القائمة الرئيسية

الصفحات

رواية قلبي ليس بيدي الفصل السادس والخمسون 56 بقلم حسناء مصطفي

  رواية قلبي ليس بيدي الفصل السادس والخمسون 56 بقلم حسناء مصطفي

 رواية قلبي ليس بيدي الفصل السادس والخمسون 56 بقلم حسناء مصطفي

 رواية قلبي ليس بيدي الفصل السادس والخمسون 56 بقلم حسناء مصطفي

نور: في اي ياجاك..
جاك: مش عارف.. قلبي انقبض مره واحده... هي جاكي فين!
نور: طلعت اوضتها... روق ياعم مفيش حاجه..
وبعدين صحيح..
جاك: اي..
نور: بابا كلمني النهارده..
جاك: انتي لسه بتكلميه!
نور: لا.. انا مكنتش راضيه افتح وهو فضل يرن كتير.. اخر مازهقت فتحت..
جاك: قالك اي..
نور: بيقول انه هييجي ياخدني واكمل هناك..
جاك: نعم!!.. لا طبعا
نور: مانا عارفه.. عشان كدا قولتلك..
جاك: انتي موافقه تروحي معاه!
نور: لا.. انا عايزه ابقى معاك...
جاك: خلاص.. متخافيش.. محدش هياخدك..
ـــــــــــــــــــــــــــــــــــــــــــــــــــــــــــــــ
كنت ف اوضتي والشخص دا حاطط حاجه ع بوقي ومش عارفه اتكلم وعماله اعيط... وايدي مربوطه..
كان هو نفس الشخص المرعب اللي كان بيبصلي وانا مخطوفه...
فضل واقف قدامي وف ايده سكينه وكلها دم..
ـ قوليلي بقاا.. انتي مش ناويه تبعدي عنهم!
نهايتكوا كلكوا هتبقى ع ايدي..
قرب مني بالسكين وعورني ف دراعي وانا بعيط ومش عارفه اصوت...
فضل يشرح ف جسمي كدا وقطعلي الهدوم وبقيت كلي دم...
قرب السكين من وشي ولسه هيعورني راح الباب خبط..
اول مالباب خبط الشخص دا اختفى وانا طلعت اجري فتحت...
هند بصدمه: اي دا!!! مين عمل فيكي كدا!!...
شالت اللي ع بوقي..
جاكي بعياط: هاتيلي جاك بسرعه...
طلعت الفون ورنت ع جاك...
جاك: بتقولي اي!!!
قفل وجه بسرعه وانا كنت اغمى عليا...
دخل واتصدم لما شافني...
جاك بخوف: جاكي.. جاكي..
هند بعياط: اغمى عليها..
فضلوا يفوقوا فيا وفوقت مخضوضه..
جاك: متخافيش.. دا انا.. اي اللي حصل...
حضنته وانا خايفه وعماله اعيط..
جاك: اقفلي الباب ياهند..
جاكي: لا لا.. هو هنا..
جاك: هو مين..
جاكي: كان هناك..
سابني وقام ودور ف الاوضه بس ملقاش حد..
جاك: مفيش حد...
جاكي: اختفى... كان هنا..
جاك: طب اهدي وفهميني... هو مين!
جاكي بعياط: الشخص اللي كان موجود واحنا مخطوفين... اللي شكله مرعب داا..
جاك: بس دول اتقبض عليهم كلهم..
جاكي: لا... دا مكنش موجود وقتها... وبعدين دا مش بني ادم..
جاك: يعني اي..
جاكي: هو اللي كان خاطفني قالي كدا... وبعدين هو دا شكل بني ادم!
جاك: طب بس خلاص اهدي... هند شوفي الاسعافات فين!...
دخلت دورت ف الاوضه لحد مالقتها وجابتها...
جاك: هند انزلي نادي فيروز..بس متخليش حد يحس بحاجه...
هند: لا انا هفضل معاها..
جاك: انا معاها متخافيش.. انزلي انتي بس..
سابتنا ونزلت وقفلت الباب... وانا حضنته وفضلت اعيط..
جاك: بس خلاص.. اهدي...
قعد يمسحلي الدم اللي ف جسمي ولفلي الجروح..
فيروز طلعت... راح جاك قلع الجاكيت وحطه عليا...
فيروز بقلق: في اي..
جاك: اهدوا.. مفيش حاجه..
فيروز: امال مالها.. واي اللي ف جسمها دا!
جاك: في حد بيحاول يإذيها..
هند: طب وهو مين دا ياجاك!
جاك: هعرفه قريب.. ورحمة اسيل ماهخليه يتهنى...
فيروز: طب وهنعمل اي دلوقتي!
جاك: جاكي هتفضل معايا لحد مااعرف مين دا..
هند: طب خلاص خلي جاكي معانا ف الاوضه ..
جاك: لا.. جاكي هتفضل معايا ف الاوضه يافيروز.. اللي عمل كدا مستقصد جاكي.. يعني هو مش عايز يضر حد غيرها.. فبالتالي مفيش خوف ع البنات... طول ماهي معايا مش هيقدر يقربلها..
هند: ايوا ياجاك.. بس هتنام معاك ازاي ف الاوضه!
جاك: هو دا وقته انتي التانيه!.. هاكلها انا!!... مش لما نشوف المصيبه دي الاول!
فيروز: طب نرجع اسكندريه يابني..
جاك: لا.. حتى لو رجعنا.. هييجي ورانا... المشكله مش ف المكان...
فيروز: يعني هي هتبقى ف امان معاك!
جاك: اكيد.. محدش هيقدر يضرها وهي جنبي.. بس ياريت محدش من البنات يعرف عشان ميخافوش.. خلوا الموضوع دا بينا بس..
فيروز: طب هي متعوره قوي!
جاك: لا.. خدوش بس..
فيروز: طب نبلغ البوليس...
جاك: لا.. انا هتصرف.. روحوا انتوا بس عشان محدش ياخد باله..
فيروز: انتي كويسه ياحبيبتي!
هزيت راسي وانا ساكته..
نزلوا وجاك قومني وروحت الاوضه معاه...
راح طلعلي حاجه من هدومه..
جاك: خدي البسي دول.. ادخلي غيري ف الحمام..
جاكي: لا مش هدخل..
جاك: متخافيش.. هنا مفيش حاجه..
جاكي: لا..
جاك: هتنامي بهدومك دي يعني!
جاكي: طب.. طب بص.. تعالى اقف ع الباب..
جاك: يلا..
وقف ع الباب وانا دخلت ورجعت الباب ع الاخر.. غيرت ولبست الطاقيه بتاع البيجامه وطلعت..
بصلي وابتسم..
جاك: تعالي..
روحت قعدت ع السرير..
جاك: قوليلي... قالك حاجه!
جاكي: قالي انه هيضرنا كلنا.. وان انا لازم اطلع من حياتكوا...
جاك: متقلقيش.. هجيبه..
جاكي: دا مش انسان ياجاك.. والله ماانسان..
جاك: هيكون اي..
جاكي: بص نتكلم بالعقل... انت دماغك بتجيب دم بدون سبب والعربيه اتكسرت ورجعت سليمه ولقينا كلام مكتوب ع الورق بطريقه غريبه.. كل دا يدل ع حاجه واحده..
جاك: اللي هي..
جاكي: حد بيعملنا عمل..
جاك: انا مبصدقش ف الحاجات دي..
جاكي: بس دا موجود وفي ناس بتعمل اعمال..
جاك: ومين هيعملنا كدا!
جاكي: معرفش... بس دا ممكن يكون شيطان ع هيئة انسان او لابس انسان معرفش... لانه بيظهر ويختفي ع طول..
جاك: امم.. بس هو مش عايز يقتل حد فينا..
لو كان عايز كان قتلك ع طول... هو ممكن يكون عايز يخوفنا...
جاكي: انا فعلا خايفه..
جاك: متقلقيش.. مش هيقدر ييجي هنا...
جاكي: جاك..
جاك: امم
جاكي: وجودي هو السبب..
جاك: لا.. متفكريش كتير ف الحوار دا.. انا هتصرف..
جاكي: بس انا خايفه عليك..
جاك بابتسامه: تؤ.. متقلقيش.. حبيبك جامد..
ابتسمت وبصيت بعيد..
جاك: اجيبلك تاكلي!
جاكي: لا.. انا هنام..
جاك: ماشي.. نامي وانا هقعد اشتغل هنا..
جاكي: ماشي..
نمت ع السرير واتغطيت وهو قعد قدامي وفتح اللاب وقعد يشتغل...
كنت بصاله ومركزه معاه... للاسف موجودي مبيعملش حاجه غير مشاكل.. بيعمله تعب بس... مينفعش افضل معاه.. لازم امشي...
فضلت وسط افكاري دي لحد مانعست...
ـــــــــــــــــــــــــــــــــــــــــــــــــــــــــــــ
فيروز: يلا يابنات اطلعوا بقاا الوقت اتأخر..
نور: يلا انا بردت اصلا...
طلعوا وكل واحد راح اوضته وفيروز طلعت اوضة جاك..
فيروز: نامت!
جاك: ااه نعست..
فيروز: انا قلقانه..
جاك: متخافيش.. انا معاها... انزلي عشان البنات...
نزلت وهو كمل شغل...
الفجر اذن وانا صحيت..جاك مكنش ف الاوضه... بصيت لقيته واقف ف البلاكونه وبيشرب سجاير...
جاكي: انت بتعمل اي!!
جاك: اي دا انتي صحيتي ليه!
جاكي: رد عليا بتعمل اي!!
جاك: مبعملش.. واقف
جاكي: والقرف اللي ف ايدك دا..
جاك: ااه.. ع السجاير يعني..
جاكي: ارمي القرف دا.. من امتى وانت بتشرب!
جاك: مين قالك اني مبدخنش!
جاكي: عمري ماشوفتك ماسك سيجاره..
جاك: لا مبحبش اشربها قدام البنات او فيروز.. عشان فيروز بتزعل..
جاكي: فتشربها من وراها!
جاك: انا مش صغير..
جاكي: هات البتاعه دي..
خدتها من ايده ورميتها..
جاكي: من هنا ورايح مفيش سجاير.. انت فاهم!
جاك بابتسامه: هتمنعيني ادخن!
جاكي: ايوا..
جاك: ليه!
جاكي: عشان دي حاجه مقرفه.. هتضرك
جاك بابتسامه: خايفه عليا!
جاكي: متعصبنيش..
جاك: مالك متضايقه ليه!
جاكي: والله حرقت دمي يااخي..
جاك: مش فاهم.. اي المشكله لما اشرب سجاير..
جاكي: خلاص وانا كمان هشرب..
جاك: دا ف المشمش..
جاكي: اشمعنى بقاا!
جاك: يابنتي انتي مش شايفه شكلك!.. انا صحتي كويسه اقدر استحمل..
جاكي: طب تمام.. اقسملك ياجاك.. لو شوفتك بتشرب سجاير تاني لاتزعل مني جامد.. تمام!
جاك: مش هقدر ابطلها..
جاكي: مبهزرش..
جاك: ولا انا... انا مقدرش اعدي يوم من غيرها..
جاكي: امم.. يانا ياهي..
جاك بضحك: انتي بتخيريني بينك وبين السجاير!
جاكي: ايوا.. وبتكلم جد..
جاك: امم.. شكلك تعبانه.. ادخلي نامي..
جاكي: تعبانه!!.. انا خيرتك ياجاك..
جاك: هو مش بالعِند... انا مقدرش اقعد من غير قهوه وسجاير.. دي حاجه اساسيه ف حياتي...
مديتله ايدي..
جاك: اي دا..
جاكي: اتفضل خد الخاتم.. وكإن مفيش حاجه حصلت..
بصلي بحده..
جاك بحده: جاكي.. ادخلي نامي عشان مقلبش عليكي
جاكي: مش هنام.. اتفضل..
جاك: جاكي.. لاخر مره بقولك ادخلي ونزلي ايدك.. انا عصبيتي وحشه..
سيبته ودخلت قعدت ع السرير ودموعي نزلت.. بيتعصب عليا ليه المهزء دا...
شويه ودخل ورايا..
جاك: مش هتنامي!
جاكي:.....
جاك: جاكي نامي..
جاكي:.....
جه قعد قدامي..
جاك: بتعيطي ليه دلوقتي!
جاكي:....
جاك: انا بكلمك..
جاكي: نعم!
جاك: بتعيطي ليه!
جاكي: مبعيطش!
جاك: امال اي الدموع دي..
جاكي: ملكش دعوه..
جاك: امم.. طب انا مصدع قووي.. ممكن بلاش نكد!
جاكي: انا مجتش جنبك.. روح نام..
جاك: هنام ازاي وانتي زعلانه..
جاكي: مش زعلانه..
جاك: جاكي.. انتي مش متخيله اللي حصل النهارده قلقني عليكي قد اي...كل مره بشوفك كدا قدامي...انا بتعب... وانا لما بتوتر بشرب سجاير..
جاكي: والسجاير اللي هتخليك مش متوتر!
جاك: ايوا.. هي اللي بتهديني..
جاكي: لا طبعا... في مليون حل غير كدا..
جاك: في حل واحد..
جاكي: هو اي..
جاك: انام ف حضنك..
جاكي: نعم!!!
جاك: ولحد مانتجوز ودا يحصل هفضل اشرب سجاير..
جاكي: في حلول تاني..
جاك: مفيش..
جاكي: لا في.. زي الصلاه.. او انك تقرأ قران..
جاك: عملت كدا... جاكي السجاير مش هقدر ابطلها..
جاكي: ولو قولتلك عشان خاطري!
جاك: جاكي ارجوكي متضغطيش..
جاكي: فكرت ان ليا خاطر عندك..
جاك: اوووف.. ماشي.. هحاول..
جاكي: اديني السجاير اللي معاك..
جاك: جاكي..
جاكي: اديني السجاير اللي معاك..
راح جابها وجه..
جاك: اتفضلي..
جاكي: ماكان من الاول..
جاك: مكنتش اتخيل انك ممكن تقوليلي خد الخاتم..
جاكي: هعمل بيه اي وانت مش موجود..
جاك: وانا هروح فين!
جاكي: السجاير اخرتها اي!
جاك: طيب.. نامي بقاا..
جاكي: انت مش هتنام!
جاك: هصلي الاول..
جاكي بفرحه: ياقمر.. انت بتصلي!!
ضحك وحط ايده ع وشه..
جاك: اععع.. نامي ياجاكي..
جاكي: لا بجد بتصلي!
جاك: اكيد.. اكيد بصلي ياجاكي.. هو انا صغير!.. نامي بقاا..
جاكي: مانا هصلي انا كمان... صلي وانا هصلي وراك..
جاك: عايزاني اصلي بيكي!
جاكي: ايوا..
جاك: لا..
جاكي: لا ليه!
جاك: هتضحكي..
جاكي بضحك: لا مش هضحك..
جاك: انتي هبله وهتضحكي وهتبوظيلي الصلاه..
جاكي: لا والله مش هضحك...
جاك: طب هتصلي ازاي كدا!
جاكي: محتاجه اجيب اسدال من اوضتي..
جاك: طب روحي هاتي..
جاكي: لا طبعا..
جاك: متخافيش مفيش حاجه..
جاكي: طب تعالى معايا..
جاك: اخلصي بقاا عايز انام..
جاكي: طب تعالى معايا هجيبه ع طول واجي..
خدته معايا وروحت الاوضه جبت اسدال وطرحه وجينا..
لقيته فتح الدولاب وطلع سجادتين ومصحف..
فرحت قووي انه مهتم وجايب السجاده والمصحف معاه..
جاك: جاهزه!
جاكي: امم..
جاك: هتضحكي او هتستهبلي هزعلك..
جاكي: لا والله انا محترمه..
لسه هيبدا روحت ضحكت..
جاك: جاكي.. اتلمي دي صلاه..
جاكي بضحك: مش متخيله ان جاك النسوانجي بيصلي بيا..
لف وشه وبصلي..
جاكي: خلاص خلاص والله..
جاك: اتلمي بقاا.. خلينا ننجز..
بدأ يصلي والجو كان هادي والنور مقفول ومفيش غير اضاءه خفيفه كدا.. وهو صوته قمررررررر... وبيقرأ صح وبطريقه تحفه..
خلصنا صلاه وبعدين قعدنا نستغفر..
جاك: قومي نامي بقاا..
جاكي: وانت هتنام فين!
جاك: هنام مكاني كدا ع الارض..
جاكي: اي دا لا..
جاك: امال اعمل اي..
جاكي: طب مافي كنبه اهي نام عليها..
جاك: مش بعرف..
جاكي: طب ماهو ع الارض ضهرك هيوجعك.. قوم نام ع الكنبه احسن..
قلعت الاسدال وروحت ع السرير وهو نام ع الكنبه..
عدى وقت كتير وانا مش عارفه انام وهو عمال يتقلب ومش عارف ينام...
اتكسفت الصراحه اني نايمه ع سريره وهو مش عارف ينام..
جاكي: طب تعالى انت نام هنا..
جاك: وانتي هتنامي فين!
جاكي: ع الكنبه..
جاك: لا طبعا..
جاكي: طب تعالى نام هنا وحط حاجه ف النص..
بصلي باستغراب بعدين استوعبت اللي قولته..
جاك: متأكده!
جاكي: ايوا.. مش كفايه نايمه ف سريرك!
قام وجاب حاجات كتير حطها ف النص ولسه بيقلع..
جاكي: انت بتعمل اي!
جاك: مبعرفش انام وانا لابس..
جاكي: طب استنى الف وشي..
لفيت وشي وهو ضحك وقلع التيشرت وجه نام..
سكتنا شويه..
جاك: جسمك واجعك!
جاكي: احم.. لا..
جاك: تصبحي ع خير..
جاكي: وانت من اهل الخير..
كنت بكلمه وانا عاطياله ضهري وطبعا في حاجات كتير ف النص...
معرفتش انام كدا.. فلفيت وشي لقيته عاطيلي وشه وباصصلي... اتصدمت وغمضت عيني بسرعه..
حسيته ضحك.. فجيبت الغطا وغطيت وشي..
جاك: مش لازم تفطسي نفسك يعني..
جاكي: لا انا بحب انام كدا..
فضلت مغطيه وشي لحد ماحسيت اني خلاص بتخنق.. شيلت الغطا بسرعه لقيته باصصلي وبيضحك..
جاكي: بتضحك ع اي!
جاك: وشك احمر قوي..
جاكي: ملكش دعوه.. نام بقاا..
جاك: طب بقولك اي..
كلمته من تحت الغطا..
جاكي: اممم
جاك: ماتلعبيلي ف شعري..
برقت تحت الغطا كدا من الصدمه..
جاكي: مين..
جاك بضحك: العبيلي ف شعري..
جاكي: ولاا.. هو انا عشان نايمه ف اوضتك هتفتكر بقاا خلاص.. تقدر تعمل اللي انت عايزه!!
جاك: خلاص.. مش عايز حاجه..
لف نفسه الناحيه التانيه وحسيته زعل.. طب اي.. اعصابي خلاص والله.. حرام داا...
مديت ايدي بالراحه عشان احطها ف شعره...
حطيت ايدي ف شعره بس هو متحركش وفضل ثابت زي ماهو.. كنت بحاول اودي وشي بعيد عشان مبصش ع جسمه بس لفت نظري العلامات الكتير اللي ف جسمه..
كان في علامات كتير قووي وحروق كتير ف ضهره..
صعب عليا قوي وحسيت انه محتاج حب وحنيه كتير...
يمكن عشان كدا بتساهل معاه نوعا ما.. لاني عارفه انه مبيبقاش يقصد حاجه.. هو بس محتاج يحس بحُب شويه..
فضلت العب ف شعره شويه وهو لف وشه وتقريبا كان نايم.. قعدت اتفرج عليه.. اي الجمال دا...شو هالبراءه...
فضلت كدا شويه وبعدين نعست...
ـــــــــــــــــــــــــــــــــــــــــــــــــــــــــــــــ
تاني يوم...
نور: يافيروز هي جاكي فين!
فيروز: تلاقيها لسه نايمه..
نور: هي مش ف اوضتها اصلا..
فيروز: ااه.. لا متشغليش بالك بيها.. روحي شوفي البنات بيندهوا عليكي..
ــــــــــــــــــــــــــــــــــــــــــــــــــــــــــــ
نهى: عملتي زي ماقولتلك!
سما: ااه.. كله تمام..
نهى: طب جدعه.... يلا روحي اوضتك بقاا ولما ارن عليكي اعملي زي ماقولتلك..
سما: ماشي...
ـــــــــــــــــــــــــــــــــــــــــــــــــــــــــــــــ
صحيت من النوم بس ملقتش جاك نايم.. قومت لقيته واقف ف البلاكونه بيشرب قهوه..
جاكي: قهوه ع الصبح كدا!
جاك: لما نتجوز هبدلها بحاجه تاني..
جاكي: امم.. تدري انك قليل الادب..
جاك: ادري..
جاكي: صباح الخير..
جاك: صباح الورد..
جاكي: طب انا.. عايزه اروح اوضتي...
جاك: روحي..
جاكي: لا مانا خايفه..
جاك: خلاص خليكي..
جاكي: ماهو مينفعش افضل هنا..
جاك: روحي..
جاكي: افرض ظهرلي تاني..
جاك: خليكي..
جاكي: ماهوو...
جاك: بسسس... ايي.. افصلي شويه.. وبعدين خليكي هو انا هاكلك!... وبعدين الفطار جنبك اهو.. افطري..
جاكي: وانت مش هتفطر!
جاك: لا..
جاكي: خلاص مش هاكل..
جاك: صبرني يارب... وانتي مالك بيا.. هو انا هأكلك!
جاكي: تعالى كل معايا..
جاك: مليش نفس والله..
جاكي: هاكل لوحدي يعني!
جه قعد جنبي وقعدنا ناكل..
جتله مسدج ففتح وابتسم..
جاكي: جاك..
جاك:....
جاكي: جاك..
جاك: اي..
جاكي: بتخوني صح!
جاك بضحك: اخونك اي ياهبله انتي..
جاكي: امال سرحان ف اي!!.. وابتسمت ليه لما فتحت الفون..
جاك: لا اصل... اي دا في اي.. احنا هنبتديها كدا!
جاكي: يعني بتخوني..
جاك: ياشيخه اخونك اي ع الصبح.. دا شغل..
جاكي: ومن امتى والشغل بيضحك..
جاك: ملكيش دعوه انا بضحك انا..
جاكي: بقولك صحيح..
جاك: اممم
جاكي: ليه معالجتش العلامات اللي ف جسمك!
حسيته تنح كدا للاكل وملامحه اتغيرت..
جاك: كلي عشان ننزل..
سابني وراح دخل البلاكونه..
قومت وراه..
جاكي: انا اسفه.. مقصدش.. انا بس الفضول..
جاك: مينفعش... مينفعش اعالجها..
جاكي: ليه!
جاك: عشان افضل فاكر...
جاكي: مينفعش تفضل عايش كدا.. بتحافظ ع كل حاجه بتوجعك..
جاك: مقدرش اعيش من غيرهم.. سيبك ياجاكي.. شوفي هتاكلي ولا اي عشان عايز انزل..
جاكي: يلا..
جاك: هتنزلي كدا!
جاكي: بصراحه مش حابه اروح البس حاجه من هناك..
جاك: عايزه تنزلي ببجامه ياجاكي!
جاكي: خلاص هاتلي حاجه تانيه..
جاك: هي هدومي عجبتك ولا اي!
جاكي: اهمم.. جدا.. مريحه..
جاك: انسي يابطه... مبحبش حد يلبس هدومي
جاكي: بقاا كدا!
جاك: ااه..
روحت فتحت دولابه وهو جه ورايا..
جاك: ع فكره دا دولابي.. ودي هدومي.. وانا قولت لا..
جاكي: بس انا عايزه البس منهم..
جاك: عندك لبسك..
جاكي: بس انا برتاح ف لبسك... استنى بس..
طلعت سويت شيرت وبنطلون جينز...
جاكي: هلبس دول..
جاك: لا.. دول بالذات لا..
جاكي: طب والله لالبسهم..
خدتهم وطلعت اجري ع الحمام.. لبستهم وطلعت..
جاكي: هيا بنا..
جاك: هه طويل عليكي وواسع
جاكي: لا هو حلو كدا..
نزلنا لقيناهم كلهم تحت..
هند: اي دا.. اي اللي لابساه دا..
نور: مش دي هدوم جاك!
جاكي: بقت هدومي خلاص..
نور: لا ثواني.. لبستيها ازاي... جاك مستحيل حد يمد ايده ع هدومه..
جاكي: لا عادي.. ميقدرش يقولي لا..
جاك: قولتلك لا وانتي خديتهم عافيه..
جاكي: ان كان عاجبك..
نور: ايوا مش فاهمه ليه بردو!
جاكي: حبيت اغير.. ملقتش غير اخوكي قدامي..
نور: امال انا كل مالمس هدومك تزعقلي ليه!..
جاك: خلاص.. دولابي فوق اطلعي خدي اللي انتي عايزاه.. انزلي عن دماغي بقاا... تعالي معايا ياجاكي..
روحنا مشينا ع البحر.. وكان في بنات قاعدين وبيبصوا لجاك..
روحت مسكت ايده ومشينا بسرعه..
جاك: في اي..
جاكي: اقفل القميص يامنحرف..
جاك بضحك: ليه مش فاهم..
جاكي: عاجبك البنات اللي بتتفرج عليك دي يعني!!
جاك: ااه.. طب ماتخليهم يتفرجوا..
جاكي: ولااا... اقفل القميص دا..
قفل القميص وهو بيضحك..
جاكي: وبطل ضحك..
جاك: مش عايزاني اضحك كمان!..
فجأه سمعت حد بيبسبس...
بصيت ورايا لقيتها واحده بتغمزله..
جاكي: نعم ياختي!..
ـ اي..
جاكي: انتي بتغمزي لمين!
ـ وانتي مالك.. انا جيت جنبك..
جاكي: جاتك مله يالمامه انتي.. اي يابت البجاحه دي..
ـ ماتحترمي نفسك..
جاكي: بت بقولك اي.. متخلنيش اجيبك من شعرك دلوقتي... دانتي يومك اسود..
جاك: جاكي بتعملي اي.. اسكتي..
جاكي: اسكت انت... انتي واحده مش محترمه اصلا..
ـ مالك ياحبيبتي متضايقه ليه!!... هو جوزك!
جاكي: ايوا جوزي.. جوزي قرة عيني.. انتي مين بقااا.. واحده سافله قاعده تعاكس ف الناس..
جاك: جاكي بس بقاا.. امشي معايا..
شدني ومشينا..
جاك: انتي اتجننتي!
جاكي: اوعى بتحوشني ليه.. خليني اجيبها من شعرها..
جاك: بس يامجنونه الناس بتتفرج علينا..
جاكي: انت كنت بتلاغيها صح!
جاك: يابنتي اعقلي بقاا.. الاغي مين.. اهدي بس وامشي..
جاكي: ماهي فتحة القميص دي هي السبب "ضربته ع صدره.."..
جاك بضحك: ااه.. طب بس بقاا اديني قفلته.. امشي ساكته بقاا..
سكتنا شويه ومشينا..
جاك: وبعدين هو مين اللي جوزك وقرة عينك!
جاكي: ملكش دعوه..
جاك: يعني مش انا!
جاكي: لا.. جوزي واحد محترم.. مش بتاع بنات..
جاك: ياشيخه بطلي ظلم بقاا.. صحيح..
جاكي: امم..
جاك: انا هخليهم يحطولنا سرير تاني ف الاوضه..
جاكي: اشمعنى!
جاك: عشان انتي نومك غبي..
جاكي بصدمه: يعني اي!
جاك: يعني اي!!.. يعني انا صحيت لقيت رجلك ف وشي ياجاكي..
جاكي: يا فضيحتي... احلف!!
جاك: احلف اي.. دانتي شلتيني والمصحف... وبعدين انتي ضربتيني قلم.. اقسملك انك لو صاحيه كنت فتحت دماغك..
جاكي بضحك: لا ع فكره انا نومي حلو... انا اصلا اصلا مش بتقلب..
جاك: وماله...
جاكي: خلاص لما نتجوز كل واحد ينام ع سرير..
جاك: وهو انا متجوزك عشان كل واحد ينام ع سرير!!
جاكي: مش انت اللي مش عاجبك!
جاك بخبث: لا متقلقيش.. مش هخليكي تتقلبي..
جاكي: ااه... ولااا.. لو ملمتش نفسك والله ماهخليك تلحق تتجوز..
جاك: هو انا كلمتك ياست.. وبعدين يلا نرجع عشان عندي شغل...
رجعنا عند البنات تاني...
فجأه لقينا نهى نازله ومتعصبه..
نهى: انا عايزه اعرف دلوقتي هي راحت فين!
فيروز: هي اي!.. ومالك صوتك عالي كدا ليه!
نهى: الانسيال الالماز بتاعي.. اتسرق..
هند: نعم!!.. هيكون مين سرقه.. دوري كويس..
نهى: دورت وملقتش حاجه...
جاك: روحي بلغي جوه..
نهى: لا ماهو اللي سرقه مش حد غريب.. دا حد مننا..
فيروز: انتي بتقولي اي!!.. انتي اتجننتي!
نهى: احنا هنفتش الاوض دلوقتي..
جاك: بقولك اي.. مش عايز جنان ع الصبح..
نهى: وانت مش عايزني افتش الاوض ليه!
جاك: مين قالك ان حد فينا اللي خده..
نهى: انا عارفه.. المهم دلوقتي هتطلعوا معايا او هجيب الامن ويطلعكوا غصب..
فيروز: انتي مجنونه!!.. مكانك في مستشفى المجانين والله..
نهى: نبقى نشوف الموضوع دا بعدين..
طلعنا معاها عشان عارفين اننا مش هنخلص معاها وهتعملنا مشاكل...
طلعنا وفتشت الاوض.. بس لاحظت انها بتكروت ف اوض البنات..
جت عند اوضتي..
نهى: اتفضلي افتحي الباب..
جاك: باب اي اللي تفتحه!.. هي جاكي هتاخد حاجتك ليه!
نهى: واشمعنى هي ان شاء الله.. ماالكل اتفتش..
جاكي: خلاص ياجاك..
فتحتلها الاوضه ودخلت... فضلت تدور ف الاوضه..
وفجأه لقيناها ماسكاه ف ايدها ورافعاه ف وشنا..
من الصدمه مسكت ايد جاك بسرعه..
جاك بصلي ورجع بصلها..
جاكي: ازاي!
نهى: انتي اللي تقوليلي ازاي!.. اوضتك دي ولا مش اوضتك!
جاكي: ايوا بس.. مستحيل..
نهى: مستحيل ليه!... وقاعده تدينا درس ف الاخلاق.. والفلوس وما الفلوس.. بيعمل اي عندك دا!!
فيروز: مستحيل جاكي تعمل كدا..
نهى: واهي عملت.. انا من الاول نظرتي صح.. انتي واحده جايه من الشارع.. هنستنى منك اي..
جاك بغضب: نهى!!!
نهى: ياعيون نهى.. هتقول اي كمان.. هتدافع عنها!!
انطقي يابت انتي وقولي اخدتي اي تاني من ورانا..
جاكي: جاك.. جاك انا مأخدتش حاجه.. والله ماعملت كدا..
كنت ماسكه ايده ودموعي بتنزل..
طلع قفل الباب جامد ودخل..
جاك: عايزه اي بقاا.. عايزه تثبتي انها حراميه!!
نهى: هه هي فعلا حراميه..
جاك: لا.. هي مش حراميه.. هي اشرف منك بس..
نهى: انت بتقول اي ياحيوان..
جاك: وجعتك!!... ايوا اشرف منك... عارفه ليه!.. عشان هي مسرقتش حاجه.. وانتي اللي حاطه الانسيال هنا..
نهى: وانا هعمل كدا ليه!
جاك: تقدري تقوليلي عرفتي منين ان حد مننا هو اللي سرق!
نهى: سما شافتها وهي داخله اوضتي..
جاك: سما!!.. فين سما..
سما: انا اهو..
جاك: تعالي.. شوفتي امتى جاكي داخله اوضتها!
سما: امبارح الصبح..
جاك: ومكتشفتيش يانهى هانم غير دلوقتي!
نهى: مكنش ف دماغي انها ممكن تتسحب زي الحراميه وتاخده..
جاك: اممم.. متأكده ياسما!
سما بتوتر: ايوا..
جاك: ومقولتيش ليه وقتها بالظبط!
سما: هاا!.. لا ماهو انا فكرتها داخله تاخدلها حاجه.. ولما هي قالتلي ان الانسيال اتسرق فانا افتكرت ان جاكي هي اللي دخلت..
جاك: يعني مش انتي ياسما اللي حطتيه هنا!
سما: ها.. لا طبعا.. وانا هحطه ليه!
وفجأه وبدون اي مقدمات راح ضربها بالقلم وكلنا اتخضينا..
نهى: انت بتضربها عشان قالت الحقيقه!!..
جاك: انتي تخرسي خالص.. شوفتيها صح!... حابب اقولكوا حاجه بس..
امبارح جاكي مكانتش هنا.. كانت معايا بره.. والليل كله معايا... يعني انا مسبتهاش لوحدها ثانيه..
نهى: عادي يعني.. ممكن تكون غفلتك وطلعت.. وبعدين ثواني.. طول الليل بتعمل اي معاك...
جاك: ميخصكيش... دا غير ان في كاميرات بره... وانا مش نايم ع وداني.. انا عارف كل واحد فيكوا بيفكر ف اي.. وشوفتك ياانسه سما وانتي بتتسحبي لاوضة جاكي وهي مش موجوده...
بس سيبتك براحتك.. عشان اعرف اخركوا اي..
فيروز: انطقي يابت.. انتي اللي عملتي كدا!!.. انطقي..
سما بعياط: هي اللي قالتلي..
فيروز: هي مين!
سما: عمتي نهى..
جاك: هاا.. اي رأيك..
نهى: انتي بتقولي اي ياسما.. انا قولتلك كدا!
سما: ايوا قولتيلي..
جاك: مش هعدي اللي حصل دا... كل دا متصور.. وهعمل محضر.. وحضرتك هتشرفي ف السجن انتي وهي..
نهى: انت بتقول اي!!.. هتحبسني عشانها!!
جاك: انا ممكن اعمل اي حاجه عشانها... يمكن هناك تتعلموا الادب..
نهى: فيروز.. سامعاه بيقول اي!!
فيروز: تستاهلي... تستاهلي اكتر من كدا.. انتوا اي الوساخه دي!!.. انتوا مش بشر والله..
جاك: هند اطلبي الامن..
جاكي: جاك... بلاش..
جاك: اي اللي بلاش..
جاكي: بلاش تعمل كدا... خلاص..
جاك: يعني اي!!... دي اتهمتك
جاكي: بلاش نعمل مشاكل.. كفايه كدا.. انا مش زعلانه..
فيروز: لا يابنتي حرام.. دا حقك.. دي واحده وسخه اصلا..
جاكي: لا معلش.. ارجوك ياجاك.. بلاش..
جاك: شايفه!!.. اهي دي حاجه انتي متربتيش عليها... عارفه هي ليه مش عايزاني اعمل كدا!!.. عشان متكونش سبب ف اني حبست امي... يا.. يانهى هانم..
اعتذريلها..
جاكي: جاك خلاص..
جاك: اسكتي.. يلا اعتذريلها..
نهى: مش هعتذر لحد..
جاك: خلاص.. اطلبي الامن ياهند..
نهى: خلاص... متزعليش..
جاك: هه.. قوليلها انا اسفه وتعالي بوسي دماغها..
انجزي..
نهى: انا اسفه ياست جاكي..
جت باست ع راسي ومشت..
جاكي: ليه عملت كدا.. انا مش عايزه حد يتأسفلي..
جاك: متتنازليش عن حقك مهما حصل.. انتي مش اقل من حد...
فيروز: متزعليش يابنتي.. حقك عليا انا..
جاك: انا جضيت منها... وانتي... عملتلك اي عشان تضريها!!
جاكي: جاك خلاص..
جاك: عارفه.. انا ممكن اطلع روحك ف ايدي دلوقتي..
جاكي: هند خديها لو سمحتي...
هند ونور خدوها وطلعوا...
فيروز: تعالوا ننزل تحت.. منها لله..
جاك: روحي يافيروز وانا جاي وراكي..
سابتنا ونزلت... وهو جه وقف قدامي..
جاك: انا اسف.. حقك عليا..
دموعي نزلت تاني وانا باصه ف الارض...
رفعلي وشي ومسح دموعي... باس راسي وحضني..
جاك: حقك عليا.. متزعليش...
ــــــــــــــــــــــــــــــــــــــــــــــــــــــــــــــ
محمد: كنتوا فين!
فيروز: كنا فوق.. امال فين ادم!
محمد: قاعد مع مامته هناك اهو..
فيروز: طب ماشي..
نزلت انا وجاك..
جاك: حبيبي..
اي دا في اي.. هو بيقولي انا كدا!...
جاكي: اي..
جاك: روحي اقعدي معاهم هناك ومتتحركيش ومتروحيش ف حته... هروح مشوار صغير كدا وهرجع ع طول..
جاكي: رايح فين!
جاك: مشوار كدا وهرجع..
جاكي: طب خدني معاك..
جاك: لا لا.. روحي بس اقعدي معاهم وانا مش هأخر..
مشي وانا روحت قعدت معاهم...
مامت ادم: قوليلي ياجاكي..
جاكي: نعم!
ـ: هي مامتك فين!
السؤال خضني..
جاكي: مامتي... مش عارفه..
ـ يعني اي مش عارفه!
فيروز: روحي ياجاكي ياحبيبتي العبي مع البنات..
سيبتهم وقومت..
فيروز: مامتها ضايعه من زمان.. باباها كان مفهمها انها ميته... وبعدين قالها انها عايشه بس ميعرفوش فين
ـ متأكده!!
فيروز؛ ايوا... بس ليه!
ـ طب هو باباها اسمه اي..
فيروز: مصطفى..
ـ مصطفى!!!!....
فيروز: ايوا..
ـطب متعرفيش اسم مامتها!
فيروز: اسمها منى...
ـــــــــــــــــــــــــــــــــــــــــــــــــــــــــــــــ
ادم: مالك واقفه كدا ليه!
جاكي: عادي.. بتفرج ع البحر..
ادم: هو مش هنا ولا اي..
جاكي: هو مين!
ادم بخبث: جاك بيه
جاكي: ماتتلم بقاا..
ادم: انا نظرتي صح.. وتقوليلي اخوات وبنتسلى ومش عارف اي.. عيب عليكي.. مشوفتيش نفسكوا كنتوا بتبصوا لبعض ازاي امبارح وانتوا بتغنوا ولا لما مسك ايدك وانتي مش عارفه تشيليها..
جاكي: دانت مركز بقاا..
ادم: اوووماااال... هو انا ورايا غيرك..
جاكي: طب غور بقاا من هنا.. يلا روح العب بعيد...
نور وهند جم...
نور: متزعليش ياجاكي من اللي حصل... انا والله مش مصدقه..
جاكي: لا ياحبيبتي مش زعلانه...
فضلنا مع بعض وشويه وجاك رجع...
جاك: سيبونا لوحدنا شويه يابنات...
سابونا ومشوا...
جاكي: كنت فين!
جاك: مشوار كدا.. المهم بتعملي اي..
جاكي: ولا حاجه...
نهى وسما نزلوا والكل كان موجود وندى جت...
وكان في اغاني شغاله وناس كتير ع البلاج...
بصيت لقيت جاك بيبعد عني مسافه كدا بضهره..
جاكي: انت بتعمل اي..
بصيت لقيته قعد ع الارض وطلع علبه من جيبه ومدهالي...
فضلت باصاله بصدمه.. والكل باصصلنا..
الكل خد باله وقربوا..
ادم: ايوا بقاا..
فيروز والجماعه واقفين مبتسمين والكل مبسوط.. ومحمد واقف مصدوم...
جاكي: انت بتعمل اي..
جاك بصوت عالي: تتجوزيني!!
الكل صوت وفضلوا يسقفوا ويصفروا....
فيروز: اخيرا حسيت ع دمك..
فضلت واقفه مصدومه... هو بيعمل اي.. ماهو عمل كدا قبل كدا... وبعدين.. الكل واقف...
جاك: جاكي تتجوزيني!!
ندى: يلا وافقي ياجاكي..
نور بفرحه: ياهووو... يلا وافقي بقااا...
بصيت عليهم لقيتهم كلهم مبسوطين ومامت جاك بتبصلي وعنيها مليانه دموع معرفش ليه..
رجعت بصيت لجاك...
جاكي بابتسامه: موافقه..
قام ومشي عليا ولبسني خاتم تاني... حضني ولف بيا والكل بيصفر ويضحك...
نهى: انتوا بتعملوا اي!!.. مستحيل دا يحصل..
جاك: وانتي مالك..
نهى: انت ابني... وانا اللي اختار تتجوز مين ومتتجوزش مين...
جاك: امشي عشان مقلبش عليكي..
سابتنا وطلعت وسما طلعت وراها...
محمد فضل باصصلنا بزعل....
ندى: اخيراااا...
جت حضنتني...
ندى: عقبالي يارب...
فيروز: تعالي ياختي... امال عمالين تلفوا وتدوروا علينا ليه!...
حضنتني وحضنت جاك..
ادم: ايوا بقاا اخيرا ياجدعان...
مامت ادم جت حضنتني وفضلت تعيط.. وانا مش فاهمه هو في اي..
ـ انا اسفه يابنتي..
جاكي باستغراب: في اي..
ـ انا عارفه مامتك فين..
يتبع..
لقراءة الفصل السابع والخمسون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات