رواية فتاة التنمر الفصل الاول 1 بقلم هنا
 |
| رواية فتاة التنمر الفصل الاول 1 بقلم هنا |
رواية فتاة التنمر الفصل الاول 1 بقلم هنا
-ياااي ايه دا يا نور هي طلعت الدكتورة دي اختك
نور:للأسف اختي الكبيرة
-ايه دا مش شكلك خالص يا روحي دي سمرااا وشكلها مش حلو
نور:سيبك منها قوليلي بقى سأل عليا ولا ايه
-لا ما سألش
*مين ال هيسأل يا نور
نور:استغفر الله العظيم..انت مالك انت مش عارفة بابا بيسيبك معايا ليه اصلا
-تلاقي عشان تشوف لنفسها عريس ههههههه
*لا يا حبيبتي انا خارجة معاها عشان احافظ عليها واكون معاها لو حصلها حاجة غير كده انا كنت زماني خلصت محاضراتي ومشيت
نور:اوووف لو سمحتي يا سماا روحي اقعدي زي ما كنتي قاعدة هناك عشان محدش ياخد باله
سما:نص ساعة وهنمشي يا نور
**اعرفكوا بنفسي بقى انا سماا 27 سنة معيدة في الجامعة لسة ما اتجوزتش عشان بيقولوا عني سمرا وشكلي وحش وتخينة...بس انا شايفة نفسي حاجة تانية انا عيوني ملونةوبشرتي مش سمراا قوي انا قمحاوية ولبسي كله واسع مش مبين جسمي ليهم فعشان كده بيقولوا عني تخينة وانا متقبلة كلامهم عادي .. بس للأسف ال يوجع ان مش الناس الغريبة بس هي ال بتتكلم عني دا حتى بابا وماما واختي ما تستغربوش وكلام هند صاحبة نور صح بابا جابرني اقف معاها واستناها بعد ما اخلص عشان الاقي عريس واغور من وشهم بقى**
نور:هو اخوكي هيلاحظني امتى بقى دا انا اجمل واحدة في الجامعة
هند:يا بنتي دا شافك مرة واحدة وماتخافيش هو اكيد واخد باله منك يا بت بس متقل نفسه مش اكتر يا هبلة
نور:يا ريت يا هند
سما:هنمشي يا نور ولا ايه
نور:ماشي اسبقيني وانا ماشية وراكي(بتتكسف تمشي معايا عشان انا وحشة وهي جميلة والناس هتتريق عليها
)
**روحت البيت وقابلتني ماما بتكشيرة هي وبابا وبيشمئزوا مني سيبتهم ودخلت اوضتي وسمعتهم وهما بيتكلموا مع نور
ماما:عملتي ايه يا حبيبتي النهاردة واخبار الكلية ايه
نور:سما يا ماما
ماما:عملتلك ايه البت دي
نور:كنت بتكلم مع هند يا ماما وطردتني من المحاضرة وكسفتني قدام صحابي كلهم اهئ اهئ اهئ
بابا:ازاي تعمل كده بت يا سماااا انت يا بت اطلعي هنا
سما:نعم يا بابا
بابا:انت ازاي تطردي اختك من المحاضرة
سما:مش حضرتك يا بابا قايل ليا محدش يعرف ان نور اختي ... وانا عاملتها زي كل طلابي وطردتها عشان مش محترماني وانا قاعدة اشرح ليهم وهي بتتكلم وتهزر
بابا ضربني بالقلم:انت كمان بتردي عليا يا قليلة الادب واياكي ثم اياكي تتعاملي مع اختك كده تاني فاهمة
سما ودموعها نزلت:حاضر ..ممكن ادخل انام
بابا:ادخلي في ستين داهية
**دخلت اوضتي وانا كل وجع الدنياا في قلبي...يااااه على وجع القلب دا ولما يكون من الاهل خصوصا **
سما:مش عارفة اعمل ايه انا تعبت جدا وفاض بيا ومبقتش قادرة استحمل
**فتحت الفيس بوك ونشرت صورة ليا وكنت لابسة لبسي الواسع وكتبت على الصورة(وإن ضاقت بك الاركان فركن الله باق لا يضيق)وقفلت الفيس وقومت غيرت هدومي ونمت
صحيت المغرب صليت وقرأت شوية في القرآن وبعد كده فتحت الفيس اشوف كلام متابعيني
لقيت الكومنتات ما شاء الله واحدة كاتبة(بتتصوري بكاميرا عادية ازاي وكمان بتنشري الصورة
دا انا بتصور بفلتر والصورة ما بتعجبنيش)واحدة تانية(لا وواثقة من نفسيها
)واحدة تالتة(يا بنتي انت المفروض تنتحري عايشة ليه لحد دلوقت
)والرابعة(فتاة التنمر نزلت صورة جديدة يا ولاااااه تعالوا اتنمروا
)وهكذا الصورة كان التفاعل عليها فوق ال 100 الف ريأكت ال ههههههه وفوق ال 10 الاف مشاركة في ظرف 3 ساعات
(ما تستغربوش انا متابعني على الفيس حوالي 5 مليون والكل متابعني عشان حابب الشعر ال انا بكتبه بس اول ما انزل صورة ليا يبدأ لقب فتاة التنمر يظهر والكل يتنمر عليا وانا اكيد مش هبطل انشر صور او اي حاجة عشان خاطر كلام ناس عندها نقص صح ولا ايه؟؟؟)
المهم ال لفت انتباهي مشاركة هند صاحبة نور للصورة وكاتبة ..يا رب ربع ثقة فتاة التنمر دي
...ولقيت اختي عاملة كومنت عندها ....والله يا بنتي بكون حاطة ميكب وبتصور بفلتر واخاف انزل الصورة عشان محدش يتنمر عليا
...والمهم اكتر من دا كله لقيت واحد عامل كومنت عند هند دي ووو......(هحكيلكم ال حصل بعدين)
----------؛---------
صباح تاني يوم
**قومت الفجر صليت وفضلت صاحية اقرأ قرآن لحد الصبح قومت لبست هدومي وخبطت على نور عشان نمشي على الجامعة**
سما:نور يلاا عشان هنتأخر
نور:خمسة وطالعة
نور:الو ..ايواا يا هند...بتقولي ايه..بجد اخوكي نازل من اسكندرية النهاردة..نععععم وكمان جايلك الجامعة النهاردة..يلاااهوي دا انا هتشيك بقى..يلاا سلام دلوقت سلام
نور لبست وطلعت
سما:ايه يا نور ال عملاه دا
نور:عايزة ايه انت مالك
سما:نوور نص شعرك باين والتيشيرت دا قصير خالص مش هينفع تطلعي بيه
نور:انت مالك انت بتدخلي ليه ماما وبابا راضيين انت مالك بقى
سما زفرت بضيق:طيب يلااا عشان نمشي
سما ركبت عربيتها ونور ركبت في الكرسي ال وراا وبتعامل اختها على انها السواق بتاعها..وبعد شوية وصلوا الجامعة وبدأت اول محاضرة
سما:السلام عليكم
الكل:وعليكم السلاام
سما:النهاردة في شييت
الكل:لا لا لا مش هينفع احنا مش جاهزين لا
هند:اكيد بقى انت ناجحة وعارفة الشيت صح وهتغششيني ههههه
نور بغضب:انا زيي زيك متفاجئة ومش مذاكرة حاجة وشكلنا هنسقط
هند:نسقط ازاي بس دي اختك ولو ما عرفتيش تحلي هتقوليلها تعدلك درجتك عادي ههههه
نور:هههههه عندك حق ما انا كده كده هنجح ههههه سيبك انت وقوليلي اخوكي هييجي امتى
هند:هتصل عليه بعد المحاضرة يجيلي...بس انتِ النهاردة ايه جامده
نور:طول عمري هههه
هند:شوفتي صورة اختك ال انا شيرتها امبارح هههه بتفطسني
نور:اااه بس اخوكي رد عليكي ليه كده
هند:ههههه اصل هو بتاع بنات يا بنتي وبيجبر بخاطر الوحش قبل الحلو هههه
نور:هههههه
سما:الاستاذة ال بتضحك اقفي
نور........
سما:مش سامعة اقفي
نور:احححم انا
سما:ااه انت وال جنبك اقفوا...ها عرفونا بقى بتضحكوا على ايه
هند:مفيش
سما:ضحكونا معاكوا بس عشان عايزين نضحك
نور:مش قالتلك مفيش حاجة ايه ما سمعتيش
**كل ال في القاعة استغرب وصوت همسهم علي وازاي البنت دي بتكلم الدكتورة كده
سما:طيب يا استاذة يا محترمة على مكتبي انت وهي على ما اخلص واجي
**نور وهند خرجوا من القاعة وسما خلصت محاضرتها ودخلت ليهم المكتب
نور:انت عايزة ايه وازاي تعملي كده وتحرجينا قدام المدرج كله انت اتهبلتي
سما:اولا هتحترمي نفسك احنا مش في البيت وثانيا دا جواب رفد اسبوع ليكي انت والاخت ال معاكي يلااا مع السلامة اخرجوا برا
نور:انت شكلك اتجننتي والله لأقول لبابا يقتلك ويريحنا منك يا شيخة
سماا:ساعة وهنمشي ولو اتأخرتي اكتر من كده هسيبك وامشي
نور:مش هتقدري تمشي وهتفضلي مستنياني زي الكلب زي كل يوم
سما:ماشي يا محترمة اطلعي لفي يلااا مع الشلة الصايعة بتاعتك(ما تستغربوش ان انا ساكتة ليها تهزأني عادي...عشان انا اكتفيت من ضرب بابا ليا كل يوم فقررت اسكت احسن)
**كنت قاعدة في الكافتيريا زي كل يوم على كرسي بعيد عن نور عشان اشوفها بتعمل ايه وبعد الساعة ما تخلص اخدها وامشي..بس المرة دي لقيت شاب جه قعد معاهم وبيضحكوا وعمالة تسلم عليه وكل ما يضحكوا يخبطوا كفوفهم في بعض ويهزروا**
سما:ممكن اعرف مين دا يا استاذة نور ال قاعدة تضحكي وتهزري معاه داا
تعليقات
إرسال تعليق