رواية مجنونة بيك الفصل الخامس عشر 15 بقلم مريم نبيل

امجد وهو ينظر إليها: صباح الجمال يا ست البنات

مريم: صباح الفل يا روح قلبي، قوم بقا

امجد: مكسل اقوم والله

مريم: قوم وبطل كسل علي ما اجهزلك الفطار

جذبها امجد إليه ولف يده حول خصرها قائلاً: ما قولتلك مكسل اقوم ايه مبتسمعيش

مريم بضحك: طب سيبني طيب عايزة اشوف مايا صحيت ولا لسه

امجد بتحدي: ولو مسبتش

مريم: يووه بقا يا امجد بطل رخامة واوعي

امجد: تؤ تؤ مش هوعي لا

مريم: طب عشان خاطري

امجد: تؤ تؤ، عارفة التأديب اللي ادبتهولك احنا ومخطوبين هعيده تاني دلوقتي

مريم وهي تصطنع البكاء: لا لا والنبي بلاااش

امجد: لا هعيده يعني هعيده

صمتت مريم قليلا تفكر في حيلة لتتخلص منه ثم صرخت بصوت عالي: امجاااد فار يا امجد فاار

تركها امجد وهب واقفاً: فين

جرت مريم لباب الغرفه وظلت تضحك بصوت مرتفع جعلته ينظر لها بتمعن: عااا وعرفت اخليك تسيبني هيييه

امجد بضحك: يخرب بيت طفولتك يا شيخه انتي مش هتكبري ابداً

مريم وهي تخرج له لسانها: لااا

امجد: ماااشي هتروحي مني فين

مريم: ههه طب قوم بقا وانا هروح اجهزلك الفطار

امجد بحب: ماشي يا وجعي

مريم بخجل: بحبك طيب

امجد: انا بدمنك

ذهبت مريم لتحضر له الطعام اما هو فقام بإمساك هاتفه ليحدث صديقه

امجد: صباح الفل يا عم مراد

مراد: صباح النور ياسطاا، ايه مزاجك رايق النهاردة

امجد بتنهد: هييه الحقيقة رايق ورايق اوي

مراد: طيب يا سيدي ربنا يريح قلبك

امجد: حبيبي تسلم، خلينا في موضوعك ايه مفيش جديد

مراد: مفيش والله ومحتار خايف تكون مبتفكرش فيا اساسا واتصدم وانا مشوفتش قليل يا امجد

امجد: بلاش تتوقع الاسوء دايما. خلي عندك ذرة امل ياخي ولو انت محتار اوي كدا انا اخلي مريم تجسلنا نبضها ونعرف بتحبك ولا لا وساعتها ترسي علي حل

مراد: ياريت يا امجد والله دا انت تبقي خدمتني خدمة العمر

امجد: عيب يا جدع انت اخويا موضوعك اعتبره هيخلص بجواز ان شاء الله

مراد: يارب ربنا يسمع منك

امجد: قولي بقا، خالد مظهرش تاني بعد المناقصة اللي خسرها

مراد: لا بس ارصادنا في شركته بيقولوا انه متحلفلك ومش ناوي يعديها علي خير ابداً خصوصا ان دي مش اول مناقصة نضيعها منه ..