القائمة الرئيسية

الصفحات

رواية أحببتها صعيدية الفصل الخامس عشر 15 نور الدين جلال

 رواية أحببتها صعيدية الفصل الخامس عشر 15 نور الدين جلال

رواية أحببتها صعيدية الفصل الخامس عشر 15 نور الدين جلال

رواية أحببتها صعيدية الفصل الخامس عشر 15 نور الدين جلال

.... ڤيلا الحاج نعمان ................

......................... الأوضة اللي فيها هجر واحمد .............

** هجر بدات تفوق بعدا ما احمد علق لها محاليل علشان تقويها وتعوض الدم اللي اتنزف **

هجر :: انييي فين ؟ .
احمد :: انتي ف ڤيلة عمي الحاج نعمان .
هجر :: انا لازم امشي دلوك .
احمد :: خايفة ل ابوكي كرم يعرف ؟؟
هجر اتفجئت بس حاولت تسيطر علي رد فعلها :: مين كرم دية ؟
احمد :: العمدة مصيلحي لما شافك افتكرك وقال انة شافك وانتي جاية من السفر وهو قاعد مع ابوكي كرم .
هجر :: الكلام دي مش صوح دية غلطان ؟
احمد :: كفايا إنكار انا واثق أن كلام العمدة صح وانك بنت الراجل دة فعلا .
هجر :: هيفرج معاك إني بت مين ؟
احمد :: مش فارق معايا غير حاجة واحدة .
هجر :: ايي هي ؟
احمد :: انك تبقي جمبي وبس مش عايز حاجة تانية ولا فارق معايا اي حاجة تانية .
هجر :: وايي اللي يچبرك علي كدي .
*احمد قرب من سريرها وقعد جمبها وقرب ايدة من ايدها *
هجر قبل ما احمد يتكلم :: انتا الظاهر نسيت اللي عملتة فيك اخر مرة جربت مني ف لم روحك واجعد بعيد احسن ودين محمد اخلي يدك تتوحشك .
احمد :: لية كدة ياربي بليتني بواحدة متوحشة .
هجر :: محدش غصبك انت اجعد بأدب انا مهحبش حد يجرب مني ياك فاكرني كيف بنات برة المتجلعين .
احمد :: اللي غاصبني اني بحبك .
هجر :: ليية عتحبني كدي ؟ .
احمد :: معرفش يا جنة .. دة لو كان دة اسمك فعلا ؟
هجر :: اسمي هجر .
احمد :: جميييل اوووي اول مرة اسمع الاسم دة ف حياتي اومال مين جنة دي بقا ؟
هجر :: دي تبجي امي وملجتش احسن من اسمها اجولة علشان محدش يعرفني .
احمد :: ربنا يخليهالك .
هجر سكتت ومردتش علية :: جولي عايز تعريف ايي تاني ؟
احمد :: فهميني بقا اهم حاجة مين معتز دة يقربلك اية ولا تعرفية منين يعني ؟
هجر :: بص يا احمد معتز دة مايجربليش زي ما انتا فاكر بس هو اكتر من اخوو عندي وحكايتة حكاية ميلزمكش تعريفها عشان كدي متحطش ف بالك حاچة من ناحيتة .
احمد :: اخ وبس طيب هيبقي لينا كلام ف الموضوع دة بعدين لما تخفي انا حمش اووي ومحبش الكلام دة ...
بس سيبك انتي .. انتي زي القمر اوووي وانتي نايمة كدة ومش متحولة عليا وعايزة تعوريني بس دايما بتقظري تخليني كل مرة اشوفك فيها اغرق ف عينيكي دي مش عارف ازاي .
هجر :: عارف انتا لولا انيي تعبانة لكت جومت مسكت زومارة رجبتك وخليتك ترجد ع السرير دية متشوفش السمس شهر بحالة .
احمد :: لية ياربي كدة انا عملت اية ف دنيتي علشان ترزقني بواحدة من اكلي لحوم البشر .
هجر :: لا وانتا الصادج ديبة من دياب الصعيدي واللي يجرب منها او يسمعها حديت مليدش عليها تنهشة بسنانها .
احمد :: ياساااتر يارب خلاص هسكت احسن .
هجر :: وحد مسك لسانك ما تتحدث .
احمد بضحك :: قفشتك يا يامكااااارة قولي بقا ان كلامي عاجبك وعايزة تسمعي اكتر .
هجر ابتسمت :: كمل سؤلات بجا .
احمد :: ممكن افهم لية جيتي العيادة تشتغلي معايا وازاي قدرتي تطلعي الرصاصة وتعمليلي العملية الخطيرة دي .
هجر :: هجولك الحجيجة بصراحة كدي انا متعلمة ودخلت كلية الطب جسم جراحة وكنت خلاص ف اخر سنة وهتخرج لولا ابويا انخانج مع اخوالي وخدني من عندهم ف سكندرية .
احمد :: يعني انتي اشتغلتي ف العيادة عشان تحققي حلمك بس .
هجر :: مش بس كدي .
احمد :: اومال اية ؟
هجر ابتسمت وسكتت
احمد :: بس احنا متقبلناش قبل كدة ومفتكرش اني شوفتك قبل ماتيجي العيادة ابدا مظنش اني ممكن انسي القمر دة ابدا ؟
هجر :: افتكر زين .
احمد :: انا من اول مرة شوفتك فيها وانا حاسك مالوفة بالنسبالي لكن مش قادر اعرف ازاي واحنا متقابلناش قبل كدة .
هجر :: طيب اخبار الجرح الذي ف راسك ايي دلوك ؟
احمد بصدمة :: انتي الست اللي انقذتني ليلتها انتي بنت الجبل اللي بيقولو عليها .
هجر :: ايي منفعش ؟
احمد :: انتي عارفة انا فضلت افكر فيكي اد اية وكول الوقت مستني اسمع اخبار من ستات البلد عن بنت الجبل واي اللي بتعمل مع الناس .
هجر :: مكنش ينفع اجولك .
احمد :: دة انتي علي كدة طلعتي اشرس مما كنت اتخيل .
هجر :: جلتلك اللي يجرب مني انهشة غير كدي والله انا ما اجدر اااذي بني ادم .
احمد :: طب والراجل اللي قتلتية بيقولو كان من رجالة ابوكي ؟ .
هجر :: جسما بالله انا مجتلتوش انا كنت باخد بتارك عشان هو اللي طخك ديك اليوم ف طهيتة ف رچلية الاتنين وهملتة ف هو طخني ف كتفي ومووكد اللي جتلة ابويا .
احمد :: يعني انتي كمان عملتي كدة علشاني .
هجر :: انا كلت ف العيادة عيش وملح وكمان انت راجل زين واني خدت عهد اچيب حج كل واحد يظلمة ابويا .
احمد :: بس كدة ؟
هجر ابتسمت وحاولت تغير الكلام :: اومال فين معتز عايزاة ضروري دلوك تلاجي العمدة جال ل ابويا وهتلاجية چاي دلوك ياخدي من هني مش بعيد يجتلني .
احمد :: اطمني طول ما انا جمبك مستحيل اخلي مخلوق يقربلك .
هجر :: فهمني بجا لية ماسك فيا كدي. ؟
احمد :: من لحظة ما شوفت عينيكي اللي بتغرقني كل ما ابصلها وانا توهت فيكي .
هجر :: ما جلتلك مهحبش الكلام دية .
احمد :: طب احلفي كدة انك مش مبسوطة باللي بقولهولك .
هجر ابتسمت وبصت ل تحت :: ممكن بجا تشوفلي معتز فين عايزاة ضروري والله .
احمد :: طيب بس هكون وانتو بتتكلمو من النهاردة مفيش اسرار .
.......
* احمد خرج يشوف معتز ملقهوش وسأل علية الحاج نعمان قالة مشي ف دخل تاني ل هجر وقالها ف طلبتة منة اي تليفون علشان تكلم معتز ف جابلها تليفون الحاج *
* هجر اتصلت ب معتز *
هجر :: الوو ايووووة يا معتز فيينك دلوك ؟
معتز :: انا رايح اعمل اللي اتفقنا علية عرفت دلوقتي انهم هيخرجو الاثار الليلة الراجل بتاعنا اللي شغال مع ابوكي بلغني وكلمت الحاج نعمان بغلتة باللي كنا متفقين علية علشان يبقي هو ف الصورة وانا هروح اشوف بنفسي المرة دي كرم بنفسة هيكون معاهم و اللي عرفتة انة رايح دلوقتي هناك علشان كدة لازم اكون موجود واشوفة بنفسي وهو بيتقبض علية .
هجر :: ماشي يا معتز بلغني اول باول و اول ما يتجبض علية بلغني عشان اروح الڤيلا وادخل مكتبة وافتح الخزنة .
معتز :: ماشي ما اتحركيش الا لما اتصل ب الحاج نعمان وبلغة ان كرم اتقبض علية .
هجر :: ماشي يا معتز خلي بالك من نفسك
** احمد واقف مضايق من المكالمة *
احمد :: ممكن تفهميني انتي بتكرهي ابوكي دة كدة لية ؟
هجر :: دي حكاية جديمة مجدراش اتحدت فيها دلوك بس اللي لازم تعرفة أني مبكرهش ف حياتي جد كرم دية اللي بندم اني وعيت ع الدنيا وهو ابويا .
.........********............

................ اوضة الهام ...................

* الهام قاعدة بتعيط علي حظها الوحش و افتكرت حياتها من اول ما اتجوزت جلال وبالتحديد من ليلة الدخله *

******* فلاااااااااش بااااااااااااااااااااااك ***

الكل قاعد تحت مستني يطمنو علي الهام لان من عادات الصعايدة أن اهل العروسة يفضلو موجودين لحد ما يطمنو أن كل حاجة تمام علشان يضربو نار ويزغرطو ويهيصو
العمدة مصيلحي :: بجولك ايه يا صباح اطلعي خبطي علي چلال وشوفيه خلص ولا لسة
الحاجة صباح :: حاضر ياحاج
صباح طلعت وخبطت علي جلال اللي اول ما سمع تخبيط الباب ارتبك وبقي مش عارف يعمل ايه ولا يروح فين
وفي الاخر لبس الروب بتاعة وراح فتح ل امة
صباح :: ايه ولدي عملت ايي ؟
جلال :: بص في الأرض ومتكلمش
صباح :: يامصيبتي يامصيبتي .. البت طلعت معيوبة
جلال :: ايه ياما اللي بتجوليه ده .. انا اللي لسة
صباح :: وجعت قلبي .. طب لسة ايه .. هي مانعة نفسها عنيك ؟
جلال :: لا يا اما وراح موشوش ل امة في ودانها وقالها ان المشكلة من عندة
الحاجة صباح :: اخلص واتصرف اخوها جاعد تحت مستني ومراتة .. انا هفضل هني لغاية ما تخرچلي بالمنديل
* جلال دخل وقال لمراتة علي اللي امة قالتلة عليه وطبعا الهام كانت خايفة علي شكل جوزها قدام اهلها وراحت قالت ل جلال طيب *
شوية وخرج جلال ورا المنديل ل امه اللي راحت مزغرطة بعلو صوتها

عصام وزينب سمعوا الزغاريط راحت زينب هي كمان مزغرطة وعصام قام وخد مراتة واختة نعمة ومشي علشان يطمن ابوه والحاجة امينة

جلال طول الليل بيحاول مع الهام لكن مفيش فايدة وناموا الليلة دي .

** بعد عصام ومراتة واختة اطمنوا علي اختهم ومشيوا والحاج مصيلحي طلع ينام في اوضتة وكان تعبان جدا بسبب تجهيزات الفرح والفرح وما صدق انة اطمن علي ابنة وعروستة وطلع ينام والحاجة صباح طلعت وراه الأوضة علشان تنام
لكن الحاجة هيجيلها نوم ازاي وهي عارفة ان ابنها عندة مشكبة ومش اي مشكلة دي مصيبة من وجهة نظرها **

العمدة مصليحي :: ماتنامي يا حاجة مالك صاحية ليه مانتيش تعبانة من هدة الليلة ولا ايه ؟
صباح :: انام ؟ طب منين يچيلي النوم
* العمدة مصيلحي قام وقعد جنب مراتة *
فيه ايه .. هي الهام طلعت مش مظبوطة ؟
صباح :: لا ياخويا البت صاغ سليم وانا شفت الدم بعنيا
العمدة :: امال مش چايلك نوم ليه وجعتي جلبي ؟
صباح :: والنبي ماعارفة اقولك ايه.. دي حاجة متتحكيش
العمدة :: ياولية جولي بدل مانتي مسيبة اعصابي كدة
صباح :: ولدك ياحاچ ابنك معرفش
العمدة :: بتجولي ايه ؟ معرفش كيف ؟ امال الدم ده جه ازاي
صباح :: بلدي ياحاچ .. ابنك دخل بلدي علشان منتفضحش جدام اهل العروسة بس ياتري ل ميتا ماهو مسيرهم هيعرفوا
العمدة :: يعرفوا ايه وميعرفوش ايه يا و الية يامخبولة انتي .. هو علشان ولدك اتوتر ليلة
ومچهد او تعبان حبة خلاص خلتيه هيبجي كدي علي طول
صباح :: بچد يا حاچ .. يعني ممكن الموضوع ده يكون سببة تعب .. ايوة ياكبدي الولا بجالوا كام يوم مش بينام وشايل هم فرحوا
العمدة :: نامي يا صباح .. وبكره الحمام هيخليه زي الحصان
صباح :: يسمع من بوجك ربنا .. دنا من ساعتها لا علي حامي ولا علي بارد والود ودي اروح اخبط عليهم واسألو عمل ايه
العمدة :: لا تروحي ولا تسألي .. اكيد ده من التعب
صباح :: ربنا يطمنا زي ما طمنت جلبي

* تاني يوم الصبح بدري جلال قام من النوم علي الساعة 7 الصبح وكانت الهام نايمة جنب منة
جلال قام غسل وشة وغير ريقة بكوباية لبن وبعدين رجع ل الهام اللي كانت صحيت *

جلال خرج الصالة وقعد علي كنبة الأنتريه حاطط ايده علي راسة وبقي بيبكي زي الأطفال
الهام خرجت وراه وقعدت جنبة وخدتة في حضنها وبقت عمالة تقولوا ان ده ممكن يكون سببة التوتر والخوف وانها مش مستعجلة
وانها هتفضل ستر وغطا عليه لغاية ما يحصل وانة ميحطش في دماغة والمسألة اكيد مش هطول

تاني يوم الصبح من النجمة كانت صباح عند ابنها جلال علشان تصبح عليه وتطمن عليه وتشوفوا عمل ايه مع مراتة
صباح طلعت هي والشغالة سعاد وطلعت معاهم الصباحية
صباح :: حطي الأكل علي السفرة وانزلي انتي عشان لما العمدة يصحي تجوليلو يطلع
سعاد :: صباحية مباركة ياسي چلال
جلال :: تسلمي ياسعاد عقبال ما نفرح ببناتك

صباح اخدت ابنها بعيد عن مراتة اللي كانت لسة في اوضتها بتلبس هدومها
صباح :: ايه يا ولدي طمني بعد ما سبتك حصل حاچة ؟
جلال بص في الأرض ومقدرش يتكلم. ونفس الوقت ندم انة حكي ل امة
صباح :: ولا يهمك ابوك بيجولي ان ده سبب ارهاج وتعب انتا متحطش في دماغك ياولدي
جلال :: انتي ليه جولتي ل ابويا ياما
صباح :: هو انا كان چايلي نوم امبارح ده انا كنت زي المچنونة وبعدين هو ابوك حد غريب.. اسكت اسكت مراتك چاية

راحت مزغرطة صباحية مباركة ياعروسة ولدي .. تعالي چنبي لما ابوسك ياحبيبتي
الهام :: صباح الخير ياما
صباح :: ياصباح الهنا ياصباح العسل ياصباح الورد عليكي ياعروسة
جلال :: هو ابويا لسة نايم
صباح :: والنبي هو لو عرف اني طلعتلكم بدري كدة ليزعل انا مصدجت النور طلع وطلعتلكم جري
شوية والحاج مصلحي صحي ودور علي مراتة ملقهاش نده علي سعاد الشغالة
سعاد :: ايوة ياعمدة
العمدة :: هي ستك صباح فين ؟
سعاد :: ستي عند العرايس بتصبح عليهم
العمدة :: بقي كدة تطلع من غيري .. طب حضري ليا الفطار
سعاد :: حاضر يا عمدة
.........

الايام بتمر و الهام شايلة الهم ومش قادرة تقول ل امها علشان متفضحش جوزها
اللي هو كمان اتغير في الأسبوعين دول وبقي عصبي وبيتخانق علي اي حاجة ومن اي كلمة يعمل مشكلة
وكانت صباح ام جلال كل شوية تهديها وتقولها معلش اصبري اتحملي دي فترة وهتعدي والنبي الواد محسود
والعمدة مصيلحي مش عارف يعمل ايه ومش قادر يحط عينة في عين الحاج نعمان ليعرف بوكسة ابنة والبيت كلة بقي في هم وغم علي الحالة اللي فيها جلال
البيت مشفش فرح من يوم الدخلة .

الايام بتمر ومفيش اي تطور في حالة جلال نهائي والهام مستحملة بالعافية واللي زاد الطين بلة لما الحاج نعمان عزم الهام وجوزها علي الغدا عندهم في البيت
بقت شايفة الكل فرحان ومبسوط وكل واحد واخد مراتة جنبة عالسفرة وبيضحكوا
بقت شيفاهم وقلبها بيتقطع من جوه
مشكلة الهام مكنتش جسدية وبس مشكلة الهام ان جوزها اتغير معاها وبقي عصبي ومش بيقولها حتي كلام حلو مع انهم لسة عرايس جداد مكملوش الشهر
بعد ما الهام وجوزها مشيوا *

الحاجة امينة :: بجولك ايه ياحاج نعمان
الحاج نعمان :: ايوة يا امينة ؟
امينة :: انت مخدتش بالك من بتك الهام ؟
الحاج :: لا. ليه .. مالها الهام ؟
امينة :: حاسة انها مش مبسوطة وكأنها ياجلبي شايلة الهم
الحاج :: ياولية بطلي ظلم بجي وافتري علي خلج الله .. هم ايه اللي هتشيلوا بتك وهي لسة عروسة .. ده چلال بيتمنالها الرضي ترضي
امينة :: انا جلبي بيجولي ان فيه حاچة والبت مش عايزة تجولنا عليها
الحاج نعمان :: ياسلام ياختي لما انتي جلبك حساس اوي كدة مسألتيهاش ليه ؟
امينة :: سألتها ومرضيتش تجولي حاچة
بس انا جلبي بردو بيجولي انها مش مبسوطة
الحاج نعمان :: طب بصي بجي يا امينة هما كلمتين ملهمش تالت وتحطيهم حلجة في ودنك.. طول مابت من بناتك او عيل من عيالك مشتكاش ليكي .. متسأليش .. حتي لو فيه فعلا مشاكل .. وده ليه
عشان اي مشكلة لما بتخرج من بين اي اتنين المشكلة بتكبر ويمكن تتعجد ..
هما يجدرو يحلوا مشاكلهم لحالهم .. احنا نتدخل امتي بجي .. لما حد فيهم يچي يجولنا فيه واحد اتنين تلاتة .. ساعتها نسمع ونجول رئينا.. فهمتي يا امينة
امينة :: كلامك علي راسي انا بس...
الحاج نعمان :: مفيش بس خلاص خلصنا كلام
امينة :: امرك يا خويا

.................................

.............
بيت العمدة مولع نار وقامت خناقة كبيرة بين الهام وبين جلال علشان طلبت منة يروح لدكتور ويقولوا علي اللي عنده يمكن يلاقي غلاج لحالتة .. ليه وليه بقي الهام تطلب منة انة يروح يتعالج .. مسكها ضربها وكسرها خالص وعنيها ازرقت وورمت وطبعا الحاجة صباح فضلت تتحايل علي الهام علشان متزعلش منة ولا تحكي ل امها او ل ابوها
وفضلت تقولها والنبي. جلال مافيه اطيب ولا احن منة لولا بس الظروف اللي هو فيها
والست العاقلة تقف جنب جوزها والخ الخ
والهام علشان بتحب جوزها فضلت صابرة علي قساوتة واهانتة ليها كل يوم والتاني

لحد ما حصل اللي خلاها تقرر تسيب البيت
...

العمدة مصيلحي رجع من بره وكانت صباح قاعدة في الصالة
العمدة :: السلام عليكم
صباح :: وعليكم السلام .. متأخرتش يعني
العمدة :: لا مكنش فيه حاچة النهاردة .. بجولك ايه هو چلال ولدك فوج
صباح :: ايوة لسة چاي ملوش ساعة من بره ومريح ف اوضتة والهام مرتة اختها نعمة چاية زيارة عندها
والواد ياكبدي حالتة بجت تصعب عالكافر وتحس كدي انة دبلان ومش بيضحك ولا بيهزر زي الأول ..
العمدة :: سعاد .. ياسعاد
سعاد :: ايوة ياعمدة چاية اهو .. نعمين ياعمدة احضرلك العشا
العمد :: لا بس اطلعي جولي ل چلال ابوك عايزك تحت
سعاد :: حاضر ياعمدة

سعاد طلعت ندهت ل جلال.
جلال :: ايوة يابا انت عايزني
العمدة :: ايوة يا ولدي .. تعالا ندخل الاوضة دي عشان عايز اتحدت معاك شوية
العمدة اخد ابنة جلال ودخل بيه الاوضة
العمدة :: بص يا ولدي انا من ساعة چوازك لغاية دلوكت محبتش ادايجك ولا لتحدت معاك في المشكلة اللي عندك لاني خابر ان الموضوع بالنسبالك حساس حبتين
جلال :: يابا والنبي ابوس يدك انا مش ماعيزش حد يتحدت معايا في الموضوع ده بالذات
انا كويس وزي الحصان ومعنديش اي مشكلة

العمدة :: ليه يابني ليه حرام عليك .. انت لازم تتعالچ وتروح لدكتور ان مكنش ليك يبجي علشان البنت الغلبانة اللي فوج
البنت مستحملة وساكتة ومن ليلة فرحكم لغاية النهاردة مشتكتش

جلال :: لما هي مشتكتش وانا مشتكتش انتوا عايزين مني ايه .. اموتلكم نفسي
العمدة :: احنا عايزينك اسعد حد في الدنيا دي هو انت مش شايف حالتك بجت ازاي
يا ولدي اللي عندك ده مرض زيه زي اي مرض
ومش عيب انك تتعالچ منة .. .. يمكن يكون فيه الشفا ومتحتاچش لدكاترة
جلال :: يابا انا مش عايز حاجة .. وسبوني في حالي ابوس يدك
العمدة :: يا ولدي ان مكنش علشان خاطرك وخاطر البنت الغلبانة اللي فوق يبقي علشان خاطرنا احنا .. هو انت فاكر اننا مبسوطين بالحالة اللي انت فيها
جلال :: خلينا نتكلم ف الشغل بجا يابا .
العمدة :: طيب انت عملت اية ف الشغل بتاع ليلة عشية خلصت المطلوب مينيك ؟
جلال :: ايووة يابا روحت وسلمت صناديج السلاح وخدت الفلوس .
العمدة :: عفارم عليك يا ولدي طولت رجبتي .
** الهام كانت واقفة برة الاوضة وسمعت كل اللي اتقال هي كانت جاية تستئذن جلال والعمدة انها تروح بيت ابوها مع نعمة اختها اتصدمت من اللي سمعتة أن جلال المتعلم اللي البلد كلها بتقول علية زينة شبابها يتاجر ف السلاح هو وابوة العمدة مصيلحي وقررت تسيب البيت وتمشي وانها تقول ل ابوها علشان تطلب الطلاق لان الحاج نعمان مستحيل يوافق تعيش مع جلال لو قالتلة اللي سمعتة دة وطلعت لما هدومها ونزلت مع نعمة اختها راحو ڤيلا الحاج نعمان .

********* باااااااااااااااااااااااااااااااااااااااااااااك **********

*الهام فضلت تعيط لحد ما اختها اشواق دخلت تقعد معاها ف الهام مسحت دموعها قبل ما اشواق تلاحظ *

اشواق :: فاضية يا الهام عايزة اتحدت معاكي ؟
الهام :: طبعا يا اشواج اتفضلي يا حبيبتي .
اشواق ::عايز اتحدت معاكي ف حاچة مهمة يا اختي .
الهام :: اتكلمي يا حبيبتي .
اشواق :: بصي بصراحة كدي في واحد بيشاغلني واني الصراحة ميالة لة بس يا اختي علية حاچات غريبة كدي مفهمهاش وبعدين خايفة يطلع زي احمد ماهو من سكان مصر يعني ممكن يچي ف الاخر ويحول معيزهاش .
الهام :: ودة مين اللي امة دعيالة اللي شغل بالك دة يا جلب اختك ؟
اشواق :: واحمد اسمة معتز اللي دخل شايل الممرضة علي درعاتة .
الهام :: دة الچدع اللي ابويا كان مضايفو ف الدار هني نعمة حكيتلي علية .
اشواق :: ايووة هو واني معرفاش اعمل اية وخايفة جووي يكون بيتسلي بيا وفاكرني بت هبلة هيتضحك عليها بكلمتين من بتوع مصر .
الهام :: طب انتي حاسة اية يا اشواج لما بيبصلك بتشوقي ايي ؟
اشواق :: الصراحة الصراحة بشوف ف عنية حب كبيير جووي بس بردك خايفة .
الهام :: طب هو صارحك بحبة ديية يا اشواج ؟
اشواق :: هو مجاليش بحبك بس كلامة كلة انةبيحبني ومش لاجي طريجة يجول ومستنيكي مني رد علية اني اديلة فرصة واسمعة هيجول اية .
الهام :: وانتي عايزاني اجولك تعملي اية ؟
اشواق :: بصراحة ايووة .
الهام :: انا لو فضلت اتحدت الليل بطولة مالوش عازة الحديت عشان انتي لو مش عايزاة مكتيش شچيتتي لحد عيندي وسألتيني اشور عليكي .. انتي عايزاة بس عايزة اللي ييشچعك ويجولك وافجي واتحدتي معاة جومي يا اشواج وفكري زين يا حبيبتي وشوفي الچدع شاريكي ولا لاااه ..

**************

.......................قرية السلطان ..........

** رحيل وفريدة فضلو صاحيين لوقت متاخر من التوتر والخوف مش مصدقين اللي حصلهم وناامو والضهر صحيو علي خبط علي الباب مكنوش عارفين يفتحو ولا لا بس رحيل اتشجعت و راحت فتحت لقيت قدامها ست صعيدية ف الاربعينيات تقريبا **

.........

هند :: صباح الخير متاخذونيش يا صبايا بس الحريم جالتلي أن مهيب ولد اخوي شيع خبر أن في ضيوف ف المندرة من مصر وحريم معهمش راچل جلت لازم اچي بنفسي ارحب بيكم .
رحيل :: اهلا وسهلا اتفضلي يا طنط .
هند :: طنط ايي يا حبة عيني انتي عايزة الحريم يتمجلسو عليا الكل هني بيجولولي يا عمة .
فريدة :: ازاي حضرتك يا عمة .
هند :: يا سلام عليكي يا جمر طالعة منك زي الشهد انتي اسمك ايي ؟ .
فريدة :: انا فريدة ودي اختي الكبيرة رحيل .
هند :: اساميكم زينة ياصبايا كيف وشكم اللي كيف البدر ف ليلة تمامة .
رحيل :: هو احنا هنمشي امتا علشان تليفوناتنا فاصلة شحن من امبارح ونسينا نجيب شاحن وفي ناس هيبقو قلقانين علينا اووي .
هند :: بتتحدتي كأيواننا حابسينكم لا سمح الله انتم ضيوف سي مهيب يعني نشيلوكم ف حبابي عنينا .
رحيل :: انا اسفة والله مقصدش كدة بس حضرتك متعرفيش اللي حصلنا امبارح بليل ناس طلعو علينا وكانو هيخطفونا لولا استاذ مهيب انقذنا منهم
فريدة :: وكمان خدو عربيتنا احنا كدة مش هنعرف نروح من غيرها .
هند:: جصدك العربية الزرجاء متجلجيش اهي مركونة جدام المندرة اديلها ساعتين .
رحيل :: بجد دة ازاي طيب .
هند :: اللي عرفتة من الحريم أن سي مهيب بعت الرچالة چروها لحد هني .
فريدة :: طب فين البنزين اللي هنا علشان العربية مفيهاش بنزين واحنا لازم نمشي .
هند :: متستعجليش انا زي ما جلتلك انتو صيوفنا والبنزين دي بتأچي عريية خزان كل اسبوع علشان مولدات الكهرباء ومكينات الري والعربيات اللي ف البلد .
فريدة :: ودي هتيجي امتا ؟
هند :: احنا النهاردة الاربع هتيچي يوم الچمعة ف العربية .
رحيل :: بس احنا منقدرش نفضل كل دة هنا وتليفوناتنا مقفولة .
هند :: شوفي كل اللي يلزمك اكتبية ف ورجة وساعة زمن ويكون حداكي هني .
رحيل :: شكرا يا طنط بجد مش عارفة اشكرك ازاي .
هند :: بردك طنط دي يا بتي جوليلي يا عمة ايي صعبة دي .
رحيل :: حاضر يا عمة قوليلي هو احنا هنا فين انا لسة لحد دلوقتي معرفش .
هند :: انتي ف بلد السلطان .
رحيل :: اول مرة اسمع الاسم دة حتي علي الخريطة امبارح قبل تليفوني ما يفصل مكنش ظاهر بلد بالاسم دة عليها .
هند :: ومين جالك اننا عالخريطة ديية دة احنا محدش يعرف عننيا حاچة واصل .
رحيل :: ازاي يعني يا عمة ؟
هند :: يا بتي احنا اجرب عمار لينا تفضلي راكبة العربية يأچي ساعة ف الصحراء علشان توصليلة.
اميرة :: طب انتم عايشين ازاي كدة .
هند :: احنا عايشين ومبسوطين ومش ناجصنا حاچة واهل البلد هني مابيخرچوش منييها واصل وكل اللي يلزمك حاجة بتيجي كل اسبوع .
رحيل :: يعني انتم علي كدة مفيش اي حاجة غير الأراضي والزراعة وبس .
هند :: مين جال كدي احنا عندنا مدارس ابتدائي واعدادي بانيهم ابويا سلطان بية الكبير الله يرحمو واللي بيخلصهم وعايز يكلم علام ويروح الثانوية العامة بيروح مدرسة ف العمار والولاد بيچمعو بعضهم ويروح وياچو سوا بعربيات كبيرة ابويا الله يرحمو كان چايبها عشان كدي .
رحيل :: يعني انتم هنا عايشين مستقلين بذاتكم وعايشين مع نفسكم كدة بعيد عن الدنيا .
هند :: احنا هني عايشين مرتاحين والحمد الله ف نعمة من عند الله جولولي بجا انتو اية اللي چابكم النواحيدي دة مفيش غريب يأچي حدانا واصل .
رحيل :: احنا كنا مسافرين ل بلد علي الطريق الغربي والتليفون فصل ومعرفتش اوصل والبنزين خلص وحصل اللي حكيتة ل حضرتك يا عمة لما استاذ مهيب انقذنا .
فريدة :: ايووة صح هو فين مهيب دة ولية مخبطش علينا قالنا انة جاب العربية .
هند :: مكنتش هصدج لو حوصل مهيب ابن اخويا ميعملش كدي واصل ميجدرش يخبط علي حريم جاعدين لوحدهم ابدا علشان كدي شيعلي الحريم يدوني خبر .
رحيل :: انا بحب اووي الحاجات دي والكلام اللي بسمعة عن الصعيد ممكن يا عمة تحكيلي عن بلدكم دي شوية .
هند :: من عينيا يا جمر انتي .
** دخلت واحدة من الحريم معاها صينية اكل **
الست :: فطار الضيوف يا عمة زي ما امرتي يلزمش حاچة تانية نعملوها ل ضيوف سي مهيب .
هند :: اومال فين سيدك مهيب دلوك .
الست :: معرفاش يا عمة بس سمعت ان الرچالة هيلمو بعضهم ويرحو الديوانية بعد صلاة الضهر .
هند :: اتخبلتي ايااك يا مجصوفة الرجبة انتي الديوانية مجفولة من ايام سي فخر اخويا الله يرحمو .
الست :: معرفاش يا عمة سمعتهم بيتحدتو انهم عايزين سي مهيب يجعد ف الديوانية بس بيجولو سي عوني وهيجعد ف الديوانية يستجبل الرچالة .
هند :: يا وجعة طين دة بينة هيبجي نهار اسود علي دمغاتنا كلتنا امشي انتي دلوك و اول ما الرچالة ياجو تديني خبر علشان اجعد ف جاعة الحريم بتاعة المظاالم ويلا انا عايزة البلد كلتها لازم تعريف أن سي مهيب حفيد السلطان هيجعد ف الديوانية وخلي الحريم وينضفوها ويخوها مضيفة علشان الجعدة .
* الست مشيت *
رحيل :: هي اية الديوانية دي يا عمة ؟
هند :: بصي يا بتي الديوانية دي زي بالمحكمة حداكم ف مصر بتشوف مزالم للناس وبتجضي حوائجهم بس هني الجاضي بيكون كبير العيلة بتاعتنا .
رحيل :: ولية ميبقاش حد تاني من اهل البلد ؟
هند :: علشان دة العهد يابتي .
رحيل :: عهد اييةياعمة ممكن افهم علشان دماغي بدات تلف ؟
هند :: بصي يابتي **
###
البلد دي كلها كانت بتاعة چدي وكان الفلاحين كلهم شغاليين ف الأراضي بتاعتة ساعتها كان في حاچة اسمها العبيد يعني الناس كأنو عبيد عندة
و زمان جووي ايام ابويا سلطان بية ما كان كبير العيلة و هو ف عز شبابة جامت ثورة ٢٣ يوليو والريس عبد الناصر ساعتها كان بياخد الاراضي من الاغنياء يديها للفلاحين الغلابة .
ابويا جال محدش هياخد ارضنا غصب عنينيا ويكسر عينا جصاد الفلاحين .
ف چمع الفلاحين كللاتهم وكل فلاح عندة عيلة ادالة حتة ارض وخد منهم عهد امهم هيبجو عائلات بس تفضل عيلة السلطان هي اللي ماسكة البلد ويفضل الكل فاكرةماينساش أن السيد الاول والاخير هو كبير عيلة السلطان اللي هيكون علية الدور ف من نسلة ويكون سيدهم وسيد البلد كلاتها .
ولما مچلس جيادة الثورة جيةالبلد علشان ياخدو الاراضي لجو الفلاحين اصحاب ميلك ف طبعا مجدروش ياخدو اراضي تانية من اوبيا ماكل الفلاحينبجا عنه ارض وماينفعش يچيبو فلاحين من بلد تانية .
وبعدها كلواحد عيلتة كبرت وبجو عائلات كبيرة وكتيرةجووي بس مجدروش ينسو العهد اللي خدو عليهم ابويا سلطان بية الله يرحمو وبعد ما مات بجا سيدنا وسيد البلد كلها سي فخر اخويا الله يرحمة ابو مهيب بس اتجتل من سنين كتيرة ومن ساعتها والديوانية مجفولة عشان مهيب ولد اخوي رفض يكون سيدنا وفضل عايش ف مصر مع امة واخواتة البنات هناك وبيچي هني زيارات .##

** الست دخلت تاني :: الحجي يا عمة الديوانية بدات والرچالة دخلو وبيجعظو دلوك وجاعة الحريم هتتمل ي بس اني جلتلهم العمة هتاچي ف كلاتهم سابو مكانك فاضي ياعمة .
هند :: وسيدك مهيب فين ؟
الست :: لا ياعمة مچاش بس شوفت سي عوني چاي علي الديوانية .
هند :: يلا يا صبايا تعالو معايا هوريكو الديوانية وهتجعدو معايا ف جاعة الحريم .
رحيل :: بجد ياعمة يعني هنشوف المحكمة اللي بتقولي عليها دي ؟
هند :: مهياش محكمة يابتي دي مچلس عرفي لحل كل حاچة ف البلد واي حد عندة مشكبة او مظلمة بيعرضهاف الديوانية علي سيدنا والرحيم بتيجي ف جاعة تانية مفصولة بتسارة بطول الجاعة علشان محدش من الرچالة يطل ع الحريم واي ست عندها مشكلة تحولة يعني ورث ولا حاجة وكدي يعني .

** رحيل واميرة فرحو اوووي ووافقو يروحو الديوانية مع هند **

............................. الديواااانية ........................
الديوانية عبارة عن قاعة كبيرة مقسومى جزئية جزء كبيرة الرجالة وجزء تاني للستات وبيفصل بيهنم ستار بطول القاعة علشان لو في ست عايزة تقول حاجة محدش يبقا شايفها والكراسي مرصوصة علي الجنبين ف نهايتهم درجتين سلم عليهم كرسي كبير المقابض بتاعتة علي شكل راس اسد *

* الرجالة دخلو من الباب الكبير وقعدو علي الكراسي والستات دخلت من الباب التي اللي بيودي علي القاعة بتاعتهم *

* الرجالة قاعدين بيتملو كلهم مستنين مهيب يحضر *
دخل الحاج عوني ابن عم فخر الدين ابو مهيب *
عوني :: اية يا رچالة بلغني انكم اتفجتو كلكم علشان تيچو الديوانية
مش كان واچب تدوني خبر علشان اچي واجعد مكاني .
الحاج عبد الصبور :: وانت دخلك اية ياحاچ عوني احنا چايين عشان سيدنا مهيب بية
الحاج فتحي :: بصوا يا رچالة احنا المره دي لازم نتفج مع سيدنا مهيب وناخذ منه العهد عشان البلد حالها يتصلح
الحاج طه :: عين العقل يا حاچ فتحي ان شاء الله سيدنا ميب ماهيردناش خايبين الرچا .
الحاج عبد الصبور :: ما تجلجووش يا رچاله ان شاء الله هيجر بخاطرنا وهيوافج .
الحاج عوني :: بس افتكر أن مهيب رافض شغل العيله والبلد علشان كده مبجاش هو سيدنا اوبة سيدنا فخر كان رافض الشغل ديية .
* الوقت بيمر ومهيب ما جاش الحاج عوني قرب من الكرسي وقال :: دلوك يا رچاله بما أن مهيب شكله سافر ومش چاي يبجى اني الاحق بمكبرة البلد كلها .
* وقرب علشان يقعد على الكرسي *
صوت من اخر القاعه:: انت هتعمل ايه يا حاچ عوني انت نسيت روحك ولا ايي ؟؟
الكل بص لاخر القاعه لقو مهيب داخل عليهم وماشي بقوة وثقه
مهيب :: انت ازاي تفكر تقعد مكان ابويا الله يرحمه فخر الدين ؟
الحاج عوني :: انت ماعيزش تكون سيدنا وانا الحج بيها .
مهيب :: الحديت ده لو كان نسل ابويا انجطع لكن طول ما اني عايش على وش الدنيا ما حدش هيجعد مطرحه ابدا .
**** الرجاله كلها فرحت وهند خلت الستات حواليها يزغرطو
مهيب قعد علي كرسي السيد
مهيب :: كل اللي عنده مشكله او مظلمه يجولها .

* وبدا الرجاله يقولوا المشاكل ومهيب يتناقش ويحلها لحد ما في اخر الجلسه رحيل واميره لقوا واحده وقفت واتكلمت بصوت عالي :: يا سيدنا انا عندي مظلمه وعايز اشتكي .

مهيب :: وعايزه تشتكي مين وايه مظلمتك ؟
البنت ::عايز اشتكي البلد كلاتها .
مهيب قام وقف :: البلد كلها ظلمتك احكي وربي ما هتخرجي من الديوانيه الا وانتي مرضيه .
البنت :: يا سيدنا انا كان عندي مراة اب ليها في بسم الله الرحمن الرحيم والعياذ بالله يعني الاعمال والسحر وكان متجدم لي واحد من شباب البلد و مراه ابويا ما كانتش موافجه عليه وبعدها بفتره مات واهل البلد جالوا علىا نحس ولما مراه ابويا ماتت جالوا على ورثت عنها السحر وشغل الاعمال وما حدش بجى يتجدم لي وانا كبرت وجطر الچواز جرب يفوتني ومطالباش غير السترياسيدنا .
مهيب :: الليله هيتجدملك زينه شباب البلد كلهم وانتي توافجي على اللي يلد عليكي .
اول ما مهيب ما خلص كلامه قال كده الديوانيه اتفضت يا رچاله الستات فضلت تزغرط الرجاله بقوا يقولوا اللي خلف ما مامتش والحاج عوني خرج بره الدونيه يتكلم في التليفون

الحاج عوني :: الو ايوووة يا باشا ... عارف أن حضرتك جلت الشغل كلة بجا مع البيةالكبيرة بس الموضوع يخص حاچة جديمة كنا جفلناها زمان بس الظاهر دلوك محتاچين نجفلها علشان متفتحش علينا من تاني ... هحكيلك يا باشا ..
*********************
يتبع...
لقراءة الفصل السادس عشر : اضغط هنا
لقراءة باقي فصول الرواية : اضغط هنا
هل اعجبك الموضوع :

تعليقات