رواية مجنونة بيك الفصل السابع عشر 17 بقلم مريم نبيل

امجد مع احد الموظفين

امجد: اخبار الشحنة اللي بعتناها ايه

الموظف: كله تمام يا امجد بيه الشحنة وصلت والفلوس هتتحول فحساب الشركة في البنك

امجد بإرتياح: عاال اووي، خد الدوسية دا بقا وديه لمراد في مكتبه وقوله يقراه ويشوفلنا ايه طلبية العميل الاخير عشان نبعتها لاني مشغول دلوقتي مش فاضي اقراه

الموظف: تحت امرك يا امجد بيه تؤمرني بحاجة تانية

امجد: لا اتفضل انت شوف شغلك

امسك امجد بهاتفه محدثآ زوجته

امجد: ازيك يا مريومتي عاملة ايه دلوقتي

مريم بحب: كويسة يا حبيبي طمني عليك انت

امجد: انا بخير طول ما انتي جمبي

مريم: حبيبي ربنا يخليك ليا

امجد: ويخليكي ليا، مايا صحيت ولا لسه

مريم: اه صحيت شوية ونامت تاني

امجد: اممم تمام

مريم: عملت ايه في حوار مي كلمت مراد ولا لسه

امجد: لا لسه هو اساساً فمكتبه بيخلص شوية شغل،،،وقبل ان يكمل سمع طرقات علي الباب فأذن للطارق بالدخول فوجده مراد

امجد بضحك: طب والله يا مريم لو كنا جبنا في سيرة ربع جنيه مكانش جه

مراد بضحك: ايييه مالكم جايبين في سيرتي ليه

امجد: هههه كنا بننم عليك

مريم: حرام عليك يا امجد ليصدق

امجد محدثآ اياها في الهاتف: لا يا روحي متقلقيش هو متعود علي القلش دا من زمان

مراد: طب خير بقا عملت ايه يا عم امجد طمني

امجد بجدية: طيب اسيبك يا حبيبتي دلوقتي وابقي اكلمك تاني

مريم: اوك، خلي بالك من نفسك

امجد: حاضر وانتي كمان،يلا باي

ثم اكمل حديثه مع مراد ..

امجد: ها يا سيدي