القائمة الرئيسية

الصفحات

رواية وخضعت للحب الفصل الرابع 4 بقلم أروي الشرقاوي

 رواية وخضعت للحب الفصل الرابع 4 بقلم أروي الشرقاوي

رواية وخضعت للحب الفصل الرابع 4 بقلم أروي الشرقاوي

رواية وخضعت للحب الفصل الرابع 4 بقلم أروي الشرقاوي

كان يستمع لحديثها مع شادى وتأكد من أنه سوف يترك العائله وهو غير خائف عليها فميرال قويه لن تسمح بتدمير هذه العائله وسوف تقف بجانبهم دائما فرح بشده
ميرال بصدمه :عمى
كامل بفرحه :أن لما أموت مش هبقى خايف على العيله لأنى سايب الى هتخاف عليهم وهتبقى دايما فى ظهرهم
ميرال بخوف :عمى متقولش كده احنا من غيرك ولا حاجه
كامل :أكيد هموت فى يوم إنتى عمود العيله ياميرال خلى بالك منها
ميرال بضحك :لا ياعم إنتا إلى عمود العيله وإحنا من غيرك ياكبير منسواش خلينا فى المهم
كامل :إيه المهم حاسس أن وراكى حاجه
ميرال بخبث :عمار الجيار جيه هنا وهددنى علشان أنسحب من المناقصه
كامل بتعصب :هو اتهبل جاى يهددك فى مكتبك أنا هكلم عصام ازاى إبنه يعمل كده أكيد أتجنن
ميرال بخبث ودهاء تعودت عليه :لا متتصلش بيه زمانه عرف
كامل :انتى قولتيله
ميرال بضحك :لا مهو أنتا عارف عصام دايما بيراقب أبنه وعرف أنه كان هنا والشخص الى بيراقبه دخل الشركه وعرف الى حصل الامن بلغونى أن فى حد غريب دخل الشركه وأنا قولتلهم يسيبوه عمار يستاهل إلى عصام هيعملوه فيه
كامل بخبث يعرف أنه سوف تعطى لعمار درس لن ينساه :وأنتى بقا هتعملى أيه فى عمار
ميرال :مفيش بس هخلى توفيق الشاذلى ياخد المناقصه يانتشارك فيها
كامل :توفيق سمعته كويسه فى السوق وكذالك عصام الجيار
ميرال :بس عمار غلط وسمعته مش حلوه ولازم أدبه وأعرفه اتحدى مين هو هيموت لو توفيق أخدها
كامل بضحك :وأنا متأكد أنك لو دخلتى المناقصه إنتى الى هتاخديها منهم
ميرال :بس مش محتاجها أنا بس عايزه أحرق قلب عمار عليها وخلاص
كامل :يعنى هتسبيها لتوفيق الشاذلى
ميرال:هساعده كمان ياخدها من عمار
كامل :والله الواد عمار غلط وقف قدامك يستاهل علشان يتربى
ميرال بثقه :أنا هروح لتوفيق الشاذلى وأتفق معاه وطبعا عمار أكيد بيراقبنى وهيعرف أنى قابلة توفيق
بس ألى مش قادره أفهمه ليه كره عمار الكبير ده لتوفيق معقول مناقصه تعمل كل ده
كامل :وليه مازن وأدهم وعمار إتفرقو مع أنهم مكانوش بيسيبو بعض لحظه إنتى يمكن متعرفيش أدهم وقتها كنتى مسافره لندن ماسكه الفرع الى هناك الفتره دى أدهم ومازن وعمار كانو واحد مكنوش بيسيبو بعض غير للنوم بس
ميرال بغموض وتفكير :أخلص بس موضوع المناقصه ونشوف العداوه إلى مبينهم ديه سببها إيه فى شغل معايا هخلصه ومستنيه معاذ وهروح أقابل توفيق الشاذلى
كامل بحب فهو لديه ثقه تامه فى ميرال أنها قادره على إنجاز كل شئ:ربنا يوفقك يابنتى
تركها ورحل وهى تفكر فى عمار وكره الواضح لتوفيق الشاذلى وأن كان صديق أخاها وصديق أدهم ابن توفيق أين ذهبت الصداقه ماذا حدث وتفرقو يوجد سر بينهم وأذا ظهر عمار عداوته مع توفيق الشاذلى بسبب ابنه لماذا لم يظهر عداوته مع مازن
هناك غموض وأسرار سوف تكتشفها
............ .........
فى الجامعه انتهت المحاضره وخرج الجميع وكادت أن تخرج أسماء ورفيف وأميره ولكنهم توقفو عندما نطق مازن أسم أسماء
مازن :أنسه أسماء ممكن تستنى عايزك
أسماء لنفسها :حد يقوله مينهدش عليا بإسمى هيغمى عليا يخربيت حلاوة أمه
إلتفتت له أسماء وقفت الفتيات معها
رفيف وهى بتكتم الضحكه :نستأذن أحنا بقا هنستناكى بره
ولم تنتظر الرد خرجت مسرعه
تمنت أسماء لو أنشقت الأرض وأبتلعتها كيف ستتحدث معه وهو أمامها ودعت ربها أن لاتفضحها عيونها وهى أمامه
مازن بتحذير :حضرتك طول المحاضره سرحانه ودى مش أول مره أنا مردتش أحرجك قدام الطلاب وديه أخر مره تعمليها
أسماء بإحراج وهى تنظر إلى أسفل:أسفه حضرتك دى أخر مره ومش هتتكرر تانى
مازن :تقدرى تمشى دلوقتى
أستأذنت منه ورحلت
وقف ينظر أليها إلى أن رحلت وبدأ فى لم أشياءه
خرجت لأصدقائها
رفيف : أبيه مازن كان عايزك فى أيه
أسماءبشكل مضحك :وهو ابن عمك ده بيجى من وراه خير كان بيدنى الوصايه العشر فى الالتزام داخل المحاضره وإلهى يتشك فى قلبه زى ماهو واجع قلبى البعيد يارب أنا تعبت من العيله دى يارب خلصنى منهم
أميره بخوف :لا متقوليش كده ده دكتور مازن أحسن الناس والله
أسماء :أحسن مين ياختى إتنيلى ده معندهوش دم حجر متنقل ياختاى بارد
أنا نفسى أعرف مستحملينه أزاى ولا وهو بيقولى وقلدت أسماء مازن حضرتك طول المحاضره سرحانه ودى مش أول مره أنا مردتش أحرجك قدام الطلاب وديه أخر مره تعمليها
لا مهو أخرى ياهقتله ياهقتله
رفيف بضحك :يابنتى أتهدى بقا ده أبيه مازن كويس دانتى دايما تشكرى فيه انتى ناسيه
وأخذت تشاور لها ولكن دون جدوى
أسماء بصدمه :أنا بشكر فيه أمته ده فى الحلم لا يارفيف أنا بهنيكى على أبن عمك بارد ياحاجه ربنا يصبرك على مابلاكى ياخالتى بس أرجع وأقول الصراحه هو موز موز يعنى مفيش كلام
يارب ده كوكتيل كده من شويه نجوم تركيا العيال النضيفه المستحميه دى
رد الذى يفق خلفها بصدمه من حديثها :ومش عيب حضرتك تتكلمى على الدكتور بتاعك وتتريقى عليه
أسماء وهى حطه ايديها على رأسها وفاتحه عين ومغمضه عين وبتتكلم بطريقة محمد هنيدى :اوعى يكون الى فى بالى ده صح
رفيف :بنت حلال وتستاهلى كل خير
وأخذت أميره ورحلت
أسماء بصدمه من فعلتهم :إستنى يابت انتى وهى هحتاج تعزيز قوات يخربيتكم
إلتفتت إلى مازن :وأنتا عامل أيه بقا كويس الحمدلله
مازن :مش عيب تتكلمى عليا وأنا مش موجود
أسماء تدعى الجديه :ومش عيب حضرتك تقف تسمع كلامى من غير إذنى أنا هكتفى المره دى بلفت انتباهك بس لكن المره الجايه لو لقتنى بتكلم عليك تمشى ومتسمعش حاجه وتسيبنى أتكلم براحتى
لم تنتظر أسماء رده ورحلت من أمامه بسرعة البرق
بعد رحيلها تعجب مازن من هذه البنت فهى غريب فى كل أفعالها ولكنها مرحه
ورحل هو الأخر
أسماء :عالم أندال وبتخاف
رفيف :بنخاف وبالنسبه للكتكوت المبلول إلى كان جوه من شويه ده إيه الشجاعه بتجيلك هنا بس
أسماء بإستنكار :أن ده هو إلى خاف مينى بأماره منا طالعه ليكم سليمه أهوه مفيش أى إصابات
أميره :أنا بقول تسكتى أحسن لتجيبى لنفسك نصيبه تانيه وتقولى لينا خرجتى من تحت إيد الدكتور أزاى
قصت عليهم أسماء مافعلته ضحكو بشده عليها وعلى تصرفاتها
رفيف بضحك :لا والله أنتى مشكله كبيره
أميره :والله فرحت أنى معاكم قوى دى أحسن حاجه حصلتلى
أسماء وضعت يده على كتف أميره :عدى الجمايل بقا مش هنروح ولا ايه
أميره بفرحه :أنا هبدأ شغل فى شركات الجمال إنهارده ميرال قالتلى كده
أسماء وهى تنظر لملابس أميره :وهتروحى الشركه كده
أميره بعدم فهم :أه
أسماء :لا بلبسك ده رايحه تشقطى عريس وش
رفيف :طب والحل ماهى لازم تروح الشركه أقولك ياأميره ماتيجى عندى البيت تاخدى ملحفه من بتوعى تلبسيها
أميره :كده هتأخر على الشركه وأنا عايزه الشغل ده
أسماء بتفكير :بت يارفيف معاكى فلوس كام
رفيف :ليه
أسماء :نجمع الفلوس ونطلع على أقرب مول نجبلها طقم محترم على قد فلوسنا وبكده مش هتتأخر
رفيف وقد أعجبت بهذه الفكره :عندك حق ياله بينا
أميره برفض :لا مش هقبل طبعا
أسماء :بت إنتى إما تشتغلى إبقى رديهم لينا دلوقتى المهم هتلبسى إزى إيه إستايلك
أميره :زيكم ملحفه عجبنى لبسكم
أسماء :كده تمام قوى ياله بينا على أقربها مول يابنات
ذهبو جميعا الى أقرب مول وقامو بشراء ملحفتين لها وإرتدت أحداهم وفرحت بشكلها الجديد وبعد ذلك قامت رفيف بتوصليها إلى الشركه
.. ..... ............ ....... ..
وصلت اميره الشركه وهى مبهور بجمالها وتنظر حولها بأندهاش كانت تسمع من والدها بأنها جميله ولكن لم تتوقع شكلها
إستقلت الأسانسير ولم يوجد فيه أحد غيرها كانت خائفه بشده ولكن سوف تتشجع من اجل الوظيفه وكاد أن يقلع ولكن أوقفه أحدهم
وأستطاع الدخول قبل أن يتحرك
معاذ بستاؤل :حضرتك طالعه الدور الكام
أميره وهى تنظر إلى أسفل :الدور السادس مكتب ميرال هانم
وبالفعل أشار معاذ إلى رقم ٦ وتحرك الاسانسير أغمضت أميره أعينها نعم فهى تخاف منه بشده ولكن كانت مضطره
تعجب معاذ منها تعابير وجهها لاتقول أنها بخير أبدأ
معاذ بخوف :أنسه حضرتك بخير فيه أيه
أميره بخوف وصوت شبيه بالبكاء:أنا بخاف من الأسانسير
معاذ بتعجب :هو فى حد بيخاف من الأسانسير غريبه والله
أميره وهى تمثل الشجاعه :والله خليك فى حالك ومتشغلش بالك بحد
معاذ بأستنكار :وأنا أشغل بالى بواحده زيك أنا بس كنت رايح مكتب ميرال قولت أتوسطلك عندها يمكن ترضى تشغلك ولا حاجه
أميره بزعيق وهى توجه إحدى أصابعها فى وجهه :لا ياخويا زق عجلك مش محتاجه واسطك دى دنتا حتى شبه السواقين ال أتوسطلك أل
وفى هذا الوقت توقف الاسانسير
معاذ بضيق :وصلنا خلاص وهعرفك تتكلمى معايا كده ازاى
وتركها ورحل خرجت من الاسانسير تحاول أن تهدأ قليلا وذهبت إلى والدها الذى يعمل فى الحسابات وأخذته معها ليقابل ميرال معها
دخل مكتبها وهو غاضب من هذه البنت التى قامت بتوبيخه
ميرال :معاذ مواعيدك مظبوطه من أول يوم كده كويس
معاذ :طبعا لازم الالتزام قولتيلى بقا هتشغلونى ايه عندكم بس بالله عليكى ياميرال بلاش تقوليلى الساعى برستيجى كده هيدمر
ميرال بضحك :لا طبعا معاذ باشا الجمال اتجهزله مكتب كبير زى بتاعى كده وهيشتغل فيه
معاذ بصدمه :ده بجد وجهزتيه أمته يعنى أنا هيبقى عندى سكرتيره وكده وأقعد أعاكس فيها واقعد فى المكتب وأعيش الدور والأكشن ده كله
ميرال بصدمه :وأنا فكرتك هتفرح بالشغل أنا شكلى غلط بنأدم متخلف عايز تشتغل علشان تتمنظر عقليه سطحيه
وفى هذا الوقت أخبرت السكرتيره ميرال أن حسن ينتظرها هو وإبنته سمحت لهم ميرال بالدخول وبالفعل دخلو وكانت الصدمه من حق أميره ومعاذ
معاذ فى نفسه وقعتى ولا الهوا رماكى حسابك معايا
ميرال : أعرفكم ده معاذ أبن عمى ياعم حسن هيشتغل معانا هنا فى الشركه
وتقوم بتقديم حسن وأبنته :وده عم حسن شغال فى الحسابات وساعدنى كتير وخلال الفتره ألى اشتغلها أثبت فيها نزاهته وأمنته
ودى أميره بنته صحبة رفيف وهتبقى السكرتيره بتاعتك يامعاذ
أميره فى نفسها ياحزنك ياأميره ده طلع من أصحاب الشركه طبعا هيمرمط الى جابونى دنا مسحت بيه البلاط ربنا يستر شكله ناوى ليا على نيه سودا
ميرال :عم حسن تقدر تعرف كل واحد فيهم مكتبه فين وتقريبا مواعيدهم هتبقى واحده لانهم هيشتغلو بعد الجامعه وأنا دلوقتى ورايا ميعاد أما أجى نكمل كلامنا
أخذهم حسن ورحل وكذالك ذهبت ميرال إلى توفيق الشاذلى
معاذ مبهور بالمكتب كيف إستطاعت أعداده فى وقت قصير وفرح كمان أن أميره هتبقى السكرتيره بتاعته علشان ينتقم منها براحته
...........................
وصلت رفيف إلى الفيلا وجدتها هادئها فتذكرت أن غسق ذهبت مع ميرال ألى الشركه ذهبت إلى غرفتها للإسترخاء ولكنها عندما مرت من أماما غرفة بيسان سمعت صوت بكاء من الداخل تعجبت بشده لم تستأذن ودخلت مباشره
رفيف بخضه :بيسان حبيبتى مالك فيكى أيه
بيسان وهى تمسح دموعها :لا مفيش حاجه تافهه كده متشغليش بالك
رفيف :لا أنا عرفاكى مبتعيطيش غير لما بيكون الموضوع كبير
بيسان بأنهيار لم تعد تتحمل مابها :ليه مش شايفنى يارفيف ليه مش شايف حبى للدرجه دى أنا وحشه ليه يارفيف ليه
رفيف بصدمه فهى لم ترا بيسان بهذا الإنكسار من قبل :طب إهدى وقوليلى مين وصلك للحاله دى
بيسان بدموع ووجع :بحبه وعارفه أنه كل يوم مع واحده بس معرفش بيحصل إيه مبينهم والنهارده لقيت واحده معايا فى الجامعه بتورينى صور ليهم مع بعض هى أحلى مينى فى إيه ليه كده
بيسان صعبت على رفيف جامد أخدتها فى حضنها :أيا كان ألى عمل كده ميستهلش حبك يابيسان وهو الخسران صدقينى
بيسان بدموى وهى متمسكه برفيف :بحبه يارب شيل حبه من قلبى تعبت تعبت
رفيف :بيسان مين إلى وجعك كده وليه تسيبى نفسك تحبيه كده طلاما مش حاسس بيكى
خرجت بيسان من حضنها:الحب ده شئ مش أرادى مبتقدريش تتحكمى فيه حاجه بتخليكى غايبه عن الواقع شعور حلو مش عايزه تفوق منه وتتصدمى بالواقع على العموم أنا خلاص الشخص ده لازم أمحيه من قلبى النهارده أتأكدت أننا مش لبعض
وعمرنا ماهنكون لبعض
رفيف:بس إنتى كده غلط الحب أمل مش يأس لو فى يوم تعبتى من الانتظار يبقى مكنتيش بتحبى لازم تتحملى وتصبرى علشان حبك ده إوعى تتخلى ده حبك أنتى من حقك انتى وهو معاكى فى البيت حاولى تحسسيه بحبك اليأس بيموت أصحابه أحيانا
بيسان بصدمه :ق.ق.قصدك مين
رفيف بحب :شادى لو بتحبيه حاربى علشان أنا متأكده إن مفيش حاجه مبينه وبين البنت دى وهى بتغيظك
بيسان بفرحه :ممكن تكون بتعمل كده
رفيف :انا متأكده قوم أغسل وشك يابيسو وظبط نفسك ياله الواد يجيى بليل يلاقيك قاعد كده
وتركتها ورحلت وظلت تفكر هل حبها المستحيل سوف يأتى يوم عليه ويبقى حقيقه هل ستعيش يوما ما مع حبيبها أم تتوقع حدوث المستحيل هل سيشعر بها من يحطم قلبها دائما هل عندما يشعر بها ستنسى مايفعله أو مايحدث الأن أسئله كتيره تراودها وتحاول أن تقنع عقلها بكلام رفيف وأنه الحقيقه
.......... ....... ........
فى فيلا عصام الرواى كان يتحدث مع عمار بشأن مافعله مع ميرال
عصام بزعيق وحده :أكيد أتجننت رايح لحد ميرال فى شركتها وبتهددها لا كده إتهبلت
عمار بهدوء :أنا كنت بقولها تنسحب ياتشاركنى وناخد المناقصه من توفيق الشاذلى
عصام بزعيق :غبى غبى بتدمر علاقتنا مع الناس الى بنحبها سر عداوتك ايه مع توفيق الشاذلى
عمار بشر :أنا عداوتى مع أدهم إبنه ومازن الجمال
عصام وهو يخبط كف على كف :مش دول أصحابك الى مكنتش بتفارقهم حصل ايه لكل ده
أتت صفيه لتفهم مايحدث ولكن دون جدوى وفى هذا الوقت دخلت أسماء
أسماء :أوبا خناقه دحنا هنتسلى أوووى
صفيه بضيق :بارده تعالى نشوف فيه أيه
أسماء :لا أنتى تروحى على المطبخ دلوقتى تعمليلى فشار وتجيبى شويات مسليات كده وإنتى جايه علشان أتفرج بمزاج
صفيه :إنتى هبله
أسماء :هنقبح ولا أيه ياصفصف سيبى القانون ياخد مجراه كمل يابوب إنتا وعمار إلى كنتو بتعملوه سكتو ليه
عصام :والله مافى فايده فيكم هلاقيها منه ولا منك عيله تافهه ووجه كلامه ل عمار :ابعد عن ميرال هى مش سهله ومش هتسكت على ألى حصل
أسماء:ياحوستك السوده ياعمار رايح لهولاكو برجلك عملت معاها ايه
عمار ببلاهه:وأنتى عرفتى ميرال منين
أسماء وهى بتلوى بوقها يمين وشمال :عرفت أتنيل على وكستك وفى حد ميعرفهاش وقصت عليه مافعلته ميرال فى الجامعه
وأكملت :عمار رفيف بنت عمها صحبتى مش هخسرها بسببك وأخوها الدكتور بتاعى
عمار بصدمه :مازن الدكتور بتاعك
أسماء بأستنكار :إنتا عارف دكتور مازن
عمار :ليا تار عنده هو وأدهم
عصام :مفيش فايده هتفضل طول عمرك غبى وتركهم ورحل
أسماء بتنادى عليه :إنتا ياعم إستنا كمل الخناقه مينفعش كده
جلس عمار بجانبها :قولتلى مازن يبقى الدكتور بتاعك وبنت عمه صحبتك
أسماء تريد معرفه علاقته بمازن :أه أنتا بقا سر العدواه معاه ايه قولى دنا أختك حبيبتك
عمار بقرف :ياله ياماما من هنا شوفلك سكه فاضيلك أنا وتركها ورحل هو الأخر
أسماء تخاطب نفسها :يادى النيله عليكى ياسوسو يابنت أم سوسو الواد مش هاين عليه يحس باإلى جابونى وأهوه بحاول إنما عمار أخويا هيقفل الليله كلها العنس مستنينى
صفيه بخضه :بت ياأسماء بتكلمى نفسك لا حالتك بقت صعبه لازم أكشف عليكى
أسماء بخضه :تكشفى عليا وبالنسبه للناس الى مش طايقه نفسها إلى عدت عليكى من شويه إيه مش محتاجين كشوفات صفصف روحى كملى طبيخ بالله عليكى لأن انا زى مابيقولو لقد وقعنا فى الفخ
وذهبت إلى غرفتها وهى تفكر فى سبب عداء عمار ومازن
يتبع...
لقراءة الفصل الخامس : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات