رواية قلبي ليس بيدي 3 الفصل الحادي عشر 11 بقلم حسناء رمضان

جاك: خير..

ـ عايزين اسيل ياجاك بيه..

جاك: نعم!!.. عايزين اسيل ليه!!

ـ مطلوبه ف القسم..

جاكي: قسم اي.. انت مجنون!

جاك: اكيد في غلط ف الموضوع..

ـ لا يافندم.. هي اسيل بنت حضرتك..

جاك: وعايزينها ف اي!

ـ هتعرفوا هناك..

جاك: ماشي.. بس مش هتركب معاكوا.. انا هاخدها..

اسيل كانت واقفه بعيد تتفرج وقلبها بيدق بسرعه واغمى عليها.... طلعوا يجروا عليها فوقوها وبعدين جاك خدها وراح القسم...

الظابط: كويسه دلوقتي!

اسيل: ااه..

الظابط: متقلقيش... احنا هنعرف منك شوية معلومات بس مش اكتر..

اسيل: تمام..

ـ علاقتك اي بمؤنس!

اسيل: احم.. كان زميلي...

ـ امم.. بس المعلومات اللي عندي بتقول انكوا بتحبوا بعض..

اسيل: لا طبعا.. يمكن هو كان بيحبني.. بس انا لا... هو كان زميلي مش اكتر..

ـ كنتي فين وقت الحادثه!

اسيل: كنت مع البنات..

ـ انهي بنات!

اسيل: صحابي... اللي كانوا معانا...

ـ بس فريده قالت غير كدا..

اسيل بتوتر: فريده... وقالت اي..

ـ قالت انك كنتي بتعملي رياضه..

اسيل: ايوا ماهو دا حصل وبعدين روحت قعدت معاها..

ـ متعرفيش اي حاجه عن اللي حصل!

اسيل: لا يافندم.. انا كنت معاهم وبعدين نمت وصحيت ع صوتهم وهما بيدوروا عليه واتفاجئنا بيه هناك...

ـ يعني السلسله اللي لقاناها مش بتاعتك!!

اسيل: لا..

ـ ولا تعرفي اختفت فين!

اسيل: هعرف منين!..

جاك: خلصت اسئله!!... لو سمحت بقاا لازم نمشي عشان هي تعبانه...

ـ اخر سؤال يافندم... تعرفي اي عن عدي!

اسيل: عدي!.. زميلي بردو..

ـ يعني مش شاكه ان هو مثلا اللي ورا الجريمه دي!!.. خاصة يعني ان العلاقه بينهم مكانتش اللي هي... وكمان الشباب اللي كانوا معاكوا قالوا انهم اتخانقوا قبل كدا... فممكن يكون عدي هو اللي عمل كدا...

اسيل: لا طبعا.. عدي كويس جدا ومؤنس كان سبب الخناقه...

ـ امم.. طب تقدروا تتفضلوا....

خدها ومشوا....

جاك: خلاص اهدي.. مفيش حاجه..

اسيل: هما ممكن يحبسوا عدي!!

جاك: لو مقتلش اكيد مش هيحبسوه وخلاص...

جاكي: اطلعي ارتاحي...

طلعت اوضتها وقفلت ع نفسها ورنت ع عدي...

اسيل: الو عدي انت فين..

عدي: ف البيت... في اي!

اسيل: انا كنت ف القسم دلوقتي..

عدي: نعم!!... وعملتي اي..

اسيل: استجوبوني... انا خايفه قوي.. انت هتعمل اي!!

عدي: اسيل.. انتي معملتيش حاجه... متخافيش انتي ف آمان..

اسيل: بس انت مش ف آمان..

عدي: مش مهم انا.. المهم انتي خلي بالك من نفسك..

اسيل: انا لازم اشوفك... دول جابوا فريده كمان.. اكيد هيجيبوك...

عدي: اسيل... عايز اشوفك..

اسيل: مش هعرف دلوقتي.. بكرا..

عدي: هستناكي...

............................

جاكي: وهما ياخدوها ليه... هي مالها..

جاك: تقريبا بيستجوبوا كل اللي كان هناك..

جاكي: يعني هياخدوها تاني!!

جاك: لا طبعا.. خدوا المعلومات اللي هما عايزينها وخلاص..

جوري: انا خوفت قوي لما خدوها..

محمد: طب يلا بقاا ياندى... كفايه كدا..

محمد وندى ولين مشيوا والكل نام.....

اسيل صحيت ولبست...

اسيل: جوري.. ماما فين!

جوري: مشت..

اسيل: وبابا!..

جوري: راح الشغل..

اسيل: طب انا خارجه..

جوري: رايحه فين!

جوري: هروح مشوار سريع وهرجع تاني..

مشت وراحت لعدي...

عدي: انتي كويسه!

اسيل: ايوا... المهم قولي هتعمل اي.

عدي: معرفش... بس الاكيد انهم هيجيبوني...

اسيل: عدي.. اوعى تقول حاجه..

عدي: انا جبتك عشان اكلمك ف كدا... بصي.. مينفعش نتكلم ف الفون تاني لأن ممكن يكون الفون متراقب... ودي اخر مره هنتقابل فيها عشان كدا خلاص.. اسمعي.. لو الامر لزم هعترف بكل حاجه... هقول ان انا اللي قتلته... انتي ملكيش دعوه بحاجه...

اسيل: لا طبعا.. اي اللي بتقوله دا..

عدي: لو سمحتي... مفيش غير الحل دا.. هما مش هيهدوا غير لما يقفلوا القضيه ويجيبوا اللي عمل كدا... وانا مش هسمحلهم يإذوكي يااسيل...

اسيل: لا بالله عليك.. هما اصلا مش هيعرفوا مين اللي قتله... عشان خاطري ياعدي.. هما لو جابوك هيسألوك عادي خالص... وانت جاوب زي مانا جاوبت.. متوديش نفسك ف داهيه... عشان خاطري..

عدي: طب بصي... انا هروح عادي... بس لو الدنيا اتقفلت او مسكوا علينا حاجه، انا هقول ان انا اللي قتلته... ارجوكي يااسيل اسمعي كلامي.. انا مش مهم..

اسيل: مهم..

عدي: لا.. انتي عندك اهلك... انا لو في ذرة شك بسيطه فيا، هيلبسوني انا القضيه... عارفه ليه!.. عشان انا مليش حد... اما انتي ف آمان.. معاكي اهلك يقدروا يقفوا لأي حد... لو حصلي حاجه.. ياريت يعني.. لو تخلي بالك من امي..

قعدت مكانها وفضلت تعيط..

عدي: اسيل.. مفيش مفر.. لو التهمه اتثبتت عليا ارجوكي خلي بالك منها.. هي ملهاش غيري...

لسه بيتكلموا وبصوا لقوا الحكومه وراه...

ـ اتفضل معانا...

عدي: ع فين!

ـ ع القسم..

اسيل: لا سيبوه.. عايزينه ليه..

ـ لو سمحتي ياانسه اوعي..

عدي: اوعي يااسيل مينفعش كدا..

اسيل: عدي متعملش كدا..

عدي: متخافيش.. روحي..

ـ اخلص ياروح امك..

اسيل: متكلموش كدا..

عدي: اسيل.. روحي بقولك..

خدوه ومشيوا وهي وقفت تعيط وراحت الشركه لجاك....

..............................

ـ قولي بقاا من غير لف ودوران.. انت اللي قتلت مؤنس!!

عدي: لا..

ـ احنا عارفين كل حاجه...

عدي: ولما انتوا عارفين كل حاجه بتسألوني ليه!

ـ اظن انت المفروض تتكلم بأدب بدل مانأدبك احنا... مين قتل مؤنس!

عدي: معلش بس.. هو انت مش عارف تجيب القاتل فجاي تتشطر عليا انا!!

راح الظابط وقف قدامه وضربه بالبوكس ف وشه..

ـ مش هحذرك تاني... يلا..

عدي: يلا اي..

ـ يلا اعترف.. ولا نخليك تعترف احنا!

عدي: واثق لي ان انا اللي قتلته!

ـ عشان انت الوحيد اللي علاقتك بيه مكانتش كويسه... وكمان اتخانقتوا قبل كدا... دا غير ان مكنش في غيركوا ف المكان دا... يعني مفيش غيرك اللي لابس الموضوع... اقلع التيشرت..

عدي: ليه..

ـ المفروض ان مؤنس عور حد بالمطواه اللي معاه... لو في جرح ف جسمك اكيد هتبقاا انت القاتل...

عدي: حلوه الحدوته دي..

قرب منه وقطعله التيشرت...

ـ يااهلا... ممكن تحكيلي بقاا اي حكاية الجرح دا؟!

عدي: عادي.. اتخانقت انا وواحد صاحبي..

ـ امم.. طيب.. واضح انك مش متعود ع الذوق... خده علمه الادب شويه يمكن وقتها يعترف...

...............................

اسيل دخلت تجري وهي بتعيط.. دخلت ع جاك وهو ف الاجتماع..

جاك: عن اذنكوا...

سابهم وخدها مكتبه...

جاك: في اي يتعيطي ليه..

اسيل بعياط: عدي.. الحق عدي والنبي..

جاك: اهدي الاول..

اسيل: خدوه.. خدوا عدي القسم..

جاك: واي المشكله.. هيعملوا معاه زي ماعملوا معاكي..

اسيل: لا.. هو قالي انه هيعترف لو معرفش يخرج من هناك..

جاك: يعترف ليه وهو مقتلش.. اسيل في اي.. انتي مخبيه عليا اي!!

اسيل: هو بصراحه..

جاك: اتكلمي..

اسيل: انا اللي قتلت مؤنس...

........................................

جاكي: اختك فين..

جوري: خرجت..

جاكي: خرجت فين..

جوري: معرفش.. قالت هخرج شويه وهرجع..

جاكي: مش عارفه هتعقل امتى بس..

جوري: معلش لسه طايشه...

جاكي: باباكي مرجعش!

جوري: لا لسه..

......................................

جاك: ومخبيه عليا كل دا!!

اسيل: انا اسفه.. بس.. معرفتش اعمل اي...

جاك: لو كنتي قولتيلي كنت اتصرفت من الاول...

اسيل: بابا.. انا اللي قتلته مش عدي.. لو لزم الامر هروح اسلم نفسي عشان يطلع..

جاك: لا طبعا... اهدي وبلاش جنان..

اسيل: مش هسيبه يضيع نفسه عشاني...

جاك: وانا مش هضحي بيكي..

اسيل: يعني اي.. هتسيبه يلبسها!!

جاك: لا... هروحله واقف معاه... بس انتي مش هتظهري ف الموضوع ابدا...

اسيل: بابا.. عدي لازم يخرج..

جاك: متقلقيش.. هيخرج.. يلا روحي وانا هبعت معاكي السواق.. ومتروحيش ف حته...

اسيل: حاضر...

........................................

ـ هاا.. اتعلمت الادب ولا لسه!!

عدي كان مضروب جامد ووشه مخرشم...

عدي:.......

ـ بردو مش عايز تعترف!

عدي: اظن اللي بيحصل دا مش قانوني..

ـ ااه... هو فعلا مش قانوني... وريني بقاا هتعمل اي..

دخل العسكري وكلم الظابط...

ـ اه طبعا خليه يدخل بسرعه...

طلع فتحله ودخل..

ـ اتفضل ياجاك بيه..

جاك بص لعدي وفهم اللي حصل..

جاك: اي اللي عملتوه دا!!

ـ حضرتك دا عشان يعترف..

جاك: مينفعش يحصل فيه كدا.. واشمعنى هو اللي اتعمل فيه كدا.. مانتوا جبتوا كل اللي كانوا معاهم...

ـ حضرتك احنا قربنا نتأكد ان هو القاتل..

جاك: وعرفت منين!

ـ علاقته بالقتيل مكانتش كويسه.. واتخانقوا قبل كدا... وكمان في جرح جنب رقبته... ودا يدل ع ان الدم اللي كان ع المطواه بتاع مؤنس دم بني ادم واللي هو عدي... دا غير ان عدي مش ملاك يعني... واتخانق كذا مره ف الشارع... لي ميكونش هو اللي قتل!

جاك: كل دا مش كفايه.. دي اسباب مش كافيه ابدا عشان تعملوا فيه كدا...

.......................................

جاكي: كنتي فين!!

اسيل كانت داخله باصه ف الارض وطلعت ع فوق ع طول ومردتش ع حد...

جاكي: مالها دي..

جوري: مش عارفه...

جاكي: اطلعي وراها طيب شوفي في اي..

جوري: حاضر...

طلعت وراها وفضلت تخبط بس مرضتش تفتح...

فضلت تعيط ف اوضتها لحد ماسمعت صوت جاك تحت... فتحت ونزلت تجري....

اسيل: طلع صح!!

جاك: ايوا.. اهدي..

اسيل: الحمد لله... حد عمله حاجه!!

جاك: اسيل.. قولتلك خرج وخلاص..

جاكي: هو في اي.. مين اللي خرج!

جاك: عدي.. كان مقبوض عليه..

جاكي: يادي عدي... مش هنخلص منه بقاا!

اسيل: وتخلصي منه ليه!!

جاكي: مش بيجيلنا من وراه غير المصايب..

جاك: دي كوارث مش مصايب.. اسيل.. حد غيري يعرف الموضوع دا!!

اسيل: لا..

جاك: طب كويس.. مش عايز اي حد يعرف حاجه... انا عمتا قفلت القضيه بمعرفتي... يعني خلاص.. متشغليش بالك تاني...

جاكي: انا مش فاهمه حاجه... في اي..

جاك: مفيش حاجه.. كانت مشكله وانا حليتها..

جاكي: اكيد من ورا الزفت اللي اسمه عدي.. من ساعة ماعرفته وهو بيعمل مشاكل..

اسيل: متتكلميش عنه كدا...

جاك: اسيل.. كلمي مامتك كويس.. اطلعي اوضتك يلا...

طلعت اوضتها وفضلت ترن ع عدي بس مكنش بيرد...

الليل حل وجوري طلعت لأسيل فوق..

جوري: بت يااسيل..

اسيل: عايزه اي..

جوري: البسي بسرعه العريس تحت..

اسيل: عريس اي..

جوري: اخلصي ابوكي مستنيكي تحت..

اسيل: اووف طيب.. نازله..

لبست اي حاجه ونزلتله...

جاك: تعالي يااسيل.. طب نسيبكوا لوحدكوا شويه..

ـ ازيك يااسيل..

اسيل بقرف: كويسه..

ـ هو انتي مش هتبصيلي!

رفعت وشها وبصتله بقرف..

اسيل: نعم..

ـ المفروض ان دي قعدة تعارف.. يعني اسأليني ع اي حاجه..

اسيل: امم.. اسمك اي..

ـ اسمي ادهم..

اسيل: ااه.. وبتشتغل اي ياادهم..

ـ بشتغل مع باباكي ف الشركه... هو انتي عندك كام سنه!

اسيل: انا هنا اللي بسأل...

ـ احم.. وانا المفروض مسألش يعني!

اسيل: وتسأل ليه..

ـ نتعرف مثلا...

اسيل: ماحنا بتعرف اهو... انا عندي شروط..

ـ اتفضلي..

اسيل: اولا مبحبش اسم ادهم... فلازم تغير اسمك..

لسه هيتكلم راحت قاطعته...

اسيل: دا اول شرط... تاني شرط.. انا مش عايزه اخلف... لو انت عايز خلف انت.. انا مليش دعوه...

ـ دا اللي هو ازاي!!

اسيل: وانا مالي انااا... احمل تسع شهور عشان حضرتك تبقى مبسوط يعني!!

ـ لا ازاي.. ميصحش..

ـ اسيل: تمام... امم.. هتعلي صوتك عليا هعلي صوتي عليك... هتمد ايدك همد ايدي والبقاء للاقوى بقاا...

ضحك وبص ف الارض..

اسيل: نيجي للطبخ بقاا..

ـ ااه ياريت..

اسيل: انت اللي هتطبخ ...

ـ نعم!!

اسيل: زي ماسمعت... انا عن نفسي بعرف اعمل اندومي حلو قوي..

ـ اندومي ااه..

اسيل: اي مش عاجبك الاندومي!!

ـ لا عاجبني..

اسيل: احسب...

ـ بس هو انتي مبتعرفيش تعملي غير اندومي!!

اسيل: لا بعرف... فشار... عليا شوية فشار بقاا انما اي.. من الفرحه بيرقص ف الحله كدا..

ـ احم.. تمام..

اسيل: اشرب العصير يابا... هنكبه يعني ولا اي..

ـ لا هشربه..

جاك دخل...

جاك: كلمي مامتك يااسيل...

اسيل: حاضر...

سابته وطلعت وهو قعد معاه...

جاكي: عملتي اي يابت..

اسيل؛ مش مصدقه والله... بقا انتوا عايزيني اتجوز دا!!

جوري: ماله... دا قمر..

اسيل: امر بالستر ياروحي.. مش عايزاه طبعا..

جاكي: اكيد طفشتيه... بنتي وانا عارفاكي..

اسيل: بقولكوا اي... انا مبحبش الشغل دا... بلا عرسان بلا بتاع..

جاكي: امال انتي عايزه اي.

اسيل: تسيبوني ف حالي... انا مش هتجوز انا...

جاكي: طلعيلي عيب واحد فيه..

اسيل: رخم... يرضيكي اتجوز واحد رخم!!

جاكي: لا طبعا مينفعش...

اسيل: يلا باي بقاا...

سابتهم وطلعت اوضتها وفضلت ترن ع عدي واخيرا فتح..

اسيل: تصدق انك رخم!... مبتردش عليا ليه..

عدي: انا كويس..

اسيل: اي دا صوتك ماله...

عدي: مليش يااسيل... يلا مضطر اقفل عشان مش فاضي...

قفل ف وشها من قبل ماترد... حاولت ترن تاني بس قفل فونه...

عدى اليوم...

تاني يوم صحت وحاولت تكلمه وهو بردو مبيردش... رنت ع فريده عشان تعرف منها العنوان...

........................................

ـ يابني كل بقاا... عماله اتحايل عليك عشان تاكل..

عدي: سيبيني لوحدي ياامي والنبي..

ـ طب قولي اي اللي حصلك دا!!.. مين عمل فيك كدا!

عدي: اتخانقت.. سيبيني بقاا لو سمحتي..

الباب خبط... طلعت تفتح...

ـ اهلا ازيك يابنتي..

اسيل: ازاي حضرتك ياطنط..

ـ خير يابنتي..

اسيل: هو دا بيت عدي!

ـ اه هو.. عمل اي..

اسيل؛ لا لا متقلقيش... انا صاحبته وجايه اتطمن عليه بس..

ـ ااه طبعا اتفضلي يابنتي... تحبي تشربي اي..

اسيل: لا ولا حاجه.. بس هو فين..

ـ قاعد ف اوضته مبيخرجش ولا بياكل خالص... متعرفيش ماله يابنتي!

اسيل: لا والله مش عارفه... طب ينفع ادخل اشوفه!

ـ اه تعالي... اتفضلي يابنتي... كلم ياعدي..

عدي: مين..

اسيل: اناا..

عدي: اي اللي جابك هنا!

ـ عيب كدا ياعدي.. اتفضلي يابنتي اقعدي لحد مااعملك حاجه تشربيها...

سابتها وخرجت وهي راحت قعدت قدامه..

اسيل: اي الوش دا.. مالك يعم..

عدي: مليش..

اسيل: طب مداري وشك ليه.. لف كدا...

لفت وشه واتصدمت من المنظر...

اسيل: يالهوي.. اي اللي عمل فيك كدا..

عدي: متشغليش بالك.. يلا روحي عشان ابوكي ميتخانقش معاكي..

اسيل: وهيتخانق معايا ليه... قولي بس مين عمل فيك كدا..

عدي: كنت ف القسم يااسيل... عايزه يجرالي اي يعني!

اسيل: طب مانا روحت ومحصليش حاجه..

عدي: عشان انتي بنت جاك بيه... اما انا ابن مين!

اسيل: اي اللي بتقوله دا... ملوش علاقه ابن مين ولا مش ابن مين..

عدي: لا ليه طبعا..

اسيل: طب الباقيين مجراش ليهم كدا ليه!

عدي: عشان انا اللي مشكوك فيا.. وكنت هعترف اصلا بس ابوكي دخل ف اخر لحظه...

اسيل: طب الحمد لله الموضوع عدى اهو... المفروض منقلقش بقاا..

عدي: طب تمام... اتفضلي بقاا..

اسيل: في اي ياعدي... بتكلمني كدا ليه...

امه دخلت وعطت العصير لاسيل وطلعت.....

اسيل: ممكن تقولي في اي بقاا.. مش طايقني ليه! مانا قولتلك اني هعترف ع نفسي وانت رفضت... ماترد عليا..

عدي: ابوكي قالي مشوفكيش ولا اكلمك تاني..

اسيل: ايه!!.. ليه!

عدي: عشان انا بوقعك ف مشاكل انتي ف غنى عنها...وبعدين انا مش من مستواكي.. هو معاه حق.. لازم احلم ع قدي..

اسيل: بابا مبيفكرش بالطريقه دي..

عدي: معاه حق... انا من ساعة ماظهرت ف حياتك وانتي بتقعي ف مشاكل..

اسيل: مش صحيح.. انا اللي بوقعك ف المشاكل... يعني اصلا انت ملكش ذنب ف اي حاجه حصلت... ومع ذلك تحملت كل المسؤوليه عشاني... يعني انا السبب ف كل دا مش انت..

عدي: امشي يااسيل..

اسيل: عدي.. بابا متفهم وعارف ان..

عدي بعصبيه: قولتلك امشي.. ومتجيش هنا تاني..

خدت شنطتها وطلعت.. امه دخلت ع صوته..

ـ من امتى بنعامل الضيوف كدا!!... دا جزائها انها جايه تطمن عليك!

عدي:.....

ـ قوم يابني اطلع وراها... البت طالعه تعيط...

قام طلع وراها بسرعه وجري لحد ماوقف قدامها...

عدي: استني.. انا اسف..

جت تمشي راح مسكها..

عدي: اسف والله حقك عليا.... انا بس كنت متضايق شويه..

اسيل:.....

عدي: امم... طب فكي بقاا..

اسيل: متتكلمش معايا..

عدي: طب معلش.. اخر مره..

اسيل: بقاا بتزعقلي انا وبتطردني من بيتك!!

عدي؛ معلش والله.. مش هتحصل تاني.. صحيح عملتي اي مع العريس..

اسيل: ملكش دعوه..

عدي: بالله عليكي قولي..

اسيل: هو بصراحه كدا.. انا رفضته.. بس ممكن اغير رأيي..

عدي: وحياة امك!... قصدي يعني.. لا متغيريش... هو كدا كويس..

اسيل: وانت مالك..

عدي: جاتك مله.. وطي صوتك بدل مافشفش دماغك..

اسيل؛ طب لو راجل ياعدي مد ايدك..

عدي: يابت اتلمي بقاا...

اسيل: طب اي رأيك اني هوافق ع العريس...

عدي: هقتلك انتي وهو..

اسيل: وانت مالك يابارد...

عدي: مالي ف البنك..

اسيل: نينيني... ابو تقل دم اهلك..

.............................

ف مكان مقابل لمكان عدي واسيل...

شخص واقف وبيتكلم ف الفون...

ـ ايوا ياباشا.. الاتنين واقفين قدامي اهو..

ـ عايز الرصاصه ف نص دماغه...

ـ اعتبره حصل ياباشاا..