القائمة الرئيسية

الصفحات

رواية قلبي ليس بيدي الفصل الخامس 5 بقلم حسناء مصطفي

 رواية قلبي ليس بيدي الفصل الخامس 5 بقلم حسناء مصطفي

رواية قلبي ليس بيدي الفصل الخامس 5 بقلم حسناء مصطفي

رواية قلبي ليس بيدي الفصل الخامس 5 بقلم حسناء مصطفي

راك بين النجوم قمراً لي ♪
┋ⁱ ˢᵉᵉ ʸᵒᵘ ᵃᵐᵒⁿᵍ ᵗʰᵉ ˢᵗᵃʳˢ ᵃˢ ᵃ ᵐᵒᵒⁿ ᵗᵒ ᵐᵉ
🎶
"
🦋🖤
جاك: "بعصبيه" وانتي اي اللي جابك هنا اصلا.. ااه مانتي تلاقيكي انتي اللي جايباه وراكي والموضوع ع هواكي.
جاكي: اخرس ياحيوان.. "ضربته بالقلم وسيبته ومشيت وكانت سما طلعت وقتها"
فضلت اجري وانا بعيط لحد ماوصلت بره المول.. وقفت ع جنب ومسحت دموعي..
ـ جاكى.. جاكي..
بصيت لقيت محمد..
محمد: مالك في اي!..
جاكي: محمد روّحني لو سمحت..
محمد: اي اللي حصل طيب فهميني! بتعيطي ليه!..
جاكي: محصلش حاجه.. انا عايزه امشي..
محمد: حد ضايقك طيب!
جاكي: قولتلك لا.. ممكن تمشيني من هنا!..
محمد: حاضر حاضر بس اهدي.. تعالي
"ركبني العربيه وسابني ومشي..
شويه ورجع ومعاه مايه.. "
محمد: اتفضلي اشربي..
تحبي اجيبلك حاجه تانيه..
جاكي: لا شكرا..
محمد: قوليلي بقاا اي اللي حصل!..
ـ انتي هنا وانا بدور عليكي..
جاكي:"بعصبيه" انت متتكلمش معايا خالص، انت فاهم..
جاك:ممكن تهدي شويه..
جاكي:........
جاك: ممكن اتكلم معاكي دقيقتين طيب!..
جاكي: لا مش ممكن.. ولو سمحت ملكش دعوه بيا خالص.. اصلا انا همشي النهارده ومش هتشوف وشي تاني..
محمد: تمشي فين!.. وبعدين هو اي اللي حصل!
جاك: مش مستاهله كل دا.. انا مكنتش اقصد..
جاكي: مكنتش تقصد!.. دا بجد!.. انت عارف انت قولتلي اي!.. اي البجاحه اللي انت فيها دي..
جاك: بجاحه كمان!.. طب ياستي انا اسف.. كان المفروض اسيبه يضايقك..
جاكي: بيضايقني ازاي بقاا وانا اللي جايباه ورايا..
جاك: انا اسف.. مكنتش اقصد.. انا بس كنت متعصب و..
جاكي: ع نفسك.. تتعصب ع نفسك مش عليا.. انت عارف معنى اللي انت قولته دا اي!..
جاك: عارف.. وعشان كدا جاي اعتذرلك..
جاكي: اعتذارك مش مقبول.. وانت اتفضل روّحني ولّا اخد تاكسي واروح لوحدي!..
محمد: حاضر حاضر بس اهدي شويه معلش.. وانت ياجاك روح شوف البنات..
جاك: طيب ممكن دقيقتين بس.. دقيقتين بس ومش عايز حاجه تاني.. معلش..
جاكي:.........
جاك: لو سمحتي..
"نزلت من العربيه ومشيت معاه ع جنب"
جاك: وانت يامحمد لو سمحت روح شوف البنات..
........
هند: محمد كويس انك جيت.. هو في اي وفين جاكي!
محمد: جاكي مع جاك بره.. بس معرفش في اي..
سما: هي راحت معايا الحمام ولما طلعت لقيتها واقفه مع جاك وسابته ومشت ع طول... حتى هو كمان سابني وجري وراها..
محمد: تقريبا شادين مع بعض..
نور: طب انت سيبتهم لوحدهم لي!..
محمد: جاك بيصالحها وقالي اجي اشوفكم..
هند: طب يلا نروحلهم..
............
جاك: ممكن تسمعيني!
جاكي: نعم!..
جاك: ممكن تهدي بقاا وتوطي صوتك دا عشان الناس بتتفرج علينا!...
بصي.. انا اسف.. انا اسف جدا.. عارف اني تماديت جدا معاكي.. بس والله العظيم الكلام طلع بسبب العصبيه مش اكتر.. انا عارف انك محترمه وملكيش ف كدا.. ومقصدش اي حاجه تمِس شرفك.. وانا حقيقي اسف..
"دموعي نزلت ومقدرتش امسك نفسي"
جاك: طب انا اسف والله.. طب خدي طيب امسحي دموعك.. طب قوليلي اعملك اي عشان تسامحيني!..
جاكي: خلاص..
جاك: لا مش خلاص.. شوفي انتي عايزه اي وانا هعمله.. انا بس كنت متعصب لما لقيتك بتدافعي عنه.. فقولت كلام ملوش لازمه..
جاكي: خلاص طيب..
جاك: يعني مش زعلانه!..
جاكي: لا..
جاك: بُصيلي كدا..
جاكي: ماقولت خلاص..
جاك: بالراحه طيب..
جاك: طب تحبي اصالحك بإي!.
جاكي: ولا حاجه..
جاك: طب مش هتفكي وشك دا..
جاكي: ملكش دعوه..
جاك: والله اصوت والم عليكي الناس واقول بتتحرش بيا..
"ابتسمت وانا باصه ف الارض"..
جاك: ايوا كدا ياشيخه اخيرا... يعني كدا خلاص سامحتيني!..
جاكي: ماشي..
جاك: يعني مش هتمشي!..
جاكي:.....
جاك: لو سمحتي.. بلاش ندخّل الكبار ف الموضوع دا.. مفيش داعي انك تمشي..
ولو مش حابه تشوفيني انا ممكن ارجع من مكان ماجيت..
جاكي: لا طبعا دا بيتك... "اتنهدت".. المهم خلاص اقفل الموضوع دا..
جاك: يعني مش هتمشي!
جاكي: لا..
جاك: طب لسه زعلانه!
جاكي: قولت لا..
جاك: مش عارف انتي عصبيه كدا ليه.. مش كفايه القلم اللي خدته جواا.. كمان بتزعقيلي!
جاكي: تستاهله.. انا اصلا معرفش لي مفتحتش دماغك بحاجه..
جاك: نعم ياختي!.. كمان!..
جاكي: ايون..
جاك: طب خلاص بقاا.. صافي يالبن..
جاكي:........
جاك: صافي يالبببببن!
جاكي: "بابتسامه".. حليب ياقشطه..
جاك: طلعتي ميتين اهلي معاكي.. كل دا عشان اصالحك يعني!..
جاكي: ايوووون.. عشان انت غلطان..
جاك: بس ممكن اعرف كنتوا بتعملوا اي هناك!
جاكي: سما كانت عايزه تروح الحمام فروحت معاها..
جاك: ااه عشان كدا..
جاكي: ايواا.. يعني مش انا اللي جايباه ورايا..
جاك: خلاص بقاا قلبك ابيض..
"لقيت البنات جايين بسرعه ومعاهم محمد"...
هند: جاكي.. في اي.. اي اللي حصل!..
نور: مانتوا بتضحكوا اهو امال في اي!
جاكي: لا مفيش..
محمد: اي اللي مفيش!.. انتي مش كنتي بتعيطي من
شويه!..
جاكي: خلاص يامحمد حصل خير..
محمد: بس انا عايز اعرف اي اللي حصل!..
جاك: اللي حصل ان انا اتعصبت عليها جوه وهي زعلت ودلوقتي صالحتها وخلص الحوار..
محمد: وانت تتعصب عليها لي!
جاكي: خلاص يامحمد حصل حوار كدا وخلص..
هند: يعني خلاص اتصافيتوا!..
جاكي: ايوا..
هند: طب يلا نكمل باقي الحاجات عشان نمشي..
جاكي: ماشي يلا..
"كملنا وشرينا كل حاجه"
محمد: خلصتوا!
نور: ايوا.. يلا نحاسب..
"مشيت انا ومحمد قدام"
كنا بنحاسب وبطلع الفلوس..
محمد: انتي بتعملي اي!..
جاكي: بدفع..
محمد: دا اللي هو ازاي يعني!.. دخلي فلوسك..
جاكي: نعم.. لي ان شاء الله!..
محمد: انا هدفع..
جاكي: لا طبعا.. تدفع بامارة اي!
محمد: هو انتي ماشيه مع سوسن.. يعني اي انتي تدفعي!..
جاكي: يعم ملكش دعوه.. انا هدفع لنفسي..
هند: اي في اي.. صوتكوا عالي لي!
محمد: شوفي الاستاذه عايزه هي اللي تحاسب...
هند: لي ياجاكي!..
جاكي: اي اللي لي!.. شريت حاجات وبدفع تمنها.. فين المشكله!
محمد: قولتلك انا هدفع..
جاكي: وانا قولت لا..
جاك: بس انتوا الاتنين.. خلاص انا هدفع كل الحساب..
جاكي: لو سمحت ادفع ليهم.. انا لا.. انا هدفع لنفسي..
جاك: هو عِند وخلاص!..
جاكي: ايواا عِند وخلاص..
هند: خلاص ياجاكي خليهم يدفعوا.. اي المشكله!
جاكي: لا طبعا ياهند.. انا جايبه حاجات كتير وغاليه كمان مينفعش يدفع كل دا..
نور: خلاص ياجاكي بقاا.. عدي الموضوع.. فعلا مينفعش تدفعي وهما موجودين..
جاكي: لا بردو..
"لفيت عشان ادفع لقيت جاك بياخد الفيزا من الراجل"
جاكي: انت بتعمل اي!..
جاك: دفعت...
يلا ياشباب عشان نمشي..
جاكي: استنى يعم انت.. مين قالك ادفعلي!
جاك: اهو اللي حصل.. امشي بقاا الناس بتتفرج علينا..
"مشينا وروحنا عند العربيه ولقيت جاك ميل ع هند وبيكلمها ف ودنها.. اكيد بيتكلم عليا المهزء دا"
هند: يلا ياجاكي اركبي انتي ونور مع جاك..
جاكي: لا انا هركب مع محمد
"بصلي وابتسم"
جاك: ليه هو انا هعُضك!..
جاكي: هو اي حوار العَض معاكوا!.. وبعدين صح انا نسيت.. فيروز كانت عايزه طلبات للبيت..
جاك: "رفع حاجبه".. لي وانتي مش جبتي امبارح انتي ومحمد!
جاكي: هي عايزه طلبات تاني.. اقولها لا يعني!
سما: استنوا استنوا.. هو انتي خرجتي انتي ومحمد امتى!
بصيت لمحمد...
جاك: خرجوا امبارح بعد العصر كدا..
محمد: مش موضوعنا دلوقتي.. المهم انا هروح انا وجاكي نجيب باقي الحاجات وانتوا روحوا..
هند: لا احنا مش هنروح.. احنا هنروح نقعد ف اي مكان ع البحر كدا...
محمد: خلاص شوفوا هتروحوا فين ولما نخلص هرن عليكوا...
جاك: ماشي.. متأخروش..
محمد: ماشي.. يلا
... ركبنا ومشينا...
.......
ف الڤيلا..
عمو احمد: الولاد لسه مرجعوش يافيروز!
فيروز: لسه
بابا: هما اخروا كدا ليه!..
فيروز: زمانهم جايين ف الطريق وبعدين متقلقوش يعني لسه بدري..
بابا: طيب انا هرن عليهم عشان اتطمن..
....
بابا رن عليا..
جاكي: الو يابابا..
بابا: اي يابنتي اخرتوا كدا ليه!..
جاكي: اصل احنا جبنا حاجات كتير وكدا..
بابا: قدامكوا كتير يعني!..
جاكي: مش عارفه احنا لسه بنجيب طلبات البيت..
هخلص وهرن ع حضرتك..
بابا: ماشي بس متأخروش..
جاكي حاضر.. سلام
بابا: سلام..
............
محمد: اخيرا بقينا لوحدنا..
جاكي: نعم!.. لا بقولك اي لو فكرت تخطفني هصوت والم عليك الناس انا بقولك اهو..
محمد: ياريت اخطفك والله.. اهو نرتاح من الاشكال اللي معانا دي..
جاكي: مالك مقروف منهم كدا لي!..
محمد: لا انا زهقان منهم بس.. بس قوليلي..
جاكي: اي
محمد: اتخانقتي لي انتي وجاك
جاكي: قولتلك خلاص يامحمد اقفل الموضوع..
محمد: انتي مشوفتيش نفسك كنتي بتعيطي ازاي!
جاكي: حصل خير..
اه صحيح.. اتفضل
محمد: اي دا!
جاكي: بص انا كنت بدور ع شوية حاجات كدا.. ولقيت دا.. وبصراحه حسيت انها هتبقى حلوه عليك..
محمد: "بفرحه" بجد!.. يعني دا ليا!..
جاكي: ايون..
محمد: بس اي دا!
جاكي: افتحها..
خد مني العلبه وفتحها..
محمد: انتي بتهزري صح!..
جاكي: لا مش بهزر.. عجبتك!..
محمد: دي تحفه.. انا هشيل الساعه دي ف عنيا ع فكره.. يعني مش هلبسها غير ف الحاجات المهمه.. وممكن ملبسهاش كمان وافضل شايلها كدا واحطها قدامي وافضل اتفرج عليها...
جاكي: لي كل دا؟
محمد: هاا... اا لا يعني اصلها هتبقى غاليه عليا وكدا وخاصة ان دي اول حاجه تجيبيهالي... دايما انا اللي بجيب
جاكي: ذلنا بقاا ياعم عشان علبة نوتيلا..
محمد: لا متنسيش الحاجات اللي جبتها لما كنا مع البنات ياقموره..
جاكي: تصدق انا غلطانه اني خدت منك حاجه.. وبعدين اي المشكله لما تجيب يعني.. مانت الراجل
محمد: ياست انا لو عليا اجيبلك الدنيا كلها بس انتي ارضي..
جاكي: هاا..
محمد: اي..
جاكي: هو احنا قدامنا كتير..
محمد: لا وصلنا اهو..
"نزلنا اشترينا حاجات كتييير جدا وخضار وفواكه ودنيا كدا حضرتك"
محمد: بقولك اي انا تعبت.. كفايه كدا
جاكي: كفايه اي يعم دا لسه بدري قووي..
محمد: طب يلا عشان جضيت..
جاكي:"بتناحه".. الله فراوله...
محمد:"بابتسامة".. بتحبي الفراوله!
جاكي: هاا.. لا لا تعالى نكمل باقي الحاجات..
محمد: طب هاتي فراوله بما انك بتحبيها..
جاكي: لا لا مش عايزه.. يلا بس عشان منتأخرش عليهم..
محمد: "بصلي باستغراب".. ماشي
" روحت اشتري باقي الحاجات وهو قعد يلف معرفش فين.. خلصت ورنيت عليه..
جاكي: ولااااا انت فين!.
محمد: اي دا لحقت اوحشك!..
جاكي: لا يقمر موحشتنيش ولا حاجه.. واخلص بقاا عشان انا تعبت وعايزه امشي..
محمد: ماشي جاي..
"قفل وشويه وجه"..
محمد: خلصتي!..
جاكي: ايوا.. انت كنت فين!.. واي اللي معاك دا!
محمد: كنت بشتري شوية حاجات ليا.. في مانع!
جاكي: لا يعم مفيش.. بس يلا نحاسب ونمشي عشان دايخه..
محمد: في حاجه!.
جاكي: لا مفيش بس يلا..
روحنا نحاسب... وكنت بطلع الفلوس..
محمد: بتعملي اي!.. انتي مبتحرميش!
جاكي: اي هدفع.. امال هناخد الحاجات ببلاش!..
محمد: هو انتي ليه شايفاني سوسن!
جاكي: "بضحك" طب تصدق لايق عليك..
محمد: "رفع حاجبه".. اتلمي..
جاكي: ااا اي!!.... قول تاني كدا!!!
محمد: لا مش قصدي اهدي.. انتي هتشرشحيلي ولا اي!!
جاكي: طب اتلم انت بقاا عشان ملمش عليك الناس.. والمره دي مش هقول انك ابن عمي..
محمد: لا خلاص وعلى اي!.. بس دخلي فلوسك وبطلي هبل..
طلع الفيزا ودفع...
" دا اي العيله اللي مش بتمشي غير بفيزا دي!.. طب راعوا شعورنا شويه يجدعان.. "
خلصنا وروحنا العربيه وروحت احط الحاجات ف شنطة العربيه ورجعت..
جاكي: يلا!..
محمد: يلا..
"محمد رن عليهم عشان يعرف مكانهم وطلع ع هناك"
هند: اخيرا جيتوا.. اخرتوا كدا ليه!
محمد: جابت حاجات تكفينا سنتين لقدام.. معرفش اي كل دا..
جاكي: وانا مالي ياوجه البرص انت.. هو انا اللي كنت كتبت الحاجات دي..
نور: ايه!.. وجه ايه!..
سما: "بضحك"... طب والله شبهه فعلا..
هند: "بضحك" بُصلي كدا يامحمد.. اه صح فيهم من بعض..
محمد كان واقف وحاطط ايده ف وسطه..
محمد: "بغضب" عاجبك كدا!
جاك: مغلطتش ع فكره.. انت فعلا وجه برص..
محمد: انا عديت مره وقولت مش هعملك حاجه عشان الناس.. بس دلوقتي وعهد الله ماهسيبك...
"طلع يجري ورايا تاني المهزء دا.. وانا اصوت واجري زي البطه البلدي والبنات بيضحكوا"
محمد: وعهد الله ماهسيبك ياجاكي..
جاكي: اعااااا.. لا خلاص والله..
يعم خلاص بقاا حقك عليا...
"وقفت ورا شجره وفضلنا نلف حواليها"
محمد: هيفضلوا يحفلوا عليا كدا بسببك.. انا اصلا غلطان اني بتكلم معاكي..
جاكي: يعم انا مالي.. هو الكلام بيطلع لوحده... وبعدين مانت وجه برص فعلا انا ماااالي اناااا..
محمد: طب تعالي بقااااا...
"فضلنا نجري تاني لحد مالقيت راجل كبير واستخبيت وراه"
جاكي: عمو عمو.. الواد دا عمال يجري ورايا وعايز يضربني..
عمو: ليه يابني كدا.. دي مهما كانت بنت.. عيب تمد ايدك ع بنت..
جاكي: لا دا كل يوم يضربني كدا ياعمو ويبهدلني ف الشارع..
محمد: "بذهول".. اناااا؟؟
جاكي: شوفت ياعمو بيبصلي ازاي!..
عمو: تعالي يابني عايزك ف كلمتين..
خدوا ع جنب يديلوا نصايح وانا طلعت اجري عند البنات..
عمو: عيب يابني كدا.. انت باين عليك ابن ناس ومتربي.. عيب لما تمد ايدك ع بنت.. خدها ع قد عقلها.. مفيش حاجه بتتحل بالضرب يابني. وبعدين الرجوله عمرها ماكانت بالدراع...
محمد:" بصدمه".. حاضر.. حاضر ياعمو.. طب انا همشي بقاا عشان اروح اصالحها..
عمو: اوعدني انك مش هتمد ايدك عليها...
محمد: ياعمي والله انا.... "اتنهد" ماشي.. اوعدك.. بعد اذنك..
..........
هند: اهي الهبله جت اهي.. امال فين محمد!..
جاكي: واقف مع راجل كبير كدا هناك..
هند: ليه..
جاكي: "بضحك" بيديله نصايح..
سما: مش هتبطلوا هبل بقااا!.. الناس كلها بتتفرج عليكوا..
جاكي: وانا مالي ياختي ماتقولي لاخوكي الاهبل داا..
نور: "بضحك" جدعه يابت متسكتلوش.. بس انا مش فاهمه بيديله نصايح لي!
ـ عشان بضربها كل يوم...
لفيت لقيت محمد جاي جري... طلعت اجري ورا العربيه..
جاكي: اعااا... ما خلاص ياوجه البرص انت..
محمد: بقا انا بضربك كل يوم!!!!!.. انااااا؟؟..
جاكي: "بضحك" مكنش قدامي حل تاني..
محمد: المره اللي فاتت كنتي هتوديني القسم.. والمره دي باخد نصايح ف الرجوله... دانا هعمل منك بطاطس...
"طلعت اجري واستخبيت ورا جااك.."
جاك: خلاص خلاص يامحمد كفايه كدا..
محمد: اي اللي كفايه ياعم والله ماهحلها انت مش فاهم حاجه..
جاكي: لا خلاص والنبي.. مش هعمل حاجه تاني..
جاك: "بضيق" خلاص بقاا بطلوا لعب عيال انتوا الاتنين الناس بتتفرج علينا...
"محمد وقف وهو بينهج.."
جاك: عيب كدا انتوا مش صغيرين.. ويلا عشان نمشي..
محمد: وانت مالك متضايق لي!..
جاك: مش مضايق.. وانا هتضايق لي!..
هند: خلاص خلاص.. تعالوا اقعدوا بقاا شويه ف الهوا دا قبل مانروح..
قعدنا ومحمد جه قعد جنبي..
محمد: هتندمي بجد..
جاكي: بس عشان الواد اللي هناك دا شكله مش طايقنا..
محمد: لا هو بس خلقه ضيق حبتين..بعد اذنك هعمل حاجه واجي..
"سابني وراح العربيه وشويه ورجع"..
نور: يلا بقا ياشباب عشان احنا اتأخرنا جامد والليل هيدخل علينا..
جاك: ايوا يلا..
قمنا وروحنا عشان نركب..
هند: جاكي تعالي انتي اركبي هنا..
جاكي: اشمعنى!..
هند: اصل انا عايزه محمد ف حاجه.. فتعالي انتي هنا وانا هركب مكانك..
جاكي: ماشي تمام..
"ركبت وبصيت لقيت نور نزلت وجاك طلع ع طول"
جاكي: اي دا هي نزلت لي!..
جاك: متشغليش بالك انتي..
.....
محمد: نزلتي لي يانور..
نور: جاك اللي قالي اول ماجاكي تركب انتي انزلي ع طول..
محمد: ودا ليه بقااا؟
هند: عايز يصالحها عشان ميروحهاش متضايقه..
محمد: بس هي مش متضايقه..
هند: اهو يبقاا عمل اللي عليه وخلاص.. ويلا بقاا خلينا نمشي..
ركبوا وطلعوا ورانا..
......
جاك: هو انتي لسه زعلانه مني!..
جاكي: انت بتكلمني انا؟
جاك: هو في غيرك!
جاكي: لا مش زعلانه..
جاك: بصي انا مش حابب اللي حصل دا حد ف البيت يعرفه عشان باباكي ميتضايقش.. فانا اسف بجد وعايز اعرف ممكن اعمل اي عشان تنسي اللي حصل..
جاكي: ااه.. لا متقلقش مش هقول لحد حاجه.. وقولتلك خلاص مش متضايقه.. حصل خير..
جاك: طيب انا اسف كمان ع اللي حصل الصبح..
جاكي: اي اللي حصل الصبح!
جاك: لما اتضايقتي واحنا ف المطبخ..
جاكي: ااه... لا خلاص مفيش حاجه..
جاك: انا مكنتش اقصد اكلمك بقرف ولا حاجه.. ولا
متضايق عشان انتي قاعده ف اوضتي..
جاكي: حصل خير..
جاك: يعن.....
جاكي: هو انت ممكن تبطل رغي عشان انا مصدعه
ودايخه..
جاك: في اي.. انتي كويسه!
جاكي: كويسه بس كفايه كلام لو سمحت..
جاك: حاضر..
فضلنا ساكتين لحد ماروحنا..
جاك: وصلنا..
نزل من العربيه وانا نزلت وراه وروحت انزل الطلبات معاهم...
فجأه دوخت وكنت هقع فمسكت ف اللي جنبي..
جاك: حاسبي.. انتي كويسه!
" كنت حاسه اني هيغمى عليا.."
جاك: طب تعالي اقعدي..
فتحلي باب العربيه وقعدني..
جاك: هند هاتي مايه بسرعه..
هند: لي في اي!
جاك: جاكي شكلها تعبانه وهيغمي عليها.. يلا بسرعه..
"بعدين محستش بحاجه غير لما فوقت وعرفت وقتها اني اغمى عليا.. فتحت عيني لقيتهم كلهم قدامي وجاك بيفوقني.."
جاك: اخيرا فوقتي..
"وانا بمسك راسي من الصداع"
جاكي: هو اي اللي حصل!
نور: اغمي عليكي وبقالنا كتير بنفوق فيكي..
فيروز:. انتي كويسه دلوقتي يابنتي!
جاكي: اه اه انا تمام..
فيروز: طب تعالي جواا.. سندوها يابنات..
جاكي: لا لا انا كويسه.. هدخل لوحدي
دخلنا..
جاكي: بعد اذنكم..
فيروز: تعالي يابنتي لما نشوف فيكي اي عشان نروح للدكتور..
جاكي: لا لا مش مستاهله.. انا كويسه..
جاك: بطلي عناد.. انتي باين عليكي انك تعبانه..
جاكي: لا مش تعبانه.. انا كويسه.. عن اذنكم..
سيبتهم وطلعت.. واخيرا وصلت اوضتي.. اترميت ع السرير وكنت حاسه ان الاوضه بتلف بيا.. قاومت وقومت اغير هدومي.. فكيت الطرحه وقلعت الكوتشي وبعدين محستش بحاجه..
.......
جاك: مينفعش تسيبوها كدا.. لازم تجيبوا دكتور..
هند: بس هي اول مره يحصل معاها كدا..
فيروز: من قلة الاكل.. انتوا مش بتشوفوا اكلها عامل ازاي..
محمد: طب احنا المفروض نعرّف عمي وهو اللي
هيقنعها..
فيروز: عمك زمانه جاي.. وعلى ماييجي اكون عملتلها حاجه تاكلها.. وانتي يانور اطلعي اتطمني عليها..
نور: حاضر..
نور طلعت وخبطت.. محدش بيفتح.. فتحت الباب ودخلت...
نور:"بصوت عالي" جاااااك.... جاااااك......
يتبع..
لقراءة الفصل السادس : اضغط هنا
لقراءة جميع فصول الرواية : اضغط هنا
هل اعجبك الموضوع :

تعليقات