القائمة الرئيسية

الصفحات

رواية أحببتها صعيدية الفصل الثامن والثلاثون 38 نور الدين جلال

 رواية أحببتها صعيدية الفصل الثامن والثلاثون 38 نور الدين جلال

رواية أحببتها صعيدية الفصل الثامن والثلاثون 38 نور الدين جلال

رواية أحببتها صعيدية الفصل الثامن والثلاثون 38 نور الدين جلال

* بليل اتحرك عوض والرجالة للبلد مع واحدة من الحريم اللي شاورتلهم علي البيت من بيت ورجعت وبدها الرجالة راحو ناحية زريبة البيت وقدرو يدخلو منها وعوض استنا برة البيت عشان يأمن الطريق والرجالة جوة خلصت المهمة وقتلو الراجل ومراتة وخطفو الطفل **
واحد من الرجالة :: خﻻص يا ريس عوض خلصنا علي الراجل ومراتة بالسكاكين وهما نايمين عشان محدش يسمع صوت ضرب نار زي المعلم سباعي ما امر .
عوض :: طب هات الواد اشيلة وهروح بية لحالي وانتو خدو طريج تاني عشا لو حد وعيلنا ؟
ا** عوض اخد الطفل واتفاجا انة بنت شعرها طويل وباين انها مش ولد **
عوض :: دي بت الحريم جالت واحد ؟
الراجل :: معرفيش يا ريس عوض هو دية اللي كان جوة مع الولية اللي جتلناها دلوك .
عوض :: طب يﻻ هم جوام انت وهو خلينا نرجع الجبل جبل ما حد يدرا بينا ومانخرجش منيها علي خير .
**عوض والرجالة وصلو الجبل ل سباعي اللي رضاهم كلهم وطلع لهم افيون ومخدرات كا اكرامية علي تعبهم ** بس عوض مرضيش يشاركهم *
سباعي :: ادي العيل يا شيخ عتما زي ما طلبت .
الشيخ عتما :: اني مطلبتش دة طلب حارس المجبرة وربنا يسامحني علي الذنب دية .
سباعي :: ذنب او مذبش بينا يا رجالة علي المجبرة جبل الليل ما يخلوص .
** طبعا سباعي خلا الرجالة تغمي الشيخ عتما زي المرة اللي فاتت و وصلو للمقبرة .
الشيخ عتمان :: اول ما اجول التعازيم واجول ****** تدبحو العيل علي الباب .
** البنت عمالة تعيط **
سباعي :: حد يخرس البت دي وﻻ يجطعلها لسانة خلينا نخلوص بجا .
الشيخ عتمان :: اللي فات كلة كوم واللي ناوي تعملة دية كوم تاني .
سباعي :: انا جاتل رجالة بعدد شعر راسي يا شيخ عتما مفرجاش جتيل تاني .
الشيخ عتمان :: بس دي عيلة صغيرة كييف يچيلك جلب وتدبحها .
سباعي :: يلل يا رچالة حد يجف جمب الشيخ واول ما يجول العﻻمة يدبح البت عشان الباب يتفتح .
** الرجالة كلها رجعت لوراء **
سباعي :: كأيوانكم مجدرينش تجتلوها اشحال ان مكتوش جاتلين ابوها وامها ودمهم لسة مبردش .
عوض :: الرچالة اول مرة يشوفو مجبرة ويحصل اللي حول دي ومحدش فيهم ناسي اللي حصل لما الشيخ حاول يفتحها ف كلاتهم خايفين .
الشيخ عتمان :: عندهم حج الحارس دية شديد جوي وممكن يخلص علينا كلاتنا .
سباعي :: كفايك حديت يا شيخ عتمان لو جاصد تخوفنا عشان نفضوها مهنفضوهاش .. عوض انت اللي هتخلص علي البت لما الشيخ عتما يجول العلامة .
عوض :: بس يا معلم سباعي اني مخيفش من الحارس وﻻ جبيلة الجن بذاتها اني مهقدرش اجتل عيلة صغيرة .
سباعي :: هتخلص عليها وﻻ اخلص عليك اني .
عوض :: خلاص يا معلم سباعي امرك .
*** الشيخ عتمان بدا يقرا التعازيم وعوض واقف جمبة عمال يبص لببنت اللي عمالة تعيط و اول ما الشيخ وصل للجملة اللي اتفق معاهم عليها عوض مبقاش عارف يعمل علية بص فوق لقا كل الرجالة بعدت بعيد وسباعي واقف منشن علية بالبندقية في اشارة انة لو مدبحهاش هيقتلة **
* عوض قرب السكينة من البنت وهي مش مبطلة عياط البنت وقعت ناحية الباب من الخوف ودماغها اتخبط ف مكان معين ف الباب فجاة الباب اتهز والشيخ فضل يستعيذ بالله والرجالة فوق اتخضت **
اول ما الباب اتفتح سباعي قرب هو والرجالة والشيخ عتمان بدا يخرج من الحفرة ف نفس اللحظة اللي خرج من المقبرة ذئاب كتير هاجمتهم ووبقت تنهش الرجالة وسباعي وعوض بيضربو عليهم نار والشيخ عتمان واقف مستخبي وراهم بس كأنهم ما بيخﻻصوش وعمالين يخرجو من المقبرة **
الشيخ عتمام :: الحارس غضب علينا وهيجتلنا كلنا .
سباعي :: انا ممشيش من هني من غير المساخيط .
الشيخ عتمان :: محدش فينا هيعيش يا ولد الحرام انتا الحارس هيحرجنا كلاتنا .
عوض :: بينا يا معلم سباعي جبل ما يخلص علي الرچالة كلهم وكفاياي اللي وجعو منينا .
** سباعي بص حوالية لقا رجالة كتير وقعت والذئاب بتنهش فيها ف بدا يرجع لورا هو و عوض والشيخ عتمان ووسمعو صوت نفس الصوت الباب وهو بيتفتح ف عرفو ان الباب بيتقفل والذئاب بدات تجري بعيد وتسيبهم ** بعد شوية من اخد انفسهم سباعي مهتمش بالرجالة وجري ناحية الحفرة اللي فيها السلم بتاع باب المقبرة لقاها اتقفلت *
سباعي اومال فين البت الحارس خدها وﻻ ايه ؟
الشيخ عتمان :: الحارس اخد الدبيحة ومرضيش عنينا ودوجنا غضبة اجصر الشر يا سباعي وبينا نمشي من هني واردم علي المجبرة الملعونة دي واني اجسملك علي كتاب الله اني مهچيبش سيرة لجنس مخلوج واصل .
سباعي :: والمساخيط اني ﻻزم اخد حجي انت ما شايفش الرجالة اللي راحت فيها دي .
عوض بص ناحية الصخور ولمح حاجة :: الشيخ عتمان عندة حج يا معلم سباعي المجبرة دي ملعونة واديك شوفت بعينك الحارس عمل فينا اية ولما رچعنا وجف مابالك بجا لو جلنا نفتحها تاني مش بعيد يحرجنا صوح زي ما جال الشيخ عتمان .
الشيخ عتمان :: اسمع االحديت يا سباعي السمس جربت تطلع واني ﻻزم ارجع ارض السلطان واﻻ سينا سلطنا كدي هيجلب الدنيا عليا دي اول صﻻة فجر مصليش معاهم فيها يعني ع الضهر لو مكتش ف الجامع هيشيعلي حد الدار .
سباعي :: خﻻص يا عوض خد عمك الشيخ رجعة ابلد بعد ما تغمة راسة معلش يا شيخ عتمان اخر مرة وبعدها وﻻ هتشوفنا وﻻ هنشوفك واصل دة لو حافظت ع السر وتمت خاشمك .
الشيخ عتمان :: ل اخر مرة اجسملك بكتاب الله اني مهجولش لحد واصل علي اللي حوصل وربنا يسامحني ويجبل توبتي اني شوفت الموت بعيني هني .
سباعي :: وانتو يا رچالة عايزكم تردمو الحفرة الملعونة دي عشان نخلص من شرها وعوضنا علي الله ف الخير اللي كان هيأجي منيها .
** عوض اخد الشيخ عتمان وصلة ل اول ارض السلطان ف الوقت اللي كان الرجالة بيردمو الحفرة وبعد ما خلصو ردم مشيو مع سباعي وهما شايلين الرجالة اللي اتعورت من الذئاب **
بعد نص ساعة رجع عوض بعد ما وصل الشيخ عتمان ومراحش الجبل راح ناحية مكان المقبرة واتجة ناحية الصخور والكهوف الموجودة قريب من المكان اللي حفرو فية **
** عوض ولع فرع شجرة كانة جايبة من مكان ما وصل الشيخ عتمان ولف علية قماشة وغرقها كحول من الازازة اللي بيشربها وبعد كدة ولع واتجة ناحية الصخور وهو بيفتكر اللي شافة بعد الئاب ما هاجمتهم لما بص ناحية الصخور شاف ديب لونة اسود ووبنقط بيضاء ف جبهتة وافتكر ان الديب دة كان من الذئاب اللي هاجمتهم وانة رجع للمقبرة قبل ما الباب يقفل ف معني كدة ان في باب تاني للمقبرة من الناحية يعني علشان كدة وافق الشيخ عتمان علي راية انة يردمو المقبرة عشان ينفرد بالكنز لوحدة ** افتكر كل دة وهو بيتحرك بين الصخور لحد ما لقاة فجوة ف الاﻻرض بين الصخور باين انها حجر ذئاب بنزل فيها ومعاة الشعلة وفضل يسحف فيها مسافة طويلة لحد ما وصل ل جدار فية فجوة ومتشقق واضح ان دي حيطة من حيطان المقبرة اللي اتهدت من زلزال او اي سبب تاني والذئاب استغلتها ف انها عملتها جحر كبير ليها يكفي القطيع كلة ..
دخل عوض المقبرة ونور بالشعلة وشاف اثار كتير ملهاش عدد وبدا يتحرك وهو ماسك طبنجتة ف ايد والشعلة ف اﻻيد التانية وفعﻻ بدات الذئاب تظهر ف بقا يضربهم بالرصاص لحد ما خلص الخزنة وقبل ما يحد خزنة تانية كان في ذئب هجم علية وفضل يعافر معاة وطلع سكينة وقتلة بيها و هو بيزق الديب من علية شاف البنت اللي كان هيدبحها مرمية علي الرملة جوة المقبرة وباين ان في اثر جر علي الرملة لحد مكانها ف فهم ان الذئاب جرتها من قدام الباب ودخلتها المقبرة عشان يفترسوها لما يجوعو لوما لقوها مفيهاش منطق سابهوها باعتبارها ميتة .بسرعة عمر الطبنجة بخزنة رصاص تانية وقرب من البنت لقاها فيها النفس ف شالها علي كتفة وضرب بقية الذئابب الموجودة لحد ما خلص عليهم كلهم .
وبقا مش عارف يعمل اية ف البنت لو رجع بيها الجبل سباعي هيسأﻷة جبها ازاي وهيفهم انة دخل البمقبرة وههيقتلة . فضل يفكر وف اﻻخر قرر يسبها ف المقبرة ويرجع لها الصبح وخد معاة ذئب من اللي قتلة بالخنجر بتاعة *

** عوض رجع الجبل **
سباعي :: هااة يا عووض عميلت ايي ؟؟
عوض :: كلة تماما يا معلم سباعي رچعت الشيخ عتمان صاغ سليم لحد اول البلد .
سباعي :: واية اللي اخرك كدي واية العفرة والدم دية انت كت واجف جاري ومفيش حاجة جربتلك ؟
عوض :: والله يا معلم سباعي واني راچع لجيت كوم ديابة چايي عليا وكانو هينهشو الحصان لوﻻاش نزلت من علية و ولعت ف الخمرة اللي معايا علي اﻻرض ف بعدو و واحد فيهم هچم عليا و وجعني ع اﻻرض بعد ما وجع سلاحي وعضني ف طلعت الخنجر وجتلتة واهو متلجح برة علي الحصان بتاعي جلت اچيبة ليك يا سيد الناس والحريمة يسلخوة ونحط فروتة علي كتافك يا كبير الچبل كلاتة.
سباعي :: عفارم عليك اصيل يا عوض خد الديب اللي چبتة ودية للحريم يجومو بالواچب وبعد كدي حضر حالك لما السمس تغرب هنروح علي المولد .
عوض :: بس دة بعيد جوي يا معلم وهياخد وجت ياما .
سباعي :: هما ساعتين زمن رايح وساعتين جاي بالحصنة بتاعتنا واني متعكنن من المجبرة الشوم دي وعايز افرفش ومفيش غير الغوازي اللي ف المولد هما اللي هيفرفشوني كدي ويخلوني اخر انبساط وهخدك معايا عشان انتا طلعت راچل ومخوفتش م الديابة .
عوض :: ربنا يخليك لينا يا معلم سباعي انا بردو راچلك ودراعك اليمين .. باﻻذن اني عشان اودي الديب للحريم تجوم لاواجب .
** عوض راح لمغارات الحريم ف الجبل واداهم الديب وطلب منهم يسلخوة فروتة عشان المعلم سباعي **
** بعدها مشي ف وسط المغارات ف مكان عامل زي المتاهة بس هو مولود ف الجبل وحافظ كل شبر فية وفضل ينزل تحت وسط المتاهات اللي مابتخلصش وكل ما يدخل فتحة تخرجة علي طريق يودية فاتحة تانية وهكذا لحد ما وصل للمكان اللي هو عايزو **
عوض :: يا عمة .. يا ديبة الجبل .
** تخرج ست كبيرة يمكن قربت علي الخمسين سنة **
ديبة الجبل :: عايز اية يا عووض ؟ وايي اللي چابك ؟؟ لو سباعي هو اللي شيعك جولة الديبة معيزاش تتحددت مع حد واصل .
عوض :: ﻻااه يا ديبة المعلم سباعي مشيعنيش .
ديبة الجبل :: اومال ايي يا وﻻا انطوج ؟
عوض :: بصي يا ديبة انتي لما چيتي الچبل هني كت اني لسة حتة عيل صغير وانتي اللي ربتيني زي كتير من عيال الچبل واني دلوك مجداميش غيرك اجولة وانتي الوحيدة اللي خابر انها مهتبعنيش للمعلم سباعي .
ديبة الجبل :: انتا خابر زين اني مجاطعة سباعي بسبب اللي بيعملة وانة بيتچاشع جوي وميهموش الهچامة لو ماتو كلهم بس ياخد اللي هو عايزو .
عوض :: عشان كدي چيتلك عشان خابر زين انك هتجفي معاي .
ديبة الجبل :: طب انطوج بجا ورايا صيد عايزة اصدلي جرنب اتغدا بية وبحديتك اللي مهيخلصش دة مهكلش ف سنتي دي واصل .
عوض :: انا هحكيلك كل حاچة يا ديبة .
** عوض حكالها كل حاجة حصلت بالتفصيل **
ديبة الجبل :: بجا كدي يا سباعي تتعدا علي ارض السطان وهو واخد العهد ع الكل دية لو دري بالعملة المهببة دي وﻻ الشيخ دة اتحددت هيبجا اخر يوم للهجامة علي وش الدنيا .. ومن ميتا العيال الصغيرة بتتجتل وكمان عايز يدبحو لية كدي يا سباع الجشع عما عينك كدي .
هوض :: انا حكيتلك اللي حوصل يا ديبة ودلوك اني معرفش اعمل ايي مع العيلة الصغيرة دي ؟
ديبة الجبل :: البت دي ماينفعش حد واصل من الهچامة اللي ف الچبل يشوفها وياك عشان هعيرفو شكلها ما هما اللي خطفينها .. دلوك تاخد لها واكل طالما بتچول مفطومة وشوية حليب وتروح توكلها وتطمن عليها .
عوض :: وبعد كدي يا ديبة هعمل ايي ؟
ديبة الجبل :: بعدها تروح بليل مع سباعي المولد وتاخرو هناك علي جد ما تجدرو لحد ما اروحلها واشوف هتصرف كييف .
عوض :: ماشي يا ديبة واني هسيبلك علامة عشان تعرفي مكان الچحر اللي بيودي ع المجبرة .
ديبة الجبل :: ما بلاها يا ولدي حكاية المساخيط دي وخلينا ف حالنا دي شغلانة كلها شر والدم بيطول الكل يا ولدي .
عوض :: مجدميش غيرها يا ديبة عشان ابجا اجوي من سباعي واخلي الهچامة كلاتهم مايحتاچوش يسرجو تاني لما ابيع المساخيط دي هصرف فلوسها علي الهچامة وعيالهم واخليهم ينزلو البندر ويتعلمو كيف وﻻد ارض السلطان اللي بيتعلمو ف المدارس وبيعرفو يجرو يكتبو .
ديبة الجبل :: انت طيب جووي يا عوض ومتستاهلش تكون م الهچامة والله يا ولدي ربنا يكرمك وادعي ربنا يسترها وسباعي مايشمش خبر باللي انت ناوي علية احسن ساعتها هيجتلك ويخليك عبرة ل اي حد يفكر ياخد مكانة .
** عوض سمع كلام ديبة الجبل وفعلا اخد اﻻكل اللي عملتهولة عبارة عن بطاطس مهروسة وشوية حليب و راح للمقبرة ونزل من الجحر لحد ما دخل المقبرة من الفتحة اللي ف الحيطة لقاة البنت لسة نايمة صحاها فضلت تعيط لحد ما تعبت وبدا ياكلها ويشربها الحليب لحد ما نامت ف خرج وقفل وراها الفتحة اللي ف الحيطة عشان مفيش حاجة تدخلها **
** وبليل راح عوض مع سباعي المولد **

** بعد ما مشي سباعي وعوض وديبة الجبل عرفت واتأكدت انهم مشيو بدات ترتب شوية حاجات عشان تاخدها معاها وبعد شوية خرجت من الجبل من نفق سري **
** وصلت لحد المكان اللي وصفهولها عوض عند منطقة الصخور والكهوف ومشيت ناحيتها لحد ما دخلت وسط الصخور ولقيت العﻻمة اللي قلها عليها عوض ف بدات تشيل الصخور اللي حطها عوض علي فتحة الجحر ونزلت ف ة كان تقريبا شبة النفق بس يكفي حيوا مش انسان يمشي فية ف فضلت ما بين انها تزحف وانها تمشي علي ايديها ورجليها ف وقت واحد لحد ما وصلت للحيطة وشالت الحجر اللي عوض سد بية الفتحة ودخلت و شغلت كلوب وهو وسيلة للاضاءة ف الوقت دة بدون وبدات تشوف معالم المقبرة بشكل اوضح لقيت تماثيل دهبية كتير وتماثيل من حجارة وقطع فرعونية كتير و مشيت ف المقبرة لحد ما وصلت للبنت اللي كانت بتعيط وخايفة من الضلمة ف قربت منها وطمنتها وبعد كدة اتحركت ف المقبرة ﻻنها سمعت من حكايات الرجالة عن المقابر ان المقبرة بيبقا فيها نظام اضاءة فضلت تبص علي الحيطان وعلي اﻻرض لحد ما لقيت زي مجري بيلف المقبرة كلها وفية سائل لونة اسود ف ولعت قماشة ورمتها فية ف ولع وكل المجري اشتغل والمقبرة كلها نورت ف راحت ناحية البنت اللي هدينت لما النور بقا ف كامل المكان وبدات تاكلها وتشربها حليب وبدات تركز ف سمعت صوت صغير جاي من جوة المقبرة ف فضلت تبص وتركز علي مصدر الصوت لحد ما وصلت عند تابوت المومياء بتاعة الفرعون صاحب المقبرة ف لفت حواليها لقيت ذئبين صغيرين باين انهم حديثي الوﻻدة وافتكرت كﻻم عوض انة قتل كل الذئاب الموجودة ف المقبرة ف معني كدة انة قتل امهم كمان ديبة الجبل طلعت خنجر وكانت هتقتلهم علشان تريحهم من عذابهم بدون ام لكنها بصت ناحية البنت ومشاعرها اتحركت وافتكرت بناتها اللي ماتو من سنين ف قررت تسيب الذئاب الصغيرة كمان وشالتهم عند البنت اللي خافت منهم ف البداية بعد كدة بدات تلعب معاهم وبدات ديبة الجبل تحط كمية لبن اكبر اللي شربها الذئاب الصغيرة كلها من كتر جوعهم ف اكلت الطفلة اكل مخصوص ليها وبعد كدة خرجت كلوب تاني من البهجة اللي معاها وخليتة ينور ف المكان باضاءة صعيفة عشان يستمر لوقت طويل وحطت طبق كبير مليان لبن وطبق فية اكل معجون عشان الديابة الصغيرة والطفلة لما يجوعو تاني وبعد كدة قعدت مع الطفلة شوية لحد ما نيتمها وبقيت تبصلها وتبكي وتفتكر بناتها اللي اتقتلو زمان خرجت ديبة الجبل بعد ما قفلت وراها الفتحة وخرجت من النفق قفلة ومشيت **
** ديبة الجبل مشيت وهي مقررها انها هتحافظ علي حياة البنت دي مهما حصل حتي لو وصل اﻻمر للدم **

** بعد مرور بضع سنوات **
** بطن الجبل **

سباعي :: وﻻ يا برعي روح شوفلي الوﻻ عوض مش شايفو جدام عيني واصل الوﻻا دية بجا يختفي كتير جووي ومبجتش اشوفة زي اﻻول لية روح نادمهولي عايزو دلوك عشان عندنا طلعة ف الليل .
برعي :: عوض يا كبير علطول جاعد مع ديبة الچبل ومهيتحركش اﻻ لما تجولة .
سباعي :: حديت اييه دية اللي هتجولة يا برعي اني الكبير ومحدش لة كلمة هني غيري ..
برعي :: انتا كبيرنا وسبع الچبل كلاتة بس كأيوان عوض وديبة الچبل بيدبرو لحاچة من وراك يا كبير .
سباعي :: وﻻا يا برعي انا خابر زين انك حاجد علي عوض عشان خليتة دراعي الكبير من زمان ودلوك عايز توجع بيني وبينة .. واني اللي يلعب بيا اشرب من دمة .
برعي :: ما عاش وﻻ كان اللي يلعب بيك يا كبير واني هثبتلك دية اني براجبهم اديلي مدة وفي حاچات غريبة بتوحصل من ورا ضهرك يا كبير ..
سباعي :: حاچات اية يا وﻻ انطوج ؟
برعي :: اديني اﻻمان اﻻول يا كبير عشان ديبة الچبل لو عرفت هتجطع خبري .
سباعي :: كأنك چنيت ايأك مين دي اللي تجطع خبرك واني موجود انطوج واﻻ يمين بالله اجطع لسانك دية .
برعي :: بصراحة يا معلم سباعي عوض ليل ونهار جاعد مع ديبة الچبل .
سباعي :: وفيها اية دي يا جحش دي جد امة وهي اللي مربياها هو و كتير هني ف الچبل .
برعي :: دة كل يوم اﻻجية معاه راچل او راچلين من رچالتنا ويروحو يجعدو عند ديبة الچبل ويجعدو يتحدتو ويتساهرو بالساعات وبعدا يمشو وكل كام يوم يعمل كدي وويجيب كام راچل من رچالتنا ويعملو جاعدة عند مغارة الديبة .
سباعي :: وانت عرفت كل دية كييف يا ولد المحروج انطوج ؟
برعي :: شكيت فيهم يا كبير وخوفت يا ليكونو بيدبرو حاچة من وراك وفي حاچة كمان ﻻزم تعريفها يا كبير .
سباعي :: اايي كمان يا برعي جول ؟
برعي :: ديبة الچبل كل يوم بتختفي من الچبل ومحدش عارف بتروح فين و وصيت حريم يراجبوها تاهوة لما دخلت المتاهات اللي ف بطن الچبل تحت وهي كل يوم ع الحال دية تنزل المتاهات ومعاها بهچة محدش خابر فيها اية وتفضل مختفية بالساعات ومحدش عارف بتختفي فين وازاي ..
سباعي :: تكون بتروح فين دي دي مالهاش غير الچبل وﻻ عمر رچلها خطت براة من يوم دخلتة .
برعي :: كلاتنا بنخافو منيها والحريم بتجول انها بسم الله الرحمن الرحيم يعني بتحضر چن ف المتاهة .
سباعي :: اسمع يا برعي مش عايزك تجيب سيرة ل اي نفر من الرچالة علي اللي جلتهولي وعايزك تزود الرچالة اللي محاوطة الچبل ف المخابي عشان تامنو عايزك تزودهم عشر رچالة كمان مش عايز نملة تخرچ او تدخل م الچبل من غير ما ادرا بيها .
برعي :: امرك يا كبير باﻻذن اني .
سباعي :: استنا يا برعي عايزك تبجا من ضمن الجعدة اللي بيجعدها عوض والرچالة مع ديبة الجبل .
برعي :: عوض مهيطمنليش واصل اني بجول اخلي واحد من الرچالة اللي اني متؤكد منة تمام يدحلب علي عوض... وعوض بجا يجعدو معاهم ..
سباعي :: وساعتها هعرف كل حاجة بدور ورا ضهري ومهرحمش حد واصل وانتا يا برعي ليك مكأفاة كبييرة جووي عندي لو طلع كل حديتك صوح .
برعي :: انا هثبتلك كل حاچة واخليك تسمع وتشوف كماان .

** ف نفس الوقت ف مغارة ديبة الجبل *
عوض :: هاا يا ديبة هنعملو ايي لسة بردك مأنش اﻻوان ؟
ديبة الجبل :: هانت يا ولدي منجدرش ناخد خطوتنا اﻻ لما نتفجو مع البهوات بتوع مصر .. حاكم الهچامة مايهمهومش غير الجرشينات عشان كدي يا ولدي ﻻزمن نخلصو اﻻتفاج مع بتوع مصر وتروح تبيعلهم كام حتة من المساخيط عشان يبجا معانا جرشينات نجدرو بيها نشتري الرچالة كلاتهم ونملا عنيهم .
عوض :: طمنيني علي نچد كييفها ؟
ديبة الجبل :: زينة يا عوض والديابة الصغيرة كبرت وبجيت طولها كمان .
عوض :: اني خايف عليها م الديابة دي احسن تتسعر عليها وتاكلها
ديبة الجبل :: محدش بينكر الچميل غير البني ادم الديابة والكلاب دي هي اللي بتصون العشرة ومتعضش اليد اللي اتمدتلها .
عوض :: بس اصلهم كدي يا ديبة ربنا خلجهم مسعورين .
ديبة الجبل :: الحيوان ميهچمش اﻻ اذا چاع لكن البني ادم بيهچم لما يشبع يا ولدي . طب تصدج ب اية لما احب اهزر معاها شوييتين وامد يدي عليها بهزار اﻻجي الديبين زاموو عليا وﻻ كأني هجتلها ؟
عوض :: اللي تشوفية يا ديبة اني بس خايف عليها هي لحالها مع الديبين اديلها سنين وانتي بس اللي عطلي عليها وتراعيها بحوايچها .
**************
** بعد ايام ديبة الجبل وصلت لمنطقة الكهوف والصخور اللي فيها الجحر اللي بيوصل علي المقبرة اللي عايشة فيها الطفلة واللي ديبة الجبل قدرت خلال السنين اللي فاتت تحفرة بشكل اكبر عشان تقدر تتحرك فية بشكل اسهل هي والطفلة كمان **
ديبة الجبل :: بت يا نچد تعالي يا هني يا بتي .
نجد :: حاضر ياما اني چيت اهو .
ديبة الجبل :: اومال فين الديبين بتوعك مشيفهمش لية ؟؟
نجد :: بيرحو يصطادو ويرچعو معاهم ارنب او اي حاچة وبيسبولي حتة كمان ياما .
ديبة الجبل :: انتي كأنك منيهم يا نچد والديابة بتساعد اي ديب مايكونش جادر يصطاد .. يلا عايزاكي توريني بجيتي ازاي دلوك ف النشان ؟
نجد :: انا تعبت من الحاچات دي ياما انتي علطول تخليني اتعلم النشان وحدف السكاكين والچري وركوب الحصان وبفضل اجع من علية كتير لزمتة اية دية ياما ؟؟
ديبة الجبل :: عشان تجدري تحمي روحك يا بتي .
نجد :: احمي روحي من اية انتي ربتيني اني مخفش من حاچة واصل وكمان معايا الديبين ليل وجمر ؟
ديبة الجبل :: يا بتي انتي عايشة ف الصحراء واني مجدرش اطلعك الچبل تعيشي وسط الهجامة دول ياكلوكي واكل اني كدي مطمنة عليكي الهچامة مالهمش عيشة دايمة والحكومة ممكن تطب علينا ف اي وجت ومحدش ف الهچامة لية دي تمنة رصاصة تخلص علية .
نجد :: حاضر ياما اللي تشوفية عايازني اعمل ايي دلوك ؟؟
ديبة الجبل :: تركبي الحصان وتضربي نار من علية علي الصخرة اللي هناك دي .
** فعلا نجد البنوتة اللي وصل سنها دلوقتي ١١ سنة ركبت الحصان وهي شايلة البندقية وبدات تجري بية وضربت نار علي الصخرة والحصان بيجري وقدرت فعلا تصيبها ** وبعد التدريبات دي قعدو ياكلو و اول ما خلصو اﻻكل ديبة الجبل قامت علشان تمشي فجاءة لقيت سباعي ومعاة برعي وكذا راجل من الهجامة بيحاوطوها **
سباعي :: بجا كدة يا ديبة بتستغفليني اتشاهدي علي روحك ..
ديبة الجبل :: انت خابر انت بتجول اية يا سباعي الله ف سماة ادفنك حي دلوك لو ما نزلت سلاحك دلوك .
سباعي :: يأك فاكرة اني هخاف منيكي زي الرجالة الخايبة دي وﻻ تكونيش مستنية عوض يچيلك ؟ الرچالة دلوك زمانهم خلصو علية ف الچبل ..
ديبة الجبل :: جتلت عوض ؟ يمين بالله ل اجتلك فيها دي يا ولد الحرام انتا .
سباعي :: متنسيش تجري الفاتحة لما تچابلي عوض اتشاهدي علي روحك وﻻ اجولك ابجي اتشاهدي ف اﻻخرة .
*******************
يتبع...
لقراءة الفصل التاسع والثلاثون : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات