رواية أحببتها صعيدية الفصل الثلاثون 30 نور الدين جلال

عصام :: انا مسافر القاهرة هظبط البيت وهغيب يومين وراجع

زينب :: طيب والفيلا بتاعتنا

عصام :: اياكي چنس مخلوج يعرف بيها دلوك

زينب :: هموت واشوفها واروح اعيش فيها

عصام :: قريب اوي يا زينب بس ندي اخواتي حقوقهم

زينب :: طيب ممكن تصورهالي ولما ترجع تخليني اشوفها

عصام :: وانتي مستعجلة علي ايه كلها اسبوع وهننقل كلنا مصر وهناك ابقي اخدك اوديكي تشوفيها

زينب :: والنبي بجد ؟

عصام :: يلا بقي انا همشي

زينب :: طيب تروح وتيجي بالسلامة

......................

جلال خرج من العمليات بعد 8 ساعات داخل غرفة العمليات وكان الكل بايت في المستشفي وبعد ما جلال خرج راح العناية المركزة

عصام :: بجولك ايه يا عمدة خد الحاچة صباح والهام وامشوا كدي كدي جعدتكم هنا ملهاش ايتوها لازمة ومحدش فيكم داج طعم النوم من عشية

العمدة :: انام ؟ نوم ايه .. انا كت هموت ولدي الوحيد مين عارف هيجوم منها ولا لا . ولو قجام. هيقوم عاجز

عصام :: كل شئ مجدر يا عمدة حتي لو انت مكنتش خبطتة كان هيتخبط من غيرك انت بس ادعيلة وجول يارب

العمدة :: يااااارب

عصام :: يا حاچة صباح چومي يا حاچة روحي جعدتك كدي ملهاش لازمة

صباح :: اروح فين .. انا مش منجولة من هني

عصام :: وبعدين بجا كدي مش هينفع صدجيني لو جعدتك دي فيه منها صالح كنت جولتلك اجعدي. يلا يا الهام خدي حماتك وامشي

الهام قامت وقومت حماتها ومشيت وعصام اخد العمده ومشي بيه. هما ماشيين العمدة حلف ما يركب العربية دي تاني وهيبعها ولو برخص التراب

عصام روح هيموت من التعب والنوم

زينب :: چلال عامل ايه يا عصام

عصام :: طلال خلاص معدش نافع تاني .. ولو مات يبجا احسن له

زينب :: تلاجي العمدة هيتجنن انة هو اللي خبط ولدة

عصام :: هو العمدة بس دي الحاچة صباح كمان هتتجنن

زينب :: الا صحيح انا سمعت من حسين ان العمدة لبسها لسواج تاني

عصام :: ايوة سواج ميكروباص شغال علي عربية مش بتاعتة

زينب :: يالهوي. والعمدة رضي علي نفسة يلبس العملة لغيره

عصام :: طيب اطفي النور واخرچي. انا تعبان وعايز انام شوية جبل ما الجا تلفون

من العمدة . لحسن كلنا مستنظرين خبر چلال بين اللحظة والتانية

زينب :: ماشي ياخويا .. انا هطفي النور واجفل الباب ورايا

...................

الساعة خمسة المغرب تليفون عصام فضل يرن صحاه من النوم

عصام قام بالعافية واخد تليفونة من تحت المخدة

عصام ،:: الو . مين. المعلم دهشان

المعلم دهشان :: ازيك ياعصام . عامل ايه ؟

عصام :: بخير في حاچة ولا ايه ؟

المعلم دهشان :: ايوة عمال ارن علي العمدة من الصبح وتلفونة مجفول متعرفش فية ايي ؟

عصام :: ايوة العمدة امبارح معرفش كان چاي منين بالليل وسكران طينة وخبط ولدة چلال اللي كان هو كمان شارب حشيش ودلوك هو في العناية ومدغدغ خالص

دهشان :: ياساتر يارب ؟ والعمدة دلوك فين

عصام :: غالبا هيكون يا في الدار يا راح ل ولدة المستشفي

دهشان :: طيب اعمل حسابك بعد بكره بالليل. احنا هننزل مصر علشان هنقابل الراچل اللبناني. الوسيط اللي بين الباشا وبين الراچل الأجنبي .. عشان نطعد معاه وبالمرة تتعرف عليه ويتعرف عليك

عصام :: تمام يعني انا اچيلك البلد ولا هنتجابل في مصر

دهشان :: لا هنتجابل في مصر في فندج كذا

عصام :: حاضر والفندج ده فين بالظبط

دهشان :: ده في وسط البلد

عصام قفل مع العمدة وقام لبس هدومة واتصل علي حسين علشان ياخده معاه المستشفي ويروح يزورو جلال

عصام لبس وخرج من الأوضة لقي الهام قاعدة مع زينب واسماء و اشواق

عصام :: انتي ايه اللي چابك دلوك ؟ في حاچة حصلت ل چلال

زينب :: لا دي متخانجة مع صباح واختك ضربتها

عصام :: نعم . انتي بتجولي ايي .. ضربتها ازاي

الهام :: الولية بينلها اتچننت وعمالة من ساعة ماروحنا الصبح تشتم فيا وتجولي انتي بوزك فجر وانتي وانتي وانا عمالة ساكتة واجول زعلانة علي ولدها مع اني انا كمان زعلانة علي چوزي لكن مجدرتش اتحمل بصراحة روحت مسكاها چيباها من شعرها ومسحت بيها بلاط الدار..

**عصام دخل المطبخ جاب منه خرطوم ونزل علي الهام بالخرطوم وفضلت الهام تصرخ وزينب واسماء ورشا عمالين يحاولوا يبعدو عصام عنها لكن كل واحدة منهم لحقتلها خرطومين حلوين والحاجة امينة نزلت جري شدت عصام بعيد عن اختة الهام *

عصام :: تجومي دلوك علي دار چوزك وتستسمحي حماتك . انتي عايزة الناس تجول علينا ايه معندناش اصل .اول ماچوزك عمل حادثة سبتي الدار وضربتي امه

الهام :: بخوف وهي مستخبية ورا زينب والحاجة امينة .. حاضر

عصام مشي وهو مضايق جدا من تصرف الهام اختة وراح قابل اخوه حسين وحكي له اللي عملتة اختة الهام وهما ماشين في الطريق

حسين :: الهام ضربت الحاچة صباح ؟ والعمدة كان فين ؟

عصام :: انا رايح وخايف يكون هناك وعرف اللي حوصل من الهام وحاسس اني في نص خلجاتي مينية

حسين :: بصراحة حاچة تكسف بچد بس الهام عملت كدي ازاي .. اكيد في حاچة بيناتهم هي مجالتش عليها

عصام :: انا مسكتها دغدغتها بالخرطوم لولا امك ومرتك وزينب انا كت موتها

عصام وحسين وصلوا المستشفي وكان

العمدة هناك في الأستراحة

عصام :: ازيك ياعمدة

حسين :: چلال عامل ايه دلوك

العمدة :: لسة في غيبوبة والدكاترة بيجولوا انة في حالة حرچة

حسين :: بأذن ربنا هيجومة منها يا عمدة

بعد ما عصام وحسين قعدوا في المستشفي

علي الساعة 9 عصام وحسين مشيوا

وعصام قال لحسين وهما ماشين

عصام :: علي فكرة ياحسين انا اشتريت فيلا في مصر

حسين بص كدة بأستغراب وكأنة مش مصدق ودانة.. فيلا

عصام :: ايوة فيلا بس يعلم ربنا ان الفيلا دي مخدتش چنيه من تمنها من المحل

حسين :: بصوت مخنوق وعنيه بتروح وتيجي وضيقة:: عارف ياخويا يعني انا هشكك فيك

عصام :: وعلي فكره كمان انا اشتريت فيلا ليك جريبة من الفيلا بتاعتي

حسين اتغير 180 درجة وفرح جدا. لكنة سأل سؤال تلقائي

منين ياخويا ؟ الفلوس اللي بتشتري بيها دي منين؟

عصام :: انا من زمان وانا بتاچر في الأراضي

وابوك كان عارف الأول شلت كام جرش من حر مالي. واشتريت شجة صغيرة وبعدين بعتها وكسبت فيها بعدين اشتريت ارض وهكذا لغاية ما كبرت

حسين :: ربنا يزيدك ياخويا .. بس ليه محدش فيكم فكر يعرفني

عصام :: معلش ممكن اكون غلطت اني مجولتلكش وبعدين ياخويا انا في اللاول كت خايف اخسر وبعدين جولت ياض خليك مداري علي شمعتك

حسين :: مني ياخويا .. خايف علي نفسك مني

عصام :: لا ياخويا وبعدين مالي هو مالك وانا لما فكرت اشتري حاچة لنفسي اشتريتلك زي بالظبط والمفتاح بتاع فيلاتك اهو.. بس اهم حاچة متجولش حاچة غير بعد ما اخواتك ياخدو نصيبهم من الورث

حسين :: ربنا يخليك ليا ياخويا وميحرمنيش منك

عصام :: ايه رئيك نطلع علي مصر صد رد وافرچك علي فيلتك وفيلتي

حسين :: دلوك

عصام :: وفيها ايه دي كلها ساعتين رايح وساعتين چاي وانا هتصل بزينب تطمن مرتك اننا مش هنرچع جبل الفچر

عصام اخد حسين وطلعوا علي مصر بعربيتة

وفرجوا علي الفيلا بتاعتة وبعدين علي الفيلا التانية وحسين كان مبهور بيهم

بعدها طلعوا اتعشوا وسهروا في كافيه للساعة اتنين وبعدها ركبوا العربية علشان يرجعوا البلد

..................

بعد يومين عصام سافر القاهرة واتقابل مع المعلم دهشان وراحو قابلوا الوسيط اللبناني والباشا محضرش المقابلة لكن عرف اية اللي تم فيها

وعصام اتعرف عليه واخدوا ارقام بعض وسهرو للصبح في الأوتيل وبعدها عصام والعمده رجعوا البلد

...........

الحاجه صباح مش طايقة الهام وكل شوية تتلكك معاها علشان تتخانق معاها

صباح :: انا مش عارفة اخوكي خلاكي ترچعي تاني ليه ماكتي غورتي من هني وارتحنا مينيكي

الهام :: بجولك ايه انا مستحملة بالعافية ومتخلنيش افتح فيكي لحسن وديني هجوم اديكي علجة انجح من العلجة اللي فاتت وانتي وليية كبيرة ومش حمل يدي

صباح :: لو عندك دم سيبي الدار وغوري

خلاص اللي كان مجعدك هني اهو مرمي في المستشفي ومبجاش نافع

الهام :: دار مين يا ام دار اللي اسيبة

الهام سابتها وطلعت اوضتها. وسعاد خرجت من المطبخ جري

سعاد :: ايه اللي انا سمعته ده ياست صباح؟:: وانتي هتسكتي؟

صباح :: ااااااه يانفووووخي .. نار. نار في نفوخي.. بكره بت الكلب دي تطردنا من الدار

سعاد :: مانا من زمان ياستي بجولك البت دي كل يوم عن يوم شكوتها بتكبر

صباح :: غوري من جدامي .. مش طايجة اسمع حد .. ولا اشوف حد ... يا وجعتك الطين ياصباح ..

.......................................

جلال فاق من الغيبوبة وخرج من العناية المركزة وبقي ينفع الناس تزوره لكنة كان لسة بيرجع بسبب ارتجاج المخ

الدكتور دخل وكانت الهام وصباح عنده في الأوضة والعمدة كان في الكافتيريا اللي جنب المستشفي بيشرب شيشة

الهام :: يا دكتور هو چلال ماله مش فايج له

صباح :: وكل ما يفوج تحس انة مش حاسس بالناس اللي حولين مينية وغير الترچيع والصراخ من الوچع

الدكتور :: شوية كدة هنعملة اشاعة رنين مغناطيسي علشان نطمن علي المخ

ومتنسوش ياجماعة ان كل دي اعراض طبيعية وبعدين احنا لسة هنراقب الرؤية السمع و القوة والاحساس التوازن التنسيق ردود الأفعال

صباح :: هاااا .. يعني ايي

الدكتور :: يعني هنتابعة باستمرار لغاية ما يسترد عافيتة

صباح :: يعني يا داكتور چلال فعلا هيبجا عاچز ؟

الدكتور :: للأسف يا حاجة ابنك الكسور اللي فيه هتخليه عنده شلل لكن نحمد ربنا اننا تخطينا مرحلة الخطر

وهما قاعدين بيتكلموا مع الدكتور بهاء صاحبة جه

بهاء :: مساء الخير

الحاجة صباح :: مساء النور اتفضل يا ولدي اجعد علي الكرسي

الدكتور :: طيب يا جماعة ياريت بس خمس دقايق وتسيبوا المريض يرتاح

الهام :: حاضر يا داكتور

بهاء :: هو جلال اخباره ايه

الحاجة صباح :: ادعيلة يا بهاء . چلال تعبان جووي ربنا يرحمه ويزيح عنة وراحت باصة ل الهام

الهام :: عملت ايه في موضوع اچازة چلال

بهاء :: خلاص يا ست الهام انا خلصت كل حاجة وقدمت تقارير الداكتور

الحاجة :: معلش يا ولدي تاعبينك معانا

الهام :: ربنا يخليك يا بهاء

بهاء :: انا معملتش حاجة بس ربنا يقومة بالسلامة

الممرضة دخلت وطلعت كل اللي في الأوضة علشان هيدوا جلال الحقنة ويسبوه يرتاح

...............

بعد كام يوم .. عصام نايم علي السرير وعمال يفكر ف الحاج نعمان والوصية اللي سابهالو وكاتبلو فيها انة ما بيخلفش مع التقارير الطبية

وفجاءة افتكر انة لحد دلوقتي معرضش التقاير دي علي حد وانة اكتفي بالوصية بتاعة ابوة

زينب حست بيه وهي نايمة جنبة

زينب :: عصام ؟ ايه اللي مجعدك علي السرير كدي واخري كدي

عصام :: مفيش يا زينب .. نامي انتي

عصام قام ولبس الجلبية بتاعتة وزينب قامت وعمالة تبصلة ومستغربة عصام رايح فين الساعة تلاتة الفجر

انت بتلبس وهتروح فين دلوقت

عصام :: مخنوچ ومش چايلي نوم هخرچ اشم هوا

عصام خرج واخد مفاتيح البيت التاني معاه وراح قلب في صندوق الأوراق وطلع جواب ابوه وفضل يقرا فيه وورق التحاليل وحاول يفهم الورق مكتوب فيه ايه لكنة فشل

وجت فكره في دماغة انة يصور اللي مكتوب في الورق ويوريه ل احمد خصوصا انه موجود وهيمشي لسة بعد بكره

عصام صور الورق وبعدين اخد التحاليل معاه وقفل البيت ومشي

تاني يوم الصبح وهما قاعدين بيفطرو

عصام :: بجولك ايه يا احمد يا واد عمي كت عايز استفسر منك علي حاچة كدة تخص واحد معرفة

احمد :: حاجة ايه ؟

عصام :: لما تفطر عايزك لوحدينا

احمد :: حاضر .. بس بخصوص ايه

عصام :: بخصوص حاچة كدي ليها علاجا بالطب والخلفة

احمد :: ماشي

حسين :: حد مين ده ياعصام.

عصام :: ده واحد كدة وحلفني مچبش سيرتة

عصام بعد ما خلص فطار اخد احمد اوضة الضيوف ووراه صور الاشاعات علشان احمد يبص عليها

احمد بص علي صور الأشاعات

احمد :: اي دة يا عصام الورق بيقول ان......

**************

علشان تفتكرو وقفنا فين هنبدا المشهد من اولة

......... ف نفس الوقت ف القاهرة.................

قصر كبير في اهم و ارقي مدن القاهره محاط بحراسه شديده جدا تقرب هجر ناحيه البوابه الرئيسيه اول ما تقرب الحراس يسلموا عليها ويرحبو بيها ويسمحولها تدخل بعد دخولها الحراس يتكبمو مع بعض

الحارس علي :: والله يا محمد البنت دي ما شفتش في ادبها من ساعه ما جت اشتغلت هنا وهي في حالها تيجي تشتغل وتخلص شغلها وتمشي على طول ولا بتكلم حد ولا حد بيكلمها ده انا حتى اسمها

الحارس علي :: اسمها شاديه انا شفت البطاقه بتاعتها اول مره دخلت فيها القصر لما كانت جايه تشتغل بيني وبينك الصراحه كان عايز اتعرف عليها وحاولت اعاكسها بس هي صدتني وكلمت ام خالد الطباخه تقول لها اني عايز اتقدم لها.

الحارس محمد :: وايه اللي حصل قالت لك ايه؟

الحارس علي :: والله يا محمد يا اخويا انا نفسي مش عارف كل اللي اعرفه ان ام خالد الطباخه قالت لي لو حاولت تفتح الموضوع ده تاني عيشك هيتقطع من هنا .

*** تدخل هجر القصر من الباب الجانبي اتجاه المطبخ وتدخل اوضه الشغالين تغير هدومها تلبس هجر لبس محدد بتلبسه اثناء شغلها في القصر هجر بدات شغلها واستغلت غياب الباشا وابنه البيه وبسرعه راحت ناحية اوضه المكتب بتاعه الباشا من غير ما حد ياخد بالة ودخلت بشويش ناحية الخزنه بسرعه طلعت ورقه فيها ارقام اللي ممكن تكون هي الارقام السريه للخزنه دي اللي قدرت تجمعها من خلال وجودها ف القصر ولما كانت بتدخل المكتب كذا مره تنضف والباشا بيفتح الخزنه بتاعته ف لمحت اول كام رقم لان مكنش ينفع تفضل بصة ومركزه علشان الباشا مايخدش باله وبعد كده قدىت تعرف تواريخ ميلاد الباشا وابنة ومراتة وتاريخ جوازة وكل الارقام المهمه اللي ممكن تكون هي الرقم السري لحد ما جمعت الارقام اللي متشابها مع الارقام اللي شافتها وبالفعل بدات تكتب الارقام لحد ما الخزنه فتحت لقيت جواها ورق كتير ومدت ايدها تطلعة وف نفس اللحظه باب المكتب اتفتح وهي بتلتفت تشوف مين سمعت صوت بيقول مش هتلاقي اللي بتدوري عليه كان واضح من اول يوم انك جايه علشان كده

.........................

هجر بصت وراها ولقيت مرات الباشا سحر هانم هي اللي بتقولها كدة **

هجر :: مدام سحر والله اني مش حرامية دة انا لجيت الخزنة مفتوحة وكنت بجفلها .

مدام سحر :: اقفلي الخزنة وتعالي ورايا علي اوضتي فوق عايزاكي.

* هجر بقت مش فاهمة ولا مستوعبة ردة فعل سحر هانم بس مكنش قدامها حل تاني قفلت الخزنة وطلعت وراها اوضتها وخبطت ودخلت لها **

مدام سحر :: اقعدي يا شادية

هجر :: حاضر يا مدام والله انا مكتش بسرج حاچة..

مدام سحر :: عارفة يا شادية انك مكنتيش بتسرقي وانك مش حرامية.

هجر :: اة والله يا مدام سحر اني مش حرامية دة اني متربية واهلي غلابة يكش بس الحوچة هي اللي رمتني ع الشغل والبهدلة

مدام سحر :: لما ام خالد الطباخة قالتالي ان قدامها بنت غلبانة وعايزة تشتغل جيتي هنا وشوفتك و وافقت انك تشتغلي.

هجر :: والله يا مدام الشغل ديي چالي من عند ربنا دة اني كنت محتاچة كل جرش عشان اصرف علي اهلي وبجيجت بفضل ادعيلك ليل نهار مم يوم ما اشتغلت هني وبحمد ربنا علي الصدفة دي اللي چابتني هني.

مدام سحر :: انا مش الطباخة علشان اصدق الكلام دة تحبي، اقولك الصدفة دي جت ازاي ؟

** هجر سكتت ومبقتش عارفة ترد تقول اية **

مدام سحر :: روحتي عن الست، بتاعة الاكل اللي ام خالد بتجيب فطار منها الصبح وهي جاية الشغل وبقيت، تطلبي ساندوتش واحد وتمشي وقدرتي تلفتي انتباة الست دي وهي لما اتكلمت معاكي قلتلها انك بتدوري كل يوم علي شغل وانك يدوب بتاكلي ساندوتش الفول دة لحد تاني، يوم علشان معكيش فلوس وطبعا دة حصل ف الوقت اللي الشغالة بتاعتنا هنا استقالت ل ظروف خاصة بيها مقالتهاش وام خالد واقفة بتجيب فطارها انتي فضلتي تتكلمي مع البياعة انك تعبتي من كتر اللف كل يوم علي شغل ومش لاقية ف ام خالد اتكلمت معاكي وسألت عليكي البياعة والبياعة بكل حب شكرت فيكي وقالت انها تعرفك وانك غلبانة وبنت حلال والكلام دة وعلشان كدة ام خالد جابتك ليا عشان تشتغلي.

هجر :: ايوة يا مدام سحر بس اني ماليش يد ف حاچة دي كلها حاچات من عند ربنا ومجصدتش اچي هني زي مابتجولي

مدام سحر :: تعرفي يا شادية ودة طبعا مش اسمك انا خليت ام خالد دفعت للست فلوس علشان تحكيلها كل حاجة تعرفها عنك والست قالت الحقيقة وانا سبتك كل دة مستنية اعرف انتي ناوية علي اية ؟؟

هجر :: اية اللي بتجولية دة يا مدام سحر اني اسمي شادية زي ما مكتوب ف البطاجة اللي مع حضرتك شوفتيها.

مدام سحر :: قصدك البطاقة اللي عملهالك معتز المحامي يا هجر ؟...