القائمة الرئيسية

الصفحات

رواية أحببتها صعيدية الفصل الثامن 8 نور الدين جلال

رواية أحببتها صعيدية الفصل الثامن 8 نور الدين جلال
رواية أحببتها صعيدية الفصل الثامن 8 نور الدين جلال

رواية أحببتها صعيدية الفصل الثامن 8 نور الدين جلال

* في بيت علي حدود البلد تليفون معتز رن * يرجي مراجعة الفصل السادس لتذكرة *
معتز :: الو ايوة يا عباس
عباس :: ايوة يا معتز بية
معتز :: طمني في جديد ؟
عباس :: البنت اللي قلتلي اتابع خط سيرها كل يوم من شوية حصل ضرب نار عند العيادة اللي بتشتغل فيها
معتز قام وقف :: ازاي دة حصل طب وهي حصلها اية ؟
عباس :: مش هي اللي اتضربت دة الدكتور اللي شغالة معاة
معتز :: ودة حصل ازاي خناقة مع حد من البلد ؟؟
عباس :: لا يا بية دي شكلة عيار طايش او مقصود بية دة اتضرب اول ما خرج من العيادة بتاعتة
معتز :: عايزك تفضل موجود مكانك تبلغني اي جديد اول باول وانا جاي دلوقتي بنفسي

.....................ڤيلا الحاج نعمان ..............
* تليفون البيت بيرن من ٥ دقايق ومحدش فاضي يرد
ندهت زينب مرات عصام علي اشواق ترد علي التليفون علشان هي ف المطبخ ومش فاضية واشواق نزلت ترد *
اشواق :: الوو اييي كل دية ما بكفايا ياللي عن
نعمة :: الحجيني يا اشواج احمد بيموت
اشواق :: انتي بتجولي ايي حصل ايي
نعمة :: احمد اطخ بالنار الحجيني يا اشواج وتعالي انا معرفاش حاچة واصل
*اشواق سابت التليفون وخرجت جري علي العيادة
ومجرد ما وصلت ل نص الطريقاللي بيودي للعيادة عربية وقفت جمبها طيب بصت لقيت معتز *
معتز :: اركبي يا انسة انا رايح ناحية العيادة وانتي اكيد رايحة انا عرفت أن حصل ضرب نار هناك
اشواق وقفت مش عارفة تقرر وملقيتش حل غير انها تركب معاة :: جوام والنبي اطلع علي هناكا جوام لازم نروح ل احمد .
معتز :: اهدي متقلقيش باذن الله خير ولو في حاجة هنطلع بالعربية علي المستشفي العام .
* اشواق بتعيط ومنهارة وعمالة تدعي ربنا ينجي احمد لحد ما وصلو قدام العيادة *

................... المحل الرئيسي للحاج نعمان ..............

الحاج نعمان بيتكلم مع عصام ابنة

عصام :: وبعدهالك يابا الشيطان اللي اسمة كرم شوكتة بتجوي يوم عن يوم واحنا ساكتين ومجدرينش نعمل حاجة
الحاج نعمان :: اصبر يا عصام جريب كل حاجة هتبان والشيطان دة هيتسلسل من رجبتة
عصام :: انتي في حاجة مخبيها عليا يابا دة انا سترك وغطاك
الحاج نعمان :: كلة ف وجتة زين اصبر انتي بس وما تعملش حاجة من دماغك واصل
* تليفون الحاج نعمان رن *
الحاج نعمان :: الو كيفك يا داكتور وچدي ؟
الدكتور وجدي :: الحق يا حاج نعمان احمد اتصاب برصاصة ف صدرة وانا هنا معرفش اي مكان او ارقام المستشفي العام
الحاج نعمان :: انت بتجول ايي احمد ابن اخوي حد طخو بالنار
الدكتور وجدي :: انا معرفش اي حاجة انا كنت ف الدور بتاعي وسمعت ضرب النار ببص من الشباك لقيت احمد واقع علي الارض وغرقان ف دمة نزلت ودخلتة العيادة انا والممرضة ونعمة ومحدش فينا بيعرف يسوق علشان ننقلة اي مكان
الحاج نعمان :: أنا جايلك حالا انا وعصام
*الحاج قفل المكالمة ومكنش محتاج يشرح ل عصام اللي سمع كل حاجة وارحو جري ركبو العربية بتاعتهم علشان يروحو يلحقو احمد *

........................ في العيادة ...............
* هجر جريت علي احمد هي ونعمة وطبعا نعمة فضلت تصرخ والدكتور وجدي نزل ف خلال ثواني معاهم
هجر :: ايدك معايا يا داكتور ندخلة العيادة
وجدي :: غلط ماينفعش نحركة من مكانة دة في خطورة علي حياتة .
هجر :: اللي طخة لو جاصد يجتلة مش هيمشي الا لما يطمن انة اتجتل وكدي ممكن يضرب نار تاني لو لجأ انة لسة فية الروح
وجدي بقلق :: انتي بتقولي اية طب يلا بسرعة ندخلة
* شالوة ودخلوة بسرعة العيادة *
هجر :: امسك اي حاجة تجيلة وتعور و اجف ورا الباب دية متضمنش اية اللي ممكن يحصل
* وجدي بقا واقف محتار يسعف احمد ولا يأمن الباب فجاة لقا هجر بتجري تجيب شاش وفتحت قميص احمد وبدأت تسد الجرح
وجدي :: غلط كدة ماينفعش اقولي الجرح كلة كدة الدم هيملا الرئتين
هجر :: انا عارفة بعمل ايي يا داكتور
وجدي :: انا دكتور وعارف كويس انا بقول اية
* هجر سدت الجرح من ٣ جهات وسابت حتة من غير ضغط الدم بيتسرب منها ببطئ ومسكت احمد عدلتة علي جنبة علي الارض بحيث ان ناحية صدرة المصابة من تحت والسليمة من فوق وحط راسة علي فخذها ورفعت فخذها مسافة صباع عن الارض وصرخت ف الدكتور وجدي *
هجر :: بسرعة انا عملتلة اسعافات اولييية حضر اوضة العمليات بسرعة باين ان في نزيف داخلي وشاورت علي جزء وردي ف جلد احمد .
وجدي :: انا دكتور تخدير مقدرش اعمل عمليه زي دي
هجر :: محدش جالك اعمل حاچة يا داكتور يلا بسرعة جهز اوضة العمليات وانا هخرج الرصاصة
وجدي :: انتي اتجننتي انا مش هسيبك تعملي حاجة زي كدة .
هجر :: واللي خلج الخلج كلمة تاني ومهخليك تشوف السمس تاني وانتي يا نعمة سيبي التلفون دة محدش هيلحجنا چهزو اوضة العمليات دلوك .
* وجدي ونعمة راحو عملو كدة ورجعو شالو احمد كلهم ونقلوة اوضة العمليات وهجر بسرعة راحت دخلت تعقم نفسها وطلبت من الدكتور وجدي يتعقم علشان يساعدها ومفيش دقيقة وكانت بدات تتعامل مع احمد اللي مش حاسس بالدنيا بدات بفتح الجرح وإخراج الرصاصة *
وجدي :: اظن كدة كفايا لازم نستني الحاج نعمان جاي وهنقلة المستشفي العام
هجر :: دة خسر دم كتييير 1-1.5 لتر من دمة في تصريف الأنبوب الصدري وتحتمال يكون فيية إصابات داخلية ف الانسجة ولازم تدخل چراحي حالا مهسيبهوش كدي
* وجدي مش مصدق كلامها لانة مش مقتنع انة فاهمة بتعمل اية وفكرها بتقول اي كلام وخلاص ف حاول يمنعها راحت ضربتة بالرجل وشاورت بالمشرط اللي ف أيدها *
هجر :: انا جلتلك مهخليكش تشوف السمس تاني مالكش صالح باللي بعملة واجف ساكت والا جسما عظما ما هيحصل طيب .
* وجدي خاف من وقرر يمسع كلامها لانة مقدموش غير كدة ومستحيل يسبها مع احمد ويخرج **

ف الوقت دة نعمة برة الاوضة منهارة من القلق والعياط ولقيت اشواق ومعتز داخلين عليها واشوف بتعيط وبتسالها احمد فين نعمة قالت لها انة جوة والممرضة والدكتور وجدي معاة بيعملولو عملية اشواق حاولت تدخل نعمة منعتها لان ماينفعش حد يفتح الباب ويدخل وهما متعقمين والجرح مفتوح
ودي كانت تعليمات هجر ليها قبل ما تدخل *

شوية والحاج نعمان وعصام وصلو

الحاج نعمان :: احمد فين يا بت يا نعمة طمانوني ؟
نعمة :: جوة ف العمليات يابا
الحاج نعمان :: ازاي والداكتور وچدي جالي ف التلفون انة مهيعرفش يعمل حاجة وعايزنا نيجي ننجلو احمد المستشفي العام ف المحافظة
نعمة :: معرفاش يابا البت الممرضة حكمت رايها يدخلو اوضة العمليات بتاعة الولادة
عصام :: يعني ايي تطلع مين دي اصلا علشان تمشي حديتها علينا
الحاج نعمان :: يعني يا بتي الداكتور وچدي جوة معاة
نعمة :: ايووة يابا الممرضة جالت هيخرجو الرصاصة لان فية خاطورة علي حياتة .
عصام :: ماينفعش يابا الحديت دة لازم ننجلوة المستشفي .
الحاج نعمان :: مفيش حاجة بيدنا دلوكت ياولدي هما چوة خلاص والباجي علي ربنا بس بمين بالله لو احمد حصلة حاچة ل اجطعهالك خبرها هي واللي خلفوها كلهم

* فات ساعة ونعمة واشواق مازالو بيعيطو وباقي العيلة الحاجة امينة وحسين ومراتة ومرات عصام وصلهم الخبر وجم العيادة مستنين يطمنو علي احمد *

* عصام راح ناحية معتز اللي من ساعة ما دخل هو ابوة وهو موجود و واقف ساكت مش بيتكلم *

عصام :: لامواخذة يا استاااذ حضرتك واجقف ف العيادة من ساعة ما چينا ومنعرفكش يعني ف متاخذنيش انت مين ؟

معتز :: انا اسمي معتز جيت هنا قبل كدة كانت الآنسة اشواق اتخبطت وهي بتعدي الطريق وكنت نقلتها هنا وعرفت انها بنت عم الدكتور احمد ولما حصل ضرب النار الناس قالت دة عند العيادة ف جيت بالعربية ناحية هنا بحكم اني جيت قبل كدة والدكتور كان كويس معايا ف قلت اجي اشوف في اية اقدر اساعد بية
الحاج نعمان :: ولد اصول يا ولدي وبتفهم ف الواجب .
عصام :: بس انت شكلك ولهجتك باين انك غريب مش من حدانا تكونش جاي لحد ف البلد هنا زيارة
معتز :: انا فعلا مش من هنا انا جاي البلد علشان بخلص اتفاق علي محصول فاكهة لشغلي ف مصر و مسافر تاني .
الحاج نعمان :: تئانس وتشرف يا ولدي سامحني والله لو الظرف غير الظرف كنا جمنا معاك بالواجب .
معتز :: واجبك وصل يا حاج ربنا يطمنا علي الدكتور احمد ان شاء الله

* دقايق وخرجت هجر ومعاها للدكتور وجدي. وكان باين عليها التعب جدا كلهم جريو عليهم علشان يطمنو علي احمد *
.............................
............ ڤيلا كرم ...........

كرم :: عفارم عليك يا ولاا يا سامبو طلعت راچل بصحيح ونفذت اللي طلبتة منييك بالحرف
سامبو :: خدامك يا سيد الناس
كرم :: اوعا يكون حد وعيلك يا ولاا
سامبو :: هيب ياسيد الناس وهي دي اول مرة ما انتا عارف يا تاج راسنا اني دي شغلنتي زمان
كرم :: خد يا ولاا مش خسارة ليك ال ١٠ تلاف دول كمان يلا روح البر التاني وسيطهم بعملة معاك الواجب هتبقي ليلة فرفشة ليك يا ولاا علشان تعرف اني بجدر رجالتي زين
سامبو :: ربنا يخليك لينا يا تاج راسنا .
...............................

الحاج نعمان :: طمني يا داكتور وچدي احمد عامل اييي دلوك ؟
وجدي :: اطمن يا حاج خرجنا الرصاصة و وقفنا النزيف الداخلي
الحاج نعمان :: طب ندخلو نطمنو علية دلوك
وجدي :: ماينفعش يا حاج هو دلوقتي متخدر خالص ومحتاج يرتاح اطول فترة ممكنة
الحاجة امينة :: يعني هو بخير يا داكتور
وجدي :: الحمدلله يا حاجة لو كنا اتاخرنا شوية واستننا يتنقل المستشفي مكناش هنقدر نلحقة
الحاج نعمان :: مش عارف اشكرك ازاي يا داكتور

وجدي :: ما تشكرنيش يا حاج اللي يستحق الشكر فعلا هي جنة الممرضة هي اللي عملت العملية و وقفت النزيف وقدرت توقف المضاعفات الحقيقة انا دخلت عمليات كتير وشوفت داكاترة من كل الجنسيات بيشتغلو لكن عمري ما شوفت حد قدر يتعامل بالحرافية ف مكان مفيهوش امكانيات ومش مجهز ل عمليات من النوع دة وكمان ممرضة انا تقريبا كنت بساعدها مش اكتر وهي اللي عملت كل حاجة

* الكل واقف بيسمع مبهور ومحدش مصدق ازاي الممرضة دي تقدر تعمل كدة *
عصام بص علي هجر اللي كانت خرجت من اوضة تانية بعد ما غيرت هدومها :: بجا الممرضة عملت كل دة يا داكتور انت اكيد بتبالغ.
وجدي :: والله يا عصام زي ما بقولك كدة
* الكل قرب علي هجر والستات كلهم بقو يخدوها بالحضن *

الحاج نعمان :: مش عارف اجولك اييي يا بتي بس چميلك دة ف رجبتي ل اخر العمر اطلبي اللي نفسك فية بس جوليلي الاول اسمك ايي وبت مين ف البلد
هجر :: اسمي چنة من البلد اللي چاركم مش من هنا .
الحاج نعمان :: انا لازم ارد چميلك دة اطلبي يا بتي اللي انتي عايزاة وانا انفذهولك ف التو واللحظة
هجر :: متشكرة حاچ انا معملتش حاچة تستاهل رد الچميل الداكتور لو كان مكاني كان عمل معايا اكتر من اللي عملتة
* هجر خدت بالها من معتز اللي واقف بعيد ف بصتلة عصبية بس محدش خد بالة *
الحاجة امينة :: يعني متوكدة انة هيبجي بخير يا بتي ولا ننجلة المستشفي
هجر :: اطمني يا حاجة هو بخير وماينفعش ننجلة اي مكان لحد مايتحسن أن شاء الله

سابتهم مشغولين بفرحتهم وخرجت بسرعة من العيادة ومعتز سحب نفسة وخرج وراها
.......................

معتز :: استني يا هجر انتي رايحة فين دلوقتي لازم تفهميني اللي حصل دة ؟
هجر :: وهوا فية اييي افهمهولك الداكتور احمد اطخ
معتز :: ايووة فهميني مين اللي ضربة بالنار ولية علي حسب ما فهمت احمد يعتبر غريب عن البلد ومالوش اعداء ؟
هجر :: باينة زي السمس اللي طخ الداكتور كان جاصد حد تاني تجدر تجول كدي عايز يحرج قلب عمو الحاچ نعمان
معتز :: ومين يقدر يعمل كدة ويضربة ف عز الضهر
هجر :: واد حرام من ولاد الليل وبايني رجع لشغلتة الجديمة تاني .
معتز :: مين دة ياهجر قوليلي وانا هتصرف معاة
هجر :: ملكش صالح انتا الدم اللي سال ع الارض دم صعيدي ومهيخدش تارة اللي دم صعيدي زييو
معتز :: انتي ناوية علي اية ماينفعش تفكري بالطريقة دي
هجر :: طريجتنا مهتلدش عليك ف ملكش صالح بيها
معتز :: انتي نسيتي اتفاقنا وانتي وعدتيني هتكملي للاخر واللي بتقولية دة هيكشف كل حاجة وانا مش مستعد اخسر بعد اللي وصلنالة دة
هجر :: عرفت بجا أن طريجتنا مهتلدش عليك الوعد عهد مايكسروش غير الموت وطول ما انا فيا نفس هكمل
معتز :: طب قوليلي وافهميني مين عمل كدة وانا هساعدك ماينفعش اسيبك تتصرفي لوحدك.
هجر:: ريح حالك وهملني لحالي .
معتز :: طيب قوليلي مين وانا هجيبهولك متربط ومرمي تحت رجليك
هجر :: جلتلك طريجتك غير طريجتنا احنا الدم ناخد حجة دم وبايدينا متفاكرش اني عشان بت مهجدرش أعمل حاچة الحج مايباتش يا معتز والتار زي النار بس مهينطفيش سلام يا معتز
* هجر سابتة ومشيت *

........................
سامبو ماشي ناحية البر التاني رايح المعدية علشان يروح زي ما قالو كرم للبيت المشبوة اللي كرم بيقضي سهراتة فية وفجاة لقا قدامة واحدة متلتمة
سامبو :: مين انتي و عايزة اية ولا متلمتة اية يا حورمة
هجر مغيرة صوتها :: انا بت الجبل يا ولد الحرام
سامبو :: انتي اللي بيجولو عليها عفريتة اللي ضربت نار علي والانفار بتوع البيت اللي في الجيهة الجباية الحاج هيفرح جووي لما اجتلك عايزة اية بجا جولي جبل ما اخلص عليكي .
هجر :: چاية اخد بتار الداكتور اللي طخيتة يا ولد الحرام مفيش غيرك يعملها ياكلب سيدك
سامبو :: وانا هاخد بتار البيعة اللي بوظتيها للحاچ كرم
هجر :: لما تجدر تخلص عليا ابجا فكر ف الحاچ بتاعك
* وطلعت سلاحها وسامبو ف لحظة طلع سلاحة ووقفو الاتنين قدام بعض وكل واحد موجة السلاح ناحية التاني
يتبع...
لقراءة الفصل التاسع : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات