رواية نبضات القلب الفصل الحادي والاربعون 41 بقلم دينا صابر

حسام و بيفتح باب العربيه لحياه قدام بيته

حياه لسه هتمشي تتجهه للبيت

حسام بصوت عالي و بسرعه : استني عندك راحه فين كداا

حياه بتوتر : ف اي يا حسام هدخل البيت!!!!!!!!

حسام بيرفعهاا بسرعه و يشتلها : تدخلي كدا عاادي من غير مشتالك ازاي داا

حياه بضحكه و بحط ايديها حوالين رقبته : يا حبيبي يا حسحوس

حسام وقف مره واحده ف نص المدخل و بص لها بصدمه و حياه استغربت و اتكلمت : مالك يا حبيبي

حسام برفعت حاجب : اي اللي انتي قلتيه دا !!!

حياه بعدم فهم : قلت اي !!

حسام : مين حسحوس دا !!!

حياه بابتسامه : انت يا حبيبي بدلعك يا روحي

حسام و بيكمل طريقه و بيفتح باب الشقه : لا لا متدلعنيش الدلع المعفن دا ع اخر الزمن حساام دلعه يبقي حسحوس!!

حياه بعد ما حسام نزلها ضحكه بصوه عالي : تعبيرات وشك مسخره يا حبيبي

حسام و بيقرب لها بمكر و وقف وراها و بيلمس ضهرها براحه و بيتكلم عند ودانها بهمس : ممم يعني انا ضحكتك

حياه بتوتر من قربه و طريقه كلامه الهاديه : ف اي يا حسام …

حسام بمكر و بيمشي ايده ع رقبتها بهدوء و تأني :مالي يا روحي دا انا هساعدك بس و افتحلك السوسته

حياه و بتبعد : لا لا انا هعرف افتحها لوحدي …

حسام باصرار و مكر قرب منها و بدا يفتح سوسته الفستان : ابداا هفتحها يعني هفتحها اه يا انا يا هيااا

احم عرسان بقا و انا مليش دعوه ……

………………………………………………

تاني يوم

امير و فتح عينيه لقي واتين قدامه و مبتسمه

امير بحب : صباح الخير يا روحي

وتين بحب و ابتسامه : صباحك انا يا حبيبي

امير و بيبوس عيونها : دا يبقي احلا صباح

وتين و هي بتشيل الغطا من عليه : يلا يلا بلاش لكاعه اتاخرت ع الشغل يا استاذ

امير بكسل : ليه هي الساعه كام

وتين : الساعه 10

امير و هو بيقوم بسرعه: ااايه و سايباني نايم كل دا

وتين : خلص لبس بسرعه اكون حضرت الفطار و خرجه من الاوضه

ع السفره و تين متردده تتكلم و امير لاحظ دا ف بص عليها و هو بيشرب الشاي

امير : عايزه تقولي اي يا توتا

وتين بتردد : هاا , لا ولا حاجه

امير : عليااا الكلام دا

وتين : بص كنت عايزه اخرج مع وعد النهارده عشان هي بتجهز حاجاتها و كدا ف كنت عايزه اساعدهاا

امير بضحكه : طيب و متردده ليه

وتين ف نفسهاا يارب سامحني ع كذبي دا : خايفه متوافقش بس , انت موافق !!

امير مبتسم : اه موافق يا ستي بس متتاخريش و قام متجهه للباب و وتين وراه

وتين : حاضر مش هتاخر

امير لسه هيخرج من الباب بص لها و اتكلم بخبث : هو انتي مش ناسيه حاجه

وتين بتفكير : لا لا مش ناسيه

امير بعقده حواجي و هو يشير اللي خده : بوستي يا هانم

وتين بضحك و بتبوسه ف خده : خد بالك من نفسك

امير بحب : وانتي كمان و مشي

وتين قفلت الباب و سنده عليه بضرهاو اتكلمت و هي حطه ايديها ع قلبها : الحمد الله انه مكتشفش اني بكذب يوووه اول مره اكذب عليه ربنا يسامحني بقااا

…………………………………………………

عند فاطمه و بتتصل ع فارس

فارس و هو ف الشغل بص ع فونه و ابتسم و رد عليها بحب : ايوا يا حبيبت قلبي

فاطمه : عامل اي يا حبيبي

فارس : كويس يا روحي

فاطمه : يارب دايما , بص يا حبيبي كنت عايزه اخرج اروح للدكتور و كنت عايزاك تخلص شغل بدري عشان تيجي معايااا

فارس بقلق : ليه يا حبيبتي دكتور هو انت تعبانه فيكي حاجه

فاطمه مبتسمه ع قلقه عليهاا : لا يا حبيبي انا كويسه متقلقش اما نروح هتعرف يا روحي

فارس : اعرف اي

فاطمه : فارس اسمع الكلام بس و متتاخرش عشان نروح سوا

فارس و هو مش فاهم بس وافق : تمام هحاول متاخرش

فاطمه : تمام , يلا سلام

……………………………………………………

ساره : مصطفي عاوزه كريب

مصطفي : حاضر يا حبيبتي الصبح

ساره : لاء يا مصطفي عاوزه دلوقتي

مصطفي : يا حبيبتي مين فاتح دلوقتي

ساره : عمر آفندي فاتح يا مراد

مصطفي : ياارب صبرني

ساره : يلا اطلب دليڤري 4 كريب كبير شيش طاوق

مصطفي : بس احنا اتنين يا حبيبتي

ساره : مين قالك اني طلبالك اصلا دول ليا

مصطفي : هتاكلي 4 لوحدك يا ساره

ساره : اي يا مصطفي هتقر عليا ...يلا عشان جعانه و ابنك كمان هياكل هو أنا هاكل لوحدي

مصطفي : لا يا حبيبتي بالهنا والشفا عليكي انتي وابني ...بقي مفجوع اوي الواد دا

ساره : لقح لقح فاكرني مش فاهماك

مصطفي : لا يا حبيبتي كلي براحتك عاوزك تاكلي كويس عشان البيبي يتغذي

ساره : اه ومالو ....قوله بقا يجيب معاه 2 كريب شيكولا

مصطفي : لا حول ولا قوة إلا بالله...انتي ف التامن يا ساره وحامل في بيبي مش في ديناصور

- ااااه ياااانيي يماااا يباااا .... جوعني بعد الجواز يباااا ومش عاوز يأكلني وشكله بخيل ااااه

= اي اي بس ماسورة مجاري طفحت في وشي ... مجوعك يابنت الذيناا اانااا

ساره : انجز بلاش كلام كتير

مصطفي بغيظ : اي أوامر تاني يا فندم تحبي نجيبلك مقبلات

ساره : لا لا كفايه كده عشان الدايت

بعد ما مصطفي طلب ب 5 دقايق

ساره : الاكل لسه موصلش أنا جعانة اوي اوي

مصطفي : معلش يا حبيبتي انا لسه طالب من خمس دقايق هما كتير بس استحملي

ساره : كتير اوي اوي يا مصطفي والله الستات بيتعبوا جدا في الحمل والولاده...انتم مبتتعبوش خالص

مصطفي بقله صبر : اه اه يا حبيبتي اومال

ساره : هييييييييه الاكل وصل

مصطفي : يلا يا حبيبتي كلي بالهنا والشفا

………………………………………………

نايمه ف سريرها و عماله تتقلب فيه و مش جايلها نوم زو عماله تفكر بقالها كتير بتجري وراه و بتقعد معاه غصب عنه ف المكتب و مستحمله كلاكه السم ليه و لعبه بمشاعرها و باعصابهاا من بعد اخر موقف ليهم ف الجراج و هي ملتزمه الصمت نهائي بتروح تقعد ساكته و بس مش بتتكلم و لا هو حاول يتكلم او ينطق بكلمه معاهاا كانهاا مش موجوده هي حاولت متروحش و تستسلم بس كل مره بترجع ف كلامها و تروح و تقول بكراا يحن بكره يستسلم و يعترف بحبه و بكره بيجي و زيه زي امبارح لحد من اسبوع فات قررت تختفي من قدامه و تبعد و متروحش ليه الشغل و لا تسناه قدام عربيته عشان يرزح الندي و لا اي حاجه تبعد و بس هي قرارت القرار دة ك احتبار ان هي توحشه ف يبعد عناده و يكلمها او يسال عنها بس تاتي الرياح بما لا تشتهي السفن اللي حصل عكس اللي كانت متوقعها تماما لا كلمها و لا بعت رساله و لا سال عنها للدرجهدي هي فعلا سراب ف حياته يعني هو فعلا مبقاش يحبها هي غلطت و اعتذرت و ندمانه ع غلطها دا بس هو شكله كدا مبقاش يحبها و رجع تاني ل جبروته و عناده و اتعدي حبها بسرعه و مش فارقه معاه وجودها من عدمه

شورق و هي بتقوم من ع السرير فجاءه و بتتكلم مع نفسها بصوت عالي و هي بتنفخ من الحيره : يووووه بقاااا دا مبقيتش حاله دي يعني عمال يديني فوق دماغي و مش بيعبرني و كمان مش عايز يخرج من دماغي يا عم اخرج من دماغي بقااا الله , لا لا انا زهقت يا تري بتفكر فيا زي ما انت مبتخرجش من تفكير و لا لا نايم و لا ف دماغك !!!!! و قامت مره واحده طلعت هدومها مش عامله اعتبار للوقت و ان الساعه بقت 12 بليل و ان الفكره اللي ف دماغها دي عواقبها وخيمه و ان هي ممكن متبقاش قدها و ان هي ممكن يتكسر قلبها و ترجع معيطه لا هي مفكرتش ف كل دا كل الي فكره فيه هو ان قلبها عايز دا عايزها تنفذ اللي ف دماغها مهما كانت عواقبه .

……………………………………………

قاعد ف مكتبه مدايق و متنرفز و بيفكر فيهاااا و مش عارف اي اللي حصلهاا و اختفت فجاءه كدا ليه و مبقتش تطلعله ف ولا مكان ليه بعد ما كانت زي عفريت العلبه تطلعله ف اي مكان و اي وقت قلبه بيقول له روح لها و اطمن عليها و عقله بيقول له ىا دا كدابه و خدعتك بلاش تعبرها و بعدها دا احسن حاجه و قلبه رافض دا تماماا بس للاسف ق قانونه دايما العقل هو اللي يكسب طول عمره يمشي ورا اللي عقله يقول له عليه و يطلع صح المره الوحيده اللي سمع لقلبه هي المره اللي وجعت قلبه و صدمته ف حبيبته عمره ما يسمع لقلبه دا تاااني اللي بيجي من وار القلب وجع و تعب و بس .