القائمة الرئيسية

الصفحات

رواية قلبي ليس بيدي الفصل العشرون 20 بقلم حسناء مصطفي

 رواية قلبي ليس بيدي الفصل العشرون 20 بقلم حسناء مصطفي

رواية قلبي ليس بيدي الفصل العشرون 20 بقلم حسناء مصطفي

رواية قلبي ليس بيدي الفصل العشرون 20 بقلم حسناء مصطفي

عمو احمد: اطلع بره بقولك بدل مااجيبلك البوليس..
بابا: البوليس دا انا اللي هجيبهولك..
جاك: انت بتعمل اي هنا!
بابا: جاي اخد بنت العاه***** دي من هنا..
راحت فيروز ضربته بالقلم...
فيروز: اخرس ياوسخ.. انت كمان ليك عين تتكلم.. اللي زيك مكانه السجن..
بابا: انتي عارفه انتي عملتي اي دلوقتي!
جاك: ايوا... وريني هتعمل اي!
بابا: انا مش جاي اعمل.. انا جاي اخد بنتي..
جاكي: وانا مش بنتك.. ومش عايزه اعرفك تاني..
بابا: ليه.. هتدوري ع حل شعرك!..
"كان بيكلمني وهو متعصب وبيقرب مني..فانا خوفت واستخبيت ورا محمد"
محمد: بقولك اي! انا ساكت بس عشان انت قد ابويا.. غير كدا والله كنت دفنتك هنا..
بابا: لا واضح انك محترم..
جاك: حد غيرك يتكلم عن الاحترام ياا.. يامحترم..
بابا: امشي قدامي يابت انتي..
جاك: سيبها...
بابا: ولو مسبتهاش..
جاك: بلاش تخليني استخدم العنف معاك عشان صدقني هتروح فيها...
بابا: انا هطلب البوليس..
جاك: اطلب.. يلا مستني اي!
ولا اقولك استنى اطلبه انا.. وبالمره يعرف كل حاجه..
بابا: يعني اي!
جاك: مخدرات وسلاح وخطف واعتداء.... اكمل ولا كفايه كدا!
بابا: اا.. اي الهبل اللي انت بتقوله دا!
جاك: فعلا!... خلاص نجيب الشرطه وهي تشوف مين اللي صح..
جاكي: مخدرات وسلاح اي!
جاك: ابوكي بيتاجر معاهم ف السلاح والمخدرات... دا غير ان محمود دا عليه قواضي كتير... اغتصاب وبلطجه ومخدرات وقتل..
عمو احمد: عرفت الحاجات دي منين!
جاك: المهم اني عرفتها... دلوقتي قولي بقاا.. اجيب الشرطه ولا تجيبها انت!
بابا: انا هندمكوا... والله لاتندموا كلكوا..
سابنا ومشي...
ولقيت فيروز جت حضنتني..
فيروز: حمدلله ع سلامتك يابنتي.. انتي متعرفيش كنت قلقانه عليكي ازاي..
جاكي: انا كويسه..
عمو احمد: حمدلله ع سلامتك يابنتي..
جاكي: الله يسلمك ياعمي..
فيروز: تعالي يابنتي اقعدي انتي اكيد تعبانه..
هند: قوليلي اي اللي حصل..
عمو احمد: مش وقته.. خلوها تطلع ترتاح دلوقتي وبعد كدا ابقوا اتكلموا براحتكوا..
جاك: ايوا اطلعي ارتاحي وانا هجيب دكتور..
جاكي: دكتور لي!
جاك: للجروح دي.. وبعدين انتي كنتي تعبانه اصلا من قبل كدا..
جاكي: لا انا روحت..
جاك: روحتي فين!
جاكي: للدكتور... ادم خدني المستشفى..
جاك: ااه.. ادم.. طيب اتفضلي اطلعي ارتاحي..
هند: ادم مين!
محمد: ابقي اساليها وهي تقولك..
عمو احمد: في اي ياولاد!.. مين ادم دا كمان!
جاك: واد ملزق كدا..
جاكي: لا مش ملزق.. انت اللي متغاظ منه..
جاك: وانا هتغاظ منه لي ياختي..
فيروز: مين هو دا يابنتي..
جاكي: هو دا اللي انقذني يافيروز... هو اللي دخل وطلعني من وسطيهم ولولاه الله اعلم كان زماني هبقى فين..
عمو احمد: ومجبكيش ع هنا لي!
جاكي: مكنتش اعرف العنوان.. دا غير اني كنت تعبانه ومش واعيه لحاجه.. وكمان مكنتش عايزه ارجع..
فيروز: ليه يابنتي كدا!
جاكي: انا مكنتش عايزه اعملكوا مشاكل تاني.. كفايه اللي حصل.. واديني اهو لسه مدخلتش من الباب ولقيته هنا..
عمو احمد: لا يابنتي مينفعش.. احنا هنا اهلك.. مينفعش نسيبك تروحيله تاني..
جاكي: مش هروحله.. انا هشوف مكان اقعد فيه وكمان.. كمان هدور ع امي..
فيروز: متتعشميش يابنتي.. يمكن يكون بيكدب وقلبك يتكسر ف الاخر..
جاكي: مش هتفرق.. كدا كدا مكسور..
جاك: طب خلاص.. اطلعي اوضتك وسيبك من الكلام دا..
جاكي: انا هاخد هدومي وامشي..
عمو احمد: انا قولتها كلمه.. مفيش خروج من هنا يعني مفيش خروج..
جاكي: ياعمي بس..
جاك: مبسش.. بطلي عناد بقاا واتفضلي..
عمو احمد: يلا يابنات اطلعوا معاها..
طلعت انا والبنات ودخلت الاوضه...
فيروز: "بقلق".. مين اللي عمل ف وشك كدا يابنتي وبعدين شعرك مبهدل كدا ليه!
هند: هيكون مين يعني..
فيروز: حد فيهم عملك حاجه!
نور: اي اللي بتقوليه دا بس يافيروز!
جاكي: لاا.. محدش عملي حاجه..
فيروز: الحمد لله...انا هنزل اجيبلك تاكلي..
جاكي:لا لا انا كلت..
فيروز:لا يابنتي مينفعش..
جاكي:كلت والله يافيروز..كلت عند ادم..
فيروز:طب خلاص يابنتي ارتاحي انتي واحنا هننزل..
يلا يابنات خلوها ترتاح...
نزلوا وانا قومت اخدت شاور ودموعي فضلت تنزل لوحدها ومقدرتش امنعهم... خلصت وطلعت قعدت اسرح شعري وحقيقي كان الم فظيع ودماغي كانت وارمه...
فجأه فوني رن...
جاكي: اي دا دانا نسيتك خالص...
خدت الفون ولقيت رقم غريب... رديت
جاكي: الو..
ـ الو.. انا ادم..
جاكي: ااه.. ادم ازيك..
ادم: الحمد لله.. كنت عايز اتطمن عليكي بس..
جاكي: اه انا كويسه الحمد لله.. بقيت احسن..
ادم: وصلتوا!
جاكي: اه الحمد لله
ادم: ماما كانت عايزة تكلمك..
جاكي: اه طبعا اديهاني..
ادم: اتفضلي اهي معاكي..
مامته: الو يابنتي.. عامله اي دلوقتي!
جاكي: الحمد لله ياطنط.. ربنا يخليكي والله..
مامته: اخص عليكي.. بقاا كدا.. تمشي من غير ماتسلمي عليا حتى..
جاكي: معلش والله حقك عليا بس جاك اصر اني امشي معاه ومقدرتش ارجع..
مامته: زي بعضه يابنتي.. بس هشوفك تاني اكيد!
جاكي: ايوا طبعا.. هتيجي فرصه تانيه ان شاء الله.. بس كنت عايزه اشكرك ع اللي عملتيه معايا.. بجد مش عارفه من غيركوا كنت هعمل اي!
مامته: لا يابنتي عيب متقوليش كدا.. انتي متعرفيش انا حبيتك كدا لله ف لله والله..
جاكي: ربنا يخليكي ياطنط...
"سمعته وهو بيكلمها"
ادم: ياماما هاتي الفون بقاا.. هو انا رانن عشان انتي تتكلمي.. ياوليه هاتي بقاا انا غلطان اني عطيتك اصلا..
ادم: الو ايوا ياجاكي..
جاكي: "بضحك".. مالك بيها بس!
ادم:اي دا انتي سمعتي!
جاكي: ايوا سمعت..
ادم: لا دا.. دا بس عشان متوجعش دماغك عشان عارف الستات كلامهم كتير بس..
جاكي: لا خالص دي عسوله جدا..
ادم: عسوله!!!.. الحقي ياماما بتقول عليكي عسوله..
مامته: والنبي هي اللي عسوله بوسهالي ياواد..
ادم: حاض... ايه!..
جاكي:" بضحك".. خلاص خلاص وصلتني ياطنط..
ادم: اي الاحراج دا ياجدعان... ع العموم الف سلامه عليكي..
جاكي: الله يسلمك... وشكرا لسؤالك..
ادم: لو احتاجتي اي حاجه متتردديش انك تكلميني..
جاكي: اكيد.. متشكره جدا..
ادم: محتاجه حاجه!
جاكي: لا سلامتك.. مع السلامه..
ادم: سلام..
قفلت معاه وبعدين الباب خبط فغطيت شعري...
جاكي: ادخل
جاك: كنت جاي عشان اديكي دا..
جاكي: اي دا!
جاك: شايفه اي!... دوا
جاكي: مابالراحه يعم.. هات.. شكرا..
جاك: هو.. انتي كنتي بتكلمي مين!
جاكي: وبتسال لي!
جاك: لا عادي يعني..
جاكي: كنت بكلم ادم..
جاك: ادم.. حلو قوي.
جاكي: هو اي اللي حلو..
جاك: جاب رقمك منين!
جاكي: انا اديتهوله..
جاك: كمان!
جاكي: اي اللي مضايقك مش فاهمه انا..
جاك: مش متضايق ياست.. هتضايق لي يعني.. يلا انا ماشي.
جاكي: استنى..
جاك: نعم!
جاكي: كنت عايزه اشكرك ع اللي انت عملته معايا..
جاك: انا معملتش حاجه..
جاكي: لا طبعا عملت.. كفايه خوفك عليا.. قصدي يعني خوفكوا عليا.. وكمان اسفه عشان عملتلكوا لغبطه ومشاكل..
جاك: لا متشغليش بالك.. وبعدين ممكن بقاا تنسي حكاية انك تمشي دي!
جاكي: مينفعش افضل هنا.. دا مش بيتي..
جاك: بيتك... اعتبريه بيتك... انتي بتعتبريهم اهلك.. اعتبري دا كمان بيتك..
جاكي: ايوا بس...
جاك: مبسش... حقيقي مفيش لزوم انك تمشي.. دا غير اننا مش ضامنين ممكن يعملوا اي تاني.. وكمان متنسيش ان قاعد كام يوم ع الجامعه..
جاكي: طيب..
جاك: متقلقيش.. انا معاكي.. محدش هيقدر يقربلك تاني..
جاكي: لا مش خايفه.. طول مانا معاكوا مش خايفه..
جاك: وخفي كلام مع الواد الملزق دا..
ابتسمت وبصتله..
جاكي: ممكن اعرف هو مضايقك ف اي!.. دا بدل ماتشكره..
جاك: مش مضايقني.. بس ملزق كدا وحاجه قرف يعني..
جاكي: لا مش حاجه قرف.. دا حد جميل خالص وعسول كمان..
جاك: عسول!.. وجميل!... طيب انتي وشك متخرشم لوحده فَ مفيش لزوم اعمل حاجه..
ضحكت بصوت وهو تنحلي...
جاكي: مالك يعم مقروف مني كدا ليه!
جاك: ضحكتك حلوه... احم.. اا انا هطلع عشان ترتاحي بقاا..
جاكي: ماشي..
جاك: ومتنسيش تاخدي الدوا..
جاكي: حاضر..
جاك: واقفلي الفون دا بدل مااخده..
جاكي:حاضر.. اي اوامر تانيه!
جاك: لا مفيش.. تصبحي ع خير..
جاكي: وانت من اهل الخير..
كان خارج ووقف عند الباب..
جاك: وااه صحيح..
جاكي: اممم
جاك: بكرا هتحكيلي اي اللي حصل بالتفصيل والواد دا وداكي فين..
جاكي: "بابتسامه".. حاضر..
جاك: يلا سلام..
جاكي: سلام..
خرج وانا حطيت راسي ع المخده ومكنتش عارفه انا مبسوطه من خوفهم عليا ولا زعلانه من اللي حصلي.. لحد ماروحت ف النوم...
تاني يوم.......
صحيت وسمعت دوشه كتير تحت..
يتبع..
لقراءة الفصل الحادي والعشرون : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات