رواية قلبي ليس بيدي الفصل الثاني عشر 12 بقلم حسناء مصطفي

هند: بتقولي اي انتي كمان!.. انتي اتجننتي!

جاكي: بابا انا موافقه اتجوزه بس قولي ماما فين!

بابا: حلو قووي.. تتجوزيه وبعد كتب الكتاب ع طول هقولك امك فين..

جاكي نعم!.. لا طبعا انت هتقولي دلوقتي..

فيروز: اي اخي القرف اللي انت فيه دا؟.. انا مشوفتش كدا

بابا: احمد قول لمراتك تلزم حدودها لو سمحت..

عمو احمد: انت خليت فيها حدود!.. انا مكنتش اتخيل انك كدا..

جاكي: بابا بالله عليك قولي امي فين.. والله هعملك اللي انت عايزه بس قولي هي فين..

جاك: اسمع.. دلوقتي المشكله انهم ماسكين عليك وصل امانه ب ٣مليون جنيه.. انا هدفعهم.. وخلص الموضوه ع كدا.. اي لازمة الجواز بالاجبار بقا؟

بابا: مناسب ليها.. دا غير اني مش عايز حد يدفعلي حاجه..

محمد: يعني خايف ع شكلك لما ندفعلك.. ومش خايف ع شكلك وانت بترمي بنتك كدا!

بابا: لا مش خايف.. وبعدين انا مش برميها، دي هتتجوز ع سنه الله ورسوله..

جاك: انا مشوفتش بجاحه كدا..

بابا: احترم نفسك ياواد انت.. انا مش عارف اصلا انتوا مالكوا!.. دي حاجه بيني وبين بنتي

عمو احمد: مصطفي.. انت كدا بتضيع بنتك.. والله كدا بترميها ف جحيم..

بابا: انا قولت اللي عندي وانتي فكري كويس... سلام

"سابنا وخرج وانا انهارت من العياط وقعدت ع الارض"

فيروز: "بعياط" اهدي يابنتي بالله عليكي.. انتي تعبانه ومفكيش حيل..

جاكي: "بانهيار" امي.. انا عايزه امي.. مليش دعوه..

هند: "بعياط".. هنلاقيها.. متقلقيش بس اهدي والنبي..

عمو احمد: لا حول ولا قوة الا بالله.. استهدي بالله يابنتي.. انا هطلع وراه وهحاول اهديه..

" سابنا وخرج "

محمد كان واقف ودموعه بتنزل لوحدها وبصيت لقيت جاك قعد قدامي ع الارض "

جاك: ممكن تهدي!.. ارجوكي.. انا هحل كل حاجه.. اوعدك هحل كل حاجه.. بس اهدي عشان انتي كدا هتتعبي اكتر..

جاكي: جاك بالله عليك.. روح قوله.. قوله اني هشتغل و.. و قوله كمان اني.. اني هسيب الجامعه.. وهشتغل ليل نهار.. والله هعمل اي حاجه عشان اسدد الفلوس.. بس يقولي فين امي.. جاك عشان خاطري..

جاك: والله هساعدك.. بس اهدي.. اهدي وكل حاجه هتتحل..

"محستش بحاجه غير لما صحيت ولقيت نفسي ع السرير ف اوضتي"

قومت مخضوضه...

فيروز: اهدي يابنتي متخافيش..

جاكي: انا اي اللي جابني هنا!

هند: اغمى عليكي وجاك طلعك هنا..

جاكي: انا بعمل اي هنا!.. امي عايزاني.. امي بتدور عليا.. انا لازم اروحلها دلوقتي..

قومت من ع السرير وهما قاموا يمسكوني..

هند: اهدي ياجاكي مش كدا...

فيروز: يابنتي اهدي متقطعيش قلبي اكتر من كدا..

جاكي: امييي.. انا عايزه امي مليش دعوه... يعني اي رماها!.. عمل فيها اي!!

جاك دخل..

جاك: جاكي اهدي.. اهدي طيب.

مسكني وقعدني وقعد قدامي ومسك وشي بايده....

جاك: اهدي.. خلاص مفيش حاجه.. كل حاجه هتتحل.. اهدي خالص..

جاكي: "بقهر".. هتوديني عند امي!

"بصلي وكانت عنيه كلها دموع"

جاك: هوديكي عند امك.. اهدي بس الاول عشان ميحصلكيش حاجه...

اهدي.. كل حاجه هتتحل وانا هدفع الفلوس وهنخلص من موضوع الجواز دا.. وبعد كدا هندور كلنا ع مامتك.. واوعدك اني هعمل كل اللي اقدر عليه عشان الاقيها..

بس تهدي الاول..

"كلامه هداني نوعا ما ومحستش بنفسي غير وانا بحضنه وبعيط"

جاكي: "بعياط".. هعملك اي حاجه والله.. والله هعمل اللي انت عايزه.. بس هاتلي ماما... ارجوك.. وانا اسفه والله مش هزعلك تاني بس.. بس وديني عند امي..

جاك: حاضر.. حاضر.. اهدي بقاا وكفايه عياط..

"سيبته وحطيت ايدي ع وشي وفضلت اعيط بقهر"

فيروز: "بعياط".. يابنتي اهدي بقاا.. حرام عليكي اللي بتعمليه ف نفسك دا..

هند:"بعياط" اهدي ياحبيبتي وهنساعدك كلنا والله..

"بصيت لقيت جاك شال ايدي من ع وشي ومسح دموعي"

جاك: شششش... خلاص.. خلاص مفيش حاجه.. كفايه دموع بقاا عشان متتعبيش..

"بصيت لقيت محمد واقف ع الباب ودموعه لسه بتنزل"

جاك: ممكن تنامي بقاا شويه!..

جاكي: لا.. لا لو سمحت وديني..

جاك: اسمعيني.. انا هدور عليها وانتي هتنامي عشان لما تصحي تكوني فايقه وتعرفي تدوري عليها معايا.. عشان متتعبيش وانتي بتدوري عليها..

جاكي: هنلاقيها!!!

جاك: هنلاقيها ان شاء الله.. بس انتي اسمعي الكلام ونامي دلوقتي وبطلي عياط عشان مزعلش منك.. ولو زعلت مش هدور عليها..

جاكي: لا لا خلاص.. هنام والله بس والنبي دورلي عليها..

جاك: يبقى تسمعي الكلام وتنامي شويه.. ماشي!

جاكي: ماشي..

فيروز: نامي ياحبيبتي وارتاحي..

هند: يلا ياشباب عشان نسيبها ترتاح..

نزلوا وقفلوا النور والباب وانا حطيت راسي ع المخده ودموعي نازله لوحدها وجسمي كله بيتنفض.. مكنتش فاهمه ولا واعيه لأي حاجه.. وبعدين نمت"

.........

فيروز: ياوجع قلبي عليكي يابنتي..

جاك: "بعصبيه".. انا مش عارف اي الاب دا.. دا متخلف.. حد يوصل بنته للحاله دي!.. دي جسمها كله بيترعش..

فيروز: وحش.. وحش يابني من زمان..

هند: انتي تعرفيه!..

فيروز: هو وابوكي صحاب من زمان.. وانا مراته كنا اكتر من اخوات..

محمد: يعني انتي كنتي تعرفي مامتها!!

فيروز: ايوا.. كنت اعرفها..

محمد: تعرفيها وساكته!.. المفروض تكوني عارفه هي فين!

فيروز: ياريت يابني.. ياريت اعرف مكانها... انا كل اللي اعرفه اني جالي خبر موتها.. وروحت عشان اعزيها، الناس قالولي مش عاملين عزا.. انا مكنتش مصدقه.. ازاي مش عاملين عزا!!.. روحت البيت عندهم.. كانت جاكي لسه طفله.. ولما سالت ابوها، قالي انها كانت تعبانه وماتت.. ومعطنيش اي فرصه اني استفسر عن حاجه...

جاك: يعني هو مفهم الكل انها ماتت وهو بس اللي عارف انها عايشه!.. دا اي الوساخه دي.. وبنته دي ذنبها اي تعيش يتيمه كدا!

فيروز: "بعياط".. حسبي الله ونعم الوكيل فيه.. انت مشوفتش شكلها لما روحتلهم.. كانت صغيره كدا وعماله ياحبة عيني تعيط وعنيها حمرا دم.. واتصدمت لما لقيتها قاعده تغسله الهدوم وتعمله الاكل.. دا اي الجبروت دا!!..

محمد: ومسالتيش عليها تاني لي!

فيروز: سالت يابني طبعا.. بس للاسف، قالولي انهم مشيوا من البيت وعزلوا.. ومن ساعتها انقطعت اخبارهم..

محمد: والعمل دلوقتي!.. هنسيبها منهاره كدا؟؟.

جاك: انا هتصرف..

محمد: هتعمل اي!..

جاك: متشغلش بالك انت.. المهم يافيروز، اعمليلها حاجه تاكلها وانتي ياهند اطلعي اقعدي جنبها بهدوء احسن تصحى وتعمل حاجه..

هند: حاضر..

"سابهم وخرج ومحمد خرج وراه"

.........

عمو احمد: غلط يامصطفي.. اكبر غلط

بابا: المفروض اعمل اي يعني!

عمو احمد: انت بتساوم بنتك يامصطفي..

انت واعي للي انت بتعمله!.. وبعدين يعني اي امها مش ميته.. هو في هزار في الحاجات دي!

بابا: لا انا مش بهزر.. دي حقيقه.. انا فعلا رميت امها..

عمو احمد: لي كدا!.. لي الحقد اللي جواك دا!.. اي اللي انت استفدته من دا!

بابا: والله انا عندي اسبابي..

عمو احمد: والله مهما حصل مفيش سبب ممكن يخلي بني ادم طبيعي يعمل اللي انت عملته دا.. دا جبروت.. منك لله ياخي كسرت البنت اكتر ماهي مكسوره.. وانا اللي بقول لي ع طول زعلانه وقاعده لوحدها.. طلع اللي شافته كتير..

بابا: بقولك اي ياحمد.. قصر في الكلام عشان منخسرش بعض.. وانا كدا كدا هرجع بالليل اخدها ونمشي..

عمو احمد: لا مش هتاخدها.. مستحيل هطمن عليها معاك..

بابا: هتمنعني اخد بنتي!

عمو احمد: ايوا طبعا همنعك.. انت مفكر نفسك تقدر تعمل اي حاجه كدا من غير ماحد يوقفلك!!.. لو هي ملهاش حد يوقفلها فانا موجود..

بابا: يعني بقيت ضدي ياحمد...

عمو احمد: ايوا ضدك طبعا...يامصطفي انت هتجوز بنتك لواحد مسجل خطر، عارف دا معناه ايه!.. معناه انها هتبقى ف خطر معاه طول الوقت.. والله اعلم ممكن يعمل فيها اي... وانت مستعد تضحي بيها عادي بس انت متتحبسش..

بابا: انا لو اتحبست هياخدها بردو.. عارف ليه!.. عشان هو من زمان بيحبها وعايزها وانا اللي كنت برفض.. وكان بيقولي هاخدها يعني هاخدها..

عمو احمد؛ فتروح تديهاله انت بنفسك!

بابا: احسن مااتحبس.. وبعدين هي اصلا متفرقش معايا.. تغور ف داهيه..

عمو احمد: انت بتقول اي!!!.. دي بنتك

بابا: يعم بلا بنتي بلا قرف بقااا.. المهم انا متحبسش.. اما هي مسيرها ف الاخر هتتجوز..

عمو احمد: "بصدمه".. عارف!.. لو كنت اعرف انك بالوحشيه والقذاره دي، مكنتش عمري صاحبتك

بابا: طب ياسيدي متشكرين.. وكمان متشكرين عشان سمحتلنا نقعد عندكوا.. وانا هروح اخد بنتي ونمشي.. وشكرا ع كدا.. تمام!

عمو احمد: لا مش تمام.. وبنتك والله ماهتاخدها يامصطفي.. ووريني هتعمل اي!...

..............

مالك: هاا كنت عايزني ف اي

جاك: عايزك ف حوار كدا..

مالك: اي هو..

جاك: هديلك اسم واحد وعايزك تجيبلي كل المعلومات عنه وعن عيلته.. وتعرفلي كل حاجه عن ماضيه..

مالك: ليه!

جاك: اسمع اللي بقولك عليه.. انا عايز المعلومات دي ف اقرب وقت ممكن.. مفهوم!

مالك: مفهوم.. اعتبره حصل..

جاك: ولو عرفت اي معلومه كدا ولا كدا تعرفني ع طول..

مالك: حاضر.. بس ممكن افهم مين الشخص اللي واكل دماغك كدا..

جاك: لا متشغلش بالك انت.. نفذ بس

مالك: ماشي.. يلا سلام..

جاك: سلام..

............

ف الڤيلا..

نور: انا مش مصدقه ان دا حصل!

سما: ايوا حصل ياست.. وانا حقيقي مصدومه ومش مستوعبه حاجه..

نور: طب وهي هتعمل اي دلوقتي!

فيروز: بطلوا رغي بقاا انتوا الاتنين.. الواحد مش ناقص... اطلعي ياسما شوفي هند.. واساليها جاكي عامله اي

سما: حاضر..

.........

اسلام: مالك يابني سرحان ف اي!

محمد:.....

اسلام: يابني!..

محمد: اي!

اسلام: مالك يعم!

محمد: مليش..

اسلام: امال عينيك حمرا كدا ليه!.. انت كنت بتعيط ولا اي دا؟

محمد: لا مفيش حاجه..

اسلام: طب فك بقاا كدا واتبسط..

محمد: اتبسط اي يعم... بقولك انا ماشي..

اسلام: انت لحقت تقعد!

محمد: لا عايز اروح..

اسلام: استنى طيب عايزك ف حوار..

محمد: اممم

اسلام: منه كلمتني..

محمد: وبعدين!

اسلام: اي اللي وبعدين!.. هتعمل معاها اي!

محمد: ولا حاجه.. انا قولتلها الخلاصة...

اسلام: بس هي بتحبك..

محمد: وانا مبحبهاش..

اسلام: امال كنت معاها لي!.. كنت بتقولها انك بتحبها لي! انت عارف هي حالتها عامله ازاي دلوقتي!

محمد: اولا انا مقولتلهاش اني بحبها.. ثانيا دي صاحبتي مش اكتر.. وانا قولتلها كدا اكتر من مره بس هي مش عايزه تفهم.. اعملها اي يعني!

اسلام: بس دي بتحبك جدا.. دي حاولت تنتحر ع فكره..

محمد: "بعصبيه".. يوووه.. ميهمنيش كل دا.. انا موعدتهاش بحاجه.. هي اللي عملت علاقه من الوهم.. لكن انا عمري ماقولتلها اني بحبها... هي مش عايزه تفهم كدا..

اسلام: طب لي مبقيتوش تتكلموا زي الاول!.. گ صحاب ياسيدي..

محمد: بطلت اكلم بنات..

اسلام:" بضحك".. من امتى دا!!.. دانت اللي معلمني الشقط يابني..

محمد: "بضيق".. ربنا يسامحني بقاا... المهم فهمها اني مش بحبها ولا عمري هحبها.. هي كانت صاحبتي وزي اختي ومازالت كدا..

اسلام: امال قطعت العلاقه بينكوا خالص لي!

محمد: يعم مقطعتش حاجه.. كل الحكايه اني حطيت حدود ف التعامل مع البنات.. يعني لو صاحبتي مثلا احتاجتني ف اي حاجه، هتلاقيني ع طول.. مقدرش اقول لا... واكلمها اتطمن عليها كمان.. لكن نقعد نتكلم كدا ف اي كلام ملوش لازمه لا...يعني بقيت برد ع قد السؤال.. هي بقاا عايزه خروجات ومكالمات ودنيا كدا..

اسلام: هي لو سمعت الكلام دا ممكن تروح فيها..

محمد: مش ذنبي يااسلام.. فهمها ارجوك اني مش مناسب ليها واني شايفها اختي مش اكتر.. لو عايزه تتعامل ع الاساس دا، فانا موافق وهشيلها فوق راسي.. غير كدا لا..

اسلام:"بصله وسكت"......

محمد: بتبصلي كدا لي!

اسلام: اي اللي شقلب حالك كدا!

محمد: يعني اي!

اسلام: يعني انت مكنتش كدا.. كنت بتخرج وتهزر وتصاحب وعايش مروق ع نفسك.. دا غير انك كنت بتشرب.. كل دا راح فين..

محمد: بطلت الكلام دا.. وربنا يسامحني ع اللي عدى..

اسلام: هي الحكايه فيها بنت ولا اي!

محمد: "سرح".......

اسلام: بكلمك انا...

محمد: ها

اسلام: لا دانت ضايع خالص.. مالك ياسطا!.. حبيت جديد ولا اي!

محمد: بقولك اي انت كلت دماغي.. انا ماشي.. سلام

اسلام: سلام..

...........

هند:"بصوت خافت" في اي!

سما: فيروز بتقولك هي عامله اي دلوقتي!

هند: هي لسه نايمه.. بس قوليلها انها بتتنفض وسخنه..

سما: طب انا هطلعهالك..

هند: ماشي... هو بابا رجع!

سما: لا لسه..

هند: ماشي روحي..

.....

"محمد ساب صحابه ومشي "

محمد:"بدموع".. يارب... يارب انا اول مره اتعلق بحد كدا.. انت اللي عارف اني بعد موت امي انا انتهيت.. عارف اني معنديش ذرة امل واحده... وهي جت وعطتني الامل دا... انا عارف اني مقصر ف حقك جامد... بس والله بحاول.. بحاول ابقاا كويس.. ارجوك متحرمنيش منها... انا معرفش بخاف عليها لي ولا بحب وجودها معايا لي.. بس يمكن عشان بتفهمني وبتعرف تخفف عني.. اتوسل اليك يارب.. عدي الموضوع دا ع خير وميحصلهاش حاجه..

..........

فيروز: قالتلك اي!

سما: هي لسه نايمه بس بتقول انها بتتفنض وسخنت..

فيروز: يالهوي.. ومقالتش لي من بدري!

سما: معرفش..

فيروز: طب اوعي كدا خليني اطلعلها..

"فيروز طلعت وجاك رجع"..

فيروز:" بصوت خافت ".. في اي ياهند!.. مالها!

هند: مش عارفه.. جسمها عمال يسخن وبدأت تكح..

فيروز: ومقولتيش لي من بدري الكلام دا!

هند: لا هي كانت كويسه.. بس معرفش اي اللي حصل..

فيروز: طب يلا انزلي هاتيلي كمادات قبل ماتصحى..

هند: حاضر..

......

جاك: ازيكوا يابنات..

سما: اي دا انت رجعت!..

جاك:" بصلها بقرف".. بلاش اسئله غبيه والنبي عشان انا مش ناقص..

نور: طب تعالى احطلك تاكل..

جاك: اكل اي بس.. قوليلي هي عامله اي!

نور: معرفش والله انا مكنتش هنا.. بس هي تقريبا تعبت وفيروز طلعتلها..

جاك: "بخوف".. يعني اي تعبت!

سما: سخنت شويه بس..

جاك: صحت طيب ولا لسه نايمه!

سما: وانت مالك مهتم بيها كدا ليه!

جاك: لا مش مهتم ولا حاجه.. بس هي كانت تعبانه عشان كدا بسال..

ـ وسعولي ياشباب كدا..

نور: هند هي عامله اي دلوقتي!

هند: اسكتي.. دي تعبت جامد

جاك: لي مالها!

هند: جسمها سخن مولع وعماله تكح وبتتنفض..

جاك: طب هي صحت!

هند: لا لسه نايمه.. انا هاخدلها الكمادات دي يمكن تعمل حاجه..

جاك: كمادات اي!.. دي محتاجه دكتور طبعا..

هند: لا لو محتاجه كانت فيروز قالت.. سيبني بقاا اطلع..

"بَص لقى سما بصاله بزعل"

جاك: في اي!

سما: "بضيق".. لا مفيش..

جاك: هو محمد فين..

ـ انا هنا اهوو..

جاك:كنت فين!

محمد: كنت مع صحابي... المهم عملت حاجه ف الحوار دا!

جاك: اه ربك يسهل..

نور: محمد انت عنيك حمرا كدا لي!

محمد: هاا.. لا عادي

سما: اي اللي عادي!.. انت عنيك حمرا فعلا.. انت كنت بتشرب ولا اي!

محمد: بت انتي اتلمي انا مش فايقلك..

جاك: صحيح.. عمي لسه مرجعش!

نور: لسه.. بس تفتكر هيعرف يقنعه!

محمد: "بعصبيه".. حتى لو معرفش.. مش هيعرف يعمل حاجه بردو.. طول ماهي هنا محدش هيقدر يقربلها..

جاك: وانت متعصب لي!..

محمد: انا طالع اوضتي..

سابهم وطلع..

سما: ماله دا!

نور: اكيد زعلان عليها يعني.. الفتره الاخيره علاقتهم كانت حلوه جدا مع بعض واظن هو حبها يعني..

جاك: حبها!!!

نور: زي اخته.. زينا كدا يعني..

جاك: ااه تمام..

...........

فيروز: لا حول ولا قوة الا بالله... ربنا يعينك يابنتي ع اللي انتي فيه..

"فجأه الباب خبط"

فيروز: ادخل..

محمد: احمم.. كنت جاي اتطمن عليها.. هي صحت!

فيروز: لسه.. اقفل الباب وتعالى ومتعملش صوت..

محمد: حاضر.. طب غطي شعرها لو مش متغطي..

فيروز: غطيته.. ادخل.. اي الادب دا!

محمد: "بخوف" هي وشها احمر كدا لي!

فيروز: من السخونه..

"بدات اكح"

محمد: دي بتكح كمان!.. وبعدين هي بتتنفض كدا لي!

فيروز: مش عارفه يابني والله.. والكمادات مش عامله حاجه..

محمد: انا هتصل بالدكتور.. مينفعش كدا..

فيروز: ماشي انا كنت لسه هرن ع جاك عشان ييجي..

محمد: هو تحت اصلا.. بس عايزاه لي!

فيروز: عشان يشوف هنعمل اي!

محمد: طب انا هطلع ارن ع الدكتور..

فيروز: لا تعالى انت اعملها الكمادات دي وانا هخلي جاك يروح يجيبه بالعربيه عشان ميتأخرش وبالمره اجيبلها الاكل...

محمد: هاا.. انا!

فيروز: ايوا انت.. اي هي شغلانه يعني..

محمد: "بتوتر".. لا مش قصدي.. بس..

فيروز: اقعد بس مكاني لحد مااجي احسن تصحى..

محمد: حاضر..

..............

مجهول: طلاما جيت يبقاا عندك اخبار حلوه..

بابا: انا موافق.. ومعنديش مشكله بس

مجهول: بس اي!

بابا: هي مش موافقه..

مجهول: لا هو مش لعب عيال.. وبعدين انا مش فاضي للدلع دا.. شوف هتعمل اي!..

بابا: بحاول معاها وهي معترضه..

مجهول: مش شغلي.. دي بنتك وانت ادرى بالموضوع دا.. وبعدين معاك مُهله اسبوع.. خلال الاسبوع دا يكونوا اتخطبوا... غير كدا انا مش هسؤل..

بابا: اسبوع اي!.. بقولك مش موافقه اصلا.. يعني انا محتاج وقت عشان اخليها توافق..

مجهول: انا قولت اللي عندي.. وانت حر.. شرفت..

.............

فيروز: جاك..

جاك: نعم

فيروز: روح هات الدكتور عشان يشوفها..

جاك: لي هي تعبت اكتر!

فيروز: السخونه مش بتنزل خالص وعماله تكح جامد وبعدين متنساش انها كانت تعبانه من الاول اصلا..

جاك: طب انا رايح اجيبه ع طول.. مسافة السكه..

سابهم ومشي..

هند: طب احنا لازم نكلم بابا ونعرفه..

فيروز: لا سيبي ابوكي.. يمكن يعرف يعمل حاجه معاه..

نور: طب هو لي مصمم يافيزو.. طلاما نقدر ندفع الفلوس..

فيروز: معرفش.. دا مش انسان اصلا.. دا حجر يابنتي..

نور: ع فكره لو قعدتوا معاه وفهمتوه بالراحه كدا، هيقتنع..

سما: اسكتي بالله عليكي انتي مشوفتيش كان عامل ازاي

هنا... والكل كان بيحاول معاه وهو مش سامع من حد..

نور: طب هو كدا ممكن ياخدها!

فيروز: لا طبعا مش هسيبهاله.. هي سايبه ولا اي.. وبعدين بيقولك دا مسجل خطر وواد بلطجي.. ازاي فكر اصلا ف حاجه زي دي!..

..............

كنت بتكلم وانا نايمه...

جاكي: ماما..

محمد: جاكي!.. انتي كويسه!

جاكي: ب بابا لا.. قوله..

محمد:......

جاكي: ماما وحشتيني..

محمد:....

جاكي: كنت عارفه انك هتيجي ومش ههون عليكي..

محمد:.....

جاكي:خليكي معايا..

محمد: جاكي انتي كويسه!

"فوقت ع صوته وفتحت عيني"

جاكي:"بعدم وعي" لقيت ماما!!.

محمد: احم.. بندور عليها.. ارتاحي انتي بس..

بدات دموعي تنزل لوحدها..

جاكي: هتيجي!

محمد: هتيجي.. بطلي عياط انتي بقاا عشان متتعبيش اكتر من كدا..

جاكي: بابا فين!

محمد: جاي ياحبيبتي.. جاي..

جاكي: "بعياط".. قوله اني موافقه.. موافقه اتجوز.. بس يجيبلي ماما..

محمد: اهدي بس.. مفيش جواز.. ومامتك هتيجي..

جاكي: عايزه اشرب...

محمد: ااه حاضر.. ثواني واجيبلك مايه.. جاي حالا

"نزل بسرعه جدا وانا غمضت عيني واستسلمت للعياط"

.........

سما: بتجري كدا لي!

محمد: هجيب مايه..

نور: وهو اللي يجيب مايه يجري كدا!

محمد: ماتبطلوا رغي بقاا

فيروز: سيبتها ونزلت لي!

محمد: جبتلها مايه وطالع اهوو

"سابهم وطلع وجاك وصل بالدكتور.."

.......

"قعد جنبي ع الارض وكلمني"

محمد: جاكي.. جاكي

جاكي: اممم

محمد: قومي اشربي..

جاكي: هاا

محمد: كنتي عايزه مايه.. جبتها اهي..

"كنت حاسه ان دماغي تقيله ومش قادره اتحرك"

محمد:"بتوتر".. اساعدك طيب!

"مد ايده وقومني وقعد جنبي وبدا يشربني"

ـ انت بتعمل اي هنا!