رواية نبضات القلب الفصل الثالث والثلاثون 33 بقلم دينا صابر

امير و سيف و حسام بقوا صحاب و دي حاجه غريبه انها تحصل بس حصلت و دي حاجه إيجابيه

...................................................

بعد يوم العزومه ب اسبوعين ......

امير و داخل ع وتين الاوضه و ف عيونه نظره كلهااا خبث قرب منهاا و هي كانت بتحط الهدوم فالدولاب و حضنهاا من ضهرهاا و اتنفس عند رقبتهاا و اتكلم بهدوء و همس خلي جسم وتين يترعش : بتعملي اي يا توتااا

وتين بتوتر من همسه : بطبق الهدوم يا حبيبي

امير و بيمشي ايده بشويش ع وسطهااا ; وحشتيني يا توتاا

وتين بكسوف : وحشتك اي يا امير انا ف وشك ع طول

امير و هو بيبوس عيونها بهدوء : انتي بتوحشيني و انتي معاياا يا توتا

وتين و هي ضايعه ف بوساته : هااا

امير و بيقعدها جمبه ع السرير و بيفك شعرهااا اللي كانت ربطه كعكه و بيلعب ف شعرهااا اللي بيعشقه و هو مفرود ع ضهرها هو دايمااا بيقول لهاا ان هو بيحب شعرهاا وهو مفرود بيخطف انفاسه : اتكلم بهدوء و مغمض عيونه : عندي ليكي خبر حلو

وتين بتوهان : خير يا حبيبي

امير و هو ع نفس وضعه و بنفس النبره : كنت عندك الدكتور المشرف ع حالتي

وتين بقلق و جايه تبعد ايده اللي بتلعب ف شعرهاا و تتعدل ف قعدتهااا امير ثبتهاا و رفض تتحرك و فضل بيلعب ف شعرهاا و اتكلم بنره مريحه و مطمئنه : اطمني يا توتا الدكتورطمني و قال اني فتحسن ملحوظ و الموضوع مش هيحتاج الا كام شهر و ابقي تمام

وتين بارتياح : كويس اوي يا حبيبي دي اخبار حلوه اوي

امير و بيقرب منهاا و بيبوس خدودهاا : شكرااا يا توتاا ع وجودك ف حياااتي

وتين و بتحضنه جامد : انا اللي بشكرك ع وجودك ف حياتي انا بدونك ولا حاجه يا اميري

امير و بيقرب من شفايفه و بيتكلم بهمس : يا روح اميرك انتي

(و تسكت شهرزاد عن الكلام اللي غير مباح عييييب )

..................................................................

هدي ف الشغل و فجاء بطنهاا وجعتهاا و حست بارهااق جامد و استاذنت و اخدت بقيت اليوم اجازه و قررت تروح البيت و ترتاح شويه و اخدت تاكسي و روحت و فتحت باب الشقه و دخلت بهدوء و هي متوقعه ان سيف ك العاده ف شغله بس حست بحركه ف الصالون و شافت سيف خارج من المطبخ اتصدمت و بصت ع طول ع الصالون و شافت فيه بنت قاعده بجيبه قصيره و بلوزه كات !!!!!

هدي بدوخه : سيف !! مين دي و بتعمل اي ف شقتني

سيف بارتبااك : دي دي دي

و فجاءه هدي وقعت و اغمي عليهااا

سيف بخضه : هدي !!!!

.........................................................

ايمان خارجه من الكليه و لسه راحه توقف تاكسي صوت من وراهاا بينادي عليهااا

* انسه ايمان ... لو سمحتي

ايمان بتافاف : اوووف نعم ... خير اي مش هخلص منك الله دا انت بني ادم زنان بشكل بقول لك اي بطل تمشي وراياا انت اخر مره جيبت لي مشاكل الله

* انا متاسف جدااا بس انا كنت عايز اتكلم معاكي ف موضوع و محتاج ردك

ايمان بتعالي : انا مفيش بيني و بينك اي حوارات و بعديني رديف اي هو انا اعرفك اساسا انا مشوفتكش الا من 20 يوم و كل يوم ماشي ورايااا انت اي مبتزهقش و بعدين انت مش معاياا ف الكليه اي اللي بيجيبك بقااا

* ما هو انتي لو تديني فرصه اقول اللي عندي كنتي عرفتي و رديتي عليااا و مكنتش فضلت وراكي العشرين يوم دول لكن انتي زي الدبش كل ما تشوفي وشي تتشاكلي و انا فعلا مش معاكي ف الكليه انا بشتغل مهندس ف مبني هنا جمب الكليه

ايمان : وانا مالي حل عني يا هندسه و مشت

مسك ايديهاا و اتكلم : لا ما هو انا تعبت من المشي وراكيكل يوم ف هتسمعيني و اخد ردك الوقتي بدل ما ارتكب جريمه انا صبري نفذ و انتي دبشه اوي الصراحه

ايمان بتمرد : احترم نفسك

* ماشي يا ستي تعالي نروح اي مكان اقول اللي عندي

ايمان : لا قول اللي عندك هناا مش هروح ف مكان اناا

* بتنهيده : اسمي أسر , مهندس معماري , عندي 27 سنه , امي و ابويا متوفين و انا اساسا من سوهاج بس نقلت سكني هنا بحكم شغلي و كدا

ايمان بقلت صبر :هااا انجز

أسر : اول مره شوفتك من سنه كانت و انتي خارجه من الكليه و لفتي نظري و فضللت متابعك لحد ما اكتشفت اني بدات اتشد ليكي و احبك , ف انا نويت اكمل نص ديني و انتي اللي هكمل معاهاا ف انتي لازم تحبني هااا هتحبيني امتي بقاا

ايمان برفعت حواجب : انت مجنون صح

أسر : بيكي يا حبيبتي

ايمان : لا دا انت مجنون رسمي انا هعتبر نفسي مسمعتش ولا كلمه منك

و ف الوقت دا شافهااا احمد و الدم غلي ف عروقه نزل من العربيه و هوووف ضرب أسر بالبوكس ف وشه يا عيني عين أسر ورمت

ايمان بخضه : احمد !!!

احمد بعصبيه و بيمسك دراعهااا بعنف : مين دا يا زفته انتي

ايمان و ايديها وجعتها من مسكته : اصبر افهمك

أسر و مسك احمد و ضربه : انت اللي مين يا عم انت و ماسكهاا كدا ليه

احمد بعصبيه و مسك أسر من قميصه جامد : انت يلااا قد الضربه دي دا انا هسجنك يلااا , غما عن انا مين و ابقي لها اي ف انت مالك يلااا

ايمان : احمد استني افهمك هو معملش حاجه هو ... ما تنطقي يا اخينا انت

أسر ببرود : و هو ماله اقوله ليه

ايمان : يا عم دا ابن عمي و ضابط ف انطق بدل ما يشوحك

أسر برومانسيه : عايز اتقدملهااا

احمد برفعت حاجب : و هو اللي بيتقدم لحد بيتقدمله ف الشارع كدا و لا بيدخل البيت من بابه

اسر : لا ما انا كنت بسالها ع العنوان عشان ادخل الباب من بيته , اقصد البيت من بابه

احمد و بيعدله ياقت القميص اللي كان كاسه بيهااا : اهااا طيب تعالي يا بابا و انا اقول لك ع العنوان

ايمان بصدمه مكنتش متوقعه انه هيقوله ع انه يتقدملهاا كانت مفكره هيبرر الموقف باي حاجه تانيه

.........................................................

ساره و قاعده بتاكل ترمس و مصطفي قاعد قدااامهااا عمال يضحك

ساره بغيظ : اسكت بقاا يا مصطفي انت بتغيظني ليه هااا و بعدين ما انا وقتهااا كنت خايفه و مش مركزه

مصطفي و مكمل ضحك : ف حد يبقي داخل عليه حرامي و ضربه و لما يغمي عليهااا و تفوق تقوله و النبي يا عمو سيبني اروح اكل اصل جعانه و اروح الحكام و اجي اربطني تااني ف حد يدخل عليه حرااامي و يقوله ياا عمووو يا شيخه دا انا وقتهااا كنت هموت واضحك و ماسك نفسي بالعافيه

ساره بغيظ : ما انت فضلت واقف ورا الباب كتير اوي عما دخلت انقذتني و جوعت انا عايزه افهم انت فضلت ورا الباب كل دا بتعمل اي

مصطفي بفخر : بدرس الموقف

ساره بتريقه : نينينيني بتدرس الموقف اسكت بس و خلايني ساكته ف حد مراته تبقي مربوطه و متكتفه و حامل و يفضل مستخبي ورا الباب ساعه قال اي بيدرس الموقف

مصطفي بصدمه : هااااا انتي بتتريقي عليااا يا ست ساره دا انا كنت براقبه و براقب حركاته عشان ميأذكيش , اسكتي انتي اش فهمك ف شغل الحكومه و الاكشن انتي اخرك رعب و فرجه بس مش ف ارض الواقع

ساره بشهقه : قصدك اي يا استاذ , اني مبفهمش

مصطفي و بيقلب عينه : ايوااا دخلناا ف النكد

ساره : يعني اانا بنكد

مصطفي لا يا حبيبتي ابداا

ساره : لا قول قزل اني بنكد و انت يا عيني ملاااك قول اني ظالمه و شريره قول

مصطفي : دي هورمنات حمل انا عارفه تعالي ااكلك ايس كريم

ساره : بس يكون فراوله

مصطفي : بس انتي مبتحبهوش فراوله

ساره : يوووه حبيته اي هتمنعه عني ايواا ما انتوا كدا يا رجاله مبتحبوش تشفوناا مبسوطين

مصطفي : لا ازااي تعالي اجيبلك بالفراوله

ساره و بتحط ايديهاا ف وسطهاا : انا مبحبش الايس كريم بالفراوله انت ناسي ولا اي اه طبعاا و انت هتفتكر ليه هو انا مهمه و انت لو مهمتم بياا كنت افتكرت و عرفت

مصطفي : لا بقول لك اي انتي لسه ف اول الحمل و لو فضلتي ع كدا انا هموت نفسي او اروح العباسيه

ساره بدلع : ليه يا حبيبي عايز تموت و تسيبني اه ما انت عايز تسيبني هنا لوحدي و تروح تبصبص و تعاكس ف الاموات

مصطفي و دخل الاوضه و سابهاا: لا دا انا كدا هتجنن

ساره : انت رايح فين انا حااامل و لازم تبقي جمبي ياا مصطفي , اوف بقاا

..........................................

نهي ع نفس وضعهااا بس المره دي عينيها بدل ما هي ع الفراغ عينيها ع الباب من يوم ما قال لها انه بيحبهاا و انه شافهاا قبل كدا و انقذهاا من الموت و قال لهاا ان هي لو ردت عليه و قالت له يخرج بره و رفضته مش هتشوف وشه تاني هو كل االلي محتاجه منها فرصه و هو هيعوضهاا و هي موفقتشو لا اديته فرصه و قالت له بره كلمه واحده مكررتهاااش و هو سمعهاا و فعلا عمل بكلامه و خرج و من وقتهاا و هي بصه للباب مستنيه يرجع و يتكلم معاه زي عادته بس مبيرجعش هو فعلاا عمل بكلامه بس ازاي بيحبهاا و اتخلي عنهاا بسهوله كدا اللي بيحب بيتمسك بحبيبه اكتر من كدا اللي بيحب بيحارب و بيقرب من حبيبيه باي طريقه مش بيستسلم بسهوله , بس هو مشي , طيب ما انا اللي قلتله امشي اانا اللي رفضته , طيب انا ليه زعلانه , وليه فارق معايااا غيابه كدا ,انا ليه واحشني راغيه اوي كدا

بس انا خايفه استسلم للحب مره تانيه و اتجرح و اتوجع تاني انا خايفه من المحاوله بس هو ,...... وحشني !!!!!!!

......................................................

رجعت من المستشفي كانت بتزور اختهاا نور زي كل يوم و بتطمن عليهاا فرحت اوي لما لقيتها مستجيبه مع العلاج الطبيعي دخلت الشقه و استغربت ان الاضاءه و الانوار كلها مقفوله استغربت و فتحت فلاش الفون و فتحت نور الصاله و دخلت اوضه النوم و فتحت الباب و شهقت جامد و اتصدمت من اللي شافته ...

...............................................................

شافت الاوضه ع الارض مفروشه بالورود و الشموع و البلالين الحمرا ف السقف بطريقه جميله و طربيزه ف جمب ف الوضه عليهاا شموع و اكل و عصير و السرير عليه بوكس هدايا و ورده حمرا و اتخضت لما حست بحد بيحضنها

فارس و بيبوس راسهااا : سامحيني يا فاطمه و ركع قدامهاا و فتح علبه قطيفه فيهااا خاتم و اتكلم بحب : تعالي نبدا صفحه جديده من اول وجديد اتعرفي فيهاا عليا ع فارس جديد فارس اللي بيحبك يا فاطمه انا بحبك و مستحيل اسيبك تضيعي من ايدي بعد ما اكتشفت مدي حبي ليكي فاطمه سامحيني و اقبلي ان نفتح صفحه بيضاء مع بعض ...............

وفاطمه ساكته و بتعيط و مصدومه من كل اللي بيحصل خايفه توافق و ترجع تندم و خايفه متوافقش و تتعب هي من حبه اللي محتل قلبهاا

فارس بتوتر من سكوتهااو هو اصلا خايف من ردهاا : فاطمه ركبتي وجعتني هااا ردك اي !!!

فاطمه بعزيمه مسحت دموعهااا و اتكلمت ب ثبات : .........

..................................................................

احمد وخارج من القسم و رايح يركب عربيته بعد يوم شغل طويل و متعب هو من اخر مره كان مع شروق و هو طاحن نفسه ف الشغل بيحاول يحط كل تركيزه ف الشغل و بس عشان ميفكرش فيهااا

لسه هيفتح باب العربيه لفي ايد بتمسك ايده برعشه و ضعف بص وراه و هو خايف يكون الشخص اللي ف باله

احمد بحنين و حب لكن اخفاهم بسرعه و ظهر مكانهم الحده : انتي بتهببي اي هناا هو مش انا قلت لك اني مش عايز اشوف وشك تاني انتي اي مبتفهميش ولا اي

شروق بوش واضح عليه التعب : انا مش هقدر انفذ طلبك انا اضعف من اني ابعد عنك انا والله الوقتي ما بخدعك و لا بكذب عليه انا بحبك بجد و رغم ضربك ليا و ااهانتك الا اني جيت ليك و بطلب منك السماح , انا بحبك يا احمد و معرفش اكمل بدون

احمد و هو ملاحظ اصفرار وشهاا : لكن انا اقدر اكمل بدونك و هتجوز

شروق بدموع و صوت ف رعشه : لا , اوعي تعملهااا انت كدا هتكون بتدبحني مش بتنتقم , اي طريقه انتقام انا راضيه بس ونا قريبه منك , و ...

احمد مقاطعاا : انا مش عايز اسمع منك كلمه زياده و انا لا بفكر فيكي و لا بفكر ف انتقام منك و لا انتي ف دماغي اساساا , و انا هتجوز عشان اثبتلك انك ولا شاغله دماغي اصلااا و ركب العربيه و بيتحرك شروق وقفت قدامهاا و هي بتتحرك و هي بتعيط و اتخبطت خبطه خفيفه

احمد بنرفزه نزل من العربيه و شدهاا من دراعهااا جاامد و اتكلم :انت مجنونه ف حد يقف قدام العربيه كداا

شروق بانهيار رمت نفسهاا ف حضنه و اتكلمت بشهقات و ضعف : انا مش هسيبك تروح لغيري جواز اي اللي انت بتتكلم عليه مش هسيبك تعمل كدا انا بحبك و مقدرش اعيش من غيرك انت ازاي عايز تنهي قصه حبي ليك قبل ما تبدا احمد انا مش هسيبك تضيع من ايدي والله بحبك ارجوك سامحني و بلاش حوار انك تتجوز داا و يطلع تمثيل

احمد بعدهاا بقسوه : ليه هو انتي مفكراني ذيك بتاع تمثيل و حوارات انا هتجوز بجد وانتي و لا ف دماغي فاهمه و ياريتي تحتفظي بحبه الكرامه اللي فاضله عندك و تبعدي عن سكتي

وركب العربيه و ساقهاا بعصبيه و بسرعه جداا و ساب شروق بتعيط من تعبهاا و جروحهاا و قلبهااا اللي بينزف

.............................................

استوووب و نكمل بعدين !!!!

توقعاتكوا

تفتكروا مين البنت اللي كانت مع سيف ف الشقه دي هل سيف بيخون هدي !!!!!

ايمان هتوافق ع اسر و لا لا !!!!!

د/سامر اختفي وراح فين !!

فاطمه هتوافق تبدا صفحه جديده مع فارس و لا لا !!!

احمد مين اللي هيتجوزهااا دي !!!!! وهل شروق هتيتسلم و لا لا !!!