ساره اسمي سارة، الله يسلم حضرتك

ناديه:دي بنتي سارة انتي مشوفتهاش امبارح شوفتي مريم بس

سميره:اه قابلتنا واحنا جايين ربنا يخليهملك يارب

نادية:يارب ويحفظ ابنك هو اللي ساعدنا

ام ريم اتدخلت بتغير الموضوع:المهم انتي عامله اي

سميرة:الحمدلله بخير

محمد:شكرا يابني

عمر:ع اي ي عمي انا معملتش غير الواجب

محمد:راجل يابني *طبعا ساره قاعده مش فاهمه اي حاجة والفضول هيموتها*

سعيد:ماتيجوا نقعد بره احنا ونسيبهم

محمد:يلا، وهما خارجين عمر قرب من سارة، ساره اتوترت وف نفسها :هو بيقرب ليه ده

عمر وهو باصص ف عيونها:حمدلله ع سلامتك

سارة بتوتر:الله يسلمك، مردش عليها واكتفي بابتسامة*اللي خطفت قلب سارة*وخرج مع محمد وسعيد

محمود شافهم خارجين راح عليهم

محمود:السلام عليكم

كلهم ردوا السلام، وعمر عرفهم ع بعض

محمد:معلش يابني عطلتك عن شغلك

عمر:ي عمي لا عطلة ولا حاجه

محمود:اليومين دول اللواء سايبنا ع راحتنا بس هينفخنا شغل بعد كده

كلهم ضحكوا، مريم طلعت ومعاها الحاجه راحت عليهم لسه هتتكلم شافت محمود

:انت بتعمل اي هنا

محمد:انتي تعرفيه يابنتي

مريم اتوترت وشتمت نفسها بسبب تسرعها

محمود وقف بسرعه وشاف ف ايدها الحاجه

محمود:لا بس وانا طالع كانت بتسألني ع سوبر ماركت

مريم بصوت واطي* ي كداب ي حيوان ي مهزء*

محمد:ماشي يابني،وبص لمريم :ادخلي انتي بقا لاختك

مريم:حاضر ي بابا

محمود قعد وف نفسه:بقا ام لسان طويل دي بتعرف تقول حاضر

قعدوا يتكلموا شويه وبعدين سعيد وجه كلامه ل عمر

سعيد:معلش يابني عاوزك خمس دقايق

عمر:خير ي عمي

سعيد:خير ان شاء الله وبص لمحمد ومحمود عن اذنكوا خمس دقايق

محمد هز راسه، وسعيد خد عمر ومشيوا بعيد'''