القائمة الرئيسية

الصفحات

رواية قلبي ليس بيدي الفصل الثالث والخمسون 53 بقلم حسناء مصطفي

  رواية قلبي ليس بيدي الفصل الثالث والخمسون 53 بقلم حسناء مصطفي

 
 رواية قلبي ليس بيدي الفصل الثالث والخمسون 53 بقلم حسناء مصطفي


 رواية قلبي ليس بيدي الفصل الثالث والخمسون 53 بقلم حسناء مصطفي

"انا كل املي ف الحياه انتي"
🖤🥀
ـ انا مين!
لفيت واتفاجئت انها ندى...
جاكي: ندى!!!...
حضنتها جامد....
جاكي: يخربيتك معرفتكيش.. اي الجمال دا..
ندى: وحشاني يخربيتك... بتعملي اي هنا..
جاكي: جايين نتفسح كدا... مش مصدقه اني شوفتك والله..
محمد: احم..
جاكي: ااه.. دا محمد.. ودي ندى صاحبتي..
محمد: اهلا..
ندى: اهلا..
جاكي: قوليلي انتي بتعملي اي هنا..
ندى: انا جيت مع بابا عشان عنده شغل هنا وبعدين هنرجع ع اسكندريه...
جاكي: خلاص انتي هتفضلي معايا بقاا..
ندى: اكيد..
محمد: طب جاكي انا هرجع وانتوا خليكوا مع بعض..
محمد مشي وانا فضلت معاها...
جاكي: خسيتي كدا ازاي..
ندى: لا بس اي رايك!
جاكي: جمدان والله..
ندى: عشان تعرفي ان مش انتي بس اللي حلوه..
جاكي: عيب عليك.. هو في زيك..
شويه وبصيت لقيت البنات جايين..
هند: مين القمر!
جاكي: دي ندى صاحبتي... ودي هند ودي سما ودي نور ودي منه..
سلموا ع بعض...
نور: طب يلا نلعب..
جاكي: نلعب اي..
نور: استنوا انا معايا كوره هروح اجيبها..
راحت جابت الكوره وجت..
جاكي: هنلعب ازاي!
نور: امممم... بصي.. انتي وسما فريق وانا وندى فريق.. وهند هتقف جون ومنه حكم..
جاكي: اشطا..
راحت هند شغلت اغاني عاليه جنبنا وقلعنا الجزم وبدانا نلعب وشويه ولقيت فيروز والباقيين بيتفرجوا علينا ويضحكوا....
جاكي: جوووووووول... انا جامد والمصحف..
سما: بتعرفي تلعبي كدا ازاي!
جاكي: كنت بلعب مع العيال ف الشارع... يلا بس عشان منخسرش..
منه: يلا.. والكوره مع سما.. ايوا ياسما.. باصت لجاكي.. جاكي شكلها جاده ولا اي.. هتعملها تاني ولا اي... ايوا.. جاكي والجون.. جاكي والجون.. يلا.. اوبااااا.. جون تاني لجاكي..
جاكي: ياهوووو...
فضلنا نلعب ونضحك وبصيت لقيت جاك واقف ومعاه مايا ومالك..
وقفنا كلنا نستوعب اللي بيحصل دا...
جاك ومالك كانوا بيضحكوا ومايا بصالنا بتناكه..
جاكي: بتضحك ع اي انت كمان!
جاك: مكنتش اعرف انك بتعرفي تلعبي كوره كمان..
جاكي: لا انا جامده ف اي حاجه..
نور: طب ماتدخل معانا ياجاك..
جاك: بس يابت..
جاكي: سيبيه سيبيه... دا بيخاف من فار.. عايزاه يلعب قدامي!!.. مينفعش طبعا..
جاك: ياراجل..
جاكي: انكر انك خايف..
جاك: انا مبخفش..
جاكي: واضح.. يلا يابناات..
بصيت لقيته قلع الكوتشي والنضاره ودخل..
جاك: جاهزه!
جاكي: هنشوف..
جاك: اقف انت يامالك جون عشان لو الكوره جت ف وش هند هتروح فيها..
هند طلعت وكملت انا وسما ونور...
جاك: سما ف فريقي.. وانتي خدي نور..
جاكي: موافقه... بس بقولك اي مش عايزين غشوميه هنا...
جه وقف قدامي... ياريتني ماقولت.. دا قدي مرتين ياجدعان...
منه صفرت عشان نبدأ...
الكوره كانت معايا بدأت العب واباصي لنور...
طبعا دخل ع نور وخدها منها...
روحت انا لاعبته وخدتها بس هو خدها تاني وجاب جووون...
جاكي: اي الزفت دا..
وقف قدامي بتناكه...
جاك: هاا.. اكمل!
جاكي: احنا لسه ف البدايه..
خدت الكوره وتقريبا كنت انا وهو بس اللي بنلعب والباقيين بيتفرجوا وانا جبت جووون وطلعت اجري..
جاكي: ايون ايون.. انا جامد..
جاك: ماشي تعادل.. انت اي نظام اهلك هنا!
مالك بضحك: البت مسخرتك انت.. هتيجي عليا يعني!
لعبنا تاني وبردو جبت جون... العظمه خدتني وروحت وقفت قدامه وانا بغني....
جاك بضحك: انا سايبك بمزاجي ع فكره...
جاكي: هاهووو... العب غيرها...
لعبنا تاني والكل بيصفر وبيضحكوا وانا طبعا عظمه فجبت جون تاني...
جاكي بضحك: ياهوووو.... شووووف ديييي.. منظرك بطيخ قوي...
مالك: بصراحه بتلعب احسن منك...
راح جاك بصله بحده..
جاكي: عايزه يكدب يعني!.. مانا فعلا بلعب احسن منك..
جاك: انا مش عارف العب عشان انتي بنت.. لو كنتي ولد كنت عرفت العب صح...
جاكي: تؤتؤتؤ.. لا عيب يبقاا شحط زيك كدا وبيتحجج يعني...
محمد: بصراحه هي غلبتك بجداره يعني.. اعترف انك خسرت..
جاك: ماشي...طب انا هوريكوا مين احسن.. كل واحد يمسك الكوره ويستعرض مهارته وف الاخر يشوطها ويجيبها جون ف مالك.. امين!
جاكي: امين ياباشاا.. اتفضل...
مسك الكوره وقعد ينططها ويستعرض مواهبه الفتاكه وهما بيصفروا ويسقفوله... وف الاخر شاطها وجت جون..
جاك بتحدي: وريني..
خدت منه الكوره ولفيت طرحتي كويس عشان اعرف العب...
طبعا الكل متوقع اني مش هعرف العب زيه..
مسكت الكوره وقعدت انططها كتير وهما واقفين يبصوا لبعض ويصفروا وهو واقف مبتسم..
فضلت استعرض مواهبي انا كمان.. مانا مش اقل منه..
وف الاخر شوطها جامد وجت جون...
روحت وقفت قدامه وحطيت ايدي ف وسطي..
محمد: برافوووو.... اعترف انها احسن ياجاك..
جاك: طب ماتيجي تورينا شطارتك..
محمد بضحك: لا هتغلبني بردو.. انت مشوفتهاش بتلعب ازاي!
جاك: يبقى اخرس بقاا..
محمد: بس ممكن اقابلك انت سباحه..
جاك: موافق.. يلا..
جاكي: انا عن نفسي هشجع مودي...
محمد: ايوا بقااا كدا هكسب..
جاك بصلي بقرف وقلع التيشرت هو ومحمد..
جاك: جاهز!
محمد: ومالك معانا..
جاك: يلا يامالك...
مالك: يلا..
التلاته قلعوا ونزلوا...
فيروز جت...
فيروز: بتخلوهم ينزلوا ليه..
نور: عادي فيها اي..
فيروز: عشان ميدخلوش جوه قوي..
جاكي: اتفرجي بس..
دخلوا جوه قوي وانا الصراحه قلقت... فضلت واقفه مستنياهم يرجعوا لحد ماظهروا.... وطبعا جاك اللي كان سابقهم وبكتير كمان..
جاك قرب مننا...
مايا: براڤوو جاك....
طلعوا وبصلي بنظرة انتصار كدا..
جاكي: انت مش بتسابقني انا عشان تبصلي كدا..
جاك بثقه: انا مبخسرش..
جاكي: ١/٣... لحقت تنسى!..
ابتسم وسكت..
مايا: خد ياجاك نشف نفسك..
كلمته وانا باصه ف الارض...
جاكي: ااه.. استر نفسك ياخويا..
جاك: لا كدا حلو..
جاكي: ااه عاجبك البنات اللي بتتفرج عليك دي..
بص حواليه ولقى بنات كتير بتبصله..
جاك: عادي.. خليهم يتفرجوا..
رميت التيشرت ف وشه وانا موديه وشي بعيد..
جاكي: اتنيل والبس..
جاك: موديه وشك بعيد ليه.. دا مش عوره يعني..
جاكي: ااه.. انت عايزني اقعد اتفرج عليك زيهم.. لا فشرت... عن اذنك...
سيبته ومشيت...
ادم: تحبي نروح نشتري حاجه!..
جاكي: ااه يلا..
بصيت لقيته بيغمزلي..
جاكي: اي..
ادم: بصي ع محمد...
بصيت لقيته واقف مع ندى..
جاكي بضحك: ااه... طب ياريت والله.. يلا..
مشيت معاه وروحنا اشترينا ايس كريم...
مايا كانت قاعده مع جاك...
ادم: بقولك اي.. ماتيجي نتصور...
جاكي بخبث: فهمتك انا... يلا..
قعدنا نتصور وانا تعمدت اني الزق فيه..
فضلنا نتصور كتير وجاك باصصلنا..
ادم: بقولك اي..
جاكي: قول..
ادم: تعالي نركب البيتش دا...
جاكي: اشطا قووي...
ادم: بصي بقاا.. عايز اقوى اداء عندك.. خليه ينط ورانا..
جاكي: مع اني مش عارفه انت بتغيظه ليه بس اشطا..
روحنا ركبنا انا وهو وانا طبعا عايشه الدور وعماله اضحك واصوت...
خلصنا ونزلنا وانا ماسكه ايده وبنهزر ونضحك..
بصيت لقيت جاك جاي علينا وانا خوفت الصراحه..
جاك بحده: تعالي معايا..
ادم بصلي وهو بيضحك..
مشيت معاه وطلعنا الاوضه..
جاكي: انت جايبني هنا ليه!
قفل الباب جامد وكان عمال يقرب مني..
جاكي بخوف: في اي..
جاك: اي اللي حصل تحت دا..
جاكي: اي اللي حصل..
جاك: جاكي.. بلاش تعندي معايا..
جاكي: انا معملتش حاجه... عادي يعني قولتلك ادم اخويا..
جاك: بس هو مش اخوكي..
جاكي: ولا انت اخويا... ومع ذلك انا معاك دلوقتي ف الاوضه وقافلين الباب... ولو هند او حد جه مش هيشك ف حاجه.. عارف ليه!.. عشان هما عارفين ان كلنا اخوات ف بعض ومش ممكن حد فينا يضر التاني او يفكر ف حاجه وحشه... اهو ادم بالنسبالي كدا بردو..
جاك: هتلعبي معايا يعني!
جاكي: انا مبلعبش..
جاك: استحملي بقااا..
سابني ونزل وانا نزلت وراه..
جاك: يافيروز... انا عندي شغل كدا هخلصه ع السريع وارجع..
فيروز: ماشي...
مشي هو ومايا ومالك..
ادم شاورلي فروحتله...
ادم: قالك اي!
جاكي: اسكت يعم دانا اترعبت والله...
ادم: زي ماتوقعت والله..
جاكي: انا مش فاهمه احنا بنعمل اي..
ادم: بيحبك ياغبيه..
جاكي بصدمه: انا!!!
ادم: ايوا انتي..
جاكي: جاك بيحبني انا!!... لا لا مستحيل..
ادم: اي اللي مستحيل.. انتي مشوفتيهوش بيغير عليكي ازاي..
جاكي: لا مش كدا... احنا واخدينها زي لعب كدا... يعني مثلا لما انا بقعد اقوله مايا ومش عارفه اي والكلام دا كهزار يعني، هو كمان بيردهالي وبيقولي ادم ومش ادم وكدا... زي تحدي كدا.. انا اخانقه لما يقرب لمايا وهو يخانقني لما يلاقيني معاك... بس كل دا هزار او تسليه مش اكتر... انما ف الاول وف الاخر كل واحد حر... وبعدين جاك بيحب اسيل الله يرحمها ومظنش انه ممكن يحب حد غيرها.. ولو حصل وحب.. معتقدش انها هتكون انا ابدا... انا ضيفه ف حياتهم وهمشي ف اي وقت... وانا مثلا لو حبيت حد.. جاك ملوش انه يجبرني اني احبه ولا لا... ف الاول وف الاخر كله هزار بس..
ادم: بصي.. انا شاب وعارف الشباب كويس...ومن نظرات جاك شايف انه بيحبك..
جاكي: لا.. لو بيحبني كان قالي... او لمحلي.. انما اصلا كل كلامه عن اسيل... انت مش فاهم.. هو بيحب اسيل جدا.. سيبك يبروو من الحوار دا.. مينفعش اصلا..
ادم: هو راح فين..
جاكي: بيقول عنده شغل...
قضينا الوقت مع بعض وفيروز ونهى طلعوا وفضلت انا والبنات وبعدين جاك رجع...
قعدوا معانا شويه...
مايا: جاك.. عايزه انزل المايه..
جاك: تعالي نغير وبعدين ننزل...
خدها وطلعوا غيروا... شويه ونزلوا وكلنا تنحنا...
كان هو لابس شورت بس وهي لابسه مايوه...
احيييييه...
خدها ونزلوا المايه وقعدوا يعوموا ويهزروا مع بعض وانا قاعده اتفرج....
ادم كان بيبصلي ومبتسم..
جاكي: نعم!
ادم: عينيكي بتطلع شرار والله..
جاكي: لا عادي انا مالي...
هند: انا مش فاهمه اي البجاحه دي.. مش مكسوفه خالص!...
سيبتهم وقومت اتمشى ع البحر وادم جه ورايا..
بصيت لقيتهم طالعين من البحر ومايا بتكلمني..
مايا: اي ياجاكي.. مش ناويه تنزلي المايه!
جاكي: لا هنزل.. منزلش ليه.. هطلع البس مايوه الاول..
جاك: نعم ياختي!
جاكي: ايه!
جاك: مايوه اي اللي تلبسيه!
جاكي: وانت مالك.. انا عايزه البس مايوه عشان انزل البحر..
جاك: جاتك مله... انتي محجبه..
جاكي: في مايوه اسلامي ع فكره..
جاك: اااه عشان يبقى لازق عليكي والكل يتفرج...
جاكي: الله.. وانت مالك انت..
جاك: متخلنيش اتعصب عليكي..
مايا: ماتسيبها ياجاك.. خليها تلبس..
جاك: تلبس اي اسكتي انتي..
جاكي: ماهي مايا لابسه.. اشمعنى انا..
جاك: مايا مش محجبه ياختي.. دا غير ان مايا متعوده ع دا من زمان.. اتلمي انتي بس..
ادم: خلاص ياجاكي هو معاه حق.. مينفعش فعلا..
جاكي: خلاص.. طلاما انت شايف كدا خلاص..
جاك بصلنا احنا الاتنين ومشي...
ادم: ع فكره هو جاب اخره مننا..
جاكي: خليه يستحمل بقااا...
رجعنا للبنات والليل حل علينا...
محمد: انا هطلع انام بقاا عشان انا فصلت..
ادم: خدني معاك...
طلعوا والبنات طلعوا وراهم...
مايا: مش هتروح الديسكو ياجاك..
جاك: لا انا تعبان.. هطلع انام..
مايا: اوكي.. باي..
سابونا ومشوا وفضلت انا وهو قاعدين ساكتين وباصين للبحر...
جاك: عايزه تلبسي مايوه!
جاكي: وملبسش ليه!...البس وانزل مع دومي..
جاك: انتي لو بتتكلمي بجد، فهيبقى في حساب تاني..
جاكي: وانت تحاسبني بصفتك اي... وبعدين مانت مقضيها انت كمان... اسمع يلاااا.. انت ملكش دعوه بيا.. انت فاهم!!
سيبته وروحت اوضتي...
عدى شوية وقت وبعدين الباب خبط..
هند: يلا عشان هنروح ناكل..
جاكي: اوكي جايه..
نزلت وانا نزلت وراها وروحنا المطعم بس جاك مكنش موجود...
ـــــــــــــــــــــــــــــــــــــــــــــــــــــــــــــــ
مايا كانت راجعه من الديسكو سكرانه...
طلعت عند جاك وفتحت وهو كان نايم..
قعدت جنبه..
مايا: جاك.. جاك انت نايم ليه..
قلعت الجزمه وهي اصلا مش لابسه حاجه تاني عشان تقلعها..
مايا: يلا فوق بقاا..
فاق ع صوتها وقام قعد بسرعه..
جاك: انتي بتعملي اي هنا..
مايا: مجتش معايا ليه.. كنت هتتبسط ع الاخر..
جاك: مايا انتي سكرانه!
مايا: هو انت حلو كدا ليه..
جاك: مايا اطلعي بره..
كانت سكرانه ومش واعيه وعماله تلمسه وتقرب منه وهو بيقاومها..
مايا: ماهو انت مش عارف انت واخد قلبي ازاي... انت حلو قوي..
جاك: مايا ابعدي مينفعش كدا..
مايا: مينفعش اي.. هاا..
جاك: مايا.. مايا.. لو حد دخل هيفهم غلط.. قومي..
قربت منه اكتر وقعدت ع رجله..
مايا: تؤتؤ.. مش هسيبك..
جاك: مايا.. انتي سكرانه ياحبيبتي.. روحي اوضتك يلا..
مايا: هو انت كل شويه كدا!.. حبني شويه..
جاك: مايا اخرجي بقاا مينفعش..
ـــــــــــــــــــــــــــــــــــــــــــــــــــــــــــــــ
فيروز: روحي يانور نادي جاك..
نور: لا انا مش لسه هرجع تاني..
جاكي: خلاص انا هروح.. عشان عايزه حاجه من اوضتي..
سيبتهم ورجعت الاوتيل تاني...
ـــــــــــــــــــــــــــــــــــــــــــــــــــــــــــــــــ
جاك: مايا فوقي انا تعبان والله..
مايا: طب اقولك حاجه!...اسمع كلامي وانا هبسطك ع الاخر...
جاك: مايا انتي واعيه انتي بتقولي اي!..
مايا: شوف..
راحت قلعت باقي هدومها...
انا كنت ف الطرقه وماشيه بغني ولقيت الباب مفتوح..
جاك: اي اللي بتعمليه دا.. انتي اتجننتي!.. اوعي..
راحت قربت منه وباسته وانا دخلت..
جاكي: جاك الباب مف.........
يتبع..
لقراءة الفصل الرابع والخمسون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات