القائمة الرئيسية

الصفحات

رواية أحببتها صعيدية الفصل الثاني 2 نور الدين جلال

 رواية أحببتها صعيدية الفصل الثاني 2 نور الدين جلال

رواية أحببتها صعيدية الفصل الثاني 2 نور الدين جلال

رواية أحببتها صعيدية الفصل الثاني 2 نور الدين جلال

بالليل بعد ما الحاج نعمان روح البيت وعصام وحسين واحمد رجعوا البيت والحريم حطت العشا وكلهم اتلموا علي طرابيزه السفره علشان يتعشوا الحاجة امينة ميلت علي الحاج نعمان وعرفتة ان اشواق موافقة انها تشتغل مع احمد ممرضة في العياده
وقالت له ان اخته نعمة هي كمان عايزة تشتغل معاهم في العيادة
الحاج نعمان ساب الأكل وقال ل امينة حصليني علي اوضتنا عايز اتحدت معاكي
الكل بص بأستغراب ومش عارف فيه ايه

الحاج نعمان :: انتي بتجولي ايه يا حاچة نعمة عايزة تشتغل مع احمد
الحاجة :: اه ياخويا وفيها ايه
الحاج نعمان :: طب اشواج وبنجول خطيبة احمد وهتبجا مرتة نعمة بجا تشتغل معاه بأيتوها صفة؟
الحاجة امينة :: ايهي ياراچل متحبكهاش
البت من ساعة ماچوزها سافر ياحبة عيني وهي منكسرة ومهياش عارفة چوزها عايش ولا ميت سابها تشغل وجتها في الشغلانة دي وبعدين مهياش شغالة مع حد غريب دي هتشتغل مع ولد اخوك وخطيب بتك وهتكون تحت عنينا
الحاج نعمان :: ايوة يا حاجچة بس
الحاجة :: مابسش وافج بجا خلي البت تفرح وتلاقجي اللي يشغل تفكيرها .. البت عجزت جبل اوانها ياكبدي
الحاج نعمان :: علي جولتك يا حاچة .. خلاص عالبركة .. اندهيلي نعمة طيب من بره
الحاجة امينة :: يخليك لينا ياحاچ .. حالا هندهلها
الحاجة امينة :: بت يا نعمة
نعمة :: ايوة ياما
الحاجة :: كلمي ابوكي عايزك في الأوضة
نعمة :: حاضر ياما

نعمة راحت تشوف ابوها الحاج نعمان عايزها في ايه
نعمة :: ايوة يابا امي جالتلي انك عايزني
الحاج نعمان :: تعالي يا بتي عايزك .. اجعدي چاري هني علي السرير
بجا امك جالتلي انك عايزه تشتغلي في العيادة اللي هيفتحها احمد واد عمك ..صوح الحديت دية
نعمة :: ايوة يابا بس ده بعد اذنك طبعا ورضاك ولو مش موافج يبجا بلاها خالص
الحاج :: لا يا بتي انا موافج بس عايز اقجولك كلمتين انا هوافج بس عشان انا عايزك تشغلي وجتك وتفكيرك ومش عايزك تحطي في دماغي ايتوها حاچة نهائي غير بس شغلك .. انتي فهماني
نعمة :: صوح يابا يعني انت موافچ .. وراحت موطية علي ايده وباستها
الحاج :: يلا بجا لحسن الاكل زمانة برد هههه
نعمة :: يخليك لينا يابا وميحرمناش منك ابدا يا احسن اب في الدنيا

الحاج نعمان نزل والكل كان قاعد ومستنظر هو هيقول ايه او كان فيه ايه بما فيهم احمد .
الحاج نعمان قعد وشاف الكل بيبصلة
الحاج نعمان :: جچري ايه يا ولاد .. انتوا بتبصولي ليه كدي.. يلا كلة ياكل

فتحية :: الا چولي ياحاچ .. هو فيه حاچة ؟
الحاج نعمان :: حاچة ؟ حاچة زي ايه بالظبط ؟
فتحية :: لا انا بس مستغربة اول ما چيت
الحاجة امينة وشوشتك واخدتها وطلعت وبعدين ندهت علي نعمة
الحاج :: چري ايه يافتحية .. مالك في ايه
عموما هچول بص يا احمد يا ولدي انت كنت اتحددت معايا علي ممرضات تشتغل وياك في العيادة الچديدة مش كدي
احمد :: ايوة يا حاج .. ايه لقيت حد يشتغل معايا ؟
الحاج :: ايوة يا ولدي .. تنين هيشتغلوا معاك .. حلوين اتنين ؟
احمد :: ياسلام يا حاج حلوين اوي
الحاج :: طب مش عايز تعرف مين التنين دول
احمد :: مين ياحاج ؟
الحاج نعمان :: اشواج خطيبتك ونعمة اختها
عصام :: ايه اللي انت بتقجولوا ده ياحاچ . ده لا يمكن يوحصل ابدآ
حسين :: ازاي الحديت ده .. اخواتي انا يشتغلوا ممرضات في مشتشفي
الحاج :: وفيها ايه بس يا ولاد هما هيشتغلوا مع حد غريب
عصام :: والو يابا .. برضو ميصحش .. كدة اهل البلد هياكلوا وشنا
الحاجة امينة :: واهل البلد هياكلوا وشنا ليه بجا .. هما شغالين شغلانة عيب ولا شغلانة عيب
فتحية قاعدة ومضايقة اوي وهي لا علي حامي ولا علي بارد وقامت راحت اوضتها
وبقت رايحة جاية في الأوضة وهي متغاظة ومفروسة .. كان نفسها ان الحاج يرفض او حتي هي كمان تشتغل مع احمد في العيادة

احمد :: فيه ايه ياعصام انت وحسين .. انتوا اكتر ناس المفروض تشجعوا اخواتكم انهم يشتغلوا معايا.. ده عمل خير في الأول وفي الأخر وغير كدة دول مني وانا منهم .. اخواتكم اشواق و نعمة زي اخواتي
ومحدش في البلد ممكن يقول عليهم حاجة وحشة ده غير ان اهل البلد هيطمنوا اكتر بوجودهم في العيادة وهيجيبوا حريمهم يكشفوا عندي وهم مطمنين
اسماء :: بصراحة انا شايفة كلام الداكتور احمد عنده حج فيه
حسين :: دهدي انتي مين اذنلك تتحددتي من اساسة .. انجري علي اوضتك .. لما الرچالة تكون بتتحدت الحريم تسكت خالص
الحاج قام وهو مضايق وزعق في حسين وعصام وقال
محدش هني في الظار له كلمة بعد كلمتي
انا جولت موافج يعني موافج
حسين وعصام كل واحد فيهم قام وهو شايط ومضايق وخد مراتة وراح علي اوضتة
احمد :: خلاص يا حاج طالما الموضوع هيسبب مشاكل كبيرة كدة بلاش منة
الحاج :: لا متشغلش بالك انت .. انا هعرف اراضي اولادي .. يلا انا طالع
............

...... في اوضة عصام ومراتة زينب........

زينب:: انت مضايج نفسك كد ليه ابو امير
عصام :: انتي مش خابرة انا مضايج لية؟ بجا اخواتي اني .. بنات الحاچ نعمان يشتغلوا ممرضات داحنا هنبجا فولة علي كل لسان
زينب :: ولا فولة ولا حاچة انتوا بس اللي مكبرين الحكاية
عصام :: انتي بتجولي ايه يا زينب .. يعني انتي موافجة علي الحديت ديه
زينب :: وموافجش ليه .. هو الداكتور احمد ده مش ابن عمك ؟ والناس كلها خابرة كدي ولا لا
طيب مش متربي معاكم في الدار وهو عيل صغير
عصام :: ايوة بس بردو
زينب :: هي مكابرة وخلاص ... احمد منكم والناس كلها خابرة كدي وابوكم عمل اللي المفروض يتعمل .. العيادة كدي ممكن تشتغل
لكن لو مكنش عمل كدي ولو بعد مية سنة ما
حد هيودي مرتة له ...
عصام :: يعني فكرك كدي
زينب :: ايوة هو كدي

. بعد طلوع الحاج نعمان اوضة مع مراتة فتحية...
...........
فتحية :: بجولك ايه يا حاچ ياحبيبي وكل دنيتي
الحاج :: نعم يافتحية عايزة ايي
فتحية :: بجول يعني لو ينفع اشتغل انا كمان في العيادة مع الداكتور احمد
الحاج :: بتجولي ايه ؟ انتي اتخبطي في نفوخك يا ولية
فتحية :: اتخبطت في نفوخي ليه بجا ؟ فيها ايه يعني
الحاج :: فيها انك اتجننتي وعايزه مستشفي المجازيب
فتحية :: ياحاج عشان خاطري انا نفسي اخرچ واشوف ناس چديدة .. انا اتخنجت يا حاچ من شغل الدار والزريبة
الحاج نعمان قام ومسك ايد فتحية ولوها ورا ضهرها وقالها
عارفة ما تچيبي سيرة العيادة دي تاني .. انا هموتك واشرب من دمك
فتحية :: اي اي ايدي ياحاچ هتتكسر في ايدك
الحاج :: خليها تتكسر ... ولية مهبوشة .. انا ناجصك انتي كمان

............... كلة طلع ينام وفضلت اشواق واحمد قاعدين في الصالة بتاعة البيت
احمد :: رغم اني فرحان جدا انك هتكوني معايا في العيادة انتي ونعمة الا اني زعلان
ان حسين وعصام زعلانين مع الحاج بسببي
اشواق :: لا متجلجش ابويا هيعرف يراضيهم ويجنعهم
احمد :: تفتكري الحاج هيعرف يأثر عليهم
اشواق :: ايوة اومال ايه وكمان اخواتي دماغهم كبيرة وهيعرفوا ان ده مش غلط ولا عيب
احمد :: بقولك ايه ما تيجي نتمشي شوية في جنينة البيت
اشواق :: ابويا ممكن يصحي ولا اخواتي وهتبجا ليلة مش فايتة
احمد :: ليه بقي انتي بنت عمي .. انا طالع اتمشي شوية في الجنينة عايزة تيجي ورايا براحتك مش عايزة بردو براحتك
احمد خرج و اشواق واقفة في نص الصالة محتارة مش عارفة تعمل ايه
تخرج وراه وتتمشي معاه في جنينة البيت
وممكن حد يشوفهم .. او تزعلة وتطلع اوضتها.. لكن القرار مخدش وقت كتير
وفضلت اشواق انها تخرج ورا احمد وتتمشي معاه. وتبعد بيه عن الأنظار
وفعلا اشواق خرجت ورا احمد وواربت الباب الحديد بتاع البيت
اشواق :: بصوت واطي .. احمد احمد
احمد :: جيتي يعني ؟
اشواق :: اعمل ايه ما انت مجموص وانا مجدرش ازعلك.. بس عشان خاطري تعالا نتمشي ورا الدار ناحية الزريبة احسن لحد يشوفنا وتبجا ليلة مهببة
احمد :: بقي كدة يا اشواق ؟ .. عموما ماشي
احمد اتمشي هو و اشواق وراحو ورا الزريبة
وكان الليل منظره جميل مع اضواء اللمبات
اللي حوالين البيت
احمد ::ياااااااه يا اشواق اول مرة احس بجمال الليل والهدوء اللي حوالينا
اشواق :: الا جولي يا احمد هي البلد اللي كت فيها كان فيها بنات حلوة ؟
احمد :: المانيا كلها حلوة يا اشواق وبناتها حلوين اوي اوي
اشواق زعلت وبان علي وشها لكن احمد لحق نفسة لانة فهم انة عك في الكلام
بس مش احلي ولا اجمل من بنات الصعيد علي فكرة
اشواق :: بتضحك عليا ؟ بجا احنا احلي من بنات بلاد بره
احمد :: ايوة طبعا
اشواق :: ربنا يخليك
احمد :: ماتيجي نقعد هنا
اشواق :: علي الأرض ؟
احمد :: ومالوا .. اقعدي اقعدي
اشواق :: ومالوا واهي جعدة
***

..... بعد يومين .........

كرم :: الو .. ايوة يامعلم دهشان
المعلم دهشان :: ايوة يا حاچ كرم .. الأمانة ظهرت
كرم :: بتتحدت چد ... انا چايلك حالا
المعلم دهشان :: ماشي بس وانت چاي هات معاك اكلة حلوة للرچالة اللي شغالة
كرم :: بس كدي من عنينا الجوز
بعد ما كرم قفل مع المعلم دهشان نده علي البت ساميه
كرم :: بت ياسامية .. انتي يا هبابة البرك
سامية :: نعامين يا عيون هبابة البرك
كرم :: بچولك ايه .. عايزك تروحي العشة تدبحي جد عشر فرخات كدي وتحمريهم وتعملي معاهم شوية رز علي شوية بطاطس كدي
سامية ::عشر فرخات ؟ ليه كل ده
كرم :: انتي تعملي اللي بجولك عليه من غير ما تسألي... امال فين اللي ما يتسمي سامبو
سامية :: بره بيسجي الجنينة
كرم :: طيب جوليلوا ميروحش كدي ولا كدي
خليه چاري يمكن احتاچلة في ايتها وجت
سامية :: بصوت واطي قربت من كرم وقالت.. بچولك ايه يا حاچ هو انا موحشتكش
كرم :: چري ايه يابت ... الولا سامبو ياخد باله
سامية :: ما ياخد هو انا مش مرتك ؟
كرم :: بت حسك عينك تچيبي سيرة الموضوع ديه تاني
سامية :: يوه هو انا چبت سيرة لحد .. ده حديت بيني وبينك بس
كرم :: ولا حتي بينك وبين نفسك .. انا اتچوزتك عرفي بس عشان انتي طلبتي اللي بينا يبجا في الحلال .. غير كدي انتي خدامة عندي
سامية :: وانا راضية وموافجة ... بجولك ايه انا عايزك الليلة
كرم :: لما اشوف بس اللي ورايا واشوف هينفع اشوفك يالليل ولا لاه ... يلا بجا انچري شوفي اللي طلبتة منك
سامية :: بس كدي دانت تؤمر ياسبعي
سامية راحت عشة الفراخ اللي في ضهر الفيلا الكبيرة ونقت عشر فرخات دبحتهم ودخلت عليها مرات كرم
فاطمة :: بتعملي ايه يازفتة انتي
سامية :: تفت في حبها يالهوي ياست فاطمة خضتيني
فاطمة :: خضيتك ؟ ليه ياختي شوفتي عفريتة
سامية :: لا بس دخلتي عليا مرة واحدة
فاطمة :: انطجي يازفتة بتعملي ايه .. ايه الفراخ دي كلاتها .. الحاچ كرم عازم البلد كلاتها ولا ايه
سامية :: انا ايش دراني انا .. ابجي اسأليه لما يأچي .. انا عبد المأمور وهو اللي جالي ادبح عشر فرخات
فاطمة :: ماشي ... وبصوت واطي وهي ماشية .. ربنا يخدك يابعيدة
سامية :: بتجولي حاچة يا ست فاطمة
فاطمة :: بجول ربنا ياخدك ياختي جولي امين
...............

سامية طلعت اوضة هجر وقالتها علي اللي حصل من الحاج كرم
هجر :: يبقي كدة حصل اللي انا مستنياة يحصل وانا رتبت كل حاجة
سامية بخوف :: اني خايفة ياست هجر احسن الحاج كرم يعرف اني بنقلك اخبارة دة ساعتها يقتلني ويرميني لديابة الجبل
هجر :: متخافيش يا سامية محدش هيعرف ولا هيعملك حاجة انزلي يلا اعملي اللي قالك علية
سامية :: حاضر ياست هجر بالاذن انا
............
بعد ثلاث ساعات كانت سامية خلصت الأكل وراحت للحاج كرم وقالت ان الأكل جاهز
كرم :: انت يا زفت يا سامبو
سامبو :: ايوة اؤمرني ياحاج كرم
كرم :: روح مع سامية وهات معاها الأكل وتعالي حطهم في العربية عشان طالعين مشوار مهم انا وانت
سامبو :: فوريرة
سامبو راح مع سامية وجاب الأكل وحطة في العربية وركب مع كرم ومشيوا
كرم راح البلد اللي جنبهم واللي فيه البيت اللي بيحفرو فيه واول ما وصل كان في استقبالة المعلم دهشان
المعلم دهشان :: الامانة ظهرت
كرم :: اخبار الكمية ايه
المعلم دهشان :: مش هتصدج .. تفتكر لجينا ايه تحت
كرم :: انا لسة هفكر .. ما تجول يا اخويا
المعلم دهشان :: لا انت تدخل وتشوف بعينك
كرم :: سامبو خلي الرچالة تاخد الأكل من العربية وانت استني في العربية
سامبو :: حاضر يا تاچ راسنا
كرم دخل مع المعلم دهشان جوه البيت
واول ماراح للسرداب اللي معمول ونزل تحت
شاف اللي عمره ماكان يتخيلة
شاف كنز علي بابا موجود تحت الأرض .. كمية اثار ملهاش حصر.. قطع اثرية هتخليه ملك زمانة.. كرم انبهر باللي شافة واتفق مع المعلم دهشان ان خروج الأثار لازم يكون في وقت متأخر من الليل. ويكون علي فترات مش كل يوم علشان محدش يحس من اهل البلد
..................................

الحاجة امينة :: يافتحية يافتحية
فتحية :: نعم .. نعم ياست الحاچة
الحاجة امينة :: ايه نايمة علي ودانك .. ولا سمعاني ومش عايزة تردي
فتحية :: لا مكنتش سمعاكي .. كنت بتنيل بروج الأوضة بتاعتي .. خير ؟
الحاجة :: طيب روحي ساعدي زينب في المطبخ علشان تلحج تخلص العشا الرچالة زمانها چاية ومش هيستنوا علي مالأكل يخلص
فتحية :: ماتشوفي اسماء ولا واحدة من بناتك هو مفيش غيري في الدار يه
الحاجة امينة :: هو انا يابت مفيش مرة اطلب منك تعملي حاچة في الدار غير لما تجاوحيني كدة
*جرس الباب ضرب
امينة :: روحي افتحي الباب ياختي
فتحية :: حاضر يا حاچة
فتحية راحت تفتح الباب وكان احمد هو اللي جه من بره
فتحية بنحنة ومحن ستات سي احمد
احمد :: ازيك يافتحية
الحاجة امينة :: احمد ايه خلصت اللي كنت بتعملة في العيادة
احمد بأرتباك وبيبص لفتحية .. اه اه يا حاجة خلاص هانت كلها بس يومين تلاتة وكلة هيبقي تمام
الحاجة :: طب يا حبيبي اطلع غير هدومك علي ما الحاچ نعمان وباجي الرچالة ييچوا من بره ونحط العشا
احمد :: ماشي
احمد طلع شقتة وغير هدومة وقعد في الأوضة بتاعتة وفتح اللاب بتاعة وقعد علي النت شوية
شوية والباب خبط
احمد ::/مين ؟
الحاجة امينة :: انا يابني
احمد قام بسرعة وفتح للحاجة امينة
الحاجة :: معلش ولدي طلعتلك كدي
احمد :: ياه ياحاجة انتي تطلعي في وقت هو انا مش ابنك بردو
الحاجة :: ايوة طبعا ولدي وربنا لوحده عالم
دانا اللي مربياك
احمد :: طبعا يا حاجة
الحاجة امينة :: طيب انا عايزة اتحدت معاك شوية حديت بيني وبينك كدة
احمد :: خير يا حاجة ؟
الحاجة :: خير طبعا ..بس انا عايزك توعدني ان الحديت يفضل بيناتنا
احمد :: اكيد طبعا
الحاجة امينة :: انت مش ناوي بجا تخلينا نفرح بيك انت و اشواااججريب.. انا يا ولدي نفسي افرح بيكم
احمد :: قريب ياحاجة بس انتي عارفة ان سفري بره السنين اللي فاتت دي كلها كان علشان تحقيق حلمي واديني حققت نص اللي كنت بحلم بيه ورجعت
الحاجة :: طيب ده بالنسبة لحلمك .. وحلمي اني وحلم البت اللي مستنياك دي ملهاش اعتبار عندك ؟
احمد :: انا مش ناسي اللي عملتوة علشاني السنين اللي فاتت وان شاء الله هتكلم مع عمي الحاج .
الحاجة :: طيب امتي يعني .. يا ولدي انا نفسي اشوفها وهي بتتزف ليك جبل ما اموت
احمد :: ربنا يخليكي يا حاجة متقوليش كدة
احنا ملناش غيرك ... خلاص هوعدك بس افتح العيادة وكمان كام شهر بالكتير وتكون دخلتي علي اشواق
الحاجة :: بچد .. والله هاين عليا اجوم ازغرط دلوك .
بعد ما الحاجة امينة نزلت احمد قعد مع نفسة وهو مش عارف هو كدة صح ولا غلط وبيظلم نفسة .

بعد ساعة اشواق طلعت له علشان تقولوا انزل اتعشي
احمد :: ماشي يا اشواق هنزل
اشواق :: مالك يا احمد حاسة انك مضايج
احمد :: لا يا اشواق مفيش حاجة يمكن بس علشان طول اليوم في العيادة واقف علي رجليا
اشواق :: تعرف هموت واشوف العيادة
احمد :: خلاص يا اشواق هانت كلها يومين تلاتة ونفتتح العيادة وتنزلي معايا
اشواق :: طب يلا بقي ننزل

اشواق نزلت وبعدها بعشر دقايق احمد كمان نزل والعيلة كلها اتلمت علي العشا

حسين :: الا صحيح يا حاچ انت سمعت اللي انا سمعتة ؟
الحاج نعمان :: بخصوص ايه ؟
حسين :: بخصوص الراچل اللي اسمة كرم
الحاج نعمان :: اه عرفت النهاردة .. عايز ينزل انتخابات مچلس الشعب
عصام :: هو الراچل ده اتچنن في دماغة ؟ ثم مين في البلد طايچة اصلا علشان ينتخبة
حسين :: الفلوس ياخويا مجوياه وهي اللي سانده
احمد :: انا نفسي اعرف انتوا ليه بتكرهوا الراجل ده كل الكره ده ؟
الحاج نعمان :: الراچل ده كلة حجد ومكنش لاجي ياكل وبين يوم وليلة بجي من اعيان البلد
حسين :: ده غير اراضي الفلاحين الغلابة اللي مشتريها منهم برخص التراب
احمد :: مش ممكن يكون ده ذكاء منة وراجل اعمال ناجح
عصام :: انت طول عمرك عايش بره يا احمد ومتعرفش الراچل السو دهوا
احمد :: طيب انا هقوم اغسل ايدي وبعدين اروح اقعد في الجنينة بره شوية
فتحية :: وانا هجوم اعملكم الشاي
الحاجة :: جومي يانعمة انتي واختك الهام شيلوا الأطباج دي
* جرس الباب ضرب
الحاج نعمان :: شوف مين ياعصام
عصام قام وفتح الباب
اهلا اهلا ياعمدة اتفضل .. ازيك يا حاچة صباح
صباح :: تمام يا ولدي يا عصام انت كيفك
عصام :: تمام يا حاچة .. ازيك يا چلال
جلال :: الحمد لله انت اخبارك ايه
الحاج نعمان :: يا اهلا احنا زارتنا البركة النهاردة
العمدة :: ازيك يا راچل ياطيب
الحاج نعمان :: في نعمة يا مصيلحي ياخويا
صباح :: ازيك يا امينة ياختي
امينة :: زينة الحمد لله ياحبيبتي وحشاني والله
صباح :: ياختي انا لو وحشاكي بچد كتي تيچي تزوريني
العمدة :: معلش بجا علي الزيارة في الوجت المتأخر
الحاج نعمان :: انت بتجول ايه يا مصيلحي انت صاحب دار
العمدة :: ربنا يخليك ده العشم بردو.. اهلا اهلا بعروسة ابني .. ازيك يا الهام
الهام :: بخير ياعمي .. ازيك ياخالتي
صباح :: بخير يا جلب خالتك .. تعالي اجعدي چنبي
الهام :: ازيك يا چلال
جلال :: بكسوف وخجل .. بخير يا الهام .. ازيك انتي
العمدة :: امال الداكتور احمد فين
الحاج نعمان :: بيغسل ايده في الحمام وزمانة چاي
احمد خرج من الحمام وراح سلم علي العمدة ومراتة وابنهم جلال وقعد معاهم
العمدة :: ايه يا احمد يابني هتفتح العيادة ميتا ؟
احمد :: خلاص هانت ياعمدة مش فاضل غير شوية حاجات كدة بسيطة .. اه صحيح ياعمي .. انا عايز افرش الشقة اللي في البيت اللي هنعمل فيه العيادة علشان فيه دكتور صاحبي كلمتة هيجي البلد ويشتغل معايا
الحاج نعمان :: ومالو يا ولدي في ظرف يومين تكون الشجة مفروشة بس ليه الداكتور ده
احمد :: انت ناسي ياعمي ان العيادة هيكون فيها غرفة ولادة ولازم يكون معايا دكتور تخدير
جلال :: اه فعلا يا دكتور انا طول عمري بسمع ان التخدير ده بالذات لازمة دكتور متخصص
احمد :: اه فعلا ياجلال
العمد :: طيب يا نعمان ياخويا بصراحة كدة چايتي انا و ولدي چلال والحاچة صباح عشان عايزين نحدد ميعاد دخلة چلال ولدي علي بتك الهام
العمدة نعمان :: ياسلام يامصيلحي ياخويا .. داحنا نزوجها ونچبهالك لغاية الدار
العمدة :: ايه رايك يا حاچة امينة تحددي انتي وبتك الميعاد نجول في خلال شهر او شهرين بالكتير
الحاجة امينة :: الكلمة كلمة الحاچ نعمان ياخويا هو اللي يحدد
الحاج نعمان :: العمدة يا امينة يجصد انك تشوفي انتي وبتك اليوم المناسب للدخلة
انتوا ليكم حسابتكم ههههههههه
العمدة :: الله ينور عليك ياحاچ نعمان .. هو ده جصدي فعلا
الحاج نعمان :: بعد اذنك يا حاچ مصيلحي وبعد اذنكم كلكم كنت عايزك يا احمد في كلمتين كدي لوحدنا
احمد :: طبعا يا حاج اتفضل
الحاج :: طيب عن اذنكم يا چماعة هاخد احمد اتحددت معاه كلمتين وراچعينلكم طوالي

الحاج نعمان :: احمد انت في حاچة معترض عليها في چوازة الهام
احمد :: لا طبعا يا عمي بالعكس جلال شاب محترم ومن عيلة محترمة ..
الحاج نعمان :: طب انا كت حابب دخلتك انت كمان علي اشواااج تكون بعد تلات شهور
احمد :: بالسرعة دي يا عمي طب علي الاقل نستني لما اظبط اموري والوضع يستقر
الحاج نعمان :: مفيش اي حاچة محتاچة تتظبط يا ولدي كل حاچة هتبجا زينة انا جلت اجولك بيناتنا وانت لو موافج تجول
احمد :: موافق
الحاج نعمان :: خلاص ايه رايك ليلتك وليلة چلال تبجا في يوم واحد
احمد :: موافج يا عمي
الحاج نعمان :: خلاص علي البركة .. دي الحاچة امينة هطير من الفرحة
احمد والحاج نعمان خرجوا وقعدوا مع العمدو والجماعة بره
الحاج نعمان :: ياچماعة احمد طلب مني انة يدخل هو كمان بعد تلات شهور علي اشواااج ايه رائيكم نخلي فرح احمد و اشواااج مع چلال والهام ؟
الحاجة امينة :: زغروطة طويلة وقامت باست اشواق وباست الهام
العمدة :: واحنا يا حاچ نعمان موافجين نخلي الدخلة بعد تلات شهور عشان خاطر الداكتور احمد
......
يتبع...
لقراءة الفصل الثالث : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات