رواية نبضات القلب الفصل الخامس والعشرون 25 بقلم دينا صابر

الام فتحت الباب : ف اي يا فاطمه يا بنتي خير يا حبيبتي

فاطمه بدموع و شهقات : طلبت الطلاق و هطلق يعني هطلق انا لا يمكن اعيش معاه لحظه تانيه بعد كدا

الام : ف اي بس اي اللي حصل

فاطمه : ف اي ليه هي المحروسه بنتك مقلتلكيش ولا اي

الام بايتغراب : نور !! اي دخلهاا ف طلاقك

فاطمه بحزن : هي السبب يا ماما انا تعبانه و حاسه ان ف رصاصه ف قلبي و مش عارفه اطلعهااا هي السبب خانوني يا ماما استغفلوني و انا زي الهبله بجمعهم ف مكان واحد و هما خونه و اندااال

الام و هي تضرب ع صدرهااا : يا نصبتي اي الكلام دا يا فاطمه اوعي تقولي كدا نور لا يمكن تعمل كداا

فاطمه بغل : هه و ليه متعملش كدااا اي الجديد هو مش انتي طول عمرك بتدلعي فيهااا و اهي الوقتي هربت مع الزفت اللي كانت مصاحبهااا مستغربه ليه انها كانت مصاحبه جوزي و بيحبه بعض و بعدين انتي بتدافعي عنهااا و زعلانه عليهااا طب و انا انا اي مش بتشيلي همي ليه ليه دايماا انا اللي ف الاخر ليه دا انا اكتر واحده بحبك و براعيكي ليه دايمااا بتفضليهااا عليااا ليه بتميزيها عني ليه بتخافي عليهااا و انا لا بتزعلي ع زعلهااا و انااا لااااا بتشيلي همهااا و انااا لااا مامااا انا بنتك زيهاا ع فكره انا الضحيه هناا انا اللي اتخدعت انا اللي ضحكوا علياا و استغفلوني لكن انتي مبيهمكيش الا نور و بس نور عملت نور بتعمل نور بتحب نور بتكره نور نور نور نور دي واحده انانيه كذابه و منافقه و انا بكرهااا و بكرهكوا كلكواا ماما انتي ظلمتيني ف انك بتميزيها عني و شدت شنطتهااا و خرجت من الشقه و هي عماله تعيط و مامتها مصدومه هي اي نعم بتميز نور شويه بس دا يعني عشان نور الصغيره و طايشه مش قصدهااا تكره فاطمه او انها مبتحبهاااش نادت ع فاطمه بس فاطمه مرديتش استغفرت ربنا و اتصلت ع فارس تفهم منه

فارس و هو بيرد ع فونه

فارس : ايوا يا حجه فاطمه وصلت

الام : ايوا يابني بس بسرعه نزلت تاني و مش عارفه راحت فين هي و حكت له اللي حصل

فارس بقلق : ازاي تسبيها تمشي بس كدا يا امي خلاص انا مسافت السكه و جاي

الام : ماشي يا ابني

اخد مفتاح عربيته و رايح ع بيت فاطمه خايف هتروح فين هي ملهاش مكان تروح فيه غير بيت ابوهاا و سابته و مش هتروح فين و هو بيقرب ناحيه بيت ابو فاطمه شافهااا ف شارع جمب بيتها قرب منهاا و شدهااا من دراعهااا جامد و اخدهااا ف حضنه بلهفه كان مرعوب عليهااا هو خلاص فهم هو وقع ف غراامهااا لا محاااله بس هي دماغهاا ناشفه و مش هتسامح الا اذا!!!!!!!!!

فارس و هو حاضنهااا : راحه فين ممكن افهم

فاطمه بزعيق و بتبعده عنهااا : وانت ماالك ابعد عني خنقتني يا شيخ دا انت معندكش دم صحيح بقول لك قرفانه ابص ف وشك بكرهك ابعد عني الله

فارس بغضب و حده اول مره فاطمه تشوفهاا : دا انتي سوفتي فيهااا و الظاهر كدا اني اتساهلت معاكي كتير امشي معايااا و طلاق مش هطلق و هتقعدي معاي ف البيت و ف نفس الاوضه و اعلي ما ف خيلك اركبي و بيشدهااا بغضب للعربيه و قبل الباب كويس عشان متفتحوش

فاطمه و بتحاول تفك ايديهااا و تفتح الباب : اما انت بجح صحيح انت مش مستوعب انت خونتني و بتتهجم عليااا الوقتي انت مجنون

فارس بغضب : فاااااااااطمه اهدي كدا بدل ما اوريكي الجنان اللي ع اصوله

فاطمه بخوف من نبره صوته : متهددنيش

فارس بنفس الحده : انا مبهددكيش انا بحذرك

#####################

حياااه و هي بتفتح باب الشقه و حزينه ان خلاص موضوعها هي و حسام انتهي و بتقنع نفسها ان دا الصح دخلت و بتنادي ع نهي

حياه بصوت عااالي : نهيييي ,, نهي انا جيت انتي فيييين

فتحت الباااب و صرخت

حياه بصويت : نهييييي

و بتعيط و قربت منهااا: نهي لا لا لا الله يخليكي عشان خاطري متسبنيش مش عايزه ابقي لوحدي عملتي كدا ليه يا عبيطه مازن ميستهلش دا واااطي نهي قومي ,, اه الاسعاف و بسرعه اتصلت بالاسعاف و كلمت ساره

ساره : ازيك يا حياااه وحشاني موت

حياه بعيط : نهي ,نهي يا ساره بتموووت انا خايفه اوي ليحصلهاا حاجه و تمشي زي ما ماما و بابا مشوااا انا متلبكه و مش عارفه اجمع اعصابي و لا اقوم بالازم

ساره بقلق : اي اللي حصل

حياه و هي بتشاهق : انتحرت

ساره : اي, طلبتي الاسعااف

حياه : اه

ساره : خلاص انا جايالك حااالاااا

......................................................

امير و هو حاضن وتين

امير بهدوء : هديتي يا روحي

وتين و بتدخل ف حضنه : اه طول ما انا ف حصنك و انا هاديه و مطمنه انت الامان بالنسبه لي يا امير

امير : واناا دايماا جمبك

وتين : امير انا فكرت و قررت قراار مهم

امير برفعت حاجب : اي هو القرار دااا

وتين : انا هروح للدكتوره و اكشف

امير قام اتعدل مره واحده ك من لدغته عقربه : هو مش احنا اتكلمنا ف الحوار دا ميت الف مره و انا قلت اللي عندي بتعيدي وتزيدي فيه ليه

وتين باصرار : عشان كلامك مش مقنك و انا عايزه بيبي و هجري ورا الموضوع دااا و خلص الكلام

امير بعصبيه : انت متقوليش خلص الكلام دا انا اللي اقول خلص الكلام و مفيش مرواح لدكاتره لو كان عاجبك فااااهمه و قام خرج من الاوضه سايب وتين عماله تعيط ف الاوضه

ستوب هنا و نكمل بعدين .........

الجزء الثاني من الفصل

وتين و هي عماله تلم هدومها و تحطها ف الشنطه هي خلاص اخدت قرارهاا هتروح بيت باباهااا خلتص مش هتقعد مع امير تحت سقف واحد الا لما يقول لها سبب مقنع مينفعش يبقي اناني كدااة هي عايزه تبقي ام و كمان مامت امير مبتبطلش زن فوق دماغهاا طول ما هو بيفكر ف نفسه و بس مش هتكمل كدا هي

خلصت لم الهدوم و اخر قميص بتجيبه و قع شريط ع الترض و طت و جابته و بتبص فيه لقيته شريط غريب مش فاكره انها بتاخد النوع دا و كمان امير مش بياخد حبوب طيب دا بتاع اي و مين مخبيه كدااااا شكت ف الموضوع و حطته ف شنطته خروجهااا و خرجت مقرره انها هتروح للدكتوره بدون ما تعرف امير لازم تفهم ف ي و شريط الحبوب دا بتاع اي !!!!!!!!!!!!!!!

₩₩₩₩₩₩₩₩₩₩₩₩₩₩₩₩₩₩₩

هدي و هي خارجه راحه الشغل سيف قال لها تسبقه ع العربيه هو هيجيب الفون و هيجي وراهااا نازله ع السلالم عادي ف امان الله

علي منادياا : مدام هدي

هدي وقفت و بصت وراهاا : ازي حضرتك يا بشمهندس

علي و هو بيمد ايده عشان يسلم و هدي مكنتش هتسلم بس اتكسفت و خافت تحرجه ف مدت ايديها و سلمت و اللي نزل و شاف نظرات علي لهدي اللي هياكلهاا بعيونه و شافه و هو ماسك ايديهااا الشرار طلع من عيونه و نزل السلالم بسرعه

سيف بحده و عيونه ع هدي : احم ف حاجه و لا اي

علي مبتسم و شال ايده من ايد هدي : لا و لا حاجه دا انا كنت بسلم ع مدام هدي

سيف و بيشد ايد هدي و يمسكها و ينزلها درجتين ع السلم و راه : اهااا اهلا وسهلا استاذ علي معلشي متاخرين نستاذن احنا

علي : اه اتفضلوا

سيف نزل و شد وراه هدي بسرعه و بطريقه تملك و ركبها العربيه و رزع الباب جامد هدي اتنفضت مكانهااا اول ما ركب سيف اتكلمت

هدي بخضه : مالك يا سيف عصبي ليه اهدي يا حبيبي

سيف و هو بيبص عليها و بعصبيه و نبره او مره تسمعهاا لا مش اول مره سمعتهااا ف اول جوازهااا نبره اتهااام !!: هو مش انا قلت لك الزفت دا متكلميهوش و لا تقفي معاه اسيبك تنزلي لوحدك بس لحد العربيه و اتاخر شويه انزل اشوفك واقفه معاه و بتضحكي و ماسك ايدك اي عاجبك اوي علي يعني …

هدي بصدمه :انت بتقول اي !!!! انت مستوعب اللي بتقوله

سيف بتسرعه و بدون ما يركز ف اللي بيقوله هو الوقتي واصل لمرحله عاااليه جدا ف العصبيه : اه مستوعب هي يعني اول مره تكلم راجل و تخوني ثقت اللي حواليكي …

هدي بعياط : سيف لو سمحت اسكت و نزلت من العربيه سيف مسك دراعهااا

سيف و هو ماسك دراعهااا : رايحه فين

هدي بدموع : نزله الشقه مش هروح الشغل النهارده لو سمحت سيبني

سيف ساب دراعهااا و نزل وراه من العربيه و وقف قدامهااا بعصبيه : انت اي بتتحججي عشان تنزلي تكملي واقفه معاااه ماله يعني عاجبك ف اي دا بني ادم لزج

هدي و هي منهاره : طلقني

سيف هدي و بصدمه : نعم !!!!!!

هدي و هي بتبعد ايده: اللي سمعته طلقني

و سابته و مشت طلعت ع الشقه سيف و اخيراااا استوعب الغباء اللي قاله و ضرب كوتش العربيه برجله بغضب

رفع شعره بايده : اي الكلام الزفت اللي قلته دااا

………………………………………………………

امير فونه رن و هو ف العربيه

امير : الو !!

!!!! انا حسام

امير باستغراب : غربيه بتكلمني من رقم غريب ليه

حسام بتنهيده : لا مفيش غيرت رقمي

امير بذهول : ليه !!!

حسام و هو بينزل من سلالم شقته : متركزش يا امير بقول لك كنت عايزك تبعتلي السكرتيره بتاعتك ب ورق المشروع الجديد ع الشقه عندي بعد ساعتين

امير بضيق : نعم سكرتيرت اي اللي ابعتهالك الشقه انت مش هتبطل العك دا بقااا هتفوق لنفسك امتي و بعدين انت مش قلت انك حبيت اي هتخونهااا و بعدين خلصوا البنات و مفضلش الا السكرتيره بتاعتي

حسام بهدوء : خلصت , افهم بقاا انا مش هعملها حاجه انا , انا عايزها بورق المشروع عشان تفهمني نظامه اي لان نويت ارجع اشتغل معاك ف الشركه

امير : حاسك متغير هو ف حاجه

حسام : حاسس يعني مش متاكد

امير : انجز انا مش فايق لالغازك ف اي

حسام بهدوء : يعني قررت ابدا من جديد و ابدا مع نفسي و اعيش لنفسي وبس

امير : دا بجد

حسام : نعم

امير : معقوله فضلت سنين وراك و بتحايل عليك و اقنع فيك تتغير و تبدا من جديد و انت لا حياه لمن تنادي و الوقتي جاي من نفسك تقول لي هتبدا من جديد من حقي مصدقش

حسام : فعلا انا متصدقش انجز هتكلمهاا

امير :طبعاا بس اوعدني متجيش جمبهاا و ولا تعملها حاجه البنت امانه عندي

حسام : خلاص قلت لك مش هعملها حاجه انجز كلمها و قولها تعدي عليا بعد ساعتين

امير : خلا ماشي اقفل و انا هكلمهااا

حسام : خلاص ماشي سلام

امير : حسام بالنسبه للبنت اللي بتحبهااا هو حصل حاجه ب……

حسام مقاطعااا بحزن : خلاص يا امير كل واحد راح لحاله

امير : ليه , اي اللي حصل

حسام : تقدر تقول اني كنت بحلم و فوقت خلاص انا مش بتاع حب , يلا سلام

قفل المكالمه و اتنهد , كان نفسه تسامحه و يبدا من جديد و يتغير ع ايديها و عشانهااا بس خلاص هو فقد الامل و قرر يعيش لنفسه

………………………………

امير قبل مع حسام و اتصل ع سهي السكرتير بتاعته

امير : الو

سهي بنوم : خير يا سيف بيه

امير : اسف يا سهي بس انا محتاجك ضروري

سهي : خير

امير : هبعتلك عنوان الوقتي عايزك كمان ساعتين تروحيه و معاكي ورق المشروع الجديد

سهي : طب معلشي استفسار بس

امير : اتفضلي

سهي : هروح فين يعني العنوان دا مين

امير : عند حسام

سهي بصراخ و خضه : ااااااي لا لا حضرتك عايز تبعتني عند

اخو حضرتك !!!!!!

امير برفعت حاجب : اه

سهي : حضرتك انااا محترمه و متربيه و مليش ف الجو دا

امير بضحكه : اهدي كدا اي سمعته سبقاه باين ع العموم هو مش هياكلك هو عايزك ف شغل

سهي بخوف : حضرتك متاكد

امير بجديه : سهي انتي السكرتيره بتاعتي و اكيد خايف عليكي متقلقيش هو مش هيعمل حاجه الموضوع شغل و بس

سهي باستسلام : حاضر يا امير بيه

…………………………………

بره واقفين قدام اوضه العمليات مرعوبين شكلهااا وايديهااا غرقانه دم مرعب

ساره و هي حاضنه حياه و مصطفي عمال يهدي فيهم

مصطفي : يا جماعه اهدي شويه ان شاء الله خير يا ساره يا حبيبتي اهدي يا حياه اهدي يا بنات مينفعش كدا المستشفي كلهاا بتتفرج علينااا

ف وسط كلامه خرج الدكتور من اوضه العملياات كلهم انتبهوله و جريوا عليه

مصطفي : طمني يا دكتور !!!!

الدكتور بتنهيده: !!!!!!!!